كل ما تريد معرفته عن (كندا)

[ابن بلد]

سندريلا باشا... وجدى باشا.......

ايه العطاء ده ...... حقيقى انتوا ناس طيبين جدا جدا جدا...ومصريين تشرف بجد

بس كنا محتاجين معلومات عن المقابله الشخصيه اللى بتكون فى السفاره...طبيعه الاسئله ...مدى اهميتها فى قبول الملف...علما بانى فى انتظار المقابله فى خلال شهور معدوده والتى من المفروض انها ستكون باللغه الفرنسيه....لاننا سمعنا عنها هنا الكثير فالبعض يقول لنا انها تحصيل حاصل حتى لو لم تتقن الفرنسيه فى المقابله. فطالما تم قبول الملف مفيش اى مشكله.....والبعض يقول انها هامه جدا ان تتحدث الفرنسيه بشكل جيد مع الموظف الذى سيقوم معك بالمقابله....والبعض يقول اننا طلبنا مترجم ....اتمنى ان اجد لديكم افاده عن هذا الامر

[sendrella119]

ابن بلد باشا

بخصوص المقابلة الشخصية ..انت الاول كتبت ايه ..انجليزي وفرنسي ولا ..ايه

معلوماتي عن الموضوع ده ان اللغة علي حسب اختيارك انت لو انت عاوز مقابلة انجليزي ...اوكي

فرنسي ..اوكي

لغة عربية .....برضه اوكيه ..بس انت اللي بتدفع تمن المترجم

والمهم ان مش ...اللغة هي المهمة

المهم هما ...طلبوا المقابلة علشان يعرفوا اكتر عنك ....من ناحية الجدية ...ومن ناحية انت ممكن تفيد البلد اللي انت رايح لها في ايه ...فحضر اجابات مهمة في الموضوع ده

وعلي العموم الاستاذ هادي والاستاذ وجدي معلوماتهم .....

.متبحرة في الموضوع ده واكيد حيردوا عليك عاجلا ام آجلا

هادي ....وجدي

سوري علي التدبيسة -_-

:wub: :) :lol:

[wagdi]

هادي ....وجدي

سوري علي التدبيسة -_-

:wub: :) :lol:

مافيش تدبيسة ولا حاجة.... أنا أصلاً معملتش مقابلة ولا عتبت سفارة كندا دي من الأساس.... :blush: :P :P

الخديوي هادي....

كدة انت أتدبست رسمي.... :P

[ابن بلد]

الاخت سندريلا اشكرك على سرعه الرد على استفسارى وهذا متوقع من شخصيه بهذا العطاء الذى اتعودت عليه ايضا من الاخوه فى المنتدى وخصوصا اسره المغتربين الكنادوه

اولا/ المقابله هتكون بالفرنسيه وهذا هو المتبع لنظام الهجره لمقاطعه كيوبك من مصر فى الفتره الحاليه....وواضح ان حضرتك من التجارب القديمه لحد ما لان ماقلتيه حضرتك سمعت عنه ايضا بخصوص موضوع المترجم..ولكن لا اعرف هل نفس النظام متبع حتى الان ام لا....

ثانيا/ اتمنى فعلا موضوع المترجم ولكن ليس لى انا و لكن للزوجه لانها بصراحه مرهقه جدا فى تعلم الفرنسيه. ولانه مع وجود وظيفه وتربيه الاولاد وشئون المنزل يصعب كثيرا مواصله تعلم اللغه..لدرجه اننا كدنا ان نقرر ان اطلب تاجيل او الغاء مقابلتها واحضر المقابله بمفردى وعلى فكره حسب قوانين الهجره لمقاطعه كيوبك يجوز ذلك وهو ان اتقدم بمفردى دون الزوجه.....ومعى تجربه لصديق تم قبول ملفه على هذا الاساس ولكنه مثلى لازال فى انتظار المقابله ولكن يلزم حضور الكشف الطبى للزوجه والاولادحتى لو لم يحضروا المقابله الشخصيه....ولكن حتى الان لم اجد فى قوانين الهجره لكيوبك ما يفيدنى بموضوع المترجم هذا ولو حتى للزوجه فقط

اسف انا عارف انى وجعت دماغكم لكن انا متاكد انى مش هلاقى باشوات جدعان زيكم افضفض معاهم وافكر معاهم بصوت عالى

[هادي]

عزيزي الاستاذ ابن بلد

اعتذر عن تأخر الرد لانشغالي الشديد في الايام الاخيرة

ثانيا .. انت عندك حق

قوانين الهجرة تتغير باستمرار

وبالتالي فلابد مراعاة ان ظروفنا وتجاربنا قديمة نسبيا

وقد يكون فيه حاجات كتير اتغيرت او تم الغاءها او استجدت امور لا نعرفها

انا مثلا .. تجرتبتي كانت مقابلة باللغة الانجليزية

لاني لم اختر مقاطعة كيبك

لكن من الواضح ان الناس بتختارها حاليا لسهولة الاجراءات

ولان طابور الانتظار مش طويل زي غيره

لكن بخصوص الكشف الطبي

فلابد حضور وتوقيع الكشف الطبي على جميع افراد العائلة الكريمة

ونتيجة الكشف الطبي يتم ارسالها مباشرة من مكتب الطبيب الى السفارة

يعني حضرتك لا تتطلع عليها لضمان السرية

حضرتك بتدفع تكاليفها فقط

وتحت أمرك في اي سؤال

وانتهز المناسبة لاعلن مبايعتي للسيد الرئيس لفرتة رئاسة سبعين

وارسل تحية لامي الحبيبة عبر الاثير

[rehana]

السلا عليكم جميعا

انا سعيدة جدا انى وجدت هذا المنتدى الرائع

انا حلمى ان اهاجر لكندا بصراحة و بحاول اعمل كل الى اقدر عليه لتحقيق هذا الحلم

لكن عموما فى حاجات عايزة اعرف رأيكم فيها

مثلا زى اللغة الانجليزية لو انا مثلا حاصلة على 530 درجة فى امتحان التويفل اقدر كمان انى اوصلها ل600 فى الامتحان الى جاى هل هذا يعتبر مستوى عالى بالنسبة لأختبارالهجرة الى هعملوا فى السفارة يعنى بمعنى اخر متوقع انى اقدر اوصل لمستوى ممتاز ام متوسط بهذه الدرجة؟

كمان انى حاليا بحاول ادرس الفرنسية عشان اوصل لمستوى جيد جدا فيها

كمان انا حاصلة على شهادتين جامعيتين و لكن للأسف الاتنين ليس لهم علاقة و لا بطب و لا الهندسة و الكمبيوتر و لا اى حاجة ممكن تكون البلد دى محتجاها يعنى هما تجارة و حقوق

ده بلأضافة لأن عندى سنوات خبرة قربت اكملهم 4 سنوات

يا ترى فرصتى كويسة و لا الموضوع بعيد؟

كمان سؤال تانى كذا حد اسأله يقولى انهم بيفضلوا المتزوجين ليه؟؟؟ اشمعنى يعنى؟

و هل معنى ده انهم ممكن يرفضونى بسبب عدم الزواج يعنى؟

و اخيرا موضوع ان يكون ليك حد فى كندا لازم اقارب مينفعش مثلا اصدقاء؟

:closedeyes:

و معلش انا اسألتى كتير بس انا ما صدقت لقيت حد اكلمه فى الموضوع ده

و اشكركم مرة تانية على مجهودكم فى اجابة اسألتنا

[ابن بلد]

الاخ rehana

اولا مرحبا بك

ثانيا/بخصوص قبولك للهجره على معلوماتى الضيقه ان مالديك من مؤهلات يؤهلك للهجره دون شك

ثالثا/نظام الهجره لكندا من مصر له طريقين الطريق الاول وهو النظام الفيدرالى ويعتمد فيه على تجميع نقاط تصل بحد ادنى 67درجه من 100 درجه وتتوزع تلك النقاط على المؤهلات الدراسيه والخبرات العمليه والعمر او السن والحاله الاجتماعيه والحصول على شهاده الايلتس من المركز البريطانى بحى العجوزه بدرجه معينه لكى تصل لنسبه 67 من 100او من الممكن الحصول على شهاده الديلف من المركز الفرنسى بحى المنيره.....

ماحوظه / من الممكن الاكتفاء بشهاده واحده فقط فى احدى اللغتين لو تم تجميع نقاطك بها....على حد علمى ان شهاده الايلتس الان هى البديل لشهاده التويفل ولا اعرف بصراحه يتم قبولها بديلا ام لا الان....وبعد ذلك يكون هناك احتمال طلب مقابله شخصيه ولكن ليس دائما يتم طلب ذلك

رابعا/الطريق التانى وهو الهجره عن طريق مقاطعه كيوبك وهو لا يلزم شهاده اجاده لغه ولكن يلزم مقابله شخصيه ولكن بقيه الشروط متشابهه

خامسا/مده اجراءات الهجره تصل من 20 الى 25 شهر وقد تزيد القليل فى نظام كيوبك

سادسا/تكاليف الهجره حوالى 1550 دولار كندى بالاضافه لكشف حساب يصل لحوالى 10000 دولار كندى وقد تقل القليلويتم دفعهم على فترات طويله وليس مره واحده

سابعا/بالنسبه لنظام النقاط راجع صفحات المنتدى وستجد الكثير يفيدك عن ذلك وستجد مواقع كثيره للهجره

اتمنى ان اكون استطعت ان افدتك بشى وانا تحت امرك فى اى شؤال

احنا ولا بلد وناس جدعان اوى

وتمنياتى لك بالتوفيق

[rehana]

اهلا يا ابن البلد

اولا انا اختك من اخوك :o

ثانيا الف شكر على ردك لأنك فعلا رفعت معنوياتى جدا و كنت ابتديت ايأس

لكن الحمد لله ادينى رجعت اذاكر الفرنسى بقوة و للأسف لازم احصل فيه على درجة عاليه كمان عشان اجيب مستوى الدرجات المطلوب للهجرة

و ادعولى ربنا يوفقنى

تحياتى ليك يا ابن للبلد و للجميع

[ابن بلد]

الاخت ريحانه

اسف لم اركز جيدا وانا اقرا لاننى اعتادت الشباب هم اللذين يسالوا عاده عن الهجره واتمنالك حياه موفقه ان شاء الله وربنا معاكى

[هادي]

أشكر اخي العزيز ابن بلد على ما يبذله من جهد وايضاح

وارحب باختنا الكريمة (ريحانه)

ولعلي اشير في عجاله ان وجود أقارب من الدرجة الاولى في كندا يزيد من رصيد نقاطك

لكن وجود أصدقاء لا نقاط محتسبه له

وكذلك بخصوص الزواج أو عدمه لا يضيف نقاط لملفك

وبخصوص وظيفتك وشهادتك ..

فيمكنك مثلا التقدم على وظيفة (سكرتير إداري)

ولك أن تراجعي الدرجات المقررة لكل وظيفة قبل الاختيار

ربنا يوفقك

[ابن بلد]

الاستاذ هادى والذى اكن له كل احترام وتقدير واعتزاز

فعلا فاتتنى حكايه وجود اقارب فى كندا وتلك هى الافاده باخر ما لدى من معلومات عن هذا الامر

واحب ان اوضح انه فى النظام الفيدرالى هو الذى يشترط وجود اقارب من الدرجه الاولى ولكن النظام فى كيوبك من الممكن ان يكون صديق ولا يشترط اقارب فقط ولكن يلزم تقديم اسم وعنوان وتليفون هذا الصديق مع ارفاق ايصال دفع كهرباء او تليفون او اى شىء من هذا القبيل لهذا الشخص المقيم فى مقاطعه كيوبك

