كل ما تريد معرفته عن (كندا)

[amir al tounisi]

سلام عليكم مامعنا الا السكن في حدود كم الثلاثه غرف, أتعلم عندنا الغرفه وصاله ب 1.500$ ويتزايد انت والمنطقه ,هنا المستأجر ما يدفعش إلا الماء والتدفأه في شتاء وبعض المنازل عامل تدفأه بالكهرباء يعني المستأجر هو إلي يدفع شتاء نضيف بدفع :blush2: كيف الشخص يشتري منزل في كند وهل في طريقه اسلاميه يعني بدون رباء, اخون هشام صور ارجوك ام البرد جمد الكمراه الجميله, اخوناtoroto كيف العلاقات الاجتماعيه عندكم ام إتفق العرب علي ان لا يتفقوا مثل ماعندنا في امريكه, أختي دعاء أتخيل انك وصلت الي بر الأمان اتمنا لك التوفيق زوديني بما ترين لربما نتلاقا في الجامع او مدرسة الاولادعلي فكره انا عندي ثلاثه بنات 7-6-3 وامس ارسلت الطلب لسفاره (التي في العماره) :blush2: وستبدء مرحلت القلق والانتضار ادعولي بصبر

[ELSHAMY]

أخوانى أخواتى كل أعضاء منتدى كندا

غدا ان شاء الله تقلع الطائرة التى تحملنا لعمل landing فى أرض كندا.

اولا: احب ان اشكر كل من ساهم بمعلومة او راى فى هذا المنتدى الجميل و أدعو الله أن يكون ذلك فى ميزان حسناتهم.

ثانيا: عاوز منكم دعواتكم بالتوفيق و السلامة فى هذه التجربة.

ثالثا : مش عاوز مشاكل و معارك و انا مسافر :blush2: و خليكو هاديين... كلها عشرين يوم و راجع.

رابعا : ان شاء الله حاكون متواصل معاكم بقدر الامكان طول فترة سفرى.

خامسا : حد عاوز حاجة من كندا ؟

سادسا: حتوحشونى

أخوكم الشامى

[اسكندرية تانى]

الدكتور الشامى

نتمنى لك كل التوفيق و ربنا يسهل لك و ينور لك طريقك

و يرزقك بمن يساعدك و لا تقلق بس انت قول يا رب

و لا تنسنى ان تحكى لنا بالتفصيل عملت ايه من اول يوم لاخر لحظة لما يكون عندك وقت ان شاء الله

ربنا معاكم

[هشام الكندي ان شاء الله]

اخونا العزيز الشامي:

وفقك الله الي الخير في كندا و كفاك شر ولاد الunlawful طبعا لازم تحكيلنا عن التفاصيل من لحظه نزولك من الطائره لحد لحظه الكتابه حتي نستفيد من خبرتك

هشام الكندي ان شاء الله

[دعاء]

:D

:sad: الشامى

ان شاء الله توصلوا كندا بالف سلامة ويا رب يوقف لكم اولاد الحلال من اول مطار القاهرة لحد المطار الكندى الى كل حته فى كندا ان شاء الله

وماتنساش تطمنا عليكم دايما

:wub:

[magedghonim]

مبرووووووووووووووووووووووووووووووووووووووووك يا استاذ شامي

الف مبروووك وبالتوفيق انشاء الله ويرب تكون بداية النجاح الحقيقي

اه معلش نسيت اعرفكم على نفسي

اخوكم ماجد صيدلاني بالكويت وبيحلم طبعا بالهجرة ل كندا

تحياتي للجميع وبالاخص ايهاب وهادي ووجدي

سلااااااااااااام :D

[magedghonim]

معلش ياجماعة كان عندي سؤال ونفسي تجاوبو عليه بما انكو من اخصائي الهجرة الكندية سابقا واهالي كندا الكرام حاليا

انا قعدت حوالي 3 سنين في السعودية قبل منقل للكويت

ومحتار اكتب الفترة دي في الابليكيشن ولا لأ

المشكلة هي اني لو كتبتها مش هعرف اجيب شهادة الخبرة ولاصحيفة الحالة الجنائية الخاصة بالفترة دي؟؟؟

بالله عليكم ارجو افادتي ولا تبخلو على(صيدلاني بيحلم بكندا) :sad:بالنصيحة

وجزاكم الله الف خير وشكرااااااااااااااااااااااااااااااااااااااااااا

[دعاء]

:rolleyes:

:lol: magedghonim

انا اللى اعرفه فى الموضوع ده انك لازم تذكر هذه الفترة ولازم تجيب صحيفة الحالة الجنائية من البلد اللى كنت متواجد فيها خلال 10 سنوات الماضية

لكن مش متاكده اذا كان لازم تجيبهم مع تقديم الاوراق لاول مرة ولا ممكن تستنى قدام شوية اى فى المراحل المتقدمة من الاجراءات

يا رب حد يفيدك اكتر منى

:cry:

[magedghonim]

شكرا للاخت الغالية دعاء على سرعة الرد

بس المشكلة هي ازاي اقدر اطلع شهادة الحالة الجنانئيةمن السعودية وانا هنا في الكويت

يريت حد يقدر يفيدني

ومشكوريييييييييييييييييييييييييييين

اخوكم الي بيحلم بكندا

[مزاميزو]

الأخت دعاء

آسف على التأخير ولكن أنا كلمت المحامي وأكد نفس المعلومات ايلي عندك ودا معناه ان في تقريبا 9 أو 10 شهور فرق بين فتح الملف وجواب الكشف الطبي فمتقلقيش على شهر أغسطس بكتيره يجيلك جواب الكشف الطبي وربنا يسهل علينا

[دعاء]

:yahoo: مزاميزو

اشكرك جزيل الشكر على ردك والحمد لله ان المعلومات واحدة وربنا يسهل يفضل المدى الزمنى كده ومايطولش اكتر مع تمنياتى للجميع بالتوفيق واليسر

:sad:

[المر]

الاستاذ / مزاميزو

بالنسبة لصحيفة الحالة الجنائية يمكن ان تعملعها وانت فى الكويت و ذلك من خلال السفارة المصرية بالكويت . سوف تذهب للسفارة المصرية و معاك الباسبور الاصل و صورة شخصية و سوف يعطوا لك نموزج الفيش و التشبيه لكى تملئه و تذكر الغرض منه و هو الهجرة.

و سوف تقوم السفارة بعمل البصمات لك و ختم الفيش و هنا دور السفارة ينتهى.

سوف تأخذ الفيش و ترفق معاه جميع صور صفحات الباسبور الخاص بك و ترسله للوالد او اخوك فى مصر لكى يذهب به لقسم الشرطة او مديرية الامن التابعة لمحافظتك.

فى مصر اول شئ يعمله الوالد او اخوك هو انه يجب ان يختم الفسيش من الخارجية المصرية اللى فى محافظتك ب 11 جنيه ثم بعد ذلك يذهب الى القسم او مديرية الامن التابعة لها محافظتك. ثم يرسله لك مرة اخرى .

ملاحظات هامة جدا.

1/ الفيش و التشبيه يكفى ان يكون من المكان الى انتى فيه فقط يعنى من الكويت و البلد الاصل و هى مصر يعنى لايشترط اخر 10 سنوات كما ذكرت سابقا.

2/ اذا كنت مقدم للهجرة عن طريق محامى . المحامى سوف يعطيك خطاب من السفارة الكندية بغرض الحصول على الفيش من الداخلية الكويتية . على فكرة خطاب السفارة يجب ان توثقه من الخارجية الكويتية فى الكويت حتى يكون الخطاب معتمد.

3/ اذا كنت مقدم على الهجرة بنفسك انا اسفة معنديش فكرة ايه الخطوات و ممكن الاخوة رواد امنتدى يفيدوك.

4/ هذه الخطوات انا لسه مخلصها انا و زوجى من 15 يوم فقط بالسعودية . و بالتوفيق.

[المر]

مساء الفل و الجمال

اولا احب ان اسجل اعجابى و شكرى لجميع الاخوة رواد المنتدى الرائع خصوصا الاستاذ هادى / الاستاذ وجدى / الاستاذ ايهاب سالم/ الاستاذة جيهان / الاستاذة جيهان . انا اسفة اذا كنت نسيت حد.

اولا انا متابعة موضوع الهجرة لكندا من فترة . انا بكالوريوس تمريض من جامعة الاسكندرية 1997 و اعمل انا و زوجى فى السعودية من 2000 فى مستشفى كبير. بدأنا اجرأت الهجرة سبتمبر 2005 . الحمد لله الان حجزت فى امتحان الايلتس و خلصنا جميع الاوراق . يعنى بعد الايلتس هيكون الكشف الطبى انشاء الله حسب كلام المحامى اللى متعقدين معاه.

سؤالى للاخوة الكنديين وذو الخبرة عن امكانية الفرصة لعمل التمريض فى كندا خصوصا انى هانزل اونتاريوا . انا قسم عمليات و الخبرة و الغة الحمد لله كويسة بحكم التعامل مع جنسيات اخرى ( فلبينين - هنود).

انا عندى بنتين 6 و3 سنوات.

وشكرا على هذا المنتدى الجميل و انا عارفة انى كترت الاسئلة .

و بالنسبة لاى استفسار عن اخطوات للهجرة انا مستعدة للرد عليها . و لالتوفيق للجميع انشاء الله.

[المر]

انا اسفة وجهت موضوع الفيش و التشبيه ( صحيفة الحالة الجنائية ) بالخاطئ للاستاذ مزاميزو . ولكنه كان رد على استفسار الاستاذ magedghonim .

بالتوفيق للجميع.

[المر]

مساء الخير

انا كنت استفسرت عن امكانية فرص العمل للتمريض فى انتوريو بس محدش جاوبنى . أفيدونا يا أخوانا رجاء المساعدة

و الله فى حاجة ماسة لمعلوماتكم.

امبارح كنت عند المحامى اللى متابعة معاه موضوع الهجرة و قالى ان هناك مصاريف للانديج 490 +490 دولار كندى ليه انا و زوجى و لكن انا ما استفسرتش من المحامى كويس عن هذه المصاريف بتاعة ايه بالظبط .

ارجو من الاخوة اللى عندهم فكرة يجاوبونى .

بالتوفيق للجميع انشاء الله

[مزاميزو]

أختي المر

معلوماتي إن مهنة التمريض من المهن المطلوبة جدا في كندا بس عشان تمارسيها هناك لازم تذاكري هناك وتمتحني إمتحانات خاصة بمجال عملك واللي أنا أعرفه إن المهن الطبية معادلة شهاداتها واستخراج تصاريح العمل بها بتاخد وقت مش قليل لأنهم لا يسمحوا لأي واحد مهما كانت خبرته خارج كندا بممارسه الطب هناك إلا بعد التأكد من مؤهلاته بصورة رسمية وعملية ... ودا على حسب معلوماتي

أرجو اني أكون أفدتك

[مزاميزو]

أختي المر

معلوماتي إن مهنة التمريض من المهن المطلوبة جدا في كندا بس عشان تمارسيها هناك لازم تذاكري هناك وتمتحني إمتحانات خاصة بمجال عملك واللي أنا أعرفه إن المهن الطبية معادلة شهاداتها واستخراج تصاريح العمل بها بتاخد وقت مش قليل لأنهم لا يسمحوا لأي واحد مهما كانت خبرته خارج كندا بممارسه الطب هناك إلا بعد التأكد من مؤهلاته بصورة رسمية وعملية ... ودا على حسب معلوماتي

أرجو اني أكون أفدتك

[المر]

الاخ مزاميزو

اولا: متشكرة جدا على اجابتك و ردك السريع لانى كنت فقدت الامل ان حد من اخوانا رواد هذا المنتدى البديع يرد عليه .

ثانيا : لو تعرف ايه المواقع اللى ممكن اتدخل عليها لمعرفة الامتحان او المصاريف او ازاى اعادل الشهادة بتاعتى .

انا آسفة كترت عليك الاسئلة و لو في اى حد من اساتذاتنا رواد المنتدى ممكن يساعدنى فى الموضوع يكون جزاه الله كل خيرخصوصا ان قربت امتحن الايلتس و دخلت فى العميق.

بالتوفيق للجميع انشاء الله.

حكموكى ما حكموكى

برده المصرى مصرى

و المملوكى مملوكى

[مصرية و مغتربة]

السلام عليكم جميعا يارب تكونوا بخير.

انا عندي سؤال ياريت اللي يقدر يجاوبني عليه انا بعت المديكال ومصاريف اللاندينج اول شهر يناير والي الان مفيش رد من هنالك ياتري حد قدم معانا في نفس الفترة دي وجاله رد او لأ وايه اخبار مصرية والنعم هي المفروض كانت بعتت قبلي ياريت تطمنوني لاني قلقانة جدا.

تم تعديل 19 مارس 2008 بواسطة مصرية و مغتربة

[مصرية والنعم]

السلام عليكم جميعا يارب تكونوا بخير.

انا عندي سؤال ياريت اللي يقدر يجاوبني عليه انا بعت المديكال ومصاريف اللاندينج اول شهر يناير والي الان مفيش رد من هنالك ياتري حد قدم معانا في نفس الفترة دي وجاله رد او لأ وايه اخبار مصرية والنعم هي المفروض كانت بعتت قبلي ياريت تطمنوني لاني قلقانة جدا.

شكرا حبيببتى على سؤالك انا متابعة بس مافيش جديد لغاية دلوقت غير الانتظار

انا كمان بدات اقلق من التاخير بس المحامى بيقول هى بتاخد وقت لغاية الانتربول مايرد عليهم ( من 3 شهور الى 6 شهور )

ان شاء الرحمن يكون خير

على فكرة بنت صديقتى قدمت معاى الميديكل بس هى لوحدها مش زينا عائلة وجالها الرد اخر شهر فبراير لستلام الفيزا

ربنا يسهل الامور علينا [وسط][/وسط]