ليه تكتئب بدرى.................؟!

[هشام الجنيدى]

فى الفتره الاخيره لاحظت ا الاطفال فى الشارع او حتى فى اى مكان لم يعودو يضحكون او يستمتعون بحياتهم واحسست ان هناك حاله من الاكتئاب .............فكتبت لذلك............

شفته بيبكى قلت اروح اسأل

من ايه بتبكى قال حياه تخنق

كل اما بكبر حملى يبقى اتقل

والقا الصديق بطل خلاص يصدق

دا اللى فى سنك يا صغير السن

شمسه يدوبك بدأه ليه تشرق

ليه المشاعر بدرى فيك بتئن

يا ابو دمع نازل عالخدود لؤلؤ

قال يوم ضحكت فشفتى انجرحت

من يومها اخاف للضحكه توجعنى

ولو نسيت وشفايفى يوم فتحت

القا الالم سجان بيمنعنى

متخفش مالضحكه ومن السجان

وقول يا حزن ارحل وودعنى

وارسم لفرحك صوره بالالوان

وثور وقول هضحك وايه يعنى

ارفع ستايرك وافتح الشباك

وبص تانى على الحياه جرب

ركز شويه على اللى جى هناك

تلقا الربيع عالدنيا بيقرب

ماشى بيبدر عالطريق ازهار

على راسها تاج بالفرح متشرب

خد منّه ورده معطره تذكار

قبل امايمشى وتانى يتغرب

امسح دموعك دا الدموع اغلى

من ان ترميها عالتراب ببلاش

اسمع كلامى دا الحياه احلى

لو حتى نار بالضحك راح تتعاش

ارجو للجميع دوام الفرح والسعاده ...................... :D

تم تعديل 17 يوليو 2005 بواسطة هشام الجنيدى

[shahd]

قال يوم ضحكت فشفتى انجرحت

من يومها اخاف للضحكه توجعنى

ولو نسيت وشفايفى يوم فتحت

القا الالم سجان بيمنعنى

كم هي معبرة بالفعل طالما ان الضحكة اصبحت في زامننا هذا سكينا جارحا فربما كانت الدمعه بلسم شافيا ؟؟؟؟ فلما الضحك اذا فربما كان البكاء هو المنجي ؟؟؟؟؟ هذا اذا لم تجف الدموع ؟؟؟؟؟؟؟؟؟؟؟؟؟؟؟

لك تحياتي وسلمت اناملك

[الطيار المصرى]

الله الله يا هشام...........

بسم الله ما شاء عليك يا أخي.............

لك نظرة ثاقبة متعمقة...........

و حس مرهف ........ تخرجه في صورة كلمات رقيقة..................

تعبر بها عما بداخلك فتمتعنا ايما امتاع..........

و الله انا مش عارف اقول ايه ولا ايه.......

بس ربنا يحميك......

الطيار المصري..........15 سنة

[ebnelganoup]

الطيار سبقنى وقال كل الكلام باختصارأنا قلتلك

قبل كده انت افضل من كتب الرباعيه من بعد

ابانا الروحى صلاح جاهين وأشعارك كلمات

روحيه فى المقام الأول بتشوف اللى صعب

نشوفه عميق جدا جدا جدا ومعرفش ليه يا

هشام محدش بياخد حقه فى البلد دى المفروض

تكون فى المقد مه علشان مصر كلها تقرالك

حاول يا هشام ربنا كبير وانت والله العظيم

تستاهل كتيــــــــــــر اوى دمت لنا مبدعا يصعب

علينا التواجد بدونه دمت بكل الخير والسعاده

والابــداع

ابـن الجـنـوب

[هشام الجنيدى]

الاخت شهد الضحكه الصافيه اللى من القلب بقت صعبه قوى اليومين دول بس موجوده

وان الالم اصبح بيمنع الضحكه ممكن ولكن احتمال الالم من اجل غايه اسمى ممكن برده

وهوه ده اللى انا نفسى يحصل

شكرا لمرورك الكريم

الاخ الطيار المصرى .......

شكرا على اهتمامك ده واتمنى ان اكون دائما عند حسن ظن الجميع

الاخ المبدع ابن الجنوب ...........

دمت بكل خير مبدعا دائما واتمنى انا ايضا ان يقرا لنا كل المصرين لست نا وحدى لانى ارى ان كل من فى منتدانا يستحقون كل خير

دمت بكل خير مره اخرى

وشكرااااااااااااااااااااااا :happy:

[Nezar]

دائما ماشعر انني مازلت طفلاً ...

الرائع هشام

قلبك كبير جداً وطيبتك بلا حدود هل استطيع ان انضم الي تلك المجموعة من الاطفال ؟؟؟

[شاعرالرومانسية]

الاخ الكريم ... هشام الجنيدى

وكما عودتنا دائما .. ترسم لنا بقلمك ، صورا تنبض بالحياة .. فتنساب داخلنا برفق ، فتخطف القلوب

فلك كل التحية ،،،، ولقلمك كل التقدير :happy:

[هشام الجنيدى]

شكرا لك يا شاعر الرومانسيه ولو انها متاخره شويه ود لانى مفيش فرصه انى ادخل للمنتدى كل وقت

ولك منى اجمل التمنيات بالتوفيق باذن الله

شكراااااااااااااااااااااااااااااااااا :)