كل ما تريد معرفته عن (كندا)

[ahmed el hady]

الاخ مزاميزوا بعد التحية

انا ايضا اريد توضيح تلك النقطة لانى انا ايضا فى الكويت وبرجاء ارسال رقم هذا المدرس ولك الف شكر

الاخ nile bird

لو انت فى الكويت من الممكن ان نتعاون مع بعض فى هذه النقطة ( دراسة اللغة الفرنسية ) ان شاء الله بعد توضيح الاخ مزاميزو

[دعاء]

السلام عليكم ورحمة الله وبركاته

سلامي وتحياتي لكل أعضاء المنتدى

للأخت دعاء

أنا عايز أسألك أنت اللي رحتي السفارة تقدمي الملف بتاع الفيزا ولا المحامي هو اللي قام بالواجب عشان أنا عرفت إن مقابلتك كانت في يونيو 2007 وده فترة كبيرة جدا على فتح الملف لأن مقابلتي كانت 19 - نوفمبر-2007 وأنا قدمت الورق في السفارة بنفسي يوم 29-نوفمبر-2007 والملف اتفتح بتاريخ 12 - ديسمبر -2007 وياريت نتابع مع بعض عشان احنا تقريبا ماشيين في توقيت قريب من بعض ..... فرق شهرين بس

وأنا لقيت الفترة الزمنية التقريبية للمقدمين كيبيك إن بنسبة 80% في فترة من 5 إلى 9 شهور حتى إنهاء الإجراءات والحصول على الفيزا ودا اللي حصل في الفترة من أكتوبر 2006 إلى سبتمبر 2007 والمعلومة على مسئولية الموقع الحكومي مش المحامي ..... يعني مش بالضرورة يكون نفس الفترة لينا .... بس دا قراءة للمتوقع

والسلام ختام

:)

الاخ الفاضل : مزاميزو

زى ما قولت قبل كده كانت مقابلتى 21 - 6 - 2007 وبعدها جهزنا ورقنا للسفارة ووديناه للمحامى يوم 4 - 7 - 2007 ولان مكتب المحامى بتاعنا ما هو الا فرع للمكتب الرئيسى فى كندا فبعتوا ملفنا للمكتب الرئيسى بتاع كندا وقعد عندهم لحد 21 - 9 - 2007 ( مابين ترتيب ورق وابعتوا تحديث للخبرة وما الى ذلك وشوية تعطيل بسبب اجازات الصيف هناك ) المهم هما اللى بعتوه للسفارة اللى هنا يوم 27 - 9 - 2007 وعرفت من خلال اللينك اللى حضرتك اديتهولى انهم بداو بدراسة الملف فى السفارة بتاريخ 16 - 10 - 2007

وادى يا سيدى قصة الملف بتاعى وطبعا هاتقوللى ليه ما سلمتهوش للسفارة من الاول بنفسكم واحنا قولنا ان الناس دى ادرى مننا برضه بطريقة تنظيم الاوراق واكمالها على اكمل وجه علشان لما يدخل السفارة يكون كامل من مجاميعه وما يطلبوش حاجة تانى تكون كفيلة بتعطيله ( والله اعلم ) وده كان اختيارنا مع العلم اننا ماكناش نعرف انه هيتعطل كتير قوى عندهم كده ولكن كلها مشيئة الله والحمد لله على كل شئ والمهم اللى جاى يعدى بسلاسه بدون مشاكل

وانا موافقة جدا على فكرة المتابعة مع بعض لمعرفة المستجدات وكله للاطمئنان وربنا يوفقك ان شاء الله

bnd5::

[yasmin]

الاستاذ ايهاب

انت خليتنا عايزين نروح كندا بكره لانها بالشكل ده تبقى جنة الله على الارض!!!!

بس كان نفسى اسالك ايه الجوانب السلبيه فى كندا من وجهة نظرك وهل تكاليف المعيشة الشهريه لاسرة مكونة من 4 افراد تكون فى حدود كام؟ يا ريت كمان تحكى لنا عن التعليم لللاولاد هل هو فعلا متميز و يستاهل زى مدارس الانترناشيونال فى الخليج؟

معلش اسئلتى كترت بس كله فى ميزان حسناتك ان شاء الله

تم تعديل 24 ديسمبر 2007 بواسطة yasmin

[مزاميزو]

السلام عليكم

أخوة الكويت........

الشهادات لتعزيز موقفك في المقابلة مش هتلغيها لأن هيتعملك تقييم في المقابلة من حيث كل شيء سنوات التعليم و الخبرة و إتقان اللغة يعني لو مستواك في الكلام يديك 5 من 16 B1 ترفعها لك ل 8 على الأقل أما لو مش معاك B1 فلازم مستواك في الكلام في المقابلة يوازي مستوى واحد معاه DELF B1 ...... دا بالنسبة للشهادات

بالنسبة للمركز الل بيشتغلوا فيه مش متخصصين قوي لأن زي ما أنت عارف الفرنساوي مالوش أهمية في الكويت كمان المدرسة الفرنسية الل كنت باخد عندها كانت بتحضر ماجستير في تعليم الفرنسية لغير الناطقين بيها يعني متخصصة جدا ..........فالمقارنة بينها وبين المركز في الكويت طبعا كانت لصالح مدرستي الفرنسية

رقم تليفون المدرس 7664865 واسمه طارق بس هو مش بيتكلم عربي ويا ريت تنضموا لبعض عشان توفروا لأن أنا معرفش متوسط للهيطلبه أنا أخدت رقمه على أساس أخد عنده بس مارحتلوش ولا كلمته تاني

وبالتوفيق

[Nile Bird]

السلام عليكم

أخوة الكويت........

الشهادات لتعزيز موقفك في المقابلة مش هتلغيها لأن هيتعملك تقييم في المقابلة من حيث كل شيء سنوات التعليم و الخبرة و إتقان اللغة يعني لو مستواك في الكلام يديك 5 من 16 B1 ترفعها لك ل 8 على الأقل أما لو مش معاك B1 فلازم مستواك في الكلام في المقابلة يوازي مستوى واحد معاه DELF B1 ...... دا بالنسبة للشهادات

الأخ مزاميرو

شكرا على الرد ولكن هل ممكن حضرتك توضح تقسيم الشهادات وكل شهادة تعادل إيه ؟ ويلزمها كام مستوى

بمعنى DELFA1 تعادل المستوى رقم كام فى المركز الثقافى الفرنسى

أو بمعنى أصح المستويات

Basic تعادلها أى شهادة (تستغرق كام مستوى)

Intermediate تعادلها أى شهادة (تستغرق كام مستوى)

Advanced تعادلها أى شهادة (تستغرق كام مستوى)

وهكذا

فبالتالى نعرف الشهادات DELF A1,A2,B1,B2,...etc كل شهادة تعادل أى درجة كفاءة وللحصول عليها يلزم كام مستوى

شكراً

[daliaothman]

الأخ العزيز Nile Bird

أنا أخدت كورس واحد فقط لأول مستوى في المركز الثقافي بالقاهرة وبعدها أخدت مع مدرسة فرنسية في البيت عندها كانت الحصة ساعتين ب 120 جنيه احسب انت حصتين في الأسبوع من شهر ديسمبر 2005 حتى نهاية يونيو 2006 وخلال هذه الفترة أخدت DELF A1,A2 من مصر قبل ما أسافر الكويت

أما بالنسبة أنها تكفي لإجتياز موضوع اللغة في المقابلة دا صحيح حتى لو لبخت شوية بس حسب القوانين الجديدة لازم DELF B1 والمعلومة من الل عملي المقابلة في القاهرة أما موضوع اني كملت لما رجعت أنت فهمتني غلط أنا كان قصدي المحامي بتاعي عملي إعداد للمقابلة ودا طبعا كان بالفرنساوي لأني رجعت مصر قبل المقابلة بأسبوعين فقط ولك أن تتخيل واحد بقاله أكتر من سنة ما شافش الفرنساوي غير في الكورس الل أخدته في الكويت

أنا يا عم أخدت كورس في الكويت في Intitut Voltaire وتليفونهم 5319734 ودا في الجابرية بعد مستشفى هادي لو أنت في الاتجاه من الكويت للفحاحيل كان الكورس 40 ساعة متقسم على 3 شهور ب 120 دينار وممكن أبعتلك رقم مدرس هناك في المركز لو أنت عايز تاخد برة المركز هو فرنسي من أصل عربي وما بيعرفش يتكلم ولا كلمة عربي

أما موضوع 7 مستويات دا لأكل العيش أنت من حقك تدخل الإمتحان حتى لو متعرفش ولا كلمة فرنساوي بس تدفع رسوم الإمتحان وأعتقد 7 مستويات دا عشان A2 وأنت لازم تاخد B1 حسب القوانين الجديدة ..........

أرجو اني اكون اديتك الفايدة

[daliaothman]

الأخ العزيز Nile Bird

أنا أخدت كورس واحد فقط لأول مستوى في المركز الثقافي بالقاهرة وبعدها أخدت مع مدرسة فرنسية في البيت عندها كانت الحصة ساعتين ب 120 جنيه احسب انت حصتين في الأسبوع من شهر ديسمبر 2005 حتى نهاية يونيو 2006 وخلال هذه الفترة أخدت DELF A1,A2 من مصر قبل ما أسافر الكويت

أما بالنسبة أنها تكفي لإجتياز موضوع اللغة في المقابلة دا صحيح حتى لو لبخت شوية بس حسب القوانين الجديدة لازم DELF B1 والمعلومة من الل عملي المقابلة في القاهرة أما موضوع اني كملت لما رجعت أنت فهمتني غلط أنا كان قصدي المحامي بتاعي عملي إعداد للمقابلة ودا طبعا كان بالفرنساوي لأني رجعت مصر قبل المقابلة بأسبوعين فقط ولك أن تتخيل واحد بقاله أكتر من سنة ما شافش الفرنساوي غير في الكورس الل أخدته في الكويت

أنا يا عم أخدت كورس في الكويت في Intitut Voltaire وتليفونهم 5319734 ودا في الجابرية بعد مستشفى هادي لو أنت في الاتجاه من الكويت للفحاحيل كان الكورس 40 ساعة متقسم على 3 شهور ب 120 دينار وممكن أبعتلك رقم مدرس هناك في المركز لو أنت عايز تاخد برة المركز هو فرنسي من أصل عربي وما بيعرفش يتكلم ولا كلمة عربي

أما موضوع 7 مستويات دا لأكل العيش أنت من حقك تدخل الإمتحان حتى لو متعرفش ولا كلمة فرنساوي بس تدفع رسوم الإمتحان وأعتقد 7 مستويات دا عشان A2 وأنت لازم تاخد B1 حسب القوانين الجديدة ..........

أرجو اني اكون اديتك الفايدة

السلام عليكم

دى اول مره اشترك فى منتدى انا مقدمه على هجره لكندا من مصر وبما انكم مخليين المنتدى شيق ومفيد للدرجه دى كنت عايزه استفسر عن كذا حاجه يارب تفيدونى فيهم

اولا:

بالنسبه للاستاذ مزاميزو انا لسه هابدا الايام دى كورسات الفرنسى لانى مقدمه لكويبيك فكنت عايزه اعرف ايه امكانية الوصول للمدرسه الفرنسيه اللى اخدت معاها فى مصر اذا امكن اوصلها ازاى او تدينى تليفونها لانها هتكون الحل الامثل لظروفنا

ثانيا:

الورق بتاعنا المفروض ان شاء الله هيروح السفاره خلال شهر تقريبا فتقريبا المقابله بتكون بعد وقت اد ايه بالنسبه للى مقدمين فى كويبيك ؟

[مزاميزو]

أخويا Nile Bird

أنا مش عارف المستويات تقابل كام من إمتحانات DELF

A1,A2 Elementaire

B1,B2 Independant

C1,C2 Experimente

وعذرا ما فيش أكسو

[مزاميزو]

الأخت داليا عثمان

بالنسبة للوقت من تاريخ فتح ملف الطلب حتى تاريخ المقابلة من سنتين لتلات سنين وأنت وحظك بالنسبة ليا أنا المدة بين فتح الطلب حتى المقابلة سنتين و3 شهور وفي واحد صاحبي قدم بعدي بتلات أسابيع لسه ما يعرفش ميعاده حتى الآن....

بالنسبة للمدرسة هي سافرت السنة اللفاتت سوريا ورجعت حاليا فرنسا ........

[ahmed essam]

الى الاخوه الافاضل ....... كل عام وانت جميعا بالف خير وزى الايام ديه تكون كلكم فى كندا وفى احسن حال

بس لى سؤال الى اهل الخبره انا مقدم فيدارلى هل دراسه الفرنساوى فى الثانويه العامه تفيد يعنى هل باخذ درجه ال basic ام ليس لها اهميه لننى سمعت من بعض المحامين فى مصر انها تفيد رجاء الرد ؟ مع خالص شكرى وتقديرى

[daliaothman]

الأخت داليا عثمان

بالنسبة للوقت من تاريخ فتح ملف الطلب حتى تاريخ المقابلة من سنتين لتلات سنين وأنت وحظك بالنسبة ليا أنا المدة بين فتح الطلب حتى المقابلة سنتين و3 شهور وفي واحد صاحبي قدم بعدي بتلات أسابيع لسه ما يعرفش ميعاده حتى الآن....

بالنسبة للمدرسة هي سافرت السنة اللفاتت سوريا ورجعت حاليا فرنسا ........

شكرا يامزاميزو على الرد السريع بس انت كنت مقدم للفيدرال وللا للكويبيك؟ لان الوقت ده طويل اوى وانا اللى اعرفه ان كويبيك بتاخد وقت اقل .

وسؤال تانى لو تعرف اجابته ممكن تفيدنى انت او اى حد على المنتدى . هل ممكن ان الطلب يترفض لو كل الاوراق كامله وصحيحه من قبل المقابله يعنى ؟

[daliaothman]

السلام عليكم ورحمة الله وبركاته

سلامي وتحياتي لكل أعضاء المنتدى

للأخت دعاء

أنا عايز أسألك أنت اللي رحتي السفارة تقدمي الملف بتاع الفيزا ولا المحامي هو اللي قام بالواجب عشان أنا عرفت إن مقابلتك كانت في يونيو 2007 وده فترة كبيرة جدا على فتح الملف لأن مقابلتي كانت 19 - نوفمبر-2007 وأنا قدمت الورق في السفارة بنفسي يوم 29-نوفمبر-2007 والملف اتفتح بتاريخ 12 - ديسمبر -2007 وياريت نتابع مع بعض عشان احنا تقريبا ماشيين في توقيت قريب من بعض ..... فرق شهرين بس

وأنا لقيت الفترة الزمنية التقريبية للمقدمين كيبيك إن بنسبة 80% في فترة من 5 إلى 9 شهور حتى إنهاء الإجراءات والحصول على الفيزا ودا اللي حصل في الفترة من أكتوبر 2006 إلى سبتمبر 2007 والمعلومة على مسئولية الموقع الحكومي مش المحامي ..... يعني مش بالضرورة يكون نفس الفترة لينا .... بس دا قراءة للمتوقع

والسلام ختام

:lol:

الاخ الفاضل : مزاميزو

زى ما قولت قبل كده كانت مقابلتى 21 - 6 - 2007 وبعدها جهزنا ورقنا للسفارة ووديناه للمحامى يوم 4 - 7 - 2007 ولان مكتب المحامى بتاعنا ما هو الا فرع للمكتب الرئيسى فى كندا فبعتوا ملفنا للمكتب الرئيسى بتاع كندا وقعد عندهم لحد 21 - 9 - 2007 ( مابين ترتيب ورق وابعتوا تحديث للخبرة وما الى ذلك وشوية تعطيل بسبب اجازات الصيف هناك ) المهم هما اللى بعتوه للسفارة اللى هنا يوم 27 - 9 - 2007 وعرفت من خلال اللينك اللى حضرتك اديتهولى انهم بداو بدراسة الملف فى السفارة بتاريخ 16 - 10 - 2007

وادى يا سيدى قصة الملف بتاعى وطبعا هاتقوللى ليه ما سلمتهوش للسفارة من الاول بنفسكم واحنا قولنا ان الناس دى ادرى مننا برضه بطريقة تنظيم الاوراق واكمالها على اكمل وجه علشان لما يدخل السفارة يكون كامل من مجاميعه وما يطلبوش حاجة تانى تكون كفيلة بتعطيله ( والله اعلم ) وده كان اختيارنا مع العلم اننا ماكناش نعرف انه هيتعطل كتير قوى عندهم كده ولكن كلها مشيئة الله والحمد لله على كل شئ والمهم اللى جاى يعدى بسلاسه بدون مشاكل

وانا موافقة جدا على فكرة المتابعة مع بعض لمعرفة المستجدات وكله للاطمئنان وربنا يوفقك ان شاء الله

انا كمان مش فاهمه ازاى التواريخ والمواعيد اللى مكتوبه دى ازاى المقابله 19نوفمبر 2007 والورق انت قدمته 29نوفمبر 2007 ؟يعنى عملت المقابله قبل تقديم الورق؟!!!!

والفتره بتاعت اللى متقدمين لكويبيك من 5الى9 شهور دى بالنسبه لايه يعنى من تاريخ الطلب لغاية المقابله وللا من بعد المقابله لغاية متاخد الفيزا وللا ايه؟

يجماعه انا كده هنجت :lol:

بليز فهمونى

[مصرية و مغتربة]

سيد ايهاب لك جزيل الشكر علي مجهودك الرائع وانا متابعة رحلتك للاستقرار في كندا وخصوصا تورنتو لانها ان شاء الله ستكون وجهتنا ان أراد الله ذلك فياريت تحكي لنا قصتك والبحث عن عمل

[rasha ahmed]

:lol: السلام عليكم و رحمةاللة الاخت العزيزة yasmin انا قدمت للهجرة عن طريق محامى وبعد وصول رقم الملف بحوالى65 يوم قدم لنا المحامى على خدمة c.a.i.p.s وهى عبارة عن مجموعة من الصفحات المخزنة بكمبيوتر الحكومة الكندية تحتوى على عدة بينات وملاحظة متعلقة بملف العميل يستطيع المحامون والمستشارون الاعضاء لدى c.s.i.c طلبها بناء على طلب العميل وهى تكلف 650$ علشان كدة انا مش عوزة استعملها تان فى هذا الوقت . هو انت الورق بتاعك وصل إلى اى مرحلة ومقدمة على فين انا مقدمة على تورنتو فهل المدة تختلف للحصول على الفيزا من منطقة لاخرى :lol:

[دعاء]

انا كمان مش فاهمه ازاى التواريخ والمواعيد اللى مكتوبه دى ازاى المقابله 19نوفمبر 2007 والورق انت قدمته 29نوفمبر 2007 ؟يعنى عملت المقابله قبل تقديم الورق؟!!!!

والفتره بتاعت اللى متقدمين لكويبيك من 5الى9 شهور دى بالنسبه لايه يعنى من تاريخ الطلب لغاية المقابله وللا من بعد المقابله لغاية متاخد الفيزا وللا ايه؟

يجماعه انا كده هنجت :lol:

بليز فهمونى

:lol:

اختى الفاضلة داليا عثمان :

انا هاحاول افهمك الموضوع ده : بالنسبة للى مقدمين هجرة لكيبيك بتكون الخطوات كالتالى تقدمى طلبك للسفارة مع الاوراق المطلوبة وبعد كده تحدد ليكى مقابلة باللغة الفرنسية بعد حوالى سنتين وبعد النجاح فى المقابلة كده انتى متوافق عليكى من الحكومة الكيبيكية فلازم تقدمى ملفك تانى للحكومة الكندية الفيدرالية لتصدق على الموافقة الكيبيكية علشان كده فى رقم ملف قبل المقابلة يعتبر من كيبيك وفى رقم تانى بعد المقابلة من السفارة الفيدرال واذا تمت الموافقة بعد كده يجيلك جواب الكشف الطبى وبعد نتائج الكشف الفيزا وهكذا ......

ارجوا ان اكون نجحت فى توصيل المعلومة ليكى

[yasmin]

تم تعديل 24 ديسمبر 2007 بواسطة yasmin

[yasmin]

تم تعديل 24 ديسمبر 2007 بواسطة yasmin

[yasmin]

السلام عليكم رشا

مش عارفة اشكرك ازاى على المعلومه القيمه فعلا جزاك الله خيرا انا دخلت على هذه الخدمه و فهمتها

احنا يا ستى مقدمين ع تورونتو من 05/08/2005 وكنا متوقعين الميديكال يجى اليومين دول لكن ارسلوا عايزين الشهادات الاصليه الدراسيه وربنا يسهل الامور ان شاء الله

[ايهاب سالم]

الاستاذ ايهاب

انت خليتنا عايزين نروح كندا بكره لانها بالشكل ده تبقى جنة الله على الارض!!!!

أخت / ياسمين

أنا ما قلتش إن كندا جنة الله على الأرض .. أنا أروي حقائق أعيشها يوميا ..

ممكن حضرتك بعد ما تييجي كندا و تعيشي كل الحاجات دي يكون رأيك إن كندا أسوأ مكان على الأرض

كل واحد يرى الأشياء من منظوره الخاص و تبعا لشخصيته و أهدافه في الحياه ..

العديد من الافراد يتحدثون عن كندا كأنها جنة الله فى الارض

وآخرين يصفونها كأنها اكبر مقلب شربوه فى حياتهم

ورأي كل فريق صحيح لأنهم حكموا على كندا من خلال تجربتهم الشخصية

من إستطاع أن يمارس مهنته التي مارسها قبل الهجره في بلده الأصلي هنا فى كندا و نجح فيها و أصبح له دخل عالي يسمح له بشراء منزل و سياره جديده و التمتع بقدر من الرفاهيه له و لأسرته سيقول لك ان كندا رائعة

و من لم يستطع أن يعادل شهادته أو يحصل على رخصه لمزاولة مهنته و أنخرط في أعمال بسيطه ليستطيع فقط تكملة الثلاث سنوات للحصول على الجنسيه .. سيقول لك أن كندا مقلب كبير

سبقني صديق مصري في الهجره من قطر الى كندا منذ 4 سنوات و حصل على الجنسيه .. عندما قابلته بعد عودتي الى كندا منذ شهور .. سألته هل يفكر في العوده للخليج بعد حصوله على الجنسيه ... قال لي "أنا مجنون .. أرجع الخليج تاني " .. هو يقول ذلك لأنه يعمل بنجاح في نفس مجال عمله و أشتري بيت و أحب الحياه في كندا هو و أسرته و لا يطيق العوده للخليج مهما كان لذلك من مزايا ماديه

على الجانب الأخر .. أعرف أسره تانيه مصريين أيضا قدموا من الخليج .. يقسمون أنهم تاني يوم إستلامهم الباسبور الكندي سيكونون على أول طائره راجعه الخليج

لأن رب الأسره لم يوفق في الحصول على عمل و لم يرغب في سلوك الطريق الصعب للحصول على التراخيص المطلوبه و يعمل في عمل متواضع لا يناسب شهادته و يعد الأيام حتى يحصل الباسبور و يرحلوا جميعا

قابلت و أنا أستعد للرحيل من قطر سائق مصري بسيط كان ينقل أثاث منزلي بعد بيعه

قال لي "مبروك يا باشمهندس رجوعك مصر و الله جدع إنك عملتها .. عقبال ما ربنا يقسمهالي و أرجع نهائي لعيالي و مراتي"

قلت له انا مش راجع مصر أنا رايح كندا

قال لي .. "ليه كده يا بيه .. حد يسيب نص العمى للعمى كله"

بالنسبه له مصر هي المكان المثالي و قطر نص العمى و كندا عمى كامل

قلت له سيبك من كندا ... طب ليه مش عاجباك قطر

قال لي يا بيه أنا العيشه بتاعتي هي إني أفطر طبق الفول على العربيه الصبح و أقعد مع أصحابي ع القهوه بالليل .. فين الكلام ده هنا

الخلاصه .. كل واحد بيحكم على الدنيا من منظوره الشخصي و تجربته الناجحه أو الفاشله

و كندا ليست جنة الله في الأرض .. هي جنه للبعض و جحيم للبعض الأخر

بس كان نفسى اسالك ايه الجوانب السلبيه فى كندا من وجهة نظرك

بعد 4 شهور و نصف .. السلبيه الوحيده من وجهة نظري هو إفتقاد الأهل .. و لا أقول مصر .. يعني لو أقدر اجيب أهلي يعيشوا معايا هنا .. يمكن ما أرجعش مصر تاني

وهل تكاليف المعيشة الشهريه لاسرة مكونة من 4 افراد تكون فى حدود كام؟

سؤال صعب لأنه يعتمد على عوامل كثيره

لكن أقدر أقولك إحنا أسره 5 أفراد .. أعتقد مصاريفنا الشهريه تتراوح من 2800 الى 3100 دولار

منهم الثوابت التاليه

1150 إيجار الشقه

30 إشتراك تليفون منزل

47 إشتراك موبايل

39 إنترنت

238 تأمين سياره (شهري) -- انا عارف البند ده هيصدم ناس كتير ..

200 الى 250 دولار بنزين سياره

يا ريت كمان تحكى لنا عن التعليم لللاولاد هل هو فعلا متميز و يستاهل زى مدارس الانترناشيونال فى الخليج؟

موضوع المدارس يجب أن يفرد له مشاركه كامله لأنه مش بسيط .. لكن أنا عشت في الخليج 10 سنين و عندي طفلين في المدارس و أقدر أقولك التعليم اللي بيسموه إنترناشيونال في الخليج لا يقارن بالتعليم في كندا ..بأي حال من الاحوال

و بعدين التعليم مش مدارس و بس .. لكن أيضا ال facilities اللي بيقدمها المجتمع و اللي بتجعل التعلم متعه .. زياره واحده ل

ontario science center

و تشوفي إزاي الأطفال بيستمتعوا بالمعلومات العلميه في إطار شيق و ممتع وهتعرفي إن إحنا مش بنتعلم في الدول العربيه .. لكن بنتزغط العلم بالعافيه .. عشان ندخل الإمتحانات ن........ و ننساه بسرعه

معلش اسئلتى كترت بس كله فى ميزان حسناتك ان شاء الله

مفيش مشكله ..

من ثلاث سنوات .. كنت أنا في موقف حضرتك كده و كنت بأسأل و ناس أفاضل في المنتدى من كندا كانوا بيساعدوني

و ده جزء من رد الجميل

ربنا يوفقكم للقرار اللي فيه مصلحتكم

تم تعديل 25 ديسمبر 2007 بواسطة ايهاب سالم

[daliaothman]

انا كمان مش فاهمه ازاى التواريخ والمواعيد اللى مكتوبه دى ازاى المقابله 19نوفمبر 2007 والورق انت قدمته 29نوفمبر 2007 ؟يعنى عملت المقابله قبل تقديم الورق؟!!!!

والفتره بتاعت اللى متقدمين لكويبيك من 5الى9 شهور دى بالنسبه لايه يعنى من تاريخ الطلب لغاية المقابله وللا من بعد المقابله لغاية متاخد الفيزا وللا ايه؟

يجماعه انا كده هنجت :waf:

بليز فهمونى

اختى الفاضلة داليا عثمان :

انا هاحاول افهمك الموضوع ده : بالنسبة للى مقدمين هجرة لكيبيك بتكون الخطوات كالتالى تقدمى طلبك للسفارة مع الاوراق المطلوبة وبعد كده تحدد ليكى مقابلة باللغة الفرنسية بعد حوالى سنتين وبعد النجاح فى المقابلة كده انتى متوافق عليكى من الحكومة الكيبيكية فلازم تقدمى ملفك تانى للحكومة الكندية الفيدرالية لتصدق على الموافقة الكيبيكية علشان كده فى رقم ملف قبل المقابلة يعتبر من كيبيك وفى رقم تانى بعد المقابلة من السفارة الفيدرال واذا تمت الموافقة بعد كده يجيلك جواب الكشف الطبى وبعد نتائج الكشف الفيزا وهكذا ......

ارجوا ان اكون نجحت فى توصيل المعلومة ليكى

ميرسى يادعاء على ردك اوى بس هل عندك علم هل فيه سبب ممكن يخللى الطلب يترفض حتى لو كان كامل وصحيح قبل المقابله ؟

معلش انا اسئلتى كتير بس الموضوع كبير