إنشاء الرتب المدنية محظور

[Diab]

سلام عليكم

المادة22 من الدستور المصري تنص علي أن الرتب المدنية محظورة و بالرغم من ذلك تجد أنها موجودة في كل مكان يعني مثلا لسه واحد إبن أمبارح جايب 60% ودخل شرطة كام سنة والناس بتقوله يا باشا .....أيضا الوزرا لما بيطلعوا في التلفزيون بيقولوا علي بعض (فلان بيه عمل علان بيه سوي وهكذا )

أكيد أنتوا شفقتوا الحاجات دي ولا إيه

اللي عنده تجربة يا ريت يحكيها لنا و أحنا سامعين له

بس خلااااااااص

[احمد سعد]

حتى الأجساد العارية ممنوعة

وتقتحم بيوتنا

هكدا لقب باشا وبيك

الاعلام مسئول مسئولية كبيرة عما يحدث في ابجديات مجتمعنا

تحياتي

[Alshiekh]

سلام عليكم

المادة22 من الدستور المصري تنص علي أن الرتب المدنية محظورة و بالرغم من ذلك تجد أنها موجودة في كل مكان يعني مثلا لسه واحد إبن أمبارح جايب 60% ودخل شرطة كام سنة والناس بتقوله يا باشا    .....أيضا الوزرا لما بيطلعوا في التلفزيون بيقولوا علي بعض (فلان بيه عمل    علان بيه سوي وهكذا )

أكيد أنتوا شفقتوا الحاجات دي ولا إيه

اللي عنده تجربة يا ريت يحكيها لنا و أحنا سامعين له

بس خلااااااااص

<{POST_SNAPBACK}>

حتى الأجساد العارية ممنوعة

وتقتحم بيوتنا

هكدا لقب باشا وبيك

الاعلام مسئول مسئولية كبيرة عما يحدث في ابجديات مجتمعنا

تحياتي

<{POST_SNAPBACK}>

الحقيقة هى اننا نحن بثقافتنا المسئولين عن ذلك.

ليه نلزقها فى الاعلام؟

اخوك الكبير ، مفروض تقول له يا ابيه ، عياله قدك ، ماتنهلوش باسمه ،عيب

أختك الكبيره تقول لها يا ابله

سلم على عمك فلان ياولدك ، ده بيشتغل مع بابا فى الشغل

سلمى على طنطك ام فلان ، هما سموها ام فلان ليه ياماما؟ ... علشان هى عندها ولد اسمه فلان .. مايصحش ننده لها باسمها حاف ، هى فى الاصل اسمها ....

عمك فلان البقال او عمك مين البواب

وهكذا

فى الريف .... التلميذ بمجرد دخوله الثانوى يأخذ لقب استاذ .... دخل الجامعة ... كل واحد والتخصص اللى حاينتظره ... طب من سنة اولى بقى الدكتور او الدكتورة

حقوق بقى متر او استاذ او بيه .... هندسة او زراعة بقى باشمهندس .... حربية جوية طيران شرطة بقى بيه وعفوا ان لم اذكر باقى الكليات ... وددت فقط ذكر بعض الامثلة

مش الاعلام اللى بيعملها ... احنا اللى بنعملها وبعدين بننسى

والا ايه؟ :) :blink: :blink:

[الأفوكاتو]

نحن شعب يحب التفخيم, و التهويل.

لم يقتصر الأمر على البك, و الباشا,

فالميكانيكى أصبح...... "باشمهندس".

و التومرجى أصبح ..... "دكتور".

و عامل النظافة سيصبح بإذن الله.........." خبير فى حماية البيئة"

و الجزار................. سيصبح.... " فنى تشريح"

و تاجر المخدرات ..... سيحصل على لقب.... "متعهد توريد الكيف"

و المحامى تحت التمرين سيضع على مكتبه لافتة ... تقول....." مستشار قانونى"

و سيصبح كاتب المحامى( أو وكيله كما كان, و مازال يسمى)..."نائب محامى".

و المدرس الخصوصى.... يجب أن نسميه..... " تاجر جملة للثقافة السريعة"

و جندى الأمن المركزى....... سنعطيه لقب " خبير أمنى"

توقيع: السيد الأستاذ الدكتور اللواء المحافظ....... "رئيس جمعية تفخيم الألفاظ"

[Diab]

يا أستاذ محمد لما نحترم الكبير سواء في العائلة أو غيرها مش عيب ولا حتي لما واحد يتعب فيستحق القب ده (دكتور - مهندس - متر) لكن العيب هو أن واحد كله مميراته أنه معاه قرشين زيادة يبقي بيه مش كده ولا إيه

بس خلاااااص

[Diab]

فوضي الألقاب زادت بطريقة فجة

[se_ Elsyed]

فوضي الألقاب زادت بطريقة فجة

لا زادت ولا حاجه ..

الثورة قامت عشان تلغي الألقاب .... ههههههه راحوا هما نفسهم زودوها وبقى اللي يسوا واللي ما يسواش بيمنح لقب البكاشاوية أو البكاوية أو الدكترة أو الهندسة ...