كل ما تريد معرفته عن (كندا)

[walidsm]

مدام دعاء

اذا كنتي ناوية تدرسي في الجامعة فدا تقدري تقدمي عليه وانتي في مصر من على النت وتبعتي اوراقك وكل حاجة ممكن بالتالي تكسبي وقت التقييم لاوراقك وممكن تاجلي الامتحان لعاية لما تيجي وهما حيعملوكي على انك طالب من الخارج وحيقولولك ان المصاريف كتيره جدا بس ميهمكيش لما تيجي كندا ان شاء الله وتستلمي كارت الاقامة ساعتها حيخفضولك المصاريف وحيعاملوكي زي اي كندي. انظري المداخلة السابقة للينكات. اما بالنسبة لمعادلة الحكومة فدي متقدريش تعمليها الا لما يمون معاكي كارت الاقامة يعني لما تكوني في كندا ان شاء الله وبالتوفيق.

واعتذر عن عدم فهمى لموضوع ( معادلة الحكومة ) فماذا يعنى ذلك ؟

وهل هو يختلف عن معادلة الشهادة الدراسية حتى استطيع العمل فى مجال تخصصى فى كندا ؟

وشكرا

مدام دعاء

معادلة الحكومة اقصد بيها معادلة وزارة السكان والهجرة (انظري المداخلة رقم 1148).

في واحدة مدرسة تربية رياضية كنت اعرفها وقالتلي انها هيه عادلت شهادتها عن طريق الوزارة وبعد كده قدمت على شغل في الحكومة وعملولها امتحان لغة واشتغلت في مدرسة ثانوي وقت جزئي part time. على فكرة هيا مغربية وطبعا المغاربة بيتكلمو فرنساوي بطلاقة بالذات خريجين الجامعات وكمان كتير من المدرسين هنا على حسب ما فهمت منها مش بيحبو شغل المدارس الثانوي لان العيال قليلة الادب وكمان ما تفرقش في الفلوس . بالتالي فرصة المهاجرين المدرسين انهم يشتغلوا في الثانوي اكبر ولكن طبعا لازم اللغة تكون كويسة جدا جدا جدا. و بالتوفيق.

[Automatic]

Mr. Automatic, Are you already in Canada? In which province? I think I read a previous post from you asking" why Canada? "I would like to know whether you are with or against Canada. Definitely, members telling us about their experience as immigrants in Canada, whether it was good or bad one, are offering us a great help.

Thanks in advance.

Hi Suzanne,

Sorry didn't mean to imply one way or the other, I'm just curious as to why Egyptians are choosing Canada as a country to immigrate to

Other than Egypt, I've only lived in Canada and have nothing to compare it to. I can say that I would rather be living much closer to Egypt. Had I been living in Europe, for example, I would've have had the time to visit more often.

I'm only guessing that the reason Canada is so popular is that it's easier to immigrate here as was the case with me.

I didn't have a chance to read the entire thread but for those who are still not decided on a city, bear in mind that larger cities have better transit system. In general you need a car to get around anywhere in Canada but that applies to some places more that others. In my opinion, Calgary/Edmonton would be very difficult for a family without a car. It could get quite costly at the beginning. The cost to insure a new driver in some provinces is astronomical. Toronto, Montreal and Vancouver have the best transit system .

In any case Good luck to all.

By the way I can read and write Arabic quite well, just don't have access to Arabic keyboard at this time.l.

[دعاء]

مدام دعاء

معادلة الحكومة اقصد بيها معادلة وزارة السكان والهجرة (انظري المداخلة رقم 1148).

في واحدة مدرسة تربية رياضية كنت اعرفها وقالتلي انها هيه عادلت شهادتها عن طريق الوزارة وبعد كده قدمت على شغل في الحكومة وعملولها امتحان لغة واشتغلت في مدرسة ثانوي وقت جزئي part time. على فكرة هيا مغربية وطبعا المغاربة بيتكلمو فرنساوي بطلاقة بالذات خريجين الجامعات وكمان كتير من المدرسين هنا على حسب ما فهمت منها مش بيحبو شغل المدارس الثانوي لان العيال قليلة الادب وكمان ما تفرقش في الفلوس . بالتالي فرصة المهاجرين المدرسين انهم يشتغلوا في الثانوي اكبر ولكن طبعا لازم اللغة تكون كويسة جدا جدا جدا. و بالتوفيق.

