كل ما تريد معرفته عن (كندا)

[Muhammad Zidan]

إلى مزاميز

أولاً مفيش تطفل ولا حاجة لأن المنتدى ده رائع وحاسس إن كل اللي موجودين فيه فئات راقية ومثقفة ومفيش أي تجاوزات

أشكرك جداً على التوضيح وأفهم من كده إني أتقدم أنا بنفسي ولا يوجد أي اختلاف بيني وبين محامي الهجرة في الوقت

على فكرة أحد محامي الهجرة في مصر قاللي إن الوقت اللي أنا هاستغرقه لو تقدمت بنفسي يوصل لحوال 10 سنين ومتهيألي الكلام ده مش صحيح

عموماً باقي بعض المعلومات البسيطة عن موضوع النقاب لأن زوجتي ها تنتقب قريب جداً

[الزهرة البرية]

العزيزة الزهرة البرية

أولاً مفيش تطفل ولا حاجة لأن المنتدى ده رائع وحاسس إن كل اللي موجودين فيه فئات راقية ومثقفة ومفيش أي تجاوزات

أشكرك جداً على التوضيح وأفهم من كده إني أتقدم أنا بنفسي ولا يوجد أي اختلاف بيني وبين محامي الهجرة في الوقت

على فكرة أحد محامي الهجرة في مصر قاللي إن الوقت اللي أنا هاستغرقه لو تقدمت بنفسي يوصل لحوال 10 سنين ومتهيألي الكلام ده مش صحيح

عموماً باقي بعض المعلومات البسيطة عن موضوع النقاب لأن زوجتي ها تنتقب قريب جداً

الاخ محمد زيدان ربنا يوفق زوجتك وان شاء الله جزاءها عند الله كبير وربنا يوفقنا جميعا لما يحبه ويرضاه ونكون جميعا على طاعه وحب لله بالنسبة للتعقيب السابق فليس انا التى عقبت ولكن من خلال معلوماتي البسيطة اذا تقدمت بنفسك بدون محامي الموضوع سوف يستغرق من 42 - 48 شهر ولكن مع المحامي ممكن تكون الفترة اقل ولكن الله واعلم وخصوصا من مصر الامور بتأخذ وقت اكثر تحياتي وتمنياتي بالتوفيق

[yasmin]

السلام عليكم و رحمه الله و بركاته

الاستاذ/ محمد زيدان

أتفق تماما مع رأى الأخ مزاميزو فى موضوع المحامى هو بيريح دماغك فقط لكن لو الانجليزى بتاعك كويس و عندك نفس طويل فى عمل الاوراق وفهم مراسلاتهم لما تيجى خلاص توكل على الله من غير محامى والمحامى اللى قاللك انها بتاخد 10 سنين من غيره ده كلام فارغ طبعا هى بتاخد من 24 شهر الى 30 شهر تقريبا وممكن تمتد 6 شهور كمان حسب حالتك وربنا يسهل للجميع

بالنسبة لموضوع النقاب اعتقد انه حيصعب عليكم شويه الحياه فى كندا ده احنا محجبات و قلقانين جدا وانت عارف النقاب حتى فى مصر ما تقدرش تدخل الجامعة بيه مثلا و عموما ده طبعا قرار شخصى و ربنا يوفقكم لما فيه الخير

[مصرية والنعم]

إلى الأخت ياسمين

والله أنا وزوجتي مهتمين جداً بموضوع الهجرة لكندا وبدأنا باستخراج جوازات السفر وإن شاء الله نتقدم قريباً للسفارة بس احنا محتارين بسبب زيارتنا قبل كده لمحامي هجرة في مصر وخوفنا جداً من التقدم للسفارة بنفسنا لأننا مقيمين في مصر وإذا حصل وعملنا كده ها نفقد ميزة سرعة الوقت المستغرق في حالة تقديم الطلب عن طريقه والحقيقة مش عارفين نعمل إيه

على فكرة عاجبنا جداً موضوعات الحجاب لأن زوجتي ملتزمة جداً وفي طريقها لارتداء النقاب الكامل وبرضه عاوزين نعرف هل في أي مشاكل من ارتداء النقاب في كندا أم لا كمان إحنا الاتنين مهندسين زراعيين وعاوزين نشتغل هناك لأنها مش بتشتغل هنا في مصر لأسباب كتيرة لكن لو ربنا وفقنا وسافرنا كندا أنا ناوي أسيبها تشتغل بس مع ارتداء النقاب لو عندك إفادة عن استفساراتي اللي فاتت ياريت ما تبخليش علينا بيها

وأشكرك جداً ويمكن نبقى أسرة صديقة لأسرتك هناك وربنا يوفقك

Muhammad Zidan

الاخ محمد

اسمحلى ارد عليك من واقع خبرتى المتواضعة

بالنسبة لموضوع الحجاب مافيش اى مشكلة هناك.....

انا زرت كندا 4 مرات وجلست فيها كتير على فكرة انا محجبة وعندى صديقاتى كانوا بيدرسوا فى الجامعة وبيحضروا الدكتوراة وبردةمحجبات يعنى

مفيش اى مشكلة بالنسبة للحجاب حتلاقى بنات كير مسلمات من جنسيات عربية وباكستانية محجبات دة اللى شوفتة بعينى ومافيش اى

مشكلة.....حتلاقى فى سيدات لابسين العباية السوداء بردة من غير مشاكل

للحق مرة كنت فى مول كبير شوفت اخ خليجى ومعاة زوجتة وكانت لبسة عباية ملونة وكمان مدارية انفها والجزء الاسفل من الوجة ب طرحة صغيرة

بس الناس كانت بتبص عليها ومستغربة

بالسبة للنقاب اعتقد غير مسموح فية

[مصرية والنعم]

السلام عليكم و رحمه الله و بركاتة

الاخوة الاعزاء

انا سالت المحامى عن موعد تقديم جوزات السفر للحصول على الفيزا كان الرد انها بتاخد من 3 شهور الى 6 شهور لانهم خلال الفترة دة

بيستنوا رد الانتربول الدولى على الصحيفة الجنائية للمتقدمين

حبيت بس اطمن اخواتى واخوانى اللى مستنين الرد بعد ما ارسلوا الميديكل و fees landing

دمتم فى حفظ الرحمن

تم تعديل 30 يناير 2008 بواسطة مصرية والنعم

[bosssh]

تحياتى الى جميع اعضاء المنتدى واشكر الاخت الفاضلة دعاء والاخت الفاضله داليا على ترحيبهما بي وبالنسبة فنحن فى المراحل الاولى للهجرة واتمنى ان يوفقنا الله جميعا لما فيه الخير فنحن نقيم فى السعودية ولم يخطر الهجرة ببالنا الا من سنة تقريبا وبدأنا بالخطوات الاولى واعتمدنا على انفسنا فى التقديم ووصل الينا الFile No من 6 شهور ومنتظرين الخطوة التالية وطبعا استفدت كثيرا جدا من المعلومات التى توجد فى صفحات المنتدى ولكن دائما القلق يسيطر على تفكير الانسان ودائما يخطر سؤال لي هل الهجرة صح ام خطأ وبالفعل وجدت اسئلة وإجابات كثيرة لهذا الموضوع في صفحات المنتدى وفى نفس الوقت وجدت انه ليس امامنا سوى الهجرة الى مكان يحترم أدمية الانسان ويجد فيه ابسط متطلباته وهذه المتطلبات ليست الثروة وانما الاحترام والحرية وان نجد حقوقنا وبالنسبة للذين تكلموا عن العنصرية التى توجد فى كندا فهذه العنصرية موجودة فى كل الدول الاسلامية والعربية وبالنسبة الى وطننا الغالي مصر واهل مصر فلن نجد اطيب منهم ومصر ام الدنيا ووجودنا فى بلدنا لن يقدم او يؤخر شيئا وفي ظل الظروف السيئة التى يمر بها ووطنا الغالي لابد ان نفكر فى مستقبل اولادنا وتعليمهم وصحتهم وان نحافظ عليهم حتى يفيدوا بلدهم فى المستقبل ولكن وجودنا لن يحدث نهضه ولا تقدم بل مزيد من المرضى والعاطلين والغير متعلمين والناقمين على ظروف حياتهم وبلدهم فالسفر الى كندا هو بحث عن العلم والصحة وظروف حياتيه افضل وليس معنى كلامى ان كندا جنة ولكن كل حاجة فى الدنيا لها مميزاتها وعيوبها انى اعلم ان التحديات فى كندا كثيرة وعلينا الحفاظ على ديننا واولادنا و انفسنا وعاداتنا وتقاليدنا وترسيخها فى اذهان ابنائنا وايضا توجد تحديات فى بلادنا واخلاقيات غير صحيحة تم نقلها من الدول الغربية الى بلادنا اعتقد انه من المهم ان الاسرة تتمسك بدينها واخلاقياتها اينما كانت وطبعا التوفيق من الله سبحانه وتعالى فالمقدر حدوثه للانسان سوف يحدث سواء كان فى كندا او فى السعوديه او فى مصر ولكن احب اسأل هل للمرأه دور فى العمل فى كندا ماذا تعمل حتى تكمل دراستها اوتعادل شهادتها وهل يوجد عمل مناسب لنا كي نساعد ازواجنا فى الفترة الاولى حتى تتمكن الاسرة من الاعتماد على نفسها وهل إنشغال المرأه سوف يؤثر على الاولاد من ناحية الاهتمام بهم ودراستهم وخصوصا الفترة الاولى ستكون صعبة جدا عليهم المجتمع الجديد والاخلاقيات والعادات والتقاليد المختلفة سوف تؤثر عليهم واكيد هم فى حاجة شديدة الينا كأمهات أم الافضل ان تبقى الام مع ابنائها وتكتفى بتنمية للغة حتى تستطيع الاندماج والتعامل مع المجتمع الجديد والتعرف عليه حتى تساعد اولادها على التعرف والتعامل وتكتفى الاسرة بالدخل القليل اشكركم جميعا على المجهود المبذول واشكر الاستاذ ايهاب على المعلومات القيمة والصور الرائعة التى اعطتنا صورة واضحة عن كندا وكيفية احترام الحكومة للمسلمين عندما سمحت لهم بإقامة صلاة العيد فى الاستاد كم سعدت بهذا المشهد الذي لا يوجد فى اماكن اخرى كثيرة وربنا يوفق الجميع clp::

السلام عليكم

ارحب فيكي في المنتدى(انا عتبان على الاعضاء محدش رحب في :wub: )

واشكرك على الكلام الجميل دة الي بتكلم بلسان حالنا وصراحة الكل مر في الحيرة دي وانا مقيم في دبي

و قدمت طلب لوحدي عن طريق مكتب لندن بدون محامي والله يجيب الي في الخير

[ahmed_saleh]

تحياتى الى جميع اعضاء المنتدى واشكر الاخت الفاضلة دعاء والاخت الفاضله داليا على ترحيبهما بي

السلام عليكم

ارحب فيكي في المنتدى(انا عتبان على الاعضاء محدش رحب في :wub: )

واشكرك على الكلام الجميل دة الي بتكلم بلسان حالنا وصراحة الكل مر في الحيرة دي وانا مقيم في دبي

و قدمت طلب لوحدي عن طريق مكتب لندن بدون محامي والله يجيب الي في الخير

اهلاً و سهلاً بالاخ bosssssh

نرحب بك بمنتدنا العظيم و ما فيش عتب و لا زعل ان شاء الله

اهلاً و سهلاً بالاخت الزهرة البرية

نرحب بك بمنتدنا العظيم

و لو اني بدأت اخاف من تحول المنتدى الى منتدى نسائي و بدأتم تتكلموا بالحجاب clp:: و غيره انتوا فين يا رجاله المنتدى

فين يا عم ايهاب و الاستاذ وجدي و موزهيري و غيرهم حد يرد علي mf-:

[Queen]

سيدات المنتدى الكرام،

انا مبسوطة ان انتن متحمسات للحديث عن الامور التي تهمنا نحن نون النسوة.

شكرا على الويب سايت بتاع المحجبات يا ياسمين.

و شكرا ليك يا دعاء و يا داليا

دلوقتي حقولكن على نصيحتين كنت قرأتها على ويب سيت بيكلم عن ازاي الواحد يقدر يتأقلم مع الحياة في كندا و ازاي يحاول العثور على عمل.

النصيحة الاولى: كانت ان الواحد يتعرف بأكبر عدد من الناس ليس شرطا من جنسيته و لكن من كافة الجنسيات. بيسموا ده الNetworking يعني كل ما يتعرف على ناس اكتر ممكن يعرفوه على employer و يزكوه و ده بيسهل كتير في الحصول على عمل.

النصيحة التانية :هي التطوع Voluntary jobs فيه فرص كتير للتطوع في مجالات مختلفة فيمكن للواحدة انها تطوع في المجال اللي تختاره من هنا تقدر تكتسب خبرة كندية و تتأقلم مع الحياة و تكون صداقات.

بالنسبة للعمل انا افكر في السكرتارية كخطوة مبدأيه، ووجدت ان هذه الوظيفة تحتاج الى اتقان اللغة جيدا ، استخدام الكمبيوتر و ايضا سرعة الكتابة يعني ما بين 40 الى 60 كلمة في الدقيقة. انا جبت سوفت وير للكتابة و بددرب عليه بس مش سهل الحقيقة.

هل في حد عنده افكار تانية لعملنا كسيدات؟

[Queen]

السلام عليكم و رحمة الله،

اما بالنسبة للاستاذ اوتوماتيك ان مبسوطة انه بدأ يوضح وجهة نظره بس مش موافقة معاه في كل اللى قاله، ازاي حضرتك متحير من ان كندا و الكنديين متطورة عن مصر و المصريين:

1

- اهتمام كندا بالتعليم بكافة مراحلة و جعله مجاني حتى الHigh school و بمصاريف زهيده للجامعة و الماجستير و الدكتوراه ايمانا منها ان التعليم هو ما يصنع كل الفرق في شخصية الانسان سلوكه ومهاراته و انتاجه. المدرس لا يستطيع مزاولة المهنة دون الدراسة مدة سنتين و سنة عملي، اما في بلدنا اي حد معدي بيشتغل المهنة دية حتى في المدارس الانترناشيونال اللى بتاخد فلوس كتير .

2- شخصيتنا كمصريين او كعرب بوجه عام بنحب نبدأ From scratch يعني نهد اللى بناه اللي قبلنا و نبدأ من جديد، على كل المستويات، الدكتور يقول مين الدكتور الغبي اللى عملك العملية دي و لا ادالك الدوا ده، الميكانيكي يقولك مين ابن الحلال اللي صلحلك السيارة بالطريقة دي، المبيض يقوللك مين اللي تتقطع ايده اللي بيضلك الشقة كدا .عمرك ما تلاقي مدير يبني على اللى قابله كله بيهد الاول و بيبني من جديد علشان كده مفيش خطوة للأمام.

في كندا الناس عندها نظام لكل حاجة، نظام للمواصلات، نظام لاستعارة الكتب ، نظام للرخصة، نظام للعلاج، نظام لمزاولة مهنة معينة، نظام للشرطة، نظام للجامعة، كل حاجة تلاقي ليها نظام علشان كده مفيش حد بيبدأ من الاول كله بيكمل على اللي قابله من خلال النظام فطبيعي النظام بيتطور .

3- حضرتك بتقول ان لو لك حق حتاخده طب ده فين عندنا بقى. احنا اصلا ملناش حق لا في مصر و لا في الخليج علشان نخده.

4- احترام الرأي الأخر، سمعت دكتور نفسي بيقول ان احنا كعرب عندنا احساس ان احنا الادنى في كل حاجة علشان كدة ديما بنحاول نشعر نفسنا بالنجاح عن طريق الاعتراض و مهاجمة الاخر و تسفيه رأي الاخر و التريقة و السخرية و عدم تقبل فكرة ان يكون هناك شخص له رأي مخالف لرأينا علشان مخ كل واحد فينا طبعا هوه احسن مخ. لاكن حضرتك قلت ان المجتهد حينجح في كندا و حيوصل يعني هم بيحترموا الانسان اللي جي من بيئة مختلفة و يقدروه طالما هو مجتهد.

طبعا في مميزات كتير اخرى لكن دحنا حنحتاج منتدي فوق المنتدى علشان نذكرها. و هذا لا ينفي اطلاقا العيوب و الصعوبات.

اما عن ان كندا ما بقتش زي زمان و ده كلام مضبوط و سمعته من كذا حد، بس احب اسأللك فيه ايه في الدنيا بقى زي زمان، الخليج مبقاش زي زمان، مصر مبقتش زي زمان، الناس اخلاقها مبقتش زي زمان ،الأولاد مبقوش زي زمان، البركة مبقتش زي زمان، اشمعنى كندا حتبقي زي زمان.

ارى ان ندع الحديث عن المميزات و العيوب جانبا لان تقديرها يتبع شخصية كل انسان ووجهة نظره و متطلباته في الحياة، فمثلا: موضوع ان لازم المعلم يدرس سنتين قبل ان يدخل يدرس

فيه ناس حتقول: ممتاز، ضمنا ان الراجل ده حيكون فاهم في طرق و اساليب التعليم و فاهم نفسية الطفل.

و ناس تانية حتقول: ليه انا مدرس في بلدنا و بخرج اجيال، كندا قبلتني من البداية على اني مدرس و وافقت على application بتاعتي ، طب ليه دلوقتي متعترفش بي الا لما أدرس؟

ارى ان نوجه اهتمامنا بكيف سنتعايش و نتأقلم و النصايح للمهاجر، و التجارب الناجحة ليه نجحت و الفاشلة ليه فشلت.

و شكرا لحضرتك، الاختلاف في الرأي لابد ان لا يفسد للأحترام قضية.

[الزهرة البرية]

السلام عليكم

ارحب فيكي في المنتدى(انا عتبان على الاعضاء محدش رحب في :wub: )

واشكرك على الكلام الجميل دة الي بتكلم بلسان حالنا وصراحة الكل مر في الحيرة دي وانا مقيم في دبي

و قدمت طلب لوحدي عن طريق مكتب لندن بدون محامي والله يجيب الي في الخير

السلام عليكم ورحمة الله وبركاته اخي الفاضل اني ارحب بك واعتقد ان الاخوة والاخوات جميعا يشاركوني الترحيب بك ونتمنى لك التوفيق ان شاء ونحن قدمنا ايضا الطلب من الرياض وبعد 6 اشهر وصلنا رقم الملف وان شاء الله يوصلك قريبا الرد ونستكمل جميعا باقي الخطوات و ان شاء الله يربنا ييسر لنا الحال وبالتوفيق

[الزهرة البرية]

اهلاً و سهلاً بالاخت الزهرة البرية

نرحب بك بمنتدنا العظيم

و لو اني بدأت اخاف من تحول المنتدى الى منتدى نسائي و بدأتم تتكلموا بالحجاب :wub: و غيره انتوا فين يا رجاله المنتدى

فين يا عم ايهاب و الاستاذ وجدي و موزهيري و غيرهم حد يرد علي clp::

اشكرك يااخي الفاضل احمد صالح واحب ان اقول ان المنتدى كله تقريبا يتكلم عنكم كرجال وعن العمل والحياه لكم ولكن كالمعتاد دائما تنسونا نحن النساء منا الام والزوجة والاخت والابنه فنرجو الاهتمام منكم لو قليلا لان من الغير النساء الحياه كلها ستكون صعبه عليكم فنحن نصف المجتمع وتحياتي وتمنياتي للجميع بالتوفيق

[الزهرة البرية]

السلام عليكم ورحمة الله وبركاتة

تحية الي جميع اخوتي واخواني في المنتدى واحب ان اقول ان الانسان المصري انسان طيب جدا وعاطفي جدا والدليل واضح فيكم فالجميع يحاول ان يساعد اخاه من غير ان يعرف شخصيته او ديانته او جنسيته او اي معلومات عنه فالجميع يسعى لعمل الخير من وجهة نظره وتقديم ما يستطيع من مساعده

فهذا هو المواطن المصري وايضا احب ان اقول ان الانسان في كل مكان وزمان يوجد به عيوب ومميزات ويحب ان يظهر نفسه انه الافضل وافضل من الذي كان قبله وخصوصا في الدول العربية ولانجد هذا في الدول الغربية ولكن هذا ليس عيبا فى الشخص نفسه ولكن العيب في الظروف المحيطة بنا نحن العرب

وتتمثل هذه الظروف في الفقر والبطاله والفساد والوسطه وعدم اهتمام المسئولين فمثلا المدرسين لايهتمون بالطلبه الا اذا كانوا يأخذوا دروس عندهم فلا يجد الطالب نفسه ولا من يساعده على اكتشاف قدراته ومواهبه ولا من يساعده على تنميتها وذلك يرجع الى المعلم الذي لم يتعلم كيف يتعامل مع تلاميذه فهذه منظومة كبيرة تبدأ من أعلى درجة في البلد وتنتهي عند اقل شخص وهذا هو الفرق بين المواطن الكندي والمواطن المصري

المواطن المصري محتاج إمكانيات ومساعدات لكي يخرج طاقاته وقدراته والدليل اننا نجد هذا المواطن في اي دولة غربيةينجح ومن الممكن ان يتفوق على نظيرة من نفس البلد التي سافر اليها ونجده منظم ويحترم مواعيده ويحترم الاخرين ويحترم النظام فالمشكلة في انه نحن الى الان لم نجد من يعطينا الفرصه فى بلادنا لكي ننهض بها وبأنفسنا :wub:

[ebtihal]

السلام عليكم

بالنسبة لموضوع الحجاب فليس فيه مشكلة

انصح ان تحضر كل اخت فاضلة معها ملابس الصيف التى ترتديها مثل البلوزات القطن ( لها اهمية كبيرة لان كل المولات فى الشتاء بتكون فيها التدفئة فبنضطر نخلع بالطو الثلج من شدة الحر فيه وهو لايحتاج لتياييرات تحته للتسوق)

العبايات لن تفيد بسبب الشوارع المغطاة بالثلوج ولن تكون عملية فيفضل جوبات صوفية علىها بلوزات طويلة او بنطلونات واسعة عملية عليها جواكت طويلة

فى كندا احترام كبير للحرية الدينية وكلما حافظتى على هويتك بلباقة وابتسامة واسعة وثقة بالنفس بدون عصبية كلما زاد احترام حجابك

الحمد لله زملاء اولادى فى المدارس كنديين وفرنسيين .......... يسعون للتعرف علينا لانهم يحترمون ان الاولاد يتكلمون بثقة عن الصوم والاعياد ويريدون ان يظلوا اصدقاء للأبد

الناس العاديين فى كندا مثلنا يرفضون الشذوذ والمخدرات وانحراف الاولاد خاصة الذين من اصول اوروبية

كثيرا ما ستتعرض الواحدة مننا لموقف فى الصيف والحر ويعلق البعض لمادا تغطين رأسك الا تشعرين بالحر

كونى واثقة من نفسك ولا تفتحى حوار عن وجوب الحجاب للمرأة المسلمة لان ذلك ليس مكانه انما بابتسامة واسعة ردى (I am ok)

ساحاول ان ارتب افكارى وارد بخبرتى يارب انفعكن :wub:

واسالكم الدعوات

[مصرية و مغتربة]

السلام عليكم و رحمه الله و بركاتة

الاخوة الاعزاء

انا سالت المحامى عن موعد تقديم جوزات السفر للحصول على الفيزا كان الرد انها بتاخد من 3 شهور الى 6 شهور لانهم خلال الفترة دة

بيستنوا رد الانتربول الدولى على الصحيفة الجنائية للمتقدمين

حبيت بس اطمن اخواتى واخوانى اللى مستنين الرد بعد ما ارسلوا الميديكل و fees landing

دمتم فى حفظ الرحمن

اختي مصرية والنعم شكرا ليكي علي ردك بخصوص طلب جوارزات السفر لطبع الفيزا ولكن عندي كم من سؤال

.

اولا هل هذه الفترة التي حددها المحامي لكي هي للمقدمين لكيوبيك ولا فيدرال ولا عموما لاني مقدمة من دبي والمكتب اللي مقدمة منه قالت من شهر الي شهرين بالكتير.

وقالتي ان طباعة الفيزا بتاخد تقريبا 38 يوم من تاريخ ارسالنا للباسبورات ياريت الاخوة اللي مروا بنفس الخطوات يبلغونا .

سؤالي التاني هل انتي مقدمة من مصر ولا من مكان تاني لان المكان اعتقد يختلف .

وهذا سؤال للاخوة جميعا ومن لديهم خبر هل لو حصلت علي الموافقة هل ممكن اني اقدم الباسبورات في سفارة كندا في مصر ولا شرط اني ابعتها من هنا لان المكتب قال لي اني برسلها بالبريد السريع من هنا او اني اروح شخصيا اخدها من لندن.

[ELSHAMY]

الأخت مصرية ومغتربة:

انا الحمد لله حصلت على الفيزا ومنتظر أعمل Landing فى مارس المقبل ان شاء الله.

بالنسبة لأسئلتك من واقع خبرتى الاجابات كالأتى:

- فترة طبع الفيزا واحدة بصرف النظر عن مكان التقديم لأن كل دول الشرق الأوسط مسئول عنها مكتب الهجرة لكندا الموجود فى لندن.

- الفترة من شهر لشهرين لطبع الفيزا (معى أخدت حوالى 40 يوم) وذلك حسب ميعاد ارسال المكتب للاوراق وسرعة البريد السريع.

- مافيش داعلى لارسال الأوراق بنفسك ولا لأستلامها من لندن...كل هذا يتم عن طريق المكتب أحسن لأن له تعاملات مستمرة مع مكتب لندن.

بالتوفيق وتحت أمر الجميع

[Queen]

السلام عليكم و رحمة الله،

مدام ابتهال جميل ان حضرتك بتكلمي على الملابس التي علينا جلبها، انا مهتمة بالموضوع ده حاليا علشان احنا يمكن ان شاء الله نكون في كندا آواخر السنة ديه، بعتنا الميديكال و ال landing fees

من كلام حضرتك فهمت ان التركيز بيكون على الملابس الصيفية لان كل الاماكن مكيفة هل هذا يعني ان ملابس الشتاء العادية اللي احنا متعودين عليها لايوجد لها استخدام. يعني بنلبس البالتو أو الجاكت التقيل على ملابس صيفية؟

و هل هذا بالنسبة للأطفال ايضا، كل ملابسهم ستكون صيفية تحت الجاكتس؟

انا كنت عايزة اعرف علشان اجيب الملابس من الرياض قبل ما اسيبها، هنا في اذواق حلوة و اسعار مختلفة.

مصرية مغتربة، السلام عليكم

بالنسبة لموضوع ارسال الباسبور، اعتقد انه معلومة غير صحيحة و اعتقد ان التعامل سيكون مع السفارة الكندية الموجودة في البلد اللي انت فيها، السفارة ستضع الفيزا في الباسبور ، لانه ممنوع ان جوازات السفر تسافر بالبريد. هذا ما سمعته و الله اعلم.

[مصرية والنعم]

السلام عليكم و رحمه الله و بركاتة

الاخوة الاعزاء

انا سالت المحامى عن موعد تقديم جوزات السفر للحصول على الفيزا كان الرد انها بتاخد من 3 شهور الى 6 شهور لانهم خلال الفترة دة

بيستنوا رد الانتربول الدولى على الصحيفة الجنائية للمتقدمين

حبيت بس اطمن اخواتى واخوانى اللى مستنين الرد بعد ما ارسلوا الميديكل و fees landing

دمتم فى حفظ الرحمن

اختي مصرية والنعم شكرا ليكي علي ردك بخصوص طلب جوارزات السفر لطبع الفيزا ولكن عندي كم من سؤال

.

اولا هل هذه الفترة التي حددها المحامي لكي هي للمقدمين لكيوبيك ولا فيدرال ولا عموما لاني مقدمة من دبي والمكتب اللي مقدمة منه قالت من شهر الي شهرين بالكتير.

اختى الغالية

انا كمان مقدمة من ابوظبى والنظام الفيدرالى عموما حسال المحامى بالنسبة لكيوبيك وارد عليكى

وقالتي ان طباعة الفيزا بتاخد تقريبا 38 يوم من تاريخ ارسالنا للباسبورات ياريت الاخوة اللي مروا بنفس الخطوات يبلغونا .

سؤالي التاني هل انتي مقدمة من مصر ولا من مكان تاني لان المكان اعتقد يختلف .

انا مقدمة من ابوظبى وانتى عارفة اننا نتبع مكتب لندن

وهذا سؤال للاخوة جميعا ومن لديهم خبر هل لو حصلت علي الموافقة هل ممكن اني اقدم الباسبورات في سفارة كندا في مصر ولا شرط اني ابعتها من

هنا لان المكتب قال لي اني برسلها بالبريد السريع من هنا او اني اروح شخصيا اخدها من لندن.

بالنسبة للفيزا انا وابنى عملنا الميديكل فى مصر الدكتور سالنى حتسافرى منين قلتلة من ابوظبى لانى مقدمة من هناك

اما زوجى وبنتى عملوا الميديكل فى ابوظبى عموما المكتب هو اللى حيرسل الجوزات عموما خالينى اسال المحامى

[ebtihal]

الاخت الفاضلة Queen

انصح بشراء الملابس الداخلية القطنية للاطفال من عندك فى مصر او الخليج لانها اسعارها افضل وخاماتها افضل

ويفضل تحضرى معكى مقاسات اكبر نمرتين لكل عمر لو هتعيشوا فى كندا 3 سنوات .

بالنسبة للملابس الاخرى البلد هنا رتمها عملى ولاتحتاج اطقم الملابس مثل الحال عندنا انتى لوفى مصر وبتشترى حاجة من السوبر ماركت اللى جنب البيت بتلبسى طقم كامل .

الاطفال تحتاج تى شيرتات او بلوفرات خفيفة او سويت شيرت تحت ملابس الثلج وفى المدرسة لولبسوا ملابس ثقيلة التدفئة تسبب لهم امراض

لن نحتاج لملابس الشتاء بتاعتنا اى بلوفرات وجواكت الا فى فترة بين الفصول واغلبها بيكون مطر فبتلبسى بالطو للمطر

الامر لايخلو من الحاجة لاطقم شيك للمناسبات والاعياد والتزاور مع المصريين والعرب وهذه مهم تكونى انت والاولاد على سنجة عشرة

الاذواق هنا بالنسبة لملابس الاطفال والنساء ليست حلوة زى مصر والخليج واوروبا بشهادة الجميع لانها ستايل mass ,وعملية والمحلات اللى فيها ذلك نادرة وغالية

[الزهرة البرية]

السلام عليكمرحمة الله وبركاته

الاخت العزيزة ابتهال تحياتي اليك واشكرك على اهتمامك بموضوعنا واتمنى ان تفيديني اكثر لقد سمعت عن بعض النساء في كندا ترتدي العباءة السوداء وبعضا اخر يرتدي النقاب فأتمنى ان اعرف منك مصداقية هذا الموضوع وهل انت مقيمة في كندا وكيف يتعامل المجتمع الكندي مع المرأه المحجبة او ذات العباءه السوداء او المنقبة وهل يكونوا متحفزين لها ام يتعاملوا معها بطريقة عادية كأي امراة عادية من حيث العمل ايضا هل يقبلوا وجودها في العمل او يعطوها فرصة للعمل واشكرك ياختي العزيزة

[yasmin]

السلام عليكم و رحمة الله و بركاته

الاخت ابتهال

اشكرك كثيرا على هذه المعلومات القيمه جدا و يا ترى حضرتك عايشه فين فى كندا يا ريت تحكى لنا اكتر عن تجربتك الشخصيه و عن فرص العمل بالنسبه للزوجات وهل ممكن الام تشتغل فى الفترة الاولىو تسيب الاولاد عند بيبى سيتر بعد ما يرجعوا من المدرسه ولا الحياه هناك ماشيه ازاى؟