باركوا لمي محمد .. جابت جيد جداااااا

[mohamed]

السلام عليكم

يلا يا جماعة نبارك لمي محمد

النتيجة النهاردة ظهرت ونجحت بتقدير جيد جدااااااا

الف مبروك يا مي وعقبال الامتياز

والنيابة ;) :P

[bentmasria]

مى الف الف مبروك نجاح وبتفوق كمان ربنا يبارك لك وفيكى

حمادة انت ناسى نفسك على فكرة محمد كمان جاب جيد مرتفع

مليون مبروك لحبايبنا ويارب النيابة والقضاء وثقافة وعلم وخير كبير لمصر على ايديكم

طنط

ام حماده

[وليد صفوت]

ألف مبروك و عقبال الليسانس

الا هو صحيح الحقوق أسانس و لا بكابورليوس :)

و عقباااااااااااااااااااااااااااااااااااالى يا ررررررررررررررب :blush: :P ;)

[مى محمد]

غاليتى ام محمد

الله يبارك فيكى وعقبال مادا يارب لما تشوفيه زينا كده يارب وتشوفى ولاده كمان

فايولين كينج الحقوق بكابورتوس ;) ...........معقول ماكنتش تعرف؟

وان شاء الله عقبال و عقبال الجميع :P

والف شكر ليك يا محمد على اللفتة الرقيقة دى :blush:

والف مبروووووووك ليك وعقبال السنة الجاية ان شاء الله :)

[Alshiekh]

الف مبروك لمى وعقبال كل سنة.

بس انا كده زعلان علشان ماحدش افتكر العواجيز اللى زى حالاتى. ;) :P

انا نسيت صحيح ،

اسامة ، الحمد لله ربنا اكرمه ببكالوريوس هندسة اسكندرية جيد جدا ، وهبة ، جيد ثالثة طب اسكندرية ، ومنتظرين ريهام ، اولى خدمة اجتماعية.

وعقبال كل الاحباء بالمنتدى.

تم تعديل 14 يوليو 2005 بواسطة Mohammad

[زعلان]

بس انا كده زعلان  :P  :blush:

<{POST_SNAPBACK}>

مين بينده ;) أنا زعلان ;) :) ... مبروكالف مبروك يا مي :) ...

[mb14]

الف الف مبروك يا آنسه مى وعقبال التعيين معيدة والماجستير والدكتوراة

وعقبال كل شباب المحاورات

وادى اثبات جديد ان المحاورات ما بتعطلش حد عن المذاكرة بل بالعكس بتنشط المخ وتوسع المدارك .

[ENG. BEHAIRY]

الف ألف مبروك للآنســـــة مي ،

وبالمناسبة هى تهـــــنئة لنا كـلنا

وكنا نود تفاصــــيل الخبرالجميل

هل الإمتياز هو الخطوة القادمة بإذن الله تعالى بعد الجيد جدًا هذا العام

أم أنها سنة الإمتياز ؟

عمومًا إحنا نتمنى لك الإثنين رغم إن اليوم الخميس : الإمتياز بامتياز

الأخ الفاضل الأســــتاذ / محمد

محدش افتكر العواجيز لأنك فى شريحة أبطال الشباب

نجاح الأولاد إنعكاس لنجاح والديـهم

أنتم الزراع وهم الأرض الخصـــــــبة

ونجاحـــهم هو أول الثـــــمرة الطيبة

وأول الغيث كما يقولـــون قطــــــــرة

النجاح طريق شاق طويل لكنه ممتع

ألف ألف مبروك للمهندس / أسـامة

( كده نقابتنا زادت واحد)

وألف مبروك للآنسـة هبة

والف مبروك للآنســة ريهام مقدمًا

والآن أتوجه للأستاذين الكريمين وكلاهما محـمد فأقول :

أأذكر حاجتى أم قد كفانى :::: حياؤك إن شـيمتك الحياءُ

كــــريم لا يغيره صباح :::: عن الخلق الكريم ولا مسـاءُ

من حقنا ذو القرنين ;) أو ذو العرف الواحد :P أو ذو البقلاوة :blush:

أما حق الناجحين لدينا فهو أن نتحول من الثناء عليهم إلى الدعاء لهم :

أن يحفظهم الله ويرعاهم ويجعل فيهم أملنا وعزنا ورفعتنا

والحمد لله الذى بنعمته تتم الصالحات

تم تعديل 14 يوليو 2005 بواسطة ENG. BEHAIRY

[se_ Elsyed]

الف الف مبروك لمي ولكل الناجحين ولكل اللي مستنيين نتايجهم وخصوصاً خصوصاً بتوع الثانوية العامة - سامع يا ناصر يا بتاع النت - ..

أنا عندي حتة في ثانوي السنة دي وهي ريهام بنت أختي .. بس هي ما يتخافش عليها وبإذن الله متوقعين مجموع حلو ..

وكان عندي حتتين في إعدادي من حوالي 3 أسابيع ، واحده جابت 97% والتانية 95 % ..

ومن قبلهم عمر اللي رفع راسنا وسط بتوع النيرسيري وحصل على الـ full mark ( مع إنه ماراحش الإمتحان لإن إيده أتجزعت لما وقع من على المرجيحة )

[mohamed]

ومن قبلهم عمر اللي رفع راسنا وسط بتوع النيرسيري وحصل على الـ full mark ( مع إنه ماراحش الإمتحان لإن إيده أتجزعت لما وقع من على المرجيحة )

ما شاء الله عليه

ولد مجتهد بيذاكر مراجيح ;)

[Sherief AbdelWahab]

ألف مبروك ، وإلى الأمام بإذن الله.. ;)

خلص الكلام

[Alshiekh]

ومن قبلهم عمر اللي رفع راسنا وسط بتوع النيرسيري وحصل على الـ full mark ( مع إنه ماراحش الإمتحان لإن إيده أتجزعت لما وقع من على المرجيحة )

يعنى بيشتغل شغل اولاد الاساتذة من دلوقتى؟

[omtmam]

الف مبروك لمى و محمد و اولاد الاستاذ محمد و لكل الناجحيين

[مى محمد]

الف شكر لكل من شرفنى بالتهنئة :D

و الف مبروك لاسامة و هبة ولريهام مقدما ......... وعقبال كل اللى فى ثاوية العامة ان شاء الله ربنا يكرمهم كلهم :wub:

الاخ العزيز الباشمهندس بحيرى...انا فى العام الدراسى الثانى بكلية الحقوق - جامعة عين شمس- قسم اللغة الانجليزية

و ان شاء الله الامتياز فى خطة العام القادم بس دعواتكم معايا :D

الاخ الكريم mb14.... المحاورات لم تعطلنى عن المذاكرة و لكن على العكس كانت تساعدنى على انعاش حالتى النفسية كما ان الحظ اسعدنى واكتسبت اصدقاء جدد عن طريق المحاورات وهو فى نظرى شيئ لا يقدر بثمن

QUOTE

ومن قبلهم عمر اللي رفع راسنا وسط بتوع النيرسيري وحصل على الـ full mark ( مع إنه ماراحش الإمتحان لإن إيده أتجزعت لما وقع من على المرجيحة )

الف سلامة على الاستاذ عمر ... وربنا يعينه على المذاكرة...قصدى على المراجيح :D

جزاكم الله خيرا...... ودمتم بالف خير :wub: :wub:

[shahd]

مبرووووووك اختي الغالية وجعلك الله من الناجحين المتفوقين الأولائل في الدنيا والأخرة

اميـــــــــــــــــــــــــــــــن

[ebnelganoup]

الف الف مبروك ياأستاذه مـى ولكل الناجحين ويارب دايما من نجاح الى نجاح

وشدى حيلك عايزينك معيده ان شاء الله وياريت تبعدى عن النيابه اسألينى أنا

عن النيابه ووجع القلب اللى احنا فيه لكن الجامعه أفضل بكتير وأعتقد انها

مناسبه ليكى أكتر وبعدين النيابه هتلاقى نفسك غرقانه فى تحقيقات الأحوال

الشخصيه لان حاليا التحقيقات الجنائيه خاصه بالرجال فقط وده طبعا أريح

ليكى يارب تكونى معيده أو محاميه عشان أقدر أساعدك كمان وأهديكى

خبرتى المتواضعه ألف ألف ألف مبروك يامى والله فرحتلك جيد جدا

ان شــــــــــاالله دايما يارب.....

والف الف الف مـبـــــــــــــــــــروك

للــــجـــــــــــــــــــمـــــــــــــــيــــــــــــــــــــع

ابـن الجـنــوب

[Bero]

الف مبروك لمي ولمحمد وكل اللي ناجحين :) وانا كمان نجحت وجبت جيد جدا بردو وكمان منقوله للفرقه التالته يعني بصره

الف مبروك كمان مره

B)

[مى محمد]

العزيزة شهد.....الله يبارك فيكى و جزاك الله خيرا

استاذى ابن الجنوب...انا دخلت قسم انجليزى علشان اترافع بالانجليزى و اقول سيدى الكادى....حدرات المستشارين

انا طبعا يشرفنى انى استعين بخبرة حضرتك....والنيابة ليست ضمن مخططاتى و لكنى اسعى اولا لتتعين فى الهيئة التدريس فان لم يكن ففى احدى شركات المحامة الدولية وربنا يكرم....دعواتك معانا

بيرو....الف الف مبروك ليكى وعقبال السنة الجاية باذن الله

[شاعرالرومانسية]

الف ديشيليون مبارك " بس مش اللى بالك فية ;)

فرحناك جدا يا استاذة مى ،،، وعقبال كدة ما تبقى زى الاستاذة فاطمة فى فيلم يوسف بك وهبى :D

وكويس انك دخلتى قسم انجليزى ...

( لان عندنا عجز فى المحاميات

ذات اللغات ....

ودة كدة من سكااااااااااات ...)

عموما احنا منتظرينك محامية قد الدنيا ...

وربنا يكتبلك الخير دايما ان شاء الله

[مى محمد]

الله يبارك فيك يا شاعرنا الكبير....والف شكر على التهنئة

وجزاك الله خيرا