حادث أوتوبيس البحيرة .. يا أمة ضحكت

[أبو محمد]

لا كرامة لنبى فى وطنه

عندنا كفاءات مدفونة .. ولكننا لا نلتفت إليها

ونظل غافلين عنها إلى أن تأتى الطوبة فى المعطوبة

الراجل السُكـَّرة رئيس هيئة الطرق والكبارى

لسه من يومين منبهنا إن إصلاح الطرق وصيانتها سؤدى إلى مزيد من الحوادث

رئيس هيئة الكبارى : إصلاح الطرق سيؤدى إلى زيادة حوادث السيارات

لسه الحبر اللى مكتوب بيه الكلام الدهب ده ما نشفش

لنفجع صباح اليوم بحادث مروع .. راح ضحيته كوم لحم من ولادنا

والسبب زى ما قال الراجل البركة

رئيس هيئة الطرق: طريق "حادث البحيرة" ممهد وتمت صيانته حديثا

إحنا آسفين يا شيخ جيوشى

أصل احنا شعب ما بيصدقش إلا لما يشوف بعينيه

جتنا نيلة

[MZohairy]

انا شايف انه كده فيه مسئوليه سياسيه لازم حد يشيلها

او يتحملها

سواء وزير المواصلات او رئيس الوزراء او رئيس الجمهوريه

تقليل نسبة حوادث المرور مش بس باصلاح الطرق....لأ

التقليل ممكن يتم بفرض قوانين صارمه و غرامات قويه و فوريه

و ده مابيحصلش...رغم سهولته

[Alshiekh]

أتمنى أن أستيقظ صباحا على أخبار طيبة

مللت الصحيان على اخبار حوادث الموت والقتل والتصادم.

يارب احفظ مصر،

ولكن كيف يحفظ الله مصر وأهلها لا يريدون الحفاظ عليها؟!

لماذا تحصد حوادث السيارت والطرق الآلاف من الأرواح كل يوم بسبب إهمال السائقين؟

متى يتوقف نزيف الدماء على الأسفلت؟

لماذا لا يكون هناك عقلاء بين الركاب يجبرون السائقين على الالتزام بقواعد المرور حتى يصلوا سالمين؟

لماذا لا تكون هناك حملات دورية يومية على الطرق لاختبار صلاحية قائدي السيارات؟

اللي بيحصل ده حرام، والجميع مسئول عنه سواء بالاهمال او السكوت عن الخطأ عندما يراه يحدث.

كن ايجابي واتخذ الخطوة الصحيحة في وقتها، لو كان واحدا من طلبة الاتوبيس المسرع قد نبه السائق بتخفيض السرعة، ربما كان فيه سلامتهم وسلامة الآخرين الذين احترقوا او اصيبوا.

كن ايجابي واتصل بشرطة النجدة او المرور وابلغ عن السائق المتهور لتحفظ حياة الابرياء، ولا تمل اذا صادفك اهمال وعاود الاتصال.

مايحدث على طرقنا السريعة والبطيئة ومايصاحبه من أرقم الضحايا، يعني اننا شعب مريض بالسلبية واللامبالاة وأن حياة الإنسان ليس لها قيمة لدينا.

[التونسى]

حادث بشع جدا .. ليس هو الاول من نوعه .. ولن يكون الاخير للاسف .. المسئوليه فيه مشتركه بين المواطنين والحكومه .. وأرى ان المواطنين الذين زادت جرعات ((بلادتهم)) وتسيبهم ولا مبالاتهم يتحملون الجانب الاكبر من المسئوليه فى كوارث مثل تلك الكارثه .. ياتى بعد المواطنين ..المسئولون بادارات المرور ما بين متساهلين ومرتشين .. اما القيادات السياسيه الحاليه فبكل موضوعيه تتحمل الجانب الاقل فى المسئوليه لان ببساطه وزى ما بكرر دائما ان إرث الفساد و ((((((الإفساد))))) الذى قام به مبارك وزبانيته فوق الاحتمال والتصور .. ولو غيرنا تلك الحكومه وعلى رأسها السيسى بأخرى من ملائكة منزلين .. سيتحول هؤلاء الملائكه فى فتره بسيطه من التعامل مع الشعب المصرى الى مرده شياطين

إذن فتغيير القيادات السياسيه ليس هو الحل ..بل قد يعيدنا الى المربع ما قبل الصفر ... الحل هو الصبر والتكاتف والاصلاح بقدر الامكان بتخطيط و بلا تسرع .. مع حملات توعيه اعلاميه مكثفه للسائقين (المجانين)) بدلا من حفلات الندب الاعلامى بعد كل كارثه والتى لا تسمن ولا تغنى من جوع

رحم الله هؤلاء الابرياء والصبر والسلوان لعائلاتهم

[باهى الطائر الحزين]

شكرا لكل من شارك هنا

الحل بسيط وجدا

القوانين موجوده بالفعل ورادعه كمان

فقط تفعيلها !!

[أبو محمد]

قبل دخولى إلى الموقع كنت أشاهد قناة "الإسكندرية"

المذيعة كانت مستضيفة اتنين منهم طبيب كان ممن عاينوا الحادث

الطبيب التقط - بتليفونه المحمول - صورة شيشة وموقد (لزوم الفحم) فى كابينة سائق النقل

ممكن طبعا يكون بيشيش فى فترات التوقف ومش بعيد كمان يكون بيشيش وهو سايق

أصبحت لا أستبعد أى شئ فى هذه الأيام اللى ما يعلم بيها غير ربنا

عندما التحقت بالشركة التى عملت بها فى الكويت

كان من ضمن برامجها التدريبية المستمرة برنامج إسمه "القيادة الوقائية"

Defensive driving

هذا لنوع من القيادة لا نعرفه .. نحن نعرف عكسه Offensive Driving

البرنامج 5 أيام يسمح بعده للناجح - بعد اختبار نظرى وعملى - بقيادة سيارة الشركة

أو الاستمرار فى قيادة سيارة الشركة .. وإلا يُمنع من ذلك لحين الدورة التالية

وكانت الشركة متعاقدة مع شركة متخصصة إسمها Smith System

كان موقع العمل يبعد عن أقرب مدينة حوالى 60 كم

وتعرضت الشركة لخسائر فى السيارات وفى الأرواح مما جعلها تفرض هذا البرنامج التدريبى

فالطرق فى الكويت واسعة وناعمة .. والسيارات كبيرة ويتم تغييرها كل سنتين

يعنى - كما هو فكر رئيس هيئة الطرق والكبارى بتاعنا - أدوات القتل متوفرة

تعلمنا حاجة اسمها "مثلث الحادث" .. أضلاعه هى السائق والسيارة والطريق

زى ما قلت طرق الكويت وسيارات الشركة 100% فكان التركيز على من يقود سيارات الشركة

تعلمنا أن معظم الحوادث يمكن تفاديها إذا تعلم السائق ومارس عادات وقواعد القيادة السليمة

لابد من تعليم كل من يقود سيارة تلك القواعد والعادات وعمل اختبارات دورية للتأكد من ذلك

وألا يُسمح بالقيادة إلا لمن يعرفها ويمارسها ويتعود عليها

لأن أرواح البشر مش لعبة

ودايما فى الحوادث فيه طرف غلطان - ويمكن مجرم كمان - وطرف برئ مش غلطان

وأخيرا من يتساءل عن سبب نزيف الدماء على الأسفلت .. فليتذكر :

وفى أنفسكم أفلا تنظرون ؟

وفي أنفسكم أفلا تبصرون ؟

وفي انفسكم افلا تتفكرون ؟

وفى انفسكم افلا تعقلون ؟

[أبو محمد]

أنا كتبت Defensive Driving

طلع لى ييجى حليون رابط .. ده واحد منهم

Smith System - The 5 Keys to Safe Driving Course

[باهى الطائر الحزين]

اكرر شكرى للفاضل ابو محمد

على مداخلاته القيمه

سائقى النقل يدخنون الجوزه

وبيطبخوا كمان وهما سايقين

عاده اصحاب السيارات النقل

بيكون لهم حد او واسطه فى

المرور لذلك تلاقى السواقين

عارفين ده وبيعربدوا على

الطريق ...

كنا زمان بننتقد سواقين الميكروباص

دلوقتى سواقين التاكسى طلعوا فيها

اشمعنى هما ؟

كمان التقسيط خلى فئات متدنيه

تركب عربيات وثقافاتها معاها ...

فين ايام ماكنا بنقرأ

القياده زوق وفن واخلاق ...

[herohero]

أتمنى أن أستيقظ صباحا على أخبار طيبة

مللت الصحيان على اخبار حوادث الموت والقتل والتصادم.

يارب احفظ مصر،

ولكن كيف يحفظ الله مصر وأهلها لا يريدون الحفاظ عليها؟!

لماذا تحصد حوادث السيارت والطرق الآلاف من الأرواح كل يوم بسبب إهمال السائقين؟

متى يتوقف نزيف الدماء على الأسفلت؟

لماذا لا يكون هناك عقلاء بين الركاب يجبرون السائقين على الالتزام بقواعد المرور حتى يصلوا سالمين؟

لماذا لا تكون هناك حملات دورية يومية على الطرق لاختبار صلاحية قائدي السيارات؟

اللي بيحصل ده حرام، والجميع مسئول عنه سواء بالاهمال او السكوت عن الخطأ عندما يراه يحدث.

كن ايجابي واتخذ الخطوة الصحيحة في وقتها، لو كان واحدا من طلبة الاتوبيس المسرع قد نبه السائق بتخفيض السرعة، ربما كان فيه سلامتهم وسلامة الآخرين الذين احترقوا او اصيبوا.

كن ايجابي واتصل بشرطة النجدة او المرور وابلغ عن السائق المتهور لتحفظ حياة الابرياء، ولا تمل اذا صادفك اهمال وعاود الاتصال.

مايحدث على طرقنا السريعة والبطيئة ومايصاحبه من أرقم الضحايا، يعني اننا شعب مريض بالسلبية واللامبالاة وأن حياة الإنسان ليس لها قيمة لدينا.

أستاذي اخر مرة حضرتك قومت بالقيادة ع الطريق الزراعي ا؟؟؟

انا لسه راجع منه وماتزعلش مني كلام حضرتك ده مالوش قدرة ع التطبيق ف الواقع كلام نكتبه انما التطبيق محتاج اعزم حضرتك ع مشوار ف الطريق الدائري او الزراعي ووقتها هتقول ليا رأيك

[باهى الطائر الحزين]

طبعا محدش هيصدق

لكن الخبر ده لسه واصلى حالا !!

[أبو محمد]

لأ بقى .. مش معقول كده

حادث تصادم جديد "في نفس مكان "كارثة البحيرة".. ومصرع ثلاثة

توك توك وعربية .. والضحايا تلاتة

[أبو محمد]

IMG_20141105_213058.jpg

طبعا محدش هيصدق

لكن الخبر ده لسه واصلى حالا !!

كنت باكتب من غير ما اشوف مداخلتك يا أستاذ باهى

أنا مش قادر اتصور .. مش قادر اتخيل

[أبو محمد]

اللى بيسوقوا التوك توك بيبقوا فى العادة عيال صغيرين

واللى بيسوقوا الميكروباصات أغلبهم بدون رخصة

زوجة ابنى كانت بتتعلم (عن طريق مكتب) عشان تمتحن فى المرور

وكان إبنى معاهم فى العربية .. فبيقولها إدى إشارة قبل ما تحودى

ضحك السائق (المعلم) وقال لها

الكلام ده كان زمان يا مدام

وتقول لى الله يرحم "القيادة فن وذوق وأخلاق"

!!!!!!!!!!!!!!!!!!!!!!!!!!!!!!!!!!!!!!!!!!!

[باهى الطائر الحزين]

http://www.elwatannews.com/news/details/591689

كنت باكتب من غير ما اشوف مداخلتك يا أستاذ باهى

أنا مش قادر اتصور .. مش قادر اتخيل

[أبو محمد]

من ضمن ما تعلمناه من 35 سنة فى القيادة الوقائية

إن عند الدورانات والتقاطعات

Get eye to eye contact

لأن - ببساطة - لايمكن اتنين يخبطوا فى بعض وهم شايفين بعض

اللى انا لاحظته بقى

بابص للسواق التانى ألاقيه لامحنى وعامل نفسه مش شايفنى عشان يجبرنى على الوقوف

حتى لو كان معى حق الطريق

مش حيتوقف نزيف الدم إلا بإعادة تأهيل كل من يقود سيارة

[عطر الجنة]

http://www.youtube.com/watch?v=12KmzD-i-lU

[عطر الجنة]

أستاذي اخر مرة حضرتك قومت بالقيادة ع الطريق الزراعي ا؟؟؟

انا لسه راجع منه وماتزعلش مني كلام حضرتك ده مالوش قدرة ع التطبيق ف الواقع كلام نكتبه انما التطبيق محتاج اعزم حضرتك ع مشوار ف الطريق الدائري او الزراعي ووقتها هتقول ليا رأيك

عندك حق طريق مصر اسكندرية الزراعى اصبح كارثة بكل المقاييس

انا بمشى فيه 5 ايام بالاسبوع

كل مرة بحمد ربى على عودتى سالمة ..

تخيلوا على سبيل المثال لا الحصر .. عند كل قرية فرن موضوع بالشارع باسطوانة بوتجاز بيشوى ذرة ..

اصحاب الفرن بيعملووا مطبين لاجبار اصحاب السيارات على التهدئة للشراء ..

اضافة لبائع اكياس عصير معرفش نوعه .. غير اصلاحات على الجوانب

ناهيك عن افراد تعرض سلع معلقة على فاصل الطريق الاسمنتى جهة اليسار ..

نيجى للاسفلت المتشقق و خروج الطبقات الداخلية مما يتسبب فى عدم استوواء الطريق الذى ينتج عنه انقلاب حمولة العربات التريلا الثقيلة الحمولة مثل كتل الرخام

و الله خلال الاشهر السابقة رايت عدد حوادث كبير بتلك الطريقة ..

المفروض الطريق الزراعى شريان حيوى

[herohero]

مازلت بقول للأفاضل ممكن تيجوا تشرفونا ع الطريق الدائري وتعرفوا الحل ايه ؟؟ يا افاضل الطريق الدائري من 2003 وهو فاشل وكارثة والحمد لله كل سنة بتاكد انا جربته يوميا سنة 2003 -2006 والطريق الزراعي شرحه لحد طنطا

وبقول الحل مع كامل احترامي لا بالكلام ولا بالعويل

اللي عاوز يحل يجيب شركات تعمل شغل صح بنظام BOT تعمل رصف صح وطرق ادمية

واهم شئ تطبيق القوانين بحسم ، بس لامؤاخذة تجيبوا حد يطبق القانون غير امين الشرطة اللي بيعطل الطريق عشان يوقف عربية نقل يتسنكح وتوصله ولا يكونوا عاوزين يتعشوا عشوة كباب والكلام ده مش عاوز حد من الأفاضل يقعد يزايد ويوجه كلام ع اساس ان خائن ومعنديش ولاء

لان كلامي ده مش بشوفه ف الافلام ولا بقرأ عنه لا يا افاضل ده شوفته كثيييييييييير وكان ليا تجربة

غير كده خلوكم عيطوا واندبوا والقنوات تقعد تعيد وتزيد وبكرة نلاقي حادثة جديدة

[herohero]

عندك حق طريق مصر اسكندرية الزراعى اصبح كارثة بكل المقاييس

انا بمشى فيه 5 ايام بالاسبوع

كل مرة بحمد ربى على عودتى سالمة ..

تخيلوا على سبيل المثال لا الحصر .. عند كل قرية فرن موضوع بالشارع باسطوانة بوتجاز بيشوى ذرة ..

اصحاب الفرن بيعملووا مطبين لاجبار اصحاب السيارات على التهدئة للشراء ..

اضافة لبائع اكياس عصير معرفش نوعه .. غير اصلاحات على الجوانب

ناهيك عن افراد تعرض سلع معلقة على فاصل الطريق الاسمنتى جهة اليسار ..

نيجى للاسفلت المتشقق و خروج الطبقات الداخلية مما يتسبب فى عدم استوواء الطريق الذى ينتج عنه انقلاب حمولة العربات التريلا الثقيلة الحمولة مثل كتل الرخام

و الله خلال الاشهر السابقة رايت عدد حوادث كبير بتلك الطريقة ..

المفروض الطريق الزراعى شريان حيوى

أصبح ؟؟؟؟؟؟؟؟؟؟

هو طول عمره كله حضرتك انا كنت دائم السير عليه لحد طنطا (شركة الكهرباء -مدخل سبرباي )

والطريق الممتع الدائري من مطلعه من ميت نما الى موقف العاشر

اللي عاوز يتكلم عن الطرق انا تحت امره وطبعا ماننساش حلاوة الطرق كوبري اكتوبر والعربيات اللي بتعطل فيه وتوقف الدنيا

[عطر الجنة]

اللهم لا راد لقضاءك

حصاد اليوم

- حادثه البحيره 1
- حادثه البحيره 2
- انفجار فى قطار منوف
- انفجار فى مترو المرج
- انفجار فى كمين بمرسى مطروح