كل ما تريد معرفته عن (كندا)

[دعاء]

:rolleyes:

مساء الفل على كل اعضاء وعضوات المنتدى الكرام ويا رب يكون الجميع بالف خير

شكرا اخى الكريم مزاميزو على ردك بخصوص المواعيد ولو ان اليومين دول الناس دى مالهاش مقياس الواحد يقدر يحسبها على اساسه

اخر الاخبار اللى سمعتها ان الحكومة الحالية فى كندا تحمل الحكومة السابقة مسئولية تراكم طلبات الهجرة والبطء الشديد فى العمل عليها ووزيرة الهجرة الكندية وضعت بعض الوعود بان هذا التاخير سوف يتم تعويضه على المهاجر عند وصوله الى كندا بتوفير البرامج والمساعدات والتى من دورها سوف تيسر اندماج المهاجر سريعا فى المجتمع الكندى

وهذا اخر ما استجد من اخبار عن الهجرة من راديو كندا الدولى

لكن يا ترى ايه اخبار اخوانا واخواتنا الكرام اللى كانوا فى انتظار الفيزا ( مصرية ومغتربة - مصرية والنعم - queen - pharmd ) ؟؟

ارجوا الاطمئنان على اخباركم فى اقرب وقت

:unsure:

[Lembic]

الأخ اللمبيك

أظن مداخلتك ما تفيدش موضوع المنتدى فى شىء ومع هذا....

أعتقد كلامى فى مداخلتى السابقة واضح جدا....مش انا اللى حاهاجر لكن أسرتى

مش عارف يمكن حضرتك ما قريتش الكلام بدقة...خالص تحياتى...

أنا أسف يا أستاذ Elshamy لآنى إعتقدت أنك وأسرتك اللى مهاجريين مش أسرتك بس.

[daliaothman]

:Icecream:

صباح الخير لكل المنتدى ازيكم كلكم

وبرحب بكل الاعضاء الجداد لانى ملاحظه ان الاعضاء بيزيدوا ودى طبعا حاجه كويسه بس المشكله انى بئيت بلخبط بينهم

*الاخ محمد زيدان

شكرا جدا لسؤالك بس هو فعلا مشكلة النت اخدت شوية وقت جنب طبعا الظروف اليوميه اللى بتشغلنى لكن انا كنت بتابع المنتدى بس مش بلحا ارد

ونفس الحال بالنسبه لاختكم مصريه هى بتسلم على كل المنتدى بس هى التليفون كان عطلان مده طويله عندها وطبعا انشغالها مع ولادها

*وياريت فعلا كل الاعضاء المختفيين يقولولنا ايه اخبارهم حتى لو المختصر المفيد علشان يطمنونا عليهم علشان انا حاسه اننا بئينا عاملين زى العائله مع بعض

*بالنسبه لدعاء

ازيك عامله ايه حتى انتى مشاركاتك قلت ليه مكنش بيعدى يوم اللا لازم يكون فيه مشاركاتك وميرسى على الخبر ده

[مصرية و مغتربة]

السلام عليكم ورحمة الله وبركاته اخباركم ايه جميعا يارب تكونوا بخير.

بالنسبالي انا مازلت في انتظار طلب الباسبور وربنا ييسر ان شاء الله وبالنسبة للاختفاء انا حاليا بمصر في اجازة بسيطة بقضيها مع اهلي و معنديش وقت اني ادخل عالنت مع انه موجود الحمدلله المنطقة بتاعتنا مش متأثرة بمشاكل النت.

ادعولي خير قبل اجازتي ما تخلص يبعتولي طلب الباسبور لاني خلاص مليت بس الله المستعان.

وشكرا لدعاء والاخوة وكل اللي سأل عني.

[مزاميزو]

عم لمبي

يا فكيك جت من كلمة فككان ويلي هي خلعان يعني أخلع بعد ما أخد الجنسية :Icecream:

وأنا مش بكسر مأديف حد يا عم آراد وأنا مستني الكشف الطبي وأخدت الموافقة خلاص

[دعاء]

:happy:

*بالنسبه لدعاء

ازيك عامله ايه حتى انتى مشاركاتك قلت ليه مكنش بيعدى يوم اللا لازم يكون فيه مشاركاتك وميرسى على الخبر ده

:lol:

اختى الفاضلة : داليا عثمان

انتى عارفة انى مش بتأخر عن المنتدى ابدا الا للشديد القوى

اولا : كان عندى عطل فى الكمبيوتر نفسه اخد حوالى خمس ايام علشان يتصلح

ثانيا : التيرم التانى بادئ جامد قوى على الاولاد وانا مشغولة معاهم جدا فى الواجبات والمذاكرة

ثالثا : التاخير الحاصل فى اجراءات الهجرة اليومين دول مخلينى متضايقة شوية والمود مش قد كده

لكن طبعا كنت متابعة الردود اللى فاتت لكن ماكانش عندى جديد علشان اضيفه

لكن طبعا انا باشكر كل اللى سالوا عنى وربنا يقرب البعيد للكل ويكون المنتدى ده وش السعد على الناس كلها فى تحقيق احلامهم بالهجرة وايضا تحقيق النجاح المرجو منها

والى لقاء قر يب بإذن الله

:lol:

[Muhammad Zidan]

مساء الخيرات على كل الاصدقاء والزائرين كمان

والله ليا استفسار وأرجو الرد من الأخوة اللي انتهو من المرحلة دي

كيفية ترجمة شهادات الميلاد والتجنيد والخبرة وهل يتم توثيقهم بعد الترجمة ومن أي جهة يتم التوثيق وبالنسبة للإسم الموجود في الشهادات الصادرة بالإنجليش لو مختلف عن الإسم المكتوب بالإنجليش في الباسبور هل بيسبب مشكلة والا الاإسم العربي يمكن الاعتماد عليه

لو ممكن الأخوة الحبراء واللي تجاوزوا مرحلة الترجمة يفسروا لنا إزاي وخطوة خطوة ولو في شرط تعديل الإسم في الشهادات المترجمة ليتوافق مع الإسم بجميع الشهادات إزاي برضه نعمله

ولكم جزيل الشكر

وحمداً لله على سلامة ظهور بعض المختفين ومش كلهم

Muhammad Zidan :closedeyes: :) :ninja:

[Muhammad Zidan]

يا عم إيهاب ظهرت شوية ومشيت بسرعة بس كويس إنك ظهرت حمداً لله على السلامة

دعاء وداليا عثمان حمداً لله على السلامة

فاضل أتوماتيك وكوين وياسمين وهادي ومصرية والنعم ومصرية مغتربة وهادي

بنفتقدكم والله ياجماعة لما بادخل المنتدى ومألاقيش بعضكم باحس إن المنتدى بدون عمدان خليكوا معانا دايماً

Muhammad Zidan

[osama jouda]

تحيه محبه واجلال لكل المشاركين في الحوارات ، انا محتار لما قدمت على الهجره قالولي من سنه الى سنتان حد اعلى وانا داخل في الثالثه مقدم من 23/3/2005 واجاني رقم الملف في 1/4/2005 واسمي نازل على الانترنت ولكن لا حس ولا خبر ايه معلومات عن سبب التأخير يا اجدع ناس انا في الاردن ومقدم من مكتب سوريا سلام :closedeyes:

[Bassam El Sayed]

الاخ اسامة

السلام عليكم ورحمة الله وبركاتة

اعتقد يا اسامة الى قالك انة من سوريا بتاخد سنة او سنتين على اكتر تقدير خدعك

اذا كان من الكويت او الامارات او السعودية الى كلهم فى مكتب لندن بتاخد مش اقل من سنتين الى ثلاث سنوات

من القاهرة مش اقل من ثلاث سنوات الى اربع سنوات

اعتقد ان سوريا مش اقل من القاهرة بردة ان ما كانتش اكتر من القاهرة

وشكرا

[Toronto]

الاخ اسامة

السلام عليكم ورحمة الله وبركاتة

اعتقد يا اسامة الى قالك انة من سوريا بتاخد سنة او سنتين على اكتر تقدير خدعك

اذا كان من الكويت او الامارات او السعودية الى كلهم فى مكتب لندن بتاخد مش اقل من سنتين الى ثلاث سنوات

من القاهرة مش اقل من ثلاث سنوات الى اربع سنوات

اعتقد ان سوريا مش اقل من القاهرة بردة ان ما كانتش اكتر من القاهرة

وشكرا

Syria get short time only to Immigration quebec...

[daliaothman]

:lol:

الاستاذ محمد زيدان

بالنسبه لموضوع الترجمه بترجم الورق كله فى مكتب ترجمه معتمد او فى الخارجيه ولو مقدم مع محامى هو بيتوللى الموضوع ده وبالنسبه للاسم بتهيالى لازم يكون مش مختلف بس مش متاكده عموما لو عرفت اوصل لمعلومات اكتر هابلغك

[Muhammad Zidan]

الاستاذ محمد زيدان

بالنسبه لموضوع الترجمه بترجم الورق كله فى مكتب ترجمه معتمد او فى الخارجيه ولو مقدم مع محامى هو بيتوللى الموضوع ده وبالنسبه للاسم بتهيالى لازم يكون مش مختلف بس مش متاكده عموما لو عرفت اوصل لمعلومات اكتر هابلغك

مساااااااااااااااااء الخيرات على الجميع

الأستاذة المحترمة : داليا عثمان

شاكر جداً على اهتمامك واسمحيلي بسؤال : هو اللي بيحصل إني آخد شهادة المؤهل وشهادة الخبرة وأروح بيهم لمكتب ترجمة معتمد وبعد الترجمة أوثقهم من الخارجية والا أروح بيهم مباشرة للخارجية ؟

إعذريني لأني بادي المشوار حديثاً جداً

خالص تحياتي وتقديري

Muhammad Zidan :) :) :)

[عبدالخالق عباس]

السلام عليكم ورحمة الله وبركاتة الحمد الله انا الان في كندا تورنتو وصلت يوم 27 من شهر 2 والسفرة كانت طويلة جدا بس الحمد الله كانت مريحة وسلامي الى الكل

[desokey]

السلام عليكم ورحمة الله وبركاته

اريد منكم خدمة ملحة

من احد احلام حياتى ان احصل على الماجيستير والدكتوراه من كندا

وانا الان اعمل فى السعودية فى شركة برمجيات كبيرة ولها فرع فى كندا

وبصراحة انا اريد ان اقدم على الهجرة لكى احصل على الجنسية لتقليل تكاليف الدراسة فقط لا غير ولا اريد الاستمرارا او العيش فى كندا

سؤالى ماذا لو انتقلت للعمل فى فرع الشركة فى كندا

هل هذا سوف يقلل من تكالبف الدراسة او سوف يسرع عملية الموافقة على الهجرة والجنسية

وهل اذا كنت اعمل فى كندا , مصاريف الدراسة سوف تقل

ارجوا المساعدة منكم فى هذا الموضوع باقصى سرعة ممكن اذا سمحتم

[دعاء]

md2: عبد الخالق عباس

الف حمد لله على السلامة لك ولاسرتك الكريمة وبالتوفيق دائما فى خطواتكم الاولى فى كندا

وارجوا منك ان اتسع لك الوقت ان تحكى لنا ظروف الرحلة واى موقف حدث لكم ( سلبى او ايجابى ) يستحق الرواية

وتحياتى لجميع الاهل والاقارب فى كندا

:waf:

[Muhammad Zidan]

السلام عليكم ورحمة الله وبركاتة الحمد الله انا الان في كندا تورنتو وصلت يوم 27 من شهر 2 والسفرة كانت طويلة جدا بس الحمد الله كانت مريحة وسلامي الى الكل

ألف حمد اً لله على سلامتك وربنا يوفقك يا أستاذ عبد الخالق

Muhammad Zidan md2: :waf:

[daliaothman]

:rolleyes:

الاستاذ محمد زيدان

مافيش داعى للشكر لا شكر على واجب انا مش عارفه بس هاسال ولو وصلت لحاجه هاقولك

الاستاذ عبد الخلق عباس

الف حمدلله على السلامه وطبعا احنى مستنيين انك تقولنا عن انطباعك عن كندا وتحكيلنا اى حاجه ممكن تفيدنا سواء سلبيه او ايجابيه وربنا يوفقك

[drbakir]

ألسلام عليكم شلونكم وشلون صحتكم

أني طبيب عراقي قدمت هجرة قبل 3 سنوات ونص تقريبا وعملت الفحص الطبي واستلمت رسالة عن المقابلة انشاللة في نهاية أذار بس من رحت اسال السفارة عن هل من الممكن اصطحاب عائلتي معي قالولي ابكيفك علة مزاجك,,, وعن السوال عن الاوراق الي اجيبهة معايا قالولي ابمزاجك لتجيب اي شي بس الجواز.!!!!!!

كيف يعني , هي هاي مقابلة ولا كلام فاضي لو احتمال تحقيق؟ نوروني اللة ينوركم علما اني ساكن بالامارات....

شنو الاختيارات الي عندي وشو اعمل حتة انحج اللة يخليكم لان هاي المقابلة املي وحياتي..

مشكور مقدما من الكل....

[أختكم المصرية]

السلام عليكم و رحمة الله و بركاته

وحشتوننىىىىىىى كتيييير بس التليفون و DASL بايزين بقالهم اكتر من شهر و وبعد كدة عندى مشكلة فى دخول الموقع و لسة فاتح معايا حالا

وسلامى لكل الاعضاء الجدد ماشاء الله العدد بيزيد

داليا ، دعاء، مصرية مغتربة عاملين ايه و حشتونى كتيير اخباركم ايه ياريت تتطمنونى عليكو و الله انا مفتقدة الصحبة الجميلة دى جدا بس غصب عنى

استاذ ايهاب استاذ و ليد استاذ وجدى انتو فين

استاذ عبد الخالق حمد الله على السلامة و ياريت فعلا ذى ما دعاء و داليا طلبوا من حضرتك تحكى لنا انطبعاتك الاولى عن كندا

و ربنا يوفقك ان شاء الله