كل ما تريد معرفته عن (كندا)

[walidsm]

اخي وليدزم عبارة "ما عدا اللي جايين من الخليج" جايين من غير محاميين هل لها معنى انه الخليج ينظر اليه من قبل الهيئة الملكية بلندن بنظرة فحص و تدقيق اكبر من غيرها من الدول و بالتالي تحتاج لمحامي ليلبي كافة الاحتمالات و يغطي استفسارات غير عادية منهم ارجو التوضيح !!و جزاك الله خير انت و كل المشاركين بهذا الموضوع الهام لاغلب المصريين في وقتنا هذا .

استاذ احمد

انا اقصد بهذه العباره فقط انه معظم اللي قابلتهم جايين من الخليج جايين عن طريق محامي وده راجع لان اولا المحامين في الخليج نشيطين جدا لان طبعا ده بيزنس وهما بيشتغلوا اينما يكون البيزنس ليهم اكتر. وبعدين انت لو كنت في الخليج وبتلاقي كل اللي تعرفهم بيقدموا عن طريق محامي والمحامين رسخوا في اذهان الناس هناك انه لو اي غلطة في الملف فالملف بيترفض وانا شخصيا "وده مجرد رأي" بعتبر انه ده كلام فارغ لان انا لما كنت في اجراءات الهجرة وبعت الابليكيشن بتاعي وهما بعد لما رجعوه لقوا اني ما مليتش جزء في الابليكيشن فردوا عليا بجواب قالولي املا الجزء ده ومليتو بعتو تاني. كمان حتلاحظ انه حتى الناس اللي قدمت عن طريق محامي فحتلاقيه بيقول ان المحامي طلب منهم بعد كده ورقة ناقصة معينة او فيش وتشبيه من بلد معينة مثلا فضي فيها اكتر من 6 شهور وده عادي يعني وده حصل معايا برضو انا شخصيا وبيحصل كمان مع المحامي.

انا في رايي انه المحامي له فايدة في حالة انواع الهجرة الاخرى زي حالات معينة انا قابلتها هنا. مثلا واحدة نعرفها معندهاش لغة خالص وكانت في الخليج و النقط بتاعتها مش معدياها بس هيا كان ليها اختها هنا. المحامي خلى اختها بعتتلها دعوة زيارة علشان مانت بتتجوز. وبعد ما جت هنا المحامي الفلها قصة وخلاها قدمت لجوء اجتماعي واتعملتلها قضية واتحكملها في النهاية انها تاخد الاقامة وبعد كده بعتت جابت جوزها. ده بقى صح مطلوب محامي لان الحاجات ليها صغرات في القانون الشخص العادي ما يعرفهاش انما هجرة ال Skilled Worker دي مباشرة ومفيهاش فتوى. وبالتوفيق.

[حسام يوسف]

السلام عليكم

انا صيدلى متزوج ارغب فى الهجرة لكندا

وسمعت ان القوانين اتغيرت

ولقيت الملف بتاع كندا ماشاء الله كبير قوى

بس انا عايزحد يبقى زى مستشار ليه فى الموضوع ده ويقولى اعمل ايه بالظبط

انا بجهز للايلتس وبتكلم فرنساوى نص نص (5/10)

وزوجتى تعليم عالى

ويفترض ان تقييمى واخد سكور كويس

الموضوع هيكلف كام؟

اروح لمستشارين الهجرة زى وهيب يوسف والعالم دى؟

ولو انى سبق رحت لمقابلة معاه ومرتحتلوش

الواحد يبدأ ازاى؟

أرجو النصح وجزاكم الله خيرا

[ELSHAMY]

أحى الحبيب وليد ..... أحى automatic لكم جزيل الشكر

? I will arrive to Montreal in Friday .... What can I do there during saturday and sunday ? and how many working days I need to finish the papers

?Is the thermal underwear enough for the kids

[دعاء]

السلام عليكم ورحمة الله وبركاته

اخوانى واخواتى اعضاء المنتدى اسفة جدا على التأخير لكن الموقع كان مقفول عندى بقالو اكتر من اسبوعين

المهم ان انا اخيرا معاكم

احب اشكر كل الاخوة والاخوات على مشاركاتهم المثمرة ( سوزان - ياسمين - مصرية والنعم - مصرية حزينة - شوشو )

