كل ما تريد معرفته عن (كندا)

[طارق الشاطر]

استاذ ايهاب سالم

جزاءك الله خير الجزاء لهذا الايضاح فوالله يااخي الكريم انت دوما سباق بالخير في هذا المنتدى الطيب فقد سبقتني وانا في امس

الحوجة لك ولامثالك وكنت متردد على الاقدام على هذه المبادره لكن سعت صدرك لم تدع لي مجال لتردد بعد الان فقد كنت على وشك

ان اراسلك على بريدك الخاص لمساعدتي ويد مد العون لي فقد كنت اريد بعض المعلومات عن تورينتو وساراسلك على الخاص اليوم

انشاء الله

[Automatic]

الأستاذ المفيد جداًً أوتوماتيك

انتا بتتريق عليا يا واد والا ايه :ninja:

بصراحه أنا قريتها كذا مره ومفهمتش أنتا كنت قاصد أيه بس أنا دلوقتي متأكد أنك أستخدمت Online Translator , صح؟

[Muhammad Zidan]

الأستاذ المفيد جداًً أوتوماتيك

انتا بتتريق عليا يا واد والا ايه :rolleyes:

بصراحه أنا قريتها كذا مره ومفهمتش أنتا كنت قاصد أيه بس أنا دلوقتي متأكد أنك أستخدمت Online Translator , صح؟

الأستاذ الغالي أوتوماتيك

لا ياسيدي والله ما بأتريق عليك ولا حاجة بالعكس أنا شايف إنك من أكثر الناس إفادة للموضوع ولعلمك أنا بعتمد على معلومات كتير بتذكرها وطبعاً الأخوة وجدي وإيهاب وابتهال والأخ الغائب من فترة طويلة هادي .

يعني مفيش تريقة ولا حاجة وواضح من أسلوبك إن سنك لسة صغير لكن باحث جيد وممتاز ومفيد جداً لينا على الأقل.

بالنسبة لموضوع Online Translator صدقني أنا أول مرة أسمع عنه منك إنت وبدأت أجرب بس مش لاقي فيه ترجمة من عربي للغات أخرى لغاية دلوقتي .

أخيراً أنا واضح جداً في ردودي ولا يمكن أقصد إني أتريق عليك أبداً وخصوصاً إن دي أول رسالة بيني وبينك ..... مش كده والا إيه :closedeyes:

عندي بقى سؤال مهم داير بين الأصدقاء على المنتدى إيه حكاية مدينة إدمنتون والصقيع اللي فيها وإيه حكاية مستوى الإيجارات المنخفض فيها والأجور العالية والمفاضلة بين المدن التانية وأفضلها للحياة من وجهة نظرك .

سؤال تاني لو ممكن :

هل في إمكانية للحياة بضاحية أو منطقة لحدِِ ما ريفية عشان في مشروع بنحلم بتنفيذه أنا وزوجتي ( تسمين عجول محدود ومنتجات ريفية جبن ومربات وألبان وخلافه وبرضه محدود ) والتكلفة كام وإيه المعوقات لو موجودة خصوصاً إن أنا وزوجتي مهندسين زراعيين وطبعاً رأيك مهم جداً في اختيار المنطقة والمكان لتنفيذ المشروع .

وآسف جداً عشان طولت عليك

Muhammad Zidan

[Queen]

السلام عليكم و رحمة الله و بركاته،

شكرا استاذ اتوماتيك و استاذ ايهاب على التوضيح، انتم ادرى بالتأكيد، انتم اللي عايشيين هناك.

انا بس كنت احب اوضح ليه بيقولوا (كله تحت الصفر بتساوى)، اصدقائي ليس لهم انشطة على الاطلاق خلال فترة الشتاء، حيث ان معظمهم يدرس في الجامعة، وان خرجوا بيخرجوا بالسيارة مكيفة الى مول مكيف علشان كدة مش فارقة بقه واحد تحت الصفر و لا عشرة تحت الصفر.

اعتقد لو ان الواحد جالو منحة دراسية في جامعة البرتا (ادمنتون)، او يعمل في مجال البترول اللي بتتميز بيه البرتا. فممكن يستحمل البرد الزيادة علشان يحقق اللى هوه عايزه.

و بالنسبة للأجور، يقال ان معدل الاجر اليومي لل casual jobs في تورنتو 8 دولار في الساعة، و لكن معدل الاجر اليومي لل casual jobs في البرتا 12 دولار في الساعة. و يقال ان الولايات اللي جوها برد قاسي بتدفع اجور احسن علشان تستقطب المهاجرين، و الجميع يتجة الى اونتاريو أو كيبيك بحثا عن مساعدة و عون الاصدقاء و لذلك اعداد المهاجرين ليها بيكون اكتر من اي مكان اخر.

و بالنسبة للضرايب، في اونتاريو تصل الى 33% و لكن في البرتا 7%. (تختلف حسب الدخل)

كلها معلومات سماعية(من اصدقاء) لا احصائيات عليها، و لذلك سأترك الموضوع لمن يعرف أكثر.

و اشكركم كثيرا.

[osama jouda]

مبروك لمصر ولك عربي شريف :closedeyes:

[Automatic]

الأستاذ الغالي أوتوماتيك

لا ياسيدي والله ما بأتريق عليك ولا حاجة بالعكس أنا شايف إنك من أكثر الناس إفادة للموضوع ولعلمك أنا بعتمد على معلومات كتير بتذكرها وطبعاً الأخوة وجدي وإيهاب وابتهال والأخ الغائب من فترة طويلة هادي .

يعني مفيش تريقة ولا حاجة وواضح من أسلوبك إن سنك لسة صغير لكن باحث جيد وممتاز ومفيد جداً لينا على الأقل.

بالنسبة لموضوع Online Translator صدقني أنا أول مرة أسمع عنه منك إنت وبدأت أجرب بس مش لاقي فيه ترجمة من عربي للغات أخرى لغاية دلوقتي .

أخيراً أنا واضح جداً في ردودي ولا يمكن أقصد إني أتريق عليك أبداً وخصوصاً إن دي أول رسالة بيني وبينك ..... مش كده والا إيه :closedeyes:

عندي بقى سؤال مهم داير بين الأصدقاء على المنتدى إيه حكاية مدينة إدمنتون والصقيع اللي فيها وإيه حكاية مستوى الإيجارات المنخفض فيها والأجور العالية والمفاضلة بين المدن التانية وأفضلها للحياة من وجهة نظرك .

سؤال تاني لو ممكن :

هل في إمكانية للحياة بضاحية أو منطقة لحدِِ ما ريفية عشان في مشروع بنحلم بتنفيذه أنا وزوجتي ( تسمين عجول محدود ومنتجات ريفية جبن ومربات وألبان وخلافه وبرضه محدود ) والتكلفة كام وإيه المعوقات لو موجودة خصوصاً إن أنا وزوجتي مهندسين زراعيين وطبعاً رأيك مهم جداً في اختيار المنطقة والمكان لتنفيذ المشروع .

وآسف جداً عشان طولت عليك

Muhammad Zidan

متخدهاش بجد أوي أنا بهزر معاك.

'يب أنا لازم أقولك أنك محتاج تحسن اللغه الأنجليزيه كتير :rolleyes: بس جد حتسهلك امورك وتفتحلك ظرق كتيره وأنا بعتبر تحسين اللغه من أهم الأستعدادات للهجره.

معلوماتي عن الزراعه قليله جدآ بس من الي لاحظته أن معظم المزارع مملوكه فلازم تشتري مش تأجر.

أي معلومات أجيبهاك حتبقي من النت و برده حقولك تاني لو لغتك كويسه تقدر تراسل منظمات كنديه يساعدوك في كل حاجهز

/ثلآ أنت سألت عن عسل النحل:

http://www.honeycouncil.ca/users/folder.asp?FolderID=4807

http://www.honeycouncil.ca/users/folder.asp?FolderID=4809

سألت عن عجول وغيره:

http://www.certifiedorganic.bc.ca/rcbtoa/t...g/livestock.htm

http://www.certifiedorganic.bc.ca/rcbtoa/services/links.html

http://www.smallfarmcanada.ca/smallcattle.html

وهنا أعلان علي مزرعه للبيع:

http://placead.bcclassified.com/index.php?...l5t6&sfid=1

http://www.canadian-real-estate-for-sale.c...query=retrieval

http://www.canadian-real-estate-for-sale.c...query=retrieval

http://www.canadian-real-estate-for-sale.c...query=retrieval

http://www.canadian-real-estate-for-sale.c...query=retrieval

Google is your friend

[Queen]

السلام عليكم،

الف الف مبروك لمصر و للمصريين و لاعضاء المنتدى الكرام :closedeyes: :rolleyes: :rolleyes: :sad: :blush2: :unsure: :ninja:

[Automatic]

انا بس كنت احب اوضح ليه بيقولوا (كله تحت الصفر بتساوى)، اصدقائي ليس لهم انشطة على الاطلاق خلال فترة الشتاء، حيث ان معظمهم يدرس في الجامعة، وان خرجوا بيخرجوا بالسيارة مكيفة الى مول مكيف علشان كدة مش فارقة بقه واحد تحت الصفر و لا عشرة تحت الصفر.

برده حتفرق و كتير. حتي لو فرضنا أنهم ‘ايشين في بيت بيسمحلهم الخروج من المنزل ألي السياره من غير التعرض للخارج ويروحو الجامعه ويركنو السياره في مركن مكييف أكيد حيروحوا يشترو شويه خضار ولا عيش ولا ولا وساعتها أول ما يخرجوا من العربيه حيجمدو ودي مش مبالغه. صدقيني درجال ال 52 تحت الصفر و أقل فظيعه. بس هما غالبآ أتعده علها ولو لحدآ ما.

اعتقد لو ان الواحد جالو منحة دراسية في جامعة البرتا (ادمنتون)، او يعمل في مجال البترول اللي بتتميز بيه البرتا. فممكن يستحمل البرد الزيادة علشان يحقق اللى هوه عايزه.

باتأكيد

و بالنسبة للأجور، يقال ان معدل الاجر اليومي لل casual jobs في تورنتو 8 دولار في الساعة، و لكن معدل الاجر اليومي لل casual jobs في البرتا 12 دولار في الساعة. و يقال ان الولايات اللي جوها برد قاسي بتدفع اجور احسن علشان تستقطب المهاجرين، و الجميع يتجة الى اونتاريو أو كيبيك بحثا عن مساعدة و عون الاصدقاء و لذلك اعداد المهاجرين ليها بيكون اكتر من اي مكان اخر.

أنا معرفش تقصدي أيه ب casual jobs لو شغل في مكدونالد ولا ستار باكس أقول جايز يدفعلهم 8 دولار وهوا أقل أجر لاكن أنا بصراحه معرفش حد يقبل يشتغل بالأجر ده. لأاكن عمومآ أنا أنصح الناس الي متوقعه تشتغل casual jobs تختار حاجه يكون فيها تقدم مع الوقت والخبره. ياعني البياض والسباك مرتبهم بيعلي مع زياده الخبره لاكن الشغل في مكدونالدز بيناسب طلبه المدارس.

و بالنسبة للضرايب، في اونتاريو تصل الى 33% و لكن في البرتا 7%. (تختلف حسب الدخل)

الكلام ده مش مظبوط وعلي فكره من غير التدقيق في الأرقام أوا الفرق في ألضراءب ميكونش فرق كبير زي ما أنتي كتبتي ياعني جايز 2-3 %

َضراءب اونتاريو لالدخل الشخصي أقلها 6.05 و اعلاها 11.16

ضراءب ألبرتا للدخل الشخصي كلها 10%

فلو دخلك بسيط حتدفعي ضراءب أقل في أونتاريو

لاكن ألبرتا معندهاش Provincial Slaes Tax

أللي بيحصل هوا ده: انت روحي السوبرماركت في أونتاريو تشتري كيلو برتقال(ده مثل لاكن مافش ضراْب علي الخضار والفواكه وبعض انواع الأكل) وتلاقي سعره مثلآ 10 دولار. لاكن لما تروحي تدفع تمنه حيطلبو منك 11.3 دولار!

5% ضراءب دوليه و 8% ضراءب المحافظه. وفي ألبرتا تدفعي بس 10.5 دولار لأن المحافظه مبتخدش ضراْب.

طيب نحسب الcasual jobs علشان تفهمو هيا معناها أيه:

أحنا عندنا 220 يوم شغل في السنه و نفترض نشتغل 8 ساعات في اليوم ب 12 دولار في الساعه 12*8*220= 21120 دولار في السنه

في أونتايو ده معناه حوالي 18000 دولار في السنه !

تم تعديل 11 فبراير 2008 بواسطة Automatic

[مصري اسكندراني]

الف الف مبروك يا مصر ويا كل المصرين الي جوه والي بره متغرب زينا .ربنا يديم علينا الفرح يا رب

[Muhammad Zidan]

ألف مليون مبروك لينا كلنا على كاس إفريقيا

وبرضه زيدان شارك في إحراز الهدف يا Queen

ألف مبروك يا أصدقائنا في كندا ولو في احتفالات عندكم بالفوز الجميل ياريت تصوروهالنا وتبعتوها على المنتدى ماشي يا عم أوتوماتيك

ما تقلقش يا عم أوتوماتيك على الإنجليش أنا كويس جداً واجتازت 3 إمتحانات تويفل قبل كده وحالياً رايح أحدد ميعاد الأيلتس في البريتش كانسل وأنا أساساً من ضمن شغلي من منازلهم ترجمة بحوث .. ومتشكر جداً جداً على المواقع الرائعة اللي بعثتها .

ماتنساش تنقل لنا فرحة المصريين شكلها إيه عندكم بالصور على الأقل .. على فكرة الإيميل بتاعي في الملف ممكن تشوفه

على فكرة درجة الحرارة في مصر وفي مطروح بالذات من 4 أيام كانت +1 يعني قربنا نبقى زي كندا .

إوعى تغيب عن المنتدى.

Muhammad Zidan :hearts: :hearts:

[Queen]

السلام عليكم ورحمة الله،

شكرا يا استاذ اتوماتيك على توضيح الامور، انا بسمع منهم و بسمع من حضرتك، ان شاء الله لما نكون في كندا حنكون رأينا بناءا على تجربتنا الشخصية.

يا ترى ايه رأي حضرتك في الماتش النهائي؟

[Automatic]

السلام عليكم ورحمة الله،

شكرا يا استاذ اتوماتيك على توضيح الامور، انا بسمع منهم و بسمع من حضرتك، ان شاء الله لما نكون في كندا حنكون رأينا بناءا على تجربتنا الشخصية.

يا ترى ايه رأي حضرتك في الماتش النهائي؟

السلام عليكم ورحمة الله و بركاته

ماليش في الكوره wst::

[walidsm]

أفهم من كلامك إن ادمنتون مقلب كبير في موضوع الشغل بالذات عشان في ناس نصحتني بالتوجه مباشرة لهناك مع العلم إن لي أقرباء في تورونتو فقط وكنت فاكر إن الشغل هناك سهل إيجاده وحيث إني عملت بحث من على النت لقيت إن غالبية الشغل هناك مش موجود شرط P. Eng فقلت يبقى العملية هتبقى سهلة شوية لحد ما نخلص المعادلة بس أنت خليت دماغي لفت ياريت لو عندك معلومات تانية عن هناك تفيدنا بيها :)

وشكرا مقدما wst::

استاذ مزاميزو

المهندسين بكافة تخصصاتهم مطلوبين جدا جدا جدا في البرتا. وهي مناسبة جدا للمهاجرين الجدد الان وبقول تاني الان. لان البرتا الان وبعد زيادة اسعار البترول العالمية في خلال الخمس سنين اللي فاتو اتغيرت 180 درجة. في البرتا دلوقتي سوق العمل محتاج ناس في كل التخصصات لان الحكومة ميزانيتها كبرت جدا بعد زيادة البترول وبيعملوا تنميه في جميع المجالات. على فكرة اقولك معلومة علشان تعرف ليه اشمعنى البرتا دونا عن غيرها من المقاطعات الكندية فيها الطفرة الرهيبة دي...........دا راجع لان دخل البترول اللي فيها راجع للمقاطعة فقط وهي بس بتدفع عنه ضرائب للحكومة الفيدرالية علشان كده فائض الميزانية في المقاطعة دلوقتي كبير جدا. وصل الحال ان هما بيبنوا وبيطوروا مدن جديدة او قائمة كاملة. علشان كده موضوع الشغل اكتر. كمان وصل بيهم الحال من قلة الناس انهم بقوا بيجيبوا ناس بعقود زي الخليج كده بس عادة بيجبوهم من المكسيك.

بالمناسبة موضوع الجو في كندا متقدرش تبني مستقبلك عليه لان الجو بالذات في الشتاء كده كده متقلب يعني النهاردة مثلا وانا بكلمك في اللحظة دي (11 فبراير الساعة 11:55 صباحا) درجات الحرارة كالتالي:

ادمنتون: -9

تورونتو: -10

مونتريال: -16

كالجاري: -6

واقصد بكده ان الجو كده كده بيتغير وحتى وان كان هو ابرد في البرتا بس المهم المستقبل. رأيي الشخصي انه فرص التقدم في العمل في البرتا للمهاجرين الجدد دلوقتي زي كندا سنة 1967 ودي السنة اللي بدأت فيها افواج الهجرة الكبيرة من كل العالم تتددفق لكندا.

كمان احنا سبنا بلادنا واصحابنا وعائلتنا ورحنا اخر الدنيا يعني ولا برد حيهدنا ولا شمس حتصدنا. المهم النية والتخطيط السليم والاصرار.............والاهم من ده كله توفيق ربنا. وبالتوفيق.

[walidsm]

يا ترى ايه رأي حضرتك في الماتش النهائي؟

ماتش تحفة والواحد فرح بالدموع. والله وعملوها الرجالة صحيح. وحشانا يا مصر وبنحبك يا بنت الايه وربنا يباركلنا فيكي وفي ولادك.

[walidsm]

انا بس كنت احب اوضح ليه بيقولوا (كله تحت الصفر بتساوى)، اصدقائي ليس لهم انشطة على الاطلاق خلال فترة الشتاء، حيث ان معظمهم يدرس في الجامعة، وان خرجوا بيخرجوا بالسيارة مكيفة الى مول مكيف علشان كدة مش فارقة بقه واحد تحت الصفر و لا عشرة تحت الصفر.

اتفق مع اصدقائك تماما.

اعتقد لو ان الواحد جالو منحة دراسية في جامعة البرتا (ادمنتون)، او يعمل في مجال البترول اللي بتتميز بيه البرتا. فممكن يستحمل البرد الزيادة علشان يحقق اللى هوه عايزه.

موافق 100%

و بالنسبة للأجور، يقال ان معدل الاجر اليومي لل casual jobs في تورنتو 8 دولار في الساعة، و لكن معدل الاجر اليومي لل casual jobs في البرتا 12 دولار في الساعة. و يقال ان الولايات اللي جوها برد قاسي بتدفع اجور احسن علشان تستقطب المهاجرين، و الجميع يتجة الى اونتاريو أو كيبيك بحثا عن مساعدة و عون الاصدقاء و لذلك اعداد المهاجرين ليها بيكون اكتر من اي مكان اخر.

صح تماما.

و بالنسبة للضرايب، في اونتاريو تصل الى 33% و لكن في البرتا 7%. (تختلف حسب الدخل)

مش متفق معاهم بالنسبة لضريبة الدخل هيا تقريبا واحدة ولكن يمكن يقصدوا ضريبة المقاطعة للمبيعات واالي هيا صفر في البرتا بدل من 8% في مونتريال مثلا ولكن طبعا فيه الضريبة الفيدرالية للمبيعات 5%. بالتوفيق.

[دعاء]

:110:

:110: walidsm

انا حبيت انى ارحب بيك تانى بعد غياب طويل عن المنتدى فحمد لله على السلامة و يا رب تكون الاوضاع مستقرة معاك فى مونتريال ومع كل المصريين هناك

:110:

[مزاميزو]

العزيز جدا walidsm

متشكر جدا على المعلومات اللي أضفتهالي وإنك اهتميت بمداخلتي :110:

ويجعله في ميزان حسناتك :110:

[مزاميزو]

الأخت Queen

شكلك كده ناوية على البرتا زي حلاتي يا ريت تقولي أنت في آي مرحلة من مراحل الهجرة

[walidsm]

:110:

:110: walidsm

انا حبيت انى ارحب بيك تانى بعد غياب طويل عن المنتدى فحمد لله على السلامة و يا رب تكون الاوضاع مستقرة معاك فى مونتريال ومع كل المصريين هناك

:110:

الاخت دعاء

اشكرك جدا على الترحيب وعلى فكرة انا اصلا من مقيمي مونتريال ولكني اعمل حاليا في البرتا واحب اطمنك ان معشوقتي مونتريال ما زالت جميلة ورائعة وبراقة (للدارسين) كما هي وان صديقتي البرتا لازالت جذابة (للمهاجرين الجدد) كما هي. ولكني افتقد القلب الدافئ مصر ولكن طبعا ليس كل ما يتمناه المرء يناله. وبالتوفيق

[Queen]

السلام عليكم و رحمة الله،

استاذ وليد، اشكرك على معلومات حضرتك القيمة، لطالما اعجبت باسلوب حضرتك الموضوعي و الدقيق. ربنا يوفقنا جميعا في تحقيق احلامنا ان شاء الله.

الماتش فعلا كان تحفة ، و على الرغم اني مابتابعش الكورة، و لكن ماتش زي ده ما يتفوتش الحقيقة، و على الرغم انها (كورة) لكن فيها يتجسد ان الانسان عندما يدعو الله و يتوكل عليه و يبذل 100% من جهده ينجح و يصل لاحلامه ،بأمر الله تعالى. انا كنت حاسة ان اللاعبين بيكافحوا في الملعب امام اسود الكاميرون و لكن لكل مجتهد نصيب ان شاء الله.