كل ما تريد معرفته عن (كندا)

[Toledo]

*****,Dear

thanks for ur paticipation with us here but i just have a note.

i think that ur nickname is not acceptable as we know that God has no father nor son nor wife.

this is just my note and hope u take it in mind

thanks and welcome between us here

TOLEDO

[اسكندرية تانى]

الاخوة الاعزاء

كما تعلمون فاسم GodFather ترجمتة الحرفية هى الأب الروحى

و على ذلك فالموضوع لا يستحق ان نجادل فية

و تقبلوا تحياتى

[shawshank]

عندي سؤال خارج السياق لو تسمحوا ...

لو عايز اسافر من القاهرة إلى كندا (اقرب مكان إلى جامعة كالجاري University of Calgary) ، ما أفضل خطوط طيران ؟ وما أفضل route ؟

السلام عليكم د. شاوشنك

لو جاي في الصيف يبقى أحسن طريقة في رأيي إنك تاخد مصر للطيران لحد مونتريال وبعدين طيران داخلي. اعتقد إنها كده أريح وأرخص.

مصر للطيران ليها طيران مباشر لمونتريال في الصيف فقط (اعتقد من يونيه ويوليه وأغسطس وسبتمبر)

شكرا جزيلا أخي الحبيب / عبدوس الوزير . جزاك الله كل خير على الرد المفيد .

[nancyezat]

الاخ GODFATHER

احنا قبل مانعمل الخطوة دي سالنا المحامي بتاعنا في مصر وهو اللي افتى الفتوة الرهيبة دي والواحد لما يبقى رايح بلد لسا مايعرفش فيها حاجة لازم ياخد بمشورة الناس الل المفروض انها ليها خبرة فيها ومفيش اكتر من خبرة المحامي طبعا

وعموما شكرا على التعليق والرغبة في المساعدة هو دا الشعور اللي مفروض يكون بين المغتربين

[walidsm]

والله يااخ فادي احنا الغلطة اللي عملناها انه عملنا لاندنج في مونتريال , لان لما وصلنا المطار سالناهم كان ممكن نروح على مطار تورنتو عللا طول بالرغم ان هجرتنا لكيبك قالوالنا طبعا

وبقولك غلطة لانها كلفتنا وقت ومصاريف كتير عشان نوصل تورونتو فاللي معاه الفيزا يروح يعمل لاندنج في اي حتة مفيش مشكلة

ربنا معاك ان شاء الله

How it comes, it is Canada the free country, as long as you have a visa to enter Canada, you have the right to land and live anywhere in Canada, it is logic and law at the same time

anyway good that you are in Canada now, hope that you are doing well

الى God Father

سيدي الفاضل انا لما جيت كندا كمهاجر من 3 سنين كنت معايا فيزا فيدرال على ان يكون اللاندينج في اونتاريو وسألت في السفارة الكندية في مصر قبل ما اسافر اذا كان ممكن اعمل لاندينج في مونتريال قالولي لا بس تقدر تعمل لاندينج في اي حتة الا كيبيك ويعدها تقدر تروح كيبيك او غير كيبيك زي ما انت عايز... انا بصراحة ما اقتنعتش بالكلام دا وبدأت اسأل ناس اخرين في الا خر لقيت اللي بيقولي ينفع و اللي بيقولي ما ينفعش. رحت قررت اني اعمل لاندينج في مونتريال واللي يحصل يحصل وقلت يا عمي يعني هي مونتريال مش حتة من كندا. نزلت يا باشا مونتريال والي هي طبعا حتة من ال free country ودخلت على مكتب الهجرة الفيدرالي وخلصت ورقي عادي جدا مفيش مشكلة وبعد كده الست الاميرة اللي قاعدة في مكتب الفيدرال خلصت الورق ... رحت قايل لمراتي شفتي مش قلتلك مفيش مشكلة والدنيا قشطة امال بس عملولنا شبورة في السفارة وخلاص وانا مبتسم وسعيد ومفتخر بنفسي وطلعت 100/100 ... معلم طبعا امال ايه... :ninja: ...!!! وقالولي بعدها اتفضل على مكتب هجرة كيبيك... بدأت اقلق شوية و خايف احسن يطلع منظري مش اللي هوه :sofa: ودخلت على عمو بتاع كيبيك راح قلي ببساطة معاك ال CSQ (وهذه الشهادة يحصل عليها المهاجرين الى كيبيك فقط) قلتلو ... لأ ... قالي يا وليد باشا ادامك حلين اما انك تأخد شنطك وعيالك وعلى اول طيارة الى اونتاريو وتعمل لاندينج هناك وتقدر ترجع مونتريال في اول طيارة طالعة الى مونتريال او اننا نحددلك ميعاد ونعملك انترفيو في الهجرة الكيبكية واذا قبلناك نبقى ساعتها نديلك ال CSQ ... قلت طيب نشغل الفهلوة يمكن ينفعوا في الظروف المهببة دي ... قلتلو :(يا عمو دي كندا حرة مستقلة(Free country!) وتحية الامة العربية ... مفيش فايدة ... قلتلو انت مش عارف انت بتكلم مين :wub: ) قالي يا وليد باشا ما نا عارف بس برضوا معندكش غير احد الحلين ...( الفهلوة ما نفعتش) قلت طيب نقلل الخسارة شوية يعني بدل ما اسافر تورونتو وادفع فلوس طيران رايح جي. قلتلو طيب نعمل مقابلة دلوقتي واذا قبلتونا نقعد واذا ما قبلتوناش نبقى نسافر لتورونتو ونخلص... قالي اول ميعاد بعد اسبوع قلت يا نهار مش فايت wst:: وهجت ومجت والراجل الحقيقة كان ذوق جدا مع اني انا لو كنت مكانه كنت دربتني... المهم بصيت للشنط اللي انا جايب فيها مصر كلها قلت دا انا حدفع تحويشة العمر اللي انا جي بيها كندا في اول يوم في فرق الوزن وكمان تذاكر طيران لتورونتو... بصيت على العيال وامهم لقيتهم يا عيني واقعين مش تعبانين بس وانا اساسا كمان كنت رايح في داهيه ما حسيتش بيها الا لما اترميت بعد كده على السرير. قلت يالله امري لله اديني يا عم الميعاد ... راح مديني الميعاد والعنوان ومدنيش الجوازات قلتلو يا عمو انا عايز الجوازات قلي الجوازات حتاخودها لما تجيبلنا شهادة دخول الجنة (اسف أقصد شهادة ال CSQ) واداني مكانهم ورقة مؤقتة لاثبات الشخصية وقلي كمان ان تاريخ دخولك كندا حيعتبر من تاريخ ما تجيبلنا هذه الشهادة :cry: وطبعا مش ممكن يتوصف احساسي وانا في هذه اللحظة ....(ياه فكرتوني بالذي مضى)...

المهم طبعا وبعد حرقة الاعصاب و مصاريف اقامة وانت اصلا مش عارف اذا كانوا بعد دا كلو حيقبلونا والا لأ واذا كان مش حيقبلونا يبقى حتضطر تدفع فلوس سفر لتورونتو واقامة تاني في فندق لغاية لما تلاقي شقة... يعني بهدلة؟!!!... المهم رحنا المقابلة بعد اسبوع وادولنا الشهادة بعد ما دفعنا رسوم ليها (800 دولار كندي) smk: (اللي ما تعلموش الايام والليالي يعلموا الدولار الكندي) ... المهم وعنها وخدت الشهادة انا ومراتي وطلعنا جري علشان نثبت تاريخ دخولنا في اسرع وقت وكمان ناخد الجوازات بتاعتنا...

ودي كانت تجربتنا في اللي ما يسمعش كلمة ماما تقولها (على رأي محمد فوزي) في اول يوم في كندا ،وعلى فكرة احنا بنفتكرها دلوقتي ونضحك وبحمد ربنا على التجربة دي لأنها كانت درس مفيد في اول يوم دخلنا فيه هذه البلد واتعلمنا منه اننا ننسى الفهلوة ومن يومها والواحد ماشي زي الالف وبننفذ كل التعليمات بالحرف الواحد والحمد لله كانت مونتريال الجميلة فتحة خير علينا بفضل و توفيق الله عز وجل. وبالتوفيق للجميع.

[Ghost]

واتعلمنا منه اننا ننسى الفهلوة ومن يومها والواحد ماشي زي الالف وبننفذ كل التعليمات بالحرف الواحد

فعلا يا وليد , الواحد ما يتعلمش ببلاش , اكيد تجربة فاسية و اتعلمت منها الكثير

شكرا جزيلا و تحياتي القلبية

[yasmin]

هاى أشكر كل الأخوة القائمين على هذه المحاوارات القيمة - أنا قدمت طلب الهجرة منذ حوالى سنتين و أنا فى انتظار الmedical أو ال interview

و أنا فى حالة الموافقة عاوزة أعمل لاندينج فى ألبرتا رأيكم ايهههههههههه من ناحيه فرص العمل و المدارس هناك --- أنا فهمت من كلامكم ان الجو بارد جدا هناك

[Guest سلومة الأقرع]

بسم الله الرحمن الرحيم

السلام عليكم و رحمة الله و بركاته

في البدايه أود أن أشكر جميع الأخوة القائمين على هذا الموضوع المتميز

باختصار شديد و ببساطة أخوكم في الله مصطفى ( أنا يعني ) مصري و حاصل

على دبلوم سياحة و فنادق 5 سنوات شعبة ادارة فنادق ( مطبخ ) و حاليا أدرس بكالريوس

سياحة و فنادق شعبة ادارة فنادق بردة و لله الحمد عندي خبرة في مجال المطابخ ( الفندقيه )

5 سنوات منهم 2 سنه في الحلواني و 1 سنه في قسم الجارد مانجيه و 2 سنه في قسم السخن

السؤال

ان شاء الله لو نويت أقدم على طلب هجرة لكندا أقدم طلب تأشيرة للدراسة و ايه اللي تنصحوني بيه من ناحية الدراسه في مجال ادارة الفنادق و لا أقدم على تأشيرة عمل :sad:

[المصريةقوى]

بسم الله الرحمن الرحيم

السلام عليكم و رحمة الله و بركاته

في البدايه أود أن أشكر جميع الأخوة القائمين على هذا الموضوع المتميز

باختصار شديد و ببساطة أخوكم في الله مصطفى ( أنا يعني ) مصري و حاصل

على دبلوم سياحة و فنادق 5 سنوات شعبة ادارة فنادق ( مطبخ ) و حاليا أدرس بكالريوس

سياحة و فنادق شعبة ادارة فنادق بردة و لله الحمد عندي خبرة في مجال المطابخ ( الفندقيه )

5 سنوات منهم 2 سنه في الحلواني و 1 سنه في قسم الجارد مانجيه و 2 سنه في قسم السخن

السؤال

ان شاء الله لو نويت أقدم على طلب هجرة لكندا أقدم طلب تأشيرة للدراسة و ايه اللي تنصحوني بيه من ناحية الدراسه في مجال ادارة الفنادق و لا أقدم على تأشيرة عمل :)

السلام عليكم ورحمه الله وبركاته

الاخ سلومه الاقرع

انا وزوجى جئنا كندا من 11 سنه وفى البدايه كانت تأشيرة للدراسة لمدة سنتين, وبعد شهرين قدمنا على هجرة وبصراحه الموضوع أخذ سنتين وشهرين.كل شئ كان ماشى كويس بس لازم يكون معك مصاريف لمدة سنتين. سوف اكمل التفصايل المرة القادمة ان شاء الله.

[Dr.mmfriend]

بسم الله الرحمن الرحيم

اخوكم احمد من مصر

طبيب بشرى

بصراحة فكره الهجره لكندا تراودنى من زمان بس قلقان شويه

المهم بعتت لموقع اسمه

www.canadawantsyou.com

وعملت تقييم وكده ونجحت فيه

ايه رايكم امشي معاهم ولا اروح اقدم في السفاره من نفسي كده؟؟

طيب اصلا المستقبل في كندا للاطباء كويس؟؟

شكرا ليكم

[صعيدي من مونتريال]

الاخوة الاعزاء الكنديمصريين,

عندي سؤال نظري اتمنى لو اجد الاجابة عليه.

لو افترضنا حدوث كارثة ما في الولايات المتحدة الامريكانية, زلزال حرائق اعاصير انهيار اقتصادي المهم يعني مصيبة سودة بعيد عن السامعين تحطم اقتصادها.

ماهو تأثير ذلك على اقتصاد كندا ???

مرسيه جوي جوي

[Gihan]

بسم الله الرحمن الرحيم

اخوكم احمد من مصر

طبيب بشرى

بصراحة فكره الهجره لكندا تراودنى من زمان بس قلقان شويه

المهم بعتت لموقع اسمه

www.canadawantsyou.com

وعملت تقييم وكده ونجحت فيه

ايه رايكم امشي معاهم ولا اروح اقدم في السفاره من نفسي كده؟؟

طيب اصلا المستقبل في كندا للاطباء كويس؟؟

شكرا ليكم

الاخ احمد

اجراءات الهجره وكل المعلومات اللى تحتاجها موجوده على http://www.cic.gc.ca/

كل للى بيعمله مكتب الهجره انه يساعدك تملا الورق بطريقه مظبوطه و يتاكد ان عندك كل المستندات لمطلوبه

يعنى لو اللغه عندك كويسه(فرنساوى او انجليزى)وعندك وقت تقرا وتدور حتلاقى كل المعومات دى بنفسك على الرابط وتوفر الفلوس

نصيحتى لك انك تقرا لموضوع ده" كل ما تريد ان تعرفه عن كندا" من اوله لانه مع انه طويل شويه لكن فيه معلومات قيمه جدا واسءله واجاباتها لمعظم التساؤلات اللى حتخطر على بالك

بالتوفيق ان شاء الله

الاطباء مطلوبين جدا ودخلهم عالى لكن عشان تشتغل دكتور هنا لازم تعمل معادله وده مكن ياخد شويه وقت

[wagdi]

الاخوة الاعزاء الكنديمصريين,

عندي سؤال نظري اتمنى لو اجد الاجابة عليه.

لو افترضنا حدوث كارثة ما في الولايات المتحدة الامريكانية, زلزال حرائق اعاصير انهيار اقتصادي المهم يعني مصيبة سودة بعيد عن السامعين تحطم اقتصادها.

ماهو تأثير ذلك على اقتصاد كندا ???

مرسيه جوي جوي

يا راجل يا طيب... إنت جيت على كندا... طب ما تقول إيه تأثيره على العالم كله...

عامة... كندا بتصدر كل طلعة نهار لأمريكا بما قيمته حوالي مليار دولار... يعني تلتمية وخمسين مليار في السنة... يعني حوالي 70 أو 80 % من مجموع صادراتها... يعني لو بكرة بخ يبقى الأقتصاد الكندي حينكمش بنفس النسبة تقريباً... يعني كساد ما بعده كساد...

وعندك مثال الكساد العظيم في الثلاثينات... وكانت كندا أكثر الدول تضرراً منه... وعلى سنة 1933 كان 30 في المسة من العمالة فقدت وظائفها... 20 من السكان بيعتمدوا على إعانة الحكومة...معدلات الإنفاق إنخفضت 40% ...الدخل القومى نزل النص تقريباً... حوسة بعيد عنك...طبعاً ده مش هنا بس... ده في العالم كله...(البؤ ده سمعته فين قبل كدة) ما علينا...

أنا عايزك تتطمن... لو حصل كساد بنفس الحجم ده كندا حتتأثر جامد أه بس حتعيش... الدور والباقي على بلادنا الحلوة :closedeyes: ...هو ده السؤال... بس ده عايز موضوع لوحده...

[صعيدي من مونتريال]

فتح الله عليكم ياوجدي بيه, العلام حلو برضك.

كويس اللي نورتني, انا كنت بافكر اطنش الفيزا.

مرسيه باكوه

الدور والباقي على بلادنا الحلوة

زات از زا كوستشن

[Dr.mmfriend]

بسم الله الرحمن الرحيم

اخوكم احمد من مصر

طبيب بشرى

بصراحة فكره الهجره لكندا تراودنى من زمان بس قلقان شويه

المهم بعتت لموقع اسمه

www.canadawantsyou.com

وعملت تقييم وكده ونجحت فيه

ايه رايكم امشي معاهم ولا اروح اقدم في السفاره من نفسي كده؟؟

طيب اصلا المستقبل في كندا للاطباء كويس؟؟

شكرا ليكم

الاخ احمد

اجراءات الهجره وكل المعلومات اللى تحتاجها موجوده على http://www.cic.gc.ca/

كل للى بيعمله مكتب الهجره انه يساعدك تملا الورق بطريقه مظبوطه و يتاكد ان عندك كل المستندات لمطلوبه

يعنى لو اللغه عندك كويسه(فرنساوى او انجليزى)وعندك وقت تقرا وتدور حتلاقى كل المعومات دى بنفسك على الرابط وتوفر الفلوس

نصيحتى لك انك تقرا لموضوع ده" كل ما تريد ان تعرفه عن كندا" من اوله لانه مع انه طويل شويه لكن فيه معلومات قيمه جدا واسءله واجاباتها لمعظم التساؤلات اللى حتخطر على بالك

بالتوفيق ان شاء الله

الاطباء مطلوبين جدا ودخلهم عالى لكن عشان تشتغل دكتور هنا لازم تعمل معادله وده مكن ياخد شويه وقت

شكرا للاهتمام والرد

الحمد لله اللغه كويسه انجليزى

وشوية فرنساوى

شكرا علي اللينك

فعلا كده المكتب ملوش لازمه تقريبا

شكرا جزيلا

[smart_7]

السلام عليكم ور حمة الله وبركاته

بعد اذنكم

انا كنت عاوز اسال على حاجه

انا كنت عاوز اخد الجنسيه الكنديه

ما هي الاجراءات المطلوبه واريد توضيح جيد لكل شي

و ماهي اقل مده يمكن فيها الحصول على الجنيسه

مع العلم اني مسافر من الامارات

وشكرا

hazzaa85@hotmail.com

[evenme]

السلام عليكم

عندى استفسار ويا ريت حد يعطينى الاجابة الشافية

اولا عاوزة تلفون محامى يكون كويس فى كندا

تانى حاجه

انا سمعت انه اى شخص بيعمل فى شركة كندية خارج كندا يعتبر وكأنه يعمل وعايش داخل الاراضي الكندية ولو مرت تلاته سنوات بيقدر ياخد ويقدم عالجنسية من هدا المنطلق

فهل الكلام ده صحيح يا ريت تفيدوني

شكرا

[سخماط]

سؤال للاخوة اللى عايشين فى كندا: هل حد جرب يشترى دش من مصر ويشتغل فى كندا ولا النظام مختلف؟ ولو فى أى خبرة بتركيب دش ( بدون اشتراك شهرى) أكون شاكر. :rolleyes:

[walidsm]

سؤال للاخوة اللى عايشين فى كندا: هل حد جرب يشترى دش من مصر ويشتغل فى كندا ولا النظام مختلف؟ ولو فى أى خبرة بتركيب دش ( بدون اشتراك شهرى) أكون شاكر. :rolleyes:

ايوة انا جربت و اشتريت واحد من مصر و منفعش هنا في كندا.

ايوة يوجد دش بدون اشتراك شهري و لكنه غير قانوني.

تم تعديل 14 يوليو 2007 بواسطة walidsm

[سخماط]

سؤال للاخوة اللى عايشين فى كندا: هل حد جرب يشترى دش من مصر ويشتغل فى كندا ولا النظام مختلف؟ ولو فى أى خبرة بتركيب دش ( بدون اشتراك شهرى) أكون شاكر. :rolleyes:

ايوة انا جربت و اشتريت واحد من مصر و منفعش هنا في كندا.

ايوة يوجد دش بدون اشتراك شهري و لكنه غير قانوني.

الف شكر على الجواب الاولانى لكن بخصوص عدم قانونية الدش اللى بدون إشتراك شهرى فهو قانونى وكل حاجة ويعلن عنه فى كل مكان لكن سؤالى إذا كان حد عنده فكرة عن أفضل الانواع وهل فى أنواع خاصة بالاقمار المختلفة لآن مش كل القنوات بتبث من قمر واحد وكده.