كل ما تريد معرفته عن (كندا)

[ايهاب سالم]

أستأذنكم نكمل في وقت اخر عشان لازم أنام عشان عندي شغل الصبح

تم تعديل 10 ديسمبر 2007 بواسطة ايهاب سالم

[walidsm]

ارجوا ان تفيدني بالرد على مداخلتي السابقة بخصوص مجال العمارة في كندا

الاستاذ مادزورو

مجال الانشاءات في كندا عامة دلوقتي هايل جدا جدا وفي اعلى درجاته وده لينك بيديلك المتوقع لوظيفة مهندس معماري في كيبيك في الفترة من سنة 2007 الى سنة 2011. وبالتوفيق.

http://imt.emploiquebec.net/mtg/inter/nonc...=2151&PT3=9

[madzoro]

الف شكر يا استاذ وليد على سرعة الرد

عموما انا لسة ما بدأتش في اجراءات الهجرة اذا بدأت اليومين دول هايكون عدينا 2011 لحد لما اوصل كندا باذن الله wst::

سؤال اخر بعد اذنك... ايه اللي ممكن اعمله من ترتيبات خلال الفترة 3-5 سنوات تساعدني فالعمل و الاستقرار في كندا

ملحوظة هامة ... انا معنديش اي فكرة عن الفرنساوي .... كل اللي اقدر عليه اني بحاول اطور الانجليزي

[ahmed_saleh]

الدراسة بالجامعات في كندا يعتبر فيها دعم اذا قارنت المصاريف اللي بتدفعها بصفتك كمهاجر والمصاريف اللي بيدفعها الدارس الاجنبي من خارج كندا حتلاقي انت بتدفع اقل من النص. لكن في طرق انك تقدر تاخد بيها فلوس منها:

- المنح الدراسية ودي في مجال الهندسة بتكون كتيرة (معنديش فكرة عن باقي المجالات).

- القرض والمنحة. وده اي مهاجر او كندي على السواء يقدر ياخدو وده بيكون من الحكومة وتقدر تخدو مرة واحدة في حياتك ولمدة معينة حسب دراستك في كل مرحلة من مراحل الدراسة ( المقصود بمراحل الدراسة هو مثلا الدراسة الجامعية العادية ودي بتعتبر مرحلة ودراسة الماجستير وده بيعتبر مرحلة ودراسة الدكتوراه وده بيعتبر مرحلة).

- كمان طبعا تقدر تشتغل وانت بتدرس وسهولة الموضوع اوصعوبته بيرجع الى قدرات كل انسان و صبره.

مفيش شروط محددة لان كل جامعة ليه نظام مختلف في القبول و طبعا من ضمنهم شرط اللغة. في جامعات بتعمل امتحان داخلي للغة وفي جامعات بتكتفي بالتويفل وفي جامعات بتطلب انك تثبت انك درست او اشتغلت مدة معينة في مجتمع انجلوفون لمدة معينة زي انك تكون خريج مدرسة لغات مثلا. وكل جامعة بتعمل تقييم لشهادتك بنفسها ومبتعترفش بتقييم اي جامعة تانية حتى لو من كندا وبناء على خبرتك وتقديراتك ومدة دراستك ومدة خبرتك بيحددولك اذا كنت محتاج كورسات مكملة والا لأ. دي شوية لينكات لجامعات في مونتريال ومنهم تقدر تعرف شروط كل جامعة ومصاريفها كمان وبالتوفيق.

-------------------------------------------------------------------------------------------------------------------------------------------------

اخي الكريم المهندس وليد

اشكر لك اهتمامك و محاولاتك لمساعدة المشاركين بهذا المنتدى الرائع و استكمالاً للموضوع اود ان اعرف هل المنح الدراسية بتبقى من الجامعة أم من جهة اخرى و هل لو ان الواحد بدء من الان محاولة تقييم شهادته من (Engineers Canada) على سبيل المثال حيث اني مهندس كهرباء قوى ممكن ان تفيد بالجامعة عند التقديم على دراسة ماجيستير مثلاً و هل حصولي على اختبار ال IELTS يمكن ان يكون كافياً لاثبات اتقان اللغة و بديلاً عن ال TOEFL و شكراً لك .

