كل ما تريد معرفته عن (كندا)

[deemuck]

السلام عليكم ورحمة الله وبركاته

هذه أول مشاركة لي في المنتدى وتحياتي لكل من أرشدني إليه. عندي سؤال بخصوص الهجرة إلي كندا

درجة البكالوريوس أربع سنوات جامعة، كم درجة يعطيها في التقييم الكندي للهجرة؟

لست اعرف تحت اي بند من القائمة في الموقع اضع الدائرة ؟ افيدونييييي

اود من اللذين لديهم خبرة في ذلك أن يفيدوني بإجابة وافية ولكم جزيل الشكر

[walidsm]

أسامة و نانسي البقاء لله.

النهارده بدا الثلج الحقيقي و لو تقدروا تاخروا شوية يعد يناير يبقى احسن. اناهنا في مونتريال من 3 سنين و بشتغل مهندس انشاءات في مكتب استشاري بمونتريال.

اختيار المقاطعة يجب ان يتم على اساس الهدف من الهجرة. بمعنى اذا كان الهدف هو الحصول على الجنسية فقط ثم العودة مثل 70% من المهاجرين طبقا للاحصاءات الكندية يبقى يفضل ان اللي بيفكر كده ينزل على مقاطعة رخيصة في المعيشة زي مانيتوبا مثلا. او لو عايز تعمل بالمرة شوية فلوس بس بعيدا عن مهنتك انا شخصيا انصح بالبرتا ثم اونتاريو. او اذا كنت ناوي تعمل استثمار تبقى تنزل في اي مقاطعة ولا يهمك و دا اللي انا شخصيا مقدرش اعملوا لان قدراتي لا تسمح بذلك.

بص يا اسامه كيبك في رايي من افضل المقاطعات لاي مهاجر جديد عنده طموح انه يشتغل في مهنته في المستقبل. ليه بقى؟ لان علشان تشتغل بمهنتك في اي حته في كندا لازم تدرس. و الدراسة في كيبك هي ارخص دراسة في كندا كلها و كمان تقدر تدرس بالفرنساوي او الانجليزي. و لكن الحلو ما يكملش لانك في اغلب الاحوال مش حتلاقي شغل بسهولة من غير متعرف فرنسي كويس. و لكن ايضا الحكومة بتدي المهاجرين الجدد كورسات فرنسي لمدة حوالي سنه. بعدها بتديلك كورس ازاي تعمل ال CV و تتعلم تكنيك البحث عن شغل في كندا. دا فيما يخص الحكومة بعد كدا او اثناء دا تقدر تدرس اما علشان تعادل شهادتك او علشان تسجل في النقابة اذا كنت صاحب مهنة Professional (انا شفت في احد المشاركات السابقة من احد الاعضاء عناوين لكل النقابات) على شرط ان تكون مهنتك مطلوبة في خلال الكام سنة الجايين و دا طبعا تقدر تعرفه من الموقع الحكومي للاحصاء و دا الى حد بعيد بيكون صح و المستثمرين هنا بيبنوا عليه توجهاتهم.

http://www.statcan.ca/menu-en.htm

اما اذا كانت مهنتك غير مطلوبة خلال الفترة اللي جايه يبقى تدور على مهنة تانية تكون مطلوبة و تتناسب مع قدراتك.

دلوقتي انت اتعلمت فرنساوي و اتعلمت ازاي تدور على شغل و عادلت شهادتك او سجلت في النقابة او غيرت مهنة و اتعلمت ازاي تدور على شغل عندئذ تقدر تبتدي تدور على شغل في اي حته في كندا و مش في كيبك فقط. الفيم اللي انا حكيته دا ياخذ حوالي من سنه ونص الى 3 سنوات على حسب المهنة و مدى نشاط المهاجر و قدراته.

انا على فكره مش بحبط حد بس بوضح الصورة و احط الناس علر ارض الواقع.

انا عن نفسي اشتغلت في مصر و في خارج مصر لمدة 12 سنة ما بين شركات مصرية كبيرة او اجنبية و لما جيت هنا مشيت على نفس الوصفة السابقة اعلاه والتي هي من واقع تجربتي الشخصية و عشت فيلم الرعب السابق ذكره و لمدة سنتين و اللي اصعب ما فيه اني مكنتش عارف اذا كنت حوصل بعد العذاب و سهر الليالي و حرقة الدم لي و لاسرتي والا لا بالذات اني كنت في وضع هايل في شغلي قبل الهجرة و كمان ما كنش عندي اي علاقات مفيدة او اقارب هنا علشان كده لما لقيت المنتدى دا قررت اني اشارك فيه علشان افيد الناس على اد خبرتي و معلوماتي لاني انا شخصيا عانيت في الاول بسبب قلة العلاقات هنا على الاقل نفسيا. بس ان الله لا يضيع اجر من احسن عملا. و دا هو اللي كان دائما بيطمني في احلك الظروف و بيشجعني اني اكمل.

و في النهاية اتمنى التوفيق للجميع و اللي عنده سؤال يتفضل مع العلم ان الناس هنا كل و احد بتلاقيه يعرف معلومات على اد تجربته الشخصية او مهنته او مقاطعته او في حدود مقاطعته او خبرته او تجارب الاخرين اللي سمعها.

dee صباح الخير

اولا انا فعلا بفكر كتير - مشكلتى فى مونتريال ان الفرنساوى اساسى انا عاوز اتعلم فرنساوى بس يا جدعان الطلعة الاول ده جامد جدا خصوص لو انت كنت مستقر فى مصر لحد ما .

انا فعلا نفسى اروح خلاص لان انا عرفت ان مهما حصل فى مصر لازم اروح كندا لان ولان !!!!!!!!

التاجيل الى حصل حصلى لموضوعين :

وفاة والد نانسى - تانى حاجة بتجلى عروض جيد جدا بالنسبة للحياة فى مصر

انا ونانسى عاوزين نروح كندا - بس القلق

اتمنى ان كلكم تبوقى بخير واعتقد ان ميعاد السفر حيكون بعد 15 يناير ان شاء اللة الى مونتريال

انا اتمنى ان فعلا نعمل رابطة تساعد المهاجرين الجدد اول 6 شهور او اول طلعة

و ليد باشا كويس قوى ان فى حد تانى فى مونتريال و اتمنى ان حكاية الرابطة تتم فعلا

و اتمنى ان تزيدنى معلومات عن الحياة هناك من واقع حياتك مثل ( بقالك كام سنة هناك - وايه الصعوبات - وبتعمل فى مجال ايه )

و ايضا اى معلومات اخرى

وجدى وجيهان عاوزين مشركات جديدة

هادى وايهاب وسيوة انت فين

سيوة المعلومات الى قلتها فى الجون برافو

دى قوللى اخر اخبارك ايه حتعملى لاندج فين

الى مصر فى هذا العصر

ياريت تكتب بخط صغير عشان الخط الكبير ده بهدر صفحات فى المنتدى و ايضا مفزع للعين

و ياريت تتعب شوية وتقرا CIC كويس جدا و تقرا المنتدى كويس جدا

Arranged employment اعتقد على قد معلوماتى ان تكون مرتب لوظيفة فى كندا او عندك وظيفة هناك

ارجو حول تتعب وتفهم بنفسك واسال فى الحاجات التقيلة عشان متهدرش طاقة الناس لبيساعدونا مثلا هادى وجدى وجيهان فى الاسئلة البسيطة

وصدقنى ( هادى ووجدى وجيهان و ايهاب و سيوة دول فعلا يستهلوا كل خير لانهم بيوفروا علنا وقت ومجهود ممكن تدفع فى فلوس كتيره

[مصر هذا العصر]

السلام عليكم

لكل الاخوه اعزاء اولا كل عام وانتم بخير وصحه بمناسبه عيد الاضحى وعيد الميلاد للاخوه المسيحيين

الاخ مصرهذا العصر

كنت عايزه اقولك بس ان فيه دلوقتى طلب هجره مبسط ومش محتاج انك تبعت اى شهادات معه كل اللى عليك انك تملى الطلب وتبعته مع رسوم طلب الهجره ولما يوصلك رد القبول المبدءي حيطلبوا منك وقتها انك تبعت ورقك الموثق

حتلاقى كل امعلومات دى على

http://www.cic.gc.ca/english/press/notice/notice-simple.html

Arranged Employment In Canada

معناها انك تكون بتشتغل فى شغل مؤقت فى كندا وان الشركه اللى موظفاك تكون على استعداد انها تديك وظيفه لما تتقبل كمهاجر واعتقد ان دى مش حالتك بما انك مش عايش فى كندا

----------------------------------------------

:angry2: طارو العشر درجات :angry2:

متشكر كتير على اللينك مدام جيهان

تم تعديل 27 ديسمبر 2006 بواسطة مصر هذا العصر

[Matrix]

السلام عليكم , وكل عام والجميع باحسن صحة وافضل حال ,

انا عن نفسي اشتغلت في مصر و في خارج مصر لمدة 12 سنة ما بين شركات مصرية كبيرة او اجنبية و لما جيت هنا مشيت على نفس الوصفة السابقة اعلاه والتي هي من واقع تجربتي الشخصية و عشت فيلم الرعب السابق ذكره و لمدة سنتين و اللي اصعب ما فيه اني مكنتش عارف اذا كنت حوصل بعد العذاب و سهر الليالي و حرقة الدم لي و لاسرتي والا لا بالذات اني كنت في وضع هايل في شغلي قبل الهجرة و كمان ما كنش عندي اي علاقات مفيدة او اقارب هنا علشان كده لما لقيت المنتدى دا قررت اني اشارك فيه علشان افيد الناس على اد خبرتي و معلوماتي لاني انا شخصيا عانيت في الاول بسبب قلة العلاقات هنا على الاقل نفسيا. بس ان الله لا يضيع اجر من احسن عملا. و دا هو اللي كان دائما بيطمني في احلك الظروف و بيشجعني اني اكمل.

احب احيك يا باشمهندس علي شعورك الرائع و احساسك دلوقتي باللي لسه علي بداية الطريق , ولم اجد غير " جزاك الله كل خير " عن نقل خبرتك للاخرين واتمني من الله ان ييسر لك حياتك ومستقبلك كما يسرتها علي من لا تعرفهم ,

والله يا جماعة الواحد مش عارف يوفي الناس دول تعبهم و صبرهم علي الرد , بعد ما الواحد عاد بيلاقي لغة المصالح والماديات في كل مكان الا من رحم ربي ,

المعلومات اللي قولتها فادتني كتير يا هندسة ,

لاني فعلا اخترت كيبك علشان اكمل فيها دراسات عليا , وبفكر لو ممكن يعني اكون في استف التدريس ,

بس انا خايف اوي من الفرنساوي , ودايما اسال نفسي هل هعرف اعيش بالفرنساوي ,

طبعا لان ناوي استقر في كندا الي اجل غير مسمي ,

وده بيحصل لاني بلاقي الانجليزي اسهل بكتير ومستواي فيه مش بطال ,

يعني مثلا بلاقي الفرنساوي مشكلة كبيرة في المسكيولان و الفيمينين دايما الخبط بينهم , طبعا دا غير الازمنة و تصاريف الافعال ,

فهل بعد اقامتي لمدة سنة مثلا هكون مفهوم كويس لهم ولسه هكون بتهته ,

والخاطر ده بيخليني افكر احول لفانكوفر بعد ما اوصل علشان اللغة فقط ,

بس بفتكر اني وقعت علي ورقة تعهد اني هفضل 5 سنوات في كيبك ,

يا تري عندك فكرة عن الموضوع ده ,

واحب اعرف راي الاخت الغالية جيهان والاستاذ وجدي لما يرجع بالسلامة ,

وتمنياتي بالتوفيق للجميع ,

[walidsm]

السلام عليكم , وكل عام والجميع باحسن صحة وافضل حال ,

انا عن نفسي اشتغلت في مصر و في خارج مصر لمدة 12 سنة ما بين شركات مصرية كبيرة او اجنبية و لما جيت هنا مشيت على نفس الوصفة السابقة اعلاه والتي هي من واقع تجربتي الشخصية و عشت فيلم الرعب السابق ذكره و لمدة سنتين و اللي اصعب ما فيه اني مكنتش عارف اذا كنت حوصل بعد العذاب و سهر الليالي و حرقة الدم لي و لاسرتي والا لا بالذات اني كنت في وضع هايل في شغلي قبل الهجرة و كمان ما كنش عندي اي علاقات مفيدة او اقارب هنا علشان كده لما لقيت المنتدى دا قررت اني اشارك فيه علشان افيد الناس على اد خبرتي و معلوماتي لاني انا شخصيا عانيت في الاول بسبب قلة العلاقات هنا على الاقل نفسيا. بس ان الله لا يضيع اجر من احسن عملا. و دا هو اللي كان دائما بيطمني في احلك الظروف و بيشجعني اني اكمل.

احب احيك يا باشمهندس علي شعورك الرائع و احساسك دلوقتي باللي لسه علي بداية الطريق , ولم اجد غير " جزاك الله كل خير " عن نقل خبرتك للاخرين واتمني من الله ان ييسر لك حياتك ومستقبلك كما يسرتها علي من لا تعرفهم ,

والله يا جماعة الواحد مش عارف يوفي الناس دول تعبهم و صبرهم علي الرد , بعد ما الواحد عاد بيلاقي لغة المصالح والماديات في كل مكان الا من رحم ربي ,

المعلومات اللي قولتها فادتني كتير يا هندسة ,

لاني فعلا اخترت كيبك علشان اكمل فيها دراسات عليا , وبفكر لو ممكن يعني اكون في استف التدريس ,

بس انا خايف اوي من الفرنساوي , ودايما اسال نفسي هل هعرف اعيش بالفرنساوي ,

طبعا لان ناوي استقر في كندا الي اجل غير مسمي ,

وده بيحصل لاني بلاقي الانجليزي اسهل بكتير ومستواي فيه مش بطال ,

يعني مثلا بلاقي الفرنساوي مشكلة كبيرة في المسكيولان و الفيمينين دايما الخبط بينهم , طبعا دا غير الازمنة و تصاريف الافعال ,

فهل بعد اقامتي لمدة سنة مثلا هكون مفهوم كويس لهم ولسه هكون بتهته ,

والخاطر ده بيخليني افكر احول لفانكوفر بعد ما اوصل علشان اللغة فقط ,

بس بفتكر اني وقعت علي ورقة تعهد اني هفضل 5 سنوات في كيبك ,

يا تري عندك فكرة عن الموضوع ده ,

واحب اعرف راي الاخت الغالية جيهان والاستاذ وجدي لما يرجع بالسلامة ,

وتمنياتي بالتوفيق للجميع ,

Matrix

اشكرك على الكلمتين الحلوين بس عايز اقولك على حاجة اتعلمتها من ابويا الله يرحمه ان اللي يعمل الخير ربنا بيجازيه حتى ان الثواب ممكن مش من جنس العمل يعني ممكن ربنا يثيبك في اولادك او صحتك او يبارك في رزق اسرتك او.... و صدقني انا لقيت ان المبدا دا بيخليك عايش سعيد لانك لما بتبقى في ازمة بتكون دائما و اثق ان الازمة حتعدي على لان اللي انت عملته ربنا خير بيخليك مطمئن . عموما اللي انا قلته دا مش وعظ ولا حاجة دي مجرد نصيحة انا اتعلمتها و فادتني كتير اوي في حياتي بشكل عام و في الغربة بشكل خاص لذا انا قلتها لانها انا شايف انها حتفيد الناس اللي بنفكر تهاجر جدا.

بالنسبة ليك يا matrix اذا كنت ناوي تدرس ففيه في مونتريال جامعتين انجلوفون و هم:

http://www.concordia.ca

http://www.mcgill.ca

جامعة conordia عيها دكاترة مصريين كتير و على فكرة انت تقدر تسجل في اي منهم و انت في مصر و تكسب وقت. اذا كنت في مجال الهندسة انا اقدر افيدك بس اقرا الموقع كويس واذا كان عندك اسئلة انا تحت امرك و بالتوفيق. بالنسبة للفرنساوي فاذا كنت ناوي على سلك الجامعة يبقى الفرنساوي مش حيكون مهم اوي بالتسبه ليك. لكن عامة هو زي اي لغة محتاج ممارسة و قراءة كتير و بيتوقف على قدرات الشخص نفسه و مدى استيعابه. يعني انا اعرف ناس عنا بقالها 15 سنة و اكتر بس ميعرفوش ولا كلمة فرنساوي بس طبعا ما بيشتغلوش في مهن احترافية زي طبيب او مهندس او خلافه.دول طبعا لازم يكونوا يعرفوا مش بس فرنساوي كمان لازم انجليزي.

---------------------------------------------------------------

جيهان

انا ساكن على ال Côte Vertu في Ville St-Laurent . ان شاء الله اول لما وجدي ييجي لازم نرتب موضوع الرابطة و نشوف حنعمل ايه لان الموضوع دا في منتهى الاهمية لان من وجهة نظري ان المصريين هنا في مونتريال اللي انا اعرفها مش شوية سواء في مراكزهم او عددهم و كذلك في تورونتو و لكن ليس لهم اي تاثير لا في المجتمع الكندي ولا حتى في الجالية المصرية نفسها. اولادنا بينجذبوا نحو عادات المجتمع الكندي و مبيعرفش ثقافته الاصلية و اهميتها علشان يفخر بيها و دا موضوع في منتهى الخطورة مش معنى كدا اني بادعوا الى عدم الانخراط في المجتمع الكندي بالعكس انا باشجع على الاندماج عي المجتمع مع الحفاط على تقاليدنا و تراثنا و دا مش حيحصل الا لما ولادنا يبصوا يشوفوا نماذج اخرى في المجتمع اللي هو عايش فيه و ناجحين و متوفقين مما يسهل تربيتهم للاباء. بمعنى اصح لما ييجي الابن او الابنة يقولك اشمعنى اصحابي في المدرسة فعلى الاقل انت كاب او ام تقدر ترد و تقلوا طيب ما تشوف بنت جيهان او ابن او بنت و جدي يقوم ممكن يتلم لكن لما يكون مفيش خالس و كل النماذج اللي حوليه هو ناتالي و ايريك و ماري اندريه يبقى قول على الدنيا السلام. ربنا يستر. (الرابطة هي الحل) الحقونا بالرابطة قبل فوات الاوان و المرة اللي جاية حطرح افكار و اهداف و فوائد اخرى للرابطة. و ادعوا كل الاعضاء المقيمين بكندا بطرح مشاكلهم او افكار لحل هذه المشاكل. الى اللقاء

[Matrix]

الباشمهندس وليد

اشكرك علي الرد و النصيحة , وكمان احب اضيف ان اللي ما بيشكر الناس ما بيشكر الله ,

علشان كده اتعودت دايما اشكر كل اللي يقدملي خدمة , وطبعا بشكر واحمد ربنا اولا واخيرا ,

وبالنسبة لموضوع التسجيل في الجامعة فيا ريت تفدني فيه ,

وتحياتي للجميع , وكل سنة وانتم طيبين .

تم تعديل 8 يناير 2007 بواسطة Matrix

[nancyezat]

الاخت سيوة والاخت DEE والاخ وليد شكرا لكم على تعازيكم لي واتمنى من الجميع ان يدعو لوالدي بالرحمة والعفو والمغفرة ,

احب اهنيكم كلكم بعيد الاضحى المبارك اعاده الله علينا باليمن والبركات وياريت نستغل الايام العشرة الحلوة دي في الصلاة والاستغفار والصدقة والقران عشان ربنا يغفر لنا ويرحمنا ان شاء الله .

جيهان القمر طبعا اسامة قايم بالواجب معاكي بس مهما عملنا او قلنا مش هنقدر نوفيكي حقك بصراحة انتي ماشاء الله عليكي متسيبيش حاجة الا لازم تردي عليها ربنا يجازيكي خير يارب ويحفظلك زوجك وابنك ان شاء الله .

احنا يا DEE لغاية دلوقتي مستقرين على مونتريال ولو ان اسامة بيحب يعرف كل حاجة عن كل حاجة وجيهان تايدني في الموضوع دا , احنا لما قابلناها زهقها اسالة في الصغيرة والكبيرة , هو فكر في مانيتوبيا بعد كلام العسولة سيوة بس بصراحة انا مبحبش البرد للدرجة دي معلش ياسيوة اكيد طبعا ممكن نبقى نزور بعض مش في الصيف وفي الايام الاربعة اللي مفيهاش مطر.

انتو عارفين المشكلة ايه دلوقتي ان فعلا بيتعرض على اسامة عروض هايلة في مصر يعني زي ماقال وليد احنا عايشين في مصر في وضع كويس جدا ودلوقتي هيبقى احسن واحسن وطبعا لما نهاجر هنبدأ من الصفر تاني وهنصرف الخميرة اللي معانا لغاية منلاقي شغل بس لو الدنيا كانت ماشية كويس المفروض ان كل دا هيتعوض. المشكلة بس ان الجو دلوقتي برد وانا بقول لاسامة ناجل لغاية شهر اغسطس بس هو مش موافق.

تابعوا معانا عشان نعرف كلام مين اللي هيمشي ( اكيد كلامي طبعا )

[ايهاب سالم]

لا حول ولا قوة الا بالله وانا لله وانا اليه راجعون...

خالص التعازى القلبية لاختنا نانسي و أخونا أسامه ونسأل الله العلى القدير ان يتفقده برحمته وان تكون الجنة مثواه

آمين آمين يارب العالمين

تم تعديل 28 ديسمبر 2006 بواسطة ايهاب سالم

[اسامة]

انت فين ياعم ايهاب وصورك الجميل وشكرا جزيلا على ردك

[اسامة]

جي جي ازيك وحشاني جدا - انا نانسي

اخبار الجو ايه عندكم دلوقتي

الاخ ايهاب

انا نانسي بس بكتب من لوجين اسامة - الف شكر على تعازيك ويارب يرحم والدي وجميع اموات المؤمنين والمؤمنات

[ابن الصعيد]

الاخت نانسى البقاء لله والله يتغمد الفقيد برحمته ويسكنه فسيح جناتة

الاخت سيوه احنا بانتظار حكاياتك عن مانيتوبا

الاخوة الاعزاء

انتم حيرتونا نختار اية ولاية

ا للى عاوز يجمع فلوس يروح البرتا

واللى غاوى دراسة حتى لويغير مجالة يروح مونتريال

واللى عاوز يعيش ياخد الجنسية يروح مانيتوبا لانها ارخص مكان

والله احنا تهنا اكتر مااحنا تايهين

طيب حد يظبطنا كدة

وكل سنة وانتم طيبين

وما تنسوناش من لحم الخروف

اوحتي محشي من عند الاخت جيهان

وكل سنة وانتم طيبين

[Gihan]

الاخ العزيزMatrix

انا لما جيت فى كيبك كنت باعرف فرنساوى بسيط يعنى بفهم شويه وباتكلم بصعوبه بعد 6 شهور من محاولات الكلام مع الناس والفرجه على التلفزيون بالفرنساوى بقيت اعرف اتكلم معقول وبدات اشتغل وبعد 8 شهور تانيين كنت اتعودت وبقي مستوى للغه بتاعى كويس وبما انى كنت لسه فى الكليه فى مصر قبل مااجى قررت اكمل دراستى بالفرنساوى ودخلت Université de Montréal وخلصت البكالريوس كمبيوتر

فى الاول كان صعب لان الكلام حاجه و الدراسه حاجه تانيه بس بفضل الله خلصت وطبعا ده ساعدنى الاقى شغل فى مجالى

وطبعا اى كورسات فرنساوى تقدر تاخدها قبل ما تسافر حتساعد والحكومه بتدى الحق للمهاجرين الجدد فى كورسات لغه لما يوصلوا

حتى لو درست بالانجليزى المهم تكون بتتكلم فرنساوى وعموما فى مجال الكمبيوتر المصطلحات اللى بتستخدم معظمها انجليزى

بالتوفيق ان شاء الله

----------------------------------------------------------

الاخ وليد

طيب ده انت عايش فى حى العرب كلهم

عندك حق في كل للى بتقوله وان شاء الله كلنا مع بعض نقدر نعمل رابطه تساعد المصريين اللى عايشين هنا واللى عايزين يهاجروا

وفى انتظار وجدى يرجع بالسلامه حابدا بلم اقتراحات عن انسب معاد ومكان للقاء

نشوفك قريب ان شاء الله

--------------------------------------------------------

نانسي حبيبتى

كل سنه وانتم طيبين وبخير وصحه

انا عارفه الايام دى صعبه عليكى لكن ربنا معاكى ويعمل اللى فيه الخير

هو كده لما الواحد يكون عايز ياخد قرار صعب بيلاقى عوامل جديده

المهم انكم تسالوا نفسكم انتو عايزين تهاجروا ليه لان فيه حاجات مهمه فى حياة كل اسره لكن الاولويات بتختلف

يعنى الامان المادى و القرب من الاهل والاستقرار وضمان مستقبل للاولاد والمستوى الاجتماعى من ضمن العوامل دى وبما ان الواحد مش ممكن يكون عنده كل حاجه يبقى لازم يحطهم اولويات ويقرر بناء على ده يختار ايه ويضحى بايه على المدى القريب والبعيد

بالنسبه للجو طبعا الوصول هنا فى التلج حيبقى اصعب من الربيع او الصيف لكن فيه عوامل تانيه كمان زى

- الربيع هو اسهل وقت تلاقى فيه شقه (للاسباب اللى قلتهالكم في مسج قبل كده)

- تذاكر الطياره بتبقى غاليه فى الصيف

-لازم تدوا نفسكم وقت كفايه عشان اختيار وتسجيل هانيه فى مدرسه او daycare قبل سبتمبر

- معظم الناس والمصالح بتاخد اجازة الصيف فى النص التانى من شهر يوليو

ربنا معاكم ومستنيه تقولولى احط المحشي على النار امتى mfb:

الاخوة الاعزاء

انتم حيرتونا نختار اية ولاية

ا للى عاوز يجمع فلوس يروح البرتا

واللى غاوى دراسة حتى لويغير مجالة يروح مونتريال

واللى عاوز يعيش ياخد الجنسية يروح مانيتوبا لانها ارخص مكان

والله احنا تهنا اكتر مااحنا تايهين

طيب حد يظبطنا كدة

وكل سنة وانتم طيبين

وما تنسوناش من لحم الخروف

اوحتي محشي من عند الاخت جيهان

وكل سنة وانتم طيبين

واضح انت اخترت اسم 'واحد تايه' ده ليه :blink:

ماقولتلك تعالى مونتريال داحنا حنعمل رابطه وناكل محشي ونهيص :wub:

ماهو انت لازم تعرف انت عايز ايه عشان تقدر تختار الجنه مش موجوده على الارض وكل مكان له مميزاته

بالتوفيق ان شاء الله

[walidsm]

وبالنسبة لموضوع التسجيل في الجامعة فيا ريت تفدني فيه ,

Matrix

طبعا تقدر تقدم على ماستر في اللي انت عايزه حتى لو كان مش تخصصك بس لازم تعرف انك طبعا بتقدم المواد اللي انتا درستها في الجامعة و الجامعة الي بتقدم فيها بتعمل تقييم و بعد كدا بتبعتلك المواد التحضيرية الي لازم تدرسها. و تقدر تعمل كل دا و انت في السعودية قبل ما تيجي هنا و لو على سبيل التجربة علشان تبقى عارف قبل ما تيجي اذا كان الموضوع يستاهل والا لا. بمعنى اصح اذا مثلا قلولك انك محتاج تدرس عدد كبير من المواد يبقى ساعتها ممكن تفكر في حل تاني زي انك تكمل في مجالك او تدرس في ال undergrade في مجال الشبكات. طبعا مجال شبكات الكمبيوتر دا مجال تحفة و هايل و مطلوب جدا هنا بس في تصوري ان موضوع دراسته غالبا انك تدرسه undergrade حيكون احسن لانه بعيد عن تخصصك كمان انك تاخذ شهادة جامعية من هنا احسن في الشعل من انك تاخد ماستر او دكتوراه من هنا. ليه بقى؟؟ لان في الدراسة الجامعية طوال ال 4 سنين بتوع الهندسة بتعمل كل سنة تدريب في شركة و عادة بنسبة 98% بتشتغل في نفس الشركة بعد التخرج. لان الشركات هنا بتفضل اللي ادربوا فيها انهم بيكونوا عرفوا system الشركة.

كمان بالنسبة للصيدلة فهي كمان مطلوبة في سوق العمل و انا اعرف و احد مصري صيدلي اشتغل في السعودية حوالي 10 سنين و جه على تورونتو و درس للتسجيل في النقابة لمدة سنتين و سجل في النقابة و شغال دلوقتي في تورنتو. حبيت اقلك على التجربة اللي اعرفها في هذا المجال و التوفيق.

------------------------------------------------------

نانسي

انا بايد جيهان عي ميعاد الوصول الى كندا و هو الربيع.

----------------------------------------------------

واحد تايه

احنا مش بنتوهك يا عم تايه و لا حاجة. اللي قلناه اولا دي وجهة نظر كاتبها ليك تاخد بيها و ليك ترميها في البحر. و انا اعتقد ان اللي اتقال وصفة سحرية يعني 1+1=2 لكن يبقى انت نفسك تعرف انت عايز ايه. و اذا ما كنتش عارف انت عايز ايه من الهجرة فانا شخصيا نصيحتي انك تنسى الموضوع دا و ما تفكرش فيه بالذات اذا كان وضعك مستقر لان انا اعرف ناس زيك كده جم كندا وهم مش عارفين هما عايزين ايه و في الاخر ضاعوا و تاهوا و ضيعوا سنين عمرهم هدر و بيندموا على اليوم اللي جم فيه كندا و بالتوفيق.

ملحوظة: ده رائي الشخصي و تقدر ترميه البحر برضه.

--------------------------------------------------

جيهان

بسبب ان الحي عرب هو دا الي خلاني افكر في الرابطة لان انتي عارفة اد ايه اللبنانيين بيخدموا بعض و عندهم كام رابطة اللي على اساس طائفي واللي على اساس مذهبي و خلافه. و شوفي البيت السوري و كم الانشطة اللي عاملها طبعا دا بالضافة لرابطة دول المغرب العربي. انا كلمت الجمعية المصرية الكندية و لكن للاسف ملقيتش اي نشاط مفيد. المصريين الوحيدين اللي يعني متجمعين شوية علشان الكنيسة الارثوذكسية بس على اساس طائفي و ليس على اساس المواطنة. عموما بالتوفيق للجميع.

تم تعديل 12 يناير 2007 بواسطة walidsm

[ahmed el hady]

السلام عليكم لكل الموجودين وكل الناس اللى لسة فيها خيرو بتقدم كل ما عندها .. انامهندس مدنى مصرى خبرة 8 سنوات واعمل فى دولة الكويت و لسه مشترك جديد بالمنتدى بعد مااعجبت فعلا بمشاركاتكم ومحاولتكم لمساعدة من هو فى بداية طريق الهجرة واناحلم الهجرة كان بيراودنى منذ فترة وفعلا تقدمت للهجرة الى كيبك وبعد المخاطبات بينى وبين مكتب الهجرة لاستكمال الاوراق ابلغونى انهم وضعونى فى قائمة المقابلة الشخصية والتى لن تتم قبل عام على الاقل وانهم سيبلغونى بميعاد المقابلة عند تحديدها ولذلك فكرت فى استكمال دروس فى اللغة الفرنسية التى توقفت عنها منذ عامين وارغب فى سؤال الباشمهندس وليد بصفته فى نفس تخصصى والذى اريد ان اشكره على روحه الطيبة بمساعدة ابناء بلده. هل المجال الانشائى جيد فى سوق العمل فى كندا وفى اى مقاطعة بالتحديد وماهو المطلوب حتى يتم معادلة درجة البكالوريوس التى حصلت عليها من مصر حتى استطيع الحصول على تصريح بممارسة المهنة وهل التقدم لاستكمال الدرسات العليا هناك يتتطلب دراسات تمهيدية معينة وكم تستغرق مدة الدراسة هناك لانى انا من الناس الى غاوية دراسة ونفسى اكمل دراسات عليا والتى لم اتمكن من الحصول عليه فى مصر لارتباطى بالعمل هناك والتى انعدمت الفرصة تماما بعد سفرى للخليج وكذلك ارغب فى معرفة اذا اردت دراسة تخصص جديد فى الهندسة برضه كيفية عمل تقييم لما درسته وتحديد المواد التى يجب دراستها وماهى المدة التقريبية لدراستها واخيرا اتقدم للشكر لك ولكل الاخوة فى المنتدى على روحهم الطيبة ومساعدتهم لابناء بلدهم والى حسسونى ان لسة المصريين بخير

تم تعديل 10 نوفمبر 2007 بواسطة ahmed el hady

[DEE]

السلام عليكم جميعا

وكل سنه وانتم طيبين ربنا يعيدها علينا جميعا بالخير واليمن والبركات

ما شاء الله انا شايفه نشاط هائل فى موضوعنا ربنا يزيده يارب وشايفه رابطه جيهان ووجدى زباينها بتزيد اللهم ما لا حسد ....

ايهاب ظهر على الساحه والحمد لله ماتدخلش البيات الشتوى تانى واتحفنا بصورك وموضوعاتك تانى

نانسى خليكم مابين الصيف والشتاء اى الربيع اعتقد انه وقت مناسب لكل شىء مثل ما جىجى قالت

انا بناشد فرع تورنتو صاحب الموضوع هادى ان يظهر على الساحه تانى ويخبرنا اخر اخبار تورنتو وسلبياتها ومحاسنها وياريت يخبرنا ليه بيفكر يسيب كندا ويروح افريقيا لو سمحت يا هادى لكى نستفيد

وليد ما شاء الله عليك وعلى حماسك اعتقد ان الرابطه فى مونتريال ستكون ناجحه ان شاء الله

سيوه فى انتظارك ان شاء الله

واتمنى ان يظهروا اخواننا فى مدن اخرى بكندا حتى يضعوا لنا خبرتهم هناك ويكونوا رابطه مصريه فى كل مدينه من مدن كندا من اجل اولادنا هذه امنيه ولا ادرى كيف ممكن لها ان تتحقق ممكن تفكروا معايا....

تم تعديل 29 ديسمبر 2006 بواسطة DEE

[Gihan]

صباح الخير

ادى رساله من وجدى اللى بيقضى كام يوم فى مصر(وبياكل فته وقلقاس هناك)

الفاضلة جيهان...

السلام عليكم ورحمة الله...

كل سنة وحضرتك والأسرة بخير وسلامة...

أنا إن شاء الله راجع يوم الإثنين واحد يناير القادم... وتقريباً عندي الأسبوع كله فاضي...ماعدا الأربع والخميس... فلو تحبوا تتقابلوا في أي وقت أنا معاكوا إن شاء الله...

وأنا شايف فيه زبون جديد كمان... ياللا ربنا يسهل ونلم 30 نفر ونعمل حزب...:)

ياريت تبلغي للجميع سلامى وللأخت نانسي تعازيي لأني كل ما أكتب حاجة في المحاورات تتمسح... :wub:

تحياتي...

انا حاضيف موضوع عشان نتفق على اجتماعنا الاول للرابطه الاسبوع الجاى ان شاء الله فى مونتريال

كل عام وانتم بخير

[Matrix]

الاخت الكريمة جيهان ,

زي ما قولتي اظن ان الدراسة ممكن تحسن مستواي الاكاديمي في الفرنساوي كتير ,

بس انا خايف استسهل واقدم علي الدراسة بالانجليزي لاني متعود عليه ,

فيا تري ممكن ادرس في الاول بالانجليزي و بعدة سنة احول فرنساوي ؟؟؟

الباشمهندس وليد ,

انت فعلا شجعتني اراسل جامعة mcgill وجامعة concordia علشان التفاصيل ,

لاني تهت لما تصفحت الموقع بتاعهم من كتر الكورسات الموجودة ,

وكل كورس له كورس قبله يتطلبه , ومش عارف هبتدي منين بالضبط ,

علي العموم هبلغك بالجديد ان شاء الله ,

تحياتي للجميع , واتفضلوا الرسالة دي :

القرب منّكم ظأططه

والبعد عنّكم شحططه

وحياتى من غيركم لخبطه

زى بطه مش متظغطه

عيد سعيد !! :wub: :)

[walidsm]

السلام عليكم لكل الموجودين وكل الناس اللى لسة فيها خيرو بتقدم كل ما عندها .. هل المجال الانشائى جيد فى سوق العمل فى كندا وفى اى مقاطعة بالتحديد وماهو المطلوب حتى يتم معادلة درجة البكالوريوس التى حصلت عليها من مصر حتى استطيع الحصول على تصريح بممارسة المهنة وهل التقدم لاستكمال الدرسات العليا هناك يتتطلب دراسات تمهيدية معينة وكم تستغرق مدة الدراسة هناك وكذلك ارغب فى معرفة اذا اردت دراسة تخصص جديد فى الهندسة برضه كيفية عمل تقييم لما درسته وتحديد المواد التى يجب دراستها وماهى المدة التقريبية لدراستها واخيرا اتقدم للشكر لك ولكل الاخوة فى المنتدى على روحهم الطيبة ومساعدتهم لابناء بلدهم والى حسسونى ان لسة المصريين بخير واود ايضا ان اشكر الاخت جيهان على ردها على كل من يسألها باستفاضة وروح طيبة

احمد الهادي

- سوق العمل بالنسبة للمجال الانشائي الان في كندا كلها في افضل حالاته و طبقا للاحصاءات فانه سيهبط قليلا في 2007 ثم سيعاود الصعود مرة اخرى في 2008 و 2009.

