استفسار عاجل جزاكم الله كل خير

[محمد البولينى]

بســـم اللـه الرحـــمن الـرحيــــم

اخواني الاعزاء السلام عليكم ورحمة الله وبركاته

لدى بعض الاستفسارات اتمنى ان اجد اجابة عليها منكم , واستفساراتى واسئلتى موجهه الى اخوانى المصريين والاخوه الاعزاء الاماراتيين.

انا مصرى واقيم بمصر وفى عقد عمل جيلى من شركة فى الامارات وطبعا حصلت عليه بعد عذاب الحمدال الله , طبعا انا لسه العقد مجاليش بس الشركة اتصلت بيه وقالتلى انه خلال اسبوع هتبعتلى العقد , وبصراحة انا مش عاوز اضيع الفرصة لان انا وضعى المادى صعب وشغال شغل خاص ويوم بشتغل وعشرة لاء والدخل مبيكفيش اى حاجه وطبعا المصرين اكتر ناس عارف حال البلد دلوقتى عامل ازاى .

فا انا بصراحة معرفش اى حاجه فى اجراءات السفر ولا عمرى سفرت برا مصر قبل كده ؟!

فايريت اصحاب الخبرة والناس الى سافرت قبل كده تفدنى ويقولى ايه الاجراءات المطلوبة من بداية وصول العقد اعمل ايه واتصرف ازاى لحد ما اسافر ان شاء الله.

انا سالت واحد صحبى بس معندهوش معلومات كتير لانه مسافرش بردك قبل كده , قالى لما العقد يجيلك اديه لاى مكتب وهو بيخلصلك كل الاجراءات؟؟

صحيح الكلام ده ولا غلط يا اخوانى ولو فى مكاتب ممكن اتعامل معاها هتكون تكلفتها كام وازاى اقدر اوصلهم وايه هيه افضل مكاتب.

ولو ربنا كرمنى ان شاء الله وخلصت الاجرات كلها وسافرت , اول ما اوصل الامارات اعمل ايه واتصرف ازاى ومصاريفى هتكون قد ايه ؟!

وهل العمل فى الامارات بيكون زى السعودية , لان انا سمعت ان فى السعودية انك بتكون على كفالة شخص سعودى ومبتقدرش تشتغل شغلانة تانية مع الشغل الى انت بتشتغله وفى نفس الوقت الكفيل الى هو الشخص الى انت بتكون على كفالته ده بيقدر يمشيك ويرحلك فى اى وقت لو معجبهوش شغلك , فهل الكلام ده صحيح ؟ والعمل فى الامارات بيكون زى السعودية ولا ايه ؟!

ياريت كل الى عنده معلومة ولو بسيطه ما يبخل على بيها وجزاكم الله كل خير