كل ما تريد معرفته عن (كندا)

[ebtihal]

الاخت الفاضلة

ايوه فيه نساء تلبس العباءة السوداءولكن ليس بكثرة

والمنقبات موجودات ولكن باعداد محدودة

والمنثبة بتكون جاية مع اسرتها للهجرة والاستفادة من مميزات البلد ولكن ليس للدخول فى سوق العمل والحياة الاجتماعية

او بتكون خليجية جاية مع زوجها الذى يدرس او جاية للفسحة

ظروفها مختلفة

لو انتى تريدين الهجرة والعيش على الاعانة الاجتماعيةوزوجك يكمل دراسته والاولاد يستفيدوا دراسيا وصحيا فهنا لايوجد تمييز لاى محجبة او مضايقات انما احترام وليس فيه تحفز من تجربتى هنا بالنسبة لسوق العمل واعطائها فرصة للعمل والدراسة فالجامعات مكتظة بالبنات المسلمات المحجبات لايوجد مشكلة

بالنسبة للعمل لا اعرف الوضع بالنسبة للمنقبة او المحجبة فانا لست مهاجرة انما زائرة ووضعى لايسمح لى بالعمل وتجربة وضع المراة المحجبة العادية فى سوق العمل

انصح كل محجبة بدراسة تؤهلها لسوق العمل مثل السكرتيرة الكبية او القانونية اومراكز التجميل او الفندقة او المساعدات فى عيادات الاسنان

ولوكنتى تفضلى الماجستير والدكتوراه فلا تضيعى وقت وابداى سريعا

اخت جزائرية فاضلة تحضر للدكتوراه قالت لى نحن العرب لاينفع نشتغل فى اعمال كالكشير الا اذا كانت خطوه لتحقيق احلامنا العلمية

اخريات يدرسن دراسات لغة او مراكز تجميل اوسكرتارية طبية للعمل فى الخليج بجواز سفر كندى !

[ebtihal]

السلام عليكم و رحمة الله و بركاته

الاخت ابتهال

اشكرك كثيرا على هذه المعلومات القيمه جدا و يا ترى حضرتك عايشه فين فى كندا يا ريت تحكى لنا اكتر عن تجربتك الشخصيه و عن فرص العمل بالنسبه للزوجات وهل ممكن الام تشتغل فى الفترة الاولىو تسيب الاولاد عند بيبى سيتر بعد ما يرجعوا من المدرسه ولا الحياه هناك ماشيه ازاى؟

الحياة هنا سهلة للسيدات والاطفال بس لازم تسجلى الاطفال فى (داى كير) الى قبل سن المدرسة

البيبى سيتر مكلفة لازم يكون دخلك كبير لانها بتكون بالساعة

مش اول ما تيجى هتشتغلى الا لوشغل من البيت زى كوافيرات او هناك سيدات تعد اكلات وحلويات شرقية بالطلب

هنا شوق العمل لكل حاجة يحتاجها الناس مربحة المهاجرين من جنوب امريكا اشطر فى ذلك لانهم بيشتغلوا كل حاجة

انا ماعرفش قوى بس من مشاهداتى

[مصرية و مغتربة]

مرحبا بكل المشتركين الجدد الزهرة البرية وكويين وغيرهم وانتي فين يا دعاء وحشتينا . وشكرا ليكي علي ردك يا مصرية والنعم

وانا كمان مقدمة فيدرال ياريت نتواصل بما اننا في نفس المرحلة.

ومرحبا بيكي اختي ابتهال بما انك في كندا ياريت تفيدينا بخبرتك هناك وانتي في اي ولاية وايه انطباعك عن الحياة هناك.

تم تعديل 30 يناير 2008 بواسطة مصرية و مغتربة

[الزهرة البرية]

مرحبا بكل المشتركين الجدد الزهرة البرية

اشكرك ياأختي العزيزة وتحياتي اليك :wub:

[الزهرة البرية]

الاخت العزيزة ابتهال اشكرك كثيرا جدا على اهتمامك وردك المفيد على اسئلتي ولكن اريد اطلب منك المزيد عن رحلتك الى كندا وعند المكان الذي تعيشي فيه وانطباعك عنه وعن المجتمع الكندي والحياه هناك وايضا من الاشياء التي تشغلني كيف يحصل الانسان المسلم الذي يقيم هناك على الطعام الحلال وهل توجد اماكن معينة لبيع هذه الاطعمه وهل هذه الاماكن موثوق فيها وهل توجد الاطعمه الحلال فى الطائرة اثناء سفرك الى كندا ام ماذا تفعلي وماذا عن اخبار المدارس وتعامل الاطفال مع الجنسيات المختلفة وهل يوجد اختلاف بين المدارس الحكومية والمدارس الخاصه من حيث المستوى الاخلاقي والعلمي وما الذي اعجبك في كندا ومالعيوب التي قابلتيها هناك سامحيني على كثرة الاسئلة واتمنى لك رحلة سعيدة وموفقة ان شاء الله :wub:

[أختكم المصرية]

السلام عليكم و رحمة الله و بركاته،،،،،

اهلا بكل الاعضاء الجدد و سلالالالالالالالالام خاص للسيدات وربنا يزيد

الاخت كوين كلامك فى الصميم تاييدى الكبير لوجهه نظر حضرتك

اخت ابتهال شكرا على المعلومات المفيدة وردودك على الاسئلة و فى انتظار المزيد من خلال تجربتك

الزهرة البرية اهلا بيكى منورة المنتدى معلشى ترحيب متاخر بس الموقع مش راضى يفتح عندى

مصرية ومغتربة ، دعاء ، داليا اخباركم ايه

استاذ وجدى استاذ ايهاب انتو فيننننننن

استاذ اتوماتيك احترامى و تقديرى لوجهة نظر حضرتك

الحمد لله المنتدى كل يوم بيزيد مشاركات و التعاون وروح الاخوة موجودة يارب نكون اسباب فى نجاح بعض فى الغربة لان فعلا روح التعاون و المشاركة و اضحة و ظاهرة جدا فى كل مشاركة

اختكم المصرية

[pharmd]

ازيكم ياجماعة الخير انا بعت المديكال في ديسمبر وانا عارف انه بياخد من شهرين ل 3 لغاية لما يبعتوا طلب الباسبور بس بصراحة اعصابي ابتدت تتعب لان قرأت في موقع مشاركات لمعدل التوقيتات انه بتبدأ من اسبوع لشهر وبالمناسبة معظمهم من الامارات بس المثير ان معظمهم هنود 0 فبصراحة اعصابي ابتدت تتعب انا هديها اسبوع كمان وبعدها هاعمل كابس واشوف ايه اللي حصل بالضبط المهم الله يكرمكم بمجرد مايطلب من حد منكم البسبور تبلغونا واولا واخيرا كله على الله

[Muhammad Zidan]

والله ياجماعة إحنا فعلاً محتاجين نبعد ونسافر بعيد عن مصر لأن الحياة أصبحت مقفولة أوي في مصر ومتهيألي زي ما قلت قبل كده أغلبنا طبقة مثقفة ومتعلمة ( اللي متقدمين للهجرة لكندا) يعني ممكن نتواصل قبل السفر ونعين بعض ونسأل ونستفسر من بعض عن كل الخطوات سواء السهلة والصعبة وعاوز أقول يا جماعة إن الواحد لازم يقرأ كتير عن الهجرة والطريقة السليمة والصحيحة والخطوات الرئيسية والسليمة عشان ما نتفاجئش برفض أو عقبة ومتهيألي كمان إن المنتدى هنا أحسن مكان للاستفسارات دي كمان لازم نقرا كتير عن كندا وعن المدن اللي مفروض نروحلها أو نستقر فيها وإيه المانع إننا نحدد مدينة بعينها نهاجر كلنا ليها واللي يسبق ويسافر أكيد هايحاول يساعد اللي هايجي بعده طبعاً بعد ما يثبت أقدامه هناك وأنا شايف إن في ناس كتير سافرت ومازالت على اتصال بالمنتدى زي الأخ هادي ومصرية ومغتربة وكمان في ناس كتير قطعت شوط كبير في الإجراءات زي ياسمين والزهرة البرية ومصرية وغيرهم وممكن الناس اللي أنا ذكرتهم يفيدونا جداً لو كل واحد شرح خطواته بالتفصيل وببساطة وعمل إيه في كل خطوة وإجراء

يارب يوفقنا كلنا

Muhammad Zidan

[ebtihal]

الاخت العزيزة ابتهال اشكرك كثيرا جدا على اهتمامك وردك المفيد على اسئلتي ولكن اريد اطلب منك المزيد عن رحلتك الى كندا وعند المكان الذي تعيشي فيه وانطباعك عنه وعن المجتمع الكندي والحياه هناك وايضا من الاشياء التي تشغلني كيف يحصل الانسان المسلم الذي يقيم هناك على الطعام الحلال وهل توجد اماكن معينة لبيع هذه الاطعمه وهل هذه الاماكن موثوق فيها وهل توجد الاطعمه الحلال فى الطائرة اثناء سفرك الى كندا ام ماذا تفعلي وماذا عن اخبار المدارس وتعامل الاطفال مع الجنسيات المختلفة وهل يوجد اختلاف بين المدارس الحكومية والمدارس الخاصه من حيث المستوى الاخلاقي والعلمي وما الذي اعجبك في كندا ومالعيوب التي قابلتيها هناك سامحيني على كثرة الاسئلة واتمنى لك رحلة سعيدة وموفقة ان شاء الله :blush2:

لا شكر على وجب

اعيش فى مونتريال

من اول يوم لى فى كندا لم احس بالغربة

مع ان هده اول مرة اسافربره مصر فكندا لانها بلد تعتمد على المهاجرين تحسين انك داخل امم متحدة كذلك اهلها ودودون دائما الابتسامة على وجوههم

فيه المحلات العربى والهندية والمكسيكسة والصينية والكورية والايرانية

والمطاعم العربية من اكثر الاماكن رواجا لان المطبخ العربى يعتبره الكنديون اكثر الوجبات الغنية والصحية بنشترى اللحم والدجاج الحلال من اكثر من مكان وسهل الوصول اليها لانها فى كل حى تقريبا

فيه فى كثير من السوبر ماركت العادية جزء للطعام الحلال

لو كنتى معزومة مع جنسيات اخرى الكل يحترم انك لاتاكلين الا اللحم الحلال ويفضل اختيار اطباق الاسماك مادام المحل مش عربى اومش حلال

فيه تورتات وشوربات كثيرة يدخل فى صناعتها خمور يجب التاكد من كل شئ

البسكوتات والاغدية الاخرى يوجد على الغلاف رموز يعرف منها انها حلال مثل M -MK -U

بالنسبة للمدارس الجكومية اوالخاصة كثير من العائلات اوروبية والامريكية والكندية تدخل اولادها المدارس العامة وذلك بالنسبة للابتدائى اما فى الهاى سكول توجد نسبة منهم (وان كانت مش كبيرة )تفضل مدارس خاضة وهذه مرتفعة الثمن. انا انقل مشاهدة مش هتعيش فى البلد انما كمن يتفرج عليها من بعيد بدون حسابات انسانة قد تعيش فيها للجنسية

الله الموفق :rolleyes:

[yasmin]

السلام عليكم

دعاء و داليا اين انتممممممممممممم؟ وحشتونا جدا اوعوا تكونوا دخلتم بيات شتوى :rolleyes: مش متخيله ان صفحة تعدى فى المنتدى من غير مشاركتكم و لو بسلالالالالالالام هو انا انشط انتم تكسلوا ولا ايه؟؟؟؟

الاخت ابتهال مشاركاتك اكثر من رائعة و مفيده جدا جزاك الله خيرا بجد

الاستاذ ايهاب و الاستاذ وجدى لاتحرمونا من مشاركاتكم و احنا منتظرين الويك اند بفارغ صبر وانتم برضه ممكن تديونا رأيكم فى عمل الزوجات هناك من واقع مشاهداتكم وزى ما قالت الزهرة البريه اننا النصف التانى المهم و الكلام مش ستاتى و بس نفسنا نعرف رأيكم فى كيفيه مساعده الزوجة لزوجها هناك؟؟؟

كمان عندى سؤال للاخوة اللى عايشين فى كندا هل ممكن الزوجه تعيش لمده سنه كامله مثلا لوحدها فى كندا هى و الاولاد لو لقت شغل مناسب يعنى مثلا الزوج ييجى لمده شهر او شهرين نعمل لاند ينج و يرتب الامور و يسيبنا و يمشى هل واجهتم نماذج كده؟؟ بمعنى اخر هل الحياه امنه فى كندا زى مصر مثلا؟ :blush2:

[الزهرة البرية]

اختي الرائعة ابتهال كم اشكرك على معلوماتك المفيدة واتمنى لك التوفيق والسعادة وكلما حصلت على معلومة او شىء مهم فنحن اخوتك منتظرين معلوماتك ومشاهداتك وجزاك الله خير وتحياتي لك :happy:

[الزهرة البرية]

السلام عليكم

دعاء و داليا اين انتممممممممممممم؟ وحشتونا جدا اوعوا تكونوا دخلتم بيات شتوى :lol: مش متخيله ان صفحة تعدى فى المنتدى من غير مشاركتكم و لو بسلالالالالالالام هو انا انشط انتم تكسلوا ولا ايه؟؟؟؟

الاخت ابتهال مشاركاتك اكثر من رائعة و مفيده جدا جزاك الله خيرا بجد

الاستاذ ايهاب و الاستاذ وجدى لاتحرمونا من مشاركاتكم و احنا منتظرين الويك اند بفارغ صبر وانتم برضه ممكن تديونا رأيكم فى عمل الزوجات هناك من واقع مشاهداتكم وزى ما قالت الزهرة البريه اننا النصف التانى المهم و الكلام مش ستاتى و بس نفسنا نعرف رأيكم فى كيفيه مساعده الزوجة لزوجها هناك؟؟؟

كمان عندى سؤال للاخوة اللى عايشين فى كندا هل ممكن الزوجه تعيش لمده سنه كامله مثلا لوحدها فى كندا هى و الاولاد لو لقت شغل مناسب يعنى مثلا الزوج ييجى لمده شهر او شهرين نعمل لاند ينج و يرتب الامور و يسيبنا و يمشى هل واجهتم نماذج كده؟؟ بمعنى اخر هل الحياه امنه فى كندا زى مصر مثلا؟ :lol:

اختي العزيزة ياسمين تحياتي اليك اني معك في كل اسئلتك واتمنى ان كل من لديه معلومات في هذه المواضيع يفيدنا بها وتحياتي للا خت داليا والاخت دعاء واتمنى ان ارى مشاركتهم الجميلة قريبا وفعلا وحشتونا جدا :happy:

[SEAGULL]

هذه أول مشاركة لي في هذا الموضوع و أوجه التحية لكل الأخوة و الأخوات الذين شاركوا بوقتهم و مجهودهم بنية مساعدة الأخرين لوجه الله

لي سؤال أتمنى الإستفادة من خبرتكم فيه و هو موجه للأخوة الذين هاجروا بالفعل أو في طريقهم للهجرة و هو ما هو سبب إختيار كندا بالتحديد للهجرة ؟ فأستراليا تتشابه مع كندا في العديد من النواحي مثل إرتفاع مستوى المعيشة و حقوق الإنسان و جودة التعليم و هذا بالإضافة إلى ميزة الطقس الملائم لنا كمصريين و عرب و اجراءات الهجرة متشابهة إلى حد ما من حيث المؤهل و إمتحان الأيلتس و نظام النقاط و أعتقد أن إجراءات الهجرة مدتها أقصر

لماذا إخترتم كندا و لم تختاروا أستراليا؟

أفيدونا أفادكم الله

[دعاء]

:happy:

مساء الفل على الجميع

اعذرونا على التاخير بس فيه مشكلة فى الانترنت ( عطل ) فى جمهورية مصر العربية كلها وجارى اصلاحه ولكن الموضوع ممكن ياخد اسبوع علشان كده هايكون تواجد الاخوة من مصر ضعيف جدا خلال الفترة القادمة وانا عن نفسى دخلت بصعوبة جدا جدا لشرح السبب فى عدم التواجد مؤخرا لعدم القلق

وارجوا التوفيق للجميع وادعولنا انه يتصلح بسرعة

:lol:

[maserati]

اشكرك الجميع على هذا الكم الهائل من المعلومات واود التعريف عن نفسي وارجو ان اكون صديق للجميع انا اسمي زكريا سوري الجنسية واعيش في مدينة دبي منذ نعومة اظفاري اعمل ببيع السيارات براند مزراتي وفراري وحاليا افكر بالمضي قدما للعيش في كندا واسعى للهجرة الى هناك جزاكم الله كل خير واعتقد باني سوف اكون اصغر مهاجر حيث ان عمري 25 سنة

[احمد عبده]

[color="#FF0000"]

انا هاقول حاجة من الحاجات اللي بتخليني عايز اهاجر

هو سبب من ضمن اسباب كتير

انا هاحكي عن مصر و ياريت يا استاذ اتوماتك تعمل مقارنة بين مصر و كندا

أنا عارف الفرق بين مصر و كندا وقلته كذا مره. الفرق هوا الأقتصاد و السياسه و ليس الناس.

( الصورة بتاعتي دي وانا هناك مع ولد اسمه محمد)

الروند كان مدته 10 اسابيع اغني عشر اسابيع في حياتي

الواد ده شربات :lol: انا شفت الصوره أمبارح و كنت فاكره أبنك.

هوا قاعد في المستشفي ليه؟

مبيدات مسرطنة مستوردة من اسرائيل خلت مصر من اعلي الدول في الاصابة بسرطان الاطفال في العالم

ممكن توضح أكتر! دخل أسراءيل أيه بالظبط؟

تخيل لما يبقي اغلب العيانين كده

تخيل حسب تقرير الامم المتحده 40% من الشعب المصري تحت خط الفقر يعني بيكسبوا اقل من دولار في اليوم

وتخيل لما ميزانية وزارة الصحة 2.2 مليار وميزانية وزارة الداخلية 9.7 مليار

انا هنا كنت بتكلم عن جانب واحد من الوضع في مصر لسة مغطتش 1% منه ( التهاب كبدي وبائي عند 30% وبلهارسيا عند 50% و .....)

ولسه في جوانب تانية كتير

نتكلم عنها بعدين

يا دكتور أحمد أنا مش عارف أقلك أيه. مش من حقي أقلك أقعد في مصر البلد محتاجه رجاله زيك وأنا قاعد في كندا. ومهما قلت الي عايز يهاجر حيهاجر.

ومن حقك تحاول تحسين أحوالك وبرده أنا مقتنع أن الهجره بتفيد أكتر من ماديآ.

[color=#FF0000]ازيكم يا جماعة

النت في مصر 3 كابلات بحرية

2منهم اتقطعوا بسبب غير معروف ومش عارفين هيتصلحوا امتي

وعلشان كده كتير من مصر مش هيعرفوا يدخلوا

وانا الحمد لله دخلت بالعافية

شكرا ا/تميمي وا/اتوماتيك للرد

ا/اتوماتك حضرتك سألت عن محمد اللي فالصورة عنده ايه

هو عنده idiopathic thrombocytopenic purpura

او اختصارا (ITP)

بمعني خلل في الجهاز المناعي بيخليه يهاجم الصفائح الدموية المسئولة عن تجلط الدم فبينقص عددها

(والمرض ده مشهور تاريخيا لانه كان عند ابن اخر قياصرة الروس وكان في اعتقاد انها لعنة واتكتب عنه في روايات كتير)

المهم اعراض المرض بتبدأ من ان النزيف ما بيقفش او ان النزيف بيبقي من غير سبب واخر واخطر الاعراض هو نزيف في المخ

وانا اهدافي من الهجرة هي بالترتيب ده علم , علم , علم , جنسية, فلوس , بيئة كويسة ليا و عائلتي

بس لازم ارجع مصر تاني امال هاعمل ايه بالي فات ده

وبعدين حضرتك رحت فين انت وباقي رجال المنتدي

بأه انا اغيب يومين ارجع ألأاقي الموضوع بقي كل ما (تريدين) معرفته عن كندا

ولكن طبعا اهلا بكن كلكن وسهلن

و ما شاء الله علي حرصكو علي الحجاب :blush2: ( عباده جميلة والله حسنات ببلاش بس مش عند الرجاله للاسف :lol: )

انا كنت سئلت اسئلة كتير خالص قبل كده منهم استقراء الرأي (ياريت تشوفوه صفحة109) و سؤال خاص هو

ياريت حد يكلمنا عن نظام ال SIMPLIFIED APPLICATION وايه الفرق بينه وبين ال SKILLED WORKER APPLICATION

كمان يا ريت تحكو لنا عن نظام اليوم في كندا كام ساعة شغل و بتعملو ايه في الويك اند

وسلام لكل الغائبين من فترة ا/( ايهاب ووجدي و .......) ويارب يكون المانع خير

تم تعديل 2 فبراير 2008 بواسطة احمد عبده

[simpleDeveloper]

السلام عليكم و تحية عطرة لاعضاء المنتدى

أنا ها اتكلم عن التعليم فى كندا و هذا من خلال دراستى و عملى فى الجامعة. أنا فى رأى دى أهم شئ فى كندا و هذا الدافع الاساسى للهجرة لأغلب الناس. ايه الفرق بين التعليم فى كندا و فى مصر؟ أنا هابدأ أولا بالطلاب من خلال تعاملى معهم اثناء عملى كمعيد. أغلب الطلاب هنا بيعتمدوا اعتماد كامل على نفسهم و عدد كبير لايحضر المحاضرات لانشغاله فى العمل لدفع مصاريف الجامعة. الطلاب بيتخرجوا متأخر عن مصر. الطالب ممكن يحصل على البكالريوس على سن 24 الى 26. و هذا بسبب اهتمامهم للحصول على خبره فى العمل قبل التخرج CO-OP Work و بالاضافه لدفع مصاريف الدراسة. الجامعة بتكون المسئوله عن توفير الوظائف و الاتفاق مع الشركات الكبيره. وطبعا فى جامعات ترفض عمل CO-OP - هذه غير مناسبة نهائيا للاجنبى. لما تتخرج بيكون عندك تقديرين تقديرك فى العمل و تقديرك الاكاديمى. الطالب بياخد البكالريوس و معاه سنتين الى ثلاث سنين خبره و معه مراجع اكاديمية و عملية و هذا يسهل عليه العمل. طبعا مشكلة الطالب فى مصر عند التخرج عدم وجود خبره عملية - فقط دراسة اكاديمية و هى غير كافية. امكانية حصولك على منحة لو تقديرك اعلى من 80% يعنى A-. و للعمل فى وظائف CO-OP لازم التقدير يكون على الاقل B+. هذا كله يدفع الطالب للدراسة لتوفير المال و للحصول على فرص عمل. فى مصر الدراسة الجامعية مجانا و فى عدد من الطلبة هم عبء حقيقى على الجامعة. الطالب لما يشعر انه لا يحب القسم الترم اللى بعده يحول على طول لان ده مستقبله و التحويل لااغلب الكليات مرن جدا.

بالنسبة للجامعة. مصادر دخل الجامعة متنوعة مثل مصاريف الطلاب و الطلاب الاجانب تحديدا. الطالب الاجنبى يدفع تقريبا أكثر من ضعف مايدفعه الطالب الكندى ( انا الماستر كلفنى 14 الف دولار و هو مبلغ رخيص مقارنة بجامعات امريكا و هذا بخلاف نفقات المعيشة) وايضا مصادر مالية من الحكومة الكندية و شركات تدعم الجامعة فى مشاريع للطلاب. الجامعات الامريكية افضل من الكندية فى الدعم المالى للمشاريع و هو متوفر بشده و بارقام كبيره. اغلب الافكار العلمية تبدأ من الجامعة ثم تطبق فى الحياه العملية. الجامعة دائما تكون لها مجال تكون مميزه فيه و هذا عكس النظره السطحية السائده عندنا اننا ننظر لترتيب الجامعة. ممكن تقول الجامعة هذه مميزه فى ابحاث Learning Objects. عامة افضل جامعة فى هندسة و علوم الحاسب فى كندا فى معظم الابحاث هى جامعة Waterloo. الجامعات الكندية ليست مثل الجامعات البريطانية لذا لايوجد اى Confidential Report عن الطالب و هذه ميزه. و لمن لايعرفه - لما تتقدم طلب فى وظيفة ممكن يتطلب التقرير السرى عن الطالب من الجامعة و هذا احيانا يسبب مشاكل - طبعا لو كان متطبق فى مصر كان استغل استغلال سيئ.

دكتور الجامعة. الطلاب دائما وفى نهاية كل ترم لازم يقيموا الدكتور او المعيد و متاح لهم كتابة التعليقات. و هذا التقيم يؤثر على بقاء الدكتور و هذا شئ ايجابى. الدكتور له الحرية فى تطبيق الاسلوب التعليمى اللذى يراه مناسب. مثلا فى دكاتره لايحبون الطلاب يحفظوا اى شئ - يسمح لك تجيب معك الكتاب او ملخص لك. و الميزه هنا الامتحان كله بيكون عملى و فعلا يميز بين الطلاب. و الامتحان النهائى ليس المقياس الوحيد على تقديرك. لان التقدير بيكون موزع على واجبات و مشاريع و بحوث. أجمل شئ هى الواجبات و المشاريع و بتأثر على التقدير. تجبر الطالب على الدراسة و بتكون المنافسة شديدة. البحوث لها اسلوب معروف للكتابة الدكتور و يحدد الدكتور مثل الكتابة بااسلوب IEEE. هذا تدريب كويس للطلاب و بيعلمهم اسلوب الكتابة الصحيح للتعبير عن افكارهم و ممكن يقوموا بنشر الموضوع فى مجله لو كان جديد. الدكتور لو عجبته فكره طالب بيساعده على نشرها و يقوم بارشاده لكيفية تطوير الفكره. وطبعا لو فى كلام نقله من مرجع دون ذكر المرجع. هذه جريمة و ممكن تؤدى لرفضه plagiarism. وفى طلاب بيترفضوا سنويا بسبب الحركه دى و طبعا دول مستقبلهم الاكاديمى تقريبا انتهى لان مافى جامعة ممكن توافق عليهم مره ثانية. دكتور الجامعة هنا سلطته اكبر بكثير من سلطة الدكتور فى الجامعات المصرية. يقدر يجعل الطالب يتقبل حتى لو الطالب غير لائق لكن لو الطالب خذله هذا بيأثر على سمعته فيما بعد. لو الدكتور سقط طالب انتهى الموضوع - الطالب ممكن يجيب محاميين و خلافه لكن رأى الدكتور هو الاصح فى النهاية - هذه نقطة سلبية. الدكتور مطالب سنويا بنشر نشريتين Publication على الاقل. و هذه بتأثر على ترقيته و ممكن يترفض بسببها - لازم الدكتور يكون على دراية بااحدث الاشياء. مرتبات دكاتره الجامعة جيده من 70 الف الى 150 الف تقريبا. هذا على حسب الدكاتره اللى سألتهم. و الفارق طفيف بينه و بين العمل فى المجالات الغير جامعية. فى الشركات الكبيره المرتب ممكن بيبدأ من 65 الف تقريبا للحاصل على البكالريوس ولا يوجد حدود. أجمل شئ هنا انك لو معك ماستر مرتبك بيكون اعلى من اللى معه بكالريوس فقط و هذه نقطة ايجابية تشجع على التعليم و انك تكون على دراية باخر التطورات فى المجال. و ان الدراسات العليا لها اهمية و ليست مجرد شهاده تعلق على الحائط.

بالنسبة للكتب و المناهج العلمية. الكتب الدراسية هى نفسها اللى بتتدرس فى مصر و لا فى اى فرق. الفارق بيكون فى امكانية الحصول على النشريات و التى هى مجانية للطالب - لان الجامعة بتكون متعاقده مع مجلات كثير و هذا شئ مهم للاطلاع على اخر الابحاث.

الشئ الجميل هنا نظام كليه الطب و هو مختلف نهائيا عن مصر و امريكا. الطب فى امريكا 6 سنوات. لكن فى كندا 4 سنوات. لكن يجب انك تكون حاصل على بكالريوس قبله. انا ممكن اقدم على كلية الطب و لان الماستر عندى مرتبط بـ Medical Imaging ممكن ادخل بمنحة. هذا الشئ الجميل هنا المرونة فى التعليم. المرونة تجعل الطالب يختار المجال اللى يرتاح ليه و يقدر يحقق طموحه و طالما بتعمل اللى عليك كل شئ ممكن.

أترك لكم التعليق عن التعليم عن مصر.انا اعتبر الدراسة فى كندا اسهل من مصر و التعليم فى مصر جيد فى حدود الامكانيات المتاحة للجامعة. هذه وجهة نظرى. و أحب اعرف وجهات نظركم.

تم تعديل 2 فبراير 2008 بواسطة simpleDeveloper

[simpleDeveloper]

السلام عليكم و تحية عطرة لاعضاء المنتدى

أنا قمت بالاستفسار عن شروط عمل طبيب الاسنان فى كندا و هذه الرد الذى استلمته و اتمنى ان يكون مفيد لااطباء الاسنان المهاجرين الى كندا :

To practice dentistry you need to be registered or eligible to be registered to practice in a province of Canada or hold a certificate of qualification from the National Dental Examining Board of Canada, and for specialist practice provide evidence of successful completion of a accredited specialty training program.

The first steps that you would need to take before you can be considered for a licence under our act and regulations is to provide one of the following:

1. A certified copy of degree from a recognized school of dentistry in Canada, or

2. A certified copy of certificate of qualification from the National Dental Examining Board of Canada and a copy of your degree. We do not except American Boards. Because you did not graduate from what is considered an approved program from Canada or the United States,the current requirements state that you must complete a two year full-time qualifying program at an accredited university in order to be eligible to sit the National Dental Examination Board of Canada examinations which are required to hold a general license. Below is a list of the phone numbers of the universities that have qualifying programs in Canada. If you wish to attend an advanced standing program in the United States, please contact the NDEB of Canada to ensure that it is an accredited 2 year program. You will need to contact the school you are interested in directly for information regarding the courses, fees and schedules.

Here are the list of schools you can contact:

University of BC in Vancouver, BC-604-822-3416

Dalhousie University in Halifax, Nova Scotia-902-494-2527

University of Western in London, Ontario-519-661-3582

University of Toronto in Toronto, Ontario-416-979-4901

University of Alberta in Edmonton, Alberta-780-492-1319

University of Manitoba in Winnipeg, Manitoba-204-977-5611

McGill University in Montreal, Quebec-514-398-7203

Universite de Montreal in Montreal, Quebec-514-343-5788

[مصرية و مغتربة]

عزيزي simpleDeveloper شكرا لمعلوماتك المفيدة ياريت رجاء

بالنسبة للمهندسين ماهي المدة اللازمة لعمل الترخيص والخطوات لذلك وهل هي صعبة ام لا وماهي اقصر الطرق او لو عندك اي معلومات عنها يا ريت الافادة.

[ahmed_saleh]

عزيزي simpleDeveloper شكرا لمعلوماتك المفيدة ياريت رجاء

بالنسبة للمهندسين ماهي المدة اللازمة لعمل الترخيص والخطوات لذلك وهل هي صعبة ام لا وماهي اقصر الطرق او لو عندك اي معلومات عنها يا ريت الافادة.

تحياتي الى كل الاخوة و الاخوات

شكراً جزيلاً للاخ الكريم simpleDeveloper

على المجهود و المعلومات و احب ان اسأل نفس سؤال الاخت 'مصرية و مغتربة' اي فيما يخص المهندسين و ارجو من يمكنه مساعدتنا في اعطاء نبذة عن اسماء احسن و افضل الجامعات بتورونتو و هل هناك فروقات بينهم و لا كلهم يستخدمون نفس الاجراءات في حالة الالتحاق بهم كطالب دراسات عليا "ماجيستير على سبيل المثال" و شكراً مقدماً :blush2: