كل ما تريد معرفته عن (كندا)

[pharmd]

أخي الحبيب Phoenician جزاك الله خيرا على ردك السريع وادعو الله عز وجل ان ييسر لك كل عسير ويجعل الخطوات القادمة ايسر وايسر ويدلك على كل طريق خير وسعادة

[ايهاب سالم]

ااسف على التاخير في الرد شكراً اختي داليا عثمان على هذه الدعوة الطيبة وربنا اوفق الجميع ويتقبل مننا جميعاً اخترت مدينة

ادمنتون لان فرص العمل بها كثيرة وارخص من جميع النواحي بس مشكلتها بردها زائد شوية

أ / طارق

أولا : مبروك على الفيزا

ثانيا : لديك فكره خاطئه عن إدمنتون بأنها أرخص من جميع النواحي .. الحقيقه أنها أغلى من جميع النواحي .. إدمنتون صاحبة ثاني أعلى معدل تضخم في كندا بعد مدينة ساسكاتشوان

التالي هي أخر إحصائيه لمعدلات التضخم بين المدن الكنديه .. مباشرة من هيئة إحصائيات كندا

طبعا المدن ذات المعدل الأقل هي المدن الأرخص في تكلفة المعيشه

—Halifax, 3.1

—Montreal, 2.2

—Ottawa, 2.0

—Toronto, 2.4

—Winnipeg, 1.9

—Regina, 3.1

—Saskatoon, 4.9

—Edmonton, 4.5

—Calgary, 3.7

—Vancouver, 1.3

—Victoria, 0.6

يقال أن إدمنتون بها أزمة إسكان خانقه و الناس تسكن مشاركه في بدروم البيوت ...

لعل أحد من المشاركين في الموضوع يكون من إدمنتون يوضح لنا الصوره أفضل

تم تعديل 10 فبراير 2008 بواسطة ايهاب سالم

[مصرية و مغتربة]

جزيل الشكر ليك سيد ايهاب وياريت لو عندك اي معلومات عن افضل المدن حاليا من حيث فرص العمل والسكن تسردها لينا هنا عشان يكون الكل قرارهم واضح قبل السفر.

[مصرية و مغتربة]

عندي سؤال ياتري هل من الممكن معرفة حالة الملف من خلال الموقع الرسمي للهجرة لاني كل ما ادخله وادخل رقم الملف والاسم يعطي In Process وقرأت في بعض المنتديات الاخري ان حالة الملف ممكن تتغير وبيلاحظوها بعد ارسال المديكال ولكن الاي الان لم يتم تغيير حالة الملف.

بالرغم من اني ارسلت المديكال من حوالي 5 اسابيع.

[ايهاب سالم]

اخترت مدينة ادمنتون .... بس مشكلتها بردها زائد شوية

نسيت أعقب على موضوع برد إدمنتون .. الحقيقه إن إدمنتون بردها زياده كتيييير مش شويه

أنا لما كان عندي عرض عمل هناك .. جمعت معلومات عنها لتقييم الموقف و عرفت إنها عباره عن فريزر كبيييير

خلينا عمليين

اليوم

درجة الحراره عندنا هنا في تورونتو +1

و في إدمنتون -31

تم تعديل 9 فبراير 2008 بواسطة ايهاب سالم

[ELSHAMY]

الأخت مصرية ومغتربة

أنا الحمد لله أخذت الفيزا و حأعمل اللاندينج الشهر القادم....عاوزك ما تقلقيش موضوع الفيزا أخد حوالى أربعين يوم فقط من يوم تسليم الجوازات

خالص تحياتى و بالتوفيق.... تحت أمر الجميع فى أى استفسار

[مصرية و مغتربة]

كل التوفيق ليك اخ شامي بس انا قلقانة لاني خلاص عملت حساب اجازتي من الشغل ورتبت نفسي وخوفي ان طلب الباسبور يتأخر وامورنا تتلخبط وحاجات كتير فادعي لنا ان الموضوع يتم علي خير خايفة بعد الانتظار والمصاريف دي كلها لا قدر الله يرفضوا الطلب في الاخر.

[ELSHAMY]

الأخت مصرية.... لا داعى للقلق ...كله مجرد وقت..... لو كان فيه مشاكل ما كانوش بعتولك..... عاوزك تعرفى ان وقت تصحيح و مراجعة معلومات الورق انتهى و عندما تطلب الجوازات للفيزا فالمسألة مسألة وقت.....

ربنا يعمل لك الخير و يرضيكى به

[Queen]

السلام عليكم و رحمة الله،

اعتقد ان موضوع البرد لن يكون مقياس للتفرقة بين مدن كندا، فاستنادا على رأي اصدقاء لي يعيشون في كندا ( كله تحت الصفر بيتساوى)

من خلال كلام الاصدقاء ايضا، ان البرتا ( التي توجد بها ادمنتون) هي الولاية التي تتميز باقل معدل ضرايب، و الأجور بها اعلى من تورنتو . و الله اعلم.

شكرا جزيلا استاذ طارق على معلومات حضرتك بالطبع افادتني كثيرا. لو ان المحامي بيقول ان احنا حنرسلها الى السفارة الكندية، لكن يبدو ان كلامه مش مظبوط.

[Automatic]

السلام عليكم و رحمة الله،

اعتقد ان موضوع البرد لن يكون مقياس للتفرقة بين مدن كندا، فاستنادا على رأي اصدقاء لي يعيشون في كندا ( كله تحت الصفر بيتساوى)

:blush2:

لأ طبعآ في فرق كبير جدآ جدآ جدآ. واحد تحت الصفر ده مش مشكله خالص, 10 تحت الصفر بتبقي برد والواحد بيعمل حسابه يتقل في الهدوم وهوا خارج, لاكن 25 تحت الصفر دي فعلآ مصيبه وبالذات لما تعودلها أسبوعين أو أكتر بنفس الدرجه . وبتأسر علي كل حاجه حته الطرق بتبقي حالتها زي الزفت.

أدمونتون بالذات أنا كرهت السواقه فيها في الشتا لأن التلج بيتجمد تبقي الشوارع الجانبيه كلها زي مطبات فظيعه. الصيف في أدمونتون ممتاز.

كالجاري أحسن شويه من أدمونتون لكن بردو مبيشلوش التلج بصفه مستمره زي تورونتو.

من خلال كلام الاصدقاء ايضا، ان البرتا ( التي توجد بها ادمنتون) هي الولاية التي تتميز باقل معدل ضرايب، و الأجور بها اعلى من تورنتو . و الله اعلم.

للأسف العمليه مش بالبساطه دي. وكله حيعتمد علي مهنه الشخص. معظم المرتبات الي أنا أعرفها أعل و بكتير في تورونتو و فانكوفر. الميزه في كالجاري كانت أسعار البيوت القليله لاكن ده بردو أتغير. أنا بأفضل تورونتو و فانكوفر لالدخل و كالجاري و أدمونتون(ايوه باشتكي من البرد بس حبيت العيشه فيها) للعيشه.

أوحش مدينه للعيشه هيا فانكوفر ومع ان الأحصائيات بتقول هيا أحسن بلد في "العالم" :rolleyes:

[haythammustafa]

السلام عليكم و تحية عطرة لاعضاء المنتدى

أنا قمت بالاستفسار عن شروط عمل طبيب الاسنان فى كندا و هذه الرد الذى استلمته و اتمنى ان يكون مفيد لااطباء الاسنان المهاجرين الى كندا :

To practice dentistry you need to be registered or eligible to be registered to practice in a province of Canada or hold a certificate of qualification from the National Dental Examining Board of Canada, and for specialist practice provide evidence of successful completion of a accredited specialty training program.

The first steps that you would need to take before you can be considered for a licence under our act and regulations is to provide one of the following:

1. A certified copy of degree from a recognized school of dentistry in Canada, or

2. A certified copy of certificate of qualification from the National Dental Examining Board of Canada and a copy of your degree. We do not except American Boards. Because you did not graduate from what is considered an approved program from Canada or the United States,the current requirements state that you must complete a two year full-time qualifying program at an accredited university in order to be eligible to sit the National Dental Examination Board of Canada examinations which are required to hold a general license. Below is a list of the phone numbers of the universities that have qualifying programs in Canada. If you wish to attend an advanced standing program in the United States, please contact the NDEB of Canada to ensure that it is an accredited 2 year program. You will need to contact the school you are interested in directly for information regarding the courses, fees and schedules.

Here are the list of schools you can contact:

University of BC in Vancouver, BC-604-822-3416

Dalhousie University in Halifax, Nova Scotia-902-494-2527

University of Western in London, Ontario-519-661-3582

University of Toronto in Toronto, Ontario-416-979-4901

University of Alberta in Edmonton, Alberta-780-492-1319

University of Manitoba in Winnipeg, Manitoba-204-977-561

McGill University in Montreal, Quebec-514-398-720

Universite de Montreal in Montreal, Quebec-514-343-5788

السلام عليكم ورحمة الله و بركاته

شكراً جزيلاً للاستاذ simpledevloper على معلوماتك القيمه

انا قمت بقراءة موقع جامعة University of Western in Londonو صدمت بقيمة الرسوم المطلوبه في السنه الاولى 53 الف دولار والسنه الثانيه 36 الف دولار ,وبالنسبه للحصول على قرض من البنك او مؤسسة اخرى يتطلب ذلك فوائد باهظه.

هل كل من قام بمعادلة شهاداته دفع هذا المبلغ؟!

استفسار اخر يقلقنى بصراحه,انا ابلغ الان 37 عاماو بدات السنه باجراءات الهجره و بحسبه بسيطه حيكون عمري 42 سنة عند الالتحاق ببرنامج المعادله,هل يشكل عمري مشكله للالتحاق بالبرنامج؟

[مزاميزو]

العزيز إيهاب سالم

أفهم من كلامك إن ادمنتون مقلب كبير في موضوع الشغل بالذات عشان في ناس نصحتني بالتوجه مباشرة لهناك مع العلم إن لي أقرباء في تورونتو فقط وكنت فاكر إن الشغل هناك سهل إيجاده وحيث إني عملت بحث من على النت لقيت إن غالبية الشغل هناك مش موجود شرط P. Eng فقلت يبقى العملية هتبقى سهلة شوية لحد ما نخلص المعادلة بس أنت خليت دماغي لفت ياريت لو عندك معلومات تانية عن هناك تفيدنا بيها :blush2:

وشكرا مقدما :rolleyes:

[اسكندرية تانى]

اخوانى الافاضل

اثناء بحثى على النت وجدت هذا الدليل و هو دليل المبعوثين السعوديين الى تورنتو

صحيح فيه معلومات لا تهمنا و لكن وجدت فيه الكثير مما يمكن ان يفيدنا مثل عناوين و تليفونات اشخاص يؤجرون شقق مفروشة

و عناوين المساجد و خرائطها و بعض الفنادق و كيف تصل اليها فى وسط البلد و المحلات العربية و من اين تشترى الاثاث

و خط التليفون و غيره الكثير.........

للتحميل اتبع هذا الرابط

http://www.naditoronto.com/~main/daleel/daleel.htm

والملف من نوع pdf و اتمنى لكم كل التوفيق

[om marawan]

ملف من اكثر من 100 صفحة ماشاء الله

انا حاولت اقرا جزء كبير منه مع انى مابفكرش فى الهجرة خالص لكندا أو امريكا

وقريت كمان منتدى هل كندا بهذه البشاعة

وانا دائما كلما يأتى ذكر أمريكا أو حتى كندا يتردد لدى سؤال سمعته من مدة ووجدته ايضا فى لينك مضافة فى مداخلات الاعضاء الافاضل فى منتدى كندا بهذه البشاعة واسمحولى اضيف اللينك هنا لأن بها جزء من سؤالى الذى لا يفارق سيرة الهجرة لأمريكا وكندا

اعذرونى اخوتى الأفاضل فانا لا ابدى رأيى ولا اهاجم الهجرة ولست أهلا للفتوى بشىء فى هذا المجال

ولكن سؤالى ماالذى سيحدث لابنائى او احفادى او اولادهم يوما ما ممن حملوا الجنسية الغربية

هل سيكونوا يوما ما جزء من الجيش الغربى الذى سيهاجم ويحتل يوما ما -بعد ام قصر- دولة اسلامية ؟؟؟؟ ليقتل الاف من المسلمين او العرب مسلمين ومسيحيين

طبعا الهجرة مليئة بالمميزات وليس من مميزاتها بالمناسبة المال -لأن الرزق واااااااااااااااحد وليس بكثرة المال ولكن فيما انفق فيه المال وفيما سيديمه على الله من صحة وخير-

اقول ان الهجرة بها مميزات كثيرة ولكن هل ستعدل مميزاتها فرض ولو واحد فى المليون ان يكون احد احفادى قاتلا فيما يسمونه حرب

سامحونى اعلم ان مداخلتى لا علاقة لها بالحوار ولكننى فقد أسأل لأنى أرى ماشاء الله الكثيرين من المهاجرين بالفعل على درجة عالية من التمسك بالدين وفقهم الله وجزاهم كل خير

ويمكن اكون فاهم غلط

اللينك هى

http://haridy.com/ib/showthread.php?t=53063

[Muhammad Zidan]

Dear Brothers Forum

Friendly respectable Queen

First: No individual may be a mistake not apologize for sinners because non apologized mean continuation in error

Second: the idea of facing all our strength Taatzaamih Women's Union, which will create the Union Shop to resist the trend Women who Tnhazin him all your strength

Finally: God willing Zidane John answered in the final game

Muhammad Zidan

مش فاهم! :rolleyes:

الأستاذ المفيد جداًً أوتوماتيك

المقصود بكلامي اللي حضرتك مفهمتوش الآتي :

1

• 
  

لا يجوز للواحد أن يخطئ دون أن يعتذر عن خطأه وإلا عدم اعتذاره يعتبر استمرار في الخطأ.

الصديقة المحترمة َQueen متحيزة جداً لنون النسوة وكتبت بالنص ( يا نساء كل ما تريد معرفته عن كندا إتحدن ) فقلت المفروض إن رجال المنتدى يشرعوا في تشكيل إتحاد لمواجهة الاتحاد النسائي الظاهر في تواجدهم المستمر والواضح وإفاداتهم الكتير والمهمة لدرجة إن زوجتي أصبحت بتاحد بالها إن ابتهال بقالها يومين ما كتبتش النهاردة ومصرية ومغتربة كتبت تعليقين امبارح وغيرهن كثير لذلك قصدت أن أوجه كلامي بالإنجليش عشان سيادتك وجميع الرجال في المنتدى نظهر شوية لمقاومة هذا الغزو النسائي في المنتدى وفي البيت.

آخر حاجة قلتها إن زيدان إن شاء الله يجيب جون في الماتش النهائي .

هو ده الموضوع كله

أرجو إنك تحاول أن تتواجد يومياً عشان نقدر نستفيد من تجربتك ومعلوماتك القيمة جداً :blush2:

Muhammad Zidan

[wagdi]

الفاضل مروان...

طب ما تحسبها حسبة تانية....

الجيش هنا بالإختيار مش إلزامي زي مصر... يعني لو بفرض قيام كندا بالعدوان على مصر مثلاً فإبنك مش حايحارب المصريين لأنه مجبر على كدة بل لأنه بإختياره قرر يكون محارب في الجيش الكندي...

أما في مصر بقى..فالجيش إلزامي... فإبنك ممكن يكون في يوم من الأيام مجبر على دخوله... وممكن يبقى واقف على الحدود في سينا...قدر بقى طقت في دماغ إلى حاكمين مصر يضربوا بتوع حماس...(ودي واردة مش بعيدة على بلدنا) ساعتها حيبقى إبنك بيحارب المسلمين بس مجبر...حتقوللي حتى لو مش بيحارب في كندا أهه بيساهم في إقتصاد دولة بتحارب (على إفتراض) المسلمين...طب ما أهو وأنت قاعد دلوقتي في مصر بتساهم في دعم الغاز إلى بتورده مصر لإسرائيل...إلى هي بتقتل في المسلمين والعرب...

والبيضة ولا الفرخة... :rolleyes:

الشاهد إن الموضوع بقى خلطبيطة... لو من الناحية دي مش نافعة...ولا من الناحية دي نافعة...إلا من رحم ربي...

وربنا يستر على الجميع...

وكما قال الشاعر "أهي كوسة على بامية على قرع إستامبوللي...بتفرع يا بلدنا على وش التسقية..." :blush2::

تحياتي

[ايهاب سالم]

اعتقد ان موضوع البرد لن يكون مقياس للتفرقة بين مدن كندا، فاستنادا على رأي اصدقاء لي يعيشون في كندا ( كله تحت الصفر بيتساوى)

طب إزاي .. -1 زي -10 زي -31 .. مش معقول طبعا .. أنا بأقول لك لأ بتفرق كتير

من خلال كلام الاصدقاء ايضا، ان البرتا ( التي توجد بها ادمنتون) هي الولاية التي تتميز باقل معدل ضرايب، و الأجور بها اعلى من تورنتو . و الله اعلم.

كل الحكايه إن البرتا لا تأخذ ضريبة PST على المبيعات ... بالنسبه للأجور .. طبعا أعلى أجور في تورونتو .. دي مش محتاجه أي كلام

و لو كان ذلك كذلك .. لماذا يفضل أغلب المهاجرون الجدد الإستقرار في أونتاريو .. فوق الستين أو السبعين في المائه ... مش فاكر بالضبط الإحصائيه

و لماذا لا ينتقل كل الكنديين للعيش في البرتا إذا كانوا سيأخذون مرتبات أعلى و يدفعون ضرائب أقل

لو ان المحامي بيقول ان احنا حنرسلها الى السفارة الكندية، لكن يبدو ان كلامه مش مظبوط.

كتير منهم كفتجيه

عشان كده بنقول لمن لم يرتبط بمحامي بعد .. لا يوجد داعي لذلك .. . و الموضوع بإمكان أي حد يعملوه لوحده

تم تعديل 10 فبراير 2008 بواسطة ايهاب سالم

[ايهاب سالم]

العزيز إيهاب سالم

أفهم من كلامك إن ادمنتون مقلب كبير في موضوع الشغل بالذات عشان في ناس نصحتني بالتوجه مباشرة لهناك مع العلم إن لي أقرباء في تورونتو فقط وكنت فاكر إن الشغل هناك سهل إيجاده وحيث إني عملت بحث من على النت لقيت إن غالبية الشغل هناك مش موجود شرط P. Eng فقلت يبقى العملية هتبقى سهلة شوية لحد ما نخلص المعادلة بس أنت خليت دماغي لفت ياريت لو عندك معلومات تانية عن هناك تفيدنا بيها :blush2:

وشكرا مقدما :rolleyes:

أنا لم أعلق على إدمنتون في موضوع الشغل .. أنا إتكلمت عن البرد و عن الغلاء و عن أن مرتباتها ليست أعلى من أي مقاطعه أخرى

بالنسبه للشغل .. الإجابه الصحيحه .. لا أعلم

[ايهاب سالم]

جزيل الشكر ليك سيد ايهاب وياريت لو عندك اي معلومات عن افضل المدن حاليا من حيث فرص العمل والسكن تسردها لينا هنا عشان يكون الكل قرارهم واضح قبل السفر.

عفوا أخت مصريه

ليس عندي معلومات أو خبرات تسمح لي بالإجابه عن مثل هذا السؤال

أنا كان عندي معلومه عن إدمنتون بالتحديد حبيت أشارك بها

[om marawan]

الفاضل مروان...

طب ما تحسبها حسبة تانية....

الجيش هنا بالإختيار مش إلزامي زي مصر... يعني لو بفرض قيام كندا بالعدوان على مصر مثلاً فإبنك مش حايحارب المصريين لأنه مجبر على كدة بل لأنه بإختياره قرر يكون محارب في الجيش الكندي...

أما في مصر بقى..فالجيش إلزامي... فإبنك ممكن يكون في يوم من الأيام مجبر على دخوله... وممكن يبقى واقف على الحدود في سينا...قدر بقى طقت في دماغ إلى حاكمين مصر يضربوا بتوع حماس...(ودي واردة مش بعيدة على بلدنا) ساعتها حيبقى إبنك بيحارب المسلمين بس مجبر...حتقوللي حتى لو مش بيحارب في كندا أهه بيساهم في إقتصاد دولة بتحارب (على إفتراض) المسلمين...طب ما أهو وأنت قاعد دلوقتي في مصر بتساهم في دعم الغاز إلى بتورده مصر لإسرائيل...إلى هي بتقتل في المسلمين والعرب...

الشاهد إن الموضوع بقى خلطبيطة... لو من الناحية دي مش نافعة...ولا من الناحية دي نافعة...إلا من رحم ربي...

وربنا يستر على الجميع..

تحياتي

أستاذى الفاضل وجدى

اولا أشكر حضرتك جدا على اهتمامك بالرد على تساؤلاتى والتفكير معى فيها

لأننى احترم سيادتك جدا من خلال مداخلاتك برصانتها وموضوعيتها واسلوبها

أما عن الحسبة فمع حضرتك حق فى حاجات كتير بس انا مش عارف احسبها كلها كده

ممكن يكون الجيش فى كندا النهاده مش الزامى بس الله أعلم على ايام ولادى ولا احفادى - اللى هيكونوا كنديين برضه- هيكون ايه

و حتى هم هيكونوا بيفكروا ازاى ويمكن واحدفيهم يضل ويستغل جنسيته ويسافر وينضم برغبته للجيش وأشيل انا ذنب انى ساهمت فى الخطوة دى

أما عن جيش مصر فمن ناحية ده مش اختيارى يعنى انا مش مساهم فيه بايدى و هيدفع تمنه الأجيال ده غير ان الرسول صلى اله عليه وسلم

أثنى على جنود مصر وقال انهم خير اجناد الأرض يعنى الانتماء لها مازال للأن مشرف بل وعلى مر التاريخ وعمرنا ماوقفنا فى وجه عربى ولا مسلم يعنى خبرتنا معاهم احسن

بعكس الجيش الكندى اللى النهارده واقف لقتل الافغان المسلمين

وبكرة الصبح الله أعلم هيقف ضد مين ؟؟

فعلا ربنا يستر على الجميع

مرة اخرى أشكر حضرتك لردكم وسعة صدركم

تم تعديل 10 فبراير 2008 بواسطة marawan