كل ما تريد معرفته عن (كندا)

[Automatic]

الأخوه الاعزاء

ايوه يا باشا اديها

أولا : أنا بأشكر كل اخ و كل اخت قال كلمة طيبه في حقي ..

لا شكر علي واجب يا أستاذ يا باش مهندس يا ناجح انتا يا عم وربنا يخليك لينا

بصوا يا جماعه .. ..... هاخدكم حته بعيده شويه عشان أوصلكم فكره

أخر فيلم كارتون إتفرجت عليه مع اولادي كان فيلم

meet the robinsons

الفيلم ده كان بيحكي عن عائله من المخترعين .. أصغر فرد في العائله .. جمعهم على العشاء و عرض عليهم أول إختراع له

أول ما شغل الإختراع .. طلع بايظ و خرب المكان و بعتر الأكل على أفراد أسرته .. ماكان منهم الا أنهم صفقوا له .. و أكبر فرد في العائله .. الحكيم يعني .. قال للطفل

no matter what , keep moving forward

و هي دي كانت الحكمه اللي فضل الطفل يكررها طول الفيلم لحد ما إنتهى .. عشان يكرس الفكره في نفوس الأطفال اللي بيتفرجوا .... إنهم دائما ينظروا للأمام و يتطلعوا الى مزيد من النجاح

بصراحه وانا مش حاكذب عليك انا مليش في الكرتون يعني عجزت علي الكلام ده لكن علشان الأستاذ الباش مهندس انا حأجره و أتفرج عليه

طب ايه علاقة الكلام ده بموضوعنا

يا جماعه .. الشخصيات الإيجابيه الناجحه .. دائما ب keep moving forward

بتنظر دائما للإيجابيات عشان تستمد منها قوه تدفعها لمزيد من النجاح و بيكون عندها نظره متفائله للحياه

أما الشخصيات السوداويه الفاشله فدائما لا تنظر للإيجابيات

انتا كلامك حكمه ياستاذ يا باش مهندس

و تقول .. أه موجوده إنما أنا أصلي متعود عليها ... و هو إنك متعود عليها ينفي وجودها و قيمتها

هذه الشخصيات تعظم من السلبيات لتتخذ منها عزاء لفشلها

طيب تعالي اتمشي معايا شويه, متخفش أنا مش حتوهك.

أنا كتبت دي:

انتا عامل زي الطفل اللي أول مره يدخل الملاهي :lol: ......... يابختك يا عم

و لعلمك أنا كنت بس حكتب "انتا عامل زي الطفل اللي أول مره يدخل الملاهي" و بعدين قلت لحسن الواد يفهمني غلط احسن أزود دي "يابختك يا عم"

علشان أوضح أني مقصدش حاجه وحشه. المهم جات "أختكم المصرية" (وخلي بالك كمان هيا بتستخبا ورا إسم مستعار ;)) وقالتلي أنا قاسي! فوضحت أكتر و كتبت:

انا ضحقت لما قرأت كلام ايهاب لانه فعلا" بيشوف حاجات انا مابشوفهاش. مش علشان هيا مش موجوده.......لا ده هوا كلامه كله مظبوط بس الفرق اني انا اتعودت علي الحاجات دي فماخدش بالي. ياعني انا لو روحت المكتبه دي غالبا" حلاقي ميت حاجه اشتكي بيها . يمكن الكتب مش منظمه صح او بيقفلو بدري او ميردوش علي التلفون بسرعه ......................

واخد بالك يا هندسه؟ أنا قلت "مش علشان هيا مش موجوده.......لا ده هوا كلامه كله مظبوط" .......لسه معايا والا تهت؟

طيب جايز هيا صعبه عليك فحوضحهالك اكتر:

انا لما بصحا الصبح مابقولش .......ياسلام علي الهوا الي أنا بتنفسه ويا حظي علي الهوا الي باتنفسه...لأ! انا ولا باخد بالي الا لما ادخل مكان مقفل ورحته زي الزفت وساعتها بس اشتكي وأقول أيه القرف ده. مش معناها أن مفيش هوا كويس :aslam:

طيب حتسقلنى كان نقطتي ايه اقولك ولا حاجه خالص. كان مجرد تعليق عام علي الزمن و علي بعض الناس (زيي أنا) اللي اتعدو علي اللي احوالهم.

مقولتش لحد كندا دي بلد معفنه ولا حاجه. فاهم ولا تحب أوضحهالك أكتر؟ أنا تحت أمر ألباش مهندس.

.. و تلقي باللوم على النظام و الحكومه و العنصريه .. طب هينجح إزاي و دول كلهم ضدوا

طيب انا موافق معاك ومتحير لأنك كتبت الأتي:

"بالنسبه لي مصر موضوع منتهي .. لو هأشتغل وزير برضه مش عايز أرجع .. السيستم كله مش نافع و مش عايز أرجع أتخنق تاني و أطهق من حياتي

يا راجل ده أنا كنت بأعد الأيام في اجازاتي عشان أمشي"

واخد بالك يا باش مهندس؟ شفتت الزمن wst:: أنتا كتبت "السيستم كله مش نافع"!

