كل ما تريد معرفته عن (كندا)

[suzanne]

عزيزتي دعاء،

سارد عليكي بمعلوماتي البسيطة من خلال الكشف الطبي الذي قمت به منذ عام في مصر.

أولا: يقيسوا الطول و الوزن

ثانيا: كشف نظر

ثالثا: تحليل دم و بول

رابعا:اشعة على الصدر

خامسا: كشف باطني عادي و سريع

يقوموا ببعض الاسئلة عن اي امراض قد اصبتم بها

[أختكم المصرية]

السلام عليكم و رحمة الله،،،،،،،،،،

اود و اتمنى ان تقبلونى عضوة معكم فى هذا المنتدى الرائع انا استفدت كتير منه صراحة و عايزة منكم نصيحة للانى مش عارفة اعمل ايه

انا بصراحة بقالى شهرين متفرغة تماما لمتابعة هذا المنتدى و كل ما يتعلق بكندا فانا اعتبرة اكتشاف حقيقى لكل من يفكر للهجرة لكندا فانا بحثت كتير عن اى معلومات تفيدنا و لكن ملقتش احسن من هذا المكان و احب اشكر كل الاعضاء الى ساهمو فى جعل هذا المنتدى مرجع بمعنى الكلمة و احب اشكر كل من الاستاذ هادى صاحب الفضل و الاستاذ و جدى و الاستاذ فرى و الاستاذ ايهاب و نجفة و الله استفدنا منها كتير و سندريلا

و جيهان و كتير اصحاب فضل

انا و الله اتشجعت بعد تردد طويل و ذهبت انا و زوجى امبارح لمحامى هجرة و قالى انه هياخد 4000 دولار تقريبا وقالى انه هيبقى عن طريق كيبك لانه اسهل واسرع و قال انه لازم ناخذ كورسات فى المركز الثقافى لحد المستوى التاسع تقريبا بس قالى انتى الى هتعملى كل حاجة ماعدا ترتيب الورق حتى الترجمة و مصاريفها علينا و بصراحة سالته سؤال ايه الفرق بين انى اقدم للسفارة و انى اقدم عن طريق محامى قالى ان طلباتهم اغلبها ترفض و لكن نحن نهياكم للمقابلة انا مش عارفة كلامه صح ولا لاءة انا فى حيرة

وهل لو انا قدمت عن طريق السفارة هيترفض طلبى

على فكرة انا خريجة كلية فنون تطبيقية و لكن قسمى كان شعبة هندسة و تبع نقابة المهندسين يعنى مهندسة

و زوجى محاسب وعندى طفلان صغيران فهل المفضل اقدم باسم مين

ارجوكم افيدونى اكمل مع المحامى و لا اقدم للسفارة لوحدى انا دفعت له 1000 دولار

بس انا من امبارح حاسة انى اضحك عليا بصراحةو شكرا

[suzanne]

عزيزتي المصرية الحزينة،

احدثك عن تجربتي الشخصية فلقد قام زوجي بالاستعانة بمحامى منذ اربع سنوات لمساعدتنا في اجراءات الهجرة. و المبلغ الذي طلبه منك المحامي مبلغ معقول. المحامي اهميته في تجميع الاوراق لانه على معرفة جيدة بالمتطلبات و الاشتراطات التي تحددها ادارة الهجرة. فكل كبيرة و صغيرة لها اشترطات، فمثلا الصور يجب ان تكون على خلفية بيضاء و لها ابعاد معينة. اذا لم يكن ملفك مكتمل و ارسالتية الى ادارة الهجرة سيعود اليك مرة ثانية و يكون عليك التقديم مجددا و دفع رسوم التقديم مرة ثانية.

بعض الاخوة في هذا الموقع قال انهم قاموا بدراسة موقع الهجرة جيدا و قدموا الملف بانفسهم و نجحوا و قبلوا ، و لكن وجود من يتابع تجميع الاوراق و متابعة الطلب من اجلك يعد شيئا مريحا.

اما بالنسبة للترجمة و خلافه فهى كما ذكر المحامي انت تقومين بدفع مصاريفها .

اما بالنسبة لتقديم الملف باسم مين، هذه النقطة لا تهم، المهم ان يكون المتقدم لديه بكالوريوس، لانه في النهاية تتم حساب النقاط فلن يختلف مؤهلك عن مؤهله حينها، أما ان كان احدكم لديه شهادة اعلى كالماجستير او الدكتوراه فيقدم الملف باسمه.

بالفعل المدة التي تاخذها الاجراءات في كيبك اقل من التي تأخذها لباقي كندا و الله الموفق.

[أختكم المصرية]

شكرا لك اخت سوزان على ردك السريعى جزاك الله خيرا

انتى و الله طمنتينى شوية كنت بفكر الغى موضوع المحامى بس انا خايفة من موضوع الفرنساوى و قالى انه ممكن افشل فى المقابلة حتى بعد اخذ الكورسات و كل الى عملته يروح فهل تعلم الفرنساوى خلال سنتين انا و زوجى لازم يكون ممتاز و لا متوسط عايزة حد يساعدنى ولا احول انجليزى اسهل

هل زوجك مسافر عن طريق كيبك؟ ولو كدة عملتوا ايه فى موضوع اللغة

ارجو رد الاخوة اعضاء المنتدى على و شكرا

انتواااااا فينننننننننننن

[Automatic]

السلام عليكم و رحمة الله،،،،،،،،،،

اود و اتمنى ان تقبلونى عضوة معكم فى هذا المنتدى الرائع انا استفدت كتير منه صراحة و عايزة منكم نصيحة للانى مش عارفة اعمل ايه

انا بصراحة بقالى شهرين متفرغة تماما لمتابعة هذا المنتدى و كل ما يتعلق بكندا فانا اعتبرة اكتشاف حقيقى لكل من يفكر للهجرة لكندا فانا بحثت كتير عن اى معلومات تفيدنا و لكن ملقتش احسن من هذا المكان و احب اشكر كل الاعضاء الى ساهمو فى جعل هذا المنتدى مرجع بمعنى الكلمة و احب اشكر كل من الاستاذ هادى صاحب الفضل و الاستاذ و جدى و الاستاذ فرى و الاستاذ ايهاب و نجفة و الله استفدنا منها كتير و سندريلا

و جيهان و كتير اصحاب فضل

انا و الله اتشجعت بعد تردد طويل و ذهبت انا و زوجى امبارح لمحامى هجرة و قالى انه هياخد 4000 دولار تقريبا وقالى انه هيبقى عن طريق كيبك لانه اسهل واسرع و قال انه لازم ناخذ كورسات فى المركز الثقافى لحد المستوى التاسع تقريبا بس قالى انتى الى هتعملى كل حاجة ماعدا ترتيب الورق حتى الترجمة و مصاريفها علينا و بصراحة سالته سؤال ايه الفرق بين انى اقدم للسفارة و انى اقدم عن طريق محامى قالى ان طلباتهم اغلبها ترفض و لكن نحن نهياكم للمقابلة انا مش عارفة كلامه صح ولا لاءة انا فى حيرة

وهل لو انا قدمت عن طريق السفارة هيترفض طلبى

على فكرة انا خريجة كلية فنون تطبيقية و لكن قسمى كان شعبة هندسة و تبع نقابة المهندسين يعنى مهندسة

و زوجى محاسب وعندى طفلان صغيران فهل المفضل اقدم باسم مين

ارجوكم افيدونى اكمل مع المحامى و لا اقدم للسفارة لوحدى انا دفعت له 1000 دولار

بس انا من امبارح حاسة انى اضحك عليا بصراحةو شكرا

In my opinion 4000 dollars is just way too much for what he's going to do which is no more than showing you how to fill out paper. I hope that he at least looked at your situation first and told you before taking any money what your chances are!

In any case, if you have the time and energy you could do all the research yourself on the net http://www.cic.gc.ca/english/index.asp. On the other hand if you don't have the time to do your research then it is wise to seek professional help.

Aside from being a Lawyer, what other Canada/Immigration related qualifications does he have?

Now I have to ask...Why Canada?

[Automatic]

شكرا لك اخت سوزان على ردك السريعى جزاك الله خيرا

انتى و الله طمنتينى شوية كنت بفكر الغى موضوع المحامى بس انا خايفة من موضوع الفرنساوى و قالى انه ممكن افشل فى المقابلة حتى بعد اخذ الكورسات و كل الى عملته يروح فهل تعلم الفرنساوى خلال سنتين انا و زوجى لازم يكون ممتاز و لا متوسط عايزة حد يساعدنى ولا احول انجليزى اسهل

هل زوجك مسافر عن طريق كيبك؟ ولو كدة عملتوا ايه فى موضوع اللغة

ارجو رد الاخوة اعضاء المنتدى على و شكرا

انتواااااا فينننننننننننن

Well if you're planning on living in Quebec or working for the government then French is a must, otherwise stick with English.

تم تعديل 19 نوفمبر 2007 بواسطة Automatic

[suzanne]

انا زوجي قدم بالنظام الفدرالي، و لكن يأخذ وقت كتير احنا ماشيين في السنة الرابعة باقلنا 39 شهر و لسة لم نأخذ الفيزا. ان كان الهجرة تبع كيبك اسرع كما يردد الكثير (توفر سنتين) فيمكن التقديم تبعها و عند الوصول الى كندا يمكنك الذهاب الى اي منطقة اخري بها.

ان كنت لا تريدين تعلم الفرنسية و مش مستعجلة على الهجرة قدمي تبع الفدرالي.

[suzanne]

اعضاء المنتدى الكرام، رواد حركة النهضة،

اين انتم. انا على يقين تام بأن الدنيا تلاهي صحيح، لكن انا و غيري الكثير اشتركنا بسببك و بسبب الروح الحلوة في المنتدى ده.

انا اعرف ان عدد الاعضاء زاد و الاسئلة كترت ، و العملية صعبة على اي حد انه يتفرغ للرد على الاسئلة دي كلها.

لكن مداخلاتكم و بخاصة مداخلات الاخوة الرواد بهذا المنتدى لا يجب ان تكون فقط من اجل الرد على الاسئلة . و انتم قمت بالرد على غالبية الاسئلة، اي اسئلة جديدة ستكون مكررة يمكن الرد بلينك او بالرجوع لأحد صفحات المنتدى.

مجرد ان تقولوا احنا موجودين ، كويسيين، تجربتنا ناجحة أو حتى متعبة ده فيه كل الفايدة.

لماذا لا تحاولوا الدخول الى الموقع في يوم الاجازة مرة واحدة بالاسبوع، و كتابة اي شيء عن احوالكم. نصف ساعة اسبوعيا في يوم الاجازة مش كتيرة.

حاولوا ان تكملوا ما بدأتوه، فان احسن الخير ادومه.

لن اوجه طلبي الى شخص بعينه ، و لكن لكل الاعضاء لان كل من سأل و كل من اجاب قد شارك في اثراء المنتدى.

ان كنا كمصريين ليس لنا رابطة و جاليتنا ليست متماسكة بأي من البلدان، فلنجعل هذا المنتدي دليل على تماسكنا.

انا احبكم جميعا فالله.

[طارق الشاطر]

السلام عليكم و رحمة الله و بركاته,

لا اسكت الله لمنتداكم مداخلات ابدا، لقد سعدت كثيرا بمتابعة المنتدى، لدرجة انه حفزني على الاشتراك لأول مرة بحياتي في منتدى.

انا اعيش بالسعودية حاليا، و زوجي قدم على الهجرة لكندا من 39 شهرا.

اود ان استعين بخبراتكم في حالتنا:

لقد ارسلوا لنا خطاب يطلبوا فيه Landing fees و ايضا تجديد للصحيفة الحالة الجنائية لكل من مصر و السعودية لي و زوجي، و FBI clearance لزوجي حيث انه حصل على درجة الماجستير من امريكا.

قمنا بتقديم كل ما سبق عدا FBI لان الأحوال الجنائية ترفض اخد البصمات دون خطاب من السفارة الكندية التي ترفض اصدار خطاب بهذا الشأن ، طلبنا منهم الافادة و لم يرد الرد.

هل طلبهم للLanding fee يعنى أخر خطوة في الاجراءات؟

و هل يمكن لموضوع طلب الFBI الذي لم نستطيع تقديمة في المهلة المحدده ان يؤثر سلبا على الهجرة .

الاخت الفاضلة

تم الغاء طلب عمل الصحيفة الجنائية من جميع السفارات الكندية عليك تقديم خطاب موجه لمكتب الهجرة الذي يوجد بة ملف الهجرة في مثل حالتك هذه عليك مخاطبة المفوضية السامية للهجرة الكندية في لندن وتعرفيهم برقم الملف والجهة التى تريدين منها عمل الصحيفة الجنائية مثلا شرطة (امريكا او السعودية ) وعدد الخطابات لافراد اسرتك المطلوب منهم

* دفع الرسوم وعمل المديكال وبقية الاوراق المطلوبة هي اخر مرحلة اتمنى ان اكون افدتك

[suzanne]

شكرا على ردك،

نحن في انتظار الرد من Higher commission ، بس يا رب الاحوال الجنائية بالسعودية تعترف بخطابها. المسئول بالاحوال الجنائية قال في مرة انه لا يعترف الا بالخطاب من السفارة و ليس اي جهة اخرى.

[مصرية والنعم]

السلام عليكم و رحمة الله و بركاته

الاخت سوزان

انا حيرانة شويةبعد مداخلتك بالنسبة لتجديد الصحيفة الجنائية

لان ارسلوا لنا خطاب يطلبوا فيه Landing fees مع medical check up بس ولم يطلبوا الصحيفة الجنائية مع انى مقدمة الملف من

ابوظبى هل معنى كدة انهم حيطلبوا حاجة تانبة ياريت حد يفدنى بالاجابة

حاليا فى في انتظار الرد من Higher commission

دمتم فى حفظ الرحمن

[suzanne]

لا لا بالطبع، هم يطلبون منا تحديث صحيفة الاحوال الجنائية و الFBI clearance بالنسبة الى زوجي لانه امضى عام بامريكا، و لم يكونوا قد طلبوها منه في ال Application . و هذا ليس بالضرورة ينطبق عليك. طلباتهم تختلف من شخص الى اخر حسب حالته.

كما تفضل الاستاذ طارق و قال ان دفع الLanding Fees هي المرحلة النهائية ان شاء الله.

بس انا مش عارفة ليه الHigher Commission بتاخذ وقت طويل في الرد.

انت بقالك اد ايه مستنية ردهم؟

[مصرية والنعم]

لا لا بالطبع، هم يطلبون منا تحديث صحيفة الاحوال الجنائية و الFBI clearance بالنسبة الى زوجي لانه امضى عام بامريكا، و لم يكونوا قد طلبوها منه في ال Application . و هذا ليس بالضرورة ينطبق عليك. طلباتهم تختلف من شخص الى اخر حسب حالته.

كما تفضل الاستاذ طارق و قال ان دفع الLanding Fees هي المرحلة النهائية ان شاء الله.

بس انا مش عارفة ليه الHigher Commission بتاخذ وقت طويل في الرد.

انت بقالك اد ايه مستنية ردهم؟

صباح الخير سوزان

شكرا على الرد وربنا يسهل ويوفقك

بالنسبة للوقت حسب كلام المحامى انها بتاخد حوالى شهرين بعد استلامهم نتيجة الكشف الطبى لان انتى عارفى انهم بيرسلوا الرد

من لندن بالبريد العادى مش ب D H L

احنا بعتنا نتيجة الكشف الطبى اول الشهر ( نوفمبر ) يعنى لسة الرد مش قبل يناير لانى عندهم اجازة كريسمس

ياريت اول ما يجى الرد تطمنينا وان شاء الرحمن انا كمان حطمنكم بالنتيجة

دمتم فى حفظ الرحمن

تم تعديل 22 نوفمبر 2007 بواسطة مصرية والنعم

[suzanne]

فعلا كل حالة مختلفة عن غيرها. احنا عملنا الطبي فى نوفمبر 2006. بعد ثمانية اشهر طلبوا ال Landing fees. بس موضوع ال FBI ده معقد شوية و يظهر انه حياخد وقت.

احنا مش مستعجلين اوي علشان ابني في المدرسة و عمل زوجي ايضا.

على العموم ساقول لك على التطورات ان شاء الله.

[أم على]

أشكر بشدة كل من ساهم فى هذا الملف الرائع جزاهم الله خير الجزاء، لدى سؤال وأرجو الرد عليه سريعا إذا أمكن . قدمنا من خلال محامى أوراقنا للهجرة منذ فبراير 2006 ، المشكلة أن ابنى فى الثانوية الأمريكية 12 grade وإذا وفقنا الله سوف يكمل دراسته بكندا ، هل يمكن أن تمدونى باسماء جامعات هناك مع العلم أننا سوف نذهب أولا إلى تورنتو - المحامى أخبرنا أن هذه أول محطة لنا ثم ممكن أن نختار ما نريد من المدن بعد ذلك- ابنى يريد أن يلتحق بكلية الطب ، لذا نريد جامعة بها كلية طب ، ما المطلوب للالتحاق بها من المواد المؤهلة، هل سيطلبون منه نتائج SAT 1 & SAT 2 أم SAT 1 فقط ، هل نظرا لكونه سوف يكون بالفعل أنهى عدة COurses بالجامعة لن يطلبوا منه نتائج SAT . أرجو أن تفيدونى سريعا لأن نتائجه فى SAT 1 تتيح له دخول الجامعة هنا ولكنى لا أعرف هلى هى كافية للجامعة هناك أم لأ لأنه إذا كانت لأ سوف يدخل الامتحان مرة أخرى .. وشكرا لكل متعاون فى هذا الملف وخاصة الأستاذ هادى الذى بدأ هذه الفكرة القيمة المفيدة للجميع

[أختكم المصرية]

اولا شكرا استاذ اتوماتيك على ردك السريع انا عايزة بس اجاوبك ليه كندا

والله عشان العيشة فى بلدنا بقت غير محتملة البلد كل شويه بتسوء مفيش حاجة تفتح النفس

انت مش فى مصر ولا ايه لو انت مش فى مصر انزل اسبوع واحد وانت هتعرف

ثانيا كندا هى من احسن البلاد الى فاتحة باب هجرة و كمان فيها مميزات كتيرة كفاية انك تكون بتتعامل معاملة ادمية مش همجية

ثالثا انا لو فى بلد اعيش فيها عقبال ماروح كندا كنت رحت كان نفسى اروح امريكا وقدمت بالفعل فى الهجرة العشوائية عشان امشى فى اتجاهين و لو فى طريقة تانية اروح عن طريقها كنت رحت بس امريكا صعبة انا اتخنقت من البلد و عايزة اعلم ولادى صح مش اعلمهم ازاى عشان يتعلموا ولا عشان يشتغلوا

لازم وسطى و رشوة و.........

اختى سوزان شكرا على ردك

والله انا بضم صوتى لصوتك من ناحية ان نستفاد من تجارب اعضاء المنتدى حتى لو نسمع اى شىء عن تجربتهم سواء كانت ناجحة

هما الى شجعونا على الكتابة فى المنتدى و فتحوا نفسنا على الهجرة

ارجو ان يعود المنتدى زى مكان ملىء الاعضاء

[suzanne]

عزيزتي المصرية الحزينة، لو انني مش عارفة ليه الحزن ده.

كل كلامك ممتاز، و هذا كنت ما اردده مثلك قبل ما اتعمق في البحث عن كندا و كل ما يتعلق بها. لقد وجدت الكثير من المنتديات كلها اجنبية مثل Settlement.org,و Not Canadaو Expat Forums كلها تتحدث بصورة سيئة للغاية عن كندا و عن الحياة بها.

الهدف الاساسى و المشترك بين اغلبية المهاجرين و الراغبين في الهجرة هو 1- التعليم المجاني العالي الجودة الذي توفره كندا، بيقولوا في المواقع دي انه كل اللي مممكن توفره في التعليم الاساسي تدفعه اضعاف و اضعاف في الجامعة.

2- اما الصحة بيقولوا ان واحد من كل اربعة اسر تجد طبيب اسرة ، اي ان هناك عجز في الدكاترة و فترات الانتظار موجودة بشكل نسبي من ولاية الى اخرى.

3-الضرايب تصل الى 33% من الدخل.

4-هناك عنصرية بس بشكل مختلف، هم لا يوظفون المهاجرين بس مش لانهم من جنسية مختلفة و لكن لانهم غير مؤهلين فيجب على اي مهاجر معادلة شهادته التي حصل عليها من بلده ايا كانت.

5-لا يوجد وظائف، معظم الوظائف المتوفرة للمهاجرين هي وظائف كعمالة و ليس في تخصصهم.

6-السكن غالي جدا في تورنتو و هي البلد الاكثر استقبالا للمهاجرين.

7- السيارات عليها تأمين عالي جدا يصل الي 200 دولا كندي في الشهر و أكثر.

8- بعد ان تقومي بدفع الايجار و الفواتير من كهرباء و مياة و بنزين و اكل و شرب لا يمكن ان توفري شيئا للترفية عن نفسك او حتى للأدخار.

بيقولوا ايضا ان كندا تستفيد ماديا من الهجرة ، حيث انها تشترط ان يجلب المهاجر 10000 دولار كندي في المتوسط ليكفل نفسه و عائلته و بما انها تستقبل 250,000 مهاجر كل عام فهذا يعني (مش عارفه اضربيها انتي) اعتقد 250 مليون سنويا.

و كلام كتير اوي تاني.

المهم، انا قرأت كل ده و خايفة من التجربة جدا، و اعرف انها لن تكون سهلة بالمرة.

ما يجعلني ما زلت ارغب في الذهاب، وهو انه لايوجد مكان على وجه الارض خاليا من العيوب، و بما اننا جربنا عيوب مصر و جربنا عيوب السعودية فلماذا لا نجرب عيوب كندا بالمرة.

و انا اعتقد ايضا ان اي مكان بيكون جنه بالنسبة للانسان الناجح، فقد يكون من كتبوا كل عيوب كندا ديه كانت تجربتهم سيئة و لم ينجحوا لذلك هم شايفنها بالصورة السيئة دية ، و الانسان اللى حيوصل و يحقق نجاح حيقول كلام كويس عن كندا.

انا لي صديقة بكندا، كلمتها منذ عام كانت زهقانة من كندا اوي ، بتنتظر الاعانة الشهرية، بتندم على اليوم الي قررت تدخل كندا فيه، كلمتها تاني الايام ديه لقيتها مبسوطة ما بتفكرش في الرجوع الى مصر في الوقت الحالي و ذلك لانها عادلت شهادتها و اشتغلت و بدأت الدنيا تنور معها.

اللي انا متأكده منه ان كندا ليست لأي حد أو كل حد، هي للأنسان اللي عنده هدف محدد و عنده قدرة على العمل الشاق و الكفاح، و خاصة في اول ثلاث سنوات.

[أختكم المصرية]

شكرا لك ياسوزان على ردك السريع

الحزن على حالنا و حال البلد الناس بتاكل فى بعض لو نزلتى مصر اليومين دول هتحزنى الشعب اكتر من نصه بيعانى من الفقر المتدنى و جزء حرامية و حبة مش عارفين يروحو فين زينا كدة

و الله انا عارفة ان كندا فيها عيوب و مفيش جنة على الارض بس صدقينى مش هتبقى زى هنا ايوة انتى بتدفعى ضرائب بس بتلاقى خدمات مقابلها انتى هنا حتى الشارع مش عارفة تمشى فيه صدقينى الوضع صعب جدا

انتى بتقولى صاحبتك كانت بتاخد اعانة عشان مفيش شغل شوفى هنا الى مكانهم هيموتوهم من الجوع و لا حد هيسال فيهم

هنا بشهادة و من غير شهادة مفيش فرق كتير انتى فى بلدك ملكيش قيمة الا لوكنتى عاملة فديو كليب او ممثلة او راقصة او لاعب كورة هما دول الى واخدين حقهم بس و بيكرموهم و تحسى

تفتكرى تستاهل المجازفة و لا لاءة

انا على فكرة لحد دلوقتى برده مترددة بس مش عارفة ايه الحل و خايفة جدا من التجربة بس مفيش اسوا من الى احنا فيه

انا بس عايزة اقولك حاجة انتى مش واخدة بالك ان احنا الاثنين بس الى بنرد على بعض الناس راحت فين

بس انا يشرفنى ردودك عليا كمان اسلوبك يدل على انك مثقفة انتى ناوية تروحى تدرسى ايه

[المصـــــــرى]

أكيد، ميزة كندا إنك بتاخدى على قد ما تدى، يعنى حاولى تاخدى شهاده من هنا، لو معاكى بكالوريوس حضرى دبلومه أو أى حاجه بعديها، أولا بتكون أرخص من تكلفة البكالوريوس نفسه وفى نفس الوقت بتدى ثقة فى شهادتك، لإن فيه مهاجرين كتير من دول كتير وكل واحد جايب شهاده وفيه دول كتير بتدى شهادات بفلوس لما يجيلهم أوراق الهجرة وعلى رأسهم الهند والصين، فمعظم الشركات هنا بتفضل شهادات البلد. لو وصلت هنا ومعاكى الإقامة ممكن تاخدى قرض دراسة من الحكومة، لو مفيش ممكن تشتغلى أى حاجه وتدرسى، بقولك لازم تتعبى علشان تلاقى. بس صدقينى حتشوفى نتيجه تعبك ومجهودك.

[المصـــــــرى]

أنا مش فاهم هيه الناس كلها مقدمة على تورنتو أو مونتريال ليه، الهجرة على هناك بتاخد وقت أطول، إبعتوا على ساسكاتشوان، دى ولاية حتموت على مهاجرين نظرا لكبر سن سكانها، وهما أصلا سكانها فى الولاية كلها 3 مليون، وحجمها أكبر من تورونتوا، وموظفين الهجرة اللى هناك بيستنشقوا على زبون، أنا قبل ما أسيب المقاطعة وصل عشرة من المغرب دفعه واحده، ده غير ناس كتير قاعدين هناك عشان يجيبوا أهلهم وبعدين حينقلوا بعد ما يجيبلهم الإقامة.

تم تعديل 25 نوفمبر 2007 بواسطة المصـــــــرى