الاخ العائد بقوة الاخ العزيز الاستاذ ايهاب

الله يوفقك و يقويك الصور بتتكلم لوحدها و اتمنى ان تميل علينا شوية في محاورات المصريين مش كله في الواحة المصرية و سلامنا الى كريمو باشا و الله يبارك فيه و بانتظار باقي الرواية العظيمة و جزاك الله خيراً

و سلامي الى كل الاخوة و الاخوات و اتمنى التوفيق للجميع

تم تعديل 10 ديسمبر 2007 بواسطة ahmed_saleh

[دعاء]

مدام دعاء

اذا كنتي ناوية تدرسي في الجامعة فدا تقدري تقدمي عليه وانتي في مصر من على النت وتبعتي اوراقك وكل حاجة ممكن بالتالي تكسبي وقت التقييم لاوراقك وممكن تاجلي الامتحان لعاية لما تيجي وهما حيعملوكي على انك طالب من الخارج وحيقولولك ان المصاريف كتيره جدا بس ميهمكيش لما تيجي كندا ان شاء الله وتستلمي كارت الاقامة ساعتها حيخفضولك المصاريف وحيعاملوكي زي اي كندي. انظري المداخلة السابقة للينكات. اما بالنسبة لمعادلة الحكومة فدي متقدريش تعمليها الا لما يمون معاكي كارت الاقامة يعني لما تكوني في كندا ان شاء الله وبالتوفيق.

الاستاذ الفاضل وليد :

اشكرك جزيل الشكر على الرد عن تساؤلى فى الحقيقة انا فى غاية الامتنان :lol:

واعتذر عن عدم فهمى لموضوع ( معادلة الحكومة ) فماذا يعنى ذلك ؟ wst::

وهل هو يختلف عن معادلة الشهادة الدراسية حتى استطيع العمل فى مجال تخصصى فى كندا ؟

وشكرا

[دعاء]

السلام عليكم

اهلا بكل اعضاء المنتدى و ان شاء الله يكون الجميع بخير

انا يا اخت دعاء استقريت انا و زوجى على الاستمرار مع المحامى لان الموضوع فعلا محتاج مصاريف كتير فبدل ما الفلوس تضيع علينا نكمل احسن

ان شاء الله هنروح بكرة نديله الاوراق المطلوبة عشان يبتدى يمشى فى الاجراءات

و هنبتدى رحلة الدراسة مع الفرنساوى فى بداية شهر 1 و دعواتك

و التوفيق من عند الله

الفاضلة : اختى المصرية

اتمنى لك كل توفيق فى اتمام الاجراءات ونصيحتى الاساسية طبعا الصبر لان الوقت طويل لكن من جهة اخرى الايام بتجرى بسرعة وكل تاخيرة وفيها خيرة باذن الله

اما بالنسبة للغة الفرنسية فانا اضم صوتى لصوت الدكتور حسام انه ليس بالصعوبة المتصورة وارجوا اخذ الدورات فى المركز الثقافى الفرنسى لك ولزوجك ايضا

واهم حاجة اثناء الدراسة انك تقرى كتير ( قصص اطفال مثلا ) وتسمعى ايضا اللغة فى القنوات الفرنسية فى التليفزيون او الراديو لان كل ده بينمى المفردات

wst::

[دعاء]

wst::

استاذ ايهاب :

انا متابعة القصة جيدا ( هيأ الله لك كل خير ولاسرتك الكريمة ) وفى انتظار البقبة

:lol:

[حسام يوسف]

السلام عليكم

اسف يا جماعة لو كنت هسأل سؤال قديم أو مكرر

بس انا بسمع كلام كتير متضارب

ممكن أعرف موضوع الهجرة ده يكلفنى قد ايه

انا وزوجتى؟

وايه ترتيب دفع الفلوس ؟

يعنى ايه المطلوب الاول خالص؟

وبعدين مفروض ادفع كام وبعد قدايه؟

شكرا لكم جميعا

[rasha ahmed]

السلام عليكم جميع المشاركين اود ان اشكركم على المعلومات المفيدة التى تقدمونها وكان عندى سؤال اود ان تردو علية احنا قدمنا على هجرة ووصلنارقم الملف من شهر 7 وشهرين عملنا caips,ووصلنا الرد فى شهر 9 انة لايوجد مقابلة وان الملف سوف يرسل لى الppss on 26-6-2009 microlocatorومنذ ذلك الوقت لم تصلنا اي اخبار فما معنى ذلك وما هى الخطوة القادمة wst::

[أختكم المصرية]

السلام عليكم ياهالى كندا

ان شاء الله يكون الجميع بخير

د.حسام

شكرا جدا على اهتمامك و على خدماتك انا فعلا هحاول استعير من حضرتك اى شىء يساعدنى على تنمية مهارات الفرنساوى

وفعلا المهم نطلع من البلد

استاذ ايهاب

و الله و الله المنتدى عاد لازدهاره مرة اخرى

شكرا على سرعة ردك فعلا انت طمنتنا على بعض اعضاء المنتدى الى فعلا وحشونا و كان نفسنا يستمروا معنا

بالنسبة للصور اكتر من رائعة احنا فى انتظار المزيد

احنا فى انتظار القصة من البداية للنهاية و غير مسموح بغياب مرة اخرى

و يارب تكون كندا بلد موفقة لك و لاسرتك و ان شاء الله نسمع عنك كل خير

اخت دعاء

انا فعلا هعمل بنصيحتك لان فعلا اللغة ممارسة و انا مؤمنة بشىء ان الى يضع هدف لحياته ان شاء الله هينجح

و يوصل و اتمنى النجاح و التوفيق للجميع و كل انسان يحقق ما يتمناه

(و الله يبارك فيكم على تغييير الاسم)

[walidsm]

سؤال اخر بعد اذنك... ايه اللي ممكن اعمله من ترتيبات خلال الفترة 3-5 سنوات تساعدني فالعمل و الاستقرار في كندا

ملحوظة هامة ... انا معنديش اي فكرة عن الفرنساوي .... كل اللي اقدر عليه اني بحاول اطور الانجليزي

كل اللي تعمله انك تقدم فورا على الهجرة وتستغل فترة الاجراءات بانك تحسن اللغة سواء الانجليزي اذا كنت ناوي تقدم فيدرال او الفرنساوي اذا كنت ناوي تقدم كيبيك وبالتوفيق.

[walidsm]

استكمالاً للموضوع اود ان اعرف هل المنح الدراسية بتبقى من الجامعة أم من جهة اخرى و هل لو ان الواحد بدء من الان محاولة تقييم شهادته من (Engineers Canada) على سبيل المثال حيث اني مهندس كهرباء قوى ممكن ان تفيد بالجامعة عند التقديم على دراسة ماجيستير مثلاً و هل حصولي على اختبار ال IELTS يمكن ان يكون كافياً لاثبات اتقان اللغة و بديلاً عن ال TOEFL و شكراً لك .

- ايوه المنح الدراسية بتبقى من الجامعة بس الجامعة اصلا بتبقى اما واخداها من الحكومة او شركة من الشركات الكبيرة لدراسة وتحليل او حل موضوع معين. يعني هيا شغل بس علمي.

- اعتقد انك تقصد بسؤالك التاني هو التسجيل في نقابات المهندسين. عموما التسجيل في نقابات المهندسين في كندا مقصور على الكنديين او المهاجرين الى كندا او الامريكان.

- التسجيل في النقابات ملوش علاقة بالتسجيل بالجامعات.

- كل جامعة ليها شروط خاصة بموضوع اللغة واديت لحضرتك لينكات ومنها حتعرف ظروف كل جامعة. كمان تقدر تدخل جوجل وتكتب university + Canada وحيديلك كل الجامعات الموجودة في كندا. وزي ما قلت لحضرتك كل جامعة ليها شروط مختلفة في موضوع اللغة. عموما اطمن في معظم الجامعات مش حيكون مشكلة انك تسجل حتى لو لغتك ضعيفة لان هما حيدولك كورسات لغاية ما تبقى قوية وبعدها تقدر تبتدي الدراسة في مجالك لان الكورسات دي انت بتدفعها والجامعة بتستفيد فمتقلقش. بالتوفيق.

تم تعديل 11 ديسمبر 2007 بواسطة walidsm

[ahmed essam]

اولا لابد ان اسجل كل تحياتى واعجابى لكل اعضاء المنتدى الرائع الذين يعطوا لنا كل صغيره وكبيره عن الهجره الى كندا منهم باسئلته ومنهم من يثرينا باجاباته ؟ فانتم فعلا مثال للاشخاص المحترمين الذين يحبون لبعضهم كل خير ؟ الذين قل امثالكم فى هذه الايام فلكم كل خير من الله ووفقكم لك خير

ثانيا , لى سوال للاخوه فى كندا انا خريج تجاره قسم اداره اعمال واعل فى السياحه والسفر فهل ممكن ان اكمل دراسه السياحه والسفر فى كندا وما هى مستقبل العمل بهذه المهنه هناك

[دعاء]

الاستاذ الفاضل وليد :

اشكرك جزيل الشكر على الرد عن تساؤلى فى الحقيقة انا فى غاية الامتنان

واعتذر عن عدم فهمى لموضوع ( معادلة الحكومة ) فماذا يعنى ذلك ؟

وهل هو يختلف عن معادلة الشهادة الدراسية حتى استطيع العمل فى مجال تخصصى فى كندا ؟

وشكرا

استاذ وليد :

انا اسفة جدا على تكرار السؤال لكن انا حاسة ان موضوع معادلة الشهادة لامكانية العمل بالتخصص فى كندا عاملى لبس فى دماغى ومش عارفة امتى هاقدر استريح واطمن من ناحية الموضوع ده

فارجوا ان يتسع صدرك قليلا ولا تضيق ذرعا باسئلتى

ولك جزيل الشكر

[madzoro]

انا عاجز عن الشكر يا مهندس وليد

واسف اني دوشت دماغك

انا هعرضلك السيرة الذاتية بتاعتي و اذا ممكن تنصحني من على اساس انك في المجال

انا خريج هندسة عمارة 2002

اشتغلت سنتين في مصر وبعديهم سنتين في السعودية

وحاليا انا بقالي سنة ونص في الامارات

كل فترة عملي كانت في مكاتب استشارية

واغلب خبرتي في مجال design-working drawing-presentation

خبرة لا باس بها في برامج autocad-photoshop-3dmax

هل المجال ده ليه فرص عمل كويسة ولا شغل المواقع هو المطلوب اكتر ولا ادارة المشاريع

واسف مرة تانية يا اخواني واخواتي

[ابن الصعيد]

الاخوه الاعزاء

اري ان كل الاسئلة كلها هل انا ساجد شغل او لا

الاجابة الشافية انهم بيعترفوا انك واخد شهادة كويسة ولكن لكي تعمل بها لازم تدخل امتحان في مجالك وتجاوب وتنجح لو نجحت يعني الكلام اللي في شهادتك صح وان رسبت يعني ان شهادتك دي اما مضروبة او من جامعة نص كم او انك محتاج دراسة وتدريب تاني

دة ينطبق علي كل الشهادات الطب والهندسة والتجارة والزارعة وحتي الحرف انت لو قلت انك ميكانيكي سيارات لازم تدخل امتحان وتنجح هناك لازم يحموا الناس ولازم يكون القادم للعمل عندة الحد الادني من المعلومات والخبره لمزاولة مهنة معينة ودة اللي بتظهره الامتحانات

يعني الملخص لن تعمل بشهادتك الا اذا مررت بامتحانات اما معادلة الشهادة فدي ورقة بيبعتوها لجامعتك يتحروا انك كنت طالب بها وانها مش مزوره بس ولكن علشان تشتغل بيها لازم امتحان لمعرفة معلوماتك وانك تمتلك الحد الادني للمعلومات في هذا المجال واذا اجتزت الامتحان بنجاح فالعمل موجود وبهة نقص شديد بكل المجالات والدخل رائع يعيشك محترم انت ومن تعول

اما الاعمال العادية مثل غسل الصحون الحراسة الكاشير فدي متوفرة وكثيرو ويدوب دخلها يعيشك مستور بالكاد

ارجو ان اكون وضحت الصورة وشكرا

[الفارس الابيض]

السلام عليكم

شكرا شكرا على الموضوع الممتاز لكن انا عندي استفسارات...

انا مقيم في السعودية ومفكر بالهجرة لكندا لكن مش عارف ازاي اقدم وفين اروح وزاي ارسل اوراقي ولمين؟

اثنين,انا اهلي كلهم هنا بالسعودية وبصراحة انا عاوز اهاجر عشان الجنسية الكنديه وبس ايه الطريقة الي اقدر اخرج فيها من كندا من غير ما يعرفوا او اية هي الطريقة الى ممكن اسويها عشان اخذ الجنسية بعد الهجرة بس انا مقدرش اجلس بكندة اكتر من شهرين بالسنة ؟؟

وشكرا على المساعدة وخصوصا المعلومات المفيدة من الاستاذ ايهاب السالم ..

ود ايميليhotmailgrop@hotmail.com

[ahmed_saleh]

استكمالاً للموضوع اود ان اعرف هل المنح الدراسية بتبقى من الجامعة أم من جهة اخرى و هل لو ان الواحد بدء من الان محاولة تقييم شهادته من (Engineers Canada) على سبيل المثال حيث اني مهندس كهرباء قوى ممكن ان تفيد بالجامعة عند التقديم على دراسة ماجيستير مثلاً و هل حصولي على اختبار ال IELTS يمكن ان يكون كافياً لاثبات اتقان اللغة و بديلاً عن ال TOEFL و شكراً لك .

- ايوه المنح الدراسية بتبقى من الجامعة بس الجامعة اصلا بتبقى اما واخداها من الحكومة او شركة من الشركات الكبيرة لدراسة وتحليل او حل موضوع معين. يعني هيا شغل بس علمي.

- اعتقد انك تقصد بسؤالك التاني هو التسجيل في نقابات المهندسين. عموما التسجيل في نقابات المهندسين في كندا مقصور على الكنديين او المهاجرين الى كندا او الامريكان.

- التسجيل في النقابات ملوش علاقة بالتسجيل بالجامعات.

- كل جامعة ليها شروط خاصة بموضوع اللغة واديت لحضرتك لينكات ومنها حتعرف ظروف كل جامعة. كمان تقدر تدخل جوجل وتكتب university + Canada وحيديلك كل الجامعات الموجودة في كندا. وزي ما قلت لحضرتك كل جامعة ليها شروط مختلفة في موضوع اللغة. عموما اطمن في معظم الجامعات مش حيكون مشكلة انك تسجل حتى لو لغتك ضعيفة لان هما حيدولك كورسات لغاية ما تبقى قوية وبعدها تقدر تبتدي الدراسة في مجالك لان الكورسات دي انت بتدفعها والجامعة بتستفيد فمتقلقش. بالتوفيق.

شكراً جزيلاً للاخ وليد معلهش طولنا عليك في الاسئلة و اعتقد ان الامور اصبحت اوضح و على فكرة انا مقدم للهجرة و ربنا يسهل للجميع و اعتقد ان كل المتقدمين للهجرة كذلك لابد من ان يستغلوا الوقت في تحسين اللغة و التسجيل بالجامعات او النقابات لمن يريد ان يكمل عمله او دراسته بنفس المجال السابق . صح كده !!!

:blush2:

[suzanne]

Mr. Automatic, Are you already in Canada? In which province? I think I read a previous post from you asking" why Canada? "I would like to know whether you are with or against Canada. Definitely, members telling us about their experience as immigrants in Canada, whether it was good or bad one, are offering us a great help.

Thanks in advance.

تم تعديل 11 ديسمبر 2007 بواسطة suzanne

[دعاء]

الاخوه الاعزاء

اري ان كل الاسئلة كلها هل انا ساجد شغل او لا

الاجابة الشافية انهم بيعترفوا انك واخد شهادة كويسة ولكن لكي تعمل بها لازم تدخل امتحان في مجالك وتجاوب وتنجح لو نجحت يعني الكلام اللي في شهادتك صح وان رسبت يعني ان شهادتك دي اما مضروبة او من جامعة نص كم او انك محتاج دراسة وتدريب تاني

يعني الملخص لن تعمل بشهادتك الا اذا مررت بامتحانات اما معادلة الشهادة فدي ورقة بيبعتوها لجامعتك يتحروا انك كنت طالب بها وانها مش مزوره بس ولكن علشان تشتغل بيها لازم امتحان لمعرفة معلوماتك وانك تمتلك الحد الادني للمعلومات في هذا المجال واذا اجتزت الامتحان بنجاح فالعمل موجود وبهة نقص شديد بكل المجالات والدخل رائع يعيشك محترم انت ومن تعول

اما الاعمال العادية مثل غسل الصحون الحراسة الكاشير فدي متوفرة وكثيرو ويدوب دخلها يعيشك مستور بالكاد

ارجو ان اكون وضحت الصورة وشكرا

:blush2:

الاخ الفاضل ( واحد تايه )

شكرا جزيلا على مداخلتك التى اوضحت قليلا من اللبس لدى فى موضوع معادلة الشهادة والعمل فى التخصص فى كندا جزاك الله كل الخير

ممكن اعرف هو حضرتك عايش فى كندا ولا مصر ؟

:blink: