كل ما تريد معرفته عن (كندا)

[Automatic]

]

تم تعديل 27 يناير 2008 بواسطة Automatic

[daliaothman]

:lol:

ازيكم جميعا يا اعضاء المنتدى الكرام ارجو ان تكونوا كلكم بخير وبصحه وفى افضل حال

بس انا مش عارفه انتوا سايبين المنتدى فاضى ليه ليه مافيش مشاركات كتيره

انا وصلنى ميل من نفس الاخ اللى بعتلى المره اللى فاتت وهنزله فى المشاركه الجايه للامانه برده وارجوا منكم برده فى حاله الرد توجيه الكلام ليه شخصيا لانى مختلفه معاه اكتر من المره اللى فاتت بس انا معنديش موهبة سرد الكلام والرد زيكم

وعايزه اقول لكل الاخوه والاخوات اللى استجابوا لطلبى وارسلوا ايميلاتهم ليه ميرسى جداااااااااااا على استجابتهم وعلى تعاونهم

[daliaothman]

معلش حضيفى ده كمان واعتقد مش حشارك بعد كده وارجع للمتابعة من بعيد

انا بتقول ان فى شغل من كجوال و الشغل العادى ماشى مع ان كل الناس فى كندا بيوقولوا او تروح مونتريال لم فيش شغل خالص هناك ما علينا – المهم طب متفتكرش ( انا بكلم الى ناوى يهاجر ) انك اما تشتغل فى مجالك هناك انك حتكبر زى اما انت بتشوف دكتور كبير او استاذ فى جامعة فى مصر ليه حقولك ليه – العرب والمصريين عيشين على مبدا التحويش و البلطة بل احنا بنقيس النجاخح بكدى عنده شقة عنده عربيتين وعندة وعنده ماشى – هناك فى الدول الاوربية وامريكا وكندا لا – هو البلاد مؤمنة ان كل واحد ياكل يشرب ينام و تامين صحى ويعلم ولاده ببلاش – اكتر من كده ابعت على الضريب ليه عشان يصرفه على الخدمات ده ويعطى للفقراء و الغلابة والشحتين زى بعض المصريين الا شفتهم هناك و الفشلة والكسلة الكنديين او المهاجريين الى مش عاوزيين يشتغلوا ليه عشان محدش يسرق من حد عشان تبقى كندا اقل معدل جريمة تخيل نفسك انت بتشتغل عشان تعطى نصف راتبك لواحد فاشل او كسلان او شحات – طب هو ده التكافل الاحتماعى الى بنسمع عن فى الاسلام هم هناك طبفه – بس عيوبه لو انت انسان طموح حتكبر ازى – المشكلة الى بتقابل المهاجريين انوا بيبقى عاوز يرجع بعد اما ياخد الجواز فبيعفن على نفسه وما بيعش حياة كويسه – طب ايه انت امام اختياران تعفن و تحوش – او تعيش وتطلق العنان المشكلىة الاولى للهجرة – انا اعرف واحد كان مستقر هناك وبيشتغل شغلانه كويسه بيقولى انا اول اما اخد الجواز ارجع مصر – فبقلوا انت مزعلان انك سيب كندا – قلى لا انا معملتش حاجة فى كندا عشان احبها او ازعل عليها وقلى عاوز تعيش فى كندا مبسوط قلى اعمل انك حتعيش هناك مدى الحياة ؟؟؟؟؟؟؟؟؟؟؟؟؟؟؟؟؟؟؟؟

الحل الوحيد انك تكبر تعمل شغل خاص بك – انا عاوز اقولكم اغلب العرب والمصريين تلقيهم تعبنين بيحوش عشان كده تخش بيوتهم تلقيها مفيهاش عفش – حياة غريبة وليه عشان الجواز – المصريين المرتحيين هناك ياغنياء من مصر او بقله فوق 7 او 8 سنسن هناك وبيشتغل فى مجاله

طب حنيجى نقول طب انا اعيش فى كندا على اطول ليه لا – اكل وشرب وتا مين صحى ومدارس و شغلتى ماشى

بص ياعم انت اشتغلت فى مجالك برده عمرك ما حتترقى فى مجالك ليه عشان حيفضلوا عليك اى واحد كندى او جنسية اوربية عليك واتحدى مخلوق يكدبينى فى ده عنصرية يا جدعان انا سافرت امريكا قبل 11 سمبتمبر – عاوز قول ان 11 سمبتمبر اقسمت العالم

طب حتى لو بتترقى فى شغلك وتمام لو فى واحد معه شهادة برده من كندا او دول اوربيه حيفضلوا عنك – ما علينا

اطب انت طنشت كل ده وعيشت الاولا د – دول مشكلة انا لى صديق غنى من الاصل فى مصر هو مدير مبيعات راتبة فى مصر 25 الف شهرى و ايضا غنى بالوراثة كان كره مصر وعاش فى كندا اشتغل فى مجاله – كان بيشتكى من العنصرية فى شغلة - المهم عنده ولدين – كان سكان فى عمارة بيها حمام سباحة و سونا وبيلاردو ده فى كندا يعنى شفة او بيسمية كندمونيم شقة غاليه – عيله عندهم 12- 13 سنه حجاجة زى كده – المهم كان بياكلوا اى اى اكل – ميهتموش حلال او حرام ( الذبح ) سالنا امهم ليه قلت العيال بيروح يزكروا مع اصحابهم فى بيطلبوا بيتزا فبياكلوا عند اصحابهم وهكذا الحياه انك عد كده تاكل اى لحمة سواء حلال او حرام وده البداية انك بتترك قيمك حتى لو انت مبتحبهاش او مش مقتنع بيها بتتركها غزبن عناك – طب انت بعد فترة عاوز ترجع مصر افرض ابنك قلك لا انا مش راجع تعمل ايه وبلغ البوليس او قال للمدره فى المدرسه بابا بيهددننى وعاوز يضربنى – افلام عربى بص يولك لو حصل كدة – طب حتعمل ايه فى مهرجان الشذوذ الا هناك – تبقى حتعمل ايه – لما تلقى ولد شاذ بيبوس صحابة او بيبوس صحابته امامك بنتك حتشرحلها ازى طب بنتك – شفت ولد هيبى و حد روج ولبس بنطلون جلد – وحلق لما تسالك ده ولد ولا بنت حتقول ايه – طب اما تشوف البنات فى 14 فى عز التلج راحين المدرسة مع الاولاد اصحابهم ولبسين جيبات اقل من الميكرو جيب حتعمل ايه – وتشوف البنات المحجبه رايحه المدرسة منعزلة او معها واحدة صحبتها

انت عارفين انك لواحد بلغ عنك وما اكترهم فى كندا عن انك بتضرب ابنك اوابنتك الا حيحصل ظلم انا مش ححكى – بس كارثة

يا جدعان الهجرة ديه قصة كبيرة

المهم كندا والتامين الصحى : كندا – كندا هووه هووه – انا لى صديق بيحلفلى ان فى حلق راجلى فى كندا فى شارع ---- بيحلق بالماكينة و ميخلص الراس الى امامهم و الماكينة شغلة بيدخل على الراس الى جانبهم ايه رايكم فى النظافة ده – ناس حيقوليله فين ده ياعم – انا عاوز اقولكم حاجة فى كل حده فى العالم فى اهمل فى وساغة فى قذارة انسى مهما تعمل

طب الاستاذ وجدى بيقولى ياريت اعيش فى مصر جو كندا – طب متعيش فى كندا جو مصر وده اسهل ازى – انت بتقلى ملكش دعوة بالفلوس بص ياسيدى – اسكن فى التجمع الخامس او الرحاب – واشترى سيارة معقولة – ودخل ولدك مدرسة كويسة بس انا عارف التعليم فى كندا افضل بكتير بس عاوز اقولك فى مدرسة كندية فى مصر ولكن عمة التعليم المصرى هو حيغطى احتياجتهم فى مصر او بره مصر لحد ما

انت عاوز كندا ليه – فلوس مافيش – شوارع صدقنى فى شوارع فى مصر انطف بكتير من شوارع تورنتو الزبالة ايوا فى مناطق فى تورنتو زبالة انا بقول ومسؤول عن كلمة وفى مناطق اوعى امام محطة اليونين

المهم انتم عاوزيين كندا ليه – فلوس ما فيش فلوس - تعليم معاك فعلا هم احسن شوارع اسكن فى الرحاب او التجمع

تامين صحى انا عارف ان فى شركات كتيره فى مصر عمل تامين صحى خاص مع شركا تامين بدخللك اكبر المستشفيات و ده بحوالى 1200 جم فى السنه شاملة الادوية والكشف والعمليات فى حدود 40 الف ببلاش

اما استاذ ايهاب

انا اسف انى اقولك الاتى – انت واهم واهم – وتريد ان تقتنعك نفسك بالوهم ده انا كنت كده – بس عارف ايه مشكلت المصريين انا اما بيغلطوا بيقلوش اسف او احنا غلط- وبالتالىمبيعرفش فين الغلط عشان يصلح نفسه –

اما بالنسبة لموضع ان اللاندج عاوز مساعده ايوا عاوز مساعدة- وانت برضو فى ده بتكابر- ياجدعان انا اعرف ناس اقعدت فى فنادق 3 شهور والليلة ب 70 دولار وضرب انت كام – والتهاون فى الاول اكل منين وفين المنطقة الكويسه و سما الشوارع انتوا محتاجين عشان توفروا فلوسكم – احنا المصريين كساله – اما ايهاب بصراحة هو نشيط جدا جدا

انا عاوز اقول انت عشان تتدور على شقة وتفرشها وتقدم على الورق بتاعك لو لوحدك و الحظ معاك 3 شهور اما لو فى حد ساعدك 10 ايام بالكتيرو احسب فرق التكلفىه كتير قوى

انا حكى كمان انا اقعد مع مسئولين فى الهجرة ومكاتب التوظيف فا من مؤهلاتى و خبرتى و اما كانوا بيسولونى على حياتى فى مصر بيقوللى انت جاءت ليه كندا دول كنديين واحد فى مكاتب الهجرة قلتلى مضرنيش قلتلى هو انت جاءت ليه كندا – انت من كلامك كنت عيش كويس جاءت ليه – وفى مكتب توظيف قلتلى انا عاوز اعرف حاجة هو الدافع الى خلاك تجاى كندا

حكاية اخيرة – انا اعرف واحدة كانت مديرة فى الفور زيسون اوتيل فى القاهرة ومسيحية ومقدرش اقولك اسمها ومعى فرنساوى و انجلش كمان – وجوزها كان برده مدير مطعم ما – كانت بتقف فى بنزينه تبيع – وساعات زبائين يدخلوا يعكسوها و المناسبة ده هم حياتهم شرب و سكس

انا يا استاذ وجدى مش كييف قهو للفجر بس انا بحب اخرج مع اسرتى الويك اند نشترى حاجة ونتمشى ونسهر نتعشى ونرجع اما المطاعم العربى الزبالة الى الى فى الجرائد العربى دول للصيع والسكرى و الهبل

انا المفروض انى بحترم عقلى واولاد وزوجتى- كندا حتى فى الويك اند بضلم من بعد 8 ما علينا

[دعاء]

:lol:

داليا

عاملة ايه ؟

ياريت تطمنينى وصلك الميل بتاعى ولا ايه ؟ وعاملة ايه فى موضوع فتح الموقع ؟

:lol:

[Automatic]

السلام عليكم ورحمة الله

وعليكم السلام ورحمه الله و بركاته.

ملاحظاتك دقيقه وصحيحه و أنا كنت واخد بالي من اللي بيحصل و فاهم سببه أيه و معي ذلك (حلوه أوي معي ذلك دي wst:: ) فضلت أني مأردش و أشو ألناس بترد أزاي. و ردهم وضح شخصيتهم أكتر وهم غاضبين :lol:

المهم,

1- أنا مش بس بلاقي صعوب في التعبير علي نفسي بكتابه العربي لاكن الاصعب بكتير هوا أستخدام اله الكتابه بألعربي. ياعني ألرد ده غالبآ حياخد مني أكتر من ساعه. وعلشان كده مبكتبش كتير وأفضل أقرأ.

2-أنا مش غامض لاكن private وساعات أفضل أني مكتبش عن نفسي لغايه مشوف المناقشه محتاجه طوضيح عن شخصيتي.

وفي معظم الأحيان الواحد بيركز في المناقشه أكتر لو مافيش تاثير شخصي. ياعني لو بنتناقش في الزره كل واحد حيفكر بنفسه و حيرد علي حسب علمه لاكن لو قلتلك انا عالم زره دي جايز تنهي المناقشه ومحدش يستخدم دماغه.

3-أنا بقالي في كندا أكتر من 22 سنه :lol: أحكي علي أي تجربه؟ أنا عندي أكتر من مليون تجربه وده غير التجارب الي نسيتها!

أبتدي منين وأنتهي فين؟ انا نمت في شوارع أوتوا (مش مبالغه, كنت فعللآ بنام في الشارع) ودرست في تورونتو وأشتغلت كل حاجه من منظف لمدير.

لو أبتديت أكتب عن تجرباتي حاضطر اسيب شغلي ,اقعد طول اليوم أكتب والنهايه مش حتفيد حد. يبقي احسن لو أقول لأي حد عايز يهاجر أنه لو أجتهدوا حيحققو كتير من أحلامهم .

أنا أفضل أتكلم عن اللي أتعلمته من العيشه في كندا لعل ( wst:: ) حد يستفيد منها.

أنا قضيت أول كام سنه في كندا في دوامه. البلد مكنتش مبهره لاكن كان طريقه الناس والنظام مختلفه فمكنش عندي دماغ افكر في حاجه غير الشغل والدراسه والاندماج في الحياه الجديده.

بعد كام سنه كمان عدو وسؤال بدأ يطلع في دماغي, ليه كندا متقدمه عن مصر او ليه الغرب متقدم عن بلاد كتير في اسيا و أفريقيا؟ كان سؤال يحيرني ومكنتش لقيله جواب.

في نفس الوقت كنت معجب جدا بحقوق الناس في كندا و اهميه القانون لحماية الناس وتطبيق العدل بينهم. وكنت قرأت ودرست مواد قانونيه لدرجه أعجابي بيها. ومكنتش بسمح لأي شخص او حكومه أنهم يأخذوا حق من حقوقي حتي لو أضطريت ارو ح المحكمه علشان أخد حقي.

ولاكن للأسف و مع مر السنسن كتير من الحقوق والخدمات قلت! في ناس كتير أشتكوا لاكن معظم الناس مخدوش في بالهم.

وأتحيرت أكتر, ليه كندا متقدمه عن مصر؟ معظم الكنديين طلعو زي المصريين في السلبيه طيب ليه مصر مش متقدمه زي كندا. والجواب طبعآ كان معروف لناس كتيره وأنا قريته كتير لاكن مصدقتوش لغايه ما شفت التدهر اللي حصل في كندا في خلال ال 20 سنه الماضي (الماضي والا الماضيين :lol: )

الواضح ان مفيش فرق بين الكنديين والمصريين والصوماليين والهنود............... كلنا زي بعض كبني أدمين والفرق الاساسي(مش الوحيد) هوا الزمن.

ادي كندا كمان كام مئه سنه وحتبقي اوحش من مصر (حاليآ) بكتير. حتسقلوا ليه؟ الرد الواضح هو ان الكنديين بعملو الي احنا عملناه. كل واحد(معظمهم مش كلهم) بيفكر في نفسه و في اولاده مش في مستقبل الأجيال الجايه. كل واحد عايز ياخد و مش عايز يضحى . كلنا خايفين, خايفين من الفقر وخايفين من العجز وخايفين من المرض و خايفين من انتشار الجراءم وخايفين من الارهاب و...و...و....

طيب أيه فايده الكلام دا كله والقصه الطويله اللي ملهاش نهايه؟ بسيطه جدآ:

1- مندحكش علي نفسنا ونقول أن أحنا سايبين مصر علشان هيا باظت لأ......... ده هيا باظت لأننا سيبناها. اللي هاجر سابها واللي عايش فها برده سايبها تبوظ.

2-هاجرو وانتو فاهمين ان الكنديين مش احسن ولا أءدب ولا اذكي ولا الكلام الهبل ده كله. انتو كل الي بتعملوه انكم اخترتو عربيه جديده وسبتوا العربيه القديمي لحد تاني يصلحها او يبهدلها.

3-كل ما كندا تتملي بناس ميهمهمش اللا نفسهم كل ما البلد بتتخرب بسرعه اكتر.

4- حوشو فلوسكم, حوشو فلوسكم, حوشو فلوسكم. كل يوم بيعدي خدمات ومساعده الحكومه بتقل. المعاش بيقل والمساعده للناس اللي دخلهم محدود بتقل ومساعده البطاله بتقل و الخدمات الصحيه "المجانيه" بتقل (واالهي مافيش حاجه ببلاش اصلآ).

5-اتعلموا البيزنيس. فكروا كرجال/ستات اعمال ويبقع أحسن لو درستو بيزنيس في معهد ولا حاجه سريعه بس عتساعدكو كتير. ودي أهم نقطه وفكرو فيها كتير. انا مبقلش لازم تشتغلو لحسابكم (ولو أحسن) لاكن النظام في كندا بيتفهم اكتر لو فاهمين ال بيزنيس. ودي انا اعتبرها مفتاح النجاح المادي.

6-متنسوش مصر

وأسف جدآ جدآ لتضييع وقتكم و وقتي. الرد ده أخد أكتر من ساعتين.

تم تعديل 27 يناير 2008 بواسطة Automatic

[كمال عبده]

كلامك عسل يا احمد عبدة

يا سيدي الله يكرمك

احنا كلنا بالخليج وبناخد رواتب لو سمع عنها بعض الناس هيحسدنا عليها ولكن بنسيب دة كلة الي المجهول (كندا ) بحلم لحياة افضل لاولدنا وكمان لو التشويق راح من حياة الانسان حياتة ستكون رتيبة جدا فمرحبا بالمغامرة

برضه يا سيدي ربنا يكرمك ( ما شاء الله)

دكتور احمد عبدة التقديم للهجرة لا ينفع بدون خبرة

لا لا انا لسه مش دكتور انا في سنة 5 يعني في مقام ( باش تمرجي)

وحاول تسأل وتفيدنا في هذا الموضوع

فيه حاجة اسمها simplified application و في حاجة تانية اسمها skilled worker application

the simplified بتقدر بيها تحجز دور بس بتبعت الورق بتاعك بعدين يعني علي ما قدرت اجمع من مداخلات قبل كده زي الحلاق يأما تروح تحجز دور وتقعد تستني يأما تروح تحجز وتمشي لغاية ما شعرك يطول وبعدين ترجع يحلقلك (

استاذ ايهاب الي الامام يا رومل

استاذ وجدي انت فين اراضيك

[كمال عبده]

كلامك عسل يا احمد عبدة

يا سيدي الله يكرمك

احنا كلنا بالخليج وبناخد رواتب لو سمع عنها بعض الناس هيحسدنا عليها ولكن بنسيب دة كلة الي المجهول (كندا ) بحلم لحياة افضل لاولدنا وكمان لو التشويق راح من حياة الانسان حياتة ستكون رتيبة جدا فمرحبا بالمغامرة

برضه يا سيدي ربنا يكرمك ( ما شاء الله)

دكتور احمد عبدة التقديم للهجرة لا ينفع بدون خبرة

لا لا انا لسه مش دكتور انا في سنة 5 يعني في مقام ( باش تمرجي)

وحاول تسأل وتفيدنا في هذا الموضوع

فيه حاجة اسمها simplified application و في حاجة تانية اسمها skilled worker application

the simplified بتقدر بيها تحجز دور بس بتبعت الورق بتاعك بعدين يعني علي ما قدرت اجمع من مداخلات قبل كده زي الحلاق يأما تروح تحجز دور وتقعد تستني يأما تروح تحجز وتمشي لغاية ما شعرك يطول وبعدين ترجع يحلقلك ( simlified)

[احمد عبده]

انا اسف يا جماعة بابا عضو في المنتدي هنا برضه و كان عامل ان المنتدي يدخل من غير ما يسأل عن الاسم و الباسوورد فلما دخلت و حطيت رد كان باسمه مش باسمي انا ( صعب شوية شغل المنتديات ده )

المهم انا علي ما حد من اهل الخبرة بالهجرة يرد عليا في موضوع الsimplified ده فانا حابب اعمل حاجة زي استفتاء علي المنتدي

و ياريت الكل يشارك علشان نستفيد (عصف ذهني)

1- ايه السبب اللي خلاك تفكر في الهجرة اساسا ( جنسية_ فلوس _ علم _ مستوي معيشة _هروب من واقع في مصر _ اخري)

2- ايه اللي خلاك تستبعد الخليج

3- اشمعني كندا

4- ناوي ترجع مصر

5- امتي, وبتتخيل رجوعك ازاي

6- لو مش ناوي مش حاسس بالذنب

7- ايه هو الميزان اللي بيوزن الخسارة ( غربة _ فراق اهل واحبة _فراق وطن _ سعي وراء مجهول _ مخاطرة وخصوصا علي الاولاد_...._...)

قصاد المكاسب اللي هتكسبها

ولو حد عنده اسئلة زيادة يحطها لان التفكير الجماعي احسن كتير من التفكير الفردي

وانا نفسي هرد في الاخر علشان مآثرش علي حد ( لو قدرت اصبر يعني)

ووفقم الله الي الخير

تم تعديل 27 يناير 2008 بواسطة احمد عبده

[Automatic]

الحل الوحيد انك تكبر تعمل شغل خاص بك

مش الحل الوحيد لاكن أنا من رأيي ده أفضل

فى ده عنصرية يا جدعان انا سافرت امريكا قبل 11 سمبتمبر – عاوز قول ان 11 سمبتمبر اقسمت العالم

طب حتى لو بتترقى فى شغلك وتمام لو فى واحد معه شهادة برده من كندا او دول اوربيه حيفضلوا عنك – ما علينا

اطب انت طنشت كل ده وعيشت الاولا د – دول مشكلة انا لى صديق غنى من الاصل فى مصر هو مدير مبيعات راتبة فى مصر 25 الف شهرى و ايضا غنى بالوراثة كان كره مصر وعاش فى كندا اشتغل فى مجاله – كان بيشتكى من العنصرية فى شغلة

احنا بنتكلم عن كندا مش أمريكا. كندا فيها عنصريه لاكن انتا عاملها مشكله زياده عن اللزوم.

- المهم عنده ولدين – كان سكان فى عمارة بيها حمام سباحة و سونا وبيلاردو ده فى كندا يعنى شفة او بيسمية كندمونيم شقة غاليه – عيله عندهم 12- 13 سنه حجاجة زى كده – المهم كان بياكلوا اى اى اكل – ميهتموش حلال او حرام ( الذبح ) سالنا امهم ليه قلت العيال بيروح يزكروا مع اصحابهم فى بيطلبوا بيتزا فبياكلوا عند اصحابهم وهكذا الحياه انك عد كده تاكل اى لحمة سواء حلال او حرام وده البداية انك بتترك قيمك حتى لو انت مبتحبهاش او مش مقتنع بيها بتتركها غزبن عناك – طب انت بعد فترة عاوز ترجع مصر افرض ابنك قلك لا انا مش راجع تعمل ايه وبلغ البوليس او قال للمدره فى المدرسه بابا بيهددننى وعاوز يضربنى – افلام عربى بص يولك لو حصل كدة – طب حتعمل ايه فى مهرجان الشذوذ الا هناك – تبقى حتعمل ايه – لما تلقى ولد شاذ بيبوس صحابة او بيبوس صحابته امامك بنتك حتشرحلها ازى طب بنتك – شفت ولد هيبى و حد روج ولبس بنطلون جلد – وحلق لما تسالك ده ولد ولا بنت حتقول ايه – طب اما تشوف البنات فى 14 فى عز التلج راحين المدرسة مع الاولاد اصحابهم ولبسين جيبات اقل من الميكرو جيب حتعمل ايه – وتشوف البنات المحجبه رايحه المدرسة منعزلة او معها واحدة صحبتها

كله مظبوط. ومهما حاولت الولاد/بنات بيقضو وقت أكتر في المدرسه ومع صحابهم من الوقت اللي بيقضوه مع العاءله و ده بيأثر عليهم جامد.

تربيه الأطفال في كندا بطريقه مصره دي أستحاله.

انت عارفين انك لواحد بلغ عنك وما اكترهم فى كندا عن انك بتضرب ابنك اوابنتك الا حيحصل ظلم انا مش ححكى – بس كارثة

مظبوط وكويس لأنه بيمنع الناس الهبله من ضرب طفالهم بطريقه فظيعه

انت عاوز كندا ليه – فلوس مافيش –

في فلوس بالهبل بس لازم تفهم النظام .

انتا واضح أنك جديد ولسه في الدوامه :lol:

شوارع صدقنى فى شوارع فى مصر انطف بكتير من شوارع تورنتو الزبالة ايوا فى مناطق فى تورنتو زبالة انا بقول ومسؤول عن كلمة وفى مناطق اوعى امام محطة اليونين

و أوحش من كدا كمان

ما بالنسبة لموضع ان اللاندج عاوز مساعده ايوا عاوز مساعدة- وانت برضو فى ده بتكابر- ياجدعان انا اعرف ناس اقعدت فى فنادق 3 شهور والليلة ب 70 دولار وضرب انت كام – والتهاون فى الاول اكل منين وفين المنطقة الكويسه و سما الشوارع انتوا محتاجين عشان توفروا فلوسكم – احنا المصريين كساله – اما ايهاب بصراحة هو نشيط جدا جدا

انا عاوز اقول انت عشان تتدور على شقة وتفرشها وتقدم على الورق بتاعك لو لوحدك و الحظ معاك 3 شهور اما لو فى حد ساعدك 10 ايام بالكتيرو احسب فرق التكلفىه كتير قوى

كلامك مظبوط ميه في الميه لاكن في ناس معاها فلوس ومعندهمش مانع يدفعو في فنادق زي أيهاب مثلآ.

بس برده أحسن لو نلاقي حد يساعد من غير فلوس خالص.

انا فاهم ان صاحبك طالب يغطي مصاريفه بس لاكن في ناس كتير عندهم أستعداد يساعدو ببلاش خالص

انا يا استاذ وجدى مش كييف قهو للفجر بس انا بحب اخرج مع اسرتى الويك اند نشترى حاجة ونتمشى ونسهر نتعشى ونرجع اما المطاعم العربى الزبالة الى الى فى الجرائد العربى دول للصيع والسكرى و الهبل

انا المفروض انى بحترم عقلى واولاد وزوجتى- كندا حتى فى الويك اند بضلم من بعد 8 ما علينا

انا معاك في الموضوع ده. كندا بتقفل بدري حتي في الويك اند و لايمكن تقارنها أبدآ بمصر. بس أنتا عارف برده أن مافيش بلد في العالم فيها سهر و حياه زي مصر. أنا معرفش أحنا جبنا العاده دي منين بس أنا مشفتهاش في حته تانيه الي مصر

شد حيلك واتعلم اللعب. ياعني محدش بيعرف يلعب شطرنج لغايه ميتعلم الاول :lol:

تم تعديل 28 يناير 2008 بواسطة Automatic

[al tammimi]

انا اسف يا جماعة بابا عضو في المنتدي هنا برضه و كان عامل ان المنتدي يدخل من غير ما يسأل عن الاسم و الباسوورد فلما دخلت و حطيت رد كان باسمه مش باسمي انا ( صعب شوية شغل المنتديات ده )

المهم انا علي ما حد من اهل الخبرة بالهجرة يرد عليا في موضوع الsimplified ده فانا حابب اعمل حاجة زي استفتاء علي المنتدي

و ياريت الكل يشارك علشان نستفيد (عصف ذهني)

1- ايه السبب اللي خلاك تفكر في الهجرة اساسا ( جنسية_ فلوس _ علم _ مستوي معيشة _هروب من واقع في مصر _ اخري)

2- ايه اللي خلاك تستبعد الخليج

3- اشمعني كندا

4- ناوي ترجع مصر

5- امتي, وبتتخيل رجوعك ازاي

6- لو مش ناوي مش حاسس بالذنب

7- ايه هو الميزان اللي بيوزن الخسارة ( غربة _ فراق اهل واحبة _فراق وطن _ سعي وراء مجهول _ مخاطرة وخصوصا علي الاولاد_...._...)

قصاد المكاسب اللي هتكسبها

ولو حد عنده اسئلة زيادة يحطها لان التفكير الجماعي احسن كتير من التفكير الفردي

وانا نفسي هرد في الاخر علشان مآثرش علي حد ( لو قدرت اصبر يعني)

ووفقم الله الي الخير

[/quot

ألاخ أحمد ألمحترم

أن مجرد التفكير بالهجرة تدخلك في صراع داخلي يمتد الى مدة من الزمن وأنا عن تجربتي لكون أني عشت بالخليج جعلتني أفكر بجميع الامور التي ذكرتها ولكن التخطيط والتثقيف داخل العائلة والباقي عاى الله, وهنا كندا لو جعلت المقارنة بينها ودولنا لسوف ترى الفرق يمتد الى أكثر من 15 سنة وحتى دول الخليج التي عشنا بها لانك لو تعيش هناك40 سنة سوف تبقى وافد وكل مدة يجب عليك أن تجدد أقامتك وتبحث لك عن كفيل وأنا اعطيهم الحق لان هذه قوانينهم ويجب أحترامها ولكن الدخول الى المجتمع الكندي ومن عدة زوايا ولاينبغي الانصهار بحيث تنسى كل شى ولاتبتعد بحيث تعيش الغربة فيجب الموازنة وبذلك تكون بالجانب الامين, أختياري لكندا كان الهدف الاساسي هو دراسة الاولاد وأكتساب الشهادات واللغات وكذ1لك الجنسية والعيش في مجتمع أمن ومتطور وهنا لايتخلو أي مجتمعات ماهوعكس ماذكرت فأنا مقيم في 3 بلدان في الخليج والصين وكندا وفي كل بلدان العالم يوجد الصالح والطالح وكذلك الايجابي والسلبي .. وكندا لاتخلو من منغصات ولكن الذي يهتم بعمله وعائلته وتطوير نفسه دائما يكون بمأمن...أما بالنسبة لرجوعك ومن خلال قصص الاخوان الموجدين هنا في كندا من الصعوبة بمكان معرفة مايدور في دواخل الانسان ولكن ترى الملتصق بأهله وبأصله تراه يتزاور ويتواصل حتى اخر يوم في حياته أما قاطع الرحم تراه من اول يوم دخوله لبلد الاغتراب ينسى كل شى فضلا عن جذوره

يأاخ أحمد هذا رأي ببساطة مع العلم رأيت قصص نجاح لايتخيلها العقل ورأيت بعض الكسالى لاأقول الفاشلين يعشون على المساعدات بحجة صعوبة الحصول على العمل

التميمي

[daliaothman]

:lol:

اهلا بيك يااستاذ تميمى

مدام حضرتك عايش فى كندا وشفت غيرها وشفت قصص نجاح وكسل كتير طيب متحكيلنا عن القصص دى ودى اكيد هنستفيد منها او نعرف حتى دول نجحوا ازاى لعل وعسى تفيدنا لما نروح ان شاء الله هناك

[mohsensamak]

استاذ Automatic

انا مع حضرتك جدا ان التعود بيخلى كل حاجة عادية بس الى مش متعود عليها بيشوفها مميزات بالذات لو حضرتك عايش فى مصر لان الزيارة غير الاستقرار صدقنى انت لو حبيت تستقر فى مصر دلوقتى مش هتقدر تعيش فيها غير اكتر من شهر بس مش تقضيهم فسح و تقول انها جميلة لاءة تعيش تنزل و تشتغل و تروح المصالح الحكومية تخلص ورقك وتدخل المكتبات الى حضرتك شايف انه عادية فى كندا متهيالى هنا ممكن متلاقيش فيها كتب اصلا و تمشى فى الشورارع الى كل متبص فى وش اى واحد تلاقيه شايل الهم ولا الشورارع وجماله صدقنى كل الى عايشيين فى مصر دلوقتى اول ماهيروحوا كندا هينبهروا بالحاجات الى حضرتك شايفها عادية وكمان اقل من عادية

كلامك مظبوط ويطبق علي الحياه في كندا كمان. ياعني بعد كم سنه في كندا كل اللي حتشوفيه حيبقي زحمه الموصلات وصعوبه التعامل مع الحكومه وغلي الاسعار , والقوانين اللي بتاخد حقنا وفساد البوليس وقله ادب الناس..............

مهما يكون مش حيكون زى مصر واسئلك لو حضرتك مش عجباك كنا لية مازلت يها ولم ترجع مصر او الخليج

اللى ايدة فى النار غير اللى ايدة فى الجنة

فين قلت ان كندا مش عجباني؟ و مين قاللك اني مش راجع مصر انشاء الله؟

المهم هنا الاتي:

لو سألتني عن الهجره لكندا اقلك فكر وابحث في الموضوي كويس و هاجر وانتا فاهم بالظبط مهاجر ليه. ومعظم الناس اقلهم هاجرو انهارده قبل بكره.

لكن لو قلتلي انك عايز تهاجر علشان تعيش مع ناس زوق ومنظمين ومؤدبين وتعيش في بلد جميله, هقللك فوق من الوهم دا وخليك قاعد مطرحك.

لو انتا تافه لدرجه انك تتسبط لما حد يقلك "يا استاذ" يبقي خليك في مصر.

لو انتا غبي لدرجه انك مش قادر تفرق بين المجامله والأحترام يبقي خليك في مصر.

لو انتا عايز تحسن حالتك العلميه او الماديه, او لو عايز تتعلم من العيشه في مجتمع و حضاره مختلفه (مش احسن لاكن مختلفه) اقلك حضر شنطتك وأطلع علل المطار دلوقتي لأنك اكيد حتتمتع بالحياه في كندا

Mr automatic..the Canadian people are very polite ,,respectable..this is from my experince with them..not cause of that is there habits..only cause of the law....the police is very decent ..but as you know they are ignorant people and afraid).........(..and they excuse eathothers...but for sure better than the police in egypt one thousand time..sorry one million time..have a good raining day in Vancouver...

I didn't say Canadians are not polite I said after a while all you notice is the impoliteness, there's a difference. Canadians are as polite as the rest of human beings not because of laws but because it's human nature.

My point was that after living in Canada for a while what seemed surprising at first becomes normal and anything outside of that norm is what attracts your attention.

The same thing applies to Egypt and any other country on the face of this earth. Yes some places provide better living standards but not because the people are nicer or more polite but because of economics.

The same applies to police corruption. Egyptian police is definitely more corrupt than Canadian police but when you live in Canada for a while and consider it your home you don't not compare it with worse places, NO...you always want better for yourself and so you demand better of your police forces.

Ehab insulted himself by writing so fondly of how nice Canadians are. It was like he had never met anyone who was polite and respectful. For a grown man to to mistake culture difference with respect and politness is pathetic. It also meant that he viewed Egyptians are impolite and disrespectful which is far form true.

Mohssen Samak...Ismaelia..Qatar...

السلام عليكم جميعا

أسمحوا لى انا بس وصلنى ميل على الخاص من أحد أصدقائى بيسألنى إذا كنت أنا أراد أو لأ و الرد طبعا هو لأ

أنا محسنسمك و أسمى كده فى المحاورات و عمرى ما رديت على موضوعات كندا لأنى مش مهاجر هناك انا عايش فى أمريكا و أعتقد ان بعض الأخوة و الأخوات يعرفو كده

سيد أراد من فضلك لا تستعمل أسمى مرة أخرى كتوقيع

و السلام للجميع

محسن سمك

[mohsensamak]

السلام عليكم و رحمة الله

أعزائى

أنا مافيش عندى أى مداخلة إلا انه و صلنى رسالة من صديقى إيهاب بيستفسر فيها إذا كنت أعرف أراد أو لأ أو إذا كنت أنا هوه.

و بالبحث وجدت إن أراد هذا قد وقع أحد ردوده بإسمى و لذلك وجب على التوضيح

أنا إسمى محسن سمك و بأستعمل نفس الأسم للدخول على المحاورات و ليس لى عنوان آخر و كذلك انا مش من مجموعة كندا لأنى عايش فى أمريكا و مؤقتا فى قطر و اللى يعرفنى فى المحاورات عارف كده كويس

السيد أراد لا تستعمل أسمى مرة أخرى من فضلك

تحياتى لكم جميعا و بالتوفيق و أخص بالذكر إيهاب سالم صديقى

اشكركممحسن سمك

[دعاء]

:lol:

مساء الفل على الجميع

الحقيقة انا حبيت اعمل مداخلة تعقيبا على مشاركة استاذ اتوماتيك بعد ما وجدت ان مشاركاته مؤخرا تتسم بالتحليل والموضوعية الى حد ما فى عرض الموضوع وهذا هو المطلوب لتعم الفائدة وليست الفائدة فى الترهيب من كندا وحصر للعيوب فقط ولكن الهدف من هذا الموقع هو الوقوف على المميزات والعيوب وما بينهما بهدوء وموضوعية بعيدا عن التعصب والتشنج الذين لا طائل لهما

وترك كل شخص يقرا الموضوع يحلل المسالة حسب ما يتراءى له وقدراته الشخصية على المواجهة والتكيف

:)

[احمد عبده]

استاذ تميمي شكرا لردك . ومستيين الردود من باقي الاعضاء

انا هاقول حاجة من الحاجات اللي بتخليني عايز اهاجر

هو سبب من ضمن اسباب كتير

انا هاحكي عن مصر و ياريت يا استاذ اتوماتك تعمل مقارنة بين مصر و كندا

انا لسة مخلص روند (فترة تدريبية في المستشفي) اطفال في مستشفي الشاطبي ( الصورة بتاعتي دي وانا هناك مع ولد اسمه محمد)

الروند كان مدته 10 اسابيع اغني عشر اسابيع في حياتي

اتعلمت فيهم كتير جدا وشفت حاجات مكنتش اتخيل انها موجودة

كل دور في المستشفي فيه قسمين من اقسام الاطفال ( عصبية , قلب , دم, تغذية , صدر,....) وقسم بتاع سرطان

يعني تقريبا تلت الاطفال اللي في المستشفي عندهم سرطان

مبيدات مسرطنة مستوردة من اسرائيل خلت مصر من اعلي الدول في الاصابة بسرطان الاطفال في العالم

ومتحكمش المسئول عن كده

كمان الاطفال دول مابتعالجوش صح

كمثال نسفة الشفاء التام في سرطان دم الاطفال 90-95% في اوروبا( تحديدا فرنسا)

نسبة الشفاء في الشاطبي 30%

واما اقول 30 % فالباقي بيموت

مجرم جاب للاطفال سرطان ومجرم تاني ماوفرش فلوس لعلاجهم

السرطان ده غير انه بيموت لكن كمان من اكتر الامراض اللي بتؤلم لدرجة ان ساعات مخدرات بتستخدم كمسكنات للالم

مئات القصص شوفتها في العنبر ده

نغم بنت جميلة جدا شعرها وقع من العلاج الكيماوي

و تقدر تتخيل العنبر وتسرح بخيالك تخيل اطفال و طفلات صلع

تخيل طفل بيتألم علشان وزير كان عايز فلوس فدخل مبيدات مسرطنة

تخيل احساس طفل اللي كان بينام جنبه مات وتخيل احساس اهل اللي مات واهل اللي لسه

وتخيل احاس الدكتور اللي واقف يتابع المهزلة دي

والله العظيم احسن اطباء في العالم الاطباء المصريين ومش ذنبهم خالص لكن نقص الموارد .

السبب الاول لوفاة الاطفال في العالم المتقدم هو العيوب الخلقية

السبب الاول لوفاة الاطفال في مصر العدوي و التاني الاسهال

سببين هايفيين يشخصهم ممرضة وعلاجهم الاول مضاد حيوي والتاني محلول

بس والله الناس معهاش فلوس

بنضطر نمارس طب من نوع تاني علشان حاسيين ان الناس معهاش فلوس

كنت بخيط رجل ست كبيرة اتعورت و المفروض امتبلها مضاد حيوي غالي شوية (40-70جنية) علما بان ممكن يكونوا 4 عايشين ب (10-15جنيه في اليوم) خفت اكتبه وما تشتريهوش كتبت نوع تاني وحش بس ب14 جنبه قالتلي مفيش ارخص ....

تخيل لما يبقي اغلب العيانين كده

تخيل حسب تقرير الامم المتحده 40% من الشعب المصري تحت خط الفقر يعني بيكسبوا اقل من دولار في اليوم

وتخيل لما ميزانية وزارة الصحة 2.2 مليار وميزانية وزارة الداخلية 9.7 مليار

انا هنا كنت بتكلم عن جانب واحد من الوضع في مصر لسة مغطتش 1% منه ( التهاب كبدي وبائي عند 30% وبلهارسيا عند 50% و .....)

ولسه في جوانب تانية كتير

نتكلم عنها بعدين

[al tammimi]

ألاخوة الاعزاء

أحدى قصص النجاح وفي وقت قصير.....

في سنة 2002 عندما كنا في احد دول الخليج أنا وصديقي طبيب الاسنان صاحب القصة حيث أعمل أنا في حقل التجارة وهو يعمل كأستاذ بالجامعة براتب شهري

قدره أي مايعادل 2500 دولار لم أكن قد فكرت بالهجرة والاغتراب ولكن صديقي العزيز طبيب الاسنان كان قد رتب اموره وحزم امره الى الهجرة حيث كان دائم الكلام عن مدى امكانية عمل قفزة في حياته ومرة يقول انه يستطيع عمل ماهو اكثر من العيش بهذه الصورة لان هو لديه متطلبات كثيرة ومرة يقول انه لديه 4 أولاد وهو لايسمح أن يدعهم أن يعيشو حياة ابيهم بل يريدهم أحسن من كل هذا مع العلم هو كان مرتاح من حيث السكن والعمل...على كل حال سافر صديقي الى كندا وبقينا على اتصال بين الحين والاخر وبدأ هو قصة التحدي التي بدأها حيث أن عمره أقترب من الخمسين ولكن أصراره كان الدافع الاكبر وبدا من جديد رحلة معادلة الشهادات والدراسة والعمل في أحدى شركات تأجير السيارت فتارة مهام تنظيف وتارة امور كتابية ولآ أطيل أستمر تحديه مايقارب 3 سنوات وبعدها قطف ثمار تعبه حيث حصل على ما عمل من أجله وقد ابتدأ عمله بفتح عيادة تسمى(walk in) وهذا النوع من العيادات هو تستطيع المجىء الى العيادة بدون موعد وقد بدأ عمله الجاد والمستمر في عيادته وبتفاني وبأيراد بسيط في الاشهر الاولى ولكن ما انقلبت الامور بحيث لايستطيع أن ينجز طلبات مرضاه وحده حيث بدأ بتطوير عمله بأضافة كادر جديد الى عيادته

والملخص الا ن الدخل الصافي الشهري مايقارب50000 دولار وقد أشترى بيت ممتاز وكل وسائل الراحة الضرورية والحمد الله أولاده يواصلون تعليمهم العالي والثانوي وحقيقة الامر وحسب كلامه أنه مرتاح جداجدا وهو كذلك مع تطور عمله بدأ مشغول بمؤتمرات ومشاركات خارجية ,اخر كلامه أنه لوبقي في بلد العراق أو في الخليج سوف لن يرى ولو ربع ماحصل أوسيحصل

هذه بأختصار قصة نجاح وفي المستقبل سوف أسرد قصة فشل ولكن أحضر نفسي للسفر سوف أكتب بأذن الله عندما أكون متفرغ

[Automatic]

انا هاقول حاجة من الحاجات اللي بتخليني عايز اهاجر

هو سبب من ضمن اسباب كتير

انا هاحكي عن مصر و ياريت يا استاذ اتوماتك تعمل مقارنة بين مصر و كندا

أنا عارف الفرق بين مصر و كندا وقلته كذا مره. الفرق هوا الأقتصاد و السياسه و ليس الناس.

( الصورة بتاعتي دي وانا هناك مع ولد اسمه محمد)

الروند كان مدته 10 اسابيع اغني عشر اسابيع في حياتي

الواد ده شربات :lol: انا شفت الصوره أمبارح و كنت فاكره أبنك.

هوا قاعد في المستشفي ليه؟

مبيدات مسرطنة مستوردة من اسرائيل خلت مصر من اعلي الدول في الاصابة بسرطان الاطفال في العالم

ممكن توضح أكتر! دخل أسراءيل أيه بالظبط؟

تخيل لما يبقي اغلب العيانين كده

تخيل حسب تقرير الامم المتحده 40% من الشعب المصري تحت خط الفقر يعني بيكسبوا اقل من دولار في اليوم

وتخيل لما ميزانية وزارة الصحة 2.2 مليار وميزانية وزارة الداخلية 9.7 مليار

انا هنا كنت بتكلم عن جانب واحد من الوضع في مصر لسة مغطتش 1% منه ( التهاب كبدي وبائي عند 30% وبلهارسيا عند 50% و .....)

ولسه في جوانب تانية كتير

نتكلم عنها بعدين

يا دكتور أحمد أنا مش عارف أقلك أيه. مش من حقي أقلك أقعد في مصر البلد محتاجه رجاله زيك وأنا قاعد في كندا. ومهما قلت الي عايز يهاجر حيهاجر.

ومن حقك تحاول تحسين أحوالك وبرده أنا مقتنع أن الهجره بتفيد أكتر من ماديآ.

[Automatic]

والملخص الا ن الدخل الصافي الشهري مايقارب50000 دولار وقد أشترى بيت ممتاز وكل وسائل الراحة الضرورية والحمد الله أولاده يواصلون تعليمهم العالي والثانوي وحقيقة الامر وحسب كلامه أنه مرتاح جداجدا وهو كذلك مع تطور عمله بدأ مشغول بمؤتمرات ومشاركات خارجية ,اخر كلامه أنه لوبقي في بلد العراق أو في الخليج سوف لن يرى ولو ربع ماحصل أوسيحصل

هذه بأختصار قصة نجاح وفي المستقبل سوف أسرد قصة فشل ولكن أحضر نفسي للسفر سوف أكتب بأذن الله عندما أكون متفرغ

قصه ممتاذه وبشوفها كتير . بس في نقطتين :

1- أحسن حاجه عملها أنه فتح Walk in Clinic ياعنع بقي راجل أعمال كمان مش بس دكتور.

2- الرقم ال 50000 "صافي" ده غلط. ده حيكون Gross Revenues ومع ذلك دخله حيبقي ممتاز جدآ. دخله تقريبآ كدكتور وصاحب الكلينيك يبقي يقرب 200000 في السنه قبل الضراءب. وده لو فاتح عياده واحده وفيها دكتورين أتنين بس. كل مزاد عدد الدكاتره وعدد العدايات كل ما دخله علي.

تم تعديل 28 يناير 2008 بواسطة Automatic

[Queen]

شفت بقى يا استاذ اتوماتيك انا ملاحظاتي دقيقة ازاي ، انا نجحت في اني اخيلك تقعد ساعتين تكتب، و لما سمعت كلامي و اتكلمت طلع كلامك حلو ازاي.

فعلا احنا تفاصيل ال 22 سنة اللي انت عشتهم مش حيفيدوا حد و فعلا انك تتكلم عن اللي استفدته من كندا او نصايح للي عايز ينجح في كندا ده حيكون افيد بكتير.

ننتظر منك في الويك اند تقولنا النماذج اللي نجحت في كندا عملت ايه و لو تعرف حد عمل بيزنس خاص نجح هو كان ايه البيزنس ده، بس اوعى تسيب الشغل و تقعد تكتب بس. خلي الكتابة في الويك اند.

الى جميع السيدات في المنتدى لازم نشوف احنا كمان حنعمل ايه في كندا ولا حنسيب الرجاله يشتغلوا و احنا حنقعد نتفرج. احنا حيكون علينا العناية بالاولاد و تجهيز البيت و مساعدة الاسرة على التأقلم مع الحياة الجديدة ، بس لازم نشتغل حاجة لحد ما ندرس اللى عايزين نتخصص فيه. زي ما الاستاذ ايهاب جزاه الله كل خير كان بيقول تنميه اللغة الانجلزية شئ حتمي للحصول على وظيفة.

انا سمعت ان معظم السيدات المهاجرات بيفكروا في العمل كمعلمات عشان هي تعتبر شغل حكومي له مميزات كثيرة و ايضا الوظيفة الوحيدة اللي ليها شهرين اجازة في السنة. تفتكروا في وظايف ايه كمان تناسبنا قبل معادلة الشهادة و الدراسة؟.

عايزين نتكلم شوية عن الامور الامهاتي كمان ، عايزين نشوف حنجيب هدوم معنا كتير و لا نشتري من كندا، كمحجبات حنلاقي لبس يناسبنا و الا لأ. و حاجات من هذا القبيل.

مش معقول الكلام كله للرجاله كده و احنا نقولهم برافو ، يا نساء كل ما تريد ان تعرفه عن كندا اتحدن.

[الزهرة البرية]

تحية طيبة الى كل اعضاء المنتدى وهذه اول مشاركة لى فى هذا المنتدى الرائع ومنذ فترة شاهدت منتداكم وسعدت بما فيه من معلومات ممتازة ومفيدة وكم اتمنى ان تقبلونى عضوة معكم :lol: