كل ما تريد معرفته عن (كندا)

[Nile Bird]

أنا مش فاهم هيه الناس كلها مقدمة على تورنتو أو مونتريال ليه، الهجرة على هناك بتاخد وقت أطول، إبعتوا على ساسكاتشوان، دى ولاية حتموت على مهاجرين نظرا لكبر سن سكانها، وهما أصلا سكانها فى الولاية كلها 3 مليون، وحجمها أكبر من تورونتوا، وموظفين الهجرة اللى هناك بيستنشقوا على زبون، أنا قبل ما أسيب المقاطعة وصل عشرة من المغرب دفعه واحده، ده غير ناس كتير قاعدين هناك عشان يجيبوا أهلهم وبعدين حينقلوا بعد ما يجيبلهم الإقامة.

الأخ المصرى

ياريت تقولنا شروط التقديم على هذه الولايه ومتطلبات الهجرة إليها بالتفصيل وخصوصاً شرط اللغه

وفرص العمل بها وتقريباً معدل الرواتب بها

وحضرتك بتقول ان المده اليها قصيرة فما هى المدة تقريباً من تقديم الطلب الى الحصول على الفيزا

وكيفية التقديم هل مثل الفيدرال أم مثل كيبك أم ماذا؟

أسف على الإطاله وشكراً على الإفادة

[suzanne]

الله يخليك يا مصرية، الموضوع مش موضوع ثقافة انا بس شاغلني موضوع الهجرة في الفترة الحالية واحاول القراءة عنه لمعرفة كافة الأوجه السلبية و الايجابية له.

انا من خلال متابعتي لموضوع الهجرة و جدت ان النصيحة التي يقدمها اغلب المهاجرين اللي سافروا ان نسبة النجاح بتكون اكبر بالنسبة للواحد اللي بيظبط اموره من على النت قبل ما يروح. اي يبحث عن منحة او عمل و يمكن كمان سكن. فده ان شاء الله اللي حيحدد المكان اللى احنا ناويين نروحه، اينما يجد زوجي منحة او عمل باذن الله. تورنتو ،او غيرها مش فارقة. لكن انا مع حضرتك الهجرة لبلد الضغط اقل عليها من المهاجرين له مميزات كبيرة بالطبع، و هي كلها غربة في النهاية.

اما انا لا اعتقد اني استطيع الدراسة كدا من اولها، لكنني انوي باذن الله البحث عن عمل اولا (من يحملون مثل شهادتي اكيد كتير فمعي بكالوريوس تجارة انجليزي و لذلك لا انوي البحث عن وظيفة في مجالي و لكن سابحث عن اي وظيفة ادارية تتطلب ايجادة اللغة و معرفة جيدة بالكمبيوتر و بس)، و قد ادرس Part time حسب الظروف. الفترة الاولى تحتاج الى كثير من الاعداد و خاصة مع وجود طفلين فلا يمكن ان نكون انا و زوجي ندرس في نفس الوقت و دراسة زوجي للدكتوراه هى الهدف الاساسي من الهجرة.

[أختكم المصرية]

بالنسبةللاخ المصرى ممكن تحكى لنا تجربتك فى الهجرة و الدراسة و العمل و هل قرار الهجرة كان بالنسبة لحضرتك قرار صائب وشكرا

اخت سوزان انا بقالى حوالى 6 شهور او اكتر قاعدة على النت ببحث عن كل شىء متعلق بالهجرة و تقريبا دة اكتر منتدى موضح تجارب المهاجرين بالتفصيل و نفسى حد يكون سافر من وقت قريب عن طريق كيبك يقول لى ايه اخبار المقابلة ووقتها اد ايه و كمان لازم اكون متوسطة ام قوية فى مستوى الفرنساوى مكدبش عليكى احنا مستوانا فيه ضعيف بعكس الانجليزى

و لكن انا ان شاء الله ناوية ادرسPART TIMEعشان عندى طفلين و زوجى محاسب و بيدرس cma عشان تقريبا هى دى معادلة شهادتة و هى هنا ارخص بكتير بس اناخريجة كلية فنون تطبيقة مش عارفة موضوع الدراسة فى المجال دة فى كندا اخباره ايه بس انا اشتغلت فترة فى تصميم المجوهرات و الحلى و و4 سنوات اشتغلت فى شركة استيراد مستزمات طبية بعيدة عن مجالى تماما لسة مش عارفة ادرس ايه و حاليا بربى الاولاد