وابعث سلامين خاصين للأستاذ وليد : الف حمد لله على السلامة اخيرا فى المنتدى

والاستاذ المصرى الذى شارك بكل امانة ردا على استفسارات الاخوة والاخوات

الف شكر لكم جميعا

انا اختكم دعاء من مصر قدمت طلب الهجرة الى كيبيك من 3 سنين ، عملت المقابلة فى شهر 6 - 2007 وانا حاليا فى انتظار عمل الكشف الطبى ( اشكرك اختى سوزان على ردك على الاستفسار الخاص بالكشف الطبى )

وارجوا ان اتواصل معكم دائما وارد على اى استفسار تبعا لتجربتى الشخصية

وعندى استفسار للأستاذ وليد

انا خريجة كلية الآداب قسم المكتبات والوثائق وتقنية المعلومات وزوجى خريج كلية التربية قسم رياضيات وهو مدرس للرياضيات باللغة الانجليزية

السؤال عن معادلة الشهادة فى كيبيك يمكن ان يأخذ وقت قد ايه والتكلفة ممكن تكون فى حدود كام

ارجوا ان يكون لاستفسارى اجابة شافية لديك يا استاذى الفاضل وليد

وان استطاع الأستاذ المصرى ان يدلى بدلوه فى الموضوع اكون ممتنة جدا

وشكرا لكم جميعا ووفقكم الله للخير دائما

[walidsm]

السلام عليكم عندى سؤال عن شهادة الجامعة الاصليه 00 انت عارفين انهم طلبوها مننا الاسبوع اللى فات و عايزة اتاكد لازم تكون الشهادة الكرتونه و لا ممكن شهادة مؤقته اصليه لانى مش عارفة اعمل الكرتونة الان من جامعة اسكندريه0000 يا ريت حد من الاساتذة الكبار يرد على و يطمنى

مدام ياسمين

الشهادة المؤقتة شغالة وانا اصلا خريج اسكندرية ولغاية دلوقتي معنديش الشهادة الكرتونة. بالمناسبة قبل ما تيجي اعملي شهادة تقديرات بكل المواد لان دي هي اللي كل الجامعات بتعوزها هنا. وعلى فكرة نصيحة انك تسيبي صور ليكي مع حد في مصر لان غالبية الجامعات هنا دلوقتي بيطلبوا ان شهادتك تيجي من الجامعة عليهم مباشرة وعلشان احنا ما عندناش النظام ده في جامعة اسكندرية لغاية دلوقتي فبتقولي لحد يعملهالك ويستلمهالك وتديلو عنوان الجامعة وهو يبعتها على الجامعة مباشرة وده بيكون كافي وانا عملت كده كذا مرة ومشيت. وبالتوفيق.

[walidsm]

السلام عليكم

انا صيدلى متزوج ارغب فى الهجرة لكندا

وسمعت ان القوانين اتغيرت

ولقيت الملف بتاع كندا ماشاء الله كبير قوى

بس انا عايزحد يبقى زى مستشار ليه فى الموضوع ده ويقولى اعمل ايه بالظبط

انا بجهز للايلتس وبتكلم فرنساوى نص نص (5/10)

وزوجتى تعليم عالى

ويفترض ان تقييمى واخد سكور كويس

الموضوع هيكلف كام؟

اروح لمستشارين الهجرة زى وهيب يوسف والعالم دى؟

ولو انى سبق رحت لمقابلة معاه ومرتحتلوش

الواحد يبدأ ازاى؟

أرجو النصح وجزاكم الله خيرا

د. حسام

ولا مستشارين ولا غيرو. بكره الصبح بدري روح على السفارة الكندية عدل. بس لازم تروح بدري اوي واسحب ابليكيشن وقدم وتوكل على الله.