واستكمالا للافاده نريد شخص مقيم بمونتريال او هاجر الى كندا عن طريق مقاطعه كيوبك حديثا من مصر ليحدثنا عن تجربته وعن تجربه اخرين يعرفهم عن شكل المقابله الشخصيه وماهى الاسئله المتبعه فيها وكيفيه الرد عليها بشكل مقنع لموظف السفاره

[هادي]

أشكرك أخي الكريم ابن بلد

وربنا يزيدك ويثيبك على كرم أصلك ونقاء معدنك

انا فعلا ليس لي خبرة او معرفة بقوانين الهجرة الى كيبك

انا هاجرت الى اونتاريو

والمعروف ان كيبك لها خصوصياتها وقوانينها

ولعل اخي الحبيب وجدي أقدر مني في هذا المجال

ودي و احترامي للجميع

[rehana]

السلام عليكم جميعا

الف شكر يا جماعة على اهتمامكم و سرعة ردكم

انا بصراحة كنت بفكر انى اسافر عن طريق النظام الفدرالى لأن موضوع كيوبيك ده قرأت فيه كتير و متهيئلى انه معقد انا مفهمتش كل الكلام بس الى فهمته مثلا انك لازم تكون ممتاز فى الفرنسى على الاقل كتحدث و سمع و لازم يكون عندك وظيفة او مؤهلاتك تكون كويسة جدا بحيث يسهل عليك الحصول على وظيفة و للأسف انا موش كويسة اوى فى الفرنسى حاليا و اعتقد ان بمجهود كبير ممكن اوصل للمستوى المتوسط فيه وبالنسبة لأنى اضمن وظيفة هناك ده شئ صعب جدا انا وظيفتى حاليا وظيفة حكومية يعنى حتى خبرتى فيها موش ليها اى لازمة لكن فى النظام الفدرالى اهو بيحسبولك عليها درجات و خلاص

بس فيه سؤال مهم اما بقدم شهادة الخبرة فى العمل و اكون واخدة اجازات بدون مرتب كتير هل ده بيظهر فى شهادة الخبرة و لا لأ؟

و الف شكر ليكم على سعة صدركم :blink:

[ابن بلد]

الاخت العزيزه ريحانه

بالنسبه لموضوع شهاده الخبره الحكوميه

يجب الا تقل عن اربع اعوام خبره فى النظام الفيدرالى ومن الممكن ان تكون اقل من ذلك فى نظام كيوبك ويجب تقيم مايلى فى شهاده الخبره ان امكن ويجوز تقديمه منفصلا

يجب تقديم ما يفيد باجازاتك اثناء فتره العمل

يجب تقديم ما يفيد بطبيعه العمل(jop discription) او الوصف الوظيفى

يجب تقديم عدد ساعات العمل

يجب تقديم بيان بالراتب الشهرى

اتمنى ما اكون عقددت ليكى الامور لكن دى للاسف الحقيقه واللى تم طلبها منى كموظف حكومى ودخلت فى مغامرات عبثيه مع موظفى الحكومه لاستخراج تلك الاوراق

تمنياتى بالتوفيق وربنا معاكى

[حدوته مصريه]

الاخوه الزملاء الاعزاء

اخوكم احمد من مصر بيسال علي امتحانات المعادله الكنديه لشهاده الطب ..اجابه لله يا جماعه

شاكرين مهللين

[wagdi]

الفاضل أحمد...

واضح غن مافيش حد هنا طبيب في كندا علشان كدة ماحدش قادر يفيدك....

عامة فيه الموقه ده

http://www.cicic.ca/professions/3112en.asp

ادخل وشوف يمكن تلاقي المعلومات إلى عايزها....

بس عامة إلى أعرفه إن في كيبك الموضوع صعب شوية لأن فيه امتحان خاص بالمقاطعة هنا ده غير إمتحان باقى كندا...

والسنة إلى فاتت كنت قريت إن الطلبة إلى متخرجين من Mcgill سبعين في المية منهم سقطوا في امتحان المقاطعة.... يعني يقدروا يمارسوا الطب في أي حتة في كندا إلا مقاطعة كيبك... طبعاً معظمهم سابوا كيبك وخلعوا على مقاطعات تانية...

الشاهد إنك لو عايز طب إبعد عن كيبك....

(بس برضوا للأمانة العلمية لازم أقولك إنك لو سلكت في المواضيع هنا وبقيت دكتور كيبيكواوي.... حتاكل لوز وشهد وملبن وجميع أنواع السكريات والحلويات والحركات) :closedeyes:

وربنا يوفقك...

:huh:

[حدوته مصريه]

انا اسمع فعلا ان كيبك صعب يشتغل فيها طبيب مش كبكوازي...بس سمعت برضه ان مرتابتهم مش كبيره علشان كده بيطفشوا منها

ده غير شرط اللغه الفرنسيه..مش عارفه اخونا احمد يعرف فرنساوي ولا لآ

شكرا يا استاذ وجدي بالنيابه عن الاخ احمد..واكيد هو هيجي يشكرك بنفسه

:closedeyes:

تم تعديل 21 أبريل 2006 بواسطة حدوته مصريه

[rehana]

سلام عليكم لكل الاخوة الاعزاء

اخى الكريم ابن البلد انت احبتطنى شوية mfb: بس موش اوى لأنى ضامنة 3 سنين خبرة دول اكيد فاضل سنة موش مهمة لو اخدت درجات كويسة فى اللغة التانية

و الى اخى الكريم هادى اعتقد ان لو الزوج تعليمه اعلى من الثانوى بيضيف ليك درجات بس موش كتير يعنى :huh:

انا موش متأكدة يا ريت حضرتك تصححنى لو انا على خطأ

و يا ريت كل الناس الى عايشين فى كندا يكلمونا عن تجاربهم الشخصية حقيقى هنستفاد منها كتير و نقدر نكون صورة اكثر واقعية

يعنى مثلا هل بمؤهلاتنا الى احنا بنخدها فى مصر دى ننفع فى وظائف هناك

ولا غير الطب و الهندسة كله بيروح يغسل اطباق :closedeyes:

يعنى الموضوع مستاهل ان تسعى فعلا فيه بجد و تخليه حلم لحياتك و لا هتصدم بالواقع المر ان فى بلدك اكرملك :o

الموضوع ده شغلنى فعلا كتير و يا ريت يا جماعة تشركونا خبراتكم عشان نقدر نحط ايدينا على الواقع موش نعيش مجرد احلام فى خيالنا :)

مع تحياتى للجميع

[MZohairy]

ازيكم يا جماعه

أو يا شباب على رأي الأخوه اللبنانيين

الحمدلله عملنا الميديكال و كله تمام و هانت يا رجاله

في حد بقى يعرف السايت بتاع معادلة شهادات المحاسبين والماليين سواء الماجستير او البكالوريوس عموما من مصريه لكنديه؟

وياريت لو يكون فيه شرح لنوعية الامتحان

و هل لو الواحد معاه شهاده أمريكيه مثلا زي ال CPA أو CMA ده يبقى كافي للعمل مباشرة؟

وجدي وايهاب والشبيبه كلهم مترزعونيش كتير ........مستنيكم

تم تعديل 21 أبريل 2006 بواسطة mzohairy

[maksoof]

عدد سكان كندا:

32,512,366

يوم 22 إبريل 2006

الساعة 9:34:47 صباحا بالتوقيت الشرقى الصيفى ( Eastern daylight savings time)

بناءا على الإحصائيات التى تأخذ فى الإعتبار:

مولود كل دقيقة و 33 ثانية

وفاة كل دقيقتين و 14 ثانية

صافى زيادة من الهجرة بمعدل شخص كل دقيقتين و 41 ثانية

النتيجة: زيادة بمعدل شخص واحد كل دقيقة و 46 ثانية.

عدد السكان الآن (لحظة قراءتك لهذا الموضوع) موجود هنا.