كل ما تريد معرفته عن (كندا)

[walidsm]

عندى سؤل يارت احد يرد علية هل بعد احداث ستمبر يتم تفتيش العرب وخاصةالمحجبات تفتيش زاتى فىمطارات كندا ؟

شكرا

سيدتي الفاضلة، هذا الكلام ليس له اي اساس من الصحة و انا شخصيا زوجتي محجبة و اخر مرة وصلنا فيه المطار من القاهرة ودا كان في 2005 لم يتم حتى تفتشينا من اساسه لأنهم عادة في المطار هنا في مونتريال لما بيلاقوا معاك اطفال و انتوا جايين من رحلة طويلة فلا يتم تفتيشك رحمة بالاطفال و ايضا كبار السن اذا وجدوا الا طبعا اذا كنت كاتب في الاقرار الي بتملاه في الطيارة انك جايب معاك حاجة تستلزم تفتيشك زي اللحوم مثلا ودا لانها ممنوع دخولها اصلا او السجائر والخمور والتي يستلزم دفع جمارك عليها. أما كونك مسلم او غيره فهذا ليس له اي تأثير. و بالتوفيق

[walidsm]

الاخت / أزهار المحترمة

تعليق بسيط يا هيثم وهو ان الاخت ازهار هو رجل و اسمه ازهر :blink: .

[walidsm]

الى فادي وجميع المهتمين

بالنسبة لمعادلة شهادة مهندس مدني في كيبيك واالي هي حالتي انا شخصيا.

اولا انا عاوز اقول مقدمة بسيطة الا وهي انه بالنسبة للمهندسين المدني يوجد 3 جهات تقوم بالمعادلة تختلف باختلاف هدفك انت وهم كالتالي:

1. وزارة الهجرة والسكان

بالنسبة لخريجي الجامعات المصرية (واللي انا متأكد منه هي الجامعات الحكومية لأن دي حالتي لأنني خريج جامعة الاسكندرية)، فان كل المطلوب منك ان تقدم شهادة مفصلة بتقديرات المواد التي درستها في الخمس سنين وتدفع رسوم 105 دولار كندي و تستنى شهرين... بعدها حيبعتولك شهادة المعادلة (بدون اي امتحانات) والتي تنص على ان شهادتك تعادل بكالوريوس الهندسة من كيبيك.

هذه الشهادة غير كافية لأنك تشتغل كمهندس مدني في سوق العمل او حتى تدرس في الجامعة (انا حتى تاريخه لم اجد اي جهه تطلبها الا بعض الوظائف الحكومية فقط واللي هي بالنسبة للمهندسين المدني قليلة جدا)

2. الجامعات

هنا في كيبيك كل جامعة بتعمل التقييم الخاص بها لمعادلة الشهادة ولا تعترف بأي تقييم من اي جهة اخرى سواء كانت جامعة اخرى او وزارة الهجرة او اي جهة اخرى و طبعا بتقدم للجامعة شهادة مفصلة بتقديرات المواد التي درستها في الخمس سنين و شهادات الخبرة التي حصلت عليه وبتعمل اختبار لغة وبعدها بيعملوا التقييم.

بالنسبة لي، فأنا بدأت دراسة الماجستير (في ادارة المشروعات الانشائية) في احدى الجامعات الناطقة بالفرنسية و بعد عمل المعادلة و تقييم اللغة فأنهم قبلوني بشرط ان انجح في كورس للغة الفرنسية على ان انهيه في خلال عام من بدأ الدراسة واثناء ذلك ادرس المواد الاكاديمية عادي جدا وقد نجحت في هذا الكورس بعد اول اربع شهور من بدأ الدراسة وأكملت دزاستي عادي جدا كمثل اي طالب في الجامعة.

واثناء دراستي في الماجستير وبعد ان كنت نجحت في امتحانات النقابة (والتي سيأتي ذكرها لاحقا) وجدت فرصة تدريب (بدون راتب) على العمل في احدى المكاتب الاستشارية بمونتريال كفني انشائي (زي مساعد مهندس كده!) لاعمال التصميم الانشائي (على الرغم من ان كل خبرتي خاصة بالتنفيذ في المواقع) . وللاسف الجامعة اللي كنت بادرس فيها لا يوجد بها دراسات عليا للهندسة الانشائية فقررت ان اغير دراساتي الى جامعة اخرى لدراسة ماجستير الهندسة الانشائية في احدى الجامعات الناطقة بالانجليزية، وسجلت بها و قبلوني بشرط ان اجتاز كورس لغة انجليزية في خلال اول سنة منذ تاريخ القبول على ان ادرس عادي جدا في خلال هذه السنة ، والحمد لله تجاوزته بعد اول ترم (4 شهور)، وبعد ان قيم المكتب الذي اعمل به خبرتي و تأكد من مدى جديتي فقد تم تعييني بوظيفة مهندس مدني مبتدئ (لأنه لكي تصبح مهندس مدني محترف وطبقا للقوانين في كندا كلها وليس كيبيك فقط يلزم ان يعمل خريج الهندسة 3 سنوات من ضمنهم سنة على الاقل في كندا وذلك القانون يطبق حتى على خريجي الجامعات الكندية نفسها او اي جامعة في العالم حتى لو كانت جامعة هارفارد).

انا اسف يا جماعة بس نظرا لمشكلة الكيبورد العربي ( بقالي ساعتين باكتب في الشوية اللي فوق دول... :blink: ) فأنا ان شاء الله حكمل موضوع المعادلة والذي يتبقى هو فقط معادلة النقابة والتي هي الاهم في حالة ان يكون هدفك هو البحث عن عمل!

و سأستعير كلمة الاستاذ ابراهيم حجازي ... (سنكمل البقية ما دام في العمر بقية)، وبالتوفيق

أسف للتأخير وخلينا نكمل...

3. نقابة المهندسين بكيبك

التسجيل بنقابة المهندسين هو اهم اجراء يجب عمله حنى يمكنك ايجاد عمل كمهندس مدني، واجراءاته كالتالي:

- تقديم شهادة بتقديرات المواد التي درستها في الجامعة.

- تقديم شهادات خبرة عن العمل الذي قمت به طوال خدمتك.

- دفع مبلغ 465 دولار كندي كمصاريف لدراسة الملف.

- الانتظار مدة 3 الى 6 شهور، بعد ذلك سترسل لك النقابة (اذا كانت كل اوراقك كاملة) خطاب يحددوا لك فيه المواد المطلوب ان تمتحن فيها و يعطوك مواعيد الامتحانات و التي تقام مرتين في العام (مرة في شهر مايو، ومرة في شهر نوفمبر من كل عام) و انت الذي يحدد في اي ميعاد (مايو او نوفمبر) تريد ان تمتحن، وايضا يتم دفع رسوم حوالي 140 دولار كندي عن كل مادة تريد ان تمتحن فيها، كما يمكنك شراء الامتحانين السابقين لامتحانك لكل مادة على ان يتم تسديد مبلغ 70 دولار كندي لكل مادة.

عند نجاحك في الامتحانات المطلوبة منك (والتي تتراوح من مادة واحدة علي الاقل الى سبع مواد على حد اقصى، وعدد المواد يتوقف على تقديراتك ومدة خبرتك) عندئذ يتم تسجيلك كمهندس مبتدئ (Junior Engineer) ويمكنك ان تبحث عن وظيفة Junior Civil/ Structure Engineer وهنا بتصبح زيك زي اي مهندس خريج من هنا (بالمناسبة طبيعة عمل المهندس المبتدئ بيكون مهندس عادي جدا وبيعمل تصميم وكل حاجة ولكن تحت اشراف مهندس محترف والذي بدوره يقوم بمراجعة ما قام المهندس المبتدئ بحسابه وتوجيهه اذا لزم الامر واعطاؤه الدورات اللازمة لرفع كفائته).

للحصول على لقب (Professional Engineer) يجب اجتياز الشروط الثلاثة الاتية:-

- اجتياز امتحان اللغة الفرنسية ورسوم الامتحان مجانية. هذا الامتحان يتكون من ثلاثة اجزاء (كتابة ويشمل الجرامر و سماعي و شفوي)، مع العلم بانه في حالة اجتيازك جزء منهم فأنك لا تعيده مرة اخرى ولكن تعيد الاجزاء التي لم تنجح فيها فقط (هذا الشرط طبعا لا يطبق على خريج هنا ودا طبعا طبيعي جدا لأنه دي لغته اصلا).

- العمل (لمدة ثلاثة سنوات على ان يكون منهم سنة واحدة على الاقل في كندا كمهندس مدني مبتدئ Junior Civil Engineer ،على فكرة هذا الشرط يطبق علي خريجي الجامعات الكندية ايضا) وحيث ان غالبية المهاجرين بيكون عندهم خبرات اكثر من سنتين قبل ما ييجو، فعادة بيتبقى لهم شرط مدة العمل العام في كندا كمهندس مدني مبتدئ Junior Civil Engineer . في نهاية العام يجب الحصول على شهادة خبرة من مهندس مدني محترف (اللي هو رئيسك المباشر عادة) تفيد بما قمت او شاركت به من مشاريع وتحديد عدد الفنيين الذي كنت مسئولا عنهم وطبيعة ونوع العمل الذي قمت به ومستوى ادائك في العمل وتعاونك مع زملائك وعملائك ومستوى لغتك ومظهرك (بمعنى اصح تقرير كامل). ثم يقدم هذا التقرير الى النقابة و تنتظر شهرين وبعد ذلك يصلك خطاب يفيد قبول النقابة لمدة الخبرة في كندا وهي اهم اجراء لحصولك على اللقب.

- الشرط الثالث والاخير هو اجتياز اختبار (القانون واخلاقيات المهندس والذي يجب على كل المهندسين الذين يسجلوا بالنقابة سواء خريجي كندا اوغيرهم بكافة تخصصاتهم ان يجتازوه).

وفي النهاية و بعد اجتيازك الشروط الثلاثة تمنحك التقابة لقب مهندس محترف وهنا يمكنك مهنيا ان تكون مسئول عن مشروع دون اي اشراف.

أرجو ان اكون قد وفقت في تقديم المعلومات اللازمة لمهنة المهندس المدني. و بالتوفيق للجميع.

[walidsm]

يا ترى ايه اسعار الملابس في كندا

الرجالى و الحريمي و الاطفال ( بالنسبة للنوعيات الكويسة و الصيني )

و اسعار الاحذيه ايه الاخبار عنها

انا بسال علشان الحجات دية لو رخيصة يبقى الواحد يوفر على نفسة و ميشلش شنط لبس كتير

بالنسبة للبس الشتاء فأنت معندكش اختيار لازم تشتريه من هنا لان لبس الشتاء بتاعنا اللي في مصر مينفعش هنا خالص وبالذات للاطفال. أما بالنسبة للاقطان فهي في مصرطبعا ارخص. الاحذية الشتوية لازم من هنا ايضا.

بالنسبةة للصيفي انا اعتقد انه في مصر ارخص، ولكن في وقت التخفيضات هنا بتلاقي برضو حاجات لقط.

[Ghost]

مشكور جدا يا اخي وليد على اهتمامك و ردك :blink:

بارك الله لنا في علمك

:taheya:

[ahmed_saleh]

يا ترى ايه اسعار الملابس في كندا

الرجالى و الحريمي و الاطفال ( بالنسبة للنوعيات الكويسة و الصيني )

و اسعار الاحذيه ايه الاخبار عنها

انا بسال علشان الحجات دية لو رخيصة يبقى الواحد يوفر على نفسة و ميشلش شنط لبس كتير

بالنسبة للبس الشتاء فأنت معندكش اختيار لازم تشتريه من هنا لان لبس الشتاء بتاعنا اللي في مصر مينفعش هنا خالص وبالذات للاطفال. أما بالنسبة للاقطان فهي في مصرطبعا ارخص. الاحذية الشتوية لازم من هنا ايضا.

بالنسبةة للصيفي انا اعتقد انه في مصر ارخص، ولكن في وقت التخفيضات هنا بتلاقي برضو حاجات لقط.

الاخ الكريم وليدزم كم انا سعيد بمدى اهتمامك و حرصك على توصيل كل ما تعرفه لنا و ادعو لك بالتوفيق و ربنا يخليك للغلابة :rolleyes:

احمد صالح

[azharazhar]

اخي هيثم

اهلا وسهلا بك

من خلال وجودي في لندن ومن خلال ما اسمعه من الاصدقاء في اماكن اخرى فان مدينة لندن فعلا من افضل المدن في كل شئ...وكل ما ذكرته من شروط تستطيع تحقيقه فيها..

ولكن هناك نقطة انه عندما تقدم للهجرة ليس شرط ان تكتب المكان المحدد الان..الان اكتب اي مكان وبعدها تستطيع التحديد..

بالنسبة للعمل في اختصاصكم فكما قرات فان الموضوع ليس سهلا ويحتاج الى سنوات...وانت عمرك 42 سنة ستاتي اول سنة او ربما اكثر تعمل كاشير او في محطة بنزين وستاتيك لحظات تندم على اللحظة التي تركت فيها بلدك....فيا اخي العزيز ليس في العمر بقية وهذا الكلام ايضا موجه الى شخصيا....تمتع ببلدك الجميل واصدقائك واحبابك واجعل اولادك يتربون في حضن تيتة وجدو ..

نصيحة من اخ مسلم..الغي موضوع الهجرة الى الابد...

تحياتي

[GoldenTiger]

ممكن توضحلنا يا أستاذ azharazhar

ليه لندن أفضل من باقي الولايات الاخرى من حيث مستوى المعيشة ونسبة الضرائب والطقس والتكاليف التقديرية لاستئجار سكن متوسط ياريت توضحلنا كل حاجة عن لندن

وجزاك الله خيراً

[azharazhar]

اخواني الاعزاء..

هذه بعض الايجابيات لمدينة لندن

* عدد سكانها 350 الف نسمة منهم 35 الف عرب ومسلمون

*وجود العرب فيها جيد نوعا ما حيث ترى كثير من العرب اينما ذهبت

*تسمى مدينة الاغنياء والمتقاعدين ومعظم سكانها من البيض من النادر ان ترى شخص اسود

*لا يوجد زحمة ابدا في المدينة..الشوارع جميلة ونظيفة والمدينة جميلة

*فيها واحدة من اشهر الكليات في العالم وكندا وهي كلية فانشوا

*فيها جامعة قديرة ومحترمة هي جامعة ويسترن اونتاريو

*الامان فيها ممتاز

*تربية الاولاد ممتازة لانه لا يوجد زحمة في المدارس...

الجو فيها كما في باقي المدن...الان دخلنا الصيف تقريبا وفي شهر نوفمبر ندخل الشتاء

*اسعار السكن فيها جيدة مثلا شقة غرفتين وصالة وحمامين ب 750-850 وهذه المواصفات في تورنتو ب 1300 دولار

انا حسب ما سمعته فان ايجاد عمل في تورنتو مثلا اصعب من لندن...الاعمال العادية متوفرة نوعا ما مثل المطاعم والمعامل

*الاجور فيها قليلة وهو الحد الادنى وهو 8 دولار

اما السلبيات حسب ما اسمعه مقارنة بالمدن الكبيرة الاخرى مثل ميسيساكا....فان فرص العمل في تلك المدن اكبر لانها صناعية اكثر من لندن..والاجور اعلى...

يعني ملخص الكلام مدينة لندن ابتاع شخص كسول يعيش على اعانات الحكومة ويتمتع بالمدينة ولذلك هي تسمى ايضا مدينة الولفير لكثرة الناس الذين يعيون على مساعدات الحكومة.

انا شخصيا انصح الاخوة بالتوجه الى المدن القريبة من تورنتو والتي تمتاز بالنشاط التجاري والصناعي وفيها موانئ مثل مدن ميسيساكا وكونكورد...وفيها ايضا ميزة انك تستطيع الذهاب الى تورنتو بسرعة لان تورنتو جميلة ويحتاج الشخص ان يزورها مثلا في العطل...فانا في لندن اواجه مشكلة الذهاب الى تورنتو لان المسافة 200 كيلومتر وليس عندي سيارة وسعر تذكرة الشخص في القطار 50 دولار..

انا اتمتى الانتقال من لندن الى مدن مثل مونتريال او تورنتو او فانكوفر او كالكاري..لانني بصراحة اريد رؤية مدن جميلة ومناظر خلابة وووووو...ولا اتمنى ان اقضي سنواتي في كندا في مدينة صغيرة مثل لندن ليس فيها حتى مدينة ملاهي...

تحياتي

[GoldenTiger]

أفهم من كلام حضرتك يا أستاذ زاهر وياريت كمان تعقيب من الاخوة في كندا إن فرص العمل متوفرة أكتر في كالجري وتورنتو ومونتريال عن لندن ومستوى الأجور هناك مرتفع أكتر من لندن

[El-Masri]

كالجارى وإدمينتون أكتر من مونتريال وتورونتوا، يعنى الولايات الغربية فيها شغل أكتر من الشرقية، كالجارى وإدمينتون فيها حاليا نمو إقتصادى كبير لإن فيها بترول وأسعار البترول حاليا مرتفعة.

[GoldenTiger]

كان فيه ناس بتقول إن ولاية ألبرتا بالرغم من إنها الضرايب فيها منخفضة إلا أنها فيها نسبة تضخم بس انا مفهمتش الكلام ده

المهم اللي عاوز أوصله لو واحد رايح كندا وبيبص للفلوس والشغل أكتر مثلاً من المناظر السياحية والطبيعية يبقى يروح على كالجري أو ادمنتون في ولاية ألبرتا

كلامي صح ولا إيه

ياريت التوضيح

[Gihan]

كان فيه ناس بتقول إن ولاية ألبرتا بالرغم من إنها الضرايب فيها منخفضة إلا أنها فيها نسبة تضخم بس انا مفهمتش الكلام ده

المهم اللي عاوز أوصله لو واحد رايح كندا وبيبص للفلوس والشغل أكتر مثلاً من المناظر السياحية والطبيعية يبقى يروح على كالجري أو ادمنتون في ولاية ألبرتا

كلامي صح ولا إيه

ياريت التوضيح

الاخ GoldenTiger والاخوه اللى بيسالوا فين احسن مكان للعيشه فى كندا

السؤال ده انطرح من كام شهر فى نفس الموضوع هنا وفيه كذا اخ واخت ومن ضمنهم انا ردينا عليه فياريت تحاولوا تدوروا على الجزء ده واعتقد انه كان فى اواخر 2006

اللى ممكن اقولهلكم ان كل مقاطعه وكل مدينه لها مميزات وعيوب

يعنى مثلا المدن الكبيره زى مونتريال وتورونتو فيهم فرص شغل اكتر لكن المنافسه اكتر لان عدد السكان اكتر

وكل ما المدينه تكون كبيره كل ما السكن فيها بيكون اغلى

المدن الصغيره فيها فرص شغل اقل لكن عدد الناس اللى بتدور على الشغل برضه اقل و اسعار الشقق اقل

البرتا دى حاله خاصه لانهم مع ازدهار صناعه البترول فيها اقتصادها ارتفع بشكل خيالى وده معناه فرص شغل كتير وانتعاش اقتصادى كبير لكن معناه فى نفس الوقت نسبه تضخم كبيره يعنى ارتفاع الاسعار للاراضى و تاجير الشقق و الحياه عموما فيها برضه ناحيه ايجابيه وناحيه سلبيه

وبصراحه انا انصح اللى عايز يهاجر كندا ويعيش فيها مع عاءلته انه ما ياخدش قراراته بناء على نفس المقاييس اللى بيستعملها اللى مسافر دوله عربيه

اللى بييجى كندا بييجى عشان يبنى لنفسه ولعاءلته حياه مستقره امنه ومستوى معيشى نضيف لان محدش بييجى هنا وبيعرف يحوش وده لاسباب عديده

اولا بدايه الحياه هنا صعبه وبتاخد بين 2-3 سنين قبل ما تتعود على اللغه وتعادل الشهاده وتلاقى وظيفه فى مجالك و بعدين اول ما تترستاء وتبتدى تشم نفسك بتبدا تفكر تشترى بيت وعربيه جديده وتحسن من مستوى معيشتك والخطوه اللى بعدها تبقى السفريات والاجازات فى جنوب امريكا وكوبا والمكسيك عشان تستريح مش شغل طول السنه الخ الخ

والفلوس اللى بتدخل بتخرج من الناحيه التانيه ولكن بتعيش فى مكان مريح و نضيف و على اد ما بتشتغل بتتقدم فى حياتك

و زى ما بيقولوا هنا you work hard and you play hard

وعشان كده اختيار المكان لازم يكون على اساس راحه البال

فلو انت متدين وعايز اولادك يتربوا على الدين يبقى دور على المدن اللى فيها جاليات عربيه ومساجد او كناءس ومدارس عربى

لو بتحب تتفسح وتخرج يبقى دور على المدن اللى فيها وساءل ترفيه و اماكن للفسح سواء للعاءله او لفرد

لو خايف تحس بالوحده ببعدك عن اهلك يبقى دور على مدينه فيها جاليه عربيه كبيره

لو بتحب الطبيعه والهدوء يبقى اختار مدينه صغيره

وهكذا

وصدقونى لو الواحد عاش فى مكان مريح نفسيا حيقدر يبذل مجهود اكتر ويتقدم فى حياته

اما لو عايش فى حته كارهها يبقى حتى لو بيكسب ملايين مش حيعيش مرتاح

بالتوفيق للجميع

[El-Masri]

كان فيه ناس بتقول إن ولاية ألبرتا بالرغم من إنها الضرايب فيها منخفضة إلا أنها فيها نسبة تضخم بس انا مفهمتش الكلام ده

المهم اللي عاوز أوصله لو واحد رايح كندا وبيبص للفلوس والشغل أكتر مثلاً من المناظر السياحية والطبيعية يبقى يروح على كالجري أو ادمنتون في ولاية ألبرتا

كلامي صح ولا إيه

ياريت التوضيح

إضافة إلى إن إدمينتون فيها نسبة عالية من العرب ووضعهم كويس نسبيا، أول مسجد إتبنى فى شمال أمريكا كان فى إدمينتون. أما أسوأ المدن من ناحية العنصرية فهى مونتريال الكنديين الفرنسيين فى أخر إستطلاع للرأى حققوا أعلى نسبة عنصرية فى كندا كلها و نتائج إنتخابتهم الإخيرة دليل على ذلك.

المهم لما نقارن مستوى الدخل مع نسبة البطالة مع تكلفة المعيشة مع الوضع الإجتماعى فألبرتا أفضل الولايات.

حتى لو بتدور على سياحة وطبيعة فجنبك فانكوفر و فكتوريا.

تم تعديل 8 مايو 2007 بواسطة El-Masri

[azharazhar]

بالحقيقة البيرتا فيها فرص عمل كثيرة الان..حتى انه في لندن الان ياتون مندوبين من شركات في البيرتا للتعاقد مع ناس من هنا او هناك للعمل في البيرتا...رغم ان اسعار السكن مرتفعة الا ان الاجور ايضا عالية وهنا يتحقق التوازن....احد اصدقائي المهندسين جاءه عرض من البيرتا ب 75 الف دولار سنويا حتى انه لا يملك خبرة كندية...

[Ghost]

شكرا يا جيهان على لمساتك الجميلة فعلا انت ممتازة ؟؟؟

ايضا شكرا يا اخ زهير على مشاركتك لاخوانك

اله , بس فين باقي الشلة . بقالي كتير ما سمعنا هادي و نانسي و اسامة و زهري

و ايه اخر اخبار الرابطة او الموقع الي كنتم عاوزين تعملوه كمصرين في كندا على غرار القوميات الاخرى ؟

و عندي سؤال فضولي بس مهم ( يوضح مدى العلاقة بينكم بكندا) انتم عارفين بعض او قابلتم بعض او على الاقل عارفين تليفونات بعض ؟ حاسين بايه و انتم في الغربه و بتحسوا بايه لما بتكلموا بعض ؟

عاوزين ترجعوا تستقروا بمصر ام زيارة عابرة و على كندا تاني و لا مش عاوزين تشفوا وش مصر تاني ؟

سلام موقت و الى حين اخر

سلام خاص لاختي جيهان

[ابن الصعيد]

ان اختفاء هادي و نانسي و اسامة و زهري عن الكتابه بالمنتدي يعني انهم مشغولين بكندا

وده فال حلو

احنا ما بنحسدتش احسن نتفهم غلط

وربنا يسهل لعبيده

احنا عاوزين نسمع عنهم كل خير بس كل فتره نستأنس بيهم

وسلامي وشكري لهم جميعا علي ما كتبوه بالمنتدي من معلومات غايه في الامانه

[GoldenTiger]

Working in Canada

Anyone who intends to work in Canada must apply for a Work Permit before they enter Canada. Egyptians and Sudanese are also required to have a Temporary Resident Visa (TRV) to enter Canada. However, you do not have to make a separate application or pay a separate fee. An officer will issue the visa at the same time as the documentation that you need to enter Canada as a temporary worker. To immigrate to Canada as a Skilled Worker, see this web site's immigration section.

يا جماعة الكلام اللي موجود فوق ده أنا جايبه من موقع السفارة الكندية بالقاهرة من الرابط ده

http://www.dfait-maeci.gc.ca/cairo/working...da-en.asp#howmu

فهل معنى الكلام اللي مكتوب في الرابط ده إني ممكن أقدم مثلاً في السفارة وآخد تصريح عمل بحيث إني أسافر أدور على شغل هناك ولا ده لازم يكون صاحب عمل باعتلي من هناك عقد

أنا أقصد بالنسبة للموضوع ده لو ينفع الواحد يسافر يشتغل هناك ويقدم على الهجرة من هناك أو من أمريكا بس أقصد بدل ما الواحد يستنى 3 سنين اللي الورق بياخدهم في السفارة

ياريت يا جماعة لو حد عنده فكرة عن الموضوع ده يفيدني

هل ممكن آقدم في السفارة علشان آخد فيزا بتصريح عمل ولا إيه وياريت بالتفاصيل

[Ghost]

ان اختفاء هادي و نانسي و اسامة و زهري عن الكتابه بالمنتدي يعني انهم مشغولين بكندا

وده فال حلو

احنا ما بنحسدتش احسن نتفهم غلط

وربنا يسهل لعبيده

احنا عاوزين نسمع عنهم كل خير بس كل فتره نستأنس بيهم

:blush2:

اضم صوتي الي صوتك فهذا بالضبط ما اقتنع به

سؤالي عنهم يتضمن القول بان المنتدى في حاجة اليهم و ربنا يقضي عنا و عنهم كل الحوائج :closedeyes:

[عبدوس الوزير]

Working in Canada

Anyone who intends to work in Canada must apply for a Work Permit before they enter Canada. Egyptians and Sudanese are also required to have a Temporary Resident Visa (TRV) to enter Canada. However, you do not have to make a separate application or pay a separate fee. An officer will issue the visa at the same time as the documentation that you need to enter Canada as a temporary worker. To immigrate to Canada as a Skilled Worker, see this web site's immigration section.

يا جماعة الكلام اللي موجود فوق ده أنا جايبه من موقع السفارة الكندية بالقاهرة من الرابط ده

http://www.dfait-maeci.gc.ca/cairo/working...da-en.asp#howmu

فهل معنى الكلام اللي مكتوب في الرابط ده إني ممكن أقدم مثلاً في السفارة وآخد تصريح عمل بحيث إني أسافر أدور على شغل هناك ولا ده لازم يكون صاحب عمل باعتلي من هناك عقد

أنا أقصد بالنسبة للموضوع ده لو ينفع الواحد يسافر يشتغل هناك ويقدم على الهجرة من هناك أو من أمريكا بس أقصد بدل ما الواحد يستنى 3 سنين اللي الورق بياخدهم في السفارة

ياريت يا جماعة لو حد عنده فكرة عن الموضوع ده يفيدني

هل ممكن آقدم في السفارة علشان آخد فيزا بتصريح عمل ولا إيه وياريت بالتفاصيل

على حد علمي ماينفعش ولازم يبقى معاك offer من شركة كندية قبل التقديم على work permit