:lol:

اخى الفاضل وليد :

والله انا عاجزة عن الشكر على سعة صدرك ومثابرتك معايا والحمد لله انا حاسة ان اخيرا فهمت الموضوع ده بفضل هذا المنتدى الرائع ووجود اعضاء مثل حضرتك للمشاركة والتعاون فى ازالة كثير من اوجه اللبس لدى الاخوة والاخوات الذين بصدد الهجرة الى كندا فلك جزيل الشكر يا سيدى الفاضل

واعتقد ان طالما انا فى مصر الان فالاستثمار الافضل للوقت هو تنمية اللغة الفرنسية اكثر واكثر لان طالما اللغة جيدة فكله ممكن يهون بعد كده صح ؟؟؟

وارجوا الدعوات من كل المشاركين فى المنتدى لانى الان فى انتظار الكشف الطبى علما بانى انتهيت من المقابلة من 6 شهور وربنا يكرم الجميع باذن الله

[ibra]

السلام عليكم ورحمة الله وبركاته

إلى الأخت دعاء(خاصة")والى كل الاكارم في هذا المنتدى الكريم,الرائع...أرجو الإجابة على أسئلتي لم فيها من

أهمية لي ولكل من هو قادم على مثل هذه التجربة؟؟؟

أهلا وسهلا بعودة الأساتذة إيهاب و وليد والذين لهم الفضل الأكبر في أغناء هذا المنتدى وعقبال عودة الأحبة هادى ونانسي ووجدي وأسامة .

الأخت دعاء شكرا جدا على معلوماتك المهمة التي ساهمت بها إلى كل الأعضاء في هذا المنتدى الرائع

وربنا يكون معاك في كل خطوة...أما بعد أنا أيضا"مقدم هجرة إلى كيبك وأنا في انتظار إجراء المقابلة في أي لحظة

وكان الكلام الذي حضرتك شرحتيه عن الأسئلة التي من الممكن أن يطرحوها في المقابلة شيء في غاية الأهمية حيث يستطيع الشخص أن يركز تفكيره في إطار معين ..مثلا...

لكن...ياريت ولو سمحت حضرتك أن تشرحي لي أجوبة هذه الأسئلة وقدرتك على إقناعهم في الرد الصحيح لكل سؤال

طبعا"هذا من ضمن تجربتك الشخصية؟؟؟

وبما يخص الشخص الثاني (الزوجة أو الزوج ) أيضا"ماهي الأسئلة التي تطرح عليه.

ولك كل الشكر وأرجو أن لا أكون من المزعجين؟؟؟

و جزاكى الله كل خير

\أخوكم إبراهيم.

ملاحظة:هذا ايميلي لكل من يريد أن يراسلني من الأخوة و الأصدقاء . ibrajad@hotmail.com

[suzanne]

السلام عليكم

فعلا استاذ اوتوماتيك، الهجرة الى كندا تعد الاسهل و الارخص كمان. دول اوروبا تضع شروطا شبة تعجيزية لهجرة العرب اليها و بعض الدول تطلب توافر مبالغ مهولة لراغب الهجرة ، التي ان توافرت مع احد لن يفكر في الهجرة من الاساس.

شكرا على نصحيتك بخصوص السيارة، انا اعتقد ان كندا كلها لازم فيها سيارة، انا مش متخيله ان الاطفال ممكن يروحوا المدرسة الصبح بدري في التلج و درجة الحرارة اللى تحت الصفر بكتير، و يقوفوا يستنوا المواصلات حتي لو خمس دقايق. تحمل البرد بيكون بالتعود و اولادنا مش متعودين على البرد الجامد بما بالك بالتلج. انا ولادي بالذات بيمرضوا من اقل حاجة. بس انا سمعت ان السيارات مش غالية اوي و السيارات المستعملة متوفرة ،و لكن الغالي هو التأمين زي ما حضرتك بتقول.

فعلا جميل ان حضرتك ما عشتش غير في كندا ، و بتعرف تكتب و تقرا عربي. حضرتك مصري مولود في كندا؟

انا لي اصدقاء مصريين عايشين في دول اجنبية اولادهم ما يعرفوش ينطقوا عربي.

