ابنك مش يتيم. ... لا تجعله ملطشة

[عادل أبوزيد]

آسف عنوان الموضوع شديد بعض الشئ و أنا أعنيه بالكامل !

ما سبق كان إستهلالا لا بد منه

حكاية سمعتها من صديقي منذ ساعات ملك ابنة الخامسة في KG2 المدرسة أبلغت الأم لو بنتك حتموت ما تغيبش في الأسبوعين القادمين. ! و ألف علامة تعجب من عندي. أكرر البنت عمرها خمس سنوات

الأم الحريصة على مستقبل بنتها - اصلها بتعمل دكتوراه - رغم اصابة البنت بالبرد و الكحة أخذتها للمدرسة. بناء على تعليمات المدرسة

سيدتي الأم بنتك في المدرسة مجرد رقم أكرر. مجرد رقم بالنسبة للمدرس أو المدرسة أما بالنسبة لكي أو أبيها فإنها كل حياتكم ' و عادي جدا في المدرسة يمكن أن تحوي أنماط مختلفة من الأطفال و أنماط مختلفة من الناس ، عليكى أن تكوني حائط صد لحماية أطفالك في مواجهة العالم الخارجي.

لازم ابنك أو بنتك يكون عندهم ثقة غير محدودة في الأب و الأم لازم الطفل يكون قادر انه يشكي من أي شئ لامه او ابوه في حالتنا هذه. ماذا لو انتكست البنت. ، ماذا لو تحول دور البرد ل دور حصبة

أكرر طفلك ليس يتيما و يجب أن يشعر بهذا. و أن تكوني حائط الصد و الحماية له في مواجهة العالم الخارجي. لا تجعليه ملطشة

[باهى الطائر الحزين]

ام

وتحضر دكتوراه

وترضخ لهكذا هراء

من معلمه خرقاء !

بلاش عقلها يااا قلبها !!

ياضيعت العلم في مصر

واه حسرتاه لأم الحضاره

ياليتها تعلمت بدل الدكتوراه

من المهد صنع البصاره ...

[عادل أبوزيد]

عبارة " اصلها بتعمل دكتوراه " أقصد بها البنت اللي في kg2 و ليس الأم و هى نوع من المبالغة في الحوار

[أبو محمد]

صدق أو لا تصدق

الأولاد فى KG-2 بياخدوا دروس خصوصية

ما هذا الذعر التعليمى .. ونتيجته فى الآخر إيه ؟

إبنى عندما كان فى الحضانة كان بيكتب بالمقلوب يعنى ال 9 بيكتبها p

وكان يقوم فى عز "المذاكرة" آه والله "المذاكرة" عشان يلعب

اشتكت أمه إلى خالتها (مُدرسة من بتوع زمان)

قالت لها يابنتى ما تضغطيش عليه .. ده ما حصلش عمره 5 سنين .. لسه عضلات إيديه وصوابعه