كل ما تريد معرفته عن (كندا)

[احمد عبده]

ايه يا اخوانا ربنا يرضي عنكم انا سئلت السؤال ده من يومين

معلش انا مطول بس انتو اهل الكرم

فينك يا ( دعاء ,المصرية , داليا , وجدي , arad , زوهيري و طبعا استاذنا الغائب من فترة استاذ ايهاب)

انا طالب في 5 طب بشري جامعة الاسكندرية

و من ساعة ما قريت الموضوع ده من 5 اسابيع دخلت كورس فرنساوي والحمد لله نجحت في المستوي الاول وانا في التاني دلوقت وان شاء الله هاعمل المعادلة كمان سنة ونص ( قبل ما اسافر)

وسؤالي هو مادام الملف بياخد من 3-5 سنين فينفع اقدم الورق باعتبار ما سيكون

يعني انا قدامي سنة ونص في الكلية وبعدهم سنة امتياز تحسب كسنة خبرة

وقدامي 8 مستويات فرنساوي يخلصوا في سنة

انا بحكم الكلية كويس في الانجليزي ولكن معييش شهادة

واحتمال اتجوز

وبما اني هسافر هناك علي ممارس عام من 3-5 سنين

فاحسن اني اسافر وانا ممارس عام مش اكون اتخصصت هنا في مصر وبعدين ابدأ المشوار تاني من الاول هناك .

يعني عايز اسافر في خلال اول سنة بعد امتياز يعني اقدم دلوقت

طولت عليكم بس اعذروني ملخص ينفع ال cv بتاعي يبقي باعتبار ما ساكون

ويا استاذنا الغالي ايهاب كن كالشجرة يقذفها الناس بالحجارة فترمي عليهم الثمار

وجزاكم الله خيرا واقبلوني كأخ لكم

[OMARABDO]

اخوانى الاعزاء

المنتدى دة من اروع المنتديات الى تساعد اى حد انه يهاجر بسهولة بدون الحاجة الى محامى; علشان المحامى بيمص دم الزبون وفى الاخر كل الى بيعمله تجميع الاوراق ويبعتها بالبريد; انا بقول كدة عن تجربة شخصية لهجرة الى كندا: على فكرة انا كنت محظوظ جدا مع المحامى الى انا قدمت معاه وده كان من كرم ربنا عليا : وفى الاخر انا هاجرت بمجهودى بعد استرداد المبالغ الى انا دفعتها للمحامى : الشهادة لله الراجل طلع ذوق جدا ورد لى فلوسى ذى الى مكتوب فى العقد المبرم بينا:

الحقيقة انا جيت كندا انا والاولاد; بس للاسف عمال ادورعلى رابطة لتجمع المصريين فى مونتريال مش لاقى;

فى الرتبة الاولى انا محتاج اتكلم مع مصريين واستفيد من خبرتهم ; وكمان زوجتى عايزه تعرف على مصريات لانها اتخنقت من كندا وشايفة انها فى عزلة عن الدنيا الى تعرفها ; ودى تعتبر من عيوب الهجرة مع اننا لس جايين من 3 شهور:=

على اىحال انشاء الله هنتعود او هنقابل مصريين وتحلو ادنيا ممفيش حد بيلاقى الارض مفروشة ورد

shoby13@yahoo.com

[دعاء]

:lol: احمد عبده

مافيش حاجة اسمها باعتبار ما سأكون - وانت بتقدم الطلب لازم يكون معاك بحد ادنى 4 سنوات خبرة وكل سنة زيادة بتزود عليك درجات ولو مفيش يبقى درجات الخبرة ناقصاك وبالتالى عدد النقاط الذى يؤهلك لفتح ملف فى السفارة هيكون ناقص مش كامل وبالتالى ايضا لن تستطيع فتح الملف فى السفارة

:)

[دعاء]

:lol: OMARABDO

اهلا بيك بين اخوانك واخواتك اعضاء المنتدى

وان شاء الله يهون ايام الغربة عليكم ومايطولش احساسكم بالوحدة كتير صحيح انا بكلمك وانا لسة فى مصر بس حبيت اتضامن معكم معنويا فقط وهذا ما استطيع فعله الان

ويا ترى حضرتك هاجرت من مصر ؟ وامتى كانت المقابلة ؟ والمديكال جه بعدها بقد ايه ؟ والفيزا كمان

انا اسفة على طول الاسئلة بس انا خلصت مقابلتى فى شهر 6 2007 ولحد دلوقتى مافيش اى اخبار عن المديكال وبصراحة قلقانة جدا فارجوا ان تعذرنى

وان شاء الله نسمع عنك قريبا اخبار جيدة بتعرفك على عائلات كريمة اخرى مصرية او عربية فى مونتريال

:)

[دعاء]

اختى ياسمين

حمد لله على السلامة اخبارك ايه ووصلتى لحد فين دلوقتى

والف سلامة على الجهاز وبالنسبة لفتح موقع المحاورات الموقع نفسه بعتلى كذا طريقة احاول افتح بيهم الموقع وجربتهم كلهم ومافيش حاجة نفعت غير طريقة واحدة من خلال اضافة حاجة اسمها (DNS) وممكن ابقى اقولكم على طريقتها بالتفصيل لو تحبوا

ويارب ماتغيبيش عننا كتير كده تانى

:lol:

[arad]

سلام الله عليكم جميعا ...... الاخوات والاخوه

اولا احب ان اقول لكم كنت مفتقده المنتدى كثيرا وهذا لان الكمبيوتر بتاعى كان بايظ الفتره الماضيه وبعد كده المنتدى كنت بحاول افتحه مكنش راضى يفتح

ثانيا احب اسجل تقديرى وسلامى الخاص الى اختى دعاء التى تحاول دائما اثراء المنتدى والى الاخت داليا والى الاخت المصريه ؟؟؟؟؟؟؟؟؟ واقوللها التمسى الى اخواتك سبعين عذرا

ثالثا احب ارحب بالاستاذ وجدى ورجوعه المنتدى تانى بالسلامه والله المنتدى نور .......واحب ان اقول لك ان امشاركه الاخيره رائعه وكلها زبد ان احنا لازم نهتم بشئون البلد الا احنا سوف نذهب لها .... ومن خلال خبرتك الطويله فى كندا احكى لنا عن نصف الكوب الفاضى شويه ...... وان كان هناك حرام مقارنه كندا مثلا بمصر من ناحيه المساحه وعدد السكان والموارد يعنى كلام الاستاذ ايهاب عن زحمه المواصلات مثلا له كل الحق ان يشوف العمليه فاضيه هناك ..... عدد سكان مصر ما يقارب 80 مليون وكند1 32 مليون يعنى حرام المقارنه

الاستاذ ايهاب لك كل تقدير فانت مثال للشاب المكافح الناجح ولك من الله كل توفيق والرجو منك الا تحرمن من مشاركتك فى المنتدى

الاخ ارمد بلاش اقتباس كتييييييييييييييييير لان اكتشفت انك الى قفزت بالمنتدى الى هذه الصفحات وبصراحه بتلخبطنا

والى الاخ زوهيرى لما الاستاذ وجدى بينادى عليك حاول تجاوب بسرعه اكتر من كده ومتسبهوش لوحده وانت فين فى كندا والا خارج كندا...............

who is Armad?do you mean Arad?

[arad]

سلام الله عليكم جميعا ...... الاخوات والاخوه

اولا احب ان اقول لكم كنت مفتقده المنتدى كثيرا وهذا لان الكمبيوتر بتاعى كان بايظ الفتره الماضيه وبعد كده المنتدى كنت بحاول افتحه مكنش راضى يفتح

ثانيا احب اسجل تقديرى وسلامى الخاص الى اختى دعاء التى تحاول دائما اثراء المنتدى والى الاخت داليا والى الاخت المصريه ؟؟؟؟؟؟؟؟؟ واقوللها التمسى الى اخواتك سبعين عذرا

ثالثا احب ارحب بالاستاذ وجدى ورجوعه المنتدى تانى بالسلامه والله المنتدى نور .......واحب ان اقول لك ان امشاركه الاخيره رائعه وكلها زبد ان احنا لازم نهتم بشئون البلد الا احنا سوف نذهب لها .... ومن خلال خبرتك الطويله فى كندا احكى لنا عن نصف الكوب الفاضى شويه ...... وان كان هناك حرام مقارنه كندا مثلا بمصر من ناحيه المساحه وعدد السكان والموارد يعنى كلام الاستاذ ايهاب عن زحمه المواصلات مثلا له كل الحق ان يشوف العمليه فاضيه هناك ..... عدد سكان مصر ما يقارب 80 مليون وكند1 32 مليون يعنى حرام المقارنه

الاستاذ ايهاب لك كل تقدير فانت مثال للشاب المكافح الناجح ولك من الله كل توفيق والرجو منك الا تحرمن من مشاركتك فى المنتدى

الاخ ارمد بلاش اقتباس كتييييييييييييييييير لان اكتشفت انك الى قفزت بالمنتدى الى هذه الصفحات وبصراحه بتلخبطنا

والى الاخ زوهيرى لما الاستاذ وجدى بينادى عليك حاول تجاوب بسرعه اكتر من كده ومتسبهوش لوحده وانت فين فى كندا والا خارج كندا...............

who is Armad?do you mean Arad?

if you mean arad ..talk about your slef ..you are the first one complain!!!i think i posted important things..if you consantrate you will not get lost..and don`t care about the site pages ..(ELKHER KETER WA AL HAMDOULLELAH))next time i hope to talk about your self..

[OMARABDO]

شكرا اختى العزيزة دعاء على تضامنك معنا

فى الحقيقة انا تجربة الهجرة بتاعتى مختلفة و كمان انا مهاجر الى كيبك وعملت المقابلة باللغةالنجليزية وقليل جدا فرنسى. انا اخدت CSQ من بلجيكا فى 5 شهور فقط وعملت الميدكال فى مصر وبعد شهر جت نتيجة الميديكال واخدت الفيرا على طول . يعنى الحمد للة كان ربنا مسهلها على الاخر/

انا انشاء الله هاكتب تجربتى كاملة فى الهجرة فى المشاركة الجاية

على فكرة نتيجة الميدكال بتكون بعد شهر على الاقل من يوم عمل لميدكال وبعدها بتبعتى الباسبور بجواب ويرجع ليكى بعد اسبوع عليه الفيزا

[دعاء]

:lol: احمد عبده

مافيش حاجة اسمها باعتبار ما سأكون - وانت بتقدم الطلب لازم يكون معاك بحد ادنى 4 سنوات خبرة وكل سنة زيادة بتزود عليك درجات ولو مفيش يبقى درجات الخبرة ناقصاك وبالتالى عدد النقاط الذى يؤهلك لفتح ملف فى السفارة هيكون ناقص مش كامل وبالتالى ايضا لن تستطيع فتح الملف فى السفارة

:)

انا اسفة جدا اعتقد ان كلامى غير دقيق من المستحسن ان تسأل احد المتخصصين فى شئون الهجرة

انا حاولت ارد لكن بعد مراجعة تاكدت ان كلامى غير صحيح

[daliaothman]

انا عايزه اقولكم على حاجه

انا وصلنى ميل من اخ بيتابع المنتدى بس مش بيعرف يشارك بيتكلم فيه عن وجهة نظره فى كندا وطلب منى اعرض المشاركه بتاعته هنا لغاية ميعرف يشارك وانا للامانه هاعرض المشاركه بتاعته زى ماهى من غير ما انقص ولا ازود حرف مع العلم انى مش متفقه معاه فى الراى بالعكس انا مختلفه معاه تماما وهاعرضها فى مشاركه تانيه

[daliaothman]

صبا ح الخير:

معلش انا حقولك انا مين - انا مصرى مقيم بين كندا ومصر فى الفترة الحالية وبقرا المحاورات بس لخطا ما معرفتش اعمل اضافة عشان كده يرلت تضيف الاضافة الاتية حتى اعمل اضافة بنفسى من بيتى قريبا ان شاء الله

انا بقرا المحاورات من 3 سنين وعشت فى كندا لفترة وطبعا مصثر والان انا ىمقيم فى كندا ودعونى اضافلكم الحقيقة كلها الان :

الحياة فى كندا سهلة جدا والحياة كمناظر و هدوء زهنى جميلة جدا لا خلاف بس اتوماتيك قال الحقيقة بس مش بشكل واضح وانت هجمتوه بغباء من دون ان تحاوله يطلع الى عنده يا اخ مز\يزو و الاخوة الا اتهمه بانة خطا مع ايهاب طب ماشى ايهاب رجل محترم جدا وكويس جدا ورائع المجهود الى عمله فى المحاورات والرجل ده يستحق كل تقدير بس اسمعه الحقسقة الا عرفها كل منعاش فى كندا

كندا فيها عنصرية مستخبيه حتطلعلك فى الوقت المناسب -كندا مافيهش شغل غير الشغل الكجول الا انت عارفة مرمته- كندا من المصريين الا بيقولوا كويسة انا مشفتش مهاجر قال انها كويسه - بس عيش فى كندا عشان مفيش بديل يعنى واحد فى مصر حالته دخلة يعنى تعبان 1500 جنية او الفين فى الوضع الحالى فى مصر الحمد الله بس مش حيعمل بيهم حاجه لو عنده اولاد ومدارس وكدهصح بس اما يروح كندا ويشتغل كجوال و الحكومة تعطيه المبلغ الشهرى للاولاد ويركب سيارة 2500 دولار مش عارف يركبها فى مصر حيقول عمار ياكندا بس لو واحد دخله فى مصر فوق 7000 جم فى الشهر وسكان فى شقة فى حى راقى حيضرب نفسه بالجزمة هناك بالخص لو مشتغلش شغلنة محترمة - كندا الحكومة عملا نظام رائع تن الكل يكل ويشرب ويسكن فى نفس المستوى مفيش حاجة للاغنياء و حاجة للفقراء فى بس فورق مش زى مصر - طب لاانا بكره مصر او كنت بكرة فساد و الشوارع والسواقة وكل حاجة ماشى بس لو معاك فلوس حتحل مشكلتك انما فى كند فى الغالب لو فىمشكلة مش حتعرف

وقبل ماحد ييقولى مفيس مشاكل هناك لا هناك بيطابق القانون دون النظر انك مهاجر جديد او الحل ايه ان عطيك امثلة التامين الصحلا و انت بتعمله لازم تعطيه جوازك او اى ورقة رسمية فيها توقيعك ولو مفيش يقولك خلاص مش حينفع ادملك التامين الصحى - طب حتعمل ايه فى المشكلة ده -0 ايه هو الحل بالصدفة كان معى حاجة حلت تالمشكلة - الرخصة المصر مكتوب فيها رخصة تمام طب بعد الترجمة سالونى هى ده رخصة ايه طبعا اترقيت عليها وقلتلها رخصت قطار انا بسواق قطار المهم شدت معهم فى الكلام وقلتلى بزوق مفيش حل عندى لو فى مصر كان الموضوع كله خلص يجدعان هما صح تماما واحنا خطا بس انت حتعرف تعيش كدة ويسلم لو جالك واحد عنصرى من الداخل - طب انا كنت بسال ناس كتير قوى اما حب اخرج انا و اسرتى اروح فين - فى مصر حتجرج الساعة 9 او عشرة تروح اى مكان تتعشى انت واسرتك وتروح تمام طب كندا مفيش مكان تتعشى مكان سليم ةيعنى كل الامكان فيها حمور وبيرة وكده عتتشى انت وعيلك فى مكان كده طب ولو قبلك واحد سكران حتعمل ايه -ده والبلد بتقفا بضلم الساعة تاسعة مساء يعنى حتكون فى البيت افضل او تنزل تاخد كاس و ده كمان مش سكتى - طب اغلب المحلات بتقفل الساعة تاسعة وايضا 90فى المئة من السوبر ماركت-غير مصر احنا المحلات فتحخا لغيت 12 بليل كل يوم و المطاعم والمحلات و الملاهلا للاولاد

طب السوال هو انت رايح كندا ليه انا كنت فاكر حالقى مهندس ودكتور ناجح فى مجتاله وشغله لاتهم شغلين فى سوبر مالركت و خلافه فى نفس السكة ووجدت ان مستوى الاجتماعى للمصريين هناك الى هم تعبنين قوى اجتماعيا و المصريين هناك اسو ناس تجدهم فى حياتك - لو عاوزين تتاكده من كلامى اسالو وجدى - جيهان وووليد الى حياكدو كلامى - ايهاب و او الاخوه المصريين عاوزيين يقتنوع بالهجرة فى اى حاجة تقال فى الاتجاه حتقول الله -او حاجة فى الاتجاه المعكس حتقول لا - المدار س هناك فى مدارس زبالة والشقق فى شقق تقرف تسكن فيها -مع احترامى لايهاب يعنى لو عنده وظيفة فى مصر براتب محترم جدا حيعيش فى كندا انا بقولك حتى لو رد على لن يعيش فى كندا - كندا جميلة الى ملوش حل بديل- -المصريين هناك بتفرجوا على القنوات العربى وبيروح المساجدفى يوم الاجازة عشان الاولاد طب ايه الاختلاف فى العيشة - انا عيش فى مصر جو كندا - هى ده الحقيقة

على فكرة - ده الواقع ولى عاوز يقتنع يقتنع -

انا فى يوم حيحجى على انا شاء الله واتمنى اخدم وجدى وجيان وايهاب و هادى الا بفتكر بكل خير واتمنى يكون بخير وسعيد

قبل متهاجر فكروا كويس

لى صديق كندى محترم ممكن يساعد اى حد فى عمل اللاندج بس بشرط تدفعله تكلفة المصاريف بنزين وتليفونات و الشقة وكل حاجة هو مستعد يساعد اى حد الا انا يسكن فى شقى ومحدش يدفعله الا بعد ما يخلص كل ورق لو حد عاوز الموضوع ده يرسله

على الايميل وهو حيكون فى المطار و يساعدكم فى كل حاجة هو كندى اصلا ومسلم وجدع

(هذة هى المشاركة التى طلب منى إضافتها فى المنتدى)

ارجو فى حالة توجية اى تعليق يكون موجة لكاتب المشاركة

[wagdi]

...ومن خلال خبرتك الطويله فى كندا احكى لنا عن نصف الكوب الفاضى شويه ...... وان كان هناك حرام مقارنه كندا مثلا بمصر من ناحيه المساحه وعدد السكان والموارد يعنى كلام الاستاذ ايهاب عن زحمه المواصلات مثلا له كل الحق ان يشوف العمليه فاضيه هناك ..... عدد سكان مصر ما يقارب 80 مليون وكند1 32 مليون يعنى حرام المقارنه

........

الأخت ياسمين... أنا مش خبرة طويلة ولا حاجة هما كلهم 4 سنين...

وعلى فكرة برضه انا كل إلى حيلتي 30 سنة... يعني إستاذ دي صعبة عليا أوي... خلوها أحمدي الله يكرمكوا... :lol:

بالنسبة لموضوع الكوب الفاضي ده حابقى أحاول أتكلم عن العيوب أو المساوئ إلى الواحد بيشوفها...وإن كان الموضوع نسبي... في الويك أند بقى إن شاء الله...

الفاضل عمر عبده...

أنا مستني أهه... إبعتلي على الخاص لو تحب... أنا أظن حضرتك قلت إنك ساكن في نص البلد...وأنا كمان... لو تحب ممكن نروح نضرب كوزين كابوشتينو في أي حتة...

if you mean arad ..talk about your slef ..you are the first one complain!!!i think i posted important things..if you consantrate you will not get lost..and don`t care about the site pages ..(ELKHER KETER WA AL HAMDOULLELAH))next time i hope to talk about your self..

الفاضل أراد... المقصود مش الكلام إلي حضرتك بتقوله المقصود هو الإقتباسات... فالقصد إن حضرتك ممكن تاخد من الإقتباس الجملة أو النقطة إلى حضرتك عايز ترد عليها... بس علشان ماتبقاش الصفحة كلها مافيهاش غير مشاركتين تلاتة لأن المساحة مهدورة في الإقتباسات... هي الصفحات مش بفلوس أينعم بس لما تكتر أوي بيبقى صعب على إلى الأنترنت عنده بطيء يتصفحها أو يبحث فيها...وربنا يكرمك ويجعل مساهماتك في ميزان حسناتك...

....

وهل فعلا على راى داليا اخبار الرابطة ايه عرفتوا تتقابلوا و لا.......

...

والله يا ستي إلي حصل إننا تقابلنا مرتين أو تلاتة تقريباً... وسعدت جداً وتشرفت جداً بمعرفة ناس محترمة كدة... وكنا متحمسين وبدأنا نفكر ونخطط وكدة... بس وقعنا في خطأ مصري فولكلوري وهو إننا ما حطناش جدول زمني أو "خارطة طريق" من بتاعة كونداليزا... وبالتالي ومع مشغوليات الحياة والشغل والدراسة والأولاد الموضوع نام... بس ربنا يسهل إن شاء الله ونحاول مرة تانية...

تحياتي

الأخت داليا عثمان... أنا لسة شايف مدخلة الإيميل إلي مابعوتلك وأنا باكتب وحارد عليه في مداخلة أخرى إن شاء الله

[ايهاب سالم]

الأخوه الاعزاء

أولا : أنا بأشكر كل اخ و كل اخت قال كلمة طيبه في حقي ..

بصوا يا جماعه .. ..... هاخدكم حته بعيده شويه عشان أوصلكم فكره

أخر فيلم كارتون إتفرجت عليه مع اولادي كان فيلم

meet the robinsons

الفيلم ده كان بيحكي عن عائله من المخترعين .. أصغر فرد في العائله .. جمعهم على العشاء و عرض عليهم أول إختراع له

أول ما شغل الإختراع .. طلع بايظ و خرب المكان و بعتر الأكل على أفراد أسرته .. ماكان منهم الا أنهم صفقوا له .. و أكبر فرد في العائله .. الحكيم يعني .. قال للطفل

no matter what , keep moving forward

و هي دي كانت الحكمه اللي فضل الطفل يكررها طول الفيلم لحد ما إنتهى .. عشان يكرس الفكره في نفوس الأطفال اللي بيتفرجوا .... إنهم دائما ينظروا للأمام و يتطلعوا الى مزيد من النجاح

طب ايه علاقة الكلام ده بموضوعنا

يا جماعه .. الشخصيات الإيجابيه الناجحه .. دائما ب keep moving forward

بتنظر دائما للإيجابيات عشان تستمد منها قوه تدفعها لمزيد من النجاح و بيكون عندها نظره متفائله للحياه

أما الشخصيات السوداويه الفاشله فدائما لا تنظر للإيجابيات و تقول .. أه موجوده إنما أنا أصلي متعود عليها ... و هو إنك متعود عليها ينفي وجودها و قيمتها

هذه الشخصيات تعظم من السلبيات لتتخذ منها عزاء لفشلها .. و تلقي باللوم على النظام و الحكومه و العنصريه .. طب هينجح إزاي و دول كلهم ضدوا

منذ سنوات عثرت بالصدفه على موقع لواحد امريكي .. تزوج من كنديه و أنتقل للإقامه في كندا و عجبته الحياه هنا لدرجة إنه عمل موقع لدعوة الأمريكيين للهجره لكندا

كان من ضمن الحاجات اللي كاتبها للتليل على لطف الكنديين و أدبهم .. هو إنه لو دوست على رجل واحد في الباص .. هيعتذرلك .. و كاتب بعدها "really "

عشان الناس متفتكرش إنه بيهزر

طب أيه رأيكم إنها حصلت معايا أكثر من مره و أخرهم النهارده

بس مش دوس على الرجل ..

أنا لأني بأشتغل في وسط تورونتو .. و بأروح بالقطار كل يوم .. بأتردد على المحطه المركزيه union station مرتين يوميا .. رايح جاي

و لأن المحطه في وقت الrush hour بتكون زحمه و كل واحد عايز يلحق شغله (لكن بطريقه راقيه طبعا) فساعات بيحصل إن حد يعترض طريق حد أو يخبط فيه بالخطأ

أكثر من مره يحصل معايا كده و أكون انا الغلطان .. أول ما ألتفت و لسه هأقول i'm sorry .. الأقي الطرف الثاني هو اللي بيعتذر

يمكن لطبيعة عملي أو الأماكن اللي بأتردد عليها (المكتبه مثلا) .. مش بأقابل غير ناس محترمين

يمكن غيري طبيعة عمله ... أو لأنه بيتردد على أماكن مش كويسه تخليه يقابل ناس مش محترمه .. أو هو أصلا فظ في التعامل فبيلاقي معامله مما يستحق

بس دي مشكلته هو .. إنما الكنديين غير مؤدبين أو الدنيا زحمه أو الحكومه مش عارف ايه .. ده كله كلام فارغ

العيشه غاليه ؟ .. طب ما انا جبت لكم قائمة أغلى المدن في العالم .. مفيش و لا مدينه كنديه في أول خمسين مدينه .. و أول مدينه تورونتو اللي انا عايش فيها في المركز ال 82 .. متسمعوش أي كلام و خلاص يا جماعه .. إوزن الكلام و شوف طالع من مين و هل عليه دليل و الا كلام مرسل من شخصيه مجهوله ... بتتهرب في كل مره حد يسألها عن تجربتها الشخصيه

العنصريه مش موجوده في تورونتو ..

ياجماعه تورونتو دي the most diverse city in the world

يعني أكتر مدينه في العالم بها تنوع في الأعراق و الديانات و اللغات .. أخر إحصائيه بتقول إن أكثر من 55 % من سكان تورونتو مولودين خارج كندا

أقل نسبة بطاله بين المهاجرين في تورونتو و اعلاها في كيبيك ...

نعم تقارير كتير بتتكلم عن عنصرية الكيبيكواه (أهل كيبيك الأصليين ) (محدش يزعل مني من إخوانا في مونتريال )

تم تعديل 25 يناير 2008 بواسطة ايهاب سالم

[wagdi]

كندا فيها عنصرية مستخبيه حتطلعلك فى الوقت المناسب

كلام صحيح..(في كيبك على الأقل).

-كندا مافيهش شغل غير الشغل الكجول الا انت عارفة مرمته

غير صحيح...كندا فيها كدة وفيها كدة...بس مثلاً لو محتاج تدرس وتقول لأة... أو تعمل معادلات وتقول لأة... طيب حتلاقي الشغل الكويس إزاي؟؟

كندا من المصريين الا بيقولوا كويسة انا مشفتش مهاجر قال انها كويسه

أنا شفت ناس بتقول إنها كويسة... وشفت برضه إلي بيقول إنها مش كويسة... ولو تسألني رأيي أقولك لا كدة ولا كدة... بلد زي أي بلد...ليها وعليها... على حسب بقى كل شخص و إستعداده وظروفه حيشوفها إزاي ... مافيش إسطمبة...

بس عيش فى كندا عشان مفيش بديل يعنى واحد فى مصر حالته دخلة يعنى تعبان 1500 جنية او الفين فى الوضع الحالى فى مصر الحمد الله بس مش حيعمل بيهم حاجه لو عنده اولاد ومدارس وكدهصح بس اما يروح كندا ويشتغل كجوال و الحكومة تعطيه المبلغ الشهرى للاولاد ويركب سيارة 2500 دولار مش عارف يركبها فى مصر حيقول عمار ياكندا بس لو واحد دخله فى مصر فوق 7000 جم فى الشهر وسكان فى شقة فى حى راقى حيضرب نفسه بالجزمة هناك بالخص لو مشتغلش شغلنة محترمة

كلامك صح ألف في المية... بس إنت حطيت بنفسك الإستثناء وهو لو ماشتغلش شغلة محترمة... أو بمعنى أخر لو مش مستريح مادياً بمقاييس كندا... بس تعالى هنا... قوللي على بلد حتبقى كويسة لو إنت مش بتشتغل شغلة محترمة أو مستريح مادياً فيها... والمستريح وعنده شغلانة كويسة في مصر بيهاجر علشان الباسبور كام سنة ويرجع...

كندا الحكومة عملا نظام رائع تن الكل يكل ويشرب ويسكن فى نفس المستوى مفيش حاجة للاغنياء و حاجة للفقراء فى بس فورق مش زى مصر - طب لاانا بكره مصر او كنت بكرة فساد و الشوارع والسواقة وكل حاجة ماشى بس لو معاك فلوس حتحل مشكلتك انما فى كندا فى الغالب لو فىمشكلة مش حتعرف

وده عيب مش ميزة... إنك فلوسك تعطيك ما هو فوق حقك أو غير حقك... ولو تحسبها تلاقي طب ما هو ممكن واحد يبقى معاه فلوس أكتر منك وياخد حقك... يعني إنت بتقول في مصر الواحد بتتسحب رخصته بالتليفون بتجيله لحاد البيت...وسواق التاكسي الغلبان بيتمرمط علشان ماعوش يدفع أو مايعرفش حد...أما هنا لو راكب عجلة أو راكب بورش وغلطت حتتعامل نفس المعاملة..دي إسمها عدالة...حد يكره العدالة؟

وقبل ماحد ييقولى مفيس مشاكل هناك لا هناك بيطابق القانون دون النظر انك مهاجر جديد او الحل ايه ان عطيك امثلة التامين الصحلا و انت بتعمله لازم تعطيه جوازك او اى ورقة رسمية فيها توقيعك ولو مفيش يقولك خلاص مش حينفع ادملك التامين الصحى - طب حتعمل ايه فى المشكلة ده -0 ايه هو الحل بالصدفة كان معى حاجة حلت تالمشكلة - الرخصة المصر مكتوب فيها رخصة تمام طب بعد الترجمة سالونى هى ده رخصة ايه طبعا اترقيت عليها وقلتلها رخصت قطار انا بسواق قطار المهم شدت معهم فى الكلام وقلتلى بزوق مفيش حل عندى لو فى مصر كان الموضوع كله خلص يجدعان هما صح تماما واحنا خطا بس انت حتعرف تعيش كدة ويسلم لو جالك واحد عنصرى من الداخل -

طب عايز إيه برضه...الراجل عايز يشوف ID فيها توقيعك... ده حتى لو رايح تستلم طرد من البوستة الراجل حيقولك عايز 2 ID ولازم يكون فيهم صورتك وعنوانك وإمضاءك...فبتطلع رخصة السواقة وكارت التائمين الصحي مثلاً... في ثانية... يا راجل على الأقل ما بيقولكش جيبلي شهادة من إتنين موظفين مرتبهم أكتر من 60 جنيه تثبت إنك على قيد الحياة.. ;)

موضوع رخصة العربية ده برضه أنا مش شايف فيه مشكلة... أنا رحت أول مرة عملت الإمتحان النظري... وكمان مرة عملت العملي...ودمتم.. ولو كنت مثلاً جاي من فرنسا ولا إنجلترا كنت مش ححتاج أعمل حاجة...بس هما عارفين الرخص في مصر بتطلع إزاي...

طب انا كنت بسال ناس كتير قوى اما حب اخرج انا و اسرتى اروح فين - فى مصر حتجرج الساعة 9 او عشرة تروح اى مكان تتعشى انت واسرتك وتروح تمام طب كندا مفيش مكان تتعشى مكان سليم ةيعنى كل الامكان فيها حمور وبيرة وكده عتتشى انت وعيلك فى مكان كده طب ولو قبلك واحد سكران حتعمل ايه -ده والبلد بتقفا بضلم الساعة تاسعة مساء يعنى حتكون فى البيت افضل او تنزل تاخد كاس و ده كمان مش سكتى - طب اغلب المحلات بتقفل الساعة تاسعة وايضا 90فى المئة من السوبر ماركت-غير مصر احنا المحلات فتحخا لغيت 12 بليل كل يوم و المطاعم والمحلات و الملاهلا للاولاد

ما هو أصل الناس بتنام من الساعة 9 علشان عندهم شغل الصبح الساعة 8...والشغل ده يعني جد... يعني لازم تكون فايق ومصحصح... لكن في مصر حاتنزل الساعة 10 مع أسرتك ترجع الساعة 1 تنام الساعة 2... حتصحى إزاي تروح شغلك...

بالنسبة لمطاعم مافيش أكتر منها...على الأقل هنا في مونتريال... والمطاعم العربية مافيش اكتر منها برضه... والراجل السكران ده حتلاقيه لو رحت club... لكن مطعم...حتلاقي راجل ومراته بيتعشوا ولو بيشربوا بياخدولهم كاسين نبيت... بس بيتعشوا الساعة 6...أو 7... كدة... لكن لو حاتنزل الساعة 10 مانت مش حتلاقي حاجة فاتحة إلا البارات والديسكوتيكات...وطبيعي مش حتلاقي غير المقاطيع السكرانين...

وده يخلينا نقول برضه "أخي المهاجر، إن كنت من هواة سهر الليالي مع الأصدقاء في القهوة حتى مطلع الفجر، والنوم حتى العاشرة صباحاً فأحترس كندا أو أي بلد محترمة بها سم قاتل"... إنت هنا بيتصحى 6 -7، تروح شغلك عادة 8-9، تتغدى في الشغل الساعة 12-1، تخلص شغل الساعة 4-5، ترجع بيتك الساعة 5-6، تتعشى مع أسرتك...تعمل أي حاجة لحاد الساعة 10-11...تخش تنام... في الويك أند يوم الجمعة بعد ما تخلص شغلك تعدي تجيب طلبات الأسبوع... السبت تهيص وتنتعش، الأحد تأرتخ وتفخد...وتبدأ من جديد يوم الإتنين... فيه ناس بالنسبة لهم ده الجحيم بعينه... وفيه ناس ده مزاجهم...شوف إنت من مين...

طب السوال هو انت رايح كندا ليه انا كنت فاكر حالقى مهندس ودكتور ناجح فى مجتاله وشغله لاتهم شغلين فى سوبر مالركت و خلافه فى نفس السكة ووجدت ان مستوى الاجتماعى للمصريين هناك الى هم تعبنين قوى اجتماعيا و المصريين هناك اسو ناس تجدهم فى حياتك

أنا مش عارف إنت رحت فين في كندا... بس هنا على الأقل في مونتريال الجالية المصرية جالية محترمة جداً جداً... وحقيقي تقريباً كل إلى قابلتهم من المصريين ناس محترمة وناجحة وزي الفل... تقوللي المغاربة والجزائريين والتوانسة أقولك ماشي... تقوللي باكستانيين أقولك ماشي لكن مصريين...وفي مونتريال... على الأقل الشوية إلى قعدتهم ما شوفتش واحد مصري "يكسف"... شفت مهندسين، ودكاترة في الجامعة، أصحاب أعمال، ومصممين برامج، وطلبة في كونكورديا ومكجيل...

وعامة حادور... لو لقيت ناس مصريين عرة صدقني حاقول مش حاتكسف...

المدار س هناك فى مدارس زبالة والشقق فى شقق تقرف تسكن فيها -مع احترامى لايهاب يعنى لو عنده وظيفة فى مصر براتب محترم جدا حيعيش فى كندا انا بقولك حتى لو رد على لن يعيش فى كندا - كندا جميلة الى ملوش حل بديل

طبعاً فيه مدراس زبالة، وفيه مدارس حلوة وفيه مدارس عادية... وفيه شقق تقرف وفيه شقق حلوة وفيه شقق عادية... والغاوي ينقط بطاقيته، وعلى حد علمي مافيش بلد في الدنيا فيها كل المدارس حلوة وكل الشقق حلوة... بس السؤال هو اغلبية المدارس إيه؟؟... وأغلبية الشقق إيه؟؟؟... طب إنت كمستأجر مثلاً فيه قوانين تحميك ولا لأة...طب كمالك فيه خدمات ببتقدملك ولا لأة... صدقني وخدها مني...ما فيش أي معنى إنك تشتري شقة ب3 مليون جنيه...وتفرشها بمليون رابع علشان وانت قاعد الكهربة تقطع تروح حرقالك كل أجهزة البيت... أو تطلع قدامك عمارة تسد عليك الشمس والهوا، أو يبقى مدخل العمارة معمول روزا أورورا والشارع قدامها متكسر...أو بعد كام سنة تكتشف إن إلى باني العمارة الحلوة دي إسترخص والعمارة عايزة قمصان...

المصريين هناك بتفرجوا على القنوات العربى وبيروح المساجدفى يوم الاجازة عشان الاولاد طب ايه الاختلاف فى العيشة - انا عيش فى مصر جو كندا - هى ده الحقيقة

أيوة هو ده الكلام... أصل أنا مش ناوي أقعد أصلاً هنا كتير...فياريت فعلاً تشرحلى إزاي أعيش في مصر جو كندا... ومايهمكش الفلوس... قول إنت بس... يعني أنا ركبت احلى عربية فيكي يا مصر...فين بقى الشارع النضيف إلى حمشي فيه؟ طب نظرات الحقد من الناس إلى محشورة في الميكروباسات أعمل فيها إيه؟؟؟ طب الهوا النضيف؟ طب حاقعد أكل في أغلى مطعم فيكي يا مصر والناحية التانية من الشارع فيه ناس بتشتري عضم الفراخ علشان تأكل عيالها؟؟؟... طب حادخل أولادي أحسن مدارس والبسهم أنضف لبس وأجيبلهم سواق بعربية يوديهم ويرجعهم... طب وهما واقفين في الإشارة لما يشوفوا عيال في سنهم حافيين ودايرين بورق كلينكس في الشوراع ويبصوا لأبنك و بنتك وعينهم عجينة حقد على ذل على غضب على حرمان... ويسألك هو بيبصلي كدة ليه يا بابا....تقوله إيه؟؟؟؟

أنا فعلاً عايز أعرف صدقني...

قبل متهاجر فكروا كويس

وفي دي أنا معاك ألف في المية

تحياتي

تم تعديل 25 يناير 2008 بواسطة wagdi

[daliaothman]

;)

استاذ ايهاب حمدلله على السلامه وياريت تكون دايما موجود فى المنتدى وكل اللى قال كلمه كويسه فى حقك فده لانك فعلا تستحق اكتر منها وانا معاك فعلا فى رايك بالنسبه للفاشلين والناجحين

وكنت عايزه اخد رايك فى حاجه مهمه جدا بالنسبه لانك مهندس كمبيوتر الموقع ده كتير اوى مش بيفتح فى مصر واحتمال كبير اوى ميفتحش خالص يتقفل يعنى فهل ممكن ننقل المنتدى بتاع كندا ده فى ويب سايت لوحده تانى علشان نقدر فى مصر نستفيد من المنتدى ؟

وسؤال تانى هل ممكن حضرتك تبعتلى الميل بتاعك لو مافيش عند حضرتك مانع على الميل بتاعى علشان لو الموقع اتقفل نعرف نوصلك؟

ده الميل بتاعى

daliaothman012@yahoo.com

[daliaothman]

:aslam:

ايه ياستاذ وجدى ده كله clp:: :Laie:: انا لو قعدت كام سنه افكر ارد ازاى مش هاعرف ارد كده ;)

انت قلت كل اللى انا كنت عايزه اقوله ومش عارفه اعبر بجد ردك كافى ووافى وبيعبر عن رايي فعلا

[ebtihal]

حمدا لله على سلامة العائدين للصفحة

انا بس بانقل مشاهداتى ولنقل تجربة ام مصرية تعيش فى مونتريال كزائرة

انا بازعل قوى لما اسمع ان هناك اخت مصرية جاءت لمونتريال وتحس بالغربة والوحشة ومش لاقية حد تتكلم معاه

مونتريال احس بيها زى وسط البلد فى القاهرة نفس الالفة وطول ماانتى ماشية بتقابلى ناس تكلمك وتبتسم لك

ده غير الوجوه العربية اللى بتشوفيهم فى كل مكان

نصيحة احضرى انشطة المكتبات العامة فى مجال يهمك مثل تنسق الزهور او نادى القراءة او عرض فيلم هدا النشاط بيعرفك على سيدات من جنسيات مختلفة اغلبهم مهاجرين انا كونت صداقات مع كنديات وغيرهم فى البارك و فى المكتبة وصارت صداقة محترمة

وجيرانى عندما تعدين طبق مصرى ابدأى وقدميى لهم مثل الرز بلبن

فى كل مكان مراكز لمساعدة القادمين الجدد على التأقلم موجهة اساسا للمرأة تعقد فيها ورش للآكل الصحى ودورات تعليم الفرنسية مجانا

وورش لليوجا والرسم

فى المدارس تقليد جميل وهو اشتراك الاهالى فى غذاء جماعى بيكون فرصة جميلةتشتركى ولو بالتطوع فى التنظيم فقط

اكلاتنا المصرية بتكون رائعة وتحظى باحترام الكل . بيكون فرصة لتعرفى ثقافات مختلفة لان اغلبية التلاميذ من جنسيات مختلفة

اعتمدوا على شئ هام فى دمنا نحن المصريات اننا اجتماعيين حتى النخاع ونحب العشرة ونتعرف ونجمع الكل حولنا ودائما نشيع جوالألفة

مقارنة بجنسيات عربية اخرى نحن نميل لذلك وكل الجنسيات الاخرى تدرك وتحترم اننا المصريين شعب ودود

[Ghost]

و الله شكرا يا ايهاب على التواصل و الرد الذكي فعلا

و اشكر برضوه اتوماتك انة عرفنا وجهه نظر لم تكن نخطر على البال معرفتها و ان كنت عاتبا علية , ابسط حاجه ان جرح مشاعر المصري البسيط جدا اللي قاعد يقراء المشاركات دية و بيندب حظه و بيعيط علشان مش لاقي عشر القاعد فية الاخ اتوماتك

يا سيدي الفاضل , انت في نعمة تستحق الشكر و ليس اقل ,, انت عامل زي اللي بياكل تفاح كل يوم كل يوم لحد ما خلاص نفسة يذوق الجميز او الجبنة الحدقة

الدور و الباقي على العمال ياكل جبنة حدقة كل يوم

و يا ما نعيش يا ما نشوف

و عجبي

[ايهاب سالم]

الحياة فى كندا سهلة جدا والحياة كمناظر و هدوء جميلة جدا

حلو .. الله يفتح عليك

كندا فيها عنصرية مستخبيه حتطلعلك فى الوقت المناسب -

كيبيك بس .. حسب ما أسمع و أقرأ من إحصائيات .. محدش يزعل

كندا مافيهش شغل غير الشغل الكجول الا انت عارفة مرمته-

غير صحيح .. لو مؤهل علميا و فاهم شغلك و مستعد لغويا و معاك شهاداتك .. يعني بإختصار you did your home work .. هتشتغل تاني يوم

لكن لو غير كده هتشتغل كاجوال .. مش مطلوب من كندا إنها تتحمل أخطاء نظام التعليم الفاشل في مصر و في كل الدول الناميه .. مش مطلوب إنها تعين أطباء و ممرضين يموتوا المرضى زي ما بيحصل في مصر كل يوم .. أو مهندسين يبنوا بيوت تقع على راس سكانها ... لو في مصر شغلنا أطباء متخرجين من سيراليون الدنيا هتقوم .. هي كده بالضبط

لو واحد عارف من الاول انه عشان يشتغل لازم يعادل شهادته و يمتحن و ياخد تصريح .. ليه ييجي كندا و بعدين يشتكي ... أو واحد الإنجليزي بتاعه تعبان و معملش اللي عليه و حسنه قبل ما يوصل كندا .. يبقى غلطة مين ... أنا في اخر إجتماع في الشركه .. رئيس الشركه قال إنه محتاج يعين ناس تانيه لأن حجم الاعمال بيزيد و طلب مننا نرشح له ناس لو نعرف .. معدل البطاله في كندا في تناقص مستمر منذ 2004 ووصل حاليا الى 5.9% و هو الأقل من 30 سنه .. ادي الجراف من إحصائيات كندا

أصحاب الاعمال .. لو إنت مؤهل و جاهز هيعينك فورا .. لأنه هيكسب من وراك أكتر من اللي هيديهولك .. مفيش عنصريه و لا كلام فارغ .. ده بيزنس .. الراجل ده هيعمل شغله و هيكسبني .. مش مهم أصله ايه و الا جاي منين

انا مشفتش مهاجر قال انها كويسه -

أجيب لك زمبيل ناس مهاجره بتقول إنها كويسه ... لا حول و لا قوة الا بالله

بس عيش فى كندا عشان مفيش بديل

فيه ناس كتير و انا منهم .. بيكون عندها البديل و هو الخليج .. وبتسيبه و تيجي كندا

يعنى واحد فى مصر حالته دخلة يعنى تعبان 1500 جنية او الفين فى الوضع الحالى فى مصر الحمد الله بس مش حيعمل بيهم حاجه لو عنده اولاد ومدارس وكدهصح بس اما يروح كندا ويشتغل كجوال و الحكومة تعطيه المبلغ الشهرى للاولاد ويركب سيارة 2500 دولار مش عارف يركبها فى مصر حيقول عمار ياكندا

طيب حلو .. يبقى نقول كتير خير الدنيا

بس لو واحد دخله فى مصر فوق 7000 جم فى الشهر وسكان فى شقة فى حى راقى حيضرب نفسه بالجزمة هناك بالخص لو مشتغلش شغلنة محترمة - كندا

لو ال 7000 جنيه دول بيكسبهم لأنه راجل expert في مهنته في مصر .. و قدر يشتغل نفس المهنه دي هنا .. هيسكب 7000 دولار ... لكن لو معملش اللي عليه (معادلات و شهادات و تصاريح و لغه ) و اللي هو عارف من قبل ما ييجي كندا إنه مطلوب و إشتغل كاجوال و الدنيا خدته و فضل كاجوال .. يبقى لا يلومن الا نفسه

انا عطيك امثلة التامين الصحلا و انت بتعمله لازم تعطيه جوازك او اى ورقة رسمية فيها توقيعك ولو مفيش يقولك خلاص مش حينفع ادملك التامين الصحى

يا سبحان الله .. وهو حد يروح يعمل التامين الصحي من غير إثبات شخصيه .. ايه الكلام الغريب ده .. انا عملت التأمين الصحي بتاعي بعد اللاندينج ب 3 أيام و مكانش معايا pr و لا أي إثبات شخصيه كندي .. الباسبور وورقة اللاندينج بتاعة المطار و إتفضل إتصور و الف بوسه و مع السلامه و يوصلك الكارت في البريد على البيت

- الرخصة المصر مكتوب فيها رخصة تمام طب بعد الترجمة سالونى هى ده رخصة ايه طبعا اترقيت عليها وقلتلها رخصت قطار انا بسواق قطار المهم شدت معهم فى الكلام وقلتلى بزوق مفيش حل عندى

و نعم السلوك المصري الصميم .. أنا ترجمت رخصتي و قدمتها و إمتحنت و سقطت و إمتحنت تاني و نجحت .. و كله تم بهدوء و سلاسه و ذوق و أدب و مشفتش إلا كل ذوق و ادب بالمقابل

لو فى مصر كان الموضوع كله خلص يجدعان

طبعا كان خلص .. بالرشوه .. أو الواسطه .. أو الزعيق .. هو ده اللي إنت عايزه .. هو ده بقى الصح عندنا

أقول لك على سر يكسف و لا أفخر به .. انا والدي طلع لي الرخصه المصريه بالواسطه أول ما بلغت السن القانونيه .. و بعدين علمني السواقه على راحته .. يعني كنت قاعد جنب والدي في العربيه بأتعلم فين البنزين و فين الفرامل و انا في جيبي الرخصه ... بالذمه مش حاجه تكسف

هما صح تماما واحنا خطا بس انت حتعرف تعيش كدة

لا حول و لا قوة الا بالله ..... يعني إحنا خلاص مبيقناش بنعرف نعيش غير بالغلط .. لأ .... أطمنك أنا و مصريين كتير هنا عارفين نعيش كده و مستمتعين بالعيشه كده

ويسلم لو جالك واحد عنصرى من الداخل

عنصري مين يا سيدي .. إحنا بس بنحب نرمي مشاكلنا و عيوبنا على حد تاني .. إمشي حسب الاصول و القواعد اللي مطبقه على الجميع .. إنما إحنا أدمنا عدم النظام و أصبح الإستثناء و الواسطه هي القاعده و لما يطلب مننا الإلتزام نقول عنصريه

- طب انا كنت بسال ناس كتير قوى اما حب اخرج انا و اسرتى اروح فين - فى مصر حتجرج الساعة 9 او عشرة تروح اى مكان تتعشى انت واسرتك وتروح تمام طب كندا مفيش مكان تتعشى مكان سليم ةيعنى كل الامكان فيها حمور وبيرة

عارف ليه .. عشان هنا فيه حقوق إنسان .. الراجل اللي شغال في المحل ده زيك لازم يروح بيته و يشوف عياله و ينام و يستريح ..... و أنا بأخرج مع زوجتي و أولادي و بنتعشى في 600 مكان من غير خمور و لا بيره .. حضرتك رحت إتعشيت في أي مطعم في ال food court بتاع square one .. شفت كام واحد بيشرب خمره .. و لا واحد .. عشان مفيش طبعا

حضرتك أخذت ولادك و رحتم أحد فروع http://www.woodiewoodchucks.ca/

هتروحوا هناك و تتعشوا بيتزا جميله و أولادك يلعبوا في play area و سط جو كله عائلات و اطفال و مفيش و لا خمره و لا بيره .. بس بيقفل الساعه عشره .. عشان الناس اللي بيشتغلوا دول ليهم حق يستريحوا .. وكمان المفروض ولادك يناموا بدري

غير مصر احنا المحلات فتحخا لغيت 12 بليل كل يوم و المطاعم والمحلات

لأ في دي عندك حق .. لو عايز الجو ده .. الهيصه و الدوشه و الزحمه و الحسين و السيده و الحمص الشام .. خليك في مصر أحسن

طب السوال هو انت رايح كندا ليه انا كنت فاكر حالقى مهندس ودكتور ناجح فى مجتاله وشغله لاتهم شغلين فى سوبر مالركت

تعرف لما جينا نختار family doctor .. أصحابنا دلونا على 3 دكاتره مصريين .. بس في محيط سكننا .... كلهم كانوا سيدات (مش عارف ليه) ... إخترنا الأقرب لمنزلنا ... لما رحنا عيادتها ... شفنا شهادة معادلتها من جامعه كنديه معلقه في الإستقبال ... هي دي الناس اللي عايزه تنجح و مش بترمي فشلها على عوامل اخرى

مثال أخر ... زوج سيده مصريه زميلتي في الشغل .. مهندس و إسمه إيهاب بالصدفه ... مهندس ميكانيكا .. قابلته في حفلة الكريسماس بتاعة الشغل و حكالي قصته .. كان ضابط مهندس .. خريج فنيه عسكريه .. إستقال من الجيش لأنه كان مضطهد لأنه مسيحي (حسب كلامه ) و هاجر كندا في أول التسعينيات و عادل شهادته و إشتغل مهندس و عايش زي الفل

ووجدت ان مستوى الاجتماعى للمصريين هناك الى هم تعبنين قوى اجتماعيا

فيه .. مش هأقول لك لأ و انا شفتهم .. لكن فيه ناس مستواهم كويس .. حسب الدخل .. زي أي حته في العالم

و المصريين هناك اسو ناس تجدهم فى حياتك

لأ لأ .. عندك لو سمحت .. عيب إنك تقول كده .. المصرييين اللي انا اعرفهم هنا محترمين جدا ... إذا كنت إنت متعرفش غير الناس التعبانه .. دي مشكلتك إنت

المدار س هناك فى مدارس زبالة

يا عم و هو أنا ولادي في مدارس خاصه .. ماهي public school و زي الفل .... ايه الكلام اللي ينرفز ده .... يعني بالصدفه كده مدارس و لادي و مدارس ولاد أصحابي كويسين

و بعدين تفتكر الحكومه هنا او الصحافه هتسكت على تفاوت مستوى المدارس

والشقق فى شقق تقرف تسكن فيها

أه صح .. و شفتها ... و اللي بيسكن فيها هو اللي لسه عايش بعقلية مصر و الخليج .. يعني عايز يحوش

-مع احترامى لايهاب يعنى لو عنده وظيفة فى مصر براتب محترم جدا حيعيش فى كندا انا بقولك حتى لو رد على لن يعيش فى كندا - كندا جميلة الى ملوش حل بديل-

أنا كنت في الحل البديل ده و سبته بمزاجي ...اللي هو الخليج .. و بعدين أنا أول وظيفه لي في مصر سنة 96 و كنت شاب حديث التخرج كانت ب 1500 جنيه شهريا و مع ذلك سبتها و سافرت قطر لأني مكنتش طايق العيشه في مصر

و لو كنت عايز أرجع مصر كنت هأرجع و لو كنت عايز أفضل في قطر كنت فضلت .. طبعا بعد مشيئة الله .. أنا اللي إستقلت بمزاجي محدش "فنشني"

و مكنتش هأغلب أشتغل في مصر و كان ممكن أفتح محل عصير أو قهوه بفلوسي ... أنا مرحتش كندا مضطر ... أنا رحت كندا بمزاجي

بالنسبه لي مصر موضوع منتهي .. لو هأشتغل وزير برضه مش عايز أرجع .. السيستم كله مش نافع و مش عايز أرجع أتخنق تاني و أطهق من حياتي

يا راجل ده أنا كنت بأعد الأيام في اجازاتي عشان أمشي

-المصريين هناك بتفرجوا على القنوات العربى وبيروح المساجدفى يوم الاجازة عشان الاولاد طب ايه الاختلاف فى العيشة - انا عيش فى مصر جو كندا -

ماشي .. عيش في مصر جو كندا ... كل واحد ممكن يقنع نفسه باللي هو عايزه

هى ده الحقيقة

للحقيقه أوجه عديده و مختلفه ... كل واحد عايش في الحقيقه بتاعته ... و هو ده اللي بنحاول نوصله للناس

لى صديق كندى محترم ممكن يساعد اى حد فى عمل اللاندج بس بشرط تدفعله تكلفة المصاريف بنزين وتليفونات و الشقة وكل حاجة هو مستعد يساعد اى حد الا انا يسكن فى شقى ومحدش يدفعله الا بعد ما يخلص كل ورق لو حد عاوز الموضوع ده يرسله

محدش محتاج حاجه زي كده .. كل واحد ممكن يخلص حاجته بنفسه ... النظام هنا بيساعد أي حد عايز يعتمد على نفسه

و بالمره محدش محتاج محامي عشان يعمله معاملة الهجره .. أعملوها بنفسكم ... انا و ستين واحد غيري عملناها بنفسنا .... وفروا فلوسكم لعيالكم

أقول قولي هذا و أستغفر الله لي و لكم

تم تعديل 25 يناير 2008 بواسطة ايهاب سالم

[yasmin]

;)

:aslam: وجدى اشكرك عن توضيح رائى حول الاقتباسات والرد على الاخ اراد الى فهمنى خطأ واقول له متزعلش