كل ما تريد معرفته عن (كندا)

[suzanne]

السلام عليكم

موضوع الوقت مش ممكن حد يقدر يحدده ابدا و المستندات المطلوبة بتختلف من واحد للتاني، كل واحد و نصيبه. مثلا احنا معملناش مقابلة شخصية يعني عفونا منه. ساعات بيطلبوا اختبار للغة لناس عايشين في امريكا طول عمرهم و متعلمين هناك، احنا مطلبوش منا اختبار لغة.

المهم ان كل حالة بتختلف كليا عن الاخرى.

الميديكال بتنتهى صلاحيته بعد 12 شهر، لازم نعمل ميديكال جديد. مش مهم مين السبب في التأخير هما مالهمش دعوه.

هما طلبين منا FBI (الله اعلم حياخد اد ايه) , و الميديكال الجديد، ان شاء نبعتهم و الله اعلم حيردوا علينا بعد اد ايه.

ان شاء الله ربنا يوفقكم جميعا و ييسر لكم امركم، و كل عام و انتم جميعا بخير و صحة و سعادة.

[ميزو وبس]

دى حظوظ بئا يا مس سوزانا

[ميزو وبس]

فين الاخ هادى بتاع الموضوع لية مدة مختفى

[ahmed_saleh]

السلام عليكم

موضوع الوقت مش ممكن حد يقدر يحدده ابدا و المستندات المطلوبة بتختلف من واحد للتاني، كل واحد و نصيبه. مثلا احنا معملناش مقابلة شخصية يعني عفونا منه. ساعات بيطلبوا اختبار للغة لناس عايشين في امريكا طول عمرهم و متعلمين هناك، احنا مطلبوش منا اختبار لغة.

المهم ان كل حالة بتختلف كليا عن الاخرى.

الميديكال بتنتهى صلاحيته بعد 12 شهر، لازم نعمل ميديكال جديد. مش مهم مين السبب في التأخير هما مالهمش دعوه.

هما طلبين منا FBI (الله اعلم حياخد اد ايه) , و الميديكال الجديد، ان شاء نبعتهم و الله اعلم حيردوا علينا بعد اد ايه.

ان شاء الله ربنا يوفقكم جميعا و ييسر لكم امركم، و كل عام و انتم جميعا بخير و صحة و سعادة.

فعلاً هناك مفارقات غريبة لكن اعتقد ان اثبات اتقان اللغة و خاصة اذا كان الاثبات المعترف به عندهم زي IELTS للغة الانجليزية او TEF للغة الفرنسية ممكن بنسبة كبيرة يعفي عن المقابلة الشخصية و الله اعلم ،،،، و كل عام و انتم جميعاً بخير

تم تعديل 15 ديسمبر 2007 بواسطة ahmed_saleh

[دعاء]

الاستاذ الفاضل مزاميزو :

شكرا جزيلا على ردك وانا هاحاول ان شاء الله ادخل على اللينك المرفق وربنا يسهل واقدر اتوصل لحاجة والف شكر مرة اخرى على التعاون وبالتوفيق ان شاء الله فى الخطوات المقبلة

وانا متفقة كثيرا مع اختنا سوزان بان كل حالة او كل ملف وله ظروفه يعنى عمرنا ما نقدر نقنن الفترات الزمنية لاجراءات الهجرة ولكن ندعوا للجميع بالتيسير ان شاء الله

الاستاذ احمد صالح :

اعتقد والله اعلم انه مهما يكون معاك شهادة فالفيصل انك تتخطى المقابلة جيدا من حيث فهم الاسئلة والرد عليها بوضوح واتقان

الاستاذ ايهاب :

مازلنا فى انتظار بقية الرحلة مع بداية المشوار الكندى ويا ترى العائلة الكريمة وصلت كندا بعد قد ايه من وصول حضرتك ؟ وشكرا

[أختكم المصرية]

السلام عليكم

اهلا بيكوا جميع اهالى كندا ان شاء الله يكون الجميع بخير

ااخت دعاء الف سلامة على بنوتك ان شاء الله تكون بخير

استاذ مزاميزو اهلا بيك و منور المنتدى و شكرا على معلوماتك القيمة و المفسرة بدقة

انا فعلا استفدت كتير بس لو موضوع شهادة tef صحيح يبقى اضمن و اسرع

[أختكم المصرية]

استاذ مزاميزو

ممكن اسال حضرتك

اسم محامى حضرتك وكم تكلفته لان عندى صديقة عزيزة عايزة تقد بس رافضة تماما المحامى بتاعنا و شكرا جداا

[ahmed_saleh]

السلام عليكم

اهلا بيكوا جميع اهالى كندا ان شاء الله يكون الجميع بخير

ااخت دعاء الف سلامة على بنوتك ان شاء الله تكون بخير

استاذ مزاميزو اهلا بيك و منور المنتدى و شكرا على معلوماتك القيمة و المفسرة بدقة

انا فعلا استفدت كتير بس لو موضوع شهادة tef صحيح يبقى اضمن و اسرع

انا كنت اقصد بكلامي عن اتقان اللغة ما يخص الهجرة الحكومية و ليس كيبك بصفة خاصة حيث ان لهم متطلبات آخرى اعتقد ان الاخوات ادرى مني بها و لكن اتفق معكم بصفة عامة كل حالة تختلف عن الاخرى حسب عدة ظروف و عوامل و الله اعلم :unsure:

[دعاء]

:unsure:

اختى المصرية :

شكرا جزيلا على سؤالك على بنتى الحمد لله هى احسن دلوقتى ربنا يكرمك ان شاء الله ويهون عليكى كل خطواتك القادمة فى الهجرة سواء تجهيز الاوراق المطلوبة او دراسة اللغة

الاستاذ مزاميزو :

شكرا جزيلا على اللينك انا فعلا دخلت عليه وعرفت ان الملف بتاعى حاليا قيد الدراسة مع تاريخ البدء فى دراسته

لكن عندى سؤال : يا ترى ممكن اعرف مستقبلا من خلال هذا اللينك اى معلومات اخرى بخصوص الملف مثلا ميعاد ارسال خطاب الكشف الطبى ولا ده مش ممكن اعرفه الا من خلال المحامى بتاعى ؟

اما بخصوص ما ذكره الاستاذ احمد صالح عن اللغة :

فالفيصل بالنسبة للهجرة الى كيبيك هو اجتياز المقابلة باللغة الفرنسية الجيدة

كان لى واحدة زميلتى عملت المقابلة قبلى بيومين وللاسف لم تتخطى المقابلة بنجاح بسبب ضعف اللغة بالنسبة ليها ولزوجها كمان فكان الحل المقدم من السفارة هو تقديم شهادة من المركز الثقافى الفرنسى تفيد باجتيازها امتحان ( delf b1) حتى ياخذ ملفها طريقه الطبيعى فى السفارة

لكن ممكن تكون الشهادة بقى ليها اهمية بالنسبة للقوانين الجديدة للهجرة لكن اللى اعرفه من زوجى انها لم تتطبق بعد ويمكن تتطبق على الناس اللى لسة هايقدموا دلوقتى او بعدين

ارجوا ان اكون افدت ولو قليلا بخصوص اللغة فى حدود معلوماتى الشخصية وارجو التوفيق للجميع

:oldman:

[دعاء]

:blush2:

احب ان ارسل سلامات كثيرة لكل الاخوة المقيمين فى كندا صباح الخيرات عليكم جميعا من مصر :oldman: وارجوا ان تمضوا اعيادا سعيدة فى الفترة القادمة ( الكريسماس - عيد الاضحى المبارك ) :unsure:

لكل من :

الاستاذ ايهاب

الاستاذ وليد

الاستاذ المصرى

وكل مصرى يقيم فى كندا

:waving:

[مزاميزو]

الأخت مصرية

شكرا كتير لاطرائك أنا المحامي بتاعي من المنصورة حيث اني أصلا من المنصورة فلو تحبي أبعتلك عنوانه وتليفونه ما فيش مشكلة بالنسبة لي أنا تعاقدت معاه كأعزب ب 2000 دولار أمريكي سنة 2005 دفعت 1000 عند التعاقد و 1000 بعد النجاح في المقابلة بس الحقيقة هو ما سبنيش بعد كده ... هو جهز الابليكشن وترجم الورق تاني اللي اتاخد مني في المقابلة والرسوم دي شاملة ترجمة الورق للفرنسية واعداد المقابلة حيث أن مكتبه مسئول عن ملفات كيبيك بس .... بس أنا مش عارف بالضبط بياخد كام من المتزوجين واللي أعرفه انه رفع رسوم المكتب وهاكلمه و اتكد من المصاريف حاليا كام وهابعتلك والحمد لله احنا 4 من المكتب عنده نجحنا في فترة المقابلات اللي ابتدت من 18 أكتوبر إلى 25 نوفمبر 2007 وهو بصراحة ساعدني في الاعداد كويس لأني سافرت الكويت من يوليو 2006 حتى نهاية أكتوبر 2007 .... أخدت كورس واحد هناك بس ما كانش عاجبني فسبت المركز ما عنه كان أحسن مركز هناك والمدرسين فرنسيين بس مستواهم مش قد كده يعني ممكن تقولي الفترة بتاعة الكويت كلها ما ذاكرتش فرنساوي خالص ورجعت قبل المقابلة بأسبوعين واداني الخلاصة اللي اقولها بس أنا كان مستواي قبل ما اسافر كان كويس وكنت باخد مع مدرسة فرنسية في البيت عندها وهي كانت بدرس في المركز الفرنسي ودا ساعدني كتير عشان ما تفتكريش اني كنت بطيخة بالاضافة انه كان معايا DELF A1,A2

[مزاميزو]

الأخت دعاء

أنا مش متأكد من المعلومات اللي بتظهر في الموقع الحكومي عن دراسة الملف لأني لسه ملفي ما دخلش مرحلتك بس أعتقد انه هيبان اي جديد فيه حيث ان الموقع بيتعامل مع الفرد اللي مقدم مباشرة مالوش دعوه ان كان مقدم مع محامي ولا لأ وطمنينا على الجديد عندك

وأنا آسف إني كنت قليل الذوق ومسألتش عن صحة بنوتك ويا رب تكون بخير

بس سؤالي ليكي ولكل اللي في المنتدى زي حالتنا مقدمين بس لسه التأشيرة نوايه تستقري في كيبيك ولا تروحي حتة تانية عشان أنا بدور على النت على معلومات عن الأماكن الكويسة للعمل بالنسبة لي كمهندس مدني ويا ريت ذوي الخبرة اللي في كندا يدلوني بفكر اروح تورنتو حيث لي قريب هناك وهو وعدني انه هيعمل احلى واجب معايا بس أنا خايف حيث لي خبرة مع مصريين الخليج ولا بتوع كندا قد الكلام حيث انه مستقر هناك بقاله 23 سنة ولا اروح ادمنتون حيث من بحثي عن النت لقيت شغل يناسبني كتير وقبل ما اعمل P. ENG والسكن هناك احسن من تورنتو ياريت تفيدوني يا أهل كندا

[ahmed el hady]

الاخ مزاميزوا الف شكر على ردك السريع وان شاء الله هحاول ابعت خطاب لمكتب الهجرة فى دمشق واقولهم انى مجاش لى خطاب بميعاد المقابلة وعلى فكرة احنا طلعنا نفس المهنة انا بردك مهندس مدنى وشغال دلوقتى فى الكويت وكنت بفكر اخد كورس فى الفولتيير بس انت كدة خوفتنى انا كنت واخد كورسات لحد المستوى الخامس فى مصر فى المركز الثقافى الفرنسى من تلات سنين وبعد كدة قطعت لما سافرت هحاول بقى اذاكر مع نفسى بس يا رب اوصل لحل فى موضوع المقابلة لان كل خطابتهم بتوصلنى الا الخطاب ده مجاش

[ايهاب سالم]

بخصوص السيارة هل احد فكر ان يأخذ سيارته الى كندا بدل من الشراء هناك حيث اني امتلك سيارة و اود ان اخذها اذا ربنا سهل و انهيت اجراءات الهجرة فهل هذا من السهولة حيث تدخل من ضمن قائمة المتعلقات مع المهاجرين و خصوصا انها سيارة جديدة و اود الاحتفاظ بها و لا المواصفات بكندا تختلف عن مواصفات الخليج ؟؟؟؟

إنسى الموضوع

أنا فكرت أعمل كده .. كنت إشتريت سياره جديده و انا في قطر و لما ذهبت لكندا لعمل لاندينج سنة 2004 كان بقالها معايا سنه واحده

إتصلت بالجمارك و سألتهم و كان ردهم إنه ينفع أشحنها و هتكون معفيه من الجمارك و كل حاجه .. لكنها لن ترخص الا بعد تعديلها لتناسب المواصفات الكنديه

و لك أن تتخيل سياره مصنعه لأجواء الخليج الملتهبه هل تناسب شتاء كندا

التعديلات المطلوبه ستتخطى ثمنها ثمن سياره جديده هناك و ذلك بسبب غلاء أجور الحرفيين و الميكانيكيه

ضرب لي موظف الجمارك مثال مثال واحد و بسيط

قال لي أن العوازل البلاستيكيه المغلفه للأسلاك في السياره تكون مصنعه من مواد خاصه لا تتصلب و تتكسر عند درجات الحراره تحت الصفر

و أن السيارات الأخرى غير ذلك مما سينتج عنه أن عوازل الأسلاك ستتشقق و تصبح الأسلاك ملامسه لبعضها أو لجسم السياره و يحدث short circuit و ربما تحترق السياره نتيجه لذلك

[ايهاب سالم]

الأخ الكريم إيهاب سالم

ألف حمد الله على السلامة وربنا يوفقك في كندا ويجمع شمل أسرتك على خير في أقرب وقت إن شاء الله .

أنا قرأت في أحد مداخلاتك السابقة إن لحضرتك أصدقاء بيعملوا في مجال الـ IT وإنك على دراية بالموضوع ده ، فبعد إذنك أنا عندي بعض الاستفسارات اللي أرجو الإجابة عليها بما إنك أصبحت من أصحاب الخبرة .

أنا أعمل حالياً ( IT Manager ) في أحد الشركات في الخليج وعندي خبرة أكثر من 6 سنوات ، ومتزوج وعندي طفلان ، وحاصل على العديد من الشهادات الدولية مثل ( Network+ - MCP - MCSA - MCSE - MCSA Security - MCSE Security - CCNA ) بس معنديش مؤهل جامعي ( حاصل على الثانوية العامة ) وطبعاً زي ما حضرتك عارف إن المجال ده مبيهتموش فيه بالشهادات الجامعية بقدر الاهتمام بالخبرة العملية وبالشهادات الدولية ، بس لما عملت تست وحسبت الاسكور بتاعي بالثانوية العامة طلع أقل من الـ 67 المطلوبين ، واستفساراتي هي :

هل الشهادات دي ليها حساب عندهم ؟ وهل لو قدمت بوضعي الحالي هيرفضوا الطلب ؟

ولو قدمت حالياً بالـ Simplified Application Process على أساس إن على ما ييجي موعد الهجرة بعد أربع سنوات أكون أخدت بكالوريوس مثلاً أو دبلومة فنية ، هل في الحالة دي هيقبلوا الطلب ولا برده هيرفضوه ؟

أنا آسف جداً للإطالة مع تحياتي وشكري

أنا كمان اعمل في مجال IT مش بس أصدقائي :lol:

الشهادات اللي حضرتك ذكرتها تنفع عند التقدم لعمل و لكني أعتقد انه لا يعتد بها كمؤهلات دراسيه في نظام النقط

[ايهاب سالم]

انا اهلي كلهم هنا بالسعودية وبصراحة انا عاوز اهاجر عشان الجنسية الكنديه وبس ايه الطريقة الي اقدر اخرج فيها من كندا من غير ما يعرفوا او اية هي الطريقة الى ممكن اسويها عشان اخذ الجنسية بعد الهجرة بس انا مقدرش اجلس بكندة اكتر من شهرين بالسنة

سؤالك معكوس

إنت طبيعي بتخرج من كندا من غير ما حد يعرف

لأن مفيش ظابط جوازات و لا ختم خروج و لا حد بيقولك إنت رايح فين

أنا خرجت بعد أسبوع من دخولي أول مره و من غير pr card و لا أي حاجه

مشكلتك و إنت راجع .. و إنت على الطياره هتستلم كارت بتجاوب فيه عن شوية أسئله من ضمنها إنت غادرت كندا في تاريخ ايه

و بتسلم الكارت ده لضابط الجوازات و بعدها ضابط الهجره و بيكون عليك إنت إثبات إنك كنت في البلد مش هما اللي يثبتوا إنك كنت خارجها

أعرف ناس كتير حاولوا يتلاعبوا و مشيوا مع محامين سحبوا منهم فلوس قد كده عشان يضبطوا لهم وضع قانوني كأنهم عايشين جوا كندا و إتكشفوا و خسروا كل حاجه

واحد كان معايا في قطر أقسم لي إنه صرف 200000 ريال على موضوع كندا ده و في الأخر كشفوا اللعبه بعد ما إمتحن إمتحان الجنسيه خلاص .. و حاليا عنده قضيه و رجع قطر و ساب مراته و إبنه الوحيد لوحدهم في كندا .. لأنه مش عايز كمان يخسر شغله في قطر

و أعرف ناس إتكشفوا بعد حصولهم على الجنسيه و إتسحبت منهم

إمشي عدل يحتار عدوك فيك .. عايز جنسية كندا .. سيب السعوديه و هاجر كندا و بعد 3 سنين تاخد الجنسيه و ممكن ترجع السعوديه تاني

الخليج مش هيقفل

تم تعديل 17 ديسمبر 2007 بواسطة ايهاب سالم

[ايهاب سالم]

الاخ العزيز ايهاب سالم باشا

في سؤالين

الاول سمعت ان في بعض البيوت هناك يوجد بها فئران الكلام ده صح و لا ده في الكوابيس بس ؟؟؟

الثاني و هو الاهم

و هو سؤال سامحوني بس مهم اني اعرف الاجابة ---، اللي اعرفه ان حمامات البيوت لا يوجد بها شطاف فازاي تغلبت على العقبة دي ؟؟؟؟

و الله معك و سلملي على التروماي الكندي

أولا : و لا فئران و لا صراصير و لا أي حاجه .. لا أنا شفت و لا حد من أصدقائي هنا إشتكى من حاجه زي دي

بس كندا كبيره يمكن في مقاطعه تانيه يكون فيه كلام من ده

ثانيا : بالنسبه للشطافه انا ركبت و احده من دول في البيت عندي

أما في خارج البيت فيمكنك دائما أخذ معك زجاجة مياه صغيره أو إستعمال مناديل ديتول مطهره بعد المناديل العاديه أو تنتظر حتى الرجوع للبيت :lol:

ثالثا : هأسلملك على التروماي الكندي لأنه موجود فعلا و ركوبه حلوه قوي و إسمه street car و دي صورته

[ahmed_saleh]

الاخ العزيز ايهاب سالم باشا

في سؤالين

الاول سمعت ان في بعض البيوت هناك يوجد بها فئران الكلام ده صح و لا ده في الكوابيس بس ؟؟؟

الثاني و هو الاهم

و هو سؤال سامحوني بس مهم اني اعرف الاجابة ---، اللي اعرفه ان حمامات البيوت لا يوجد بها شطاف فازاي تغلبت على العقبة دي ؟؟؟؟

و الله معك و سلملي على التروماي الكندي

أولا : و لا فئران و لا صراصير و لا أي حاجه .. لا أنا شفت و لا حد من أصدقائي هنا إشتكى من حاجه زي دي

بس كندا كبيره يمكن في مقاطعه تانيه يكون فيه كلام من ده

ثانيا : بالنسبه للشطافه انا ركبت و احده من دول في البيت عندي

أما في خارج البيت فيمكنك دائما أخذ معك زجاجة مياه صغيره أو إستعمال مناديل ديتول مطهره بعد المناديل العاديه أو تنتظر حتى الرجوع للبيت :lol:

ثالثا : هأسلملك على التروماي الكندي لأنه موجود فعلا و ركوبه حلوه قوي و إسمه street car و دي صورته

يا عم ايهاب اي الحلاوة دي اجابات صوت و صورة و اثباتات واضحة و جلية اللهم اجعلنا من اهل الجنة في الاخرة و التروماي بكندا :lol:

الله يفتح عليك و سامحني اني شيلت الالقاب شوية

ما تنساش تكمل حكايتك الاولى و تسلسل الاحداث هناك و جزاك الله خير

تم تعديل 17 ديسمبر 2007 بواسطة ahmed_saleh

[دعاء]

الأخت دعاء

أنا مش متأكد من المعلومات اللي بتظهر في الموقع الحكومي عن دراسة الملف لأني لسه ملفي ما دخلش مرحلتك بس أعتقد انه هيبان اي جديد فيه حيث ان الموقع بيتعامل مع الفرد اللي مقدم مباشرة مالوش دعوه ان كان مقدم مع محامي ولا لأ وطمنينا على الجديد عندك

وأنا آسف إني كنت قليل الذوق ومسألتش عن صحة بنوتك ويا رب تكون بخير

بس سؤالي ليكي ولكل اللي في المنتدى زي حالتنا مقدمين بس لسه التأشيرة نوايه تستقري في كيبيك ولا تروحي حتة تانية عشان أنا بدور على النت على معلومات عن الأماكن الكويسة للعمل بالنسبة لي كمهندس مدني ويا ريت ذوي الخبرة اللي في كندا يدلوني بفكر اروح تورنتو حيث لي قريب هناك وهو وعدني انه هيعمل احلى واجب معايا بس أنا خايف حيث لي خبرة مع مصريين الخليج ولا بتوع كندا قد الكلام حيث انه مستقر هناك بقاله 23 سنة ولا اروح ادمنتون حيث من بحثي عن النت لقيت شغل يناسبني كتير وقبل ما اعمل P. ENG والسكن هناك احسن من تورنتو ياريت تفيدوني يا أهل كندا

:lol:

الاخ الفاضل مزاميزو :

شكرا جزيلا على اهتمامك بالرد على سؤالى وانا ان شاء الله هاتابع الملف ولو فيه اى جديد لازم طبعا هابلغكو بيه وطبعا العفو يا سيدى بخصوص بنتى وحضرتك كلك ذوق

بالنسبة للاستقرار فى كندا احنا ناويين ان شاء الله نستقر فى كيبيك لان الواحد متاقلم مع اللغة الفرنسية والحمد لله كمان انا وجوزى بنعرف انجليزى كويس

بالنسبة لموضوع العمل انا طبعا اسفة لانى مش هاقدر افيدك بمعلومات بخصوصه ولكن نصيحة من اخت انك فى اول فترة تروح مكان يكون فيه حد تعرفه لان ده اكيد هايساعدك كتير وبعد كده لما تعرف الامور ماشية ازاى وتتعرف على النظام هناك على ارض الواقع تقدر تقرر تروح فين بثقة اكبر وان شاء الله ربنا ييسر لحضرتك كل خير

:lol:

[دعاء]

:lol:

استاذ ايهاب : :lol:

والله انا مش عارفة اقول لحضرتك ايه الواحد بقى يستنى مداخلات حضرتك بفضول كبير لما فيها من متعة وتشويق ناهيك عن اسلوب العرض المكلل بالصور التوضيحية فجزاك الله كل الخير يا سيدى الفاضل وثبت اقدامك فى كندا ان شاء الله وبالتوفيق فى كل خطوة

:lol: