كل ما تريد معرفته عن (كندا)

[nancyezat]

الاخت جيهان

صباح الخير

شكرا على الرد الفوري بتاعك على فكرة والله انا من اول ماقريت رسائلك في المنتدى حسيت انك قريبة مني في التفكير مش عارفة ليه ودا كلام حقيقي مش مجاملة, واتاكدت من دا لما قريت ردك الاخير عليا و قلتيلي انك فتحتي مكتب استيراد اصل انا بشتغل رئيس قسم استيراد في شركتي في مصر وعندي خبرة 8 سنين في الموضوع دا وانتي عارفة الناس بتوع الاستيراد دماغهم واحدة عشان كدا بقولك انا حسيت انك قريبة مني , وبالمناسبة دي احب اسالك عن مستقبل الشغلانة دي في كندا( طبعا انا عارفة اني لازم اخد خبرة كندا ) بس تفتكري هعرف الاقي حاجة في نفس المجال بتاعي بسهولة ولا في اي دراسة لازم اعملها قبل كدا والمرتب كام تقريبا, وكمان عايزة اسالك المدرسة بتبقى من الساعة كام الى الساعة كام ولو هودي البنات بعد المدرسة daycare هدفع برده 7 دولار ولا كام تقريبا, ومعلش لو هتقل عليكي سؤال اخير ازاي اعرف مستوى المدارس يعني هسال ازاي ومين على المدارس الكويسة واسعارها تقريبا لو خاصة بتبقى كام .

انا عارفة اني طولت عليكي بس انتي سبقتيني في الهجرة وعارفة الواحد بيبقى في دماغه اسئلة اد ايه في الاول .

[wagdi]

وكمان عايزة اسالك المدرسة بتبقى من الساعة كام الى الساعة كام ولو هودي البنات بعد المدرسة daycare هدفع برده 7 دولار ولا كام تقريبا.

الdaycare عادة من 6 صباحاً ل 6 مساءً... بعد كدة الدقيقة بدولار...المدارس بتخلص في حدود الساعة3 او 4...وكذلك الشغل ما بين 4 و5...

ومش كل الdaycare ب7 دولار... الأصل من 25 إلى 30 دولار في اليوم...في منهم مسجل مع الحكومة فبتاخدي الدعم مباشرة في إنك تدفعي 7 دولار يس، وفيه daycares تانية بتدفعي ال 30 دولار مثلاً والفرق بتاخديه من الحكومة... وعادة النوع الأول بيبقى بقوائم إنتظار ونصيحتي أول حاجة تعمليها أول ما تيجي هو إنك تحجزي مكان لأن ممكن ماتلاقيش...

وطبعاً الدعم ده مشروط بأن يكون كلا الأبوين بيشتغلوا أو بيدرسوا...لكن لو واحد فيهم قاعد في البيت يبقى لا يستحق الدعم...

وربنا يوفقك...

[nancyezat]

الاخ وجدي

اشكر مداخلتك جدا ,وفعلا موضوعاتك ايضا من المواضيع الجادة والحقيقية والشيقة .

[princedody]

[color=#3366FF]princedodyAug 21 2006, 05:27 PM

هل ممكن أى حد من الشباب الجميل المقيم بكندا يرد على هذا السؤال حيث اننى بصدد الهجرة لكندا وقدمت أوراقى لمكتب لندن منذ 1/5/2005 ممكن حد يعرفنى متى بالضبط ممكن أن أنتهى من كافة الإجراءات حيث أننى كلما حاولت متابعة الطلب على الموقع أجد أنه مازال فى عملية processing ولا أعرف متى بالضبط حيث أننى مصرى عمرة 26 سنه مقيم بالكويت ومقدم عن طريق مكتب معتمد وحاصل على ليسانس آداب وتربية قسم لغة إنجليزية وأعمل مترجم بشركة خاصة

أما السؤال هو هل من حق المقيم بكندا حرية السفر الى الولايات المتحدة أم لا لأننى سمعت من بعض الأصدقاء أن الحدود مفتوحة بين أمريكا وكندا

أو بمعنى أخر إذا كان الشخص مقيم بكندا ويريد الذهاب للولايات المتحدة هل لابد من الحصول على فيزا أم لا وما هى إمكانية عمل المقيم بكندا فى الولايات المتحدة؟

شكرا جدا على الإفادة

البرنس الكويت

هاديAug 25 2006, 05:39 AM

أخي العزيز Hady

تم قبول اوراق اعتمادك اخا عزيزا كريما في المنتدى وفي فريق الاسد الرعب في كندا

وسيكون موقعك في الفريق ونج لفت انسايد هاف باك

ياريت تبتدي تهتم بصحتك وتاكل كويس لان كندا محتاجه شوية مجهود

ربنا يوصلك لينا بالف سلامة

------------------------------

اخي البرنس - عين اعيان الكويت

يعني الدينار ابو عشرين جنيه وعبد الرويشد واللهم لا اعتراض والسالمية وحولي والزير سالم

انت قدمت طلبك ياعزيزي في مايو 2005 يبقى يادوب تفتكرهم وعليك خير في مايو من العام القادم

أما عن دخولك امريكا والعمل فيها

باختصار شديد الاجابة : إنسى

لابد من حصول كل كندي على تأشيرة من العام القادم سيتم تطبيقها

ولايمكن لنا العمل هناك سوى بتأشيرة عمل

لكن ممكن تشتغل من تحت الترابيزة في شغلانات متواضعه

وأي سؤال نحن في الخدمة

اخوك هادي الذي لم يصبح كندي بعد

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بداية أود أن أتقدم بخالص الشكر والإمتنان الى عمدة المصريين بكندا السيد هادى المحترم وكل المصرين الموجودين بكندا

وأود أن أبارك لكم بمناسبة قرب عيد الفطر المبارك أعادة الله عليكم جميعاً وعلى الأمة الإسلامية بالخير واليمن والبركات .

بالنسبة للرد الذى تكرم السيد هادى به فلدى بعض الإستفسارات

1. بالنسبة لقولك يادوب تفتكرهم فى مايو 2007 هل معنى ذلك ان الموضوع ممكن يكون خالص انشاء الله فى مايو ام ما هى الخطوة التى سوف تكون فى مايو ؟؟؟؟؟؟؟

2.بالنسبة لدخول أمريكا فلقد قلت إنسى الدخول او العمل إلا بتأشيرة ثم بعد ذلك قلت ممكن شغلانات من تحت الترابيزة ممكن اعرف شغلانات متواضعة من تحت التربيزة زى إيه ؟؟؟

وهل فى حالة التقدم للحصول على الفيزا لأمريكا هل الفيزا بالنسبة للمقيمين بكندا صعبة أم سهلة لأن المحامى اللى بيخلص ورق الهجرة لى هنا فى الكويت قال ان الفيزا من كندا سهلة جدا وتعطى لمدة كبيرة أكثر من 10 سنين دخول متعدد

3. ممكن أعرف بالضبط ما هى مصاريف Landing وهل هى نفسها مصاريف الفيزا ام مختلفة عنها

آسف للإطالة ولكن سامحونى

شكراً جزيلاً على الإفادة وعلى فكرة أنا متابع يومى لجميع مداخلات الشباب الجميل فى المنتدى مثل ( وجدى / إيهاب سالم / نصر / سندريلا / نانسى / جيهان ) والجميع وفقكم الله لما فية خير الدنيا والآخرة

وشـــــــــــــــــــــــــــــــــــــــــــــــــــــكــراً

البرنس

الكويت

[Gihan]

السلام عليكم ورحمة اللة وبركاتة

الى الاخت نانسى

تصورى ان صديقة عمرى اسمها نانسى --- يعنى القلوب عند بعضها

بالنسبة للشغل وبما ان شركتى صغنونة ماقدرش اقولك فرص الوظيفة دى اية او بتدفع كام لكن اللى اعرفة ان مونتريال hub جوى وبحرى مهم يعنى فرص الشغل في المجال دة تبقي كويسة

وبما ان دى وظيفة بتعتمد على الخبرة اعتقد ان فرصت حتكون ممتازة ان شاء اللة

احسن طريقة انك تروحى على المواقع اللى بتعلن عن وظايف و تشوفى اية الموجود

زى www.jobboom.com

www.monster.ca

www.workopolis.com

اما عن اختيار المدرسة فدى تيجى بعد اختيار البلد والحى اللى عايزين تعيشوا فية وعموما اولادك لسة صغيرين يعنى عندك وقت تشوفى وتقارنى وتغيرى لو عايزة

فى كمان حاجة مهمة تعرفيها وهى ان هنا الناس بتعزل من مكان للتانى بسهولة يعنى مش زى مصر فممكن تسكنى فى مكان مؤقتا لحد ما تختاري الحى اللى يعجبك ويكون قريب من شغلك كمان

معلومات عن daycare

http://www.naissance.info.gouv.qc.ca/fr/so...mp;miette=liste

حتلاقي معلومات كتير علىhttp://www.cic.gc.ca/english/newcomer/guide/index.html

على فكرة انتى جاية على مونتريال ولا تورونتو ان شاء اللة

اللى الا خ الحازم حسن

حسب علمى مافيش جهات او موسسات لمساعدة اللى عايز يهاجر قبل ما يقدم ويتقبل

اعتقد ن السبب ان فية الاف ويمكن ملايين الناس في العالم بيفكروا في الهجرة لكندا و كل واحد ظروفة مختلفة

بعد ما المهاجر يتقبل يوصل هنا بيلاقى مساعدات كتيرة من الحكومة وغيرها

احسن طريقة ان الواحد يدور على المعلومات على النت وفى كل موقع حيلاقى links لمواقع تانية متخصصة وممكن تفيدة

بالنسبة للخبرة وهل هى متعلقة بالشهادة او لا ماعتقدش انك تلاقى رد واحد لان دة يتوقف على المجال

فى الاول الطلب بيتقبل او يترفض بناء على criteriaمحددة وكل واحدة عليها نقط يعنى الشهادة وعدد سنين الدراسة بتدى عدد نقط معين عدد سنين الخبرة بتدي نقط معرفة اللغة بتدى نقط وهكذا

لو مجموع النقط يعدى بيبقبلوا مبدءيا الطلب و بعدين بيدرسوا كل حالة لوحدها

فية كمان بعض المهن regulated فيبقى اصعب في عمل المعادلة والاعتراف بسنين الخبرة

حتلاقي شرح تفصيلى للنقط و طريقة تحسب بيها نقطك على

http://www.cic.gc.ca/english/skilled/index.html

تحياتى

[نصر]

[color=#3366FF]princedodyAug 21 2006, 05:27 PM

2.بالنسبة لدخول أمريكا فلقد قلت إنسى الدخول او العمل إلا بتأشيرة ثم بعد ذلك قلت ممكن شغلانات من تحت الترابيزة ممكن اعرف شغلانات متواضعة من تحت التربيزة زى إيه ؟؟؟

وهل فى حالة التقدم للحصول على الفيزا لأمريكا هل الفيزا بالنسبة للمقيمين بكندا صعبة أم سهلة لأن المحامى اللى بيخلص ورق الهجرة لى هنا فى الكويت قال ان الفيزا من كندا سهلة جدا وتعطى لمدة كبيرة أكثر من 10 سنين دخول متعدد

3. ممكن أعرف بالضبط ما هى مصاريف Landing وهل هى نفسها مصاريف الفيزا ام مختلفة عنها

عزيزى البرنس

1 امريكا بعد 9/11 ليست امريكا قبلها يعنى مثلا الطلاب المصريين من جامعة الزقازيق اللى كانوا واخدين منحة دراسة لامريكا - من حوالى 3 شهور- وبعد مانزلوا لا راحوا جامعه ولا غيره اختفوا الدنيا اتقلبت عليهم لدرجه أن CNN نشرت الخبر :) و رئيس جامعة الزقازيق راح امريكا علشان يحل المشكله و اعتقد حتى الأن لسه مقبوض على بعضهم.

حتى لو أنت كندى من أصل عربى ممكن يعملوا كل المضايقات و يمنعوك من الدخول بدون سبب وهذا حدت مع صديق لى بعد التحقيق معاه لمدة يومين يعنى فعلاً مش فكره جيده أنك تحاول العمل فى امريكا بدون ورق رسمى علشان كده نرجع لكلام الأستاذ هادى انسى

. مصاريف ال landing نقلاً عن CIC

The new Right of Permanent Residence Fee is $490 for immigrants who become permanent residents effective as of May 3, 2006.

http://www.cic.gc.ca/english/index.html

تم تعديل 21 أكتوبر 2006 بواسطة نصر

[princedody]

امريكا بعد 9/11 ليست امريكا قبلها يعنى مثلا الطلاب المصريين من جامعة الزقازيق اللى كانوا واخدين منحة دراسة لامريكا - من حوالى 3 شهور- وبعد مانزلوا لا راحوا جامعه ولا غيره اختفوا الدنيا اتقلبت عليهم لدرجه أن CNN نشرت الخبر و رئيس جامعة الزقازيق راح امريكا علشان يحل المشكله و اعتقد حتى الأن لسه مقبوض على بعضهم.

حتى لو أنت كندى من أصل عربى ممكن يعملوا كل المضايقات و يمنعوك من الدخول بدون سبب وهذا حدت مع صديق لى بعد التحقيق معاه لمدة يومين يعنى فعلاً مش فكره جيده أنك تحاول العمل فى امريكا بدون ورق رسمى علشان كده نرجع لكلام الأستاذ هادى انسى

. مصاريف ال landing نقلاً عن CIC

The new Right of Permanent Residence Fee is $490 for immigrants who become permanent residents effective as of May 3, 2006.

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الأخ العزيز نصر باشا

تحية طيبة

بداية شكراً جزيلاً على الرد الذى تكرمت به ولكن لدى بعض الملاحظات

1. اولا الطلاب اللى حضرتكم بتتكلم عليهم من جامعة المنصورة وليس جامعة الزقازيق وكانوا مسافرين فى نظام التبادل الطلابى بين جامعه المنصورة وجامعة مونتانا الأمريكية لمدة شهر من يوليو2006 لدراسة اللغة الإنجليزية وكل طالب كان دافع مبلغ 22000 جنية مصرى ( يعنى ليست منحة) وعلى فكرة كانوا 17 طالب 6 منهم ذهبوا بالفعل الى الجامعة وحصلوا على الكورس ورجعوا مصر و 11 هربوا وتم القبض عليهم ورجعوا الى المنصورة

2. يا سيدى الفاضل رد السيد هادى بعدما قال إنسى دخول أمريكا الا بفيزا قال وتوجد شغلانات متواضعة من تحت الترابيزة فما هذه الشغلانات؟؟؟؟؟؟

وشكراً للجميع

سلامى الخاص للعمدة الكبير هادى باشا وعلى فكرة يا سيد هادى الدينار مش بعشرين جنية ولكن عليه عشرين عفريت كما تعلم فكما علمت انك كنت من مقيمين الكويت

تم تعديل 25 نوفمبر 2006 بواسطة princedody

[Dr.mmfriend]

الاخ الصعيدي

بعتتلك الرد في رساله خاصه

اسف علي التاخير

كان عندي نبطشيات خميس وجمعه

اسف مره تانيه

سلام عليكم

[Lembic]

صباح الخير وشكرا على المنتدى والموضوع الرائع جدا جدا جدا

وشكرا لكل من ساهم بمعلومات تفيدنا بالهجرة لكندا

وانا عندي سؤال اتمنى اجد اجابه له عندكم

هل ممكن أقدم على طلب هجرة وأنا الان طالبه بدرس بكندا ؟ اعمل ايه وازاي ؟ ياريت تساعدوني

و رمضان كريم

أكيد ممكن وأفضل شئ أن تقدم عن طريق القنصليات الكندية فى أمريكا ولكن المشكلة إنك لازم تقيم فى كندا لمدة 12 شهر الأول قبل أن يمكنك التقدم عن طريق أمريكا وإلا سيقولوا لك قدم أوراقك عن طريق بلدك الأم (مصر). أما الApplication forms فهى فى غاية البساطة ومش محتاجة محامى ولا حاجة والمهم الدقة فى ملئ الforms والتأكد من وجود المستندات المطلوبة من شهادات خبرة وميلاد وخلافة وأن يكون مصدق عليها فى مصر من الجهات المعنية. بالمناسبة الفيش والتشبيه يمكن عمله فى القنصلية المصرية فى أوتوا.

[نصر]

امريكا بعد 9/11 ليست امريكا قبلها يعنى مثلا الطلاب المصريين من جامعة الزقازيق اللى كانوا واخدين منحة دراسة لامريكا - من حوالى 3 شهور- وبعد مانزلوا لا راحوا جامعه ولا غيره اختفوا الدنيا اتقلبت عليهم لدرجه أن CNN نشرت الخبر و رئيس جامعة الزقازيق راح امريكا علشان يحل المشكله و اعتقد حتى الأن لسه مقبوض على بعضهم.

حتى لو أنت كندى من أصل عربى ممكن يعملوا كل المضايقات و يمنعوك من الدخول بدون سبب وهذا حدت مع صديق لى بعد التحقيق معاه لمدة يومين يعنى فعلاً مش فكره جيده أنك تحاول العمل فى امريكا بدون ورق رسمى علشان كده نرجع لكلام الأستاذ هادى انسى

. مصاريف ال landing نقلاً عن CIC

The new Right of Permanent Residence Fee is $490 for immigrants who become permanent residents effective as of May 3, 2006.

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الأخ العزيز نصر باشا

تحية طيبة

بداية شكراً جزيلاً على الرد الذى تكرمت به ولكن لدى بعض الملاحظات

1. اولا الطلاب اللى حضرتكم بتتكلم عليهم من جامعة المنصورة وليس جامعة الزقازيق وكانوا مسافرين فى نظام التبادل الطلابى بين جامعه المنصورة وجامعة مونتانا الأمريكية لمدة شهر من 29/7/2006 لدراسة اللغة الإنجليزية والثقافة الأمريكية وكل طالب كان دافع مبلغ 22000 جنية مصرى ( يعنى ليست منحة) وعلى فكرة كانوا 17 طالب 6 منهم ذهبوا بالفعل الى الجامعة وحصلوا على الكورس ورجعوا مصر و 11 هربوا وتم القبض عليهم ولعلمك الخاص الجميع رجعوا الى المنصورة ومداومين فى جامعة المنصورة الآن .

2. يا سيدى الفاضل لو قرأت مداخلتى جيداً ورد السيد هادى بعدما قال إنسى دخول أمريكا الا بفيزا قال وتوجد شغلانات متواضعة من تحت الترابيزة وأنا أسال عن هذه الشغلانات؟؟؟؟؟؟

3. سألت أيضاً عن مدى سهولة أو صعوبة أن يحصل المقيم بكندا على فيزا لدخول امريكا ولكن سيادتكم حسستنى أن المقيم بكندا لو ذهب للسفارة الأمريكية لطلب فيزا دخول ممكن يرسلوه الى سجون جوانتناموا يا سيدى الفاضل انا أعرف ناس كتير مقيمين هنا فى الكويت عندما ذهبوا الى السفارة الأمريكية أخذوا الفيزا 10 سنوات دخول متعدد فكيف يكون الحال بالمقيم بكندا؟؟؟؟؟؟؟؟؟؟؟؟؟

4. أنا سألت سؤال وهو هل مصاريف الـ Landing هى نفسها رسوم الفيزا أم هناك إختلاف بينهم

وشكراً للجميع

أين مشاركات باقى الأخوة الأفاضل

سلامى الخاص للعمدة الكبير هادى باشا وعلى فكرة يا سيد هادى الدينار مش بعشرين جنية ولكن عليه عشرين عفريت كما تعلم فكما علمت انك كنت من مقيمين الكويت

عزيزى البرنس

1- هتفرق اسم الجامعه والتفاصيل المهم تفهم الفكره أن امريكا تغيرت

2- يسال فيها الأخ هادى مشكوراً

3- أنت بتسأل عن الفيزا و مش مهم أى حاجه تانيه حتى لو مادخلتش -

4- أنا قلتلك مصاريف Lanading وبعتللك LINK ادخل اعمل المقارنات اللى أنت عايزها

تم تعديل 22 أكتوبر 2006 بواسطة نصر

[princedody]

الأخ نصر باشا

تحية طيبة

بداية ألف ألف مليون شكر على ردك على مداخلاتى جعلها الله فى ميزان حسناتك

على فكرة مكنشى قصدى من موضوع الجامعة ان تفرق اسم الجامعة ام لا ولكن والله العظيم ذلك كان للتوضيخ ليس إلا وعذراً إذا كنت فهمت كلامى خطأ

أيضاً أنا مكنشى قصدى من السؤال على الفيزا هو الحصول عليها فقط وإنما ذلك كان لزيادة المعلومات عن تسهيلات المقيمين بكندا التى بفضل الله ثم فضلكم جميعاً أعطيتمونا معلومات كافية ووافية عنها من كافة الجوانب لدرجة أنا الواحد حاسس انه يعرفها وعايش فيها وذلك جزاؤة إنشاء الله عند رب العالمين فى ميزان حسناتكم

بالنسبة للأخ هادى فأنا فى إنتظار ردة ورأيه فى الموضوع

ومرة ثانية ومليون أرجو من السيد نصر باشا أن يقبل جزيل الشكر عن الرد الذى قام به

وربنا يوفقكم جميعاً فى بلاد الغربة ويسدد خطاكم

وكــــــــــــــــــــل عـــــــــــــــام والجميــــــــــــــــع بألف خيــــــــــــر علينا وعلى الأمة الإسلامية

[نصر]

الأخ العزيز البرنس

بعض المعلومات عن تأشيره الدخول للولايات المتحده من كندا

أولاً الكنديين

حالياً الفيزا ليست مطلوبه و لكن (تحقيق شخصيه و كارت الجنسيه)

من يناير 2007 لابد من تقديم جواز السفر -بدون تأشيره أيضاً- للمسافرين جواً من كندا للولايات المتحده

من يناير 2008 لابد من تقديم جواز السفر -بدون تأشيره أيضاً- للمسافرين بأى وسيله من كندا للولايات المتحده

ثانياً الحاصلين على الأقامه بكندا

قبل 17 مارس 2003 الدخول بدون تأشيره ولكن بجواز سفر

من 17 مارس 2003 الدخول بتأشيره وليس بالضروره طلب مقابله شخصيه

من 29 سبتمبر 2006 الدخول بتأشيره ولازم ولابد من تحديد مقابله شخصيه و تكون أول خطوه لطالبى التأشيره من عمر 14 إالى 80 ويتم الأتصال برقم 2778-451-900 والدقيقه ب1.89 دولار

والمواطنين من ايران السودان ليبيا كوريا الشماليه كوبا و سوريا يجب عمل مقابله شخصيه بغض النظر عن السن!!!

الرسوم للتأشيره 100 دولار ويتم أخذ البصمات و طلب كشف حساب من البنك و كذلك خطاب من جهة العمل

فتره الأنتظار من وقت تحديد المقابله حتى حدوثها

Montreal 6 weeks in advance

Ottawa 8 weeks in advance

Calgary 4 weeks in advance

Toronto 10 weeks in advance

Quebec City 3 weeks in advance

Halifax 3 weeks in advance

Vancouver 8 weeks in advance

بعد المقابله الشخصيه و فى حالة الموافقه تأخذ التأشيره فى اليوم التالى

تحياتى لك وكل عيد والمسلمين بخير

تم تعديل 22 أكتوبر 2006 بواسطة نصر

[nancyezat]

في البداية اود ان اقول لجميع المشاركين في المنتدى كل عام وانتم بخير بمناسبة عيد الفطر المبارك اعاده الله علينا باليمن والبركات ان شاء الله

وسلام مخصوص الى جيهان واشكر ردك جدا اما بخصوص قدومي المفترض انه الى مونتريال بس لسا مترددين شويا انا وجوزي يعني لسا ماخدناش قرار نهائي , بسانا حابة اجي مونتريال عشان اتعرف عليكي واكيد ان شاء الله ربنا هيكتبلنا اللقاء وكل عام وانت بالف الف صحة وخير .

سلام

[المهندس رضوان]

السلام عليكم

والله انا متفاجئ جد جدا لان اجد اناس مثلكم شغلهم مساعدة الناس وتبيان الطريق لهم

وحقيقة الامر هذا ليس غريب على ابناء الكنانة في طيبتهم وتواصلهم

ونظرا لان الموضوع يهمني كعربي من المغرب العربي وتحديدا الجزائر اردت ان استفسر بعض الاستفسارات عساي اجدا اجابات شافية لها

المهم

ابلغ من العمر 24 سنة وانا مهنس هندسة تحكم الي وهندسة كهربائية واشتغل ولله الحمد في شركة بترولية جزائرية

الماهية والحمد لله جيدة جدا وافكر الان في الهجرة الى كندا لبس بحثا عن المال وانما ارضاء لفضولي ومحاولة للغوص في تجربة الهجرة وكذلك اتمام الدراسة

وسؤالي تحديدا هو ما هو الطريق الاسهل لمواصلة الدراسة في كندا - ماجيستير ودكتوراه -وهذا طبعا بعد القيام باجراءات الهجرة والذهاب الي هناك

ثانيا هل يمكن التوفيق بين الدراسة والعمل وما هو الاجر الادنى للدارس سواء ماجستير او دكتوراه.

هل يمكن استبدال التخصص في الدراسات العليا ...مثلا انا مهندس تحكم الي ....هل يمكن اني اعمل ماجيستير ادارة اعمال على سبيل النثال

دمتم بود والله ولي التوفيق

[Gihan]

كل عام وانتم بخير وصحة

اروح اكل كحك واجيلكم :) :)

[Leena]

أكيد ممكن وأفضل شئ أن تقدم عن طريق القنصليات الكندية فى أمريكا ولكن المشكلة إنك لازم تقيم فى كندا لمدة 12 شهر الأول قبل أن يمكنك التقدم عن طريق أمريكا وإلا سيقولوا لك قدم أوراقك عن طريق بلدك الأم (مصر). أما الApplication forms فهى فى غاية البساطة ومش محتاجة محامى ولا حاجة والمهم الدقة فى ملئ الforms والتأكد من وجود المستندات المطلوبة من شهادات خبرة وميلاد وخلافة وأن يكون مصدق عليها فى مصر من الجهات المعنية. بالمناسبة الفيش والتشبيه يمكن عمله فى القنصلية المصرية فى أوتوا.

Lembic شكرااااااااااا جدا جدا جدا على المعلومات دي ربنا يوفقك دنيا وأخره

وكل عام وانت بخيررررررررررر

[ahmedpharo1]

انا بس جاي اقول كل سنة وانتوا طيبين بمناسبة عيد الفطر

صحيح هو في احتفالات بقي وكدة بتحسوا بالعيد في كندا ؟؟؟؟

و بيبقي في اجازات ؟؟؟

معلش اسئلة كدة خطرت في بالي لما جيت اكتب الرد :)

[Lembic]

أكيد ممكن وأفضل شئ أن تقدم عن طريق القنصليات الكندية فى أمريكا ولكن المشكلة إنك لازم تقيم فى كندا لمدة 12 شهر الأول قبل أن يمكنك التقدم عن طريق أمريكا وإلا سيقولوا لك قدم أوراقك عن طريق بلدك الأم (مصر). أما الApplication forms فهى فى غاية البساطة ومش محتاجة محامى ولا حاجة والمهم الدقة فى ملئ الforms والتأكد من وجود المستندات المطلوبة من شهادات خبرة وميلاد وخلافة وأن يكون مصدق عليها فى مصر من الجهات المعنية. بالمناسبة الفيش والتشبيه يمكن عمله فى القنصلية المصرية فى أوتوا.

Lembic شكرااااااااااا جدا جدا جدا على المعلومات دي ربنا يوفقك دنيا وأخره

وكل عام وانت بخيررررررررررر

العفو مفيش شكر على واجب, أنا أسف لآنى رديت على إن السائل مذكر . أنا أسف مرة تانية .. معلومة إضافية.. يمكن للطالب الInternational إنه يقدم على تصريح عمل بعد مرور 6 شهور من إنتظامه فى الدراسة كاfull time student ويستلم التصريح ويمكنه أن يشتغل أى حاجة عند أى حد ولكن 20 ساعة فى الاسبوع فقط أيام الدراسة و40 فى موسم الأجازة.. أهم حاجة إنه يكون Full time student ومنتظم. دى حاجة مفيدة بالذات للحصول على دخل جانبى إضافى.

[princedody]

من 29 سبتمبر 2006 الدخول بتأشيره ولازم ولابد من تحديد مقابله شخصيه و تكون أول خطوه لطالبى التأشيره من عمر 14 إالى 80 ويتم الأتصال برقم 2778-451-900 والدقيقه ب1.89 دولار

والمواطنين من ايران السودان ليبيا كوريا الشماليه كوبا و سوريا يجب عمل مقابله شخصيه بغض النظر عن السن!!!

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الأخ العزيز نصر باشا

تحية طيبة

كل عام وانتم بألف خير وسلامة

بداية ألف ألف مليون شكر على ردك الشافى الوافى وياريت كل المصريين فى الغربة يكونوا مثلكم حتى تصح المقولة

لو سألتك إنت مصرى قولى إيه

قولى مصرى إبن مصرى وكل مصرى الله عليه

ملوك الجدعنة ودى حاجة فى طبعهم

فحقيقى الله عليكم يا ملوك الجدعنة وربنا يوفقكم لما فيه خير المصريين والأمة الإسلامية

والحمد لله أن مصر مش من الدول المغضوب عليها مثل إيران والسودان وليبيا وكوريا الشمالية وكوبا وسوريا ؟؟؟؟!!!!!!!!!!!!

بس ممكن إستفسار من كل من لديه معلومات عن هذا الموضوع وهو أننى لدى إعتماد كمترجم من الرابطة المصرية للمترجمين وايضاً لدى إعتماد من المجمع العربى للمترجمين المحترفين (شبكة المترجمين العرب ) ATN-APTS والسؤال هو :

1. ما هى شروط العمل فى مهنة الترجمة بكندا

2. هل مهنة الترجمة بكندا مجزية أم لا وما هو متوسط رواتب العاملين بهذه المهنة تقريباً

3. فى حالة الرغبة فى عمل دبلومة أو كورس فى الترجمة الفورية كم يتكلف وما هى أفضل جامعة لعمل ذلك

شكرأ جدأ على الإفادة من الجميع

كل عام والجميع بألف خير بمناسبة عيد الفطر المبارك أعادة الله علينا وعلى الأمة الإسلامية بألف خير

[kassem]

احلى سلام على المحاوريين والمتحاوريين ....السألين والمجاوبيين ....القراءء والمشتركيين والاخوة والاخوات

هيدي اول مشاركة لي في منتدى لذا ارجو التوفيق من الله ...الصراحة انا عندي استفسار على كم شغلة

اذا الواحد حط براسو ونوى واتكل على الله الهجرة :

اولا شي انواع الاعمال المطلوبة بكندا ...متلا انا معي اجازة بالابحاث البيولوجية (والشهادة اخدتها من لبنان والدراسة كانت بالفرنسي بالكامل ...والشهادة متؤامة مع فرنسا ) انوا هيدا المجال مطلوب بكندا او عادي ما في عليه طلب بسوق العمل.

رقم 2 : انا بعرف انوا المطلوب للهجرة لغتين الى جانب لغة الانسان الاصلية ... هيدا صحيح او المطلوب تلات لغات

الى جانب اللغة الاصلية ؟؟؟

وارجو الرد السريع .......وشكرااااااااااااا