كل ما تريد معرفته عن (كندا)

[Automatic]

انا لما بفكر في موضوع الهجرة بلاقي ان الدافع الاساسي ليا هو اني عاوز احصل علي الجنسية لعل دا يفرق معايا ومع ولادي في المستقبل وان كنت مش عارف حتفرق ازي فيا ريت لو حد عنده ما يفيدنا في النقطة دي يشاركنا بيها

كمان انا متصورش اني حعيش بقية عمري برة مصر بغض النظر عن احوال البلد وكل الي بنسمعه كل يوم خاصة اني انا في الخليج من كام سنة وكنت مظبط حياتي علي اني اقعد هنا في الخليج كام سنة اظبط اموري بعدين ارجع اكمل حياتي في مصر لكن طبعا بعد التغيرات الرهيبة والمتعاقبة في وضع وظرووف المعيشة في مصر بدات افكر في موضوع كندا دا علي اساس اني طالما مش حقدر اعمل الفلوس الي تعيش اولادي في المستوي الي حلمت بيه يبقي علي الاقل اوفر لهم جنسية كندية يمكن تساعدهم في مستقبلهم

1:الحياة هنا في الخليج زي ما انتو عارفين بتعود الواحد علي الكسل فبدل مكان الواحد في مصر بيشتغل 15 ساعة في اليوم اصبح هنا يدوبك بخلص دوامة ال5 ساعات بالعافية والحياة روتينية يوم بعد بيو فهل بعد كل دا حيعرف الواحد يعيش في دولة عملية زي كندا لازم الواح علي القل يشتغل 10 ساعات في اليوم عشان يوفر نص احتياجاته

2: انا مدرس انجلزي ومن احلامي اني اعيش بين ناس بتتكلم اللغة دي عشان اطور لغتي واكمل دراسة فيها فهل ممكن مع عمل المعادلات المطلوبة في كندا يكون ليا شغل مناسب

3:كمان فيه نقطة عايز اخواني واخواتي يوضحوهالي وهيا انا عارف اني بروح اعمل لاندنج بعد الحصول علي الفيزا فيما لا يتجاوز سنة من تاريخ الميديكال وبرجع ارتب وضعي واخد اولادي وارجع كندا فهل انا مرتبط بعدد معين من السنين لازم اكمل فيه اجراءات الجنسية والاقامة في كندا يعني 5 سنين زي مسمعت يعني لو بعد معملت الاندنج اقامت سنتين في الخليج لازم لما ارجع كندا اقيم فيها 3 سنوات متصلة والا تسقط معاملة الهجرة واضطر اقدم هجرة من جديد

4:في اوائل مشاركات اعضاء النتدي قريت اني لو حعتمد علي الله ثم نفسي في تقديم الاوراق بدون محامي فاول حاجة بعملها اني ابعت السي في بتاعي لمكتب لندن وهوا يبعتلي الابليكيشن عشان املائها وابعتها لندن مع الفييز بتاعة الهجرة بس لما تابعت الموضوع من علي موقع الهجرة الكندية عرفت اني ممكن اعمل تقييم لنفسي ولو جبت 67 نقطة اطبع الابليكيشن من علي السايت وابعتها مباشرة مع الفييز لمكتب لندن وهما حيبعتولي الفيل نمبر بعد كام اسبوع فايهما هو الصحيح الان؟

معلش دوشتكو كتير بس انتو اكيد مريتوا بالمرحلة دي وعرفين اد ايه الواحد بيكون تايه ومحتاج لاخوان واخواته يدلوه وياخدوا بايده

I don't know if having the Canadian citizenship would help you in Egypt! I hear people say that it does but I'm not sure how or why.

If you're immigrating to Canada for better income, you should be able to accurately compare the average income of a Canadian teacher to your current income. I don't believe teachers in Canada make that much money .

As for you children having better opportunities, I believe that to be true. Canada can offer them better level of education and work opportunity.

"مش حقدر اعمل الفلوس الي تعيش اولادي في المستوي الي حلمت بيه"

Just make sure you're not trying to to give them something they don't want.

1-You will not have a choice and you will get used to it very quickly. I don't know about teachers but in most other professions the work is quite demanding and you will have to put extra time to get things done.

2- Don't know

3-Don't know

Generally speaking, most people get tired of the country after a while. But from my experience, there's a lot to gain from living in Canada /The west as it teaches you to think differently and that opens up many opportunities here and in Egypt.

I would like to give you the same advice I give to all new comers. SAVE YOUR MONEY.

It always comes down to dollars and cents.

[دعاء]

:)

اختى العزيزة : مصرية ومغتربة

اعتقد ان القرار السليم فى هذا الموضوع لن تستطيعوا ان تتخذوه الان ولكن عندما تكونوا على ارض الواقع اى داخل كندا نفسها ساعتها حسب الظروف المحيطة هاتقدروا تقرروا تستمروا ولا ترجعوا لتظبيط الامور ويمكن يكون فيه قرار تالت وهو رجوع الزوج فقط لترتيب الامور فى دبى والله اعلم

وفى كل الاحوال ادعوا الله ان تهتدوا الى القرار السليم وان شاء الله ربنا يكرمكم بالذرية الصالحة التى ستكون قرة عين لكم و سند فى الدنيا

وارجوا ان تبلغينا باخبار الفيزا قريبا بإذن الله

:) مزاميزو

ارجوك الحقنا بأخبارك الحلوة لانى من امبارح وانا مصدومة لان فيه موظف فى مكتب المحامى بتاعنا قالنا انتظروا الكشف الطبى خلال 18 شهر وكمان زميل جوزى اتصل بيه وقاله ان مكتب المحامى بتاعه بلغه ان الكشف الطبى دلوقتى بقى من 18 شهر الى 24 شهر ومش عارفة بصراحة آخرتها ايه ؟؟

:angry:

[ميزو وبس]

يا لهوى الكشف الطبى بيستغرق18 شهر لية كدة

بجد حاجة تخنق ربنا يكون فى عونك يا اخت دعاء وياريت يكون الخبرخطأ

[مصري اسكندراني]

الاخ العزيز الاستاذ وجدي

اري من حسن حظي ان تكون موجود معي الان اون لاين في المنتدي

يا ريت لو عندك وقت تقرا مشاركتي الاخيرة وتحاول ترد عليها حتي لو في وقت لاحق لاني فعلا بقدر رايك وراي جميع الاخوة والاخوات

[مصري اسكندراني]

الاخت المحترمة الاستاذة:دعاء

اشكرك جزيل الشكر علي ردك السريع علي مشاركتي وبالفعل والله حسيت اني مش لواحدي وان الحمد لله ليا اخوة واخوات افاضل وفضليات من اعضاء وعضوات المنتدي ممكن الواحد يفكر معاهم وان شاء الله ربنا يوفقنا جميعا الي ما فيه خيري الدنيا والاخرة

اشكرك جزيل الشكر واتمني لكي ولزوجك الزميل العزيز كل التوفيق باذن الله تعالي

[مصري اسكندراني]

Dear Mr. Automatic

I really appreciate your advice. I think you live in Canada and this gives your speech a great sense of life and realism. I really admire your way of dealing with the whole issue. I got a very important idea from your lines: If you got nothing from Canada but a new practical way of thinking, it would be enough.

Thanks a lot for your valuable advice hoping to be always in touch.

Bye

[ايهاب سالم]

معلش يا جماعه

أعذروني مشغول شويه .. راجعلكم في عطلة نهاية الأسبوع

[دعاء]

يا لهوى الكشف الطبى بيستغرق18 شهر لية كدة

بجد حاجة تخنق ربنا يكون فى عونك يا اخت دعاء وياريت يكون الخبرخطأ

:)

:) ميزو وبس

شكرا جزيلا على المشاركة المعنوية ودى بالظبط نفس الكلمة اللى انا قولتها لما سمعت الخبر ده ويا رب يسمع منك ويكون الخبر فعلا غير صحيح

:angry: مصرى اسكندرانى

لاتشكرنى يا سيدى فانا لم افعل شيئا سوى مشاركة افكارى معكم وكان نفسى افيد حضرتك فى الرد على استفسارتك الاخرى ولكن ما باليد حيلة وارجوا من الله ان تهتدى الى القرار الصائب الذى ترتاح اليه نفسك وتكون فيه ان شاء الله مصلحة العائلة الكريمة

:lol:

[دعاء]

معلش يا جماعه

أعذروني مشغول شويه .. راجعلكم في عطلة نهاية الأسبوع

:)

:) ايهاب

الف حمد لله على السلامة ايوة كده المنتدى نور وربنا يكون فى العون فى الشغل ونحن فى انتظارك دائما

:angry:

[أختكم المصرية]

السلام عليكم و رحمة الله و بركاته،،،،،،،،

اخت دعاء انتى اكتر من رائعة فعلا مبتقدريش تنسى حد فى الرد

اكن لك كل احترامى و تقديرى وربنا معاكى

ان شاء الله لما توصلى كندا بالسلامة حاسة انك هتكونى كدة من ابطال المحاورات فى امددانا بالمعلومات ونزود على الرواد واحد

ياريت تتاكدى من موضوع فترة الميديكال لان كدة كتير قوى هل دى حاجة جديدة مثلا طبقوها على بداية السنة ولا ايه بالظبط كدة الفترة تكون طويلة قوى من بداية التقديم لحد الفيزا

استاذ مزاميزوا ان شاء الله تعدى ظروفك على خير و ترجع تنور المنتدى

استاذ ايهاب ربنا يكون فى العون وترجع تنورنا احنا فى انتظار حضرتك

اختكم المصرية

[مزاميزو]

السلام عليكم ورحمة الله وبركاته

شكر كبير لكل اللي افتكرني .... المهم بالنسبة لموضوع الكشف الطبي أنا مش عارف حاجة عن المواعيد أكتر من إن المحامي قالي إن في ناس عنده فتحت الملف الفيدرالي في شهر مارس 2007 ولسه مجاش رد ودا لما كلمته في عيد الأضحى بس هو كان قالي على أن في أخبار عن تأخير مواعيد الكشف الطبي بس من غير ما يحدد مدة وربنا يسهل للجميع :)

وقالي المحامي إن موضوع التأخير هيبتدي على اللي قدموا ورقهم للحكومة الفيدرالية بعد الأول من ديسمبر 2007 ودا بالنسبة لكيبيك حيث إن المحامي بتاعي بيتعامل مع ملفات كيبيك فقط :)

[Automatic]

Dear Mr. Automatic

I really appreciate your advice. I think you live in Canada and this gives your speech a great sense of life and realism. I really admire your way of dealing with the whole issue. I got a very important idea from your lines: If you got nothing from Canada but a new practical way of thinking, it would be enough.

Thanks a lot for your valuable advice hoping to be always in touch.

Bye

الشكر لله يا باشا و بالتوفيق انشاء الله

[pharmd]

المعدل الزمني لتقديمي

اولا انا قدمت عن طريقين simplified Skilled worke والتاني اللى هو provincial nominee

بلد التقديم / قطر الى مكتب لندن

المعدل الزمني للاول انا قدمت في شهر اكتوبر 2006 رقم الملف وصل في يناير 2007 ومازلنا في الانتظار

الطريق التاني

ارسلت للمقاطعة الطلب في شهر 4/ 2007

الموافقة وصلت 6/2007

ارسلت طلب الهجرة وكل الاوراق الطلوبة 7/2007الى مكتب ابو ظبي

ارسلوا طلب عمل الكشف الطبي في 10/ 2007

في الانتظار الان

اخي الكريم pharmd

اردت ان استفسر منك هل تقديم طلبات هجرة بطرق مختلفة مسموح به و ليس هناك اعتراض من الحكومة الكندية

جزاك الله خيراً

أيوة ينفع بس بتدفع الرسوم لكل طريق منفصلين

[pharmd]

المعدل الزمني لتقديمي

اولا انا قدمت عن طريقين simplified Skilled worke والتاني اللى هو provincial nominee

بلد التقديم / قطر الى مكتب لندن

المعدل الزمني للاول انا قدمت في شهر اكتوبر 2006 رقم الملف وصل في يناير 2007 ومازلنا في الانتظار

الطريق التاني

ارسلت للمقاطعة الطلب في شهر 4/ 2007

الموافقة وصلت 6/2007

ارسلت طلب الهجرة وكل الاوراق الطلوبة 7/2007الى مكتب ابو ظبي

ارسلوا طلب عمل الكشف الطبي في 10/ 2007

في الانتظار الان

الأخ FARMD

تحية طيبة و بعد

برجاء التكرم بايضاح طريقة الهجرة بالطريقة الثانية مع خالص الشكر ( حيث انى ايضا مقيم فى قطر ) 9745736391

الطريقة التانية عن طريق انا حضرت مؤتمر في لندن وكانت كل دول المهجر فيه واخدت اوراقي معايا و كل المعادلات اللي عملتها والامتحانات وشرحتلهم وضعي فاعطوني رسالة اقدم بها المؤتمرده كان اسمه EMIGRATE

[مزاميزو]

السلام عليكم ورحمة الله وبركاته

نصيحة أخدتها من واحد متنقل ما بين الدول بفضل الجواز الكندي وعيلته عايشة هناك بأني اتوجه مباشرة بعد دخولي كندا إلى البرتا حيث إن فرص العمل والرواتب هناك أحسن من كيبيك واونتاريو بس عيبها بردها اقسى من برد كيبيك واونتاريو على فكرة عيلته عايشة في ادمنتون عاصمة البرتا حيث انهم اكتشفوا بترول هناك فالمعيشة ارخص بعض الشئ والضرائب هي الأقل بين مقاطعات كندا والمعلومات دي على مسوليته أنا مجرد ناقل للمعلومة

وفي أستاذ كان عندي في الكلية هو واخد درجة الدكتوراه من جامعة وترلوو - اونتاريو فأنا رحت أسئله عن البداية هناك وأول ما قلتله إني أخدت الموافقة قالي اطلع على البرتا بس هو نصحني بالبحث عن منحة لدراسة الماجستير لأنها بتديني شهادة كندية + يحسب لي سنة خبرة بالسوق الكندي + أخد مرتب هو صحيح يادوبك يكفي مصاريف الحياة الأساسية إذا كفى بس أحسن من بهدلة الشغل كحارس أمن وغسل صحون والذي منه بالإضافة أنها تساعدني في الحصول على رخصة مزاولة المهنة كمهندس (P.ENG)

هو قالي أن المنح بتبقى عبارة عن أبحاث لشغل بمعنى أن مستثمر يروح للجامعة عشان يعمل بحث أكاديمي لحاجة في شغله الجامعة تعمل البحث بمقابل مادي تدفع منه مرتب للأستاذ المشرف والباحث اللي بيجيبه الأستاذ والجامعة تاخد الباقي ويبقى الكل مستفيد عشان ماحدش يفتكر انهم بيعملوا منح لله لأن الحداية ما بتحدفش كتاكيت

[wagdi]

:lol:

نحب نعرف بعض المميزات او العيوب فى المقاطعة الفرنسية كيبيك او مدينة مونتريال واللى حضرتك تحس انها ممكن تكون عامة وليست قاصرة على حالات معينة ( مثلا : العنصرية هل هى ملاحظة بشكل كبير فى مونتريال دونا عن المدن الكندية الاخرى زى ما تفضل احد الاخوة الافاضل وقال كده ؟؟ )

الفاضلة دعاء...

موضوع المميزات والعيوب العامة ده صدقيني صعب أوي... وفعلاً يختلف من شخص لأخر... العنصرية موجودة اه بس مستخبية...ومش حاقول زيادة في كيبك بس مختلفة شوية... المجتمع الكندي في الأساس مجتمع مهاجرين... أهل البلد (وإن كان صعب إنك تحددي مين أهل البلد الأصليين) إتعودوا على التكيف مع ثقافات وديانات العالم كله...يعني بالبلدي ياخدوا كل واحد على قد عقله... بس برضه ارجع وأقولك حتى موضوع العنصرية ونظرتك ليها تختلف من شخص لأخر... يعني أنا أعرف ناس شايفة إن مافيش عنصرية خالص، وناس تانية شايفاها جهنم... أنا عن نفسي لما باحط نفسي مكانهم ما بعتبرهمش عنصريين... باشوفهم خايفين ومتلخبطين...

يعني مثلاً حاقولك على شوية حوادث حصلت الواحد بيقرا عليها...

مثلاً سواق ليموزين مسلم مش عارف جاي من غانا ولا الصومال حاجة كده... طقت في دماغه إنه حايلبس جلابية علشان مش عارف مين فهمه إن ده لبس الإسلام... طيب...يروح الصبح الشغل بالجلابية...طبعاً صاحب الشغل ماوافقش على الهجص ده... ما هو مش معقول برضه يبقى بيأجر الليموزين ب200 دولار في الساعة وبدل ما السواق يكون لابس بدلة ينزل يفتح الباب للراجل بالجلابية... التاني قفش وقالك دي عنصرية ودي حاجة دينية... والجرايد مثلاً ما بتصدق وتبتدي تتكلم... فهل ده ممكن نعتبره عنصرية؟

السنة إلى فاتت كان فيه مدرسة للأطفال اليهود الأرثوزوكس (إلى بيلبسوا بدلة سودا دول وبرنيطة وفتلتين نازلين من البنطلون)...المهم إن الناحية التانية من الشارع قدام المدرسة فيه جيم... والواجهة كلها إزاز علشان الشمس تخش... قوم اليهود يعملوا هليلة عايزين الجيم يحط ستاير علشان الستات بيبقوا لابسين شورتات وباديهات وهما بيلعبوا أو بيتمرنوا والعيال بيبصوا عليهم... وإحنا ديننا كدة... قالولهم طب ما تقفلوا إنتوا الشباك... قالوا لأة... طب دي تشوفيها عنصرية ولا لأة...

الإخوة السيخ تقريباً لازم عمة على راسهم و يحطوا خنجر في وسطهم... ده في دينهم... طب دلوقتى العيال الصغيرة بتروح المدرسة ومعاها خنجر... الأهالي إشتكوا...قالوا إزاي اودي إبني مدرسة وزميله معاه خنجر...طب إفرض إتخانقوا ودول عيال... قالك بس الخنجر ده تلم وماتقدرش تقطع بيه حاجة وأنتوا كدة عنصريين وإحنا مش عارفين نمارس ديننا... طب دي ينفع تسميها عنصرية؟

أنا في رأيي الشخصي العنصرية هي إنك مثلاً تدخلي مطعم أو محل فيطردوكي منها زي مثلاً ما كان بيحصل في الزنوج في أمريكا... أو لو ليكي ومش قادرة تاخديه علشان لونك أو دينك مثلاً... وده مش موجود هنا...

أخى الفاضل وجدى..أخوانى الأحباء

أخوك طبيب مصرى استشارى أشعة

أنا أنهيت كل شىء وحأعمل لاندينج فى مونتريال ان شاء الله فى مارس القادم. بس مش ناوى أستقر فيها نظرا لظروف اللغة لكن فقط لأنهاء الأوراق (حسب رغبة مكتب المحامى اللى انهى الأوراق انى أعمل لاندينج فى مونتريال لأنهاء اجراءات ال PR وغيره).

طبعا انا جالى احباط من طول سكة معادلة الشهادات الطبية وبينى و بينك ماعنديش نفس للمذاكرة تانى بعد حصولى على الدكتوراة ولذلك قررت ارسال الأولاد مع زوجتى للدراسة وانا حازورهم من حين لأخر وده حيتم فى العام الدراسى بعد القادم

طبعا شرف لى انى أشوفك هناك وبما انى حأقضى حوالى 10 أيام فقط وحارجع

أولا: عاوز نصايحك أقضى الرحلة دى ازاى سياحيا سواء فى مونتريال أو تورونتو

ثانيا: نصايحك اجمالا فى ما هو أت لأنى حاسس انى مقدم على المجهول

ثالثا: أخبار الاحوال الجوية فى النصف التانى من مارس

رابعا: ايه رأيك فى فكرة ايجار سيارة من مونتريال والذهاب بها الى تورونتو وشلالات نياجرا والعودة

خامسا: يكفيك حب الناس ليك فى هذا الموقع وغيره ودعواتهم المستمرة لك بكل نجاح فى حياتك ...وأنا منهم

خالص تحياتى

الفاضل الشامي...

أولاً: موضوع تقضيه إزاي ده يرجع لمدى نشاطك في السفر وكمان ميزانيتك... الحياة السياحية في مونتريال بتبداً من مايو علشان الجو...أنا مش عارف إنت بتقول حاتيجي 10 أيام..دول يادوبك تخلص فيهم إجراءاتك وتتفرج شوية على المدينة... (على فكرة الPR بياخد 3 أو 4 اسابيع علشان يوصل... حط ده في حسابك)

ثانياً: مافيش مجهول ولاحاجة..واضح إن الموضوع كله علشان الباسبور... يعني كلها 3 أو 4 سنين ومنها زوجتك تكون أستفادت بالوقت في الدراسة... وحضرتك حتكون في شغلك عادي... فين المجول بقى ... المجهول ده للي بايع إلى قدامه وإلى وراه وأستقال من شغله وودع أهله وناوي يعيش طول عمره هنا...

ماتقلقش...

ثالثا: إنت بتتكلم من -10 ل 10... إنت وحظك... 2006 مارس كان جميل...2007 مارس كان منيل...

رابعا: حضرتك بتقول حتقضي 10 أيام... الرحلة من مونتريال لتورونتو بالسيارة فيها نص يوم رايح ونص يوم راجع... ده غير التوهان...وتعب السكة وإنت معاك أطفال... مانصحكش...(أصلاً أنا مش فاهم إنت حاتيجي تعمل لاندينج وتخلص ورقك وتستلم الPR وبقية أوراقك وكمان تسافر تورونتو إزاي في 10 أيام

خامسا: ربنا يخليك وتمنياتي لك ولأسرتك بكل خير...

الاخ العزيز الاستاذ وجدي

اري من حسن حظي ان تكون موجود معي الان اون لاين في المنتدي

يا ريت لو عندك وقت تقرا مشاركتي الاخيرة وتحاول ترد عليها حتي لو في وقت لاحق لاني فعلا بقدر رايك وراي جميع الاخوة والاخوات

الفاضل مصري إسكندراني...

الفاضل Automatic جابلك المفيد... والموضوع هنا دخل في اكتر من 1400 مشاركة ومليان تفاصيل بس يمكن ماتعرضناش كتير لأهم حاجة وهي الغرض من الهجرة وإتخاذ القرار... وأنا رايي إننا كمصريين فينا حتة التقليد والإتباع والأخطر بناء القرار على الظروف الخارجية أكتر من الشخصية...

يعني المفروض الواحد يبقى عارف هو إيه وعايز إيه وبعدين يشوف فين الإلى هو عايزه ده ممكن يتحقق..والله مالقاش الظروف الخارجية مساعداه يبقى يشوف إزاي يغيرها.. لكن إلي بيحصل هو تلاقي واحد مش عارف هو عايز إيه وبالتالي حياته مش متظبطة يقولك طب ما الناس بتروح كندا وبيقولوا حلوة... يقوم رايح...ولأنه برضه مش عارف هو عايز إيه فيفشل...

فلو واحد عايز مراته متنقبة وهو عايز يلبس القفطان الباكستاني ويقصر أوزار ويصلي حاضر في الجامع وعايز أولاده يبقوا من حفظة القرأن فمش من المنطق إنه يهاجر كندا...لكن ممكن السعودية مثلاً الظروف هناك أحسن لحالته...ولو واحد عايز يعمل دكتوراه ويسلك طريق العلم والأبحاث فممكن النظام هنا يكون أحسن لحالته... ولو واحدة عايشة طول عمرها في مصر الجديدة ويوم ما أتجوزت وراحت تعيش في المهندسين بقت بتقول يا غربتي دي ما ينفعلهاش هجرة أصلاً...وهكذا...

فنصيحتي إن إلى بيفكر في الهجرة ده يقعد مع نفسه أو مع مراته...ويجيبوا ورقة وقلم ويكتبوا هما عايزين يبقوا إيه بعد 10 سنين، وإيه الأهداف إلى عايزن يوصلولها وعايزين أولادهم يبقوا شكلهم إزاي...وإيه إلى ممكن يتغاضوا عنه، وإيه إلى مش ممكن يتنازلوا عنه... وبعدين على اساس الكلام ده يشوفوا أي بلد تنفعهم، مش العكس...

معلش أنا برغي كتير وكلام كله كلام جرايد...

تمنياتي للجميع بالتوفيق

[مزاميزو]

أخي العزيز وجدي

تسمحلي أسألك عن إني هاعمل اللاندج في مونتريال فلازم أستلم ورقي من تأمين صحي و PR من مونتريال ولا ممكن أروح حتة تانية زي البرتا وأعمل فيها كل ورقي من هناك ولا اقدم على الورق في مونتريال واستلمه في البرتا أو اونتاريو على سبيل المثال .... وشكرا على سعة صدرك

[مزاميزو]

أخي العزيز وجدي

تسمحلي أسألك عن إني هاعمل اللاندج في مونتريال فلازم أستلم ورقي من تأمين صحي و PR من مونتريال ولا ممكن أروح حتة تانية زي البرتا وأعمل فيها كل ورقي من هناك ولا اقدم على الورق في مونتريال واستلمه في البرتا أو اونتاريو على سبيل المثال .... وشكرا على سعة صدرك

[bosssh]

السلام عليكم ورحمة الله

اخواني واخواتي انا اتشرف اني اكون عضو في هذا المنتدى

والله يديم المحبة حتى الكل يستفيد من خبرات المجربين

واحي فيكم روح التعاون وان شاء الله اكون معكم على طول

[bosssh]

صباح الخير يا دعاء انا الجو عندنا بدبي مطر شديد من يومين لدرجة ان الحركة اتشلت بالمرة بالطرق لدرجة اني قضي 8 ساعات بالطريق امس عشان اروح من العمل.

اه والله يا اخت "مصرية والنعم " اغرقنا من المطر بس الشيخ خليفة امر اليوم في الجريدة بتزبيط البنية التحتية لانو بصراحة دي فضيحة