كل ما تريد معرفته عن (كندا)

[الحازم حسن]

الحازم حسن

فيه حد فى الدنيا مايحبش المحشى؟؟؟؟؟؟ :o

آه أنا الدكتور قال لي متكلش محشي mfb: بآكل محشي ورق العنب بس

عموما الدعوة مفتوحة لكل الاخوة على المحاورات (وابقى اعمل مكرونة فرن للحازم حسن)

الله ينور عليكي يا مدام جيهان عرفتي منين اني بحب المكرونة وخصوصاً مكرونة الفرن ؟؟!! :o فعلا والله بحبها جداً وبقالي يجي سنة ماكلتهاش لان السعودية مفيهاش مكرونة :) فيها رز بس يا سلام صحيح القلوب عند بعضها

لا أنا لو أعرف إن العملية فيها مكرونة يبقى نروح كندا بئه وامرنا لله -_-

ده لينك لجروب في الجوجل خاصة بالأسئلة والاستفسارات القانونية للهجرة إلى كندا يمكن يفيد

http://groups.google.com/group/misc.immigration.canada

تم تعديل 16 ديسمبر 2006 بواسطة الحازم حسن

[Gihan]

مساء الخير

معلش يا وجدى سبتك لوحدك على الترابيزة مع العلم واللاتيه والله من ساعة ما رجعت مش عارفة اخد نفسي مع الشغل وابنى كان عيان une grippe d,homme زى ما بنقول هنا يعنى عندة برد رجالى (نايم فى السرير طول النهار وصاحى يكح طول الليل)

المهم انه بقي احسن الحمد لله

وحاروح اكتبلك دلوقتى على الخاص

سلام

[lonly in cold night]

الف سلامه على ابنك يا جيهان

و ربنا يطمنا عليه

[DEE]

الف سلامه على ابنك جيهان وان شاء الله ربنا يشفيه سريعا

[ابن الصعيد]

الأخت جيهان الف سلامه لابنك

...............................................................

الخت سيوة اسف انى كتبت بالمداخلة السابقة الاخ سيوة لم اكن اعلم انك سيدة

...............................................................

الاخ هادي انت ناوى على افريقيا

انا كان عندى فرصة لافريقيا ولكن الامراض بتاعت افريقيا تخليك تفكر مليون مرة

ونحب نسمعك على طول

[مصر هذا العصر]

هلا شباب كيف حالكم انا يحيكم على المشاركات الرائعة وديما ان شاء الله

ممكن اطلب طلب

ياريت حد بيعتلى اللينك بتاع تقييم النقاط اون لاين بحيث لو حبيت اشوف انا هاخد كام نقطة؟ انا سمعت انهم بيردو عليك فى خلال 24 ساعة ؟؟؟

انا متأكد انه كان مكتوب فى المشاركات السابقة بس انا دورت عليه مش قادر اجمعه

وشكرا

يا جمااااااااااااااااااااعه محدش يعرف اللــــــــــــــــــيــنك :unsure:

تم تعديل 17 ديسمبر 2006 بواسطة مصر هذا العصر

[DEE]

السلام عليكم اخى مصر هذا العصر

اسمك بيقلب علينا المواجع ....

ده اللينك الرسمى للحكومه الكنديه وهيفتح اللينك ده على صفحه النقاط وتقدر تقراها وتحسبها وهتعرف فى نفس اللحظه اذا كانت حالتك تجمع النقاط ولا لأ واذا كانت نقاطك مكتمله تقدر تبتدى اجراءات الهجره وبسرعه قبل ما يزودوا النقاط ....

http://www.cic.gc.ca/english/skilled/qual-5.html

تم تعديل 17 ديسمبر 2006 بواسطة DEE

[الحازم حسن]

ألف سلامة لابن حضرتك يا مدام جيهان خير ان شاء الله

[Siwa]

السلام عليكم اولا:

الف سلامة لابن حضرتك يامدام جيهان. ربنا يطمنك علية إن شاء الله. انا والله ما ناسية اني ارد. لكن عشان انا باكتب علىOnline keyboard فتاخد مني وقت وخصوصا اني الرد ممكن يكون طويل شوية. إن شاء الله حا حاول اجمع المعلومات وارد على حضرتك يا مدام Dee وعلى حضرتك يا استاذ واحد تايه في خلال يومين إن شاء الله. لكن مبدئيا التأمين الصحي هنا مجانا تماما. لكن مابيشملش طبعا الاسنان الا في حالات قليلة جدا زي الحوادث لا قدر الله. وكمان كشف النضارة والحاجات التجميلية. كل حاجة تانية متغطية بما فيها التحاليل والاشعات. والدواء هنا بتقدم علية في حاجة اسمها Pharmacare وانت بتدفع جزء معين من تمن الدواء ودة بيحددة دخلك. وبعد كدة العلاج كلة بيبقى متغطي طول السنة. والسنة هنا هي السنة الضريبية من ابريل لمارس. وكل سنة بتدفع الجزء المعين دة وبعد كدةالدواء بيبقى ببلاش. بس انا مش عارفة تخصص حضرتك اية يا استاذ واحد تاية.

[ابن الصعيد]

شكرا على الرد الاخت سيوه

انا طبيب بشرى اخصائى باطنه

اعمل بالخليج ممارس عام

مانيتوبا انا شايف انها بلد صغيرمش زحمة وجميل

ولكن برد شوية ولكن مش هتفرق من-30 من -5 بالنسبالى كلة برد وبيات شتوى

انا قدمت على الهجرة ومنتظر الطبى

مانيتوبا ارخص ولاية على ما يبدوا ولكن اهم شئ انها مش زحمة

وكمان سمعت ان الضرائب اقل وبيدو الاولاد فلوس اكتر

انا عارف ان العمل كطبيب محتاج الكثير من المعادلات ولكن مش مستحيل وانا بحضر لذلك

انا شفت مدن فى مانيتوبا لا يتعدى سكانها ال9000 مواطن اية الهدوء ده

هذا ما اريد مكان هادئ

نرجو منك الشرح بالتفصيل مع الشكر

[DEE]

سيوه شكرا با حبيبتى على اهتمامك ومنتظرين منك المزيد

هادى انت مستغنى عن نفسك ولا ايه البلاد دى الى انت بتفكر فيها تقول كام واحد ما عندوش ايدز مش كام واحد عنده ايدز ؟؟؟؟

واحد تايه ربنا يوفقك وتكمل اجراءاتك على خير

[من مصر]

السلام عليكم

ياترى فيه حد موجود فى كندا الان يتصفح المنتدى

[Matrix]

بداية احب ارحب بجميع الاخوة و الاخوات اللي شاركوا في الموضوع الجميل ده ,

وشكر خاص الي الاخوة / هادي و وجدي و ايهاب والي الاخوات / جيهان و سيوة علي كل ما تبذلوه من مجهود للرد علي المشتركين ,

انا متابع الموضوع من فترة ,

وعاجبني اوي الجو الاسري الدافيء اللي حاسه , يا رب يدوم علطول ,

وقررت اشارك النهاردة لما عرفت ان ابن مدام جيهان بعافية شوية ,

حبيت اقولها الف الف سلامة ليه , وتاكدي اننا كلنا بندعي له ,

وبصراحة انت اسرت قلوب الجميع واضفت للمنتدي هذا الجو الاسري الدافيء ,

بس حبيت اسأل الاستاذ وجدي عن الرابطة اياها , وان كان عاوز اي مساعدة احنا في الخدمة ,

وبالمناسبة سمعت كلام كده عن استقلال كيبك و انه كان في اعلان انها امة مستقلة داخل كندا ...... :angry:

فيا ريت لو حد عنده فكرة يفيدنا ,

تم تعديل 8 يناير 2007 بواسطة Matrix

[مصر هذا العصر]

السلام عليكم اخى مصر هذا العصر

اسمك بيقلب علينا المواجع ....

ده اللينك الرسمى للحكومه الكنديه وهيفتح اللينك ده على صفحه النقاط وتقدر تقراها وتحسبها وهتعرف فى نفس اللحظه اذا كانت حالتك تجمع النقاط ولا لأ واذا كانت نقاطك مكتمله تقدر تبتدى اجراءات الهجره وبسرعه قبل ما يزودوا النقاط ....

http://www.cic.gc.ca/english/skilled/qual-5.html

الـــــــــــــــ DEE ــــــــي

انا من هذا المنبر :wub: اتورجه اليكي بالشكر الكتييييييييير

تم تعديل 19 ديسمبر 2006 بواسطة مصر هذا العصر

[Gihan]

السلام عليكم

الف شكر يا جماعه على تمنياتكم الرقيقه بالشفا لابنى دانا عينيا دمعت لما دخلت المنتدى النهاردة وشفت رساءلكم

باشكركم واحد واحد وواحده واحده

وبفضل الله ودعواتكم الاستاذ رامى (اللى هو ابنى) بقى زى الفل ورجع يقرف فيا زى عادته

الى واحد تايه

سيبك ياعم من مانيتوبا وتعالى كيبيك (معلش يا سيوه يا حبيبتى داحنا بنلم اشتراكات الاعضاء وعايزين زباين برضه)

واذا كان على الهدوء بلاش مونتريال تعالى عيش فى مدينه تانيه اصغر دول مش لاقيين دكاتره فى المدن دى بس بقى لازم تديها فرنساوى متين لانهم ماينفعش معاهم الانجليزى

بس انت شد حيلك واعمل المعادله وحتشوف ان وقتها مش حتفكر فى موضوع المساعده الحكوميه للاطفال لان الدكاتره هنا فى كندا من المهن اللى بتديك اكبر دخل

الاخ Matrix

الله يسلمك ويخليك

بالنسبه للرابطه انا بعت لوجدى تليفونى ومنتظره اننا نتكلم

اما بقى موضوع الانفصال ده فشرحه يطول

فيه كذا حزب فى كيبيك ومنهم واحد بيدعوا من زمان للانفصال ومن كام سنه عملوا استفتاء عشان يعرفوا لو الاغلبيه من الشعب عايز الانفصال و الانفصاليين خسروا بس مش بكتير :angry2:

طبعا الانفصاليين بيحاولوا يقنعوا الشعب بالانفصال والاحزاب الفيدراليه بتحاول تقنعهم يفضلوا مع كندا

صعب جدا التنبؤ باللى ممكن يحصل فى الموضوع ده وادينى باسمع عنه بقالى 19 سنه ولسه ماحصلش لكن ممكن وفى الحاله دى اعتقد ان حيدوا الشعب اختيارات بالنسبه لجنسيتهم الكنديه لكن طبعا دى كلها افتراضات

عموما دلوقتى كيبيك تعتبر من اكتر المقاطعات احتياجا للمهاجرين فى كندا ولو بتتكلم ولو شويه فرنساوي او عندك استعداد تتعلمه ده بيسهل الامور للى بيقدم جديد على الهجره

سلام

الاخ Matrix

نسيت اقولك ان الاعلان اللى حصل ده(ان كييك امه مستقله) مالهوش اى تاثير عملى

ده مجرد تصريح سياسي عشان يرضى الكيبيكيين اللى حاسيين انهم مختلفين عن باقى كندا فى اللغه والثقافه

طبعا الانفصاليين حيستخدموا التصريح ده لصالحهم لكن حيفضل برضه كلام ومالوش اىتاثير على المدى القصير

تحياتى

[DEE]

السلام عليكم جميعا

الحمد لله على سلامه الأستاذ رامى يا جيهان ...

جيهان وكل احبابنا فى كندا اريد النصيحه لصديقه لى سوف تسافر الاسبوع القادم الى البرتا لاندنج ولكن مشكلتها ان زوجها سيتركها هناك هى وأولادها ويرجع الخليج سنتان ينهى اعماله ويذهب اليهم كل 6 اشهر تقريبا السؤال هنا ..

هل ستسطيع العيشه بمفرها مع اولادها ؟ هى تسأل من خبراتكم عن الأمان والحياه ككل هل تستطيع ام لا؟

[Gihan]

وعليكم السلام ورحمة الله وبركاته يا عزيزتى Dee

بما انى مش عايشه فى البرتا ماقدرش اقولك اخبار الحياه هناك ايه

لكن اللى اعرفه ان كندا عموما امان وطبعا اختيار حى كويس للسكن عليه عمل كبير

اما بقي لو صديقتك حتقدر تعيش وتتصرف لوحدها فدا انا اعتقد بيعتمد اولا على شخصيتها

والعوامل اللى بتسهل الحياه وخصوصا مع مسءولية الاولاد هى

- اتقان اللغه (فى الحاله دى الانجليزى)

-القدره على التاقلم والتفتح العقلى على عالمها وعالم اولادها الجديد

- بناء علاقات جديده مع الجيران واهالى الاولاد اللى فى نفس المدرسه مع اولادها وغيرهم من العرب والكنديين

- معرفة واستخدام الخدمات اللى الحكومة بتقدمها للمهاجرين الجدد

- معرفة مصادر المعلومات المختلفه فى الحى والبلد وعلى النترنت

- استخراج رخصة السواقه وشراء عربية بيساعد كتير

وطبعا قبل وبعد كل حاجه التوكل على الله

مافيش حاجه سهله فى الدنيا لكن لما الواحد يسعى ويحاول يتعلم خصوصا فى بلد زى كندا فيها نظام ربنا بيسهله

تحياتى

[مصر هذا العصر]

السلام عليكم

ممكن يا جماعه حد يقولى الورق اللى بيتقدم فى الهجرة لازم يكون متوثق من اى هيئة

يعنى مثلا علشان اخر الدرجه كاملة بتاعت experience لازم يكون عندى 4 سنوات خبرة

طيب من اى جهة لازم اوئق الشهادات دى علشان يعترفو بيها . وكمان شهادة الايلتس او التوفل لازم برده تكون متوثقة ولا دى international

ارجو الافادة

[DEE]

شكرا يا جى جى على ردك وربنا يوفقها ان شاء الله

Well,

Here you go

All Edcucational Certificates to be attested from the Ministry of Foreign affiars and the Canadian Embassy

All Birht Certificates to be translated into English

Experience letter from you employer is ok, and if you are able to attest it would be super

IELTS no need to attest it as long as you take it from the British Council

[desert_rock70]

فى البداية أحب أشكر كل الموجودين والناس اللى بتقدم كل ما عندها .. انا لسه داخل المنتدى جديد وانا عايش فى دولة الإمارات العربية المتحدة وحلم الهجرة بيراودنى بس بسبب ان هنا فى الإمارات أكتشفت أن الجنسية والتعليم بتفرق 10 أضعاف عن التعليم العادى بتاعنا .. عشان كدة فكرت فى أن أحاول أدرس وأكتسب بعض المهارات وفى نفس الوقت اوفر فلوس تساعدنى على المعيشة وأرجع تانى للإمارات لأنى شايف أن المجال هنا واسع برضة .. فعشان كدة يا ريت أى واحد من الجماعة اللى هاجروا بدأ رحلته من الإمارات يشرحلى الخطوات هشان انا هنا قدامى كذا حاجة وأتشتت ومعدتش عارف أبتدى منين ز

هل أروح لمكاتب أستشاريين الهجرة اللى موجودين هنا ؟

ولا أبتدى بالسفارة الكندية او القنصلية ؟

أو أبتدى بالقنصلية البريطانية وأحاول فى المنح الدراسية اللى بتقدمها ؟

يا ريت اللى عنده معلومات يفيدنى ولكم جزيل الشكر يا مصريين