مبروك لكل الاهلوية

[محمد شلبى]

الف مبروك لكل الاهلوية الانتصار الرائع الذى حققه الاهلى الزعيم على انيمبا الرهيب على ملعبه ووسط جمهوره واثبت الاهلى بحق انه احسن واقوى نادى فى القارة كلها .

حطم الاهلى اسطورة انيمبا الذى لم يخسر على ملعبه منذ عامين واحتل صدارة المجموعة ووجه رسالة انذار وتحذير لكل الفرق بانه قادم لا محالة الى كاس البطولة والاهم من ذلك ادى نجوم الاهلى مباراة قوية للغاية على ملعب ملئ بالوحل وهو الاسوا فى القارة كلها ولم يهابوا الجمهور الكبير.

الف مبروك لكل الاهلوية :wub:

[se_ Elsyed]

ده إنجاز بكل المقاييس لعدة أسباب :

1- الدوري في نيجيريا دلوقت في الأسبوع الـ 13 .. يعني أنيمبا في كامل لياقة المباريات ، في حين إن الأهلي مريح من ييجي شهرين .

2- أنيمبا لم يُهزم أو يتعادل ( إلا مباراة واحده إتعادل فيها مع الترجي التونسي الرهيب ) على أرضه خلال 26 مباراة وبقى له 3 سنين محجر وما حدش عارف ياخد معاه حق ولا باطل .

3- أنيمبا بطل أفريقيا لعامين متتالين 2003 ، 2004 وماشي زي القطر بياكل الرايح والجاي .

4- المعلب كان زبالة وعبارة عن جنينة من بتوع القناطر الخيرية ومتغرقة ميه وإتحولت لبركة طين .

5- مع إني بأتفاءل بالحكم الجنوب أفريقي " كيم لي شونج " إلا إنه ومساعدية كانوا شاربين مية طرشي في الماتش ده بالذات وعايزين أنيمبا يفوز بالطول أو العرض .. وبالرغم من إن لاعبي أنيمبا معروف عنهم اللعب النظيف ولم يتلقوا غير 5 إنذارات فقط خلال كل مباريتهم الأفريقية إلا إنهم كانوا جزارين في الماتش ده وهروا لعيبة الأهلي ضرب والواد أكوتي منساه اللي فلوسه لسه ما بردتش خرج من المبارة برباط صليبي هايرقد فيها 6 شهور ، وكان بسبب الحكم هايدخل في الاهلي هدفين أخر 5 دقايق من أوفسيد واضح لأعضاء جمعية النور والأمل ولعيبة الأهليواقفين مستغربين من اللي بيحصل والحكم ممشي اللعب عادي جداً لولا براعة عصام الحضري اللي كان بيفاجأ بلعيبة أنيمبا منفردين به من تسللات واضحة للجميع .

6- لاعبي الأهلي كانوا جميعاً أبطال وضيعوا فوز تاريخي في الدقائق الأخيرة من المباراة من خلال إنفرادين لأسامه حسني جت في جسم حارس المرمى ، وتسديدة لأبو تركيه كانت هاتكسر العارضة العليا للمرمى .

7- الأهلي الفريق الوحيد - ولله الحمد - في الثمانية فرق بتوع المجموعتين اللي جاب نتيجة 100 % من مبارايتن بره وجود أرضه ومع أقوى فريقين في المجموعة الرجاء وأنيمبا في حين التانيين ماشيين بيترنحوا وأجدع واحد في السبع فرق جاب نقتطين فقط من 6 .. تصوراو ؟

واضح إن إدارة الاهلي وجهازة الفني واللاعبين عارفين هما عايزين إيه وحطين قدام عينهم بطولة العالم في اليابان في نوفمبر القادم اللي لو فوزنا بإذن الله ببطولة أفريقيا هاناخد مليون دولار ومليون تانية لمجرد الإشتراك في بطولة العالم ..

حظ موفق للأهلي والزمالك اللي كسفنا في مباراة القاهرة ...

[محمد شلبى]

معاك حق يا استاذ سى السيد فى كل حاجة الا حتة اللعب النظيف دى :wub: , بقى يا راجل نسيت ماتش الاسماعيلى فى النهائى واللى عملوه فينا هنا :D , دى فرقة مصارعة مش كورة