كل ما تريد معرفته عن (كندا)

[rasha ahmed]

شكرا yasmin وانشاء اللة يوصلك المديكال قريبا

[ahmed_saleh]

موضوع المدارس يجب أن يفرد له مشاركه كامله لأنه مش بسيط .. لكن أنا عشت في الخليج 10 سنين و عندي طفلين في المدارس و أقدر أقولك التعليم اللي بيسموه إنترناشيونال في الخليج لا يقارن بالتعليم في كندا ..بأي حال من الاحوال

و بعدين التعليم مش مدارس و بس .. لكن أيضا ال facilities اللي بيقدمها المجتمع و اللي بتجعل التعلم متعه .. زياره واحده ل

ontario science center

و تشوفي إزاي الأطفال بيستمتعوا بالمعلومات العلميه في إطار شيق و ممتع وهتعرفي إن إحنا مش بنتعلم في الدول العربيه .. لكن بنتزغط العلم بالعافيه .. عشان ندخل الإمتحانات ن........ و ننساه بسرعه

السلام عليكم جميعاً

احب اعبر عن شعوري بعد مدة من عدم المشاركة بالمحاورات قد ايه اصبحت الحوارات شيقة جداً و اشوف فيها مدى تعاطفنا جميعاً مع بعضنا البعض و زي ما نكون في مركب واحدة و ان شاء الله هتوصل بينا جميعاً الى ما نتمناه و نرجوه

كذلك اصبح عدم المشاركة و لو حتى بتعليق صغير على ما يحدث هو خسارة كبيرة لروح الفريق الموجودة هنا و يمكن نكون بنفتقدها بحياتنا بصفة عامة و يمكن حتى الاخت دعاء اضافت صورة مع اسمها تعبر عن هذه الروح و اتابع كمان الاستاذ ايهاب و قد اضاف عضوين جدد اعتقد الاول كريم و الثاني مش عارف اسمه الله يبارك فيهم و يحفظهم

احب اجدد سؤالي للاستاذ ايهاب و للجميع

بعد عرض موضوع الفتاة الباكستانية هل فكرت مع نفسك في السبب وراء هذه القصة و هل احنا الاباء و بالذات اللي هيعيشوا او اللي عايشين هناك يجب علينا وضع طريقة خاصة للتعامل مع اولادنا و بالذات اللي قرب سنهم من المراهقة و ايه هي افضل هذه الطرق ؟؟؟؟

السؤال السابق يقودنا الى سؤال المدارس و هو هل المدارس الحكومية بكندا الاولاد يسهل انحرافهم بها بسبب مجانيتها و وجود زملاء لهم طباع و تقاليد مختلفة و هل ده موجود برضه بباقي المدارس الاخرى او الاسلامية كما نسمع ؟؟؟؟؟؟؟

بارك الله فيك و ماتنساش القصة الاساسية و الصور الجميلة اللي بتنقلنا للواقع هناك بس خليها 6×9 الله يكرمك

تم تعديل 25 ديسمبر 2007 بواسطة ahmed_saleh

[ahmed_saleh]

احنا يا ستى مقدمين ع تورونتو من 05/08/2005 وكنا متوقعين الميديكال يجى اليومين دول لكن ارسلوا عايزين الشهادات الاصليه الدراسيه وربنا يسهل الامور ان شاء الله

لو تكرمت يا اخت ياسمين توضحي لنا لماذا طلبوا الشهادات الاصلية مع ان انا اعرف انهم مش بياخدوا الاصل فهل ده لان حضرتك ارسلت ترجمة الشهادات فقط في الاول و لا ايه و اجابة حضرتك مهمة عشان لا نقع في نفس المشكلة و جزاك الله خيراً

[دعاء]

اختى العزيزة : داليا

لا شكر على واجب وانا تحت امرك و امر اى حد عاوز استفسار ويكون باستطاعتى اجاوبه

بالنسبة لموضوع الرفض انا ماعرفش اى سبب غير ان الورق يكون مش مظبوط او غير رسمى ( متفبرك يعنى ) او غير حقيقى لان اهم حاجة الناس دى بتطلبها هى المصداقية

وانا مش عايزاك تقلقى انت اعملى اللى عليكى وسيبى الباقى على ربنا وطالما ورقك كله سليم وكامل يبقى ان شاء الله مقبول وربنا يسهل ان شاء الله فى باقى الاجراءات وبالتوفيق

:waf:

[مصرية والنعم]

لو تكرمت يا اخت ياسمين توضحي لنا لماذا طلبوا الشهادات الاصلية مع ان انا اعرف انهم مش بياخدوا الاصل فهل ده لان حضرتك ارسلت ترجمة الشهادات فقط في الاول و لا ايه و اجابة حضرتك مهمة عشان لا نقع في نفس المشكلة و جزاك الله خيراً

اسمحلى اخى الكريم احمد صالح ان اوضح نقطة بسيطة بالنسبة لسؤالك

انا لما تقدمت باوراقى للهجرة عن طريق محامى جميع اوراقى كانت مترجمة..... وفضل الاصل معاى لكن عندما تحددت موعد للمقابلة الشخصية طلبوا انهم يشوفوا اصل الشهادات العلمية وشهادة الخبرة وكشف حساب البنك واصل قسيمة الزواج وشهادات الميلاد للاسرة وكمان علشان عندى اقارب مقيمين بكندا طلبوا اثبات دة وهى عبارة عن صورة من جواز سفرهم الكندى وكمان كشف اخر 3 شهور من الفيزا كارت علشان يتاكدوا انهم لسة مقيمين بكندا

معلومة حبيبت افيد بيها الجميع اللى عندهم اقارب بكندا لانهم بيضيفوا للاسكور 5 نقط تعرف الاوفيسر اللى عمل معاى المقابلة لما سأل على اوراق بنت اخوى زوجى المقيمة بكندا قال وبنفس الحرف لازم نتاكد انها مازالات مقيمة هناك لان فى ناس بيرحوا ياخدوا الجواز وبيرجعوا يعيشوا فى الخليج تانى

اعتقد ان الاجراءات بتختلف من شخص للاخر

تمنياتى بالتوفيق

تم تعديل 25 ديسمبر 2007 بواسطة مصرية والنعم

[yasmin]

الاستاذ/ ايهاب

شكرا جزيلا على المعلومات القيمه - انا بس حبيت استفزك بقولى جنة الله فى ارضه عشان تطلع كل ما عندك :blink: جزاك الله خيرا و فى انتظار المزيد.

الاستاذ/ احمد صالح

بالنسبه لموضوع الشهادات الاصلية دى كانت غلطة المحامى بتاعنا لم ينبهنا لاهميه شهادة الثانويه العامة و شهادة تقدير المواد للبكالوريوس وكانت النتيجة اننا لم نرسل حتى نسخة منهم و عشان كده طلبوا الشهادات الاصليه و على فكره المحامى ده بيروح الدمام كتير فخلى بالك و لا تتعامل معه :blush2:

[daliaothman]

السلام عليكم

ميرسى اوى يادعاء على اهتمامك

عايزه اسال سؤال تانى لو سمحتم وياريت حد يفيدنى

بالنسبه لمونتريال وكويبيك عموما هل فى مدارس انجليزى وللا كلها مدارس فرنسى ؟

كان فى فاول صفحات فى المنتدى استاذ وجدى وجهان وكمان الاستاذ اسامه ونانسى مراته كلهم فى مونتريال مش عارفه هما لسه متابعين وللا ايه بس لو متبعين ياريت تفيدونى ولو اى حد عنده علم يقوللى بليز

وميرسى اوى على تعاونكم وعلى معلوماتكم

وميرسى لاستاذ ايهاب على الصور الجميله وجميل التفاؤل وحب كندا ده كله خلتنا عايزين نسافر النهارده قبل بكره

[walidsm]

السلام عليكم

ميرسى اوى يادعاء على اهتمامك

عايزه اسال سؤال تانى لو سمحتم وياريت حد يفيدنى

بالنسبه لمونتريال وكويبيك عموما هل فى مدارس انجليزى وللا كلها مدارس فرنسى ؟

كان فى فاول صفحات فى المنتدى استاذ وجدى وجهان وكمان الاستاذ اسامه ونانسى مراته كلهم فى مونتريال مش عارفه هما لسه متابعين وللا ايه بس لو متبعين ياريت تفيدونى ولو اى حد عنده علم يقوللى بليز

وميرسى اوى على تعاونكم وعلى معلوماتكم

وميرسى لاستاذ ايهاب على الصور الجميله وجميل التفاؤل وحب كندا ده كله خلتنا عايزين نسافر النهارده قبل بكره

مدام داليا

كيبيك ومونتريال طبعا فيها مدارس انجليزي وحكومية كمان بس مش للمهاجرين الا اذا اثبتي ان اولاد حضرتك كانوا بيدرسوا في مدارس انجليزي لمدة ثلاث سنوات فتقدري تدخليهم مدارس انجليزي. بالتوفيق

[walidsm]

كل عام وانتم تخير جميع اخوة واخوات المحاورات بمناسبة الاعياد سواء عيد الاضحى او اعياد الكريسماس.

[walidsm]

مفيش مشكله ..

من ثلاث سنوات .. كنت أنا في موقف حضرتك كده و كنت بأسأل و ناس أفاضل في المنتدى من كندا كانوا بيساعدوني

و ده جزء من رد الجميل

ربنا يوفقكم للقرار اللي فيه مصلحتكم

ايهاب

انا سعيد بتفاؤلك وده عامل مهم جدا لنجاح تجربة الهجرة بالذات وانك لسه في اول سنة واللي هي غالبا اصعب سنة في الهجرة.

بس انت الحقيقة راجل محترم وربنا يوفقك.

[daliaothman]

ميرسى يا استاذ وليد جدا بس ياريت تقوللى المعلومه دى انت فعلا متاكد منها ؟

لان ولادى فى مدارس انجليزى واحنا مقدمين لكويبيك

[Ghost]

سلام عليكم

انا عندي سؤال بسيط و محيرني بصراحة

ممكن الواحد يقدم ملف الهجرة كاملا بدون شهادة الايلتس علشان يحجز دور و بعدين يقدمها لما تتطلب منه ؟

هذا ليس في حالة ال simplified application و انما هذا في حالة الregular application و لازم الواحد يقدم الورق كله

البعض قال ينفع و مش مشكلة شهادة اللغة الان لكن بمراجعه checking list بتاعة الهجرة تلاقي انه لازم شهادة اللغة و ان الملف هيرجع بالكامل لو لم يحتوي على هذة الشهادة

بصراحة اتمنى حد يرد على في هذا الاشكال و شكرا

[ahmed_saleh]

الاستاذ/ ايهاب

شكرا جزيلا على المعلومات القيمه - انا بس حبيت استفزك بقولى جنة الله فى ارضه عشان تطلع كل ما عندك :lol: جزاك الله خيرا و فى انتظار المزيد.

الاستاذ/ احمد صالح

بالنسبه لموضوع الشهادات الاصلية دى كانت غلطة المحامى بتاعنا لم ينبهنا لاهميه شهادة الثانويه العامة و شهادة تقدير المواد للبكالوريوس وكانت النتيجة اننا لم نرسل حتى نسخة منهم و عشان كده طلبوا الشهادات الاصليه و على فكره المحامى ده بيروح الدمام كتير فخلى بالك و لا تتعامل معه

شكراً جزيلاً للاخوات مصرية و النعم و ياسمين على المعلومات المفيدة جداً لي و لباقي الاعضاء جزاكم الله خيراً

و زودي من الاستفذاذ ده يا اخت ياسمين عشان اخونا ايهاب يطلع اكثر

[مصرية والنعم]

سلام عليكم

انا عندي سؤال بسيط و محيرني بصراحة

ممكن الواحد يقدم ملف الهجرة كاملا بدون شهادة الايلتس علشان يحجز دور و بعدين يقدمها لما تتطلب منه ؟

هذا ليس في حالة ال simplified application و انما هذا في حالة الregular application و لازم الواحد يقدم الورق كله

البعض قال ينفع و مش مشكلة شهادة اللغة الان لكن بمراجعه checking list بتاعة الهجرة تلاقي انه لازم شهادة اللغة و ان الملف هيرجع بالكامل لو لم يحتوي على هذة الشهادة

بصراحة اتمنى حد يرد على في هذا الاشكال و شكرا

وعليكــم السـلام ورحمة الله وبركاتـه..

بالنسبة لسؤالك انا قدمت ملفى بدون امتحان الايلتس وبعد كدة طلبوة وحددوا فترة لازم خلالها يوصلهم النتيجة المهم انا لما حجزت فى المركز البريطانى كانت الحصول على النتيجة حتبقى بعد المدة المحددة ...المحامى بتاعى اخد صورة من ايصال حجز الامتحان وفية طبعا التاريخ وكتب رسالة وارفق فيها صورة الايصال وطلب انهم يمدوا فترة السماح ومكنش فى اى مشاكل وبعد كدة مجرد ما النتيجة ما طلعت بعتناها على طول

ان شاء اللة مافيش مشاكل

ارجو ان اكون وضحت سؤالك

تم تعديل 26 ديسمبر 2007 بواسطة مصرية والنعم

[دعاء]

صباح الخير على كل اعضاء المنتدى الكرام

استاذ ايهاب :

شكرا على سردك الشيق واهتمامك باكمال الموضوع وانا موافقة حضرتك جدا ان التجربة الكندية من الاساس تجربة شخصية تعتمد اولا على استعداد الشخص النفسى لمواجهة كل المواقف والتاقلم معاها واحنا كل همنا يا ترى ازاى اولادنا هيعيشوا فى هذا المجتمع وازاى نقدر نخليهم ياخدوا حسناته ويبعدوا عن سيئاته ونسينا نسال نفسنا احنا هانعمل ايه مع نفسنا فقبل ما تدرب ابنك او بنتك على التعايش السليم مع هذا المجتمع ابدا بنفسك الاول واذا نجحت مع نفسك فان شاء الله تكون المهمة سهلة مع الاولاد ودعواتى للجميع بالتوفيق

استاذ وليد :

عود حميد وحمد لله على السلامة وشكرا على معلوماتك القيمة التى تثرى الحوارات وتزيل مناطق اللبس لدى من هو بصدد تجربة الهجرة

اختى مصرية والنعم :

بصراحة باحييكى على مجهودك فى الرد على الاستفسارات حتى ولو مش موجهة لحضرتك لكن الرغبة فى المساعدة ده شئ جميل ربنا يكرمك ويهون عليكى الفترة القادمة حتى الوصول الى كندا بالف سلامة

[daliaothman]

السلام عليكم

بالنسبه للاستاذ جوست

لما كنا هنقدم فيدرال المحامى قلنا ان الايلتس مش لازم مع الورق من الاول بس هو متاخودش الموافقه من غيره

وبيكون فى مده محدده لازم بعدها تقدم شهادة الايلتس انا مش فاكره بالظبط هى كام بس غالبا فى حدود 8شهور مثلا

ممكن تتاكد من الوقت

بس ده كان كلام المحامى اما بالنسبه للكويبيك فمش لازم الايلتس بس لازم تكون بتعرف فرنسى

[Ghost]

شكرا جزيلا للاخت daliaothman و الاخت مصرية على االاهتمام و الرد :D و عدم تقديم الشهادة في حالة regular يكون كدة مش مشكلة , بمعنى ان الواحد يكون معاة فيزا دخول كندا لمدة تزيد عن السنة ... هذا بالضبط ما اقصدة

لكن في حالة ال simplified فلا يقدم الاوراق و الشهادات و انما يملئ الابلكشن فقط

هذا فقط للتاكيد على ان طلبي هو التقديم على ال regular ... مش لازم الشهادة الان ؟؟!!! انا اسف لاعادة السؤال لكن للتاكيد و ليطمئن فلبي

تم تعديل 26 ديسمبر 2007 بواسطة Ghost

[yasmin]

شكرا جزيلا للاخت daliaothman و الاخت مصرية على االاهتمام و الرد و عدم تقديم الشهادة في حالة regular يكون كدة مش مشكلة , بمعنى ان الواحد يكون معاة فيزا دخول كندا لمدة تزيد عن السنة ... هذا بالضبط ما اقصدة

لكن في حالة ال simplified فلا يقدم الاوراق و الشهادات و انما يملئ الابلكشن فقط

هذا فقط للتاكيد على ان طلبي هو التقديم على ال regular ... مش لازم الشهادة الان ؟؟!!! انا اسف لاعادة السؤال لكن للتاكيد و ليطمئن فلبي

السلام عليكم

الاستاذ/جوست لا تقلق ابدا من موضوع تقديم شهادة الايليت متأخر انا برضه قدمت شهادة الايليت بعدأخذ رقم الملف بحوالى 9 شهور بس المحامى برضه ارسل لهم خطاب للتأجيل أهم حاجة تركز فى موضوع الايليت وربنا معاك----- بس ايه علاقة الموضوع بفيزة دخول كندا؟ دى بتبقى اخر خطوة فى الاجراءات؟ :D

[ايهاب سالم]

احب اجدد سؤالي للاستاذ ايهاب و للجميع

بعد عرض موضوع الفتاة الباكستانية هل فكرت مع نفسك في السبب وراء هذه القصة و هل احنا الاباء و بالذات اللي هيعيشوا او اللي عايشين هناك يجب علينا وضع طريقة خاصة للتعامل مع اولادنا و بالذات اللي قرب سنهم من المراهقة و ايه هي افضل هذه الطرق ؟؟؟؟

السؤال السابق يقودنا الى سؤال المدارس و هو هل المدارس الحكومية بكندا الاولاد يسهل انحرافهم بها بسبب مجانيتها و وجود زملاء لهم طباع و تقاليد مختلفة و هل ده موجود برضه بباقي المدارس الاخرى او الاسلامية كما نسمع ؟؟؟؟؟؟؟

و الله أنا بنتي عندها حاليا 7 سنين .. و أنا مش ناوي أدخلها مدارس إسلاميه بدلا من المدارس العامه .. لأني عايز أولادي يندمجوا في المجتمع مش يعيشوا في جيتو مسلمين .. دي مش طريقه صحيه أبدا إذا كنا ناويين نعيش في البلد دي على طول

أنا عملت زي معظم المسلمين اللي شفتهم هنا .. أولادهم في المدارس العامه طول الأسبوع و يوم السبت بيروحوا مدرسه خاصه لتعليم العربي و الدين .. يوم كامل

أنا اعتقد إن دي أحسن طريقه لتحقيق توازن بين الإندماج في المجتمع الكندي و الحفاظ على اللغه و الدين .. طبعا مع التربيه داخل البيت

ايهاب

انا سعيد بتفاؤلك وده عامل مهم جدا لنجاح تجربة الهجرة بالذات وانك لسه في اول سنة واللي هي غالبا اصعب سنة في الهجرة.

بس انت الحقيقة راجل محترم وربنا يوفقك.

شكرا يا وليد و ربنا يوفق الجميع

تم تعديل 26 ديسمبر 2007 بواسطة ايهاب سالم

[ايهاب سالم]

نكمل

بعد وصول وزجتي و أولادي و ده كان في أخر إسبوع من رمضان الماضي

بدأنا في شراء باقي أثاث الشقه .. شراء الأثاث في تقديري و مما شاهدته هنا له 4 طرق .. نبدأهم من الأدنى للأعلى

1 - تجميع الأثاث من على الأرصفه بجانب صناديق الزباله ببلاش (متستغربش .. الشرح جاي )

2- شراء أثاث مستعمل من محلات الأثاث المستعمل

3- شراء أثاث جديد من محلات الأثاث المملوكه لأفراد و ليست brand name

4 شراء الأثاث من محلات brand name

إختيار 1:

عندما تسير في الشارع هنا وخصوصا إذا كنت في منطقة عمارات ستجد أثاث ملقى بجانب صناديق الزباله في إنتظار أن ترفعه عربية الزباله .. فيه ناس بتلف بعربياتها الفان و تشيله .. فيه واحد أعرفه هنا مصري أقسم لي أنه فرش بيته كله بهذه الطريقه

إختيار 2 :

شراء أثاث مستعمل من محلات الأثاث المستعمل .. مش محتاجه شرح

إختيار 3 :

شراء أثاث جديد و يستحمل و يعيش و لكن من محلات مفروشات محليه و ليست عالميه ... مش brand name .. يعني زي محلات قاصد كريم و السمري و محلات دمياط و هكذا

لهذا ميزه أنه دي محلات مملوكه لأفراد و يمكنك الفصال معهم .. لأن السعر مش fixed price لكن الميزه الأكبر إنه إذا دفعت كاش مش كريدت كارد و لم تأخذ فاتوره فيمكنك الحصول على خصم كبير و كمان مش هتدفع ضريبة مبيعات و اللي هيا 14 % .. وذلك لأن المحل أيضا مش هيدفع ضرايب لأن ال transaction كله بعيد عن عين الحكومه .. لا فاتوره و لا سجل في كشف حساب الكريدت كارد للمحل في البنك

و هذا الإختيار يمنحك أثاث جديد يعيش سنوات بسعر مناسب

هذا الإختيار هو ما إتبعته أنا .. و كل الأثاث اللي إشتريته شاهدته بعد ذلك في المحلات الكبيره أزيد بحوالي 50 % و ساعات أكثر من السعر اللي إشتريته بيه

إختيار 4 :

الشراء من محلات brand name مثل

IKEA

The Brick

Ashley

ودول بيكون أسعارهم أعلى لأن هامش ربحهم أعلى من المحلات اللي في الإختيار السابق و سعرهم ثابت مفيش فصال و تضيف كمان 14% ضريبه فوق ال list price

و الأثاث اللي بتجيبه منهم ممكن تلاقيه نفسه في المحلات اللي في الإختيار 3 زي ما قلنا أرخص ب 50 % و ساعات أكتر

الإختيار من 1 الى 4 يتحكم فيه عاملين مهمين

* معاك سيوله ماليه أد أيه و إنت جاي لأول مره .. لأنك هتفرش بيتك قبل ما تلاقي شغل

* إنت جاي ناوي تعقد على طول .. يعني تجيب أثاث جديد و تدفع كتير في أول مره و تريح دماغك بعد كده سنين طويله و الا جاي تعقد 3 سنين بالطول و العرض .. تعيش أي حاجه و تشتغل أي حاجه لحد ما تاخد الباسبور و تمشي

النوع الأول بيختار إختيار 3 أو 4

النوع الثاني بيختار إختيار 1 أو 2

حاجه أخيره .. هنا العماله غاليه جدا .. لذلك فلازم تعتمد على نفسك .. الأثاث كله بيجيلك جديد في كراتينه لكن إنت اللي بتركبه بنفسك

أرجو أن أكون أفدت

نراكم بعد الفاصل