الضرب !!! - آه يا عينى

[NonSuperior]

بصراحه مش عارفه اقول ايه .. جو المنتدى الملبد بالغيوم مش هو اللى اتعودنا عليه مع بعض :(

المهم .. فيه مسلسل اجنبى قديم بييجى على القناه التانيه .. انتاجه قديم وكمان بيدور فى عصر قديم شويه يعنى مثلا القرن 19 او بداية القرن العشرين

الحلقه بتاعة امبارح كانت بتناقش استخدام العنف مع الطلبه فى المدارس وممكن نعمم التساؤل حول استخدام العنف مع الابناء عموما .. هل له اى مبررات؟ يعنى هل ممكن ييجى اليوم اللى الابوين لا يجدوا اى وسيله للتفاهم مع ابنئهم غير الضرب؟

[semsemah2000]

ايوه

[NonSuperior]

:(:(:(:(  ازاى و ليه؟ :(:(:(

[semsemah2000]

ليه : حاجات كتيرة قوى خدى عندك :- مرة لاقيت البنات بتلعب فى التواليت مثلا( أهو اكتشاف برضه ) يعنى أخدهم بالحضن مثلا ؟؟؟؟

- مره تانيه بنعدى الشارع و انت عارفة يعنى ايه تعدية شارع و ماسكه فى ايدى البنت و كتب و خضار و حالتى حاله و الأستاذة الصغيرة عايزه تعدى لوحدها و فجأه

- و غيره من لعب فى الكهربا الى اخد الكراسى للشبابيك و فتحها و غيره

ازاى بقه : طبعا مش بعنف و أكيد بعد التحذير مرة و اتنين

اللى عايزه اوضحه انه فى الغالب بيكون لما الأمور تبقى خطر على الطفل نفسه و بعد استنفاذ كل الوسائل الأخرى ....

[NonSuperior]

:) لا طبعا مش لازم تاخديهم بالحضن انما ماينفعش اى عقوبه اخرى غير الضرب؟ يعنى الحرمان من الخروج مثلا ولا اللعب او اى حاجه غير عنيفه :) اصل لو احنا اتحججنا ان الموقف بيكون خطر و الآباء منفعلين يبقى احنا بنوافق على ان الضرب ينفع اسلوب تعامل على الرغم من ان الاطفال احق الناس بالتعامل معاهم برفق لان تصرفاتهم بحسن نيه وجايز مش فاهمين المشكلز :)

[semsemah2000]

والله يانانى يا أختى أنا معاكى ان الضرب طريقة غير حضارية بس على بال ما يجى ميعاد  مش الخروج اللى حايتحرموا منه تكون الغلطه اتكررت ميت مرة و على العموم حكاية الضرب دى   مش مجديه للدرجه لإنها موجعه للأم أكترو الله زى الأطفال لإنى أول ما أضرب و أشوف الدموع أحضن و أتأسف و ضميرى يوجعنى لحد الكارثة التاليه ما تحصل  !!!!!!!!!!

[عادل أبوزيد]

قرات هذا الموضوع امس    و شعرت بحيرة  هل انا مع الضرب ؟  و مصدر الحيرة  ان ولداى الآن فى الحادية والعشرين و الآخر فى الثالثة و العشرين من العمر  فى هندسة عين شمس   و رغم انى  اعتقد انى من مؤيدى الضرب  فلم اتذكر هل كنت اضربهم ام لا ؟؟

و سالتهم   و طبعا السؤال كان غريب بالنسبة لهم

فعلا كنت استعمل الضرب فى اضيق نطاق  و لكن بحسم و فى مسائل اعتبرها  حدية   مثلا مرة  اخذتهم احد الجيران الى الحديقة دون اذنى

و فى بداية الدراسة بالنسبة لمحمد   فكان لابد من علقة صغيرة لكى ياخذ الدراسة بجدية   و حدث ذلك مرة واحدة

نصيحتى  الا نغضب و ننفعل من تصرفات اطفالنا و ناخذ الأمور بهدوء   و ليست مسئولية الطفل ان  ان بريزة الكهرباء غير مسدودة بسداد الأمان  او ان اصابعه تطول مفاتيخ البوتاجاز   ... هذه مسئولية الأب و الأم

و عندما نضرب  يكون حرصنا على ان ننبه لماذا الضرب   و ان يبدو على وجهنا بعض الغضب  و لا نضرب للعقاب  و لكن للتذكير بالقواعد فقط  و تذكرن انكن لستن فى معركة مع الطفل   و لكن اياكم و الأحضان و القبلات فى اعقاب العقاب  فكانك لم تفعلى شيئا

و لتعلمن ان مجرد شعور الطفل بزعل او غضب احد الوالدين  فى حد ذاته عقاب كبير للطفل

اتعشم ان مداخلتى لم تضيع  وقتكم  و ادعو الله ان تروا ابنائكم فى الجامعة و فى الكوشة

و تقبلوا و تقبلن تحياتى

[ragab2]

هو زى ماقال فعلا الأستاذ عادل

الضرب البسيط أو  اظهار الغضب والثورة على الخطأ

لأن الضرب أو الشخط تحفز أعصاب الطفل وتجعله ينتبه ويتذكر الخطأ

وتحفر هذا فى زاكرته  وعقله الباطن

وتجعله يتذكر هذه الأخطاء اذا دعته الحاجة لتكرارها

وكما قال رسولنا صلى الله عليه وسلم دلعوهم سبع وأدبوهم سبع وصادقوهم سبع

[هشام عبد الوهاب]

انا رأيى نستعمل الكرباج او الفلكه او اى وسيلة تعذيب جامده

اب سادى مجنون

انا لا يمكن اضرب الولاد حتى لو عملوا اى حاجه

حتى لو شتموك او ضربوك

حتى .. وايه يعنى

اب اهبل

اعتقد ان الحوار البناء مع الاطفال يؤدى حتما الى الوصول الى تربيه جيده

اب فاهم غلط

ماقدرش اضربهم مقدرش احرمهم مقدرش ازعلهم ماقدرش امنعهم ماقدرش اضايقهم

اب مش قادر

هناك عدة طرق للتعامل مع الاطفال فى اسلوب الثواب والعقاب اذ انه يتحتم على الاباء ان يفرقوا بين  الثواب و العقاب بمعنى ان يكون الثواب للثواب والعقاب للعقاب و..و

دكتور علم نفس اطفال

هما بيحوق فيهم ضرب ولا زفت - بس يابنى- لمؤاخذه   .. دول يا استاذ -  يا حبيبى اتهد شويه -

على ما الواحد رباهم -- سيب اختك يا زفت - كان طلع - يا بنت ماتشديش شعر اخوكى

هو احنا كنا بنقول ايه  

كنت بتقول كان طلع

ايوه ياسيدى كان طلع امبارح فى النشره و قال كلام فاضى

اب عياله جننوه

[NonSuperior]

:) :) والله يا هشام انت "ضربت" اروع الامثله للآباء الغلابه :) :)