بناتى بيسألوا اسئله غريبه !!!!! - ارجو المساعده

[Tulip]

السلام عليكم

-------------

طبعاً بما أن ابنتى لم تتجاوز العامين والنصف فهى لا تردعلى تليفونات أما أنا و زوجى فنستخدم إحدى حلين :

1-الحل الثانى اللذى ذكره الأخ خالد.

2-وهو حل طريف قليلاً حيث أذهب مسرعة و أنام فى السرير و أشد اللحاف حتى يتمكن زوجى من القول (أعتقد انها نايمة)و ربنا يسامحنا

و أحياناً نتركه نحن الإثنين يرن و لا نردمن أصله ... و هنا تظهر أهمية اختراعthe ID caller

[هشام عبد الوهاب]

الاخت تيوليب

الف حمدالله ع السلامه

[Khaled Ahmed]

والله إفتكرت موقف حصل مع إبنى عندما كان عمره سنتين ونصف

فى مرة عمل غلطة كبيرة ورأيت أنها لا يمكن أن تعدى بالساهل لازم يكون معاه وقفة وبعد ما فهمته ايه غلطته و أنه كررها أكثر من مرة رغم تنبيهى له قبل ذلك كم مرة وبعدين  صعب على أن أعاقبه ولكنى أريده أن يتعلم شىء ولا يكرر الغلطة ثانى ففجاته بانه سوف يحدد عقابه بنفسه(علشان يفتكر أن الموضوع ده غلط لما يختار العقاب( وبدأ يتهرب و يقول طيب خلينى أفكر و يموت فى الموضوع فكنت حازم أخدت رأيه والدته الجالسة معنا وأخبرته عندك ثلاث إختيارات (تمام زى من سيربح المليون) حضرتك مافيش كمبيوتر لغاية بكرة(كنا المغرب يعنى كلها ساعتين وينام) أم لا تتفرج على برنامج كذا فى قناة الأطفال ( القناة دى 20ساعة برامج أطفال فى اليوم) أم ما فيش كوز ذرة مشوى لك المرة الجاية لما نخرج (يموت فى الذرة المشوية ضرورى كم مرة فى  أسبوع  تقريبا)

وتركته أمام الإختيارات فترك لى الإختيار للعقاب أولا" ولكن قبل أن أختار  وانا أفكر فى أقلها ضرر عليه وأنا محتار قال بابا إيه رأيك  تضربنى بس بشويش  ( يعنى  براحة ) أو تسامحنى المرة دى- طبعا" مكار (ماكر) لأنه عارف أنى  لن أضربه ولن يهون علينا أنا وامه

فأردت أهرب من المطب ده قلت له ياحبيبى حطت نفسك مكانى إنت إن شاء الله إبنك (بعد عمر طويل ) لما يعمل حاجة غلط زى كده إنت هتعمل معاه إيه

توقعت أنا و أمه أنه يقول أسامحه ( وينتهى الموضوع ونخرج أن وأمه من المطب ده )و

و لكن تتصوروا كان رده إيه

كان رده أستخدم معاه طريقتوكو ( أى نفس طريقتكم معى)و

أخذنا جميعا" نضحك وأصبحت كلمة طريقتوكو ذكرى لا تنسى من الولد المكار الشقى البرىء

مش قلنا أبناءنا أوعية لما نملأ  - وما نزعه اليوم فى أولادنا نحصده غدا" أو يحصده أحفادنا