[ايهاب سالم]

نستكمل الحكايه

بعد التعافي من أثار إختلال الساعه البيولوجيه و أخذ قسط من الراحه .. بدأت في تأسيس الوضع الجديد

أول حاجه عملتها هي الحصول على خط موبايل ليمكنني الإتصال بزوجتي و أولادي و أهلي في مصر

و كان ذلك بزيارة أقرب منفذ خدمات لروجرز

www.rogers.com

و دفعت 50 دولار تأمين و حصلت على خط موبايل

يوجد إشتراكات بنظم مختلفه plans . يمكنك إختيار منها ما يناسبك

ما إخترته أنا إشتراك شهري 25 دولار + 7 دولار إظهار رقم المتصل + 7 دولار system access fees + شوية تحابيش + 14% ضريبه على المبلغ الإجمالي

يطلع 47 دولار في الشهر .. دول يدوك مش عارف كام دقيقه مجانيه في أيام الإسبوع و ووو (راجع الموقع للتفاصيل)

بعد ذلك بدأت البحث عن سكن و لذلك عدة طرق ..

-- مواقع الإنترنت .. على سبيل المثال لا الحصر www.viewit.ca

-- مجلات مجانيه أسبوعيه توجد في صناديق على الرصيف في الشارع

-- اللف على الأقدام و الإنتقال من عماره لعماره للسؤال .. و يوجد لافته أمام أي عماره توضح إذا كان هناك شقق متوفره للإيجار أم لا و كم عدد الغرف

أهم حاجه تسأل عليها في الشقه هو هل باص المدرسه يأتي عند العماره أم لا ... و إذا كنت ناوي تركب دش .. يبقى لازم الأول تتاكد من إن الشركة مالكة العماره تسمح بذلك و يجب أن تكون بلكونة الشقه مواجهه للجنوب الغربي

كل الشقق هنا مزوده بخشب المطبخ و بوتاجاز أربع عيون و فرن بالكهرباء و ثلاجه كبيره و الإيجار يشمل إستهلاك الكهرباء و الماء و التدفئه بغض النظر عن الكميه

أنا كنت أبحث عن شقه غرفتين .. وجدتها تتراوح من 900 الى 1300 دولار

في رأي الشخصي تحت ال 1000 دولار بيكون المستوى تعبان

أنا أجرت شقه ب 1100 + 50 دولار لباركينج العربيه في الجراج تحت العماره

فيه مشكله كبيره جدا في موضوع تأجير الشقه

إن محدش هيرضى يأجرلك و إنت جاي جديد من غير شغل

و الحل إما يكون معاك فلوس كفايه تكفي الإيجار كذا شهر مقدما و تجيب كشف حساب من البنك بذلك

أو واحد صاحبك موجود في البلد من زمان و مستقر في شغل و راتبه يكفي يدفع إيجاركم إنتم الإثنين .. يضمنك

و في الحالتين ممكن الشركه ترفض برضه . .. من حقها

لو الشركه وافقت بتاخد منك إيجار أول و أخر شهر مقدما .. قبل ما تمضي العقد

العقد بيكون مدته سنه على الأقل .. ملزم للطرفين .. و بعد السنه ممكن تكمل بنفس الإيجار أو يزيد أو تسيبهم و تشوف شقه تانيه

بتمضي 10 شيكات بنكيه بتواريخ محدده مسبقا في الأول من كل شهر و تسلمهم للشركه قبل إستلامك مفتاح الشقه + الشهرين المقدم .. يبقى كده الشركه ضمنت حقها طول السنه و مش محتاجه تدور عليك كل شهر عشان تفكرك بالإيجار ..

تم تعديل 13 ديسمبر 2007 بواسطة ايهاب سالم

[madzoro]

حمدلله على سلامتك يا استاذ ايهاب

وان شاء الله ينورلك سكتك و طريقك

احلى حاجة قي مداخلاتك اني بحس اني شايفها

اكنها بالصوت والصورة والحركة

سلامي لكل الاخوة الاعضاء اللي وصلو كندا واللي في طريقهم ان شاء الله . واللي لسة ها يبدأو المشوار

يارب يسهلوهم امورهم ويكرمنا جميعا

[moab]

الأخ الكريم إيهاب سالم

ألف حمد الله على السلامة وربنا يوفقك في كندا ويجمع شمل أسرتك على خير في أقرب وقت إن شاء الله .

أنا قرأت في أحد مداخلاتك السابقة إن لحضرتك أصدقاء بيعملوا في مجال الـ IT وإنك على دراية بالموضوع ده ، فبعد إذنك أنا عندي بعض الاستفسارات اللي أرجو الإجابة عليها بما إنك أصبحت من أصحاب الخبرة .

أنا أعمل حالياً ( IT Manager ) في أحد الشركات في الخليج وعندي خبرة أكثر من 6 سنوات ، ومتزوج وعندي طفلان ، وحاصل على العديد من الشهادات الدولية مثل ( Network+ - MCP - MCSA - MCSE - MCSA Security - MCSE Security - CCNA ) بس معنديش مؤهل جامعي ( حاصل على الثانوية العامة ) وطبعاً زي ما حضرتك عارف إن المجال ده مبيهتموش فيه بالشهادات الجامعية بقدر الاهتمام بالخبرة العملية وبالشهادات الدولية ، بس لما عملت تست وحسبت الاسكور بتاعي بالثانوية العامة طلع أقل من الـ 67 المطلوبين ، واستفساراتي هي :

هل الشهادات دي ليها حساب عندهم ؟ وهل لو قدمت بوضعي الحالي هيرفضوا الطلب ؟

ولو قدمت حالياً بالـ Simplified Application Process على أساس إن على ما ييجي موعد الهجرة بعد أربع سنوات أكون أخدت بكالوريوس مثلاً أو دبلومة فنية ، هل في الحالة دي هيقبلوا الطلب ولا برده هيرفضوه ؟

أنا آسف جداً للإطالة مع تحياتي وشكري

تم تعديل 13 ديسمبر 2007 بواسطة moab

[ahmed_saleh]

السلام عليكم

فعلا استاذ اوتوماتيك، الهجرة الى كندا تعد الاسهل و الارخص كمان. دول اوروبا تضع شروطا شبة تعجيزية لهجرة العرب اليها و بعض الدول تطلب توافر مبالغ مهولة لراغب الهجرة ، التي ان توافرت مع احد لن يفكر في الهجرة من الاساس.

شكرا على نصحيتك بخصوص السيارة، انا اعتقد ان كندا كلها لازم فيها سيارة، انا مش متخيله ان الاطفال ممكن يروحوا المدرسة الصبح بدري في التلج و درجة الحرارة اللى تحت الصفر بكتير، و يقوفوا يستنوا المواصلات حتي لو خمس دقايق. تحمل البرد بيكون بالتعود و اولادنا مش متعودين على البرد الجامد بما بالك بالتلج. انا ولادي بالذات بيمرضوا من اقل حاجة. بس انا سمعت ان السيارات مش غالية اوي و السيارات المستعملة متوفرة ،و لكن الغالي هو التأمين زي ما حضرتك بتقول.

فعلا جميل ان حضرتك ما عشتش غير في كندا ، و بتعرف تكتب و تقرا عربي. حضرتك مصري مولود في كندا؟

انا لي اصدقاء مصريين عايشين في دول اجنبية اولادهم ما يعرفوش ينطقوا عربي.

استاذ اتوماتيك و الاخت سوزان و الاخوة المشاركين

بخصوص السيارة هل احد فكر ان يأخذ سيارته الى كندا بدل من الشراء هناك حيث اني امتلك سيارة و اود ان اخذها اذا ربنا سهل و انهيت اجراءات الهجرة فهل هذا من السهولة حيث تدخل من ضمن قائمة المتعلقات مع المهاجرين و خصوصا انها سيارة جديدة و اود الاحتفاظ بها و لا المواصفات بكندا تختلف عن مواصفات الخليج ؟؟؟؟

[ahmed_saleh]

نستكمل الحكايه

أنا كنت أبحث عن شقه غرفتين .. وجدتها تتراوح من 900 الى 1300 دولار

في رأي الشخصي تحت ال 1000 دولار بيكون المستوى تعبان

أنا أجرت شقه ب 1100 + 50 دولار لباركينج العربيه في الجراج تحت العماره

فيه مشكله كبيره جدا في موضوع تأجير الشقه

إن محدش هيرضى يأجرلك و إنت جاي جديد من غير شغل

و الحل إما يكون معاك فلوس كفايه تكفي الإيجار كذا شهر مقدما و تجيب كشف حساب من البنك بذلك

