كل ما تريد معرفته عن (كندا)

Gihan · 30 ديسمبر 2006

الاخت الكريمة جيهان ,

زي ما قولتي اظن ان الدراسة ممكن تحسن مستواي الاكاديمي في الفرنساوي كتير ,

بس انا خايف استسهل واقدم علي الدراسة بالانجليزي لاني متعود عليه ,

فيا تري ممكن ادرس في الاول بالانجليزي و بعدة سنة احول فرنساوي ؟؟؟

الباشمهندس وليد ,

انت فعلا شجعتني اراسل جامعة mcgill وجامعة concordia علشان التفاصيل ,

لاني تهت لما تصفحت الموقع بتاعهم من كتر الكورسات الموجودة ,

وكل كورس له كورس قبله يتطلبه , ومش عارف هبتدي منين بالضبط ,

علي العموم هبلغك بالجديد ان شاء الله ,

تحياتي للجميع , واتفضلوا الرسالة دي :

القرب منّكم ظأططه

والبعد عنّكم شحططه

وحياتى من غيركم لخبطه

زى بطه مش متظغطه

عيد سعيد !! :lol: :lol:

الاخ 'Matrix'

بما ان الجامعات هنا يا انجليزى زى Concordia او McGill à Montréal

يا فرنساوى زى Université de Montréal او UQAM) Université de Québec à Montréal

يبقى لازم تختار من اولها

لو عايز تعرف معلومات عن الجامعات الفرنساوى ممكن تروح على

http://www.umontreal.ca/

http://www.uqam.ca/

كليه الهندسه

http://www.polymtl.ca/

لكن بالقصيده الجميله دى ممكن تغير خالص مجالك وتبقى شاعر :D

rayan · 30 ديسمبر 2006

انا انوى الهجرة لكندا

وكما تعلمون انه لكى احصل على الجنسية فلا بد ان امكث عامين هناك

فهل بامكانى الذهاب الى كندا وان اقوم بجميع الاجراءات من ايجار شقة وتامين صحى وغيره ثم اغادر كندا بعد قيامى بهذه الاجراءات مباشرة وارجع الى بلدى واعمل بوظيفتى الحالية ام انه يجب ان امكث فى كندا عامين متواليين فقد سمعت انه فى كندا لا يختمون the passportمن كندا فما مدى صحة هذا الكلام

DEE · 30 ديسمبر 2006

السلام عليكم جميعا

شكرا يا سيوه حبيبتى على اهتمامك وياريت تقولي لنا ممكن لو اسره مكونه من 6 اشخاص تكلفتهم الشهريه تقريبا ممكن تكون كام بدون ايجار السكن من احتياجات المنزل والطعام وما الى ذلك

وشكرا لكم جميعا على هذا النشاط والأهتمام ...

جى جى ما شاء الله على النشاط الواضح الرابطه بدأت تأخذ خطوات جاده ربنا يوفقكم

ياله يا سيوه مش ناويه تعملى رابطه فى مانيتوبا ولا ايه ؟

فى انتظارك يا سيوه الجميله بمزيد من المعلومات

walidsm · 30 ديسمبر 2006

انا انوى الهجرة لكندا

وكما تعلمون انه لكى احصل على الجنسية فلا بد ان امكث عامين هناك

فهل بامكانى الذهاب الى كندا وان اقوم بجميع الاجراءات من ايجار شقة وتامين صحى وغيره ثم اغادر كندا بعد قيامى بهذه الاجراءات مباشرة وارجع الى بلدى واعمل بوظيفتى الحالية ام انه يجب ان امكث فى كندا عامين متواليين فقد سمعت انه فى كندا لا يختمون the passportمن كندا فما مدى صحة هذا الكلام

ريان

- لكي تحصل على الجنسية لازم تقعد 3 سنين خلال 4 سنوات في كندا.

- لكي تحافظ على كارت الاقامة الدائمة لازم تقعد سنتين في 5 سنين (على فكرة كارت الاقامة صالح امدة 5 سنوات و يجدد اذا تحقق شرط مدة الاقامة سنتين في 5 سنين).

- الباسبور لايختم و انت خارج من كندا و لكن يختم و انت داخل فقط و انت تسجل مدة اقامتك خارج كندا في نموذج تملاه عند كل دخول كندا (طبعا نقدر تكتب اللي انت عايزه).

- بس مش هو ده مربط الفرس لانه في حاجه مهمة جدا ان الحكومة تقدر تعرف كل نشاطك في كندا عن طريق ملفك الضريبي لانه طبعا حيبين انك ملكش اي نشاط في البلد يعني ولا بتدرس ولا بتشتغل و لا حتى بتاخد اي مساعدات او قروض او اي شئ .... يبقى ازاي انت بقى قاعد في البلد؟؟؟؟

- انا سمعت زيك بالظبط انه في هنا محامين بيظبطولك كل حاجة وكانك قاعد في البلد......... ازاي ما اعرفش! ...... هما مين المحامين دول و مدى جديتهم و مصاريفهم كام.... اسف لاني برضوا ما اعرفش.

- انا قلت كل اللي اعرفه عن الموضوع ده بس ممكن تلاقي حد تاني يفيدك اكتر مني.

- انا شخصيا بامشي بمبدأ امشي عدل يحتار عدوك فيك و بالتوفيق.

Matrix · 30 ديسمبر 2006

الاخت الفاضلة جيهان

"ميرسي بيكو تو يا تري جونتي "

اهه بنعرف نقول بقين فرنساوي , اصلهم بيقولوا ان اهم حاجة تعرف تقول ميرسي وبونجور وهم بيسهلوا الباقي ,

بمناسبة انك لسه راجعة من السفر , كان نفسي اعرف حاجة مهمة ,

هم بيفتشوا علي حقوق الملكية الفردية في مطار مونتريال ?

لان عندي مكتبة سيديهات غالية عني جدا فيها كل البرامج و الكتب و الافلام و الاغاني الي بحبها ,

هل هيطلبوا انها تكون اصلي مش كوبي ,

دي تبقي حوسة ,

واخيرا

"جو بس لو كوكو " :lol: :lol:

تم تعديل 8 يناير 2007 بواسطة Matrix

rayan · 31 ديسمبر 2006

shokran walidsm

eid mabrouk,

deemuck · 1 يناير 2007

السلام عليكم ورحمة الله بركاته,

عندي سؤال للعمل في كندا ، هل مبرمجين لغة ++VISUAL C مرغوبين في كندا وأي ولاية بالضبط؟

وجزاكم الله كل خير

ابن الصعيد · 1 يناير 2007

الاخت سيوة

فينك وفين مقالاتك

الكل بيشكر في الولاية اللي فيها انتي حتي الان ما قلتيش لينا منيتوبا من نظرك حلوة ولا نروح عند الاخت جيهان مونتريال ولا عند العمدة هادى تورونتو

..............................................................................................................

العمدة هادي فينك

باين اعمالك كترت ونسيت المنتدي

نحب نسمع صوتك

واحشتنا

..............................................................................................................

الاخ وليد والاخت جيهان والاخ وجدي

مقالاتكم جميلة

واية اخبار الرابطة

ربنا معاكم

...................................................................................................................

Gihan · 1 يناير 2007

الاخت الفاضلة جيهان

"ميرسي بيكو تو يا تري جونتي "

اهه بنعرف نقول بقين فرنساوي , اصلهم بيقولوا ان اهم حاجة تعرف تقول ميرسي وبونجور وهم بيسهلوا الباقي ,

انا فعلا بعت ايميل للجامعة وللكلية وجاني رد توماتيكي انهم قافلين دلوقتي و هيفتحوا يوم الاربع 3 يناير ,

بمناسبة انك لسه راجعة من السفر , كان نفسي اعرف حاجة مهمة ,

هم بيفتشوا علي حقوق الملكية الفردية في مطار مونتريال ?

يعني مثلا انا عندي لاب توب , بس الويندوز و الاوفيس طبعا مش اصلي , دا غير باقي البرامج ,

وتاني حاجة مهمة هي السيديهات و الدي في دي ,

لان عندي مكتبة سيديهات غالية عني جدا فيها كل البرامج و الكتب و الافلام و الاغاني الي بحبها ,

هل هيطلبوا انها تكون اصلي مش كوبي ,

دي تبقي حوسة ,

واخيرا

"جو بس لو كوكو " :mellow: :ph34r:

ايه الفرنساوى ده كله يا 'Matrix' يا مون فرير

فى المطار محدش بيفتش عن حقوق الملكية الفردية خالص كل اللى يهمهم انك ماتكونش مخبى قنبله فى اللاب توب

الموضوع ده ممكن بيفتشوا عليه لما يكون عندك شركه بس

ماتقلقش وهات سيديهاتك ياعم وابقي اعمللى كوبى :blink: :closedeyes:

Dee وواحد تايه

ادينا اهو بنوضب عشان نعمل اول لقاء للرابطه الاسبوع ده ان شاء الله

انا ووجدى ووليد متحمسين بس عايزين بقي نلم زباين

مش عارفه سندريلا فين؟ هى كمان فى مونتريال وكانت عايزه تشترك لكن بقالى مده مش شايفاها على المحاورات

ولو انها حتبقي ربيييطه صغننه فى الاول لكن ربنا يسهل وتكبر

DEE · 1 يناير 2007

السلام عليكم جميعا

حقيقى انا فرحانه جدا يا جيهان بالرابطه الى بتكونوها

وفى انتظار سيوه لتكمله المعلومات وهادى اين هو وسندريلا يا أخوانى وأخواتى اين مشاركاتكم ومعلوماتكم لا تكلوا ولا تملوا ...

فى انتظار مشاركاتكم

Matrix · 2 يناير 2007

"ما سيغ" جيهان

ربنا يعلم انك اسعدتيني فعلا بخبر السيديهات , وليكي عندي كوبي ان شاء الله من كل الي تختاريه ,

واعتبري ده وعد بجد , مش زي موضوع المحشي اياه :rolleyes: :ninja: :wub: ,

تم تعديل 8 يناير 2007 بواسطة Matrix

ايهاب سالم · 4 يناير 2007

انت فين ياعم ايهاب وصورك الجميل وشكرا جزيلا على ردك

أنا موجود يا عم أسامه .. بس في صورة مراقب

بالنسبه للصور .. فما زلت مستمر في تنزيل صور جديده على نفس العنوان

صور من كندا

أنا عندي لك إقتراح بخصوص ترددك في الذهاب لكندا في ظل وجود فرص ممتازه متاحه لك في مصر

أنا مريت بنفس الظروف سنة 2004 عندما حصلت على التأشيره و كنت لا أريد مغادرة قطر لنفس أسبابك .. فذهبت الى كندا لمدة أسبوع و أنهيت إجراءات الإقامه و رجعت الى قطر الى الأن .. القانون الحالي يعطيك 3 سنين متواصله خارج كندا بعد الاندينج دون أن تفقد الإقامه

إذا كان هذا الحل يناسبك .. يمكنك الذهاب لعمل لاندينج فقط و يستحسن يكون في الصيف ثم تعود الى مصر و تستفيد من الفرص المتاحه لك هناك ثم تعود الى كندا قبل إنقضاء ثلاث سنوات

بالتوفيق

اسامة · 4 يناير 2007

شكرا جزيلا ايهاب على النصيحة وصدقنى اخذ بها بس فى حاجة اتفاجت بها ان لازم فى خلاللا 3 السنين القادمة اكون فى كندا

و الحاجة الى مافهمتاش من أ. وليد يعنى ايه اقامة تجدد لازم اقعد سنتين

على فكره ايهاب انا بدخل على الواحة المصرية بس مش عارف اتفرج على صور مونتريال بتاعت امير و اشتركت بردة مش جى معى لو تقدر تحض الصور لمونترتريال عندنا هنا فى المحاورات تبقى خدمة لن انساهلك لانى انا مش لاقى صورة واحدة لمونتريال

على فكرة انا عاوز اسالك سوال هو انت مش خايف من انك تسيب قطر وتروح لكندا وخصوصا ان عندك اولاد انا اسف مش بخوفك بس اكيد فى نوع من الحذر لعلمك انا صرفت كتير على موضوع الهجرة وانا من عندى حوالى 14 سنة عاوز اعيش فى اوروبا فعلا سافرت ورجعت عشان كان سفر لاغراض اخرى

انا عاوزاروح كندا التهاردة قبل بكرة بس مكدبش عليك فى نوع من القلق

تحياتى اوعى تنسى صور مونتريال

مع السلامة

deemuck · 4 يناير 2007

السلام عليكم ورحمة الله وبركاته ،،،

إخواني الكرام أريد الاستفسار عن "أوراق الصحيفة الجنائية" في طلب الهجرة:

أنا مصري ومقيم في الطائف – السعودية وأعمل بها مبرمج كمبيوتر من 7 سنوات ومطلوب مني أوراق الحالة الجنائية لكل بلد أقمت بها أكثر من 6 شهور ، فأرجوا من اللذين لديهم خبرة أو مروا بهذا الموضوع أن يفيدوني

هل إرسال الورقة يكون مباشرة إلي السفارة في بريطانيا ، أو هناك طريقا آخر لا أعرفه ...................

ايهاب سالم · 4 يناير 2007

شكرا جزيلا ايهاب على النصيحة وصدقنى اخذ بها بس فى حاجة اتفاجت بها ان لازم فى خلاللا 3 السنين القادمة اكون فى كندا

و الحاجة الى مافهمتاش من أ. وليد يعنى ايه اقامة تجدد لازم اقعد سنتين

حضرتك أول ما تنهي إجراءات الإقامه هتاخد PR CARD علية تاريخ إنتهاء الصلاحيه 5 سنوات من تاريخ اللاندينج .. حضرتك ممكن تسيب كندا في نفس يوم اللاندينج و ترجع تاني في أي يوم قبل تاريخ إنتهاء الإقامه .. إن شاء الله قبل إنتهاء ال 5 سنين بيوم .. المهم إنك لما الإقامه تنتهي هتروح تجددها .. هيكون السؤال المنطقي ساعتها

انت ليه بعد مرور 5 سنوات جاي تجدد الاقامه و انت المفروض بعد 3 سنوات يكون معاك الجنسيه .. ساعتها هيطلبوا منك تثبت إنك أقمت داخل كندا لمدة سنتين في خلال ال 5 سنين اللي بعد اللاندينج عشان يجددوا لك الإقامه فقط

عشان كده لازم تقعد سنتين في ال 5 سنين عشان تقدر تلبي الشرط ده .. و في حالتي أنا .. إخترت أخليهم أخر سنتين في الخمسه وده اللي بأقترحه عليك

على فكره ايهاب انا بدخل على الواحة المصرية بس مش عارف اتفرج على صور مونتريال بتاعت امير و اشتركت بردة مش جى معى لو تقدر تحض الصور لمونترتريال عندنا هنا فى المحاورات تبقى خدمة لن انساهلك لانى انا مش لاقى صورة واحدة لمونتريال

الأخ / أمير وضع الصور مرفقه بداخل المشاركه و ليس بوضعها على موقع إستضافه خارج المنتدى و لذلك لا يقدر أحد على التعامل معها ألا هو .. لأنها في مشاركته

على فكرة انا عاوز اسالك سوال هو انت مش خايف من انك تسيب قطر وتروح لكندا وخصوصا ان عندك اولاد انا اسف مش بخوفك بس اكيد فى نوع من الحذر لعلمك انا صرفت كتير على موضوع الهجرة وانا من عندى حوالى 14 سنة عاوز اعيش فى اوروبا فعلا سافرت ورجعت عشان كان سفر لاغراض اخرى
انا عاوزاروح كندا التهاردة قبل بكرة بس مكدبش عليك فى نوع من القلق

طبعا قلقان .. ودي من أكتر الحاجات اللي تقلق .. لكن أنا أولادي لسه صغيرين و لما أروح و أقعد 3 سنين هيكون أكبرهم لسه موصلش مرحلة المراهقه .. ساعتها هيكون معايا الجنسيه إن شاء الله و ممكن أسيب كندا في أي لحظه لو حسيت إنهم هيضيعوا هناك

حيدر العراقي · 6 يناير 2007

السلام عليكم من بغداد دار السلام...

بصراحة انا حبيت اشترك في هذا الموقع فقط لكي اقول لكم شكــرا على هذه المعلومات القيمة التي تساعد بشكل كبيركل المهاجرين العرب و توضح الصورة عن الحياة في كندا.

شكرا جزيلا لكل الاخوان "خصوصا استاذ هادي" وشكرا لمشاركة المعلومات وان شالله يديكو علة اد نياتكو!! :rolleyes:

تحيـــــاتي

Altimimi · 6 يناير 2007

السلام عليكم ورحمة اللة ويركاته

أخواتي واخواني المساهمين الكرام / كم كنت اتمنى ان أجد حب الخير في علاقاتنا العربية , لعمري لقد اثبتم انكم اهلا للخير والمحبة ولااستطيع سوى ان اشكركم وبكل أحترام وأخص بالذكر ألأخ المشرف - هادي - وجدي - وصاحب الأبتسامة الخجوله - الرافعي - ومزيل الهموم زهيري -الصعيدي - وجميع الأخوات اللواتي أثرن وابدعن .واعتذر عن عدم ذكر البقية فأنكم في القلب ,أدامكم اللة للخير .

أطلت عليكم ولكن في صدري حب لكم -

وسؤالي قبل ان اسافر الى تورنتو كمهاجر skill في شهر مايس-( ايار- مايو ) :

إبني ( بكولوريوس هندسة برمجيات الحاسوب ) وهو الان قد تم عقد قرانه على بنت الحلال , وسيسافر معي كأحد افراد الأسرة الغير مستقلين ,هل يؤثر تسجيل زواجه الان على هجرته أم يوكل شخص بتسجيل زواجه بعد وصوله كندا وحصوله على عمل ثم يطلب حضور زوجته ( بعقد زواج مؤرخ بعد تاريخ دخول كندا )/ لأني اعتقد لو انه قد سجل زواجه قبل السفر سوف تكون الزوجة فرد إضافي للعائلة غير مسجل في اوراق الهجرة ( معاملة الهجرة لعائلتي أخذت ستة سنوات لأسباب خارجة عن ارادتي وحينها لم يكن ابني يفكر في الزواج ....... :rolleyes: ؟ :

إن لم يكن سؤالي ثقيل عليكم فلدي مزيد من الأسئلة للمشاركة القادمة لم أجد لها جواب واف

جزيل الشكر

أخوكم التميمي / العراق

تم تعديل 6 يناير 2007 بواسطة Altimimi

دسوقي · 7 يناير 2007

السلام عليكم

حقيقة والله محاورات تفرح

شباب زي الفل وأخلاق عالية .........أمال بيقولوا المصريين في الغربة وحشين مع بعض ليه

عموما هذه أول مشاركة لي هنا

لاحظت ماشاء الله هادي ووجدي وايهاب سالم

كمان جيهان وسندريلا وعمو زهيري لهم جميعا مني سلام وتحية

وتهنئة متأخرة بعيد الأضحي المبارك

علي فكرة

فكرة الرابطة دي ياعم ايهاب انت والاستاذة جيهان اكثر من ممتازة واكثر من رائعة

اموت أنا في شغل الاجتماعيات ده !!!!!!!!!!!!!

تخيلوا احنا طلبة سنة نهائية في احد كليات ( اقصد كتاتيب ) الطب المصرية قررنا نعمل رابطة طلابية ( والله بيور طلابية ليس لها اي توجهات حزبية أو سياسية ) وبدأنا في الاجتماعات التحضيرية عالمكشوف في مكان عام وكانت النتيجة ان الامن تدخل واوقف المشروع كاملا وهددنا ( اي والله ) بالاعتقال

المهم اوعوا تتنازلوا عن فكرتكم دي ابدا حتي مع معوقات البداية والتجميع

لي سؤال معلش

انا طالب سنة نهائية بكلية طب وافكر في الهجرة

وساجيب علي سؤالكم الشهير

حدد عايز ايه من الهجرة ؟؟؟؟؟؟؟؟؟؟؟؟؟؟؟؟؟؟؟؟؟؟؟

حاضر ...........

1- عايز ادرس الجراحة علي اصولها في واحدة من افضل كليات الطب الكندية لان للاسف الجراحة يعني استاذ يعلم طالب والاساتذة المصريين مابيعلموش حد .

2- القهر هنا حاجة وحشة اوي وانا غاوي اعلام وصحافة دراسة وتطبيقا وامن الدولة جعلني اكره مصر للاسف .

3- لله الحمد انا معلوماتي الدينية ممتازة بحكم النشأة وكنت عايز اشارك في اعمال المنظمات الدعوية بكندا

تصوري عن موضوع الهجرة ده

طبعا لا للفرنسية في مجال الدراسة علشان الفورمات بتاع الهارد صعب جدا بالنسبة للطب

ايضا لا للعزوبية ولو ليوم واحد في كندا اتمني ان استطيع اخذ زوجتي ( التي لم تات بعد ) معي الي هناك وغالبا ستكون في طب ايضا ( ان شاء الله بس ربنا ييسر والحاج يوافق ومايكسرش قلبي )

نفسي اسكن في حي او مدينة فيها مسلمين كتير

ياريت الاستاذ ايهاب والاستاذة جيهان يساعدوني ويردوا عليا

جزاكم الله خيرا

ايهاب سالم · 7 يناير 2007

إبني ( بكولوريوس هندسة برمجيات الحاسوب ) وهو الان قد تم عقد قرانه على بنت الحلال , وسيسافر معي كأحد افراد الأسرة الغير مستقلين ,هل يؤثر تسجيل زواجه الان على هجرته أم يوكل شخص بتسجيل زواجه بعد وصوله كندا وحصوله على عمل ثم يطلب حضور زوجته ( بعقد زواج مؤرخ بعد تاريخ دخول كندا )/ لأني اعتقد لو انه قد سجل زواجه قبل السفر سوف تكون الزوجة فرد إضافي للعائلة غير مسجل في اوراق الهجرة ( معاملة الهجرة لعائلتي أخذت ستة سنوات لأسباب خارجة عن ارادتي وحينها لم يكن ابني يفكر في الزواج ....... :wub: ؟ :

أخوكم التميمي / العراق

أخ / تميمي

أسئلة حضرتك دقيقه جدا و محتاجه رأي متخصص

أقترح على حضرتك إستشارة محامي هجره معتمد في البلد الذي تقيم فيه

أو الدخول على أحد المنتديات التاليه المتخصصه في أسئلة حول الهجره لكندا

http://www.canada-city.ca/canada-immigration/

http://www.labrujula.com.ar/cgi-bin/nntp/w...igration.canada

http://expatforums.com/forumdisplay.php?f=...p;sort=lastpost

http://misc.immigration.canada.newsgrouptopics.com/

ستجد محامين متخصصين يتطوعون بالرد على الأسئله

بالتوفيق

ايهاب سالم · 7 يناير 2007

فكرة الرابطة دي ياعم ايهاب انت والاستاذة جيهان اكثر من ممتازة واكثر من رائعة

أنت أكيد خلطت بيني و بين حد تاني يا دسوقي .. أنا مش داخل في موضوع الرابطه .. لأني ببساطه مش عايش في كندا

ده طبعا لا يمنع إنها فكره ممتازه و كنت أحب أشارك فيها لو كنت هناك

ياريت الاستاذ ايهاب والاستاذة جيهان يساعدوني ويردوا عليا
جزاكم الله خيرا

بص يا دسوقي أو نقول يا دوك

معظم الأسئله اللي بتطرح في أخر الموضوع ده .. ليها إجابات في نفس الموضوع بس تايهه بين الصفحات الكتير .. لو قرأت الموضوع من أوله بتأني .. هتلاقي كل المعلومات اللي عايزها

و كمان اللي عنده access للنت ميحتارش .. المعلومات موجوده في مليون موقع .. بس النفس اللي تدور

أنا عشان أزود حيرتك جمعت لك كل الروابط في المنتدى اللي بتتكلم عن كندا و سنينها

http://www.egyptiantalks.org/invb/index.php?showtopic=15886

http://www.egyptiantalks.org/invb/index.php?showtopic=718

http://www.egyptiantalks.org/invb/index.php?showtopic=17845

http://www.egyptiantalks.org/invb/index.php?showtopic=17388

http://www.egyptiantalks.org/invb/index.php?showtopic=712

http://www.egyptiantalks.org/invb/index.php?showtopic=15374

http://www.egyptiantalks.org/invb/index.php?showtopic=4808

http://www.egyptiantalks.org/invb/index.php?showtopic=747

http://www.egyptiantalks.org/invb/index.php?showtopic=743

http://www.egyptiantalks.org/invb/index.php?showtopic=697