عيد ميلاد الأشكيف

[Scorpion]

بعد فترة بعيد عنكم رجعت لقواعدي .... مواضيع كتيرة .. كتيرة ... ناس جديدة زي العسل أنضمت ... عايز اقرا كل حاجة .. عايز اعمل كل المواضيع قرص واحد و ابلعه من غير ميه حتي ... لكن و انا بجري بين السطور ... وقعت عيني كالعادة علي آخر سطر و لقيته هو الأشكيف أبو رخصة أشكفة ... ابن مصر المكني بأحمد محمود .. بيقفل في آخر سنة قبل ما ينضم السنة الجاية لنادي الصفوة ( مش الزمالك ما تخافش و ان كنت عمرك ما حتطولها ) ... نادي الأربعينيات ... فاضل عالحلو تكة ....

كل سنة و انت طيب يا أخي الحبيب .... ربنا يهديك كده و يدخل الهدوء و الطمأنينة قلبك ...

و يحيطك بالسعادة و الرضا في كل حياتك ...

سعادة مع النفس...

سعادة مع العائلة ...

سعادة مع الأصدقاء ....

و كل هذا محاط برضا ربنا عليك ....... :D :wub: :wub:

و حبكت يا خي ييجي عيد ميلادك مع عيد ميلاد العزيزة انفال و الزميل الجديد نايت برايير .... طول عمرك تحب تكوش علي كل حاجة لكن ولو ... احنا موصيين علي تلات طورطات ... و ازازة ببس ...

كل سنة و انتي طيبة يا انفال .. ايكون بوكيه ورد كبييييييير ...

كل سنة و انت طيب يا نايت برايير .... الطورطة و الهدية بتوعك محجوزين .. ما تخافش......

بالحق يا احمد .... امانة يا شيخ .... الله لا يسيئك و لا يحرمك من سي السيد ... شيل الهباب المرعب اللي انت حطيته مكان صورة الراجل الطيب بتاع زمان ... ده انا جاالي صرع و مش قادر ابص علي اسمك يا جدع ... ايه نظام التهذيب و الأصلاح ده ...

[bentmasria]

كل سنة وانت طيب يا ابو العرايس الحلوين وعقبال يارب ملايين ملايين السنين

على فكرة ياجماعة مايغركوش صورة الاشكيف ده راجل طيب زى الصورة القديمة وكلامى موثق بالصور :D

وبرده اقول لسكوب الف حمد لله على سلامتك وعلى سلامة كل احبابك ربنا يطمنك عليهم يارب

استاذ احمد

ربنا يسعدك ويبارك لك وفيك وف كل اللى تحبهم ويحبوك يارب

كل سنة وانتم كلكم طيبين رايقين سعداء دايما يارب

[وليد صفوت]

الأشكيييييييييييييف :wub:

كل سنة و انت طيب يا ابيه اشكيف و عقبال مليون سنة

و عشان الأشكيف غالى علينا جدا خالص أوى :wub:

أنا جبتله دستة تورتات و هو ينقى بقى براحته :D

كل سنة و انت طيب أبيه أحمد ,...

[إبن مصر]

:wub:

ربتا يعمر بيتك يا سى سكوب انت وفيلو وام مادا وكل الحبايب......

سكوب يا حبيبى!!!!!! بقى يا راجل صوره ماهيتاب مش عجباك؟؟؟؟ :D

غريبه!!!

[الأفوكاتو]

عزيزى الأخ أحمد( و مازال إبن مصر)

كل سنة , انت طيب, و نتمنى لك حياة طويلة حافلة بالنجاح و التقدم.

[Scorpion]

ايه ده .. هي طلعت ماهيتاب .... مش كنت تقول يا راجل من الأول ... ده انا كنت فاكره دكر .. علي كده الصورة وضحت... و ما عنديش حاجة اقولها غير ....

روح يا شيخ اشوف فيك يوم .. غير اليوم ده علشان عيد ميلادك بس ....

بالحق يا فايولينكينج ... فيه نص طورطة و خرطتين ناقصين من التورتات ... ايه النظام بالظبط .. انت شغال في الجمارك و الا حاجة ؟ :D

[Scorpion]

عشر سنين ... !!

لو كان عيل اتولد ساعة ما الموضوع ده اتكتب كان زمانه اتفطم .. و نزل يلعب في الشارع و  و خلص حضانة و دخل ابتدائي و بقاله 4 سنين في نفس المدرسة .. و عدت عليه ثورتين و 5 رؤساء جمهورية او قائمين بأعمالهم  ابوه ما كانش يحلم انه يشوف اتنين منهم في حياته كلها ..

 

50 سنة يا احمد .. اهلآ بك في نادي الذين غزا الشيب مفرقهم ..

كل سنة و انت طيب و بخير و سعادة و سط عيلتك الجميلة ..

ان شاء الله سنة خير و بركة تحمل اشياء طيبة ..

 

 

فين بقي الطورطة و الببث ؟؟

و الأهم  .....

 

 

 

 

 

 

 

 

 

 

 

 

 

 

 

 

 

 

فين ماهيتاب ؟؟

[عادل أبوزيد]

عيد ميلاد إبن مصر كل سنة و انت طيب

اين انت يارجل نفتقدك كثيرا

[أبو محمد]

إبن مصر العزيز

كل سنة وانت طيب

أنا حاسس انك معانا

تقول لى جالك منين الإحساس ده ؟

أقولك .. مش عارف

تعرف انت ؟

[باهى الطائر الحزين]

قرأت اسمه في قائمة اعياد الميلاد

ووقع في نفسي حظه المتوفر ..

حيث يوافق عيد الفطر 

كل سنه وانت طيب مرتين 

بمناسبة العيدين ...

[إبن مصر]

المحاورات.هذه الكلمه التى حفرت فى وجدان من عاش فيها ويحق لى ان اقول هذا التعبير....عشره اعوام مرت... وفيها ..سطعت نجوم وغابت اخرى... ظهرت تقنيات جديده وغابت اخرى... تغيرت نفوس وتحولت اخرى.. اختفت بلدان وظهرت اخرى....ولد اطفال وكبر صغار وعاش من عاش ورحل من رحل... وبقيت المحاورات هى البيت المفتوح دوما لكل من اراد ان يختبىء خلف جدرانها يلتمس الحنان والامان ..

 

اخوتى واحبائى اشكركم من القلب على تذكرى .. والدى الغالى دوما انت مثال للنبل والمثاليه وشخصيتك تلك هى التى تشدنا بعنف لتعيدنا الى الطريق حين تنحرف نفوسنا نحو الاستسلام....

 

نبعد شويا عن النحوى...............

 

سكووووووووووووووووووووووووووووووووووووووووووووووووووووووووووووووب  ...... قعدت تنق عليا انى داخل الاربعينات اهى بقت خمسينات يا خويا!!!!!!!!!!!!! ارتحت؟؟؟؟؟؟؟؟؟؟؟؟؟؟

يا بنى انا بقيت ماهيتاب خلاص.....

 

 

تسلموا لى كلكم وشكرا من القلب..

 

[عطر الجنة]

كل سنة و حضردتك منور  الدنيا كلها ..

[Grandma]

Happy birthday 2 u