أو واحد صاحبك موجود في البلد من زمان و مستقر في شغل و راتبه يكفي يدفع إيجاركم إنتم الإثنين .. يضمنك

و في الحالتين ممكن الشركه ترفض برضه . .. من حقها

لو الشركه وافقت بتاخد منك إيجار أول و أخر شهر مقدما .. قبل ما تمضي العقد

العقد بيكون مدته سنه على الأقل .. ملزم للطرفين .. و بعد السنه ممكن تكمل بنفس الإيجار أو يزيد أو تسيبهم و تشوف شقه تانيه

بتمضي 10 شيكات بنكيه بتواريخ محدده مسبقا في الأول من كل شهر و تسلمهم للشركه قبل إستلامك مفتاح الشقه + الشهرين المقدم .. يبقى كده الشركه ضمنت حقها طول السنه و مش محتاجه تدور عليك كل شهر عشان تفكرك بالإيجار ..

الاخ العزيز ايهاب سالم باشا

في سؤالين

الاول سمعت ان في بعض البيوت هناك يوجد بها فئران الكلام ده صح و لا ده في الكوابيس بس ؟؟؟

الثاني و هو الاهم

و هو سؤال سامحوني بس مهم اني اعرف الاجابة ---، اللي اعرفه ان حمامات البيوت لا يوجد بها شطاف فازاي تغلبت على العقبة دي ؟؟؟؟

و الله معك و سلملي على التروماي الكندي

[suzanne]

السلام عليكم،

استاذ احمد انا مقدرش افتي في موضوع السيارة و لكن الموضوع كبير كندا تشترط مواصفات معينة على السيارات و حتى السيارات الامريكية. هناك تكاليف لتعديل السيارة طبقا لمواصفاتهم و تكاليف شحن و طبعا ضرايب و جمارك، اعتقد الموضوع مش سهل. حسب ما علمته من احد صديقاتي عايشه في كندا ان اسعار المستعمل في كندا و السعودية تقريبا زي بعض، لا اعتقد ان الموضوع يستاهل. طبعا استاذ المصري و ايهاب و وليد عندهم فكرة احسن مني.

استاذ ايهاب شكرا على معلومات حضرتك التفصيلية، بس موضوع دفع شهرين و التوقيع على عشر شيكات يعني تدبيس في شقة لمدة سنة، بس ممكن تكون بعد كدة مش مناسبة لاى سبب من الاسباب. انا بسمع ان فيه حاجة اسمها Sublet يعني يكون هناك واحد مسافر و فاضله كام شهر في السنه اللى هوه مأجرها احنا ناخد الشقة منه و ندفع الايجار للمدة المتبقية في السنة، لحد ما نلاقي الشقة المناسبة اللي عايزين نستقر فيها.

النظام ده كان في امريكا و خاصة في الجامعات علشان في طلبة رايحين و جايين، هل النظام ده موجود في كندا ايضا؟

[كندى مستجد]

السلام عليكم

حمدلله على السلامة ياأستاذ ايهاب

شكرا جزيلا على كل ماتقوم به من توضيح الصوره لنا وان كنا على على ضوء هذا التوضيح سنسألك بعض الاسئله أملين فى سعه صدرك ونرجوا من الله ان يجزيك عنا خيرا ويجعله فى ميزان حسناتك

1-فى عمليه تاجير الشقه سمعت من بعض الافراد انك لاتخبر المالك عن عدد افراد الاسرة حتى لا يلزمك بعدد معين من الغرف ويترتب عليه مبلغ اكبر للشقه :rolleyes:

2- سن الاولاد يجبرك على ان تسكن فى الدور الاول او الثانى هل هذا صحيح wst::

وشكرا :D

[مزاميزو]

السلام عليكم

أنا عضو جديد في المنتدى وأرسل سلامي لكل اللي اللي متواجدين في المنتدي الخاص بالكلام عن الهجرة لكندا وأنا مقدم على الهجرة لكيبيك وعملت الانترفيو في 19 نوفمبر 2007 واتقبلت مستني ورق المديكال وأنا مستعد لإجابة أي سؤال عن الإجراءات حتى موقفي وأنا كنت مقدم في أغسطس 2005 وأعتقد أن في حد في المنتدى مقدم معايا في نفس الوقت ويا ريت نتعرف عشان نبقى جماعة مسافرين عشان ما نحسش بالغربة

[مزاميزو]

أنا شوفت اللي د. حسام والأخت مصرية بيتكلموا عن اللغة الفرنسية ونصيحتي ليهم يمتحنوا امتحان (DELF) وده 4 مستويات وبعده (DALF) مستويين ( DELF A1 , DELF A2 , DELF B1 , DELF B2 , DALF C1 , DALF C2) يعني كله 6 مستويات حسب القانون الجديد لكيبيك أقل حاجة DELF B1 ودا كلام الراجل اللي عمل معايا الانترفيو عشان أنا كان معايا A1 , A2 والشهادات بتبقى معتمدة من فرنسا وبتبقى مساعدة جدا لو أنت مش كويس في الكلام بالفرنساوي وبتأكد للبيقابلك مستواك في اللغة حتى لو اتكلمت وحش أما الدرجة المطلوبة للمتزوجين كام أنا مش متأكد بس كانت في القانون القديم أعلى 8 درجات من الأعزب أما الأعزب في القانون الجديد مطلوب منه 58 وأنا حصلت الحمد لله على 67 أنا بأكد دا لكيبيك مش النظام الفيدرالي اللي بيطلب 67 درجة

[ibra]

السلام عليكم ورحمة الله وبركاته

الأخ العزيز مزاميزو.....مبروك عليك النجاح في المقابلة وأتمنى لك التوفيق.

لقد طلبت من الأخت دعاء أن تشرح لنا أجوبة الأسئلة التي تطرح في الانترفيو لكي نتعلم القدرة على الإقناع وان

تكون أجوبتنا منطقية وذلك طبعا"من خلال التجربة الشخصية لكل عضو مر في هذه التجربة؟؟؟

وطبعا"لحد دلوقت....الكل مطنشني....الله يسامح الجميع....وربما لكل واحد ظروفه....

لكن...ياريت ولو سمحت حضرتك أن تشرح لي أجوبة هذه الأسئلة وقدرتك على إقناعهم في الرد الصحيح لكل سؤال...

وده طبعا"هذا من ضمن تجربتك الشخصية؟؟؟

وبما يخص الشخص الثاني (الزوجة أو الزوج ) أيضا"ماهي الأسئلة التي تطرح عليه.

ولك كل الشكر وأرجو أن لا أكون من المزعجين؟؟؟

علما"إنني انتظر المقابلة في أي لحظة....

اكرر...لكم ألف شكر .

ولو حبيت أخ مزاميزو أن نبقى على اتصال هو ده ايميلي . ibrajad@hotmail.com

[مزاميزو]

الأخ إبراهيم

أنت أهم حاجة لما تدخل المقابلة أنك تكون واثق من نفسك وتلبس زي ما تحب يعني في ناس قالولي البس بدلة ومن ضمنهم المحامي بتاعي بس أنا قلت دا نصيب أنا رحت بتي شرت وجينز ودا يمكن خلى انطباع اللي قدامي اني طبيعي ومش متكلف مع العلم اني الوحيد اللي كنت كاجوال في صالة الانتظار في السفارة

لما تروح ميعاد المقابلة حاول تروح بدري شوية عشان تاخد على المكان وما يبقاش في رهبة وأنا عملت كده والمحامي قالي انه في ورقة ضمان مالي هوقع عليها في الانترفيو ودا معناه حتى لو في نص المقابلة انه انت نجحت وأنا كان مطلوب مني كأعزب أقل حاجة 2583 دولار كندي وأنا مضيت على أنه لما أوصل هيكون معايا 3000 دولار وهيبقى في الورقة كمان الحد الأدنى لحالتك لو متجوز أو لو في أطفال والزيادة مش كتير يعني على ما افتكر المتزوج بدون أطفال حوالي 3600 تقريبا والورقة عبارة عن عقد أنك مش راح تطالب حكومة كيبيك باي إعانة لمدة 3 شهور من دخولك كيبيك وعشان ما اطولش وهاكتب تاني حالا لو انت لسه متواجد مسار المقابلة

[ahmed el hady]

السلام عليكم

أنا عضو جديد في المنتدى وأرسل سلامي لكل اللي اللي متواجدين في المنتدي الخاص بالكلام عن الهجرة لكندا وأنا مقدم على الهجرة لكيبيك وعملت الانترفيو في 19 نوفمبر 2007 واتقبلت مستني ورق المديكال وأنا مستعد لإجابة أي سؤال عن الإجراءات حتى موقفي وأنا كنت مقدم في أغسطس 2005 وأعتقد أن في حد في المنتدى مقدم معايا في نفس الوقت ويا ريت نتعرف عشان نبقى جماعة مسافرين عشان ما نحسش بالغربة

الاخ العزيز مزاميزوا بعد التحية

انا تقدمت للهجرة الى كيبك فى مايو 2005 وطلبوا منى فى اغسطس 2006 استكمال بعض الاوراق وبعد استكمالها ارسلوا لى الانتظار الى ميعاد الانتر فيو والى الان لم اتلقى منهم اى رد فبرجاء الافادة متى تم ارسال خطاب ميعاد المقابلة اى قبله بوقت اد ايه لانه فيما يبدوا انه تم ارسال خطاب لى ولم يصل وهل انت تقدمت للهجرة بنفسك ام تبع محامى وجزاك الله كل خير

[مزاميزو]

الأخ أحمد

أنا تقدمت عن طريق محامي ولكن من الكلام في المنتدى عن المحامين فأنا أحسد نفسي

أنا عملت العقد معاه 5 أغسطس 2005 وكملت الورق اللي طلبه في 14 أغسطس وبعت الملف جالي رد بعد 4 شهور بأن الملف اتفتح في مكتب دمشق بتاريخ 29 أغسطس 2005 و في أبريل 2007 بعتوا الجواب التاني بأن المقابلة خلال مدة من 12 إلى 24 شهر بس هم بعتوا جواب تالت وأخير في سبتمبر 2007 يحددوا ميعاد المقابلة باليوم والتاريخ والساعة ..... أرجو أكون أفدتك ولو في استفسار أنا موجود وممكن تكتب رقم ملفك عشان أعرف ملفك اتفتح قبلي ولا بعدي مع العلم اني مقدم من المحروسة

[مزاميزو]

الأخ إبراهيم

أنا هاكلمك عن حالتي وأنا أعزب يعني مش هعرف ايعه الأسئلة الموجهة للطرف التاني

1- السيرة الذاتية ليك من تعليمك الثانوي حتى نهاية الجامعة ولو أنت عامل دراسات عليا

2- ليه أنت أخترت كيبيك دون غيرها

3- معرفتك عن كيبيك وسوق العمل يعني مهم جدا تعرف من على النت أنت هتعمل ايه لما توصل

4- نوقع أي سؤال مستفز مش قصدي يبقى قليل الذوق بس عايز يشوف رد فعلك يعني سألني عن ديانتي وأنا اسمي محمد مش محتاج اقوله اني مسلم..... ومن الناس أعرف واحد اتسأل لو مصر حاربت كندا ولاءك لمين فجاوب مصر قاله لو كنت قلت حاجة تانية كنت اترفضت الخلاصة انك لازم تكون صريح وأنا هابعتلك ورق على الميل بتاعك تساعدك شوية في المعلومات عن كندا وكيبيك ودا اللي المحامي بتاعي ادهاني وهو اللي عمل معايا اعداد للمقابلة لمدة اسبوعين لحد ما خلاني احفظ كل حاجة قبل ما ادخل المقابلة

[دعاء]

:D

استاذ ابراهيم :

اسفة جدا على التاخير والله انا مطنشتش ولا حاجة كل الحكاية ان انا كنت مشغولة جدا اليومين اللى فاتو علشان بنتى الصغيرة كانت تعبانة شوية وانا دايما مستعدة للرد على اى استفسار فى حدود تجربتى الشخصية

بالنسبة للمقابلة زى ما قلت لحضرتك قبل كده اهم حاجة الثقة فى النفس وعدم اظهار التردد وطبعا اللغة تكون جيدة جدا بحيث انك تفهم السؤال من اول مرة وانا عن نفسى اخدت 9 مستويات فى المركز الثقافى الفرنسى فقط ولم يتطلب الامر منى شهادة delf او dalf زى ما الاستاذ ( مزاميزو ) قال

لكن مش مهم الشهادة طالما بتتكلم اللغة كويس وكمان تكون الشهادة من المركز الثقافى الفرنسى نفسه ومش من مكان تانى

وان شاء الله هكمل كلامى بسرعة بس اعذرونى دلوقتى

:rolleyes: