كل ما تريد معرفته عن (كندا)

[Gihan]

السلام عليك

شوفتوا المصرى بيفضل مصرى حتى لو عاش نص عمرة برة قلت لنانسى واسامة حاكمل كلامى بعد يوم وبقالى تلاتة انا لازم اشترى keyboard عربي لما انزل مصر عشان اعرف اقعد كدة وافضفض براحتى من غير ما اكتب 3 حروف في الدقيقة

اولا لازم ارد على وجدى لان واضح ان الحالة مستعجلة بين المحشى والقلقاس

شوف يا استاذنا السلق اسمة chard beet ومتوفر طازة او ممكن تشترية مجمد فى اكياس واعتقد انة بييجى مع القلقاس المجمد من منتجات مصر

فية mini super maket اسمة الشلال عندنا فى بروسار على شارع تاشرو وعنوانة 8500 Taschereau وتليفونة 8568-923-450

دة فية كل حاجة تتمناها من الاكل العربى بما فيا كرفس مصرى

لازق فيةكمان قهوة اسمها رمسيس لو نفسك هافاك على شاى بالنعناع وشيشة بمعسل تفاح

انا بديها محشى في المناسبات وخصوصا في الصيف لما (باستلف) ورق عنب من عناباية جارتى اللى بتطرح على السور من عندنا

و خلاص ياعم المحشى الجاى تتفضل عندنا

عندك حق المصريين مش بيجتمعوا كتير زي بقية الجاليات لكن زى ما قالت الاخت سيوة وسندريلا بيتجمعوا فى مجموعات صغيرة فى الجوامع والكناءس او بيعملوا شلة من المتخرجين من نفس المدرسة زى St-Marc

الاخوة المسيحيين بالذات عندهم ترابط جميل وبيعملوا نشطة كتير من خلال الكنيسة

اللى ناقص هنا هو حاجة تربط كل المصرين وبما ان فية زيادة فى عدد المهاجرين من مصر لكندا يبقى الاحتياج لرابطة زى دى حيزيد يللا ايدى على كتفك ومعانا سندريلا ونعمل حاجة كدة فى مونتريال

حاستانى منك اخبار عن القلقاس

الا خت سيوة سلامك يوصل لمصر وان شاء اللة تشوفيها بنفسك على خير

اخواتى الاعزاء نانسي و اسامة ( شفت بقى مانسيتكش ازاى يا اسامة)

مصر منورة بيكم متشكرة اوى

اولا بالنسبة للسكن عشان اديكوا فكرة عن اسعار ايجار الشقق في المنطقة هنا ممكن تلاقوا شقة اوضتين (بيسموها هنا 2/1 4 اربعة ونص لانهم بيعدوا كل اوضة بواحد والصالون واحد والمطبخ اللى معظم الوقت فية مكان للسفرة واحد والحمام بنص يعنى شقة بتلات اوض تبقي 2/1 5) الايجار في الشهر في مكان نضيف بين 800 و 1200 دولار الفرق بيكون فى الخدمات اللى في العمارة زى حمام السباحة او صالة exercise

احسن طريقة لاختيار الشقة ان اول ماتوصلوا تنزلو في فندق او شقة موقتة و تانى يوم وصولكم تشوفوا الجرايد بتاعة الحى اللى عايزين تسكنوا فية وتروحوا بنفسكم تزوروا الشقق

وزى ماقال وجدى شهر ابريل هو احسن شهر لان معظم الناس هنا فى كيبيك بتعزل اول يوليو بما ان عقود الايجار سنوية المؤجر بيقول لصاحب البيت على شهر مارس لو حيجدد سنة كمان ولا لا وبكدة اصحاب البيوت ىبداؤا يدوروا على مستاجر تانى

ادى مثل لمواقع شركات تاجير شقق موقتة في وسط البلد عشان تاخدوا فكرة

http://www.trylon.ca/

http://www.ragq.com/fr/

http://www.metrorental.qc.ca/

ودة موقع لشقق فى بروسار

http://www.monloyer.ca/

اما بالنسبة للحضانة فالسعر المدعم من حكومة كيبيك (7دولار) ف اليوم بيبقى علية انتظار يعنى لما تيجوا وتقرروا عايزين تعيشوا فى اى حى تروحوا تزوروا الحضانات اللى فى الحى وتسجلوا البنات ولو مافيش مكان فاضى بسعر مدعم تحطوا اساميهم في قاءمة الانتظار لحد ما ربنا يسهل

ولحد ما تلاقوا مكان ممكن تدخلوهم حضانة مش مدعمة وتطلبوا credit من الحكومة وعلى فكرة المكان الوحيد اللى بيديكوا ال credit لو بتشتغلوا او تدرسوا انتم الاتنين هو حكومة كندا

اما حكومة كيبيك فبتدى الدعم او الكريديت لكل اهالى الاطفال سواء بيشتغلوا او بيدرسوا او لا

ممكن تروحوا المواقع دول لكيبيك و لكندا و حتلاقوا كل التفاصيل

http://www.mfacf.gouv.qc.ca/thematiques/fa...-a-4-ans_en.asp

http://www.cra-arc.gc.ca/agency/resourceki...hildcare-e.html

http://www.formulaire.gouv.qc.ca/cgi/affic...511&table=0

فية كمان الموقع دة اللى من خلالة تلاقوا الحضانات المدعمة فى كل بلد وحى

http://www.mfacf.gouv.qc.ca/services-en-li...ur/index_en.asp

وعشان تدوروا على بروسار تختاروا منطقة Monteregie او RiveSud

وبعدين مدينة Brossard

بصراحة يا نانسي لو تقدرى تستنى على الشغل شوية يبقى احسن لحد ما انتو والبنات تتعودوا على المكان وتطمنى لاختيار حضانة كويسة عشان ما تبقيش قلقانة والبنات ما يبقوش في تغيير جامد

اما بقي موضوع الشغل فوجدى اداكم الخلاصة لازم تبداؤا بشغلانة مؤقتة في مجالكم وبعدين تاخدوا وقتكم عشان تدوروا وفى نفس الوقت تكتسبوا خبرة فى اللغة والمجال ونظام البلد

وعموما ماتقلقوش وتخافوا من اخد قرار غلط هنا ممكن تغيروا كل حاجة لو ما عجبتكمش يعنى لو سكنتوا في حى ممكن تغيروة وتعزلوا ولو بداتم بشغل ممكن برضة تغيروة كذا مرة لغاية ما تلاقوا اللى عايزينة

لو فكرت فى حاجات تانية حابقي اكتبلكم

تحياتى

[wagdi]

السلام عليكم ورحمة الله...

طب انا دلوقتي يتنطبق عليا كل لمواصفات إلى قلتوها دي...

يعني مثلاً أنا باروح الشلال دايماً...وهما إلى هناك بيبصولي من فوق لتحت لما باقولهم سلق...

الأسبوع إلى فات عملت بنصيحة الأخت نانسي وقلت للراجل سلق بالقاف...

برضه بصلي من فوق لتحت ومشي... بس زيادة المرة دي إنه ضحك... :)

الأخت سيوة... أعتقد المعلومة متحورة شوية...يعني هما 150 ألف مسلم....بس مصريين صعب أوي... ;)

الأخت سندريلا...أنا حابقى أروح اصلي في الجامع ده...لما نشوف...مونديال ده الصراحة عمري ما رحته...عمري أصلاً ما روحت حتة فان هورن...مع إن شغلي قريب أوي من هناك...حبقى أجربه...

الأخت جيهان...طب أنا كنت ST Marc...أتصرف إزاي بقى دلوقتي؟؟ :D

لا صحيح... حبة جد...

لية مايبقاش عندنا حاجة تلمنا زي بقية الخلق... خاصة إن المصريين هنا معظمهم محترمين أوي...

طب أنا حاقولوكوا على حاجة...صلوا بينا على النبي...

الحتة إلى أنا ساكن فيها بيسكنها كتير سعوديين...أطباء بيدرسوا في McGill... المهم هما مأجرين هنا مكان عاملينه نادي ليهم...مسمينه النادي السعودي...هو الإيجار كبير ومصاريفه كتير بس لما بيتقسم على مجموعة كبيرة ماحدش بيحس بيه...بس الصراحة المكان خادمهم أوي...يعني بيصلوا فيه الصلوات الخمسة جماعة...مثلاً أربعة أو خمسة ستات بيبقوا الصبح موجودين والأولاد كلهم بيروحوا...عاملينها زي حضانة كدة...كل يوم جمعة بليل بيتقابلوا...أي حد عايز يعمل عزومة مثلاً بيعملها هناك...عاملين موقع على الإنترنت...وبعدين منظمين أوي... يعني مثلاً الكتب والمراجع بيبيعوها لبعضهم بسعر رخيص وبتقف عليهم ارخص من لو يبيعوها للجامعو وبعدين الجامعة تبيعها تاني أغلى... مثلاً لو واحد مسافر خلاص شقته وعفشه وعربيته واحد مت إلى جايين جداد بياخدهم بسعر حلو...منها إلى مسافر بيكسب ومابيوجعش دماغه ببيع ولا حاجة..ومنها الوافد بيستفيد وبيوفر...أي حد عنده أي حاجة عايز يبيعها أو محتاج يشتريها بيدخل الأول على السايت يشوف...وعادة بتلاقي حد تاني بيبع...بس الفكرة إنك ضامن الحاجة وضامن إلى بتشتري منه...كدة...

إحنا فين بقى... يعني السعوديين كلهم على بعضيهم مايعملوش 200 نفر في مونتريال....إحنا بقى بالألاف...

طب ليه مثلاً مانعملش موقع على النت...بلاش مكان ثابت ده يبقى خطوة تانية... ليه مانشوفش أي من البرمجيات الجاهزة نعمل موقع لينا أو منتدى كدة زي هنا...(دلوقتي بتوع الإدارة يقولوا ده جاي يخطف الزباين :D )...يعني مكان موقع مخصص للمصريين في مونتريال بس...نتبادل الخبرات والمعلومات وبرضه نقدر نسهل على الناس إلى جاية جديد...

شوفوا كدة لو حد متحمس قولوا أنا ممكن أدعبس على موضوع الsite وأعمله... (المهم ماقعدش فيه لوحدي أنش

وجدي

ماجيستير لم شمل مصريين وطيار ألماني سابقاً...

تم تعديل 15 نوفمبر 2006 بواسطة wagdi

[nancyezat]

وجدي العزيز ,

بعد صباح الخير , انا فعلا اسفة جدا اني ماقدرتش افيدك في موضوع السلق بس والله احنا في لبنان بنقوله زي ماقلتلك بالضبط , يمكن اللغة اتغيرت مش عارفة بس والله انت عسل وضحكتني من قلبي ( وانا مليش نفس اضحك ) على الموقف اللي انت اتعرضتله , بس متوقعتش انك نفسك في السلق جدا يعني ياحرام اول ماقلتلك قول كدا رحت ماكدبتش خبر وجريت على الراجل بس طلع على فاشوش . طبعا الدكتورة جيهان قالتلك المفيد هي بقى عارفة المكان كمان اللي ممكن تجيب منه مش الاسم بس , وياريت تقولنا عملت ايه , بس المهم المدام بتعرف تعمل السلق ولا تكون نسيته دي تبقى مشكلة , اوعى ياوجدي بعد متجيبه المدام تقولك oh non, c'est impossible, qu'est que ca , ( عايشة في كندا بقى ) شفت انا عبقرية ازاي في الفرنساوي ( اوعى تتريأ عليا ) , يللا بالهنا والشفا مقدما .

وفكرة النادي دي حلوة اوي انا شخصيا معاك بقلبي ياوجدي لاني معرفش اي حاجة عن المواقع بس ممكن تاخدوني اساعدكم في قاموس الطبخ زي السلق مثلا :D

جيهان طبعا مش عارفة اشكرك ازاي على المواقع الجميلة اللي بعتيهالي ومستنياكي في مصر ان شاء الله .

سندريللا ان شاء الله اول ما اسافر وارستق اموري هنتكلم و نتقابل ( دا شرف لينا يافندم )

[اسامة]

الاستاذ وجدى و الاستاذة جيهان وسندريلا و الجميع

انا سعيد بكم جميعا للمشاركة الفعالة " ده كويس جدا " جيهان انت عندك حبت sited بصراحة فى جون اوى مش ممكن

الاستاذ وجدى انت رجل لكل كل الشكر والتقدير على المساعدة بالوصف الفزيع الا حضرتك قدمته الا بالحق وهو حضرتك عندك كم سنة و بقلك كما سنة مهاجر و بتشتغل ايه ؟

و سؤال على الماشى : هو day care مختلف عن دعم الحكومة للاطفال يعنى هل لو ولادى فى احد حضانات ال day care سواء ب 7 C$ او باكتر واخذ refund وهو ده يختلف عن الدعم الى ا. هادى قال عليه فى بداية المنتدى حوالى 500 C$ للطفلين فى الشهر لل عندة طفلين ودخل الاسرة منخفض

بالنسبة للنادى ان شاء الله لو الامور استقرت معى انا حطلبكم كلم نتقابل ونتعش مع بعض فى اى مكان فى مونتريال و نبدا نعمل حاجة فعلا للعرب عامة المهاجرين الجدد و اعتقد ان او فية SITE ده كمان حيبقى كويس وممكن نكبر التجربة ونعمل شبكة فى كندا كلها بس اتمنى التزم بلبقولى و استقر ان شاء اللة

باى باى كلكم

[sendrella119]

بالنسبة للناديدي فكرة جميلة جدا

ولكن متهيألأي تنفيذها مستحب يكون في منطقة يقدر الجميع يوصلها

في وسط البلد او منطقة زحمة زي cout de nieg

انا عن نفسي اعرف 7 اسر مصريين وكلهم اطباء

وكنا بنحتار في رمضان نعمل ايه ..... -_- بس برضه عزمنا بعض

---------------

اسامة انا ما فهمتش سؤالك

[Gihan]

مساء الخير

فكرتك ممتازة يا وجدى يا جارى ( معلش اسمحلى ارفع الالقاب)

انا مستعدة اشترك معاك ومع سندريلا

وزى ما بتقول نبدا ب site وربنا يسهل ونتلم مجموعة ونبقى نشوف المكان

انا ممكن اساعد فى بناية ال site وعندى Net objet Fusion واعتقد ان ممكن اعمل الhebergement على نفس المكان اللى علية سايت الشركة

وبالنسبة للمحاورات حتفضل دايما نقطة لقاء بين المصررين في كل مكان يعنى مافيش منافسة بالعكس

اول ما ارجع من مصر ان اء اللة على يوم 11 ديسمبر حابعتلك انت وسنديلا رسالة

نرجع بقي لموضوع السلق

انت كدة قلقتنى وخلتنى عايزة اروح اشوف بنفسي عند الشلال لاني بقالى مدة كبيرة ما عملتش قلقاس

على فكرة فية كمان محل ادونيس على Adresse : 2001 Sauvé O, Montréal, QC H4N 1L8

Téléphone : 514-382-8606

اكيد حتلاقى هناك حد ابن حلال يفهم موقفك ويدلك على السلق او القلقاس مع سلقة المجمد

الاخ اسامة

الدعم لحضانة الاطفال دة حاجة والفلوس اللى الحكومة بتدفعها للاهل حسب دخلهم وعدد الاولاد حاجة تانية

معندكش فكرة هنا بيعزوا الاطفال اد اية عشان الناس بتعجز ومافيش اجيال جديدة كفاية (يعنى بعكس مصر خاااااااالص)

يللا اسيبكم بقى واروح احضر للسفر والي ان نلتقي فى مصر او لما ارجع ان شاء اللة ربنا يوفق الجميع

[الحريه]

سلام جميعا

انا عضوجديد معاكم وكثير مبسوطوانا معاكم

واحيي جميع الاعضاء وجميع المشتركين واتمني للجميع التوفيق

انا من فلسطين عايش في الكويت بس انا بفكر اهاجر لكندا وحابب اكون علي تواصل معاكم دايما

شكرا الكم مرة ثانيه علي معلومات الي بتقدموها

اخوكم المخلص - الحريه

[sendrella119]

جيهان ووجدي ده عنوان مونديال

Mondial

6008 Ave Darlington

(514)846 -6666

[Siwa]

السلام عليكم و رحمة الله و بركاته:

اسفة جدا يا جماعة في تأخري ف الكتابة،لكن حقيقي انا كنت مشغولة طول الاسبوع. بالاضافة لكدة الطريقة اللي بكتب بيها عربي بطيئة جدا. ما علينا، انا اسفة جدا يا استاذ اسامة ماكنتش اعرف إن حضرتك زوج مدام نانسي. عموما إن شاء الله حضرتك ومدام نانسي هتنورو كندا كلهاإن شاء الله. اما عن مانيتوبا فانا اساسا جيت هنا كطالبة Internationl Student لان المقاطعة هنا الحياة فيها معقولة جدا مقارنة بباقي كندا،عشان كدة هي مناسبة جدا للي بيبدتي حياتة في كندا. هي ممكن الصعوبة تكون في ايجاد عمل مناسب خصوصا في البداية وكمان في البرد الزيادة عن اللزوم ف الشتاء. بس الناس هنا ماشاء الله ودوديين جدا، حتي بيقولوا عليهاFriendly Manitoba. امابالنسبة للمدارس و الاطفال هنا، انا هاحاول أسال لحضرتك إن شاء الله لإني بصراحة انا ماعنديش فكرة،لاني مش متجوزة ولا عندي اولاد. لكن اعتقد إن مدام جيهان و مدام سندريلا هما الاجدرعلى افادة حضرتك في الموضوع دة . لكن بالنسبة لموضوع الحجاب فالحمد لله انا واجهتش اي مشاكل هنا. اعتقد إن الكنديين اكثر قدرة على تقبل الآخر عن باقي مواطني الدول الغربية. انا متشكرة جدا يا مدام نانسي و يا مدام جيهان على رودكم الجميلة علية. ربنا يكرمك ويكتبلكم الخير ديما إن شاء الله. بالنسبة لحضرتك يا استاذ وجدي، زي ماقلت في الاول دية اشاعة بتدل بس على كثرة عدد المصريين في مونتريال.

اشوفكم ديما على خير إن شاء الله.

سيوة :ph34r:

[Leena]

Lembic شكرا جدا جدا جدا عالمساعدة وربنا يوفقك

وشكر لكل الاعضاء على الموضوع الجميل ده :ph34r:

[اسامة]

الاستاذ هادى :

فين الوصف التفصيلى لمدينة تورنتو ياباشا - كل الناس فى المنتدى بيقول هو هادى راح فين وهو انت راحت فين بجد

:closedeyes:

اسامة

[rehana]

صباح الخير يا جماعة :closedeyes:

انا اختكم ريحانة و كان ليا طلب بسيط كنت عايزة اعرف مكتب هجرة مضمون هنا فى مصر حد يكون جربه يعنى و موش مشكلة التكاليف و لو انه الارخص افضل طبعا <_<

عموما لو ممنوع انكوا تدوا المعلومات دى اونلاين ممكن حد يرسلى الاسم على الخاص

و الف شكر مقدما

[الحازم حسن]

صباح الخير يا جماعة :blink:

انا اختكم ريحانة و كان ليا طلب بسيط كنت عايزة اعرف مكتب هجرة مضمون هنا فى مصر حد يكون جربه يعنى و موش مشكلة التكاليف و لو انه الارخص افضل طبعا :)

عموما لو ممنوع انكوا تدوا المعلومات دى اونلاين ممكن حد يرسلى الاسم على الخاص

و الف شكر مقدما

ابئي خلي بالك نبيل الصاحب خارج جمعية مستشاري الهجرة الكنديين

ألغت جمعية مستشاري الهجرة الكنديين عضوية مستشار الهجرة المعروف نبيل صاحب Nabil Saheb لعدم توافر المعايير المطلوبة. جدير بالذكر أن الصاحب كان يحمل عضوية رقم M042428 وقام بالعديد من الزيارات إلى عدد من الدول العربية ومنها السعودية. وهناك قلق على مصير المتقدمين للهجرة بواسطته.

وقريب جداً إن شاء الله حجيب لكم قائمة بأسماء المحامين والمستشارين المعتمدين وقائمة المستبعدين كمان

[هادي]

الحقيقة فكرت كتير .. ماذا اكتب لو تحدثت عن تورنتو

أنا تقريبا كتبت كل ما أعرفه في المداخلات السابقة

لذلك .. ستكون هذه المداخلة هي تجميع لما سبق

منها تركيز المعلومات في مداخلة واحدة يسهل الرجوع اليها

ومنها إعادة لمن فاته الموضوع من البداية

طبعا حديثي سيكون مفيد لمن هو في مرحلة الاستاذ الفاضل اسامه

يعني المشوار وصل لنهايته تقريبا

وسنحتفل بوصوله الى كندا قريبا

دخل في التفاصيل

أنت الان وصلت بسلامة الله إلى كندا

النصيحة المبدئية أن تأتي إلى كندا بمفردك في البداية

هذا يقلل مصاريفك في فترة البداية حتى تستقر بك الأمور وتجد عمل ثابت

ثم ترسل للزوجة والاطفال أن يلحقوا بك بسهولة ويسر

تريد أن تسكن .. بسيطة..

الكثير من أصحاب البيوت يؤجرون غرفاً في بيوتهم بأسعار معقولة

350-450 دولار للغرفة الواحدة شهرياً

والكثير منهم يطلب منك الشهر الأول والأخير فقط

وبالتالي يمكنك تركه بعد شهرين لو استقرت بك الأمور من ناحية العمل والوظيفة

كما يمكنك أن تحجز قبل وصولك في بيت شباب مثل هذا بسعر معقول

http://www.canadianalodging.com/

وستجد أن الأسعار تتفاوت بحسب الفترة من السنة ونوع الغرفة

25 $ للسرير في غرفة مشتركة – 70$ في غرفة مفردة

ويمكنك استعراض موتيلات أخرى في هذا الموقع

http://www.tripadvisor.com/ShowUserReviews...to_Ontario.html

ولكنك ستحتاج إلى خريطة تورنتو التي لا يستغنى عنها كل قادم

وهي خريطة يتم شراؤها من أي مكتبة

وستجد خريطة تفاعلية في هذا الموقع

http://www.4torontoinfo.com/maps/toronto.asp

واليك موقع آخر

http://www.lonelyplanet.com/mapshells/nort...nto/toronto.htm

أما خريطة المواصلات فتحصل عليها مجاناً من أي محطة مترو Subway

وبعدما تستقر بك الأمور، ستبدأ في البحث عن سكن مستمر

اختر سكن يكون قريب من مدارس أولادك ومن الأسواق و خطوط المواصلات وفي مكان متوسط البعد من مكان عملك. والسكن قد يكون استئجار:- طابق في منزل / شقة في عمارة (Condo)

وللبحث عن السكن، طالع مجلات (مجانية) ستجدها في هذا الصندوق الموجود في كل شارع وكل ناصية وكل محطة مترو.

من تلك المجلات :-

Renters news .. وإليك موقعها على الشبكة

http://www.rentersnews.ca/

حدد أولاً المنطقة ثم عدد الغرف ثم السعر الذي تريده.

أو تجول في هذا الموقع المفيد في الإيجار لتشاهد صور الشقة المعروضة

http://www.viewit.ca/vwhome.asp

حدد أولاً المنطقة ثم عدد الغرف ثم السعر الذي تريده.

نسيت أن أطلب منك قبل سفرك أن تتجول في هذا الموقع الهام جداً

http://www.settlement.org/index.asp

وفيه ستجد معلومات ضخمة عن كل ما تسأل عنه حول كندا

وهو من أهم مصادر المعلومات لي شخصيا حتى اليوم

وكذلك، هذا هو موقع مجلس مدينة تورنتو

وهو يعد بحق من أجمل المواقع وأوفرها في المعلومات حول حياتك في المدينة

http://www.city.toronto.on.ca/index.htm

وكذلك هذا الموقع الحكومي الذي يعرفك كافة حقوقك، وما تستحقه من مساعدات حكومية

http://canadabenefits.gc.ca/faechome.jsp?lang=en

أنت الآن وصلت بسلامة الله

وسكنت أيضاً، سواء سكن مؤقت في هوستل أو سكن دائم بالإيجار

جميل جداً ..

لاحظ انه يمكنك أن تفرش منزلك بأشياء مستعملة في البداية

وذلك عن طريق تتبع أي إعلان عن (Garage Sale) وستجد الناس تقوم بلصقه على أعمدة النور..

ويكون يومي السبت والأحد فقط. ولو ذهبت اليه مبكراً، قد تشتري أشياء رائعه بأسعار زهيدة.

كذلك

يمكن التجول في محلات الأشياء المستعملة، مثل Value Village

http://www.valuevillage.com/main/

ومثل Thrift Store، ومثل محلات Salvation Army ، وكذلك تقوم بعض الكنائس بعمل Garage Sale لبيع الكثير من الأدوات في حالة رائعة

ويمكنك زيارة محلات مثل IKEA

http://www.ikea.com/ms/en_CA/

عظيم جداً ..

الآن ..

هناك مجموعة من الأوراق الهامة الواجب عليك إنجازها

نبدأ بكارت التأمين الصحي (Health Card)

وهو يسمى هنا في كندا باسم OHIP Card "Ontario Health Insurance Plan"

ستذهب إلى العنوان التالي، ومعك الأوراق التالية:

جواز سفرك - كارت ال PR - وكذلك (Landing paper) وهي تلك الورقة الكربونية التي سيسلموناه لك في المطار وهي هامة جدا فاحرص عليها - واثبات لعنوانك "مثال ذلك عقد الإيجار"

ولمزيد من المعلومات، إليك المعلومات من موقع وزارة الصحة

http://www.health.gov.on.ca/english/public...ohipfaq_dt.html

أرجو أن تنهي هذه الخطوة في أسرع وقت

حيث أنك ستنتظر فترة 3 شهور كاملة قبل أن تستلم كارت ال OHIP

في خلال تلك الفترة، فالرعاية الصحية هي مسؤوليتك الشخصية وستدفع قيمة الكشف عليك في كل مرة تحتاج إلى زيارة الطبيب، فانتبه إلى ذلك.

س: ماذا لو ضاع منك كارت الـ OHIP ؟

عند ضياع الكارت اتصل على هاتف 1 800 268-1154 و أعطيهم رقم الكارت الضائع

فسوف يقومون بإرسال بديل له على عنوانك البريدي وعندما تستلمه قم بإتلاف القديم لو وجدته لأنه قد تم إلغاؤه ولا يمكن التعامل به.

وكذلك عندما تغير عنوانك .. أرسل خطاب بصورة الكارت وفيه العنوان الجديد

PO box 9000

Kingston on

K7L 5A9

لاحظ أن تأشيرة دخولك لكندا أضحت بلا قيمة، حيث أنهم سيرسلون لك كارت الإقامة واسمه هنا PR كاردPermanent Resident وسنختصر التسمية إلى PR حيث أنها هي الشائعة هنا. وهذا الكارت هو الذي ستستخدمه عند خروجك ودخولك إلى كندا في المستقبل وحتى تحصل على الجنسية وجواز السفر الكندي بعد ثلاث سنوات باذن الله.

وكارت ال PR هذا هو بمثابة إثبات شخصية "photo ID" هام لك فلا تفرط فيه واحرص عليه.

س: ماذا لو فقدت كارت ال PR ؟

اتصل بهذا الرقم بسرعة 888 242 2100

واتبع التعليمات بدقة، لاستخراج كارت بديل (هذا سيكلفك صور شخصية ومبلغ 50$)

الآن سنستخرج أهم كارت، وهو الرقم القومي (Social Insurance Card)

واسمه المختصر هو SIN Card

كل ماعليك هو الذهاب إلى أي من مراكز (HRDC) ومعك الأوراق التالية:

جواز سفرك - كارت ال PR - وكذلك (Landing paper) وهي تلك الورقة الكربونية التي استلمتها في المطار وهي هامة جدا فاحرص عليها - واثبات لعنوانك "مثال ذلك عقد الإيجار"

س: ماذا لو فقدت كارت ال SIN ؟

اتصل بهذا الرقم بسرعة 800-206-7218

واتبع التعليمات بدقة، لاستخراج كارت بديل (هذا سيكلفك صور شخصية ومبلغ 50$)

وكالعادة، سوف تستلم هذا الكارت في بريدك، كندا تعتمد على البريد في كل شيء تقريبا، وهو من مظاهر تقدم الدول، فالدولة التي لديها نظام بريدي ثابت وقوي وفعال، هي دولة يتم فيها تبادل الرسائل بين عناصر الهرم الإداري بسرعة وكفاءة.

http://www.canadapost.ca/tools/pg/sitemap/default-e.asp

أحرص على هذا الكارت جداً، ولا تعط رقم الـ SIN الخاص بك لأي إنسان سوى: مكان عملك أو البنك، فقط لاغير، ولاتعطه لأي إنسان آخر فينتحل شخصيتك و يلحق بك الضرر.

الأفضل أن تترك كارت الـ SIN وكذلك الـ PR في المنزل في مكان آمن

الآن يمكنك أن تفتح حساب في البنك

اذهب إلى أي بنك في البلد تختار، وكلهم يقدمون خدمات متشابهة على أعلى مستوى، مثال:

TD bank/Scotia bank/CBC bank/PC bank/HSBC bank

http://www.scotiabank.com/cda/index/0,,LIDen_SID19,00.html

لابد أن يكون معك الأوراق التالية:

جواز سفرك - كارت ال PR - وكذلك (Landing paper) وهي تلك الورقة الكربونية التي استلمتها في المطار وهي هامة جدا فاحرص عليها - واثبات لعنوانك "مثال ذلك عقد الإيجار"

وتفتح حساب في فترة دقائق، و سيصل في بريدك كارت ال ATM

ويمكنك بعد بضعة شهور أن تقدم طلب للحصول على فيزا VISA كارت بسهولة

س: ماذا لو فقدت كارت ال VISA ؟

اتصل بهذه الأرقام بسرعة وبدون تأخير

واتبع التعليمات بدقة، لابد من إلغاء الكارت القديم قبل أن يسيء أحدهم استخدامه

Trans union 1 800 663 9980

Aqua Fax 1 800 465 7166

18773232598 - 5144932598

ويمكن طول الوقت الاتصال بالبوليس ليساعدك في أية خدمة أو معلومة تريدها

416 808 2222

أو الاتصال برقم 911 في أي وقت ومن كل مكان في حالة الطواريء والضرورة القصوى

الآن بعد حصولك على تلك الكروت الهامة جداً في حياتك في كندا

قد تجد نفسك تحتاج مساعدة للتكيف مع البلد الجديد

لا بأس

تتولى "مراكز رعاية القادمين الجددYMCA Newcomers Information Center " تقديم الخدمات والدعم اللازم لكل من يحتاج أية مساعدة ليتمكن من التأقلم مع حياته الجديدة في كندا.

وتلك المساعدة تبدأ من المساعدة في اختيار السكن ، إختيار طبيب العائلة ، ملء استمارات التقديم للجهات الرسمية المختلفة، إلى غير ذلك من خدمات.

ويمكنك أن تتوجه مباشرة (بدون ميعاد سابق) إلى أقرب مركز (YMCA) من محل سكنك، وهناك سيقوم متخصصون باستقبالك وتسهيل حصولك على كل ماتريده من دعم ومشورة ونصيحة. والموقع التالي يحدد لك مهام هذه المراكز وأين تقع في مدينة تورونتو

www.ymcatoronto.org

ولعل من أهم الخدمات ، تقديم دورات "مجانية" لتعليم اللغة الإنجليزية أو تطوير مستوى ومهارة إتقان اللغة لديك. والبداية تكون بإجراء اختبار لتحديد مستواك في إجادة اللغة (قراءة وكتابة وتحدثاً واستماع) ثم يتم توجيهك إلى مستوى البرنامج الدراسي المناسب لقدراتك.

ولاجتياز اختبار تحديد المستوى، يمكنك الاتصال على الرقم (5462-925-416) لتحديد موعد امتحانك، مع مراعاة أن تصطحب معك الأوراق التالية:

جواز سفرك - كارت ال PR- وكذلك (Landing paper) وهي تلك الورقة الكربونية التي استلمتها في المطار وهي هامة جدا فاحرص عليها - واثبات لعنوانك "مثال ذلك عقد الإيجار"

نبدأ رحلة البحث عن عمل ؟ موافق

ما رأيك بجولة في هذه المواقع الهامة جداً للبحث عن عمل في كندا

http://www.workopolis.com/index.html

لاحظ أنه من الخطوات الفعالة جداً

أن تذهب بنفسك إلى وكالات التوظيف التي تجدها في الموقع

وهناك ستجد منهم كل مساعدة ممكنة وبدون أن تدفع مقابل مادي، حيث أنهم يحصلون على مقابل من أصحاب الأعمال والشركات وليس من الموظف.

واليك موقع حكومي رائع جداً

http://jb-ge.hrdc-drhc.gc.ca/Search_en.asp

وموقع آخر

http://monster.ca/

وهذا الموقع

http://ca.hotjobs.yahoo.com/

هذا بخلاف وجود جرائد مجانية في الصندوق الذي رأيناه في المداخلة السابقة (ولكن لونه أزرق) في كافة نواصي الشوارع الكبيرة ومحطات المترو.

كذلك يوجد مراكز حكومية تساعدك في البحث عن عمل، وفي بناء CVسيرة ذاتية (Curriculum Vitae) تناسب متطلبات أصحاب الأعمال في شمال أمريكا.

مثال ذلك..

مركز حكومي هام جداً ستجد فيه دورات مجانية في اللغة وفي مجالات أخرى بأسعار رمزية جداً

http://www.skillsforchange.org/

وانا الحقيقة اريد أن يعرف القادمين الجدد بعض حقوقهم الهامة

مثل انه يجوز لك التقديم على سكن مدعوم من الدولة

في حالة كونك صاحب اسرة ذات دخل منخفض

(يساوي 22500 $ سنوياً في اونتاريو)

واليك العنوان

http://www.housingconnections.ca/

وهذا من أهم الاجراءات التي يجب ان تنتهي منها بمجرد وصولك

لان طابور الانتظار طويل وقد يستغرق سنوات

لكن عندما يأتي دورك ستحصل على سكن تدفع انت 30% فقط من ايجاره والباقي تدفعه الدولة

اذن ادخل الموقع السابق

(او اذهب لهم بنفسك في العنوان .. أو اتصل بهم هاتفياً

176 Elm St., Toronto, Ontario, M5T 3M4

Automated telephone system: (416) 981-6111 Fax: (416) 981-6112

Resource Centre hours: Monday, Wednesday, Thursday, Friday: 8:30-4:30 Tuesday: 2:00-5:00

Phone representatives are available: Monday, Wednesday, Thursday, Friday: 9:00-12:00, 2:00-4:00 Tuesday: 2:00-5:00 )

وبعدما تحدد الاماكن التي تريد السكن فيها (اختر اماكن كثيرة ليكون لك اولوية)

قم بملء الاستمارة .. كل هذا مجاني !!

كذلك أود الحديث عن دعم الدواء

فأنت تعرف ان اهم ميزات كندا هي الضمان الصحي

وكارت الضمان الصحي يجعل زيارة أي طبيب مجانية (عدى الاسنان والعيون)

وكذلك اجراء أي عملية جراحية – لا قدر الله تعالى-

ولكن الدواء تشتريه من مالك الخاص

وهناك طريقة تجعل الدولة تدعم لك الدواء فتدفع انت منه نسبة قد لا تجاوز 15% من سعره

وهذا الدعم للاسر اصحاب الدخول الضعيفة

وهو شيء مفيد طبعا في حالة ان هناك شخص مصاب مثلا بالسكر أو مرض يحتاج تكرار الدواء بشكل دوري

كيف تحصل على دعم الدواء ؟

اذهب إلى أي صيدلية في الشارع واطلب من الصيدلي نموذج (form TRILLIUM)

اقرأ التعليمات جيدأ والشروط (هناك مبلغ سنوي مقطوع قد يساوي 240 $)

قم بملء الاستمارة وارسلها بالبريد

التعليم في كندا

أولاً:

الحضانة (Child Care) هي مرحلة تبدأ منذ الولادة وتستمر حتى يبلغ الطفل (4) أربعة سنوات. ويمكنك إيداع أطفالك في الحضانات المنتشرة داخل مباني المدارس الحكومية وخارجها نظير مبلغ شهري.

ملحوظة:

دائما هناك حضانة مجانية داخل المدارس الحكومية ويشترط ان تتواجد مع طفلك في الفصل طوال الوقت

وهي تقبل الاطفال في سن مبكرة

أما عن الحضانة بأجر

فهناك فترات مختلفة للحضانة، فيمكنك إيداع طفلك من الساعة الثامنة مثلا وحتى الثانية عشرة أو الثالثة ظهراً، كما يمكن لأطفال أكبر عمراً أن ينضموا للحضانة بعد انتهاء اليوم الدراسي (في حالة عمل الأبوين لفترة تمتد منذ التاسعة صباحاً وحتى الخامسة عصراً مثلا) ، وكل ذلك بحسب الاتفاق بينك وبين إدارة الحضانة.

و تشرف الدولة على طريقة عمل تلك الحضانات والتزامها بالشروط والمعايير واللوائح المنظمة لعملها وطريقة أدائها لوظيفتها.

في حال كون اسرتك ذات دخل قليل، يمكن للدولة أن تتحمل نصيب من مصاريف تلك الحضانة (قد يصل إلى 50% وقد تدفع الدولة 100% من المصاريف بحسب حالة الاسرة ودخلها). وعندها يجب عليك ملء الاستمارة الخاصة بذلك والتي تجدها في الموقع التالي

http://www.city.toronto.on.ca/children/subsidy.htm#apply

وهو موقع مجلس مدينة تورنتو، وستجد فيه كافة الطلبات وشروط التأهل لتلك المساعدة الحكومية

ثانياً: رياض الأطفال (Kinder Gratin)

عندما يصل الطفل لعامه الرابع يصبح مؤهلاً لدخول مرحلة رياض الأطفال لمدة سنتين. وهي مرحلة تمهيدية لانتظامه في المدرسة، وفيها يتعود الطفل النظام ومشاركة الآخرين وتنمية مهارات التفكير والكلام واكتساب مفردات اللغة والتفاعل مع الآخرين. في كثير من المدارس الحكومية الابتدائية ستجد أنه ملحق في نفس مبنى المدرسة فصلين لرياض الأطفال (Kg1 – Kg2)

ثالثاً : ثلاث مراحل وهي : - المرحلة الابتدائية (Alimentary)

المرحلة الإعدادية – المتوسطة – (Medium)

المرحلة الثانوية – البكالوريا – (High School)

والجهة الحكومية القائمة على رعاية وإدارة وتنظيم تلك المراحل التعليمية الثلاث في مدينة تورنتو- هي (Toronto District School Board)

http://www.tdsb.on.ca/home.asp

وفي هذا الموقع ستجد كل ماتريد أن تعرفه عن المدارس بأنواعها ونبذة عن كل مدرسة (كل مدرسة لها موقع خاص!!!) وعنوانها ومسؤول الاتصال في كل مدرسة وكيفية التقديم لأطفالك والتعريف بالمطلوب من أوراق.

تسجيل طفلك بالمدرسة :

أنت اخترت مدرسة قريبة من مكان إقامتك وسكنك ومناسبة لأعمار أطفالك ، عظيم ، الآن مطلوب منك بعض الأوراق لإنهاء إجراءات تسجيل وتقييد الأطفال بتلك المدرسة، وتلك الأوراق الرسمية تتمثل في :-

· 2 اثبت محل الإقامة (2 Proof of Address) مثال : خطاب من البنك ، عقد الإيجار

· 2 بطاقة تعريف تحمل صورتك (2 pieces of Photo ID) مثال :

تم تعديل 23 نوفمبر 2006 بواسطة هادي

[الحازم حسن]

مجهود جميل يا أستاذ هادي ، ربنا يبارك فيك

للمهتمين بالتعامل مع محامي ومستشارى هجرة

هذه قائمة المستشارين المعتمدين لدى جمعية مستشاري الهجرة الكنديين

http://www.cnn1.net/CISC%20full%20members.pdf

وهذه قائمة المستبعدين

http://www.cnn1.net/CISC%20revoked%20members.pdf

نستنتج من القائمتين أن محمد عبد العال هوالآخر مع نبيل الصاحب لم يعد مستشاراً معتمد للهجرة الكندية عبد العال كان يحمل عضوية رقم M042379

تم تعديل 20 نوفمبر 2006 بواسطة الحازم حسن

[Guest master]

بسم الله الرحمن الرحيم

أنا لسه مشترك جديد ، و دى أول مشاركة لى بالمنتدى

لفت انتباهى أول ما اشتركت هذا الموضوع الخاص بكندا

و كنت فرحان جدا لما وجدت هذا الكم من المعلومات

و فرحت أكتر لما لقيت ان فى كمان جو حلو و تواصل بين الأخوة الموجودين من خلال الموضوع ده

لذلك أنا بدعى لكم بالتوفيق و النجاح لكل الموجودين بكندا ...

-----------------------------------------------------------------------------------------------

فى الحقيقة أنا من زمان كان نفسى أهاجر الى كندا و تقريبا دوخت كتير عشان أقدم على هجرة

بس للأسف مش لقيت طريقة كويسة خاصة و انى مش عندى خلفية عن الحاجات دى

و كانت الطرق كلها مقفلة معايا - لدرجة انى افتكرت ان الموضوع مستحيل

فى الحقيقة انا مش عارف ابتدى منين بالظبط - و يا ترى النتائج مضمونة ولا لأ ؟

و تكلفة الموضوع كله هتكون كام تقريبا لحد ما يتم السفر ؟

خاصة و ان نوع دراستى مش مطلوبة على ما اظن !

انا سنى 28 سنة - محامى - و عندى خبرة معقولة بالجرافيك (هواية )

فهل يا ترى فى امكانية لبدء عملية السفر؟

و هل ابدأ بالتوجهه للسفارة الكندية بمصر ولا فى اماكن مسؤلة عن الهجرة بمصر ؟

يا ريت لو فى اجابة سريعة لسؤالى ؟

ملحوظة / انا حاولت افتح المواقع الموجودة فى أول الموضوع بس تقريبا مش شغالة معى ... على كل حال هاحاول تانى .

--------------------------------------------------------------------------------------------

بالطبع - شكرا لك يا أ / هادي ، أ / wagdi و الى كل الموجودين بالموضوع ده

و على فكرة يا جماعة موضوع الموقع ده هيكون خطوة اولى فعالة عشان تعمل تعاون بينكم او على الأقل يكون فكرته هى تفاصيل المعلومات الموجوده هنا

و بكده هيكون بداية معقولة لأى مهاجر موجود بكندا او عاوز يهاجر زى حالاتى كده ..

وا نا اظن ان ده موضوع سهل عمله بالنسبة لناس موجوده فى كندا ... أدوات تكوين موقع بالنسبة لكم سهلة جدا ..

و ان شاء الله يكون بداية لخطوة اولى لعمل تعاون كبير بينكم جميعا

و فى الحقيقة انا محرج أقول انى ممكن اساعد فى عمل اى شئ - لكن يا ريت لو اى حد يطلب منى اى شئ اقدر اقوم بيه انا تحت امره

[هادي]

الله يبارك في عمرك يا استاذ حازم

ده جهد الضعيف المُقل

وسعادتي هي في تلك المشاركة الايجابية القوية والروح الاخوية الجميلة من الجميع

دُمت لي

================

ارحب باخي الكريم الافوكاتو master

وباذن الله تسعد بوجودك معنا

واعتقد ان زيارة موقع السفارة الكندية بالقاهرة قد يكون نقطة انطلاق جيدة لمزيد معلومات

http://www.dfait-maeci.gc.ca/cairo/cic-en.asp

وعرضك للمساعدة في بناء الموقع المقترح من اخي الكبير " وجدي " هو دليل على طيب اصلك

وهمتك العالية

انت من الاحرار يا علي ..

معلش يا استاذ

أصل السيما ف دمي

تم تعديل 23 نوفمبر 2006 بواسطة هادي

[1979]

سلام عليكم جميعا

انا يا اصدقائى عندى بعض الاسئلة ارجو ان تتكرموا برد عليا لأنى تائهة جدا

اولا انا موظفة حكومية عادية جدا و قد رفضت هجرتى لأستراليا لهذا السبب المشكلة ان الموظفة فى شركة الهجرة تريد ان تقنعنى انه لا مشكلة اطلاقا بالنسبة للهجرة لكندا و انها لا تطلب وظائف معينة و لكن فى موقع الحكومة الكندية متطلبين وظائف محددة فأنا لا اعرف هل وظيفتى مقبولة ام لا؟؟

و كيف اتأكد بدلا من اكتشاف ذلك فى نهاية المطاف مثل استراليا؟؟

ثانيا : انها اخبرتنى انهم يطلبون شهادة خبرة غير مفصلة بمعنى انى فعلا اكملت 4 سنوات فى عملى و لكنى اخذت اجازات بدون راتب فترة طويلة جدا من هذه السنوات الاربع هى تقول انهم لن يكتشفوا ذلك فهل هذا صحيح؟؟؟

ثالثا و الاهم انها طلبت 3000 دولار لقاء خدمات الشركة فى الهجرة فهل هذا مناسب ام كثير؟؟

و انا واثقة انها شركة معتمدة فهناك موقع على الانترنت يبين الشركات المعتمدة و الغير معتمدة موقع تابع للحكومة الكندية و لكن كونها معتمدة يبرر هذا المبلغ؟؟؟

ارجو المساعدة يا اصدقائى فأنا فى اشد الحيرة

و اشكر صاحب فكرة هذا الموضوع الرائع لأنه فعلا يقدم معلومات مفيدة و دقيقة

و شكرا لكم جميعا و سلامى :)

[nancyezat]

الاخت 1979

اهلا بيكي في المنتدى , بصي ياستس انتي لو متاكدة ان المكتب دا معتمد من هجرة كندا يبقى المبلغ دا مظبووووووط, انا شخصيا دفعت المبلغ دا بس انصحك لو تعرفي تتابعي الموضوع بنفسك احسن لان المكتب دا انا اكتشفت في الاخر ان الواحد لو فاهم القصة ماشية ازاي والورق المطلوب ايه بالضبط يبقى مالوش لازمة تابعي مع السفارة احسن واوفر , عموما الموضوع دا طبعا راجعلك دي مجرد نصيحة .

اما باقي الاسئلة انا مش هقدر افتي فيها ونسيب الموضوع دا لاصحاب المنتدى الاساسيين هادي باشا ووجدي باشا .

العمدة الكبير اوي هادي شكرا جدا على المعلومات الجميلة عن تورنتو , وادعيلنا انا واسامة بالتوفيق .

[اسامة]

صباح الخير على الجميع

اولا : شكرا يا عمدتنا على المجهود الجميل بالنسبة لمدينة تورنتو وان كان لى بعض الاسئلة :

1- ما هى المناطق الراقية و المتوسطة فى مدينة تورنتو وكنت سابقا قلت rich mond ولكن فى البحث لم اجد شقق و المناطق شكلها وحش جدا و ايه اخبار markam-oavlik-york-scarborg " اسف لو كان فى اخطاء على قد ما حفظت " هل المناطق تلك جيدة خدماتها مستواها ارخصها واغلها وما هو مستوى المدارس هناك ؟

2- بالنسبة للاخوة الجدد : يسالون على البداية " اعتقد ان تقيس النقط بنفسك على " www.cic.gc.ca " تقرا كويس وتقيس النقط وتبقى عارف انك احتقدر تجيب ورق سليم يوجد كل نقطة -------- ورق سليم مفهوم

3- خالى بالك صعوبة كندا 3 حاجات " انجليزى 6.5 فى امتحان iltes - تحول مبلغ 75000 كندى على ما اعتقد - الوقت حوالى 3 سنين من تاريخ تاخذ رقم حتى المقابلة .

4- كيبك صعوبتها 2 "تتكلم فرنساوى فى المقابلة - ملهومش مكتب الا فى سوريا و المقابلة حتبقى سوريا تكلفة طبعا

5- انا شخصيا قتدمت فى كيبك اخذت REF NO فى فبراير 2004 و عملت المقابلة فى 10 يوليو 2006 يعنى ابتداءت فى 11-2003 و ختى اليوم لسه بكامل فى الكشف الطبى .

6- بالنسبة للمحامى " انا اشتغلت مع محامى " وهـ - ي " اول حرفان من الكلمة الاول و حرف من الكلمة الثانية بينزل اعلن كل يوم جمعة فى الاهرام هو كويس بس لا يضيف اى جديد باستثناء " يقوم باعداد الورق - ارساله وطبعا ييتاخر جدا - مكالمة تليفونية من كندا قبل المقابلة ساعة "

ان كان سبب فى تاخيرى بسبب الطلب كتير عليهم وبتقع منهم المواضيع انا سامع ان فى محامى تانى " وج - عز " سامع انه كويس بس عاوز اقول حاجة بتدفع 4000 $ عشان ايه سكرتير وممكن يضرك لو اهملك او طناش حتلقى نفسك مدة بتطول على فكرة اعتقد دول افضل محاميان فى مصر ونصيحة متحولش مع حد تانى الا لو تعرفة شخصيا

الاستاذ هادى شكرا جزيلا و شكرا جزيلا

و شكرا