ادخل الجامعه في مصر ولا في الكويت ؟

[VOLTA]

يا جماعه أنا عايش في الكويت بقالي 4 سنين خدت فيهم الثانويه و جبت مجموع كبير و الحمد لله ....بس دلوقتي مش عارف أيه الأحسن أدخل الجامعه في مصر و أقعد هناك مع نفسي ... ولا أقعد في الكويت مع أهلي و أخش الجامعه هنا....و هل مستوي التعليم الجامعي في الكويت زي مصر ولا أدني ولا أحسن ؟؟؟ عايز رأيكم

[سقراط المصري]

الاخ الفاضل VOLTA

طيب هل انت مصري الاول ولا لأ. السؤال الغرض منه انك لو مصري يبقى مافيش مشكله (اي انت عالم ببلدك.).

اما لو كويتي ، فعادي بس هنضيف انك لو اتعلمت فمصر فالتكلفه هتكون عاليه.

اما عن رأيي الشخصي هو:

1- انا اعلم مستوى جامعات مصر ولكن ليس لي خبره بجامعات الكويت فلذا لا اقدر على نصحك بطريقه مباشره ايهما افضل.

2- كل اللي اقدر اقوله "ان من يعلم يملك" اي اللي يعرف ويتمكن من علمه يسود وتفتح له الابواب.

لازم تعرف ان النجاح هو القدره على التعلم الذاتي والمستمر والدؤب ، الجامعه اللي انت هتخترها لازم تنظر لمكتباتها " جمع مكتبه" والمراجع اللي فيها. الجامعه وظيفتها تفتيح موضوعات فقط للطالب ، وعلى الطالب ان يسعى بنفسه لجمع وفهم المعلومات.

واقولك كمان، لو انت عايز شهاده تعلق على الحائط ادخل اي مكان مش هتفرق، ولكن شكلك او اسلوبك اسلوب واحد متفتح عايز يتعلم بجد مش عاوز شهاده في برواز.

وعليه لازم تكون عندك المقدره والصبر على التعلم الذاتي.

ولان المعرفه في نظري قائمه على هذه الفكره فلابد للجامعه اللي هتختارها تكون:

1- معتمده وذات سمعه اكاديميه حسنه.

2- جوده المكتبات وخطوط الانترنت بها.

3- وجود اصدقاء او زملاء دراسه يمكن الاتصال بهم عند وقوفك امام نقطه عسيره الفهم وتتطلب مساعده خارجيه.

واخيراً، الاختيار والقرار قرارك ، انا بس فتحت لك محكات الاختيار.

بالتوفيق

سقراط