كل ما تريد معرفته عن (كندا)

[MZohairy]

الملايين كتير يا هادي بس فين النفس اللي تصرف -_-

و والله لقب خديوي ده مش بطال

انا موافق B)

شوفولي ياجماعه الموضوع بقى ينوبكم ثواب

ابوس ايديكم يعني؟ mfb:

في ايجار ولا لأ؟

الموضوع ذو جدوى ولا لأ؟

ناس قالولي انه بيكسب كويس لو في اتراكشن للعرب

ايه رأيكم بالتفصيل؟

[wagdi]

العزيز زهيري...

أنا حاكلمك على هنا في مونتريال... وأعتقد الوضع مش حايختلف كتير في أي حتة تانية...

شوف ياسيدي... مبدئياً نتكلم عن المكان... لو حتاخد مكان شغال وله زبون وجاهز حتدفع لك في الأول من 40 إلى 120 ألف على حسب المكان ومساحته وتجهيزاته وموقعه...وبعدين الإيجار بتاع كل شهر حتلاقيه من 1000 إلى 5000 أو أكتر حسب المكان وموقعه.... أما لو حتاخد مكان كده من بابه...فيبقى سعادتك مش حاتدفع غير الإيجار بس...وممكن في الاول تدف تأمين شهرين...بس حايكون عليك توضيب المكان...وده حايخدله من 40 إلى 120 ألف (برضه -_- ) على حسب المساحة ونوعية التجهيزات والمطبخ إلى حتعمله... وإعمل حسابك إن دقة المسمار هنا بفلوس...ده غير الدعاية وتعمل حسابك إنك لسه حتربي زبون وحتقعدلك كدة كام شهر عقبال مايبقى فيه رجل...

بالنوسبة للزبون العربي وفكرة المزيكا الشرقية والكلام ده فده مش حايمشي من غير شيشة...وأحب أبشرك إن كيبك من أول الشهر الجاي حايتمنع فيها التدخين في كل الأماكن المغلقة (حتى الخمارات وبيوت الدعارة)... وعنى كدة إنك لازم تقدم أكل علشان تجيب مصاريفك...وعلشان تشتغل وتعرف تطلع فلوس لازم تبقى إبن كار... يا إما حتلاقي نفسك بتخسر من حيث لا تعلم... ولو أنت مثلاً دخلت مع شريك فاهم الصنعة وقدرتوا تعملوا حاجة تتميزوا بيها عن باقي المطاعم العربي ممكن تكسب وتلعب معاك... بس في جميع الأحوال إنت محتاج فلوس حية علشان تبتدي...وفلوس مترقدة تشيلك في الشهور الأولى لحد ما الأمور تمشي نفسها...

وعامة... مانصحكش أول ماتيجي كدة تعمل مشروع...يعني إنت محتاج الأول تكون علاقات وتتعرف على ناس وتعرف نظام البلد والضرايب وإلى رايح وإلى جاي والزفة طالعة من أنهي حارة... ومافيش مانع لو تتنكر في زي جرسون وتشتغلك كام شهر كدة في كام مطعم تتجسس عليهم وتعرف العالم دي ماشية إزاي كنوع من أنواع دراسة السوق...

وربنا يوفقك... mfb:

[الرافعي]

انت ناوي تهاجر يا عادل؟ اقصد يا حلاوه؟

<{POST_SNAPBACK}>

يعني يا حبذا لو مكان فيه هادي وزهيري وإيهاب سالم ، ووجدي ... أظن فرصة لا تعوض

هادي يتحفنا بأفكاره الافتكاسية (زي الطوب بتاع حائط برلين) فاكر يا أخويا ;)

وزهيري يسمعنا الفن الأصيل، وأنا من دلوقتي متخيله وجد مكان مناسب، فرح شعبي في مونتريال مثلاً ... وقاعد يغني بالعافية زي حسن أبو الروس في فيلم بداية ونهاية ...

ويقوم واحد غلبان من المواطنين الكنديين ، ويقول له حرام عليك يا عم .. فحضرتك تقول له ما تقعد يا ... زي ما قال فريد شوقي .. أنا مالي بقى يا عم -_-

أما إيهاب سالم فيصعب تخيل المكان من غير نظرياته الوجودية الرهيبة التي جمعت ثقافة قطر وكندا وقلعة الكبش وحارة شق التعبان B)

ويا سلام على وجدي لما يتحفنا بقى بالبارفانات الشديدة، وأهم المعلومات عن الأشياء اللي ما لهاش لازمة، ولا احنا عارفين لها أصل .. يعني ليه الإنجليز بيولوا ثانك يو فيري ماتش إن ديييييييد بدلاً من أن يقولوا ثانكس .. ممكن عندهم وقت مثلاً ؟؟ مش عارف mfb:

رفاقي في كندا .. صباح الخير

تم تعديل 11 فبراير 2006 بواسطة حلاوة العنتبلي

[هادي]

الرفيق حلاوة حلاووللي شعبولي

تحياتي القلبية و الكلاوية

اعرفك ان ولدكم الخديوي هادي بخير حال ولا تنقصه سوى رؤياكم

وانا بعت جهاز الشيفرة ف سوق الكانتو بتاع تورنتو

بعدما نسيت الرقم السري :happy:

لكن ربنا ستر

ولازلت اسمعك بقوة 5 / 5 بمقياس ريختر

ميعادنا زي ما هو

وعنوان بيتنا زي زمان

وكلمة السر كتكوت

حول

-------------------------------

محمد باشا زهيري القاطن بدير النحاس

لا تشرب عبدو ابو الروس

ولا تسمع كلام المعلم حلاوة

واياك تلبس حد كرسي ف نافوخه ف بر كندا كله

حتروح ورى الشمس بقوة القانون

اخونا الكبير وجدي اداك فكره عن الحفلة كلها من طق طق لحد سلامه ف خير

فعلا السكة دي مكلفة جداً

انت كل ماعليك

انك تيجي بالسلامة

وتهدى

وتعيش لك يومين .. سائح .. تستمع بالخضرة و الهدوء والنضافة

لانك بعد كده هتتعود على كده وتمل من كده

:)

آه والله

تخيل

:P

وبعد الاسبوعين العسل دول

تلبس الافرول بتاع الشغل

وتنزل تهبد لك أي شغلانه ، تاكل منها عيش و تفهم بيها البلد

وتقابلني على قهوة عزوز

ومعاك جوز عتاقي من بتوع الصعيد الجواني

متزغطين فول نابت

وانا هاعرفك على اصاحبي في كام قهوة عربي هنا

يمكن يكون لك لقمة عيش معاهم

قول يارب

بس تعرف !!!

متسيبك من سكة الفن دي .. وتشتغل مدرب سباحة

صورتك بملابس الاحرام اوحت لي بالفكرة

وانت عارف افكاري النميسة :rolleyes:

سيب لي نفسك

هاطلعك يعني هاطلعك

[MZohairy]

والله ما حخلي حد فيكم يقعد على القهوه بتاعتي :happy:

اتريقوا اتريقوا

حرمتوا روحكم من احلى شيشه واحلى سحلب واحلى حلبه حصى واحلى طاوله وطبعا بالاضافه الى اهم شيئ وهو العزف المبدع والغناء الساحر :)

وجنت على نفسها مراكش! :rolleyes:

[الرافعي]

الرفيق حلاوة حلاووللي شعبولي

تحياتي القلبية و الكلاوية

اعرفك ان ولدكم الخديوي هادي بخير حال ولا تنقصه سوى رؤياكم

وانا بعت جهاز الشيفرة ف سوق الكانتو بتاع تورنتو

بعدما نسيت الرقم السري   :rolleyes:

لكن ربنا ستر

ولازلت اسمعك بقوة 5 / 5 بمقياس ريختر

ميعادنا زي ما هو

وعنوان بيتنا زي زمان

وكلمة السر كتكوت

حول

<{POST_SNAPBACK}>

كتكوووووووووت

حول

جنب الطاحونة القديمة .. النهارده ماشي ..

بس جهز الشاي، والطاقية إياها

أوفر

نسيت ... هو يعني مفيش غير حبيبنا زهيري .. ما تتبناني أنا كمان يا عم ، وربنا يجعل بيوت المحسنين عمار ..

بس كنت عايز أستشيرك في حاجة ...

إذا إحنا هنا مقاطعين ماكدونالدز، وكنتاكي، وهاردييز، وبيتزاهت، وستاربكس، وتشييليز

أمال أنا لم هاطب بر كندا، هاغسل أطباق فيييييييييييين ؟؟؟

إوعى تقولي في مطعم صيني الله يخليك :happy:

تم تعديل 12 فبراير 2006 بواسطة حلاوة العنتبلي

[هادي]

مراكش مين يا مولانا

دي .. براقش .. بالبون :P

وبعدين احنا بنحب نخدم بس

ياعزيزي وشريكي العنتبلي

الشاب قدامك اهو رض التبني

طب اعمل ايه !!!

وبعدين مين قال انك راح تغسك صحون

دي شغلانة الطلبة فقط !!

ياباشا انت هنا ممكن تبدأ بشغلانه بسيطة وهي مدخل بيانات

روح مواقع البحث عن عمل

وابحث عن وظيفة مدخل بيانات data entry

جرب الموقع ده

بنك الوظائف

وكمان الموقع ده

مونيستر كندا

وكمان الموقع ده

workopolis

هتلاقي انها شغلانه سهلة ومتاحة

ودي نصيحتي لكل القادمين الجدد

do it smarter not harder

[world_star]

شكراً كثيراً على معلوماتك القيمة

[world_star]

السلام عليكم

شكراً على هذا الموضوع القيم

أنا إسمي أحمد وأعمل مهندس برمجيات ( مبرمج كمبيوتر )

وكان عندي كذا إستفسار كده , وأتمنى إنكم تردوا عليا :

1 - بالنسبه لامتحان IELTS هو هوه صعب قوي تجيب الدرجة المطلوبه فيه

حيث أنني علمت أنني كي أحصل على 16 درجة بتاعة الانجليزي يجب أن أحصل على 7 من 9 من كل إمتحان من الأربعة إمتحانات بتاعة IELTS ?

2 -بالنسبه لاجراءات السفر والزمن بتاعها , من بداية تقديم الورق حتى وصول الفيزا .. هتأخذ قد إيه عن طريق مكتب الهجرة فى مصر , وقد إيه عن طريق مكتب الهجرة اللي فى لندن - ده لو أنا خارج مصر - ؟

وشكراً جزيلاً

[Family Man]

انا متشكر جدا للعضو world star انة طرح هذة الاسئلة لانها ايضا كانت تجول بخاطرى ونرجو من الاخوة الاعضاء التفضل بالرد

وشكراااااااااااااااااا

[هادي]

ارحب بالاستاذ احمد في منتداه وبين اخوانه

وكذلك الاستاذ العزيز Family Man

وانا في انتظار اجابه شافيه من الاخوة الاعضاء

حيث ان السؤال ليس لي الاجابة عليه لسبب :

1) أنا تجربتي قديمة زمنيا

وانتم تعرفون ان قوانين الهجرة في تغيير وتعديل مستمرين وبالتالي يختلف الجدول الزمني تبعا لذلك .. لكن عن تجربتي الخاصة ، فأنا قدمت عن طريق مكتب لندن لاني كنت مقيم بالخليج .. والجدول الزمني هو سنتان - 24 شهر من - يوم تقديم الملف وحتى استلام التأشيرة .

2) على أيامي لم يكن هناك امتحان لقياس درجة اجادة اللغة الانجليزية وبالتالي فليس لدي اجبة محددة أو تصور واضح حول هذا الامتحان وكيفية حساب درجاته

اتمنى اكون افدت اخواني الكرام

تحياتي للجميع

[MZohairy]

Six Selection Factors and Pass Mark

These charts show how points are awarded in the six selection factors.

Factor One: Education Maximum 25

You have a Master’s Degree or Ph.D. and at least 17 years of full-time or full-time equivalent study. 25

You have two or more university degrees at the bachelor’s level and at least 15 years of full-time or full-time equivalent study. 22

You have a three-year diploma, trade certificate or apprenticeship and at least 15 years of full-time or full-time equivalent study. 22

You have a university degree of two years or more at the bachelor’s level and at least 14 years of full-time or full-time equivalent study. 20

You have a two-year diploma, trade certificate or apprenticeship and at least 14 years of full-time or full-time equivalent study. 20

You have a one-year university degree at the bachelor’s level and at least 13 years of full-time or full-time equivalent study. 15

You have a one-year diploma, trade certificate or apprenticeship and at least 13 years of full-time or full-time equivalent study. 15

You have a one-year diploma, trade certificate or apprenticeship and at least 12 years of full-time or full-time equivalent study. 12

You completed high school. 5

Learn more about the specific requirements and definitions of terms.

Factor Two: Official Languages Maximum 24

1st Official Language

High proficiency (per ability) 4

Moderate proficiency (per ability) 2

Basic proficiency (per ability) 1 to maximum of 2

No proficiency 0

Possible maximum (all 4 abilities) 16

2nd Official Language

High proficiency (per ability) 2

Moderate proficiency (per ability) 2

Basic proficiency (per ability) 1 to maximum of 2

No proficiency 0

Possible maximum (all 4 abilities) 8

Learn more about the specific requirements and the documents you need.

Factor Three: Experience Maximum 21

1 year 15

2 years 17

3 years 19

4 years 21

Learn more about specific requirements for earning work experience points.

Factor Four: Age Maximum 10

21 to 49 years at time of application 10

Less 2 points for each year over 49 or under 21

View the full age chart to determine your points.

Factor Five: Arranged Employment In Canada Maximum 10

You have a permanent job offer that has been confirmed by Human Resources and Skills Development Canada (HRSDC). 10

You are applying from within Canada and have a temporary work permit that was:

issued after receipt of a confirmation of your job offer from HRSDC; or 10

you have a temporary work permit that was exempted from the requirement of a confirmed job offer from HRSDC on the basis of an international agreement (e.g., NAFTA), a significant benefit to Canada (e.g., intra-company transfer) or public policy on Canada’s academic or economic competitiveness (e.g., post-graduate work). 10

Learn more about specific requirements and conditions.

Factor Six: Adaptability Maximum 10

Spouse’s or common-law partner’s education 3 - 5

Minimum one year full-time authorized work in Canada 5

Minimum two years full-time authorized post-secondary study in Canada 5

Have received points under the Arranged Employment in Canada factor 5

Family relationship in Canada 5

Learn more about specific requirements and conditions.

Total Maximum 100

Pass Mark 67

شوف حتجيب كام يا ريس

[world_star]

فى البداية أحب أشكر الأستاذ Family Man والأستاذ هادي

كما أشكر الأستاذ mzohairy

وأحب أقول له : شكراً على معلوماتك ولكن مازال السؤال قائما

هذه المعلوملت أعرفها ولكن ما ينقصني هو معرفة ما إذا كان إمتحان IELTS

صعب لتجاوزة , وكم أحتاج من تدريب على اللغة الانجليزية لأجتازه

وكما أريد أن أعرف المدة الزمنية التى تستغرقها عملية حصولي على الفيزا منذ بداية تقديمي لملفي

وشكراً جزيلاً

[MZohairy]

شوف يا سيدي

امتحان ال IELTS ده يعتمد على قدراتك

بمعنى لو انت اصلا مدارس انجليزي وبتمارس الانجليزي في شغلك يبقى حتجيب 7 أو 8 من 9 ولكني اعتقد ان 8 صعبه أوي

مارجريت تاتشر صعب تجيب 9

غير كده ممكن تجيب 7 أو 6

وانت قيس على كده وشوف

وطبعا التدريب يعتمد انت في اي درجه و عايز توصل لأي درجه

بالنسبه للفتره من تقديمك للملف حيكذب عليك اللي يديلك فتره ثابته يعني انا حاخد الفيزا كمان 4 شهور و مقدم الملف 7-2001 !!!!!!!

بس اقل شيئ سنتين

شكرا

[Family Man]

شكرا للأستاذ mzohairy و world star

ولكنى لم اكن اعتقد ان المدة كبيرة هكذا----------

وياريت تتفضل وتخبرنى كم تكلفت اجراءات الهجرة من البداية للنهاية ان شاء الله بالسلامة يا mzohairy

وبالتفصيل ارجوك--------

وشكرا جزيلا :D

[nancy]

استاذ هادى

استاذ وجدى

مرسى جدا جدا على المعلومات القيمة دى .. ومين عارف يمكن نتقابل هناك ونعمل محاورات المصريين على ارض الواقع

[ahmad_samir]

بسم الله الرحمن الرحيم

شكرا جدا لكل من شارك بهذا الموضوع القيم وشكر للأستاذ هادى على معلوماته الجميله

انا اسمى احمد سمير واعمل دكتور فى الأشعه فى السعوديه وعايز ابدأ فى عمل ملف للهجره لكنده بس عندى سؤال مهم

هل المهاجر لكنده هو الذى يحدد المدينه التى يقيم بها بعد الهجره ام تحدد من الحكومه .

هل سيتم تقييم الماجستير الذى حصلت عليه فى كنده بمعنى انا حصلت على الماجستير فى الأشعه من سنة 2001 فى مصر ايه تقييمهم ليه لما اسافر لكنده وهل يمكن ان احصل على عمل هناك حيث اننى اريد البدء فى عمل الدكتوراه بعد وصولى الى كنده فهل يمكن تسجيلى للدكتوراه وهل انا سوف احتاج للقبول فى احد المستشفيات ولا سوف ابدأ فى دراسة الطب من جديد

معلش اسئلتى كتيره بس الأمر مهم جدا بالنسبه لى حتى اقرر الهجره ام لا

:

:مع جزيل شكرى لكل من ساهم بالموضوع

[ايهاب سالم]

بسم الله الرحمن الرحيم

شكرا جدا لكل من شارك بهذا الموضوع القيم وشكر للأستاذ هادى على معلوماته الجميله

انا اسمى احمد سمير واعمل دكتور فى الأشعه فى السعوديه وعايز ابدأ فى عمل ملف للهجره لكنده بس عندى سؤال مهم

هل المهاجر لكنده هو الذى يحدد المدينه التى يقيم بها بعد الهجره ام تحدد من الحكومه .

هل سيتم تقييم الماجستير الذى حصلت عليه فى كنده بمعنى انا حصلت على الماجستير فى الأشعه من سنة 2001 فى مصر ايه تقييمهم ليه لما اسافر لكنده وهل يمكن ان احصل على عمل هناك حيث اننى اريد البدء فى عمل الدكتوراه بعد وصولى الى كنده فهل يمكن تسجيلى للدكتوراه وهل انا سوف احتاج للقبول فى احد المستشفيات ولا سوف ابدأ فى دراسة الطب من جديد

معلش اسئلتى كتيره بس الأمر مهم جدا بالنسبه لى حتى اقرر الهجره ام لا

:

:مع جزيل شكرى لكل من ساهم بالموضوع

أهلا بك يا دكتور أحمد

للأسف الوضع في كندا مثل السعوديه .. لا تستطيع الانتقال من مدينه الى أخرى الا بموافقة الكفيل :P

طبعا أنت حر في أن تقيم في أي مكان في كندا

و تسافر من غير إذن كفيل و لا حد أصلا بيختم لك باسبورك و انت خارج

توزن الشنط و تلاقي نفسك قاعد في الطياره ..

طب فين يا جماعه ضابط الجوازات ؟ مفيش

ده عالم أول يا دوك

الطب من المهن التي يطلق عليها هناك regulated jobs

و للأسف كل شهاداتنا في جميع التخصصات غير معترف بيها

و طبعا انت عارف أن أحسن 500 جامعه على مستوى العالم .. مش فيهم و لا جامعه عربيه

http://ed.sjtu.edu.cn/rank/2005/ARWU2005FullList2.pdf

بمعنى انك يجب معادلة شهاداتك قبل العمل و معلوماتي بتقول ان الموضوع ده صعب و محتاج صبر

سلام

تم تعديل 20 مارس 2006 بواسطة ايهاب سالم

[sendrella119]

مية مسة علي كل المصريين اللي هنا .......................

انا لسه لاقية الموقع ده من كام يوم شفت مواضيع حلوة وكلام ناس جدعان وكل ما اقرا حاجة ...الناس اللي اخر الشارع يسمعوا صوت ضحكنا علي اللهجة المصرية الجميلة اللي مفتقدينها جدا جدا ......مش ناقص بس غير الكلام اللي مكتوب ده يطلع صوت!!!!!!!!!!!!

من كتر ما هو كلام نابض بجد ومليان دفئ جميل انا مش "ضلعيعة زيكم بقواعد اللغة العربية" ..و"لا باصول الللغة العربية....!!!!"

المهم الموضوع اللي كاتبه الاستاذ هادي مليان معلومات مهمة وبما اني مصرية مقيمة حاليا بكندا ..والله اعلم حنكمل في البلد المملة دي.....ولا لا ......الله اعلم. :lol: .

ممكن نضيف معلومات ....

حنفترض ان انت خلاص الان بكندا .....اول شئ بتدور عليه هو اكيد التليفون ....وتطمن الاهل والحبايب ..والجيران والعلان و...و....

انا باستعمل كرت اسمه

2for1

ب$5

long distance phone card

وهو كرتين في كرت واحد ومدة الكرتين حوالي 40 دقيقة او اكثر وهو متوافر بامريكا وكندا

كمان هذا اللينك للكروت الرخيصة

http://www.ppoutlet.com/

http://www.ppoutlet.com/

انا ما اعرفش اكتب في المنتديات ....مش عارفه الكلام ده حيطلع ايه :sad:

لا اله الا الله الحليم الكريم

لا اله الا الله العلي العظيم

لا اله الا الله رب السموات السبع ورب العرش العظيم

مش لاقية كلااااااااااااااااااااااااااااااااااااااااااااااااااام ....اعمل ايه تاني ....علشان الرد ينضاف

[الصعيدى]

اهلا وسهلا بسندريا كندا اخوكى الصعيدى ان شاءالله هيشرفكم قريب بس ليه كام اسفسار لو سمحت ايه اخبار الشغل اليومين دول وليه بتقولى انها ممله وكمان انتى عايشة فى تورنتو ولا فين