حفظك الله و رعاكى

[المصـــــــرى]

نايل بيرد، إنت بتقدم عادى بس بتحط فى الولاية اللى عايز تروح لها ساسكاتشوان، وهما من هناك بيبعتوا عليها، بالنسبة للغة إنجليزى، ومعدل المرتبات حسب الوظيفة لاكن عموما أقل من الولايات الأخرى لإن الضرائب أعلى، لاكن فى نفس الوقت الأسعار أقل وخصوصا سعر السكن من باقى الولايات.

الأخت مصرية

بالنسبة لتجربتى، أنا معايا بكالوريوس تجارة من إسكندرية، بس خبرتى فى الكمبيوتر (إشتغلت مدرس كمبيوتر فى ثانوى تلات سنين وسنه مبرمج فى وزارة الإقتصاد)، فلما جيت هنا درست دبلومة فى الكمبيوتر بعد ما أخدت قرض طالب من الحكومة، خلصت وإشتغلت فى مجالى والحمد لله كله تمام.

[suzanne]

و الله موضوع الفرنساوي ده انا برضة خايبة فيه، ان كنت اخترتي كيبك لازم تتعلمي فرنساوي لان اكيد الدراسة بالفرنساوى و الشغل بالفرنساوي و كمان مناهج الاولاد بالفرنساوى و الناس في الشارع بتتكلم فرنساوي، الانجليزي موجود برضه طبعا كما تقول لي صديقتي و لكن الفرنسية هي اللغة الاولى. لكن ان كنت تريدين اختيار كيبك لان الوقت اللازم لاتمام اجراءات الهجرة بيكون اقصر فيها ، ممكن تكون لغتك متوسطة علشان تعدي الانترفيو و بعدين تروحي من كيبك الى ترونتو او اي مكان تاني فيه اللغة الاولى الانجليزية. انا اجيبك برأي الشخصي طبعا لانك كما قلتي الناس الخبرة في المواضيع ديه مشغوليين.

عل فكرة انا زيك برضو متلخبطة، انا تجارة انجليزي، و اخده اجازة من بنك القاهرة بقالي 5 سنوات، طبعا موضوع البنوك نسيته خلاص. كنت ارغب في دراسة الديكور لانه حلمي من زمان و لكن اختيار دراسة بعيدة عن شهادتي قد يكون تضييع للوقت. افكر في العمل بأي عمل اداري كسكرتيرة مثلا حتي اجد ما يمكن دراسته و التخصص فيه.

[مهاجرة]

كيفكم يااعضاء المنتدى

انا من زمان تاركة النت واليوم دخلت للموقع وقريت المشاركات

ياريت حد يفيدني, احنا ناويين نقدم على البرتا علشان زوجي تخصصه بالنفط والبرتا فيها نفط وكمان احنا مستعجلين على الهجرة ويمكن بالنظام الجديد راح ياخذ وقت 4 سنوات فأيش تنصحوني اقدم على ساسكاتشوان وبعدها ننتقل الى البرتا؟

واذا قدمنا على ساسكاتشوان كم تاخذ وقت؟ وبعد وصولنا الى هذه المقاطعة نقدر مباشرة ننتقل الى البرتا ؟ والا الانتقال ياخذ وقت؟

كذلك عندي سؤال تاني بخصوص الحالة الجنائية , احنا نعمل الحالة الجنائية لكل البلدان اللي لفيناها والا اخر بلد كنا فيه؟

وفي سؤال ثالث , ماهي شروط الحصول على رخصة عمل في كندا؟ وكم تاخذ وقت علشان نحصلها ؟

انا عارفة اني طولتها عليكم .............. سامحوني

على فكرة بخصوص اللغة الفرنسية انا اعرف شخص قدم على كيوبك وهو مايعرف حرف فرنسي ولما راح للمقابلة حكوا معاه بالفرنسي وقال لهم اني ما اعرف فرنسي وهو كان كاتب بأستمارة التقديم انه مايعرف اللغة الفرنسية وبعدين عملوا المقابلة معاه بالانكليزي ومع ذلك قبلوه وعطوه فيزا

[المصـــــــرى]

الأخت مهاجرة، مسألة الوقت بتختلف من حالة للتانية وبرضه حسب ما تخلصى ورقكم، ساسكاتشوان برضه فيها شركات نفط، خصوصا المناطق اللى على الحدود مع ألبرتا، لاكن بالتأكيد الوقت كنسبة هو تقريبا نص الوقت اللى حتاخده تورنتو، مونتريال وضعها مختلف لإنها فرنسى وبرضه هما عايزين الولاية بتاعتهم تكبر وبتبقى الهجرة ليها سهلة، ميزة كوباك فى التعليم بيقدمو منح كتير، لاكن الشغل أحسن فى ولايات الغرب، أفضلهم حاليا ألبرتا، وساسكاتشوان متوقع إنها تعمل زى ألبرتا.

الأخت سوزان

ممكن لو ليكى دماغ للمحاسبه أول ما تيجى تشوفى الـ CGA جمعية المحاسبين الكندية وتشوفى فاضلك كام كورس عشان تكونى معتمده عندهم، وفى الحالة دى حيبقى عندك بعض الكورسات من كندا، والكورسات دى ممكن تاخديها واحده واحده، يعنى مش لازم كلهم فى نفس الوقت.

الحل التانى لو بتحبى الديكور مثلا وعندك الموهبة إنك تقدمى على دبلومه سنتين وفيه معاهد كتير بتقدم كورسات سريعة تلائم سوق العمل.

[المصـــــــرى]

معذرة أخت مهاجرة ، نسيت أرد على السؤالين الآخرانيين.

بالنسبة لصحيفة الحالة الجنائية بيبقى مكتوب فى الأوراق بتاعة الهجرة إذا كان لازم أخر 6 شهور وللا كل الدول اللى رحتيها.

وبرضه فيه ويب سايت الخاص بوزارة الهجرة الكندية فيه كل المعلومات دى.

http://www.cic.gc.ca/english/index.asp

بالنسبة لرخصة العمل، لو دخلتى كندا بالإقامة فمن حقك العمل والدراسة. أما لو دخلتى بفيزا طالبه أو زيارة يبقى مينفعش تغيرى من جوه كندا، الطالب ممكن يشتغل بعد 6 شهور بس مش شغل Full Time يعنى بيدوله عدد ساعات معينة ممكن يشتغلها، الزائر ملوش خالص.

[أختكم المصرية]

اخت مهاجرة ارجوكى قوللى هذا الصديق هاجر من اد ايه المحامى قال ان انا و زوجى لازم ندرس بالمركز الثقافى الفرنسى لحد المستوى التاسع عشان يقدم الشهادة للسفارة بس حاسة انه كتيير و عايزة اسال لازم الزوجة كمان و لا لاءة؟

على العموم طمنتينى شوية و ربنا يستر

اخت سوزان ياريت تدرسى ديكور ادم بتحبيه اكيد هتنجحى و ليس تضييع وقت انا كمان ان شاء الله ناوية ادرسه بس فى مجال الاثاث و تصميمات المفروشات لان العمل فى مجال الديكور عامة مشوق و مربح ويارب نعرف نشتغل بيه فى كندا

ويارب نلتقى هناك على خير ان شاء الله

[مهاجرة]

الاخ المصري شكرا لردك على اسئلتي وبارك الله فيك

الاخت المصرية الحزينة

الصديق اللي حصل على فيزا الى كيوبك ماكان موكل محامي ومعظم اللي نعرفهم وحصلوا فيزا الى كندا كانوا من غير محامي لكن شهاداتهم ماجستير واعلى ربما تختلف الحالة حسب الشهادة مابعرف , على فكرة انا عراقية ومقيمة في ليبيا .

[yasmin]

الاخ المصري شكرا لردك على اسئلتي وبارك الله فيك

الاخت المصرية الحزينة

الصديق اللي حصل على فيزا الى كيوبك ماكان موكل محامي ومعظم اللي نعرفهم وحصلوا فيزا الى كندا كانوا من غير محامي لكن شهاداتهم ماجستير واعلى ربما تختلف الحالة حسب الشهادة مابعرف , على فكرة انا عراقية ومقيمة في ليبيا .

سلامى زززززززز الى كل اعضاء المنتدى الرائع ..... انا احب اعرفكم انا مقدمه على الهجره من اغسطس 2005 وخلصت كل الاوراق ومستنين اوراق الميدكال ارجو نا اخى المصرى ان يكتب لنا عن ظروف الحياه فى كندا من مسكن وعمل وكل شى بليز بحكم خبرتك ززز :unsure:

[yasmin]

الاخ المصري شكرا لردك على اسئلتي وبارك الله فيك

الاخت المصرية الحزينة

الصديق اللي حصل على فيزا الى كيوبك ماكان موكل محامي ومعظم اللي نعرفهم وحصلوا فيزا الى كندا كانوا من غير محامي لكن شهاداتهم ماجستير واعلى ربما تختلف الحالة حسب الشهادة مابعرف , على فكرة انا عراقية ومقيمة في ليبيا .

سلامى زززززززز الى كل اعضاء المنتدى الرائع ..... انا احب اعرفكم انا مقدمه على الهجره من اغسطس 2005 وخلصت كل الاوراق ومستنين اوراق الميدكال ارجو نا اخى المصرى ان يكتب لنا عن ظروف الحياه فى كندا من مسكن وعمل وكل شى بليز بحكم خبرتك ززز :unsure:

[yasmin]

ردا على موضوع صحيفه الحاله الجنائيه لازم تتعمل من كل بلد قضيته فيها اكثر من 6 شهور

[suzanne]

شكرا استاذ مصري على ردك ، الحقيقة انا ماليش خالص في المحاسبة و مش فاكرة اي حاجة منها على الاطلاق و كنت بكرهها جدا كمان مع انني متخرجة بتقدير جيد جدا مع مرتبة الشرف. انا نفسي ادرس الديكور فعلا . ربنا يسهل ان شاء الله حسب الظروف.

يا ريت يا مصرية حزينة نتقابل اهو نشجع بعض و لكن انت لسة مقدمة حديثا احنا بقالنا اربع سنين مقدمين، بس متخافيش انا حستناكي مش حعمل حاجة لحد ماتيجي.

[أختكم المصرية]

اخت سوزان اتمنى و الله ان نتقابل فعلا ان شاء الله و على العموم كيبك حوالى سنتين بس يعنى مش هتاخر عليكى و كمان احنا ناويين نستقر خارج كيبك ممكن تورنتو و ان شاء الله اما تستقروا هناك ابقى قوللى انتى فين

و انا اجيلك

استيننىىىىىىىىىى

سلامممممممم

انا بس عايزة اسال لية مكتوب تحت عضويتى انزار 0% لو لحد يعرف يقولى

[المصـــــــرى]

الأخت سوزان، أنا برضه مش شغال فى مجال المحاسبة ومش بحبها، لاكن بتنفع ساعات، يعنى هنا مثلا لازم كل سنة تقدمى بيان للحكومة بداخلك السنوى عشان الضرائب، حتى لو مش بتشتغلى، هو فعلا الشركات هنا بتخصم الضرائب من المرتب وبتديها للحكومة، لاكن فى آخر السنة الشركة بتديلك كشف بكل المرتب اللى أخدتيه فى السنة والمبلغ اللى إتخصم للضرائب، فبتاخدى الكشف ده وممكن تحطى بعض المصاريف زى المبلغ اللى صرفتيه على الدراسة أو تكلفة كارنية المواصلات ولو عندك أولاد وكده، وحسب حالتك يا إما الحكومة بتبعتلك فلوس يا بتطلب منك فلوس يا إما كله تمام.

عادة الناس بتطلب من الشركات اللى بتشتغل فيها إن تخصم مبلغ أكبر شوية من المبلغ المستحق، وكده يرجعلهم فلوس آخر السنة، كإنك بتحوشى.

الأخت مهاجرة، عفوا ولو فيه أى حاجة أقدر أساعد بيها أن تحت أمركو، أنا لو عليا نفسى أجيب مصر كلها هنا.

الأخت ياسمين، الحياة هنا فيها مميزات وعيوب لاكن فى النهاية الحياة الكريمة متوفره للإنسان العادى وفرص النجاح كبيرة لمن يعمل ولا ييأس وفى الأخر الرزق بيد الله، لو عند حضرتك أسرة وأولاد يبقى أفضل لو تعيشوا فى مدينة صغيرة لإن بتبقى أمان أكتر وممكن يبقى عنيكى على الولاد وعارفه هما راييحين فين ومع مين وكده، وبرضه بتقدرى تقضى وقت أكتر معاهم والمعيشه أرخص نسبيا، هو فى الأكل مش بتفرق كتير، هوه السكن اللى ممكن يفرق.

يعنى أنا عشت فى مدينة تعدادها حوالى 120 ألف نسمة وكنت واخد شقة حجرتين بـ 520 دولار، الكهرباء حوالى 50 دولار ، الإنترنت 25 دولار، التليفون أرضى 25 دولار، الموبيل 60 دولار، المية والتدفئة عليهم، من شهرين نقلت على مدينة كبيرة ونفس الشقة ممكن يكون إيجارها حوالى 2000 دولار، بس لأنى لوحدى فعايش مع أسرة كندية، لإن فى المدن الكبيرة عادة بياخدو بيت كبير وييأجرو غرف فيه، فحاليا أنا بدفع 400 دولار شاملة كل حاجه نور ومية وإنترنت وتدفئة ،وإن كان الواحد بيفتقد خصوصيته لاكن لغاية ما ألاقى حاجه معقولة ممكن الواحد يتصرف، والكنديين مش وحشين، يعنى الواحد بيخللى باله ينشف الحمام بعد ما يتوضى، وخلاص إتعودو لما بصلى الفجر جهرا الساعة سته صباحا، هما بس إتخضوا الأول لما كانوا بيسمعونى بتكلم لوحدى فى حجرتى، إفتكروا إنى إتجنيت وبكلم نفسى وللا حاجه، بس لما فهموا كله بقى تمام. :unsure:

بالنسبة للعمل ،العائد أعلى فى المدن الكبيرة ومتوفر أكتر، بس برضه حسب التخصص ممكن تلاقى شغل كويس فى المدن الصغيرة.

بالنسبة للحياة الإجتماعية الواحد طبعا بيفتقد الأهل والأصدقاء، لاكن فى نفس الوقت بتلاقى ناس تانية مهاجرين برضه وبتبدأى حياة إجتماعية جديدة و بتبقى كويسه إن الواحد يعرف ويعاشر ناس من دول عربية أو إسلامية تانية وبتشيل تصورات كتير غلط كان الواحد واخدها عن الناس دى، لإنك حتلاقى كويس ووحش من كل بلد ونسبة الكويسيين للوحشين من كل بلد متقاربة ، فبتبقى حسب الإعلام ممكن يركز بس على الوحش أو الكويس من بلد معينة و يودونا يمين وشمال زى ماهما عايزين وحسب سياساتهم.

حاجة تانية، فى المدن الصغيرة حتبقى صعبة شوية حكاية اللحوم، البلد اللى كنت فيها مكانش فيها محلات بتبيع لحم حلال لفترة طويلة، ولما أخيرا واحد فتح كان بيجيب مجمد، لاكن بعد مجهود شاق لتجميع الإخوة العرب على هدف واحد ودى عملية شبه مستحيلة وقد تكون إنتحارية (لإنها قد تنتهى بإرتفاع ضغط الدم والسكر ثم حالة من الإكتئاب) ، المهم بقينا نطلع على المزرعة وندبح بنفسنا، فى مزارع كتير فيها خرفان وفراخ وأسعارها بتكون أقل من سعر السوق ويمكن كمان أقل من أسعار اللحوم فى مصر، آخر مرة إشترينا كان الخروف كله بـ 80 دولار.

فى المدن الكبيرة حتلاقى محلات عربى كتير وبضاعة مستوردة من كل الدول العربية وجزارين ومطاعم.

تم تعديل 27 نوفمبر 2007 بواسطة المصـــــــرى

[المصـــــــرى]

إفكرت حاجة حتديكى فكرة كويسه عن مرتبات الشغل فى كل وظيفة وحسب كل مدينة أو ولاية.

http://www.jobbank.gc.ca/

الويب سايت ده تبع وزارة ما يسمى عندنا القوى العاملة، وفيه شركات كتير بتحط إعلانات الوظائف ومعظمهم بيحط المرتب كام، وممكن تدورى حسب المقاطعة والمدينة، فمكن تختارى وظيفة معينة، وبعدين تقارنى بين المقاطعات، بس خللى بالك لما تقارنى بين المقاطعات تقارنى بين المدن الكبيرة أو بين المدن الصغيرة لتلك المقاطعات، يعنى متخلطيش فى المقارنة المدن الكبيرة بالصغيرة عشان تبقى المقارنة عادلة.

الويب سايت ده خاص بس بالكنديين والمقيميين فى كندا، مفيهوش شركات تجيب عمالة من الخارج، لإن الموضوع ده مشوار تانى خالص، يعنى أنا لو عندى شركة وعايز أجيب موظف من مصر، لازم الأول أحط إعلان بالتخصص ولو واحد بس كندى قدم على الوظيفة مقدرش أجيب من برة، ولو محدش رد لفترة مش عارف كام شهر أقدم على طلب وحكاية طويلة ليها ناسها.

بالنسبة للشقق حتلاقى برضه ويب سايتات كتير فيها إعلانات للشقق. إختارى مدينة معينة وإعملى بحث عن صحيفة المدينة، لإن معظم المدن هنا حتى لو فيها 10000 نسمة حتلاقيلها صحيفة ألكترونية وبيبقى فيها إعلانات عن كله، شقق ، شغل ، سيارات، زواج، طلاق، وفيات ,,,,.

تم تعديل 27 نوفمبر 2007 بواسطة المصـــــــرى

[yasmin]

اشكر الاخ المصرى كثيرا على كل هذه المعلومات القيمه ..... وعلى فكره انا خريجه تجاره واعمل حاليا مدرسه وزوجى ايضا ويعمل فى شركه سياحه ولدى طفلين ونحن نفكر نستقر فى البدايه فى البرتا لان اعتقد ان كتير من المهاجرين بيروحوا تورنتوا او مونتريال . علشان فرص العمل قد تكون هناك افضل بس انا باسمع انها صقيع :unsure: ززززز وانا فهمت من كلامك ان البدايه دايما صعبه بس بعد كده بتسلك اهم حاجه عايزين نعلم الاولاد كويس بدل العك الا حنا فيه ....

تم تعديل 27 نوفمبر 2007 بواسطة yasmin

[أم على]

سلام عليكم

يظهر أن مافيش حد أخد باله من سؤالى، يا أهل الخير أنا كنت بسأل عن الجامعات فى كندا لأن ابنى فى الثانوية العامة الأمريكية أخر سنة وعايزة اعرف معلومات عن الجامعات والمواد المؤهلة لدخول الطب خاصة وأنه مازلنا فى اول طريق الهجرة يعنى الولد حيدخل هنا ( ابوظبى) مش ( مصر) كلية الطب حيحتاجوا SAT مرة أخرى ولا خلاص، وكمان ما فرص العمل للطبيب هل هى أفضل أم طبيب الأسنان ... رجاء الرد سريعا

[مصرية والنعم]

سلام عليكم

يظهر أن مافيش حد أخد باله من سؤالى، يا أهل الخير أنا كنت بسأل عن الجامعات فى كندا لأن ابنى فى الثانوية العامة الأمريكية أخر سنة وعايزة اعرف معلومات عن الجامعات والمواد المؤهلة لدخول الطب خاصة وأنه مازلنا فى اول طريق الهجرة يعنى الولد حيدخل هنا ( ابوظبى) مش ( مصر) كلية الطب حيحتاجوا SAT مرة أخرى ولا خلاص، وكمان ما فرص العمل للطبيب هل هى أفضل أم طبيب الأسنان ... رجاء الرد سريعا

وعليكم السلام

ام على بالنسبة لل SAT فى جامعات كتيرة بيطلبوة بس معنديش فكرة بالنسبة للطب كل اللى اعرفة ان الطب بس للمواطنين الكندين دة سمعتة من واحدة كانت عايزة ابنها تدخلة طب فى كندا

عموما حاولى تعملى بحث على الجوجل وانتى حتلاقى كل حاجة

وكمان انا فى مدرسة ولادى كان بتجى جامعات من كندا وامريكا وبريطانيا حتى من مصر بيعملوا زى presentation علشان الطلبة اللى ناوين يكملوا برة وكان واولياء الامور بيكونوا متواجدين

انا مش عارفة ابنك فى اى مدرسة عموما اولادى كانو فى ابوظبى الدولية