[walidsm]

أحى الحبيب وليد ..... أحى automatic لكم جزيل الشكر

? I will arrive to Montreal in Friday .... What can I do there during saturday and sunday ? and how many working days I need to finish the papers

?Is the thermal underwear enough for the kids

د. الشامي

الموقع حتلاقي فيه كل الاماكن السياحية في مونتريال وتكلفتها وكذلك الاحتفالات والانشطة اللي بتعملها المدينة خلال فترات العام:

http://www.bonjourquebec.com/ca-en/montreal0.html

في المطار انا شاء الله حيدو لحضرتك كل العنوانين اللي حضرتك محتاجها وحيقولولك انك لازم تروح وزارة الهجرة في اول يوم عمل يعني بالنسبة لحضرتك حيكون يوم الاثنين ان شاء الله. هناك حيقولك على حسب عنوان الفندق اللي نازل فيه فين اقرب مكان تعمل فيه كارت الرعايا الصحية وكذلك كارت الرقم القومي. وبتتصل بيهم ويدولك ميعاد على ما افتكر او بتروح مباشرة من غير ميعاد (مش متأكد ولو حد عمل الموضوع ده جديد يا يفكرنا بليز) والموضوع ما بيخدش اكتر من ساعة سواء لده او لده.

بخصوص الملابس الشتوية باعتقد انه يفضل انك تشتري للاولاد جواكت وجزم شتوية من هنا ولو ان درجة الحرارة في التوقيت اللي حضرتك حتيجي فيه مش حيكون برد اوي (يعني حوالين الصفر) بس بردو هو حينفعهم بعدين.

وده موقع محل انا بفضل اشتري منه من مونتريال بس طبعا لما توصل ان شاء الله حضرتك تختار بنفسك افضل بس على الاقل خد فكرة عن الاسعار ولو طبعا في اقل واغلى من كده في اماكن تانيه.

http://www.sears.ca/gp/home.html

تم تعديل 3 ديسمبر 2007 بواسطة walidsm

[walidsm]

وعندى استفسار للأستاذ وليد

انا خريجة كلية الآداب قسم المكتبات والوثائق وتقنية المعلومات وزوجى خريج كلية التربية قسم رياضيات وهو مدرس للرياضيات باللغة الانجليزية

السؤال عن معادلة الشهادة فى كيبيك يمكن ان يأخذ وقت قد ايه والتكلفة ممكن تكون فى حدود كام

ارجوا ان يكون لاستفسارى اجابة شافية لديك يا استاذى الفاضل وليد

وان استطاع الأستاذ المصرى ان يدلى بدلوه فى الموضوع اكون ممتنة جدا

وشكرا لكم جميعا ووفقكم الله للخير دائما

مدام دعاء

بالنسبة لمعادلة الشهادة في كيبيك

اولا انا عاوز اقول مقدمة بسيطة الا وهي انه يوجد 3 جهات تقوم بالمعادلة تختلف باختلاف هدفك انت وهم كالتالي:

1. وزارة الهجرة والسكان

بالنسبة لخريجي الجامعات المصرية (واللي انا متأكد منه هي الجامعات الحكومية لأن دي حالتي لأنني خريج جامعة الاسكندرية)، فان كل المطلوب منك ان تقدم شهادة مفصلة بتقديرات المواد التي درستها وتدفع رسوم 105 دولار كندي و تستنى شهرين... بعدها حيبعتولك شهادة المعادلة (بدون اي امتحانات) والتي تنص على ان شهادتك تعادل البكالوريوس من كيبيك.

هذه الشهادة غير كافية لأنك تشتغل في سوق العمل الا بعض الوظائف الحكومية وطبعا من ضمنها المدرسين لان معظم الدرس حكومية وهي فقط تعتبرها شرط لقبول الاوراق.

2. الجامعات

هنا في كيبيك كل جامعة بتعمل التقييم الخاص بها لمعادلة الشهادة ولا تعترف بأي تقييم من اي جهة اخرى سواء كانت جامعة اخرى او وزارة الهجرة او اي جهة اخرى و طبعا بتقدم للجامعة شهادة مفصلة بتقديرات المواد التي درستها في و شهادات الخبرة التي حصلت عليه وبتعمل اختبار لغة وبعدها بيعملوا التقييم.

3. النقابات

واعتقد انها ما تنطبقش عليكم لان المدرسين مالهمش نقابة ملزمة للتسحيل فيها حتى تستطيع العمل هنا. وهذا ملخص للنقابات والتي يستلزم التسجيل بها (اجباريا) لكي يمكنك العمل في السوق الكيبكبي:

Professions d’exercice exclusif

1. L’Ordre professionnel des avocats du Québec;

2. L’Ordre professionnel des notaires du Québec;

3. L’Ordre professionnel des médecins du Québec;

4. L’Ordre professionnel des dentistes du Québec;

5. L’Ordre professionnel des pharmaciens du Québec;

6. L’Ordre professionnel des optométristes du Québec;

7. L’Ordre professionnel des médecins vétérinaires du Québec;

8. L’Ordre professionnel des agronomes du Québec;

9. L’Ordre professionnel des architectes du Québec;

10. L’Ordre professionnel des ingénieurs du Québec;

11. L’Ordre professionnel des arpenteurs-géomètres du Québec;

12. L’Ordre professionnel des ingénieurs forestiers du Québec;

13. L’Ordre professionnel des chimistes du Québec;

14. L’Ordre professionnel des comptables agréés du Québec;

15. L’Ordre professionnel des techniciens en radiologie du Québec;

16. L’Ordre professionnel des denturologistes du Québec;

17. L’Ordre professionnel des opticiens d’ordonnance du Québec;

18. L’Ordre professionnel des chiropraticiens du Québec;

19. L’Ordre professionnel des audioprothésistes du Québec;

20. L’Ordre professionnel des podiatres du Québec;

21. L’Ordre professionnel des infirmières et infirmiers du Québec.

عندي سؤال لحضرتك. انتو مقدمين الهجرة باسم زوج حضرتك والا باسمك؟ وهل هي لكيبيك؟

شكرا وبالتوفيق.

تم تعديل 3 ديسمبر 2007 بواسطة walidsm

[أختكم المصرية]

د. حسام نصيحة من اخت ياريت بلاش وهيب يوسف انا بالفعل رحت و دفعت بس ندمت

اكيد قرات انا كاتبة عنه ايه فعلا انسان بشع و اسلوبه غير محترم و هاروح بكرة انا و زوجى بكرة ان شاء الله نسحب فلوسنا هنقدم عن طريق السفارة بس ياريت يرضى يرجع المبلغ

بس انا معاك احنا كنا محتاجين حد نستشيره او مجرد مساعدة فى ملىء الملف

بس تقريبا كدة ذى ما قال استاذ وليد كله شغل اونطة عشان الفلوس و استغلال

اخت دعاء اهلا بيكى ياريت تقوللنا انتى قدمتى عن طريق محامى و لا لاءة لانه قال ان كل الى عن طريق السفارة لا يشمل كيبك و انا اشك فى كلامه

و الوقت من بداية الملف و شكرا

[Paris]

مفيش حد عنده خلفيه عن العمل فى شركه داماس فى دبى و عن الكوميشن .من فضلكم افيدونى .

وهل أستطيع أن أوأجر شقه بمفردى فى أى أماره ؟وهل يوجد أستوديو ب 1000 درهم فى اى اماره لا تبعد 40 دقيقه بالسياره عن دبى ؟ وهل يمكن أن اواجرها غير مفروشه أفضل للتوفير ؟ وهل سيكلفنى تجهيزها...؟ أسف على الأسئله الكتيره دى..

[yasmin]

اشكر الا خت المصريه و النعم انت فعلا و النعم...... والاستاذ وليد كثيرا على هذه النصائح الغاليه ...... احترامى وتقديرى ... ومش المفروض ان المحامى كان طلبها مننا بدل من ال HIGH COMMISION يطلبها دلوقتى مع شهاده الدرجات بعد مرور سنتين ونصف .... لكن كله نصييب . وعلى فكره ياستاذ وليد هل شهاده التجاره مجاسبه او اداره اعمال ليها معادله فى كندا ولو ليها كيف تتعمل ومن اى مكان وهل لها اجراءات تتعمل فى مصر قبل الذهاب الى كندا ؟

تم تعديل 4 ديسمبر 2007 بواسطة yasmin

[ahmed_saleh]

اكيد استاذ وليد كان بيقصد ان اللي من الخليج بيكون لديه القدرة المادية لتكلفة المحامي ،بس انا لا اعتقد ان العملية مرتبطة بان المستعين بمحامي بيكون من الخليج او من حته تانية، على ما اتذكر نانسي و اسامة مثلا كانو من مصر و استعانوا بمحامي. اللى بيعتمد على نفسه لازم يكون قلبه جامد و مغامر ، و زي ما الكل ما بيقول لازم الواحد يدرس الويب سيت بتاع الهجرة كويس ، احنا خفنا ان مهما درسناه كويس تفتنا حته و حبناش نغامر بتكملة الملف لوحدنا علشان ميكونش ناقص فيترفض. في النهاية كله نصيب، الواحد يتوكل على الله و يسيب الباقي على ربنا.

شكراً جزيلاً للاخ وليدزم و للاخت suzanne و لكل المشاركين على التوضيح لكن احب اعرف برضه و ده يمكن من الجماعة اللي عايشين التجربة هناك بكندا . هل الدراسة بالجامعات هناك بتكون بدعم كامل او جزئي من الحكومة و اي مهاجر يمكنه الدراسة (ما بعد البكالوريوس) بمؤهله الحاصل عليه من مصر على طول و لا في شروط معينة اي لابد من حصوله على IELTS او TOEFL اثناء تواجده هناك و هل ممكن الواحد يقدر يشتغل و يذاكر بسهولة ؟؟ معلهش طولت عليكم بالاسئلة لكن اعتقد انها تدينا تصور اكبر عن الحياة هناك و ازاي نتكيف معاه بسرعة و سهولة و شكراً مقدماً .

تم تعديل 4 ديسمبر 2007 بواسطة ahmed_saleh

[دعاء]

السلام عليكم ورحمة الله وبركاته

الاستاذ الفاضل وليد : الف الف شكر على الاجابة المفصلة وارجوا ان يجعل الله كل هذه الخدمات فى ميزان حسناتك باذن الله

احنا مقدمين للهجرة الى كيبيك والملف مقدم باسمى انا وليس زوجى نظرا للسن فقط ولكن سنوات الخبرة الخاصة بزوجى اعلى بكثير

بعد اذنك طبعا كنت عاوزة اسال سؤال تانى : لو حبيت استثمر الوقت اللى فاضل لينا هنا فى مصر ( ولو انى لست اعلم بالتحديد هيكون قد ايه ) هل ممكن اقوم بمعادلة شهادتى هنا فى مصر ؟ ولا ماينفعش ؟ وان كان ينفع ايه الجهة الى ممكن تساعدنى ؟ واسفة جدا على الاطالة لكن الموضوع مهم جدا بالنسبة لى

اختى الفاضلة ( مصرية الحزينة )

انا قدمت ورقى مع المحامى المذكور فى مداخلتك وبقالنا معاه 3 سنين كالتالى :

- قدمنا الملف عنده شهر 11 - 2004

- اخدنا رقم الملف من السفارة من 2 الى 3 - 2005

- عملنا المقابلة باللغة الفرنسية فى السفارة شهر 6 - 2007

وانا معاكى ان المعاملة مش قوى وفى بطء شديد فى الاجراءات وسمعت كمان ان اللى بيقدموا عن طريق السفارة مباشرة احسن لكن احنا قدمنا من خلال محامى لضمان ان الاجراءات تكون مظبوطة وان طبعا ماكانش عندنا وقت لتوثيق وترجمة الاوراق لوحدنا - فاذا كانت الاوراق الخاصة بكم ليس بها مشكلة فى التوثيق او الترجمة وما عندكوش مشكلة فى الوقت توكلى على الله واعملى اجراءاتك من خلال السفارة مباشرة وربنا يوفقك ان شاء الله حتى يزول الحزن عنك نهائيا باذن الله ؟

وانا مستعدة لاجابة اى استفسار آخر

واشكركم على مجهوداتكم جميعا وارجوا التوفيق للجميع

[ahmed_saleh]

السلام عليكم ورحمة الله وبركاته

- فاذا كانت الاوراق الخاصة بكم ليس بها مشكلة فى التوثيق او الترجمة وما عندكوش مشكلة فى الوقت توكلى على الله واعملى اجراءاتك من خلال السفارة مباشرة وربنا يوفقك ان شاء الله حتى يزول الحزن عنك نهائيا باذن الله ؟

وانا مستعدة لاجابة اى استفسار آخر

واشكركم على مجهوداتكم جميعا وارجوا التوفيق للجميع

الاخت دعاء لو تكرمت لي سؤال هل الاوراق و الشهادات الجامعية و الميلاد و غيرها لابد من توثيقها و من اي مكان التوثيق هل تقصدين الخارجية المصرية ام ماذا ؟؟؟ و شكراً لك

[suzanne]

شكرا جزيلا استاذ وليد، معلومات حضرتك ما شاء الله كلها قيمة و اسلوب حضرتك مفصل وواضح.

[دعاء]

السلام عليكم ورحمة الله وبركاته

الأخ الكريم الاستاذ ( احمد صالح )

هذه الاوراق ليست فى حاجة الى التوثيق لانها صادرة عن جهة حكومية والمطلوب هو ترجمتها فقط اما ما يحتاج الى توثيق هو الشهادات الصادرة عن جهات خاصة وليست حكومية

ارجوا ان اكون اجبت عن تساؤلك وتحت امر حضرتك فى اى استفسار او تساؤل

[أختكم المصرية]

اخت دعاء شكرا جدا على معلوماتك لانى كنت بدور على حد مقدم عن طريق كيبك

اخدتى كام مستوى فى المركز الثقافى الفرنسى

وهل كان مطلوب شهادة من المركز الثقافى لزوجك كمان

و اخبار المقابلة ايه

و جزاكى الله كل خير

[دعاء]

السلام عليكم ورحمة الله وبركاته

اختى العزيزة ( المصرية الحزينة )

انا اخدت 9 مستويات فى المركز الثقافى الفرنسى وكنت ماشية براحتى كل كورس فى شهرين وعلى فكرة اللغة الفرنسية ليست بالصعوبة المتخيلة انا استمتعت بيها جدا

وهما فى السفارة الكندية بيهتموا جدا بشهادة المركز الثقافى الفرنسى للى طبعا مقدمين على كيبيك ومهم ليهم معرفة اللغة الفرنسية معرفة جيدة

وجوزى كمان اخد كورسات فى المركز ( 5 مستويات )

وبما ان الملف متقدم باسمى انا فمعظم المقابلة بتكون معايا وجوزى سؤالين او تلاتة لكن المهم يكون فاهم السؤال ويعرف يرد عليه كويس

المقابلة كلها باللغة الفرنسية وسؤال او اتنين باللغة الانجليزية وتكون الاسئلة كالتالى :

- لماذا تريدين الهجرة وترك بلدك ؟

- لماذا اخترت كيبيك ؟

- ماذا تعرفين عن كيبيك ؟

- ما هى مخططاتك للمستقبل هناك ؟

- ما هى دراساتك ومجال عملك وتحاولى تشرحى عملك عبارة عن ايه ؟

- كيف تخططين للفترة الاولى لهجرتك الى كيبيك قبل الحصول على عمل ؟

واثناء ذلك تطلب منك اعطائها الاوراق الاصلية وترجمتها معا مثل ( شهادات الميلاد - التخرج - بيان الدرجات خلال السنوات الجامعية - شهادات الخبرة فى العمل وهكذا )

ونصيحتى الشخصية الالمام الجيد باللغة الفرنسية لان المقابلة دلوقتى جادة جدا ويجب ان تكونى جاهزة لاى استفسار ون قبل موظف او موظفة السفارة التى تجرى المقابلة معك

ارجوا ان اكون اجبت على حضرتك وتحت امرك فى اى استفسار اخر

[أختكم المصرية]

شكرا جدا جدا اخت دعاء على المعلومات وشكرا على سرعة الرد

ربنا يكرمك و يجعله فى ميزان حسناتك ان شاء الله

و يتمم لك الهجرة على خير......

و شكرا على معلوماتك استاذ وليد

[دعاء]

الاستاذ الفاضل وليد :

الف الف شكر على الاجابة المفصلة وارجوا ان يجعل الله كل هذه الخدمات فى ميزان حسناتك باذن الله

احنا مقدمين للهجرة الى كيبيك والملف مقدم باسمى انا وليس زوجى نظرا للسن فقط ولكن سنوات الخبرة الخاصة بزوجى اعلى بكثير

بعد اذنك طبعا كنت عاوزة اسال سؤال تانى : لو حبيت استثمر الوقت اللى فاضل لينا هنا فى مصر ( ولو انى لست اعلم بالتحديد هيكون قد ايه ) هل ممكن اقوم بمعادلة شهادتى هنا فى مصر ؟ ولا ماينفعش ؟ وان كان ينفع ايه الجهة الى ممكن تساعدنى ؟ واسفة جدا على الاطالة لكن الموضوع مهم جدا بالنسبة لى