كل ما تريد معرفته عن (كندا)

[المصـــــــرى]

بالظبط زى ما قلتى حضرتك، أنا شفت برضه أولاد كتير مولودين ومتربيين هنا لاكن فى منتهى الأخلاق ومرتبطين جدا بأصلهم، لإن اللى كويس هنا هو كويس عن إقتناع ومحدش جابره.

بالنسبة للجو طبعا كندا معروف إنها برد فى الشتا مش حكدب عليكم، بس يعنى مش مفاجأة، وبعدين كلنا عايشين محدش مات من البرد، الكام حادثة اللى شفتهم حد مات من البرد، واحد سكران وقرر ينام فى الشارع، وواحده عجوزه كانت فى منطقة مقطوعة من الناس ووقعت ومقدرتش تقوم.

البرد هنا برضه بيختلف من ولاية للتانية، المدن القريبة من المحيط سواء الأطلنطى أو الهادى أدفأ من المدن اللى فى المنتصف والشمال، زى تورونتوا وهاليفاكس فى الشرق وفانكوفر فى الغرب. أبردهم ودى كنت عايش فيها 8 سنوات ولاية ساسكاتشوان، وبعدين فى ألبرتا إدمينتون برد لاكن كالجارى أدفأ عشان حواليها جبال بتحميها من الرياح.

برضه البرد هنا نسبى، يعنى الناس اللى جم على تورنتوا على طول ومارحوش مكان أبرد بيفتكروا إن ده منتهى البرد، أنا لما رحت تورنتوا ترانزيت خلعت الجاكت وخرجت برة المطار أدخن والناس كانوا بيبصولى بإستغراب خصوصا إنى أسمرانى، يعنى واضح إنى من منطقة حاره.

الواحد بيتعود، وبعدين فيه تدفئة فى كل مكان، البيوت والمحلات والمولات، حتى فيه حمامات سباحة كتير مغطاه، يمكن مشكلة الشتا بالنسبة لى هى الظلام أكتر من البرد، الدنيا بتضلم بسرعة والنهار بيطلع متأخر.

الميزة فى البرد هنا إنه جاف مش رطب ،فالإحساس بالبرد بيختلف. أنا ليا واحد صاحبى والده عنده ربو وكان عايش فى ساسكاتشوان تمام، وبعدين لما نقل على كيتشنير kitchener ودى مدينه فى أونتاريو مليانه عرب، حتى العمده بتاع المدينه لبنانى، وجوها أدفأ بكتير من ساسكاتشوان ولاكن جو رطب وفيها تلوث، وفعلا أبو صديقى تعب كتير وحتى البخاخه مكنتش بتجيب نتيجه، لما راح للدكتور قاله لازم يرجع ساسكاتشوان لإن الأدوية مش حتساعده، وفعلا العيله كلها رجعت.

لاكن الصيف هنا مية مية، خضره فى كل مكان وبحيرات بالهبل والمناظر رائعة. فهيه ست شهور عسل وست شهور بصل، بس برضه الشتا ليه ناسه، لو بتحبوا تتزحلقوا على الجليد، أو أيس فيشينج، التزحلق ممتع، بس منصحش بالأيس فيشينج ده، مجرد إن الواحد بيروح على بحيرة مجمده ويقعد ساعة يعمل خرم فى التلج لغاية ما يوصل للميه، وده لوحده أشغال شاقة وبعدين ينزل شعر الصنارة فى الخرم ويقعد يستنى النصيب، لا منظر ولا قعده عدله، وحتى السمك حيصعب عليكى تطلعيه فى البرد ده وهوه مبلول ومش لابس حاجه، وأصلا السمك بتاعهم ملوش طعم، بس عادى فى محلات خصوصا فى مونتريال بتجيب سمك البحر المتوسط وبيبقى طازه، وبرضه فى الغرب بيجيبوا من المحيط الهادى، هوه بس سمك البحيرات اللى مش طعم.

تم تعديل 30 نوفمبر 2007 بواسطة المصـــــــرى

[المصـــــــرى]

برضه عشان يبقى الواحد قال كل السلبيات، الناس اللى بتحب الشواطئ والبحر وكده، زى مطروح وإسكندريه ودهب والغردقة، مفيش الجو ده هنا خالص حتى فى الصيف، لا فى المحيط الأطلنطى ولا الهادى، بس لإن الناس هنا متعرفش بتلاقيهم بيجيبوا شمسيه ويلبسوا مايوهات وعايشين الجو على شط البحيرة، وطبعا طين مش رمل والميه تقيله ومش صافيه، ده أنا ضحكت ضحك لما أخدونى ما يسمونه شاطئ. يعنى لو بيصيتى على الناس ومسحتى باقى المنظر تفتكرى إنهم فى هاواى وللا حاجه، ولو بصيتى على المنظر ومسحتى الناس حتحسى إنك فى العزبه.

فلو عايزين جو البحر بحق وبسعر معقول ممكن تروحوا كوبا أو المكسيك، فيه من تورونتوا رحلات مباشرة على كوبا طول السنه، حوالى 700 دولار فى الإسبوع شامله الطيران والإقامة والأكل وكل حاجه. وحتلاقوا تخفيضات وحاجات كتير كده طول السنه، وبعدين دى مناطق إستوائية الجو فيها حار على طول وهما تلات ساعات طيران وبقيتى فى عالم تانى. فممكن الواحد ينزل أى وقت فى السنه ويستمتع بالبحر.

تم تعديل 30 نوفمبر 2007 بواسطة المصـــــــرى

[ahmed_saleh]

جزاك الله خيراً اخي المصري على كل ما تفصله لنا و اشكرك خاصة على جزئية المدارس و عل قول الشاعر

المصري حيفضل مصري النيل رواه و الخير جواه

مع خالص الدعوات لك بالتوفيق و لنا جميعاً

[suzanne]

استاذ وليد، حضرتك اللي جبته لنفسك. انا عندي شوية اسئلة

1- احنا جبنا بنوته بعد تقديم الملف بسنتين، عملنا تحديث للملف و دفعنالها الرسوم و قدمنا الورق بتاعها، بما انهم بيأخروا الورق المتقدم من السعودية خايفيين ان موافقتها و الميديكال بتاعها يتأخر و احنا خلاص دفعنا اللانديج فيز ، هل يمكن ان تصاحبنا باذن الله على فيزة زيارة حتى تحصل على اقامتها.

2- بخصوص Proof of fund، هما بتحققوا ازاي من وجود المبالغ الي هما طالبنها معانا، يعني عايزين يشوفوا كاش و لا شيك و لا مش حيشوفوا حاجة.

3- في نموذج يطلب عند اللاندج اسمه Goods to follow ، يا ريت تقولنا ما تعرفه عنه.

شكرا مقدما

[shoshe]

السلاموا عليكم الطلابات دى عادى احنا بردوا طلبوا منا البصمات وحنا كنا مستنين اوراق الميدكل( الكشف الطبى) فمتقلقوش

[walidsm]

استاذ وليد، حضرتك اللي جبته لنفسك. انا عندي شوية اسئلة

1- احنا جبنا بنوته بعد تقديم الملف بسنتين، عملنا تحديث للملف و دفعنالها الرسوم و قدمنا الورق بتاعها، بما انهم بيأخروا الورق المتقدم من السعودية خايفيين ان موافقتها و الميديكال بتاعها يتأخر و احنا خلاص دفعنا اللانديج فيز ، هل يمكن ان تصاحبنا باذن الله على فيزة زيارة حتى تحصل على اقامتها.

2- بخصوص Proof of fund، هما بتحققوا ازاي من وجود المبالغ الي هما طالبنها معانا، يعني عايزين يشوفوا كاش و لا شيك و لا مش حيشوفوا حاجة.

3- في نموذج يطلب عند اللاندج اسمه Goods to follow ، يا ريت تقولنا ما تعرفه عنه.

شكرا مقدما

مدام سوزان

1. بالنسبة لموضوع البنوتة مفيهوش اي مشكلة وهما بيبعتوا لكل اللي متقدمين في نفس طلب الهجرة من نفس العائلة في نفس الوقت. وكمان عايز اقول لحضرتك ان هنا في كندا اولاد المهاجر اهم من المهاجر نفسه.... يعني متقلقيش ... لا يمكن يكون في مشكلة بالنسبة للبنت او اي طفل او انسان كبير في السن والحكومة هنا بتقدم للاطفال وكبار السن كل التسهيلات في الحياه.

2. بخصوص اثبات المبالغ المملوكة ففي حالتين وانا بتكلم على الهجرة من مصر:

- اولا اذا كانت الهجرة فيدرال فهما بيطلبوا تحوبل المبلغ اللي حضرتك كتبتيه على كندا عن طريق بنك كندي اسمه Scotia Bank وده عنوانه وتليفونه والويب سايت بتاعه اهو:

Scotiabank

Phone: +20 (2) 3336-5731 / 34 / 35

Fax: +20 (2) 3336-5730

3 Ahmed Nessim Street,

P.O. Box 656, Giza

Cairo, Egypt 11511

E-mail: bns.cairo@scotiabank.com

SWIFT: NOSCEGCA

http://www.scotiabank.com/cda/content/0,16...0_LIDen,00.html

والبنك بيدي لحضرتك جواب بان الفلوس دي اتحولت لفرعه في كندا على المدينة اللي حضرتك حتنزلي عليها انا شاء الله. حتاخدي الورقة وتديها للسفارة ودي بتكون اخر ورقة بتقدميها عشان تاخدي التأشيرة انا شاء الله. وده اللي حصل معايا انا شخصيا لاني كنت مقدم هجرة فيدرال من مصر.

ملحوظة هامة جدا: متحوليش الفلوس الا لما السفارة الكندية تتطلب منك وهما حيدو لحضرتك جواب للبنك وعنوانه وكل التفاصيل.

- ثانيا اذا كانت الهجرة لكيبيك فهما ما بيطلبوش اي اثباتات وكل الل بيحصل انه لما حضرتك بتوصلي مطار مونتريال انا شاء الله بيسالو حضرتك سؤال وهو انه حضرتك معاكي كام ومبيشفوش ولا كاش ولا شيك ولا اي حاجة وبيخدوا كلامك ثقة.

3. بالنسبة لنموذج البضائع فده عبارة عن قائمة بمنقولاتك (بتمليها اول مرة تنزلي كندا) واللي حضرتك مجبتياش معاكي وانتي جية وبيسمحولك انك تجبيها في خلال خمس سنين من تاريخ اول مرة دخولك كندا بدون ما تدفعي جمارك عليها. (على فكرة انا ما كنتش اعرفها قبل ما اجي كندا ومعملتهاش والكام مرة اللي نزلت فيهم مصر كنا بنجيب كل حاجة احنا عاوزينها ومفيش ولا مرة دفعت جمارك الا على السجاير) بس برضو اعمليها احنا مش خسرانين حاجة يعني لو مكسبناش مش حنخسر والا ايه؟

ياريت يا جماعة اي حد عندو اسألة يتفضل. بالتوفيق.

تم تعديل 1 ديسمبر 2007 بواسطة walidsm

[walidsm]

برضه عشان يبقى الواحد قال كل السلبيات، الناس اللى بتحب الشواطئ والبحر وكده، زى مطروح وإسكندريه ودهب والغردقة، مفيش الجو ده هنا خالص حتى فى الصيف، لا فى المحيط الأطلنطى ولا الهادى، بس لإن الناس هنا متعرفش بتلاقيهم بيجيبوا شمسيه ويلبسوا مايوهات وعايشين الجو على شط البحيرة، وطبعا طين مش رمل والميه تقيله ومش صافيه، ده أنا ضحكت ضحك لما أخدونى ما يسمونه شاطئ. يعنى لو بيصيتى على الناس ومسحتى باقى المنظر تفتكرى إنهم فى هاواى وللا حاجه، ولو بصيتى على المنظر ومسحتى الناس حتحسى إنك فى العزبه.

فلو عايزين جو البحر بحق وبسعر معقول ممكن تروحوا كوبا أو المكسيك، فيه من تورونتوا رحلات مباشرة على كوبا طول السنه، حوالى 700 دولار فى الإسبوع شامله الطيران والإقامة والأكل وكل حاجه. وحتلاقوا تخفيضات وحاجات كتير كده طول السنه، وبعدين دى مناطق إستوائية الجو فيها حار على طول وهما تلات ساعات طيران وبقيتى فى عالم تانى. فممكن الواحد ينزل أى وقت فى السنه ويستمتع بالبحر.

المصري

على فكرة اسلوبك شيق جدا وانا شخصيا باستمتع بيه. حبيت اسجل متابعتي و بالتوفيق.

[yasmin]

معلش عندى سؤال للاخت سوزان اوالاخ وليد ..... على اى اساس يتم تحديد المبالغ التى يتم تحويلها ؟ وليه الحكومه الكنديه تتطلب تحويل هذا المبلغ؟

[walidsm]

معلش عندى سؤال للاخت سوزان اوالاخ وليد ..... على اى اساس يتم تحديد المبالغ التى يتم تحويلها ؟ وليه الحكومه الكنديه تتطلب تحويل هذا المبلغ؟

الاستاذة ياسمين

بالنسبة لتحديد المبالغ فده بيكون على حسب عدد افراد عائلة المهاجر والجدول التالي يوضح المبلغ المطلوب طبقا لعدد افراد الاسرة:

http://www.cic.gc.ca/english/immigrate/skilled/funds.asp

الحكومة بتطلب تحويل المبلغ على حسابك في بنك كندي كما ذكرت سابقا علشان تضمن انك حتقدر تصرف على عائلتك لمدة ستة شهور ودي المدة اللي انت بعدها تقدر تاخد كل الاعانات الحكومية المقررة لاي كندي او مهاجر اذا ما اشتغلتش وكمان اول ثلاث شهور المهاجر واسرته مش بيكونوا متغطين بالرعاية الصحية واللي هيه اساسا غالية فلازم يضمنوا انك معاك فلوس تغطيك وتغطي اسرتك للمعيشة والرعايا الصحية. وبالتوفيق.

[shoshe]

السلام عليكم بالنسبه للي ح يعملوا لاندنج او مسافرين لكندا اول مرة يخلوا بالهم وهم بيحجزوا من انهم يطلبوا من مكتب السفريات وجبات اسلامية وخاصه اللى مسافرين وح يعملوا ترانزيت فى اى دوله غربيه

[yasmin]

الاخوه........ خاصه الى بيتكلم من كندا معلش عندى سوال مباشر ... هل موضوع الهجره والانتقال من البلد الام مصر بكل ما فيها من ايجابيات ومفيش سلبيات :lol: يحتاج كل هذا التعب والعناء والانتظار اكتر من 3 سنين للانتهاء من الموضوع ؟؟؟ خاصه اعتقد ان كل الذين يقدمون على هذه الخطوه بيكونوا مستقرين الى جد كبير فى حياتهم سواء عمليا او ماديا ارجو الافاده؟

[المصـــــــرى]

طبعا لأه، لو الواحد مستقر فى مصر ماديا وعمليا يبقى مصر أحسن من أى دولة فى العالم. وخصوصا إن كل الواحد ما بيطول هنا بتبقى مسألة الرجوع أصعب، لإنه خلاص عارف مداخله ومخارجه هنا وطبيعة الناس وعارف الحياة ماشيه إزاى وبيحس إنه حيتوه لو رجع بلده ومش حيعرف يسلك أموره.

[ELSHAMY]

الأخوة الأعزاء

أخوكم طبيب مصرى مقيم بجدة (دكتوراة فى الأشعة) حصلت ولله الحمد على تأشيرة الدخول كمهاجر الى كندا مع الأسرة (زوجة طبيبة واربعة اطفال). ان شاء الله أنوى عمل landing فى مارس القادم 2008 و تقريبا لغيت فكرة العمل فى كندا لطول الأجراءات وكل أملى أن يحصل الأولاد على فرص تعليم جيدة. انا انهيت الأجراءات عن طريق محامى ويبدو انى مضطر ان ادفع له مبلغ أخر (2250$) حتى يكمل الاجراءات عند وصولى. انا فهمت من مداخلات بعض الأحوة ان الاجراءات يمكن انهاءها بسهولة بعد الوصول لكن يبقى مشكلة عدم وجود عنوان بكندا وأظن ان ده مطلوب فى المطار ولذلك اعتقد انه لا مفر من الاستعانة بالمحامى لمن لا يعرف عنوان فهل هناك حل للمشكلة دى ؟

ثانيا: أرجو من أحد الخبراء المقيمين (بارك الله فيهم جميعا) أن ينصحنى كيف أقضى فترة زيارتى القادمة من 14 وحتى 27 مارس كسياحة شاملة انهاء الاوراق علما بانى حجزت الى مونتريال وعودة من تورونتو ؟

ثالثا : كيف أحصل على الكتاب الخاص بقواعد المرور لاجتياز اختبار رخصة القيادة فى تورونتو ؟ وهل تكفى الفترة دى لانهاؤه؟

جزاكم الله كل خير وجعله فى ميزان حسناتكم

[suzanne]

اشكرك يا استاذ وليد، طبعا حضرتك الاسئلة ما بتخلص بس انا حسيب غيري يسأل شوية.

استاذ الشامي، المحامي طلب منا ايضا مبلغ علشان يظبط الامور قبل ما نروح، بس احنا مش حندفعله حاجة، عند عمل اللاندج يطلبوا من حضرتك عنوان علشان يرسلوا عليه الPR ان لم يكن عندك عنوان يقولوا لك اتصل علينا في خلال اسبوع لتعطينا عنوان نرسل لك عليه الPR ( استاذ وليد او استاذ المصري يصححلي ان كنت غلطانه)، و لو عندك اي حد تعرفه في كندا يرسلوا عليه الPR يكون احسن طبعا. غير كدة انت مش محتاج المحامى في حاجة كل حاجة ممكن تخلصها بسهولة لوحدك.

بالنسبة لموضوع رخصة القيادة في موقوع تقدر تدخل عليه و تعرف كل المعلومات

http://www.settlement.org/sys/link_redirec...?doc_id=1001706

ياسمين،

كل واحد بيسافر بيكون ليه هدف غير التاني، معظم الناس اللي اعرفهم، اما علشلن يخدوا درجة اعلى كالماجستير و الدكتوراه، او علشان يحصلوا على الباسبور الكندي اللى بيفتح ابواب و فرص كتير للعمل في الخليج. بس دول السببين الاساسيين عند الناس الي اعرفهم. في اسباب مش اساسي ةو لكنها مساعدة انهم بيكون نفسهم يعلموا ولادهم تعليم محترم و ايضا ياخدوا رعاية صحية كويسة.

طبعا في ناس بتروح علشان مستقبل افضل او فرصة عمل احسن،او علشان يكونوا في بلد تحترم البشر ، بس دول اكيد مش حيكونوا مستقريين ماديا و لا عمليا في البلد اللى عايشين فيها زي ما بتقولي.

[ELSHAMY]

الأخت سوزان بارك الله فيك وشكرا على ردك السريع.

المشكلة انى لا اعرف أحد فى كندا ممكن يعطينى عنوان و كمان أنا حافضل بعد ال landing لمدة 12 يوم فقط وحارجع تانى حتى اتدبر امورى قبل الهجرة النهائية فاعتقد انى ما عنديش حل غير المحامى وان كنت شايف ان المبلغ كبير شوية.

أنا مازلت فى انتظار اجابات شافية من كل اخوانى المشاركين فى المنتدى (الحقيقة كلمة اخوات شوية على الروح الرائعة التى لمستها من خلال محاوراتكم).

وشكرا مقدما للجميع

[deemuck]

السلام عليكم ورحمة الله وبركاته ،،،

الدكتور ELSHAMY

يمكنك تأجير اي صندوق بريد قريب من المنطقة اللي هتنزل فيها ودة سعره تقريبا 80 دولار شهريا

[yasmin]

لو اردت تليفون محامى تانى وتشوف هل هنال فرق بينهم .. هو فى المملكه الان الا اذا كان نفس االمحامى . لو اردت تلفونه ممكن ترسل لى الايميل الخاص

[طارق الشاطر]

الاخ الشامي

والله انا بواجة نفس هذه المشكلة وبحثت عن عنوان داخل كندا ياتي علية الورق لكن نسبة لحساسية الموقف نصحني كتير من الذين

لديهم تجربة سابقة انه من الافضل ان ان استلم جميع اوراقي بنفسي اي اقيم فترة شهر الى ان استلم اوراقي لذلك افضل خيار لديك

هو المحامي مافي داعي للمغامرات يكفي انتظار سنوات وصرف مبلغ ليس بالقليل على الاجراءات

لو تكرمت يادكتور عندي سؤال ولا اخفي عليك الانتظار قاتل انا عملت المديكال بتاريخ 22 اكتوبر 2007 متى تتوقع ان احصل على طلب

جوازات السفر مقارنت بتجربة وخصوصا هى تجربة حديثة وجزاءك الله خير الجزاء

[ELSHAMY]

[الأح طارق الشهرى: الفترة بين الميديكال و طلب الباسبور حوالى شهرين ونصف وبعدها شهر كمان للحصول على التاشيرة.

الأخت سوزان الايميل الخاص هو :melshamy@hotmail.com والمشكلة ان ظروف عملى واجازات المدارس للاولاد لن تسمح لى باكتر من 12 يوم بعد ال landing

مع شكرى للجميع عاوز حد من الاخوة المقيمين ان يقترح على برنامج سياحى خلال فترة اقامتى بعد ال landing لمدة 12 يومابتداء من 15 مارس وحتى 27 مارس 2008.

على فكرة انا عمرى ما شفت الاخوة والأخوات هادى و وليد وسوزان و جيهان وغيرهم لكن لقيت نفسى بادعيلهم لوحدى وانا باصلى العشاء دلوقت.

ربنا يجزيكم كل خير

[المصـــــــرى]

ثالثا : كيف أحصل على الكتاب الخاص بقواعد المرور لاجتياز اختبار رخصة القيادة فى تورونتو ؟ وهل تكفى الفترة دى لانهاؤه؟

ممكن تبدأ تقراه من دلوقتى لو تحب، فيه نسخة أونلاين

The Official MTO Driver's Handbook