- سوق العمل الكندي كله عالي عي مجال الانشاءات و الصيانة حاليا و لكن اعلى معدل في البرتا و لكن في كيبك عو هيضا جيد جدا.

- لتستطيع ممارسة المهنة كمهندس انشائي يجب ان تكون عضوا في نقابة المهندسين و لمزيد من المعلومات عن اجراءات التسجيل في نقابة المهندسين في كيبك اقرا الموقع ده كويس

http://www.oiq.qc.ca/en_index.html

- بالنسبة للدراسات العليا ما فيش اي دراسات تمهيدية بالنسبة للجامعات المصرية الا اذا كانت لغتك مش كويسة يبقى حيدولك كورس لغة فقط لاغير.

- مدة دراسة الماجستير حوالي سنتين و الكتوراه من 4-5 سنوات.

- في حالة تغيير المجال انا اعرف و احد غير مجاله من مهندس مدني الى ميكانيكا بس هو درس من جديد و خد بكالوريوس من هنا.

و اتمنالك التوفيق.

---------------------------------

DEE

اتمنالك التوفيق و تيجوا بالسلامة

------------------------------------

جيهان و وجدي

انا رديت على و ضوع الاجتماع الاول و الى اللقاء يوم السبت ان شاء الله.

-------------------------------------

Matrix

لازم تقرا المواقع بتأني و بالتوفيق.

تم تعديل 12 يناير 2007 بواسطة walidsm

[ahmed el hady]

الباشمهندس وليد

اشكرك على ردك السريع وانا فعلا بعد كلامك موضوع الهجرة زاد قوى بالنسبة لية وانا الحمد لله مستواى فى اللغة الانجليزية جيد جدا وفى الفرنسية جيد لأنى حصلت على دورات فى اللغة الفرنسية فى المركز الثقافى الفرنسى فى مصر قبل تقدمى لموضوع الهجرة ومن الان ان شاء الله ساستكمل دراسة اللغة الفرنسية هنا فى الكويت حتى يحين موعد المقابلة وربنا يسهل ان شاء الله حتى التقى جميع الاخوة فى المنتدى والذين احسست فيهم بروح الاخوة والتعاون واتقدم لكل من اشترك فى هذا الموضوع بشكرى وامتنانى واتمنى للجميع التوفيق ان شاء الله وان تستمر الروح الحلوة دى على طول ان شاء الله

[Siwa]

اولا كل سنه وانتم طيبين جميعا بمناسبة عيد الاضحى المبارك. ربنا يعيده على الناس كلها بالخير والبركات. ثانيا؛ والله انا اسفه جدا لتأخري الدائم في الكتابه. ثالثا، منوره يا مدام نانسي ياجميله، وإن شاء الله تكوني معانا هنا قريب إن شاء الله. رابعا؛ اخيرا هادخل في الموضوع. بالنسبه لوجود مدن وقرى صغيرة للعمل .... اكيد طبعا فيه وممكن اسأل لحضرتك يا استاذ واحد تايه عليها. بس فيه حاجه قالي عليها ناس جميله بقالهم هنا 40 سنه. قالولي ما ننصحش حد إنه يشتغل فيها لإن اهل الريف في اي مكان في الدنيا مش من السهل إنهم يقبلوا الاغراب من ابناء وطنهم. مابالك بقه بناس لسه جايه من بلد تانيه. الاستثناء ممكن يكون لو مافيش حد منهم بيشتغل في مهنه معينه... ساعتها بيضطروا يستقبلوا الOutsider ده او الغريب على مضض. والعكس طبعا بالنسبه لاهل الحضر... اللي خبراتهم بتخليهم يتقبلوا الآخر بسهوله. اما عن الإيجار؛ فانا هتكلم على Winnipeg لإني عايشه فيها ولإ ن2/3 من سكان مانيتوبا فيها.

الايجار الشهري هنا يعد من ارخص المدن في كندا

على سبيل المثال. شقه غرفه واحدة ممكن تكون من 350:500

غرفتين من 450:650

ثلاث غرف من 550:750

وده طبعا المتوسط فيه حاجات في حتت سيئه ارخص وفي حاجات متدلعه زيادة عن اللزوم (سونا وجاكوزي وحاجات مين ديه يعني اغلى)

وكمان الحكومه بتاعه المقاطعة بتساعد الناس اللي دخلها محدود من خلال حاجه اسمهاManitoba Housing . لإن عندهم شقق وبيوت بيآجروها للناس بقيمه ماتزيدش عن %25 : %27 من الدخل بتاع الاسرة. وعلى فكره كتير منها في اماكن محترمه جدا. لإن كتير من الناس ديه بتبقى عائلات.

ديه شوية مواقع عن الايجار والسكن في Manitoba ومنها Maintoba Housing. وكمان معلومات عن الايجار للناس اللي جايه جديد. واخر موقع فيهم فيه معلومات اساسية عن الايجار.. اسعار المواصلات...الضرائب على السلع والدخل في Winnipeg.

مدام ديه العزيزة؛ لسه ملقيتش لحضرتك المعلومات اللي حضرتك طلبتيها. بس إن شاء الله هاحاول اجيبها اليومين دول وابعتها لحضرتك إن شاء الله.

Manitoba Housing

Rent Manitoba

Information for new comers

Basic Information about Winnipeg

تم تعديل 30 ديسمبر 2006 بواسطة Siwa