راحت فين ال "شخصيات الإيجابيه الناجحه .. دائما ب keep moving forward" ؟ ياعني انتا أتفرجت علي الفلم الكرتون دا ولا كان كله كلام أونطه؟

ولا لا قدر الله انتا واحد من "الشخصيات تعظم من السلبيات لتتخذ منها عزاء لفشلها"

بس لو انت فاشل انا مش عايزك تزعل لأن أخوك أوتوماتيك فاشل كمان clp::

منذ سنوات عثرت بالصدفه على موقع لواحد امريكي .. تزوج من كنديه و أنتقل للإقامه في كندا و عجبته الحياه هنا لدرجة إنه عمل موقع لدعوة الأمريكيين للهجره لكندا

كان من ضمن الحاجات اللي كاتبها للتليل على لطف الكنديين و أدبهم .. هو إنه لو دوست على رجل واحد في الباص .. هيعتذرلك .. و كاتب بعدها "really "

عشان الناس متفتكرش إنه بيهزر

طب أيه رأيكم إنها حصلت معايا أكثر من مره و أخرهم النهارده

بس مش دوس على الرجل ..

أنا لأني بأشتغل في وسط تورونتو .. و بأروح بالقطار كل يوم .. بأتردد على المحطه المركزيه union station مرتين يوميا .. رايح جاي

و لأن المحطه في وقت الrush hour بتكون زحمه و كل واحد عايز يلحق شغله (لكن بطريقه راقيه طبعا) فساعات بيحصل إن حد يعترض طريق حد أو يخبط فيه بالخطأ

أكثر من مره يحصل معايا كده و أكون انا الغلطان .. أول ما ألتفت و لسه هأقول i'm sorry .. الأقي الطرف الثاني هو اللي بيعتذر

يمكن لطبيعة عملي أو الأماكن اللي بأتردد عليها (المكتبه مثلا) .. مش بأقابل غير ناس محترمين

ياواد افهم بقي ومتوجعش دماغي. أللي انت بتتكلم عليه ده اسمه Mannerism or Habits لكن مش أدب. معظم الناس في العالم كله مؤدبين. مثلآ انا بحب المعامله مع الصينيين لأن طريقتهم ظريفه ومختلفه عن الكنديين (مش أحسن لاكن مختلفه). وفي نفس الوقت معروف (ايوه معروف جدا") ان العالم بتوع أونتاريو دول أبرد ناس ,انا عشت هناك 14 سنه :Laie:

المهم لو انتا معجب بيهم دا عظيم لكن اكيد انتا تعرف ناس كتير مؤدبين في مصر وفي الخليج ............صح؟

الدنيا زحمه أو الحكومه مش عارف ايه .. ده كله كلام فارغ

العيشه غاليه ؟ .. طب ما انا جبت لكم قائمة أغلى المدن في العالم .. مفيش و لا مدينه كنديه في أول خمسين مدينه .. و أول مدينه تورونتو اللي انا عايش فيها في المركز ال 82 .. متسمعوش أي كلام و خلاص يا جماعه .. إوزن الكلام و شوف طالع من مين و هل عليه دليل و الا كلام مرسل من شخصيه مجهوله ... بتتهرب في كل مره حد يسألها عن تجربتها الشخصيه

طيب أنا من حوالي شهرين روحت أشتري فصين توم لقيت الكيلو ب 2 دولار, قلت يا ساتر ليه كده دا كان بدولار واحد من أسبوع قالولي غلي. وبعدين بصيت علي دخلي ولقيته هوا هوا متغيرش....لاكن معلش. وبعدين من اسبوع روحت اشتري تاني توم لقيت الكيلو ب4دولار, كان حيغمي عليا :sad: وقلت للبياع ايه يا عم اللي بتعملوه فيا ده ؟ دا أنا غلبان ودخلي هوا هوا . ألمهم سبت المحل و أنا مروح وقفت في البنزينه علشان أفول العربيه المهكعه بتاعتي لقيت السعر غلي ب 2سنت بأللتر ! طيب أنا دخلي هوا هوا! و كنت مدايق قوي لغايه ما الحمد لله قرات كتابتك انتا عن الاحصاءيات ومركز كندا في العالم. يعني طظ في دخلي و طظ في الاسعار! طالما الأحصاءيات بتقول احنا عاييشين كوييسين يبقي كله تمام. وانا حدي الاحصاءيات دي للناس اللي بتشتكي ان التأمين الصحي مبيغطيش الكشف علي العيون زي زمان. وحديها للناس اللي بتشتكي ثمن تزاكر الاوتوبيسات غلت. انا متأكد أن الأحصاءيات هيا أهم من اللي بيشوفوه كل يوم.

وانا حاخد الاحصاءيات معايا في العربيه علشان اقرأها وانا قاعد ساعه في الزحمه. ويا ريت كانت معايا الاحصاءيات دي وأنا كنت عايش في ميسيساجا و كنت باقعد في الزحمه بالساعات عل QEW, Gardner, 403 , and 401

العنصريه مش موجوده في تورونتو ..

ياجماعه تورونتو دي the most diverse city in the world

يعني أكتر مدينه في العالم بها تنوع في الأعراق و الديانات و اللغات .. أخر إحصائيه بتقول إن أكثر من 55 % من سكان تورونتو مولودين خارج كندا

أقل نسبة بطاله بين المهاجرين في تورونتو و اعلاها في كيبيك ...

نعم تقارير كتير بتتكلم عن عنصرية الكيبيكواه (أهل كيبيك الأصليين ) (محدش يزعل مني من إخوانا في مونتريال )

فعلا" العنصريه في تورونتو قليله و أنا معرفش حاجه عن كيبيك

أخوك اللي ولا أستاذ ولا باش مهندس وبس فاشل بيستخبا ورا إسم مستعار

أوتوماتيك

تم تعديل 25 يناير 2008 بواسطة Automatic

[Automatic]

يا سيدي الفاضل , انت في نعمة تستحق الشكر و ليس اقل ,, انت عامل زي اللي بياكل تفاح كل يوم كل يوم لحد ما خلاص نفسة يذوق الجميز او الجبنة الحدقة

الدور و الباقي على العمال ياكل جبنة حدقة كل يوم

و يا ما نعيش يا ما نشوف

و عجبي

عندك حق بس خلي بالك انا مقلتش متاجرشه كندا........ بالعكس, انا بأشجع الهجره طالما انتا فاهم انتا بتعمل ايه. بالتوفيق انشاء الله

[مصرية و مغتربة]

انا مع رد الاستاذ وجدي والاستاذ ايهاب في الرد علي الايميل اللي اتبعت لداليا اللي بشكرها كتير علي مشاركاتها.

ولي تعليق بسيط كان موجود من ضمن الردود السابقة المهم لما نسافر كندا نكون عارفين احنا بنهاجر ليه؟؟ ليه بنهاجر ونسيب حياة مستقرة الي حد ما ونروح كما يقول البعض للمجهول علي فكرة انا بحب مصر جدا واكتر واحدة تكره الغربة لانها كانت كل حياتي بس احب اقولكم حاجة انا والدي رحمه الله اتغرب اكتر من 14 سنة في دولة من دول الخليج ولان والدي العزيز من الناس القليلة اللي بتقول ان الفلوس اول المال ده وسيلة وليس هدف.

وسيلة اننا نحقق بيها اللي بنحلم بيه او محتاجينه فصرف علينا كويس وعلمنا كويس وبني لينا بيت كويس الحمدلله ومحوش اي شيء لبعدين زي ما الناس بتعمل كان معانا علطول بالتليفون يوميا لاننا كنا مستقرين بمصر انا ووالدتي واخواتي عشان التعليم في البلد دي مكنش كويس وان رحمه الله حريص اننا نتعلم كويس وبينزل لنا باستمرار وكان كتير من اصحابه بينتقدوه لكده عشان مش بيحوش زي الناس.

الخلاصة وعشان مطولش عليكوا والدي رحمة الله مرض مرض شديد رجع علي اثره لمصر بعد 14 سنة في بلد واحدة بتخدمها بكل حياتك ومجهودك مكنش فيه اي معاش زي ما الدول المحترمة بتعمل مفيش تامين صحي او دكاترة كويسين يدلوك علي الطريق الصح للعلاج

تخيل كندا اللي كل او المعظم بينتقدها عيش فيها 3 سنين اشتغل واتعلم وعيش هيدوك جوازهم بتتعامل زيهم من غير فلوس تحت الطاولة عشان تخلص حاجاتك بسرعة حياة فيها عدل .

اكيد فيها تعب بس نهاية التعب فيه حصاد وفيه نتيجة كويسة.

انا بالنسبالي مش مستعدة اعيش في الخليج بقية عمري عشان انزل بعدين مليش اي حقوق واكون لا طولت بلح الشام (اني عشت في مصر مع اهلي) ولا عنب اليمين(اني استفدت في بلد خدمت فيها سنين والاخر بيعاملو زي خيل الحكومة).

ناس كتير وللاسف بيحبوا الحاجة السهلة وده غلط لان دايما ربنا سبحانه وتعالي علي اد ما بنتعب علي اد ما بيعطي وبيجازي كل خير.

بالنسبالي انا مهندسة دورت ازاي اعادل شهادتي هناك واذاكر واخد رخصة الهندسة صحيح ده بيكون صعب ومتعب بس اكيد هيكون ليه ثماره انا بحب الدراسة نفسي ربنا يقدرني واخد الدكتوراة هناك واستفاد من هجرتي اقضي كام سنة في بلد بعيدة عن اهلي بس ان شاء الله هكسب كتير وفي نفس الوقت هعيش حياة كويسة صحيح مش هبقي مليونيرة بس هبقي انسانة ليها كيان.

تعليق بسيط بالنسبة للناس اللي بيتكلموا عليها بتشتغل الكاجوال ده مش عيب لو كان مؤقت ونكمل احنا دراسة علي اد قدراتنا ونطور من نفسنا هناك لانها بلد علي حسب معلومات وخبرات من عاشوا فيها بتديك فرصة انك تعمل كل حاجة بس لازم نتعب .

واخيرا ارجو منكم الدعاء لابي بالرحمة والمغفرة وان القاه في الجنة امين

واخي

[calamus]

thanks a lot for precious data

[احمد عبده]

اهلا برجوع استاذ ايهاب لمنتداه

و الله انت بتقول كلام زي الفل انت واستاذ وجدي . منتهي الموضوعية والحيادية

وبما ان الجمهور دائما علي حق . وبما ان انا من الجمهور فان بطلب ان يعاد مسار الحوار الي الهدف اللي كان عليه و هو افادة راغبي الهجرة الي كندا و اللي عايز يشتم في كندا مش تبقي شتيمة وخلاص لكن يقولنا نروح فين بدل كندا علشان يبقي في فايدة لأني لاحظت ان كل اللي هنا طموحيين جدا يعني ميرضوش بالحلو لأ دول عايزيين الأحسن يعني اغلبهم كان في الخليج و الخليج املة بالنسبة لناس كتير في مصر وتعب نفسه علشان عايز الاحسن له ولأولاده ولو فيه احسن من كندا هيروحله لكن انا شايف ان اتوماتك و هو زعلان من كندا فهو مش زعلان من كندا ده هو زعلان من العالم كله و مش راضي عن حياته اصلا ( قال كذا مرة عن نفسه انه فاشل )

فطبعا كلامه كله هيبقي سودوي .

اهل المنتدي هنا وانا كمثال منهم عندي ثقة في ربنا ومتيقن اني لو في الصومال هبقي ناجح جدا بمعني ان مين هيقدر يقف قدامي لو ربنا معايا .

برضه سيدنا الرسول (ص) كان ناجح جدا في دعوته وكان مخلص ليها ومع ذلك ساب مكة ( اللي قال عنها ( فيما معناه) والله انك احب المدن الي قلبي ولولا ان اهلك اخرجوني ما خرجت ابدا ) وراح المدينة ومن قبلها راح الطائف فقط... بحثا عن تربة خصبة لمشروعه (صلي الله عليه وسلم) ونجح . وانا برضه بادور علي تربة لمشاريعي .

فلو سمحتم اللي هيقول عيوب يقول حلول يعني يقول لأ كندا مش حلوة روحوا استراليا مثلا

وبالنسبة لاستاذ ايهاب و استاذ وجدي كفاية كده دفاع عن كندا و كملوا بقي حكاية تجربتكم اللي كنتم بدأتم حكايتها ( وحشنا الكلام ده)

الاخت دعاء شكرا لردك و جزاك الله خيرا علي نيتك لكن السؤال لسه قائم

والسؤال هو اني طالب في 5 طب بشري جامعة الاسكندرية

و من ساعة ما قريت الموضوع ده من 5 اسابيع دخلت كورس فرنساوي والحمد لله نجحت في المستوي الاول وانا في التاني دلوقت وان شاء الله هاعمل المعادلة كمان سنة ونص ( قبل ما اسافر)

وسؤالي هو مادام الملف بياخد من 3-5 سنين فينفع اقدم الورق باعتبار ما سيكون

يعني انا قدامي سنة ونص في الكلية وبعدهم سنة امتياز تحسب كسنة خبرة

وقدامي 8 مستويات فرنساوي يخلصوا في سنة

انا بحكم الكلية كويس في الانجليزي ولكن معييش شهادة

واحتمال اتجوز

وبما اني هسافر هناك علي ممارس عام من 3-5 سنين

فاحسن اني اسافر وانا ممارس عام مش اكون اتخصصت هنا في مصر وبعدين ابدأ المشوار تاني من الاول هناك .

يعني عايز اسافر في خلال اول سنة بعد امتياز يعني اقدم دلوقت

طولت عليكم بس اعذروني ملخص ينفع ال cv بتاعي يبقي باعتبار ما ساكون

[احمد عبده]

ملحوظة بس اضافة علي سؤالي

انا بعد الامتياز (بعد سنتين ونص ) بتاعي هيبقي سكوري لو كويس في الفرنساوي 71 ولو متجوز من 75-76 ولو كنت خلصت المعادلة ( المستوي الاول من مصر والتاني في السعودية او ابو ظبي ) وجالي نيابة هناك هيبقي 90

بمعني اني بعد الامتياز و كحد ادني هيبقي معايا 71 نقطة ان شاء الله

[daliaothman]

;)

الاخ احمد عبده

انا كان نفسى افيدك فى سؤالك بس مش عارفه بصراحه رد قاطع ولكن فى طريقه سمعتها ان انت بتفتح ملف فى السفاره وبتضيف فيه اى حاجه بتكملها او تعملها ولما يكمل الملف يتبعت بس طبعا معنديش اى معلومات عن الطريقه دى ولا متاكده منها فممكن تسال فى السفاره او تاخد راى محامى حتى لو مش هتكمل معاه وربنا يوفقك

[احمد عبده]

جزاكم الله خيرا يا أخت داليا ;)

بس افهم من كده انكو كنتم مكملين الscore قبل ما تقدموا

[daliaothman]

;)

الاخت مصريه ومغتربه

لاشكر على واجب وانا مشاركاتى متجيش نقطه فى بحر من مشاركاتكم وياريت تبعتيلى الميل بتاعك على ميلى لو معندكيش مانع علشان انا قلقانه ان الموقع ميتفتحش فى اى وقت والاتصال بينا يتقطع

daliaothman012@yahoo.com

الاخت ابتهال

كلامك جميل جدا وياريت كل اللى هناك يفكروا كده علشان ميحسوش بالوحده وميقتصروش على معرفة المصريين بس لا يتعرفوا على اى حد كويس ويندمجوا فى المجتمع ويتقبلوه بمميزاته وعيوبه وياريت برده تبعتيلى الميل بتاعك على ميلى لو معندكيش مانع وكمان ياريت تحكيلنى اكتر عن كندا والولاد ومتعايشين ازاى هناك معلش طلباتى كتير

[daliaothman]

;)

الاخ احمد عبده

احنا فعلا مكملين الاسكور بس احنا مقدمين كويبيك والورق لسه عند المحامى المفروض انه هيتبعت الشهر ده ان شاء الله

[daliaothman]

;)

الاخت مصريه ومغتربه

انا اسفه جدا بس المشاركه اللى فاتت قفلتها من غير ما اقولك ان ربنا يرحم باباكى يارب ان شاء الله وتتقابلوا فى الجنه يارب

[simpleDeveloper]

السلام عليكم و رحمة الله و بركاته

تحية عطرة لكل المصريين المهاجرين و المغتربين

أعرفكم على نفسى سريعا

أنا احمد اعمل فى IBM فى اوتاوا و باحضر حاليا فى الدكتوراه فى علوم الحاسب. باقيم فى كندا منذ اربع سنوات و حصلت على PR من داخل كندا فى 8 شهور.

انا لى استفسار للمهندس ايهاب - انا قرأت كلامك عن العمل و انك تلقيت عرض فى وظيفة فى شركه IBM - انا بس استغرابى ان الوظيفة جاءت من موقع توظيف - التقديم لوظائف فى شركه IBM بيكون فى الاغلب من موقع الشركة و بيكون متحدد كمان مكان اللاب اللى هاتعمل فيه. و كمان الاجراءات معاك تمت بسرعة ! فى خطوات و امتحان بتدخله قبل ماتدخل على المقابلة وجه لو وجه ! وكمان سياسة IBM الحالية تتجه الى التعين Fresh Graduate Students و فرص عمل Professionals قليلة. كمان اغلب شغل شركة IBM بالجافا او السى دبل بلس - لو انت جافا فى اشياء كثير بتكون مطلوب منك معرفتها مثل EMF,GEF , .... ثانيا - نادرا ما يتعين شخص غير حاصل على بكالريوس علوم حاسب او هندسة البرمجيات او علوم قسم رياضيات. دى نقطة لفتت انتباهى. وخاصة فى IBM الشهادات بتأثر فى المرتب فى الشركة و كمان Publications. الشغل فى IBM كان هايكون اضافه مهمه لك و بيتيح لك تشتغل فى اى شركة لو تركت IBM. انت اتسرعت فى الرفض بعد ما قلت انك موافق فى الاول. انا اعرف ان اللى يرفض عرض من IBM بعد مانجح فى المقابله و من غير مايوضح اسباب الرفض - شركة IBM فى المستقبل لن ترشحه للعمل فيها مره تانية. أتمنى تكون وضحت الاسباب و بعتها للمدير اللى كنت هاتكون تحت يده او قائد الفريق.

تم تعديل 26 يناير 2008 بواسطة simpleDeveloper

[مصرية و مغتربة]

- التقديم لوظائف فى شركه IBM بيكون فى الاغلب من موقع الشركة

ياتري ايه هو الموقع اللي ممن نستعرض فيه الوظائف هناك

بداية شكرا ليك علي مشاركتك وياريت ياريت بما ان حضرتك ليك فترة هناك تحكيلنا عن تجربتك كاملة عشان كلنا نستفيد.

[daliaothman]

:lol:

استاذ simpleDeveloper

اهلا بيك فى المنتدى وياريت مدام حضرتك متواجد فى كندا انك تفيدنا بمشاركاتك وتقولنا اللى انت شايف انه مفيد لينا من سلبيات وايجابيات وشكرا ليك

[Queen]

السلام عليكم ورحمة الله

انا كنت معدية و شوفت المشادات اللي حاصلة في المنتدى الذي طالما اعجبت بيه و كنت زعلانة الحقيقة من اللي بيحصل.

اود ان اضيف رأي فيما يحدث.

1- الاختلاف في الرأي لا يجب ان يفسد للود قضية. الحقيقة الاستاذ اتوماتيك غلط عندما قال عن الاستاذ ايهاب انه كالطفل لاول مرة بالملاهي فهذا فعلا غير لائق بالمرة و واجب عليه الاعتذار. لكن انا لما ركزت في مداخلات اتوماتيك ارى انه يكتب لغة انجليزية جيدة جدا و لكن طريقة كتابته للغة العربية تكون غير واضحة و مقتضبة في بعض الاحيان. و هو لما كتب هذه العبارة واضح انه لم يتوقع هذا الهجوم و اعتقد انه لم يريد اغضاب استاذ ايهاب ، هذا ليس دفاعا بالمرة و لكنه ما اشعر به من خلال متابعة مشاراكات استاذ اتوماتيك، فليس كل من يشترك في المنتدى يكون له القدرة على السرد و الحكاية و الكتابة باسلوب حسن كالاستاذ وجدي مثلا. الكتابة في المنتدي هي Blind tool for communication يعني ممكن لو الكلمة نفسها اتقالت بين اثنين وجها لوجه تتاخد بضحك، فاحنا المصريين بنحب الضحك و القفشات ، لكن وجب على اتوماتيك الاعتذار او التوضيح كما فعل في اخر مشاركاته. استاذ اتوماتيك اعتقد ان من هاجمك مش متعاطف معك لسببين ، اولا انك غلطت في استاذ ايهاب ثانيا ان حضرتك غامض بعض الشئ لا معلومات عن مهنتك، و لا عن تجربتك و لا أي شئ كما هو الحال مع كل المشاركين الذي يكتبون عن اهلهم و اولادهم و ظروفهم، و هذا يؤكد فكرتي ان حضرتك ليس لديك موهبة السرد، ليس عيب في حضرتك لحسان تزعل و لكن كل واحد منا مميز في شئ مختلف عن الاخر.

2- استاذ ايهاب مرة قال في صفحة تانية غير (كل ما تريد معرفته عن كندا)، "اهوه احنا كده يا مصريين لما نحب ،نحب اوي و لما نكره ،نكره اوي". ايه في الدنيا له مميزات بس و ايه له عيوب بس. مصر لها عيوبها و مميزاتها و الخليج له عيوب و مميزات و اكيد كندا كده برضة.

3- عجبتني جملة في ويب سيت اجنبي بيناقش الهجرة Employed Immigrant = Happy Immigrant

اكيد لما الانسان يقدر يوصل انه يتعيين في وظيفة مناسبة بدخل مناسب و يأجر بيت كويس و عنده عربية و يجد وقت للراحة و الخروج مع اولاده حيشوف ان المكان ده مكان جيد حتي لو كان لازم يتعب علشان يوصل لده، انما الانسان اللي مش قادر او مش عايز يتعب و مش لاقي وظيفة مناسبة و مش قادر يحقق احلامه اكيد حيكون مش مبسوط.

4- احنا كنا زمان التلفزيون بنحتاج تقوم مرة و اتنين و عشرة علشان نقلب المحطة ، دلوقتي اتعودنا على الريموت كنترول خلاص مش ممكن نتخيل الاستغناء عنه، لما كمان مش بيكون Responsive يمكن البطارية محتاجة تتغير بنكون زهقانين و عيزينه يقلب بسرعة.

هي دي نفس وجهة نظر اتوماتيك، لما بنتعود على مقدار من التقدم بنتعود عليه و بيصبح مسلم بيه و بندور على مزيد من التقدم و بنشتكي من أي خلل نراه. هذا لا ينفي ان كندا متقدمة بمليون سنه ضوئية عن مصر. لكن زي اللي في مصر من حقهم يشتكوا اللي في الخليج من حقهم يشتكوا و اللي في كندا كمان من حقهم يشتكوا.

المهم ان الشكوي تكون موضوعية و مسببة و غير نابعة من تجربة شخصية غير ناجحة لم يقوم فيها الشخص بأداء ما يلزم للنجاح.

5- في موضوع اخر في المنتدي كان في طالب بيشتكي من مصر و النظام و الجامعة و موظفينها و حاجات كده و لم يذكر جنسيته، تمت مهاجمته بشراسة من قبل كثير من الاعضاء، انت جنسيتك ايه؟ و ايه اللي جابك تتعلم عندنا ان كانت مصر مش عاجباك؟ ، و ادولوه ما خلوش. الراجل رجع بعد اسبوع و قال يا جماعة انا مصري و بحب مصر لكن بشتكي من النظام زي أي حد. المهم ان احنا ساعات بتنتابنا حالات من الانكار نكون عارفين ان في عيب بس لما حد يفكرنا بيه نزعل و ننفعل.

نفس الحاجة بالنسبة لكندا، هي حلم طبعا و كلنا نفسنا نروح علشان نحقق اللي مش قادرين نحققه في بلادنا لكن ده ما يمنعش ان احنا نسمع للرأى الاخر . لما حد يقول ضرايبها عاليه نقول بس بناخد باللي بندفعة خدمات، لما حد يقول غالية نقول مصر و الخليج كمان غليين، الانتقاد يجب ان يكون موضوعي و الرد عليه لابد ان يكون هادئ من دون انفعال او عصبية. لو لم تتختلف الاذواق لبارت السلع. و كل خلق لما هو ميسر له.

6- استاذ ايهاب راجل ميه ميه و انسان مميز بحق و مجهوده اكثر من رائع، و الاستاذ اتوماتيك اخفق في التعبير و لكن رأيه له وزنه . اتمنى ان لايدوم الخلاف اكثر من ذلك ، و تسير االمحاورات كما عهدناها.

[al tammimi]

ألاخوة الاعزاء والمحترمين , تحية طيبة أنا أخوكم عراقي وفي الحقيقة لقد دخلت على هذا المنتدى الطيب منذ سنة ونصف تقريبا وقد وصلت الى كندا في شهر7 سنة 2007 وفي حقيقة الامر كانت هجرتي الى كندا في بند الاستثمار وقد استغرقت جميع الاجراءات خلال سنة ونصف . وحقيقة الامر ايضا أرى أن جميع الاخوة الاعزاء المتداخلين هم يعبرون عن وجهات نظر مختلفة وهي جميعها تفيد طالبي الهجرة ,انا شخصيا اعتبرها مغامرة تستحق التضحية وخلا الستة الاشهر الماضية عملت مسحا حول بعض التجارب الناجحة والفاشلة وهذه تعتمد على صلابة المهاجرين

أخوكم

التميمي-عراقي مقيم في كندا

[njoom]

السلام عليكم

يا جماعة بس عندي مداخلة ما قدرتش اصبر

يعني ندخل في الموضوع على طول

بس اتوماتك تكلم الكل هاجمو ليه لانو ايهاب هاجمو وهو ما تكلمش حاجة تجرح خالص ومجرد خفة دم

بس الي حصل انو الكل عاوز يسمع الكلام الحلو عن كندا والاهم من كدا انو المصلحة مع ايهاب

يا جماعة وينكم لما رد البش مهندس على موضوع الوهم الي اسمو امارات او مش عارف اية لما اقال عن الي يبصق في الصحن الي ياكل فية

ليه ما حدش عاتبو وهاجمو متل ما عملتو ولا دة ايهاب مصلحتنا معو ويديلنا الكلام الي عايزين نسمعو بالرغم انو ايهاب مش عايش في الامارات حتى يرد هذا الرد ومصر مش صحنك يا ايهاب لية تبصق فية

يعني يا ريت تتواضع شوي

انا مفش حاجة شخصية معاك بالعكس انا بدعيلك بس تكتب واحب اقرأ حتى لو كان مبالغ في

بس الحق يقال

[ايهاب سالم]

أنا احمد اعمل فى IBM فى اوتاوا و باحضر حاليا فى الدكتوراه فى علوم الحاسب

أهلا يا احمد . نورت المنتدى ...

باقيم فى كندا منذ اربع سنوات

عظيم .... يا ريت تكتب لنا أكتر عن تجربتك و إنطباعاتك عن الحياه في كندا

انا لى استفسار للمهندس ايهاب

حاظرين للشباب الطيبين (حته خليجي)

- انا قرأت كلامك عن العمل و انك تلقيت عرض فى وظيفة فى شركه IBM -

أنا تلقيت ترشيح من recruiter لوظيفه في IBM في إدمنتون و كان بيشوف لو هأوافق على الإنتقال من تورونتو الى إدمنتون

انا بس استغرابى ان الوظيفة جاءت من موقع توظيف - التقديم لوظائف فى شركه IBM بيكون فى الاغلب من موقع الشركة

أنا فعلا عملت apply على أكثر من وظيفه على موقع الشركه ..

و كمان الاجراءات معاك تمت بسرعة ! فى خطوات و امتحان بتدخله قبل ماتدخل على المقابلة وجه لو وجه

مفيش إجراءات تمت معايا من IBM .. ال RECRUITER قال لي إنه أرسل لهم ال CV و هما وافقوا من حيث المكتوب فيها .. و لو كنت وافقت على مبدا الإنتقال الى إدمنتون كانوا هيعملوا معايا مقابله شخصيه على التليفون و الإجراءات الاخرى و يمكن بعد ده كله كانوا شافوا إني لا أصلح

وكمان سياسة IBM الحالية تتجه الى التعين Fresh Graduate Students و فرص عمل Professionals قليلة.

مكانتش تعيين ... الوظيفه كانت CONTRACT لمدة 18 شهر لمشروع محدد و عشان كده كان ال RATE بتاعها عالي (45 دولار في الساعه) ..

أنا لي واحد صاحبي .. كان شغال في IBM مصر ثم سافر و إشتغل في IBM قطر و هناك إتعرفت عليه .. هاجر كندا - تورنتو .. سنة 2003 و كان معاه RECOMMENDATION LETTERS من IBM مصر و قطر و إشتغل في IBM كندا CONTRACT لمشروع ل CANADIAN TIRE لمدة 5 أشهر و بعدين سابهم و راح إشتغل في SCOTIA BANK لأنه عرف إنهم مش هيشغلوه PERMANENT أبدا و هو مكنش عنده مانع إنه يكمل CONTRACT لأن فلوسه اكتر ... يعني أكنه مسابش الخليج ... لكنه كان عايز يشتري بيت و مكانش فيه بنك هيرضى يديله MORTGAGE و هو CONTRACT

أنا مكانش عندي مانع طبعا أشتغل CONTRACT و في IBM .. دي فرصه .. لكن المشكله إني مكانش عندي إستعداد أروح إدمنتون

كمان اغلب شغل شركة IBM بالجافا او السى دبل بلس

أنا عارف و أنا برضه إستغربت في الاول ... لكن اللي فهمته من ال RECRUITER إنهم عندهم مشروع كبير .. جزء منه فيه MIGRATION ل ORACLE APPLICATION و مستعجلين عليه

ثانيا - نادرا ما يتعين شخص غير حاصل على بكالريوس علوم حاسب او هندسة البرمجيات او علوم قسم رياضيات. .

انا معايا بكالوريوس هندسة و علوم الحاسبات الإلكترونيه .. تقدير إمتياز (بس من غير مرتبه) و ثالث دفعتي .. لكن إنت طلعت أشطر مني إنك كملت بعد كده الماستر .. و ربنا يوفقك في الدكتوراه إن شاء الله

الشغل فى IBM كان هايكون اضافه مهمه لك و بيتيح لك تشتغل فى اى شركة لو تركت IBM. انت اتسرعت فى الرفض بعد ما قلت انك موافق فى الاول. انا اعرف ان اللى يرفض عرض من IBM بعد مانجح فى المقابله و من غير مايوضح اسباب الرفض - شركة IBM فى المستقبل لن ترشحه للعمل فيها مره تانية. أتمنى تكون وضحت الاسباب و بعتها للمدير اللى كنت هاتكون تحت يده او قائد الفريق.

طبعا كانت فرصه لو كانت في تورونتو .. كنت إشتغلتها حتى لو ب 10 دولار في الساعه ..

وز ي ما وضحت لك الموضوع ماوصلش لدرجة إني أرفض عرض من IBM .. انا بس وافقت لل RECRUITER على مبدأ الإنتقال الى إدمنتون و بعدين إعتذرت له لما إتفقت على شغلي الحالي بعدها بيومين بالضبط

تم تعديل 27 يناير 2008 بواسطة ايهاب سالم

[ابن الصعيد]

كلامك عسل يا احمد عبدة

احنا كلنا بالخليج وبناخد رواتب لو سمع عنها بعض الناس هيحسدنا عليها ولكن بنسيب دة كلة الي المجهول (كندا ) بحلم لحياة افضل لاولدنا وكمان لو التشويق راح من حياة الانسان حياتة ستكون رتيبة جدا فمرحبا بالمغامرة

دكتور احمد عبدة التقديم للهجرة لا ينفع بدون خبرة

وحاول تسأل وتفيدنا في هذا الموضوع

استاذ ايهاب الي الامام يا رومل

استاذ وجدي انت فين اراضيك

[عبدالخالق عباس]

السلام عليكم ورحمة الله وبركاته سلامي الى الجميع بالنسبة للاخت دعاء واستفسارها حول الميديكال انا عملت المقابلة في بداية شهر السادس 2007 في السفارة المصرية في القاهرة وكانت مدت المقابلة 4 ساعات وبعد الانتهاء لم احصل منهم على اي رد بالمقابلة اوالرفض ولكن اتصلو بيفي بداية شهر السابع وقالو لي تاتي الى السفارة لاستلام اوراق الميديكال وبعدها اخذت الاوراق وذهبت الى مقر iom التي قالت لي اذهب وسوف نتصل بك لنحولك الى المكان الذي سوف تقوم به للفحص وفعلا اتصلو بي بعد 3 اسابيع وارسلوني الى مستشفى خاص تتعامل معه السفارة وقمت باجراات الفحص الطبي انا وزوجتي وولدي بالنسبة للاطفات فقط فحص الادرار ونحن تحليل الدم والادرار والاشعة وقلو ليس انهم سوف يبعثون جواب الفحص للسفارة وانا لحد الان في انتظار المرحة التي بعد الفحص الطبي صارلي 6 اهر بالضبط بعد الفحص الطبي وانا لست مصري انا عراقي الجنسية اسكن في مصر وجميع اهلي يعني والدي ووالدتي واخوتي يسكنون كندا تورنتو من حوالي 15 سنة وشكرا لك