ختان الاناث

[مسلم]

ممكن فعلا يكون فيه أخطاء في التطبيق مخالفة للختان الشرعي, لكن التفصيل ده مبيتقالش.

اللي بيحصل إن الحالات المخالفة تُعمم ويُقال ( لا للختان ) بإطلاق كده, وإن الختان مش من الشرع وإنه عادة جاهلية ووحشية وإنه وإنه

[MZohairy]

تم الإصلاح و دعونا نعود لصلب الموضوع و بلاش تشتيت من فضلكم :closedeyes:

[abaomar]

تم الإصلاح و دعونا نعود لصلب الموضوع و بلاش تشتيت من فضلكم :sad:

جزاك الله خيرا على الاصلاح

و من فضلك ما حدش يعملى كده :closedeyes: غير ام عمر .

[moheltohamy]

الموضوع شائك ، وماسك نفسي من كام يوم بالعافية عشان ما أدخلش واقول رأيي! :)

مبدأ قطع جزء من جسم المرأه ده في رأيي تخلف ، وعادة همجية ، توارثناها من قديم الأزل! ومن منطلق إننا شعب عِشري شوية ، وما بنتنازلش عن موروثاتنا الثقافية بسهولة ، ولا نتقبل التغيير غير بمرور العقود والقرون... ما زلنا نتمسك بهذه العادة القبيحة ، ولكل بيئة نظرتها...

هناك من يرونه تحصين للفتاة عشان ما تنحرفش ، وتطلع (مؤدبة)... وهناك من يرونه سنة نبوية ، واتباع للسلف الصالح... وهناك من يرونه عملية تجميلية للمرأة ، زيه زي البوتوكس والأوجمنتيشن!

تحصين إيه وتخلّف إيه بس؟

هناك من يرى أنه يجعل الفتاه مستثارة ع الفاضي والمليان ؛ يعني هوه ده الزرار اللي لو اتّكّينا عليه ، البنت تروح في دنيا غير الدنيا ، وهتسلم نفسها فوراً لأي عابر سبيل!

وهناك من يرى - ماهو الشيئ بالشيئ يُذكَر - إن لبس البنت للبنطلون ، يخلّيها مستثارة طول ماهي ماشية ف الشارع. سؤال لزميلاتنا اللي بيلبسوا بنطلون (ومش منتظر إجابة)... الموضوع ده بيحصل؟! أنا متأكد إنه تهريج!

الجنس عند المرأه يبدأ من المخ... بمعنى إن المرأة لازم تكون (ف المود) قبل أي شيئ! وإلاّ كان عادي جداً البنت اللي بتُغتصَب وبمجرد الضغط ع الزرار ... ما ترجعش تشتكي بأه وتقول اغتصبوني! أو مثلاً البنت اللي بتُجبَر على الزواج من راجل عجوز وغني أو راجل بتكرهه مثلاً... عمرها ما هتتقبل إنه يلمسها ، ولا عمرها هتحس بأي نوع من الإحساس معاه!

وعلى العكس تماماً... المرأه لو بتحب بجد... بمجرد لمسة إيد ، أو حتى بنظرة عين... هتكون في دنيا غير الدنيا :wub:

نفسي نبص للمرأه لفوء شوية ، بدل ماحنا على طول باصّين ومركزين على تحت... عقل المرأه يا سادة هو المفتاح...

وإذا كان لم يرد عن الرسوا (ص) أنه ختن بناته... يبقى خلصت!

وإن كان أبو إسحق الحويني يسأل "ما الدليل على أنه لم يختن بناته" ، أسأل أنا "وما الدليل أنه ختن بناته". الأصل ألا نمس جسم المرأة أو نقتطع منه ؛ وما خلاف هذا ، يبقى نسأل عن الدليل.

وإن كان يرى أن الطبع السائد أيّامها أنه شرف للرجال أيام الجاهلية أن يختن الرجل بناته ، فالأولى بالرسول أن يكون أشرف أهل قريش... فالكلام ده (هجص) ومالوش أي معنى عندي!

كانوا يئدون البنات ، وكانت المرأه صف تاني ، وكان من الشرف أن يكون لك العبيد والخدم والحشم ، وجاء الرسول فغيّر كل هذا ، وكان يخصف نعله ، ويخيط ثيابه ، وعنده بدل الزوجة عشرة ... ما كان يضيره أن يطلب من إحداهن أن تخيط له ثيابه ، وشرف لها أن تُلبّي أمره.

وجاء هو ، فغيّر كل هذا... وبين أن الشرف أن ترفع من قدر امرأتك ، ولا تجبر خادمك على شيئ ، وتقضي احتياجاتك بنفسك.

ولربما - لست أدري ، فلست أنا عالم دين - كان عدم ختانه لبناته ، بداية ً لإلغاء عادة الختان ، مثل الرق والخمر ، فالعادة متأصلة في المجتمع ، ولا يجب منعها مرة واحدة.

والأطباء اللي منتظرين ياخدوا بصّة على الجزء ده ، ويقرروا إن كان محتاج يُختتن ولا لأ... إيه الهبل ده؟!

هوه القرار بُناءً على إيه لمؤاخذة؟ ما افتكرش إننا درسنا أصلاً ف الكلية أي دواعي لختان الإناث ، ولا درسنا الفكرة الطبية من وراء تصغير حجم الكليتوريس!

وحتى لو كان الحجم (كبير شوية)... إيه المشكلة؟! ما كل جزء في أجسامنا من عضلات وغدد وأعضاء وأطراف بيختلف طولها وحجمها من شخص لآخر.

ولما يكون الـ Tip of clitoris بيتجمع فيه أكبر تركيز للأعصاب الحسية في الجسم. ييجي واحد يقوللي مش هناخد منه كتير؟! هنشيل الـ Tip وبس؟!!!

وطبعاً الموضوع ده بيتعمل لبنت على مشارف البلوغ ؛ يعني واعية لما يحدث (بخلاف الذكور اللي بيتعمل لهم في أسبوعهم الأول). وطبعاً بخلاف الألم ، والدمار النفسي لإزالة جزء حساس لم يخطئ في جسمها ؛ لنا أن نتخيل أد إيه بتكون (مبلولة في هدومها من الكسوف) ومنطقة كهذه مكشوفة ومستباحة لمن يقتطع منها ، وبالتأكيد يترك ذكرى لا تمحى من ذاكرتها ما حَيَت! واللي باستغربلُه سعادة بعض الأمهات بالعملية السخيفة دي ، برغم مرورهم من قبل بمثل هذا الموقف! مش عارف ، يمكن كلام أختنا لولا عن غسيل المخ اللي بيعمله المجتمع لإناثه فعلاً يكون هوه السبب!

وإذا كان المجتمع يستنكر على المرأه أن تستمتع بعلاقة طبيعية ، جُعِل الزواج فقط إطاراً لها ، ويستنكر مطالبتها بحق من حقوقها ، وهي أن تكون سعيدة بالعلاقة دي! يبقى هنتكلم إنه ما يظلمهاش ويقتطع من جسمها؟!

وعدم وجود ثقافة جنسية في مجتمعنا أحد الأسباب الرئيسية في انتشار هذه العادة!

دا الواحد لما بيشتري موبايل ولاّ لعبة كمبيوتر بيلاقي معاه كتالوج يشرحله إزاي يستخدمه! من غير الكتالوج ماهو هيعرف يشغل الموبايل صحيح ، بس مش هيوصل لكل خواصّه ، ولا هيوصل لكل إمكانات ومستويات اللعبة!

محدش فكّر يجيب كتالوج يفهم بيه الإنسانة اللي هيتجوّزها! يفهم احتياجاتها وطريقة إسعادها. لكن من منطلق إننا - كرجّالة - أنانيين... يبقى طز ف الست! وكتالوج إيه يا أستاذ؟ هيه كيميا؟ ماحنا عارفين كل حاجة!

وشيئ كهذا - الختان - يتم بدون موافقتها ، وبدون حتى أخذ رأيها ، ولا يمكن الرجوع فيه! وما تفقده لن يُعَوَّض في يوم من الأيام!

وأذكر جمله قالها واحد في فيلم 28 يوم (28 days) بتاع ساندرا بولوك. كان في مصحة تأهيل من الإدمان ، وقاعدين في جلسة كل واحد بيقول نفسه في إيه... أخينا ده قاللهم (I want my forethkin back) قصده ع الـ Foreskin عشان هوه كان عنده حرف الثين! وبيقول دول ما سألونيش عن رأيي قبل ما يشيلوه!

الكل ضحك ، وكانت حتّة كوميدية ف الأحداث. لكن لو تفكّرنا فيها شوية من وجهة نظر البنت... نفس الإحساس بالظلم هتحسّه بالتأكيد... إلاّ طبعاً لو غسلنالها دماغها زي ما بيحصل حالياً!

وإذا كنا بنعمل كده عشان البنت تبقى مؤدبة ، والمجتمع يبقى مؤدب... طب ما ندخل ع الراجل شوية ونشيل شويتين من عنده ، وبكده حتى الست لو عايزة تبوظ مش هتلاقي اللي يشجعها.

ولاّ كله دايماً - كالمعتاد في مجتمعاتنا - بيرمي الحِمل ومسئولية أي مصيبة تحصل على المرأة؟!

المرأه يا سادة - وآسف لقولي هذا ، وإن كان حقيقةً - مظلومة ومتداسة بالـ ...... في مجتمعنا!

ولما تكون دول الخليج العربي كلها ، ودول الشام ، ودول الشمال الأفريقي بالكامل لا تعترف بالختان ، ومفيش غيرنا إحنا والسودان اللي بنعمله...

يمكن إحنا الوحيدين اللي فاهمين في الدين والعلم والجمال؟ :blink: :blink: :blink:

[أبو محمد]

أخى الفاضل / moheltohamy

واضح من كلام حضرتك إنك دكتور .. وأرجو أن أكون مصيبا فى هذا ...

على أى حال ، أنا رأيت الدكتور محمد شوقى الفنجرى فى أحد البرامج التليفزيونية يقول إنه - كطبيب نساء وتوليد - عمل فى دول الخليج لمدة طويلة لم يرى خلال العمليات (توليد وغيرها) إمرأة خليجية مختتنة .. أو مختونة (أفضل استخدام اسم المفعول به فى هذه الحالة .. وأتحدى أن تكون أى امرأة قد ذهبت بنفسها وبمحض إرادتها سواء إلى حلاق صحة أو قابلة أو طبيب وطلبت إجراء هذه العملية عليها)

هل تتصورون أننى سمعت حوارا كهذا فى الخمسينيات ؟؟؟؟ !!!!! .. وهذا الموضوع يجعلنى أترحم على الأب الذى وقف فى وجه أمه (ضعوا ما تستطيعون من علامات التعجب) .. وأترحم كذلك على أبيه (جد الفتاة) وهو العالم الأزهرى الفاضل ورفضهم البات لإجراء تلك العملية ... حوالى نصف قرن ولا يزال شباب متعلم متدين ينادون بما رفضه الأب والجد العالم الأزهرى.

ومع ذلك فأنا لا أستغرب ذلك .. ففى نفس البرنامج الذى تحدث فيه الدكتور طبيب النساء والتوليد واستنكر إجراء تلك العملية ، كان هناك طبيب آخر لا أذكر إسمه الأول ولكنه إبن الفنان الراحل محمد فوزى .. كان من المتحمسين لإجراء تلك العملية

نخلص من ذلك بأن الموضوع لا يتعلق بعبادة أو أو معاملة .. ولكنه عادة لم تكن - وليست إلى الآن - سائدة على أرض الوحى (راجعوا مداخلة الفاضل / مسافر زاده الخيال ورأى الدكتور التهامى والدكتور محمد شوقى الفنجرى) .. ولكنها تحولت بسبب الخلط الذى يتميز به الفكر المتعصب إلى مسألة دينية ... دينية فقط .. ليست عبادة ولا معاملة .. ولكن يراد إقحامها قسرا (كالمئات من زميلاتها) على الشريعة .. فأين هى منها ؟؟؟ !!!

[MZohairy]

الموضوع شائك ، وماسك نفسي من كام يوم بالعافية عشان ما أدخلش واقول رأيي! :blink:

مبدأ قطع جزء من جسم المرأه ده في رأيي تخلف ، وعادة همجية ، توارثناها من قديم الأزل! ومن منطلق إننا شعب عِشري شوية ، وما بنتنازلش عن موروثاتنا الثقافية بسهولة ، ولا نتقبل التغيير غير بمرور العقود والقرون... ما زلنا نتمسك بهذه العادة القبيحة ، ولكل بيئة نظرتها...

هناك من يرونه تحصين للفتاة عشان ما تنحرفش ، وتطلع (مؤدبة)... وهناك من يرونه سنة نبوية ، واتباع للسلف الصالح... وهناك من يرونه عملية تجميلية للمرأة ، زيه زي البوتوكس والأوجمنتيشن! :blink:

تحصين إيه وتخلّف إيه بس؟

هناك من يرى أنه يجعل الفتاه مستثارة ع الفاضي والمليان ؛ يعني هوه ده الزرار اللي لو اتّكّينا عليه ، البنت تروح في دنيا غير الدنيا ، وهتسلم نفسها فوراً لأي عابر سبيل!

وهناك من يرى - ماهو الشيئ بالشيئ يُذكَر - إن لبس البنت للبنطلون ، يخلّيها مستثارة طول ماهي ماشية ف الشارع. سؤال لزميلاتنا اللي بيلبسوا بنطلون (ومش منتظر إجابة)... الموضوع ده بيحصل؟! أنا متأكد إنه تهريج!

الجنس عند المرأه يبدأ من المخ... بمعنى إن المرأة لازم تكون (ف المود) قبل أي شيئ! وإلاّ كان عادي جداً البنت اللي بتُغتصَب وبمجرد الضغط ع الزرار ... ما ترجعش تشتكي بأه وتقول اغتصبوني! أو مثلاً البنت اللي بتُجبَر على الزواج من راجل عجوز وغني أو راجل بتكرهه مثلاً... عمرها ما هتتقبل إنه يلمسها ، ولا عمرها هتحس بأي نوع من الإحساس معاه!

وعلى العكس تماماً... المرأه لو بتحب بجد... بمجرد لمسة إيد ، أو حتى بنظرة عين... هتكون في دنيا غير الدنيا :wub:

نفسي نبص للمرأه لفوء شوية ، بدل ماحنا على طول باصّين ومركزين على تحت... عقل المرأه يا سادة هو المفتاح...

وإذا كان لم يرد عن الرسوا (ص) أنه ختن بناته... يبقى خلصت!

وإن كان أبو إسحق الحويني يسأل "ما الدليل على أنه لم يختن بناته" ، أسأل أنا "وما الدليل أنه ختن بناته". الأصل ألا نمس جسم المرأة أو نقتطع منه ؛ وما خلاف هذا ، يبقى نسأل عن الدليل.

وإن كان يرى أن الطبع السائد أيّامها أنه شرف للرجال أيام الجاهلية أن يختن الرجل بناته ، فالأولى بالرسول أن يكون أشرف أهل قريش... فالكلام ده (هجص) ومالوش أي معنى عندي!

كانوا يئدون البنات ، وكانت المرأه صف تاني ، وكان من الشرف أن يكون لك العبيد والخدم والحشم ، وجاء الرسول فغيّر كل هذا ، وكان يخصف نعله ، ويخيط ثيابه ، وعنده بدل الزوجة عشرة ... ما كان يضيره أن يطلب من إحداهن أن تخيط له ثيابه ، وشرف لها أن تُلبّي أمره.

وجاء هو ، فغيّر كل هذا... وبين أن الشرف أن ترفع من قدر امرأتك ، ولا تجبر خادمك على شيئ ، وتقضي احتياجاتك بنفسك.

ولربما - لست أدري ، فلست أنا عالم دين - كان عدم ختانه لبناته ، بداية ً لإلغاء عادة الختان ، مثل الرق والخمر ، فالعادة متأصلة في المجتمع ، ولا يجب منعها مرة واحدة.

والأطباء اللي منتظرين ياخدوا بصّة على الجزء ده ، ويقرروا إن كان محتاج يُختتن ولا لأ... إيه الهبل ده؟!

هوه القرار بُناءً على إيه لمؤاخذة؟ ما افتكرش إننا درسنا أصلاً ف الكلية أي دواعي لختان الإناث ، ولا درسنا الفكرة الطبية من وراء تصغير حجم الكليتوريس!

وحتى لو كان الحجم (كبير شوية)... إيه المشكلة؟! ما كل جزء في أجسامنا من عضلات وغدد وأعضاء وأطراف بيختلف طولها وحجمها من شخص لآخر.

ولما يكون الـ Tip of clitoris بيتجمع فيه أكبر تركيز للأعصاب الحسية في الجسم. ييجي واحد يقوللي مش هناخد منه كتير؟! هنشيل الـ Tip وبس؟!!!

وطبعاً الموضوع ده بيتعمل لبنت على مشارف البلوغ ؛ يعني واعية لما يحدث (بخلاف الذكور اللي بيتعمل لهم في أسبوعهم الأول). وطبعاً بخلاف الألم ، والدمار النفسي لإزالة جزء حساس لم يخطئ في جسمها ؛ لنا أن نتخيل أد إيه بتكون (مبلولة في هدومها من الكسوف) ومنطقة كهذه مكشوفة ومستباحة لمن يقتطع منها ، وبالتأكيد يترك ذكرى لا تمحى من ذاكرتها ما حَيَت! واللي باستغربلُه سعادة بعض الأمهات بالعملية السخيفة دي ، برغم مرورهم من قبل بمثل هذا الموقف! مش عارف ، يمكن كلام أختنا لولا عن غسيل المخ اللي بيعمله المجتمع لإناثه فعلاً يكون هوه السبب!

وإذا كان المجتمع يستنكر على المرأه أن تستمتع بعلاقة طبيعية ، جُعِل الزواج فقط إطاراً لها ، ويستنكر مطالبتها بحق من حقوقها ، وهي أن تكون سعيدة بالعلاقة دي! يبقى هنتكلم إنه ما يظلمهاش ويقتطع من جسمها؟!

وعدم وجود ثقافة جنسية في مجتمعنا أحد الأسباب الرئيسية في انتشار هذه العادة!

دا الواحد لما بيشتري موبايل ولاّ لعبة كمبيوتر بيلاقي معاه كتالوج يشرحله إزاي يستخدمه! من غير الكتالوج ماهو هيعرف يشغل الموبايل صحيح ، بس مش هيوصل لكل خواصّه ، ولا هيوصل لكل إمكانات ومستويات اللعبة!

محدش فكّر يجيب كتالوج يفهم بيه الإنسانة اللي هيتجوّزها! يفهم احتياجاتها وطريقة إسعادها. لكن من منطلق إننا - كرجّالة - أنانيين... يبقى طز ف الست! وكتالوج إيه يا أستاذ؟ هيه كيميا؟ ماحنا عارفين كل حاجة!

وشيئ كهذا - الختان - يتم بدون موافقتها ، وبدون حتى أخذ رأيها ، ولا يمكن الرجوع فيه! وما تفقده لن يُعَوَّض في يوم من الأيام!

وأذكر جمله قالها واحد في فيلم 28 يوم (28 days) بتاع ساندرا بولوك. كان في مصحة تأهيل من الإدمان ، وقاعدين في جلسة كل واحد بيقول نفسه في إيه... أخينا ده قاللهم (I want my forethkin back) قصده ع الـ Foreskin عشان هوه كان عنده حرف الثين! وبيقول دول ما سألونيش عن رأيي قبل ما يشيلوه!

الكل ضحك ، وكانت حتّة كوميدية ف الأحداث. لكن لو تفكّرنا فيها شوية من وجهة نظر البنت... نفس الإحساس بالظلم هتحسّه بالتأكيد... إلاّ طبعاً لو غسلنالها دماغها زي ما بيحصل حالياً!

وإذا كنا بنعمل كده عشان البنت تبقى مؤدبة ، والمجتمع يبقى مؤدب... طب ما ندخل ع الراجل شوية ونشيل شويتين من عنده ، وبكده حتى الست لو عايزة تبوظ مش هتلاقي اللي يشجعها.

ولاّ كله دايماً - كالمعتاد في مجتمعاتنا - بيرمي الحِمل ومسئولية أي مصيبة تحصل على المرأة؟!

المرأه يا سادة - وآسف لقولي هذا ، وإن كان حقيقةً - مظلومة ومتداسة بالـ ...... في مجتمعنا!

ولما تكون دول الخليج العربي كلها ، ودول الشام ، ودول الشمال الأفريقي بالكامل لا تعترف بالختان ، ومفيش غيرنا إحنا والسودان اللي بنعمله...

يمكن إحنا الوحيدين اللي فاهمين في الدين والعلم والجمال؟ :blink: :wub: :blink:

أخى الفاضل / moheltohamy

واضح من كلام حضرتك إنك دكتور .. وأرجو أن أكون مصيبا فى هذا ...

على أى حال ، أنا رأيت الدكتور محمد شوقى الفنجرى فى أحد البرامج التليفزيونية يقول إنه - كطبيب نساء وتوليد - عمل فى دول الخليج لمدة طويلة لم يرى خلال العمليات (توليد وغيرها) إمرأة خليجية مختتنة .. أو مختونة (أفضل استخدام اسم المفعول به فى هذه الحالة .. وأتحدى أن تكون أى امرأة قد ذهبت بنفسها وبمحض إرادتها سواء إلى حلاق صحة أو قابلة أو طبيب وطلبت إجراء هذه العملية عليها)

هل تتصورون أننى سمعت حوارا كهذا فى الخمسينيات ؟؟؟؟ !!!!! .. وهذا الموضوع يجعلنى أترحم على الأب الذى وقف فى وجه أمه (ضعوا ما تستطيعون من علامات التعجب) .. وأترحم كذلك على أبيه (جد الفتاة) وهو العالم الأزهرى الفاضل ورفضهم البات لإجراء تلك العملية ... حوالى نصف قرن ولا يزال شباب متعلم متدين ينادون بما رفضه الأب والجد العالم الأزهرى.

ومع ذلك فأنا لا أستغرب ذلك .. ففى نفس البرنامج الذى تحدث فيه الدكتور طبيب النساء والتوليد واستنكر إجراء تلك العملية ، كان هناك طبيب آخر لا أذكر إسمه الأول ولكنه إبن الفنان الراحل محمد فوزى .. كان من المتحمسين لإجراء تلك العملية

نخلص من ذلك بأن الموضوع لا يتعلق بعبادة أو أو معاملة .. ولكنه عادة لم تكن - وليست إلى الآن - سائدة على أرض الوحى (راجعوا مداخلة الفاضل / مسافر زاده الخيال ورأى الدكتور التهامى والدكتور محمد شوقى الفنجرى) .. ولكنها تحولت بسبب الخلط الذى يتميز به الفكر المتعصب إلى مسألة دينية ... دينية فقط .. ليست عبادة ولا معاملة .. ولكن يراد إقحامها قسرا (كالمئات من زميلاتها) على الشريعة .. فأين هى منها ؟؟؟ !!!

الله يبارك فيكم :)

[مسلم]

فتوى الشيخ ابن باز في ختان البنات من موقعه الرسمي

فضيلة الشيخ عبد العزيز بن باز مفتي عام المملكة العربية السعودية حفظه الله تقوم بعض الدول الإسلامية بختان الإناث معتقدة أن هذا فرض أو سنة. مجلة " المجلة " تقوم بإعداد موضوع صحفي عن هذا الموضوع، ونظرا لأهمية معرفة رأي الشرع في هذا الموضوع، نرجو من سماحتكم إلقاء الضوء على الرأي الشرعي فيه. شاكرين ومقدرين لفضيلتكم هذه المشاركة، وتمنياتنا لفضيلتكم موفور الصحة والسداد. وتقبلوا منا خالص التحيات، مسئول التحرير بالنيابة

وعليكم السلام ورحمة الله وبركاته وبعد:

ختان البنات سنة، كختان البنين، إذا وجد من يحسن ذلك من الأطباء أو الطبيبات؛ لقول النبي صلى الله عليه وسلم: ((الفطرة خمس: الختان، والاستحداد، وقص الشارب، وتقليم الأظفار، ونتف الآباط)) متفق على صحته.

******************

هل ورد في السنة أحاديث عن ختان البنات أم لا؟ أفيدونا جزاكم الله خيراً.

الأحاديث عامة في الختان، الختان مشروع، وسنة في حق الجميع، وقد أوجبه بعض أهل بحق الرجال، لكن إذا تيسر من يختن البنت، من العارفات من النساء العارفات أو الرجال العارفين فهو سنة ، لكنه في حق النساء أقل تأكداً من حق الرجال، وهو في حق الرجال آكد، حتى أوجبه جماعة من أهل العلم كابن عباس وجماعة في حق الرجال، فالحاصل أنه سنة مؤكدة أو واجب كما قال جمع من أهل العلم في حق الرجال، ومستحب في حق النساء إذا تيسر من يحسن ذلك.

******************

ما حكم ختان البنات، فإنه لا بد من فعل ذلك عندنا، وقد قال لي بعض الناس: إنه لا يجوز؛ لأن فيه مثلة أو تعذيب، فما حكم ذلك؟

بسم الله الرحمن الرحيم الحمد لله وصلى الله وسلم على رسول الله وعلى آله وأصحابه ومن اهتدى بهداه، أما بعد: فالختان للبنات سنة مؤكدة، وهكذا للرجال، كله سنة مؤكدة، وقد ذهب جمع من أهل العلم إلى وجوب ذلك في حق الرجال، وهو قول قوي، فينبغي ختن الرجال ولا ينبغي التساهل في ذلك، وهكذا يستحب ختن النساء إذا تيسر من يعرف ذلك من الخاتنات أو الخاتنين.

******************

http://www.binbaz.org.sa/mat/2287

http://www.binbaz.org.sa/mat/2288

http://www.binbaz.org.sa/mat/16573

http://www.binbaz.org.sa/mat/16583

http://www.binbaz.org.sa/mat/16598

[MZohairy]

في حالة اختلاف آراء علماء الدين في أمر ما

و كانت آراء الطب مثلا تؤيد رأيا فيهما أو ربما رأي آخر

ماذا يجب علينا اتباعه؟

للتوضيح اكثر

اذا قلنا ان ختان البنات اختلف فيه علماء الدين من كونه سنه مؤكده الى كونه مباحا بشكل عام أو مباح عند الحاجه أو لم ينهى عنه أو ربما لا داعي له أو...بدليل عدم وجود عادة الختان في السعوديه مثلا و هي أكثر الدول الإسلاميه تطبيقا للشريعه الإسلاميه

و في نفس الوقت رفضه علماء الطب بالأغلبيه الا في حالات التشوه او ما شابه

ايه رأيكم نختنهن أم لا؟

[melhamy]

السلام عليكم ورحمه الله و بركاتة .....

د/ محمد التهامى ... منور التوبك بردك الطبى العلمى الجميل

وأنا معاك و موافقك الرأى ..... إن الموضوع شيئ مش سهل على الناس المتعلمة و المثقفة إنهم يعملوا حاجة زى كده ( قطع جزء من جسم الأنثى ) بدون حاجة طبية ضرورية أو للحفاظ على نظافة أو طهارة أو وجود تشوه .....

وضحكتينى بخصوص قطع ال Tip بس !!!! :lol: فى حالات بيقطعوها من لغليغوه ههههههههههههههههههههههههههههههههه :lol:

أقولك على حاجة متأكد منها هتلاقى ضمن حالات الختان اللى تمت حوالى 5% فقط من أهل البنات اللى عندهم وعى دينى و بناتهم محافظين على الصلاة و قراءه القرأن و الغالبية العظمى ناس على أد حالهم فى العلم و التفكير و المعرفة بس حد من الجيران الله لايسمحهم من اللى بيتدخلوا فى حياة الأخرين بالسوء نصحهم بذلك و كان من باب أولى أنهم يعرفوا بناتهم الصلاة و القران و الصوم

و أحكام الدين و يسيبوا المفتاح السحرى اللى خايفين منه لصاحب المفتاح اللى ربنا كاتبه ليها .... مش الراجل يجى يدخل يلاقى فاتورة التليفون ب 34 جنية ومهر و شبكة وعفش و كل ده و يبقى فى الأخر يكتشف أنه ماعندهوش تليفون .... على رأى عادل أمام

ساعتها هما الأتنين يبقوا ياخدوا قرارهم هيعملوا ايه فى الموضوع ده ... يا جماعة بناتنا أمانة عندنا .. حتى يوم تسليم الأمانة .. مش كائنات حيه بنربيها و نعلفها و نبيعها فى الأخر ...

أنا والله لو جاى دكتور وأنا فى سن البلوغ و قالى هقطع حته من جسمك و لو حتى شعره علشان الكلام اللى بيتقال ده ... أخد المشرط من ايده و اقطع له ودانة الأتنين و اديهم له فى ايده .... الواحد ما بيصدق يلاقى حاجة تشغلة .. كمان دى عايزين تخدوها مننا .... الرحمه

..... والله أعلم

[abaomar]

والأطباء اللي منتظرين ياخدوا بصّة على الجزء ده ، ويقرروا إن كان محتاج يُختتن ولا لأ... إيه الهبل ده؟!

يمكن إحنا الوحيدين اللي فاهمين في الدين والعلم والجمال؟

:lol:

السلام عليكم

الاخوه الكرام جزاكم الله خيرا

الزميل moheltohamy

لكل كل الحق فى ان تقول رايك و ما تعتقد و لكن لماذا على حساب السخريه

و التعدى على غيرك ..لماذا تجعل للخلاف فى الراى قضيه اعتقد بما شئت و دن بما شئت

و افعل ما شئت و لكن لا تسخر منى او من رأى و لا تتهمنى بشئ فلست اقل قدره منك على ذلك .

انظر من فضلك الى حوراتى مثلا مع اخى زهيرى و رغم اختلافنا فى الراى الا انه لم يتجاوز احدنا على الاخر.

و اتعجب اكثر من تاخر رد الاشراف على تجاوزات بعض الاخوه الى حد المساس بالاخرين ام ان هناك انتقائيه ؟ سؤال ارجو الاجابه عليه .

روجعت مداخلة الدكتور التهامى .. وروجع الجزء المعترض عليه من المداخلة ووُجد أنه يشير إلى بعض الأطباء (بتعميم دون تخصيص) ولا يشير بالسخرية أو الشخصنة إلى أى عضو من أعضاء الموقع ..

عن الإدارة

أبو محمد

تم تعديل 3 نوفمبر 2008 بواسطة أبو محمد
الرد على اعتراض علنى (مخالف) لصاحب المداخلة

[عصام]

الموضوع دا بيفكرنى - بشكل كبير - بموضوع هل الأرض كروية؟

لله الأمر من قبل ومن بعد

لله الأمر من قبل ومن بعد

[moheltohamy]

والأطباء اللي منتظرين ياخدوا بصّة على الجزء ده ، ويقرروا إن كان محتاج يُختتن ولا لأ... إيه الهبل ده؟!

يمكن إحنا الوحيدين اللي فاهمين في الدين والعلم والجمال؟

;) mfb:

السلام عليكم

الاخوه الكرام جزاكم الله خيرا

الزميل moheltohamy

لكل كل الحق فى ان تقول رايك و ما تعتقد و لكن لماذا على حساب السخريه

و التعدى على غيرك ..لماذا تجعل للخلاف فى الراى قضيه اعتقد بما شئت و دن بما شئت

و افعل ما شئت و لكن لا تسخر منى او من رأى و لا تتهمنى بشئ فلست اقل قدره منك على ذلك .

انظر من فضلك الى حوراتى مثلا مع اخى زهيرى و رغم اختلافنا فى الراى الا انه لم يتجاوز احدنا على الاخر.

و اتعجب اكثر من تاخر رد الاشراف على تجاوزات بعض الاخوه الى حد المساس بالاخرين ام ان هناك انتقائيه ؟ سؤال ارجو الاجابه عليه .

عزيزي أبو عمر

مبدئياً إنتا من الناس اللي باحترمهم جداً على المنتدى ، برغم اختلافنا في التفكير والمبادئ ف الحياة ، لكن انتا راجل محترم ، ولم أرى منك ما يسيئني أبداً...

ما سبق كان استهلالاً لا بد منه :lol:

بص يا سيدي الفاضل...

أعتذر لك مقدماً عن الإحساس اللي وصلك بعد قراءتك لكلامي... ده أولاً.

ثانياً... ليس لي الحق - أصلاً - أن أنتقد حياتك العائلية أو كيف تقود أسرتك أو كيف تربي أبنائك على سبيل المثال.

ما قصدته من كلامي عن (الهبل) كان المقصود به الزملاء من السادة الأطباء ، ورأي إيه اللي بيقولوه عن الإحتياج للختان من عدمه! مفيش حاجة اسمها كده أصلاً...

وأحكيلك عن نوع من المواقف اللي باشوفها هنا عشان تقرّب لك المعني اللي قصدته...

من يومين ألاقي واد روستاباوت (من حديثي التعيين في البريمة) جايلي العيادة... البيه باعته الريّس بتاعه للدكتور وانا أقرر نعمل معاه إيه.

الواد عنده دور برد ، واديته العلاج اللي بيخفف أعراض البرد قبل كده. المشكلة الواد هبطان شوية ومدروَخ ، وبيطلب مني أكلّم له الريّس بتاعه ما يشغّلوش في حاجة خطيرة أو في أماكن مرتفعة وهوه ف الحالة دي.

اللي نرفزني... رأي طبي إيه ف الحالة دي؟ واحد بيقوللك دايخ ، ومش عارف يركّز... هاعملله اختبار تركيز؟ دي حاجة كومون سينس! مش محتاجة تقدير من الدكتور خالص!

والمفروض اقول له سيبه يرتاح له ساعة في أوضته وبعدين يطلع الشغل. طب ما هوه شايف الحالة زيي بالظبط!

وبالتالي الدكتورة لمّا تقول محتاج ختان أو مش محتاج... بُناءً على إيه؟ على الشكل؟ طب ما أم البنت ممكن تحكم ع الشكل! والنقطة اللي منرفزاني أصلاً... إيه المشكلة لو حتى كان كبير شوية؟ وهل فيه معيار بنقيس بيه الحد الأقصى المسموح له؟ ولما نعرف إن أكبر تركيز للأعصاب بيكون ف الـ Tip ، يبقى هل مقبول نقص منه أياً كان شكله؟

وكون إنك لجأت لطبيبة قبل ما تتخذ قرار زي ده ، فده رأي سديد أحييك عليه ، وأتمنى - كبداية - الكل قبل ما يلجأ لممرضة أو داية ف الأرياف والصعيد ، يلجأوا للأطباء.

أرجو أن أكون قدرت أوضح المعنى المراد من وراء كلامي...

ويمكن عشان السادة المشرفين وصلهم المعنى من كلامي ، وما تحفّزوش له ، ولا فهموه غلط زي ما حصل معاك ، لم يروا فيه تجاوزات تستدعي التصدي لها.

وكلمة إحنا ف السطر الأخير أقصد بيها إحنا (المصريين والسودانيين) اللي ما زلنا متمسكين بالعادة دي ؛ سواء لهدف ديني (كما لو أن السعودية مش واخدة بالها من دينها) أو لهدف طبي (كما لو أن العرب بالكامل والدول الغربية لم تفطن للدواعي الطبية للختان) أو لهدف جمالي (كما لو أن اللبنانيين مش واخدين بالهم من ميزة تجميل الحتة دي :lol: )

عزيزي... يشهد الله أنك لم تكن (كشخص - أبو عمر يعني) المقصود بأي كلمة من كلامي!

---------------------------------------------------

إيه ده... دا إنتا بعتت شكوى كمان للإدارة يا أبا عمر ، ومن غير ما تنتظر ردي عليك! :blink:

عموماً ، أنا رديت على كلامك ، من قبل ما أكتشف رد الوالد أبو محمد عليك.

والسلام :rolleyes:

تم تعديل 3 نوفمبر 2008 بواسطة moheltohamy

[abaomar]

السلام عليكم

الاخ الكريم د.محمد

الود موصول و جزاك الله خيرا على تعقيبك .

على فكره انا ما بعتش حاجه و المداخله من الاول زى ما هى

و كنت اريد ان لا يخرج الموضوع عن إطاره كما نوه احد الزملاء فى بدايه المناقشات.

تم تعديل 3 نوفمبر 2008 بواسطة abaomar

[لولا]

الإختلاف حتما وارد فى كل شيئ .. غير ان الخلاف هنا من نوع آخر .. خلاف على شيئ يقرره شخص أعطى لنفسه

الحق فى التعدى على حرمة جسم كائن آخر ! حقا ما موقف هذا الأخر فى قرار مثل هذا ؟؟ هل يؤخذ رايه ؟؟

هل يسال عن الموضوع ؟؟ طبعا لأ !! على أساس ان هذا الكائن لا يملك الحق فى قرار كهذا .. على اعتبار

انه ملك لوالديه ..

الحقيقة لحساسية الموضوع .. او ربما لتلك الحساسية التى نتصنعها نحن العرب فى نقاش مسائل كهذه

كنت قد فضلت الإكتفاء بالمداخلة السابقه لى رغم انى حقا اجد للموضوع زوايا آخرى خطيرة يتجاهلها البعض

.. ولا اعرف كيف يقول أحد ان كل من خضعت لهكذا أمر هى إنسانة طبيعيه سعيده جدا فى حياتها؟؟!!!!

بناء على ماذا بنيت هذه الأفكار وتم التأكد منها ؟؟

يكفى الآثر النفسي والعقلى الذى تم ترسيخه فى أعماقها للأبد . والذى سينعكس بشكل خطير

على حياة كاملة .

معلومه بسيطه فقط نتائج أمور كهذه قد لا يعرفها حتى الزوج التى ستتظاهر زوجته أمامه بأنها طبيعه !!

حكايات التعاسة والفشل بسبب هكذا أمور لن يتم التصريح بها سوى فى وسط نسائى بحت .. لذا عفوا

أيها الساده الرجال ... كيف تعرفون بحكايات كهذه ليصل الموضوع لدرجة اليقين ان تلك المرأة سعيده جدا؟!

وان ملايين النساء ( المختنان ) سعيدات جدا ؟!!!!!!!!

حقيقة اجد مداخلة الدكتور تهامى وهو انسان قد درس الطب ويتحدث من ناحية علميه قد وضعت الكثير

من النقاط على الحروف.

أتذكر فقط فيلم ( النعامة والطاووس) هكذا هو المجتمع .. يجيد تماما دور النعامه ، رغم ان جسم الحقيقه

عارى تماما عيانا بيانا للجميع .

[moheltohamy]

أبو عمر...

الغالية لولا...

أحييك جداً ، وأشكر لك تواجدك في مثل هذا الموضوع ، والشجاعة في توضيح الرأي الغائب ، والمُدان مُسبّقاً لو صرّح برأيه!

مشكلتنا (رجال العرب) أننا في برج عاجي عاااالٍ جداً ، ولا ندري شيئاً عما يحدث من تحتنا ، أو على الضفة الأخرى من النهر!

مش عارفين ، ولا عندنا استعداد نعرف! ;)

أكرر شكري لك مرةً ثانية... وتحياتي لشجاعتك :rolleyes:

[moheltohamy]

أخى الفاضل / moheltohamy

واضح من كلام حضرتك إنك دكتور .. وأرجو أن أكون مصيبا فى هذا ...

على أى حال ، أنا رأيت الدكتور محمد شوقى الفنجرى فى أحد البرامج التليفزيونية يقول إنه - كطبيب نساء وتوليد - عمل فى دول الخليج لمدة طويلة لم يرى خلال العمليات (توليد وغيرها) إمرأة خليجية مختتنة .. أو مختونة (أفضل استخدام اسم المفعول به فى هذه الحالة .. وأتحدى أن تكون أى امرأة قد ذهبت بنفسها وبمحض إرادتها سواء إلى حلاق صحة أو قابلة أو طبيب وطلبت إجراء هذه العملية عليها)

هل تتصورون أننى سمعت حوارا كهذا فى الخمسينيات ؟؟؟؟ !!!!! .. وهذا الموضوع يجعلنى أترحم على الأب الذى وقف فى وجه أمه (ضعوا ما تستطيعون من علامات التعجب) .. وأترحم كذلك على أبيه (جد الفتاة) وهو العالم الأزهرى الفاضل ورفضهم البات لإجراء تلك العملية ... حوالى نصف قرن ولا يزال شباب متعلم متدين ينادون بما رفضه الأب والجد العالم الأزهرى.

ومع ذلك فأنا لا أستغرب ذلك .. ففى نفس البرنامج الذى تحدث فيه الدكتور طبيب النساء والتوليد واستنكر إجراء تلك العملية ، كان هناك طبيب آخر لا أذكر إسمه الأول ولكنه إبن الفنان الراحل محمد فوزى .. كان من المتحمسين لإجراء تلك العملية

نخلص من ذلك بأن الموضوع لا يتعلق بعبادة أو أو معاملة .. ولكنه عادة لم تكن - وليست إلى الآن - سائدة على أرض الوحى (راجعوا مداخلة الفاضل / مسافر زاده الخيال ورأى الدكتور التهامى والدكتور محمد شوقى الفنجرى) .. ولكنها تحولت بسبب الخلط الذى يتميز به الفكر المتعصب إلى مسألة دينية ... دينية فقط .. ليست عبادة ولا معاملة .. ولكن يراد إقحامها قسرا (كالمئات من زميلاتها) على الشريعة .. فأين هى منها ؟؟؟ !!!

الوالد الفاضل/ أبو محمد...

أنا فعلاً - كما وضح من كلامي اللي فات - طبيب (إحم ... حالياً) ، وممرض أو سوّاق تاكسي أو فرد أمن أو كاشيير كمان كام شهر! :rolleyes:

تعرف إني بعد ما كتبت رأيي ده ؛ فضلت سايب البراوزر مفتوح بتاع خمس ساعات ، لغايت ما زميل دخل أونلاين عشان آخد رأيه... أمسح ولاّ أعدّل حاجة من كلامي عشان ما اشوفش كارت أصفر أو أحمر من الإدارة؟!

ما كنتش باحس بكده خالص فيما سبق على المحاورات بفكرها المعتدل. لكن من فترة قصيرة بدأ رفع التابوهات إياها ، والتخويف بسلاح الدين ؛ والذي هو كافٍ تماماً لإسكات أصوات المعارضة تبعاً للخوف الغريزي في مجتمعاتنا من الناحية دي!

أنا فعلاً باستغرب (سامحني يا حسام) إن حتى الوقت الحالي بنلاحظ إن ما زال جسم المرأة ينتظر الرأي باحترامه والرفق به ، ولاّ لأ! وإذا كان عقل المرأة ما زال يناضل للإعتراف بصلاحيته كعقل بشري... يبقى من الرفاهية الكلام عن احترام جسمها!

وإذا كان الموروث الثقافي من العرب الأوائل لنا عن الأنثى أنها (المرأة وعاء الولد)... يبقى لك أن تتخيل صعوبة إقناع المجتمع باحترامها! ولو تلاحظ... هتلاقي عادة الختان منتشرة في المجتمعات المتواضعة إجتماعياً وتربوياً وفكراً وثقافةً! لكن في المجتمعات الراقية... لن تجد أنه - الختان كمبدأ - مطروح للنقاش أصلاً!

ولو لم أجد غير رجل واحد فقط من علماء الدين يقول بأن الختان غير واجب ؛ لأخذت برأيه ، وإن أجمع باقي العلماء على غير ذلك ؛ من منطلق أن اختلاف الفقهاء بينهما رحمة... وأن الرسول (ص) لم يُخَيّر بين أمرين إلاّ اختار أيسرهما.

ولو اجتمع كامل علماء الدين على أنه سنة مؤكده... فعندها... لن أفعله مع ابنتي (لو كان لي إبنة)... وسأكون عندها مقصّر في هذه النقطة... لكنني ببساطة ... لن أفعله!

وهذا رأيي.

تم تعديل 3 نوفمبر 2008 بواسطة moheltohamy

[أبو محمد]

إطمئن يا دكتور تهامى .. وليطمئن كل المعتدلين .. فستبقى المحاورات كما كان عهدك بها .. صالونا ثقافيا يجمع كل الأطياف ويرحب بكل صاحب فكر .. وليس للمشرفين (الذين هم زملاء فى المقام الأول لكل الأعضاء) من مهمة سوى توفير الجو الملائم لتفاعل الأفكار

أما عن المرأة .. فهى أمنا .. أختنا .. إبنتنا .. زوجتنا ... ومن لا يحترمها فى العالم الافتراضى فإن موقفه هذا لاينبع - بالتأكيد - من فراغ .. بل لابد من أساس له فى العالم الواقعى .. وأحسب أن جميع أعضاء "المحاورات" ليسوا ممن لا يحترمون المرأة .. هى فقط أفكار مختلطة فى عقول البعض إختلاط الثابت بالمتغير والمقدس بغير المقدس والعادات بالعبادات ... المطلق والنسبى

ولقد سألت سؤالا لا أتوقع إجابة عليه .. سواء من الرجال أو السيدات ... هل سمعتم عن أى أخت - من محترفات تصنيف نسائنا إلى ملتزمات وغير ملتزمات - قد ذهبت بنفسها وبمحض إرادتها الحرة إلى طبيب أو طبيبة أو إلى قابلة - بعد أن اكتشفت إثم أهلها بعدم اتباع السنة الشريفة - وطلبت تصحيح إثم أهلها بإجراء تلك العملية عليها ؟ ..

كما قلت .. سأندهش إن رأيت إجابة على هذا السؤال بالإيجاب

[ايهاب سالم]

بصراحه لم أرد المشاركه في الموضوع من البدايه لأني شايف إنه مش محتاج كلام

أنا عندي بنت و لا يمكن أعمل فيها الجريمه دي

أنا بس عايز أقول

لما كنت في الحج

تعمدت سؤال حجاج من جنسيات مختلفه من حملتي ومن الأخرين أثناء تأدية المناسك عن هذا الموضوع

ولم أجد أحد يفعله غيرنا

أخى الفاضل / moheltohamy

واضح من كلام حضرتك إنك دكتور .. وأرجو أن أكون مصيبا فى هذا ...

كده يبقى واضح إن الفاضل أبو محمد لا يدخل باب كندا المشبوه مطلقا

حد ميعرفش الدوك محمد بيك التهامي

ماسبق كان كلام ليس له أي علاقه بالموضوع

[لولا]

والشجاعة في توضيح الرأي الغائب ، والمُدان مُسبّقاً لو صرّح برأيه!

وهل المشاركة الفكريه للطرف الآخر الذى يدور عنه الحديث هنا يعتبر شجاعه !!!

لم أكن أعرف ذلك صدقنى .. انا يا دكتور تهامى لا انتظر عادة من أحد أن يسمح لى بأن

أشارك بفكرى فى اى موضوع أيا كان نوعه ..اعتبر ذلك حق غير خاضع للنقاش من أساسه

وعليه تلك الآراء التى تظن أنت أنها قد تدين التطرق للحديث عن زاويه آخرى للموضوع صدقنى

لا تشغلنى أبدا ... النقاش الهادف فى اى موضوع من المنطقى جدا ان يطرح من عدة زوايا

ولا أجد ضرر طالما أن الطرح يتم بشكل محترم.

المرأة حقا تحتاج أن يتم التعامل معها بشكل ارقى من ذلك .

تحياتى للجميع .

لولا

[wagdi]

معلش يا جماعة الخير...

ليا بس إستفسار صغير للمدافعين عن ختان الإناث...

من المعلوم من الدين أن ختان الرجال لازم...

ماشي..

يعني لو رجل دخل الإسلام وهو عنده 40 سنة وجب عليه أن يختتن (ده لو ما كنش فيه مانع طبي طبعاً)

حلو...

سؤالي بقى...

لو ست دخلت الإسلام وهيا عندها 40 سنة.... يبقى لازم تروح تختتن؟؟

ولو كان الأمر سنة... ومافيش دليل أن الرسول عليه الصلاة والسلام ختن أو لم يختن بناته...

طب وألاف النساء الاتى دخلن الإسلام في عهد رسول الله... يعني لو كان الأمر سنة لكانوا أختتنوا... وكنا وجدنا مئات الأخبار المتواترة والأدلة على حدوث ذلك...

وعلى قد علمي ده مش موجود...

طب حتقوللي عادة إجتماعية وعادة محمودة...

طب أنا إلى أعرفه إن جسم الإنسان ليس ملكاً له بل هو مؤتمن عليه...

ومش المفروض يتعمل في الجسم ده غير إلى ربنا أمر به... خاصة إذا كان هذا التعديل دائم لا رجعة فيه...

يعني لو بنتكلم في لحية...أهي ممكن تتربى في أسبوع وممكن تتحلق في دقيقة...

لكن قطعة من جسم الإنسان تتقطع للأبد...يبقى لا أعتقد أن الأمر يمكن تصنيفه ك"عادة حسنة" أو "مكرمة" أو "تهذيب"...

ولا إيه؟...

الناس في كل حتة في العالم بتفكر حتعمل لأولادها إيه...

حيسيبولهم مين يحكمهم...

حيسيبولهم إقتصاد شكله إيه..

حيسيبولهم بيئة عاملة إزاي...

وإحنا قاعدين بنتكلم حنسيب لعيالنا عاهة مستديمة في أجسامهم ولا لأة...

تحياتي للجميع وربنا يصلح الحال...