سؤال بجد مش هزار.. هو الحزب الوطنى حرام؟

[mohamed saad]

على فكرة انا مش بهزر ولا بخلط بين الدين والسياسة انا هنا باتكلم فى الدين وباطلب مشورة رجال الدين وباطلب مشورة مفتىالديار المصرية اللى بيفتى ان المظاهرات ضد ولى الامر حرام ( مشهد من فيلم الزوجة التانية ورجل الدين يأمر ابو العلا بأن يمضى على الطلاق متمتما واطيعوا الله واطيعوا الرسول واولى الامر منكم وابو العلا يصرخ فيه ..يا راجل ياعديم الدين )

كما اتوجه بسؤالى الى مشيخة الازهر الشريف الذى يعلن شيخه ان المشاركة فى استفتاءات الحكومة - المضروبة بشهادة جودة فى التزوير صادرة عن نادى القضاة - يعلن ان المشاركة واجب دينى ومن لم يشارك اثم قلبه ( مشهد من مظاهرات ثورة 1919 تحرض المصريين ضد الظلم والطغيان تخرج من قلب الازهر )

كما لانسى ان اتوجه بسؤالى لبابا الاسكندرية الذى يلزم الصمت من زمن واذا تكلم فهو يشكر الرئيس المبارك حسنى مبارك ( مشهد لرجل دين يعظ فى الكنيسة قائلا فى تقوى وورع اعط ما لقيصر لقيصر وما لله لله)

الى كل هؤلاء اتوجه بسؤالى سؤال فى الدين مش فى السياسة هل الانضمام للحزب الوطنى كبيرة ام معصية ام اثم ام مندوب ام واجب ام فرض ؟

وهل المشاركة فى مواكب النفاق بتاعة الحزب الوطنى يعتبر خطيئة ام هو ياترى تكفير للذنوب والعمايل السوده( مشهد لاحد الهتيفة وهو يقبض 20جنيه ويهتف مش كفايه مش كفاية )

وهل ياترى الاشتراك فى زفة االتصفيق للرئيس اللى بنى لنا الكبارى وعمل لنا التليفونات وزود لنا البطالة ودمر لنا التعليم وبوظ لنا الصحة وخرب بيوتنا الله يعمر بيته الاشتراك فى تللك الزفة اهو من مكارم الاخلاق ام هو من نواقصها(مشهد لواحد بيصقف للرئيس بعد ما طلع معاش مبكر حصيلة الخصخصة)

ويا ترى انتخاب اللى بنى لنا ،بفلوسنا، ممستشفى 57357 لعلاج السرطان (مشهد لاحمد وهو بيقول اتبرع اتبرع ولو بجنيه)كما لم يبخل علينا سيادته باكبر قدر ممكن من المبيدات المسرطنة والبطيخ المسمم(مشهد لجموع المواطنين امام بتاع البطيخ وهى بتهتف بالروح بالدم هناكل البطيخ) وقد زادت نتيجة لتلك المبيدات حالات الفشل الكلوى والالتهاب الكبدى تحت رعاية طويل العمر يطول عمره وينجيه من شر المبيدات يوسف والى الجالس فى حفظ الله وامنه فى حمايه قبة مجلس موافقون موافقة ، الشعب سابقا، ولا يجروء احد على التحقيق معه او حتى التقدم بطلب برفع الحصانة مع ان الحصانة بتترفع فى 24 ساعة واسألوا ايمن نور ( مشهد ليوسف والى قاعد تحت القبة الموقرة بياكل فاكهة مستوردة وبيشرب ميه معدنية) .والسؤال هو؛هل انتخاب رئيس بهذه المواصفات سيزيد من رصيد حسناتنا ام سيوردنا موراد الهلاك

ثم هل هو جائز شرعا البيعة لولى الامر الذى ظهرت فى عهده لجنة السياسات بقيادة البرنس جمال الذى اتم الله على يديه المباركتين ،مش مبارك واحد، اصلاح الحزب بأعادة توزيع الثروة والسلطة على الابناء بعد ان احتكرها الاباء لفترة طويلة

السؤال هو ياترى تلزم على الواحد مننا البيعة ام البيعة فى هذه الحالة فرض( كفاية)؟

وماهو حكم الدين ياراجل الدين فى من تزين عهده بكل وسائل انتهاك ادمية البشر (مشهد من فيلم الكرنك انتاج 2005) وقد بدأ عهده بالافراج عن 250 معتقلا من سجون السادات وانهى فترة ولايته؛ اللى مش عارف كام؛ باعتقال 20 الف معتقل فى سجونه العامرة بكل وسائل التعذيب وكسر نفوس البشر ، كما انه بدا عهده بالقسم ان يحترم القانون والدستور والحمد لله لا دستور بيحترم ولا احكام بتتنفذ

افتونا فى امر رجلا يقبع نصف شعبه تحت خط الفقر وثروات ابنه وصلت 750مليون دولار من مصادر غير معلومة حتى وقتنا هذا(مشهد للرئيس بيدى ابنه المصروف)

ثم افتونا فى امر رجلا زورت الانتخابات فى عهده وفرض الطوارىء على شعبه 24 سنه ومين عارف لسة فاضل كم سنة كمان ثم يذهب كل عام ليطلب رضا الامريكان

افتونا فى الدين يارجال الدين هل الحزب الوطنى هو الطريق الى الجنة ام هو طريقنا الى الدرك الاسفل من النار (مشهد لمبنى لجنة السياسات وسهم مكتوب عليه من الحزب الوطنى الى الجنة عدل وفى الجانب المقابل سهم مكتوب عليه من حركة كفايه الى النار حدف) ......................اقول قولى هذا واستغفر الله لى ولكم

****************************************

تم تعديل 9 نوفمبر 2005 بواسطة عصام شوقى

[Alshiekh]

سألناهم كثيرا لكن يبدو انهم لايسمعون

الى فضيلة المفتى وشيخ الازهر والبابا شنودة, بخصوص ماحدث يوم الاستفتاء

[ناصر الملك و الملكية]

يعني إيه الحزب الوطنى حرام :blink:

[Ahmed Mohsen]

يعني إيه  الحزب الوطنى حرام  :blink:

<{POST_SNAPBACK}>

ويعني إيه الديموقراطية حرام ؟؟

ويعني إيه العلمانية حرام ؟؟

[se_ Elsyed]

لا حرام ولا حلال

ولكنه مكرووووووووووووووووووووووووووووووووووووه :blink:

[ناصر الملك و الملكية]

يعني إيه  الحزب الوطنى حرام  ;)

<{POST_SNAPBACK}>

ويعني إيه الديموقراطية حرام ؟؟

ويعني إيه العلمانية حرام ؟؟

<{POST_SNAPBACK}>

ماشي

الديموقراطية و العلمانية دول أنظمة حكم

يعني ممكن نقول عليهم حرام أو حلال

زي مثلاً ( الخمر ) حرام و ( التدخين ) حرام

لكن الحزب الوطني مش نظام للحكم , ده مجموعة من الأشخاص , إزاي يكونوا حرام أو حلال :blush:

يعني ينفع تقول ( الأيوبيين ) حرام ؟ أو ( المماليك ) حلال ؟؟؟

[أشرف حليم]

كلمة حلال و حرام ....

أخشى من كثرة إستخدامهم .....

و خاصة فى غير مواضعهم المناسبة

أخشى أن يفقدوا معناهم ......

و أن أن يصبحا نتيجة لذلك ألفاظ مكرووووهة لا قدر الله .....

[صفاء]

لا حرام ولا حلال

ولكنه مكرووووووووووووووووووووووووووووووووووووه  :blink:

<{POST_SNAPBACK}>

أنا بقول استفتى قلبك ;)

وبعدين هما فين رجال الدين فى المنتدى ؟؟

احنا بنغنى ونرد على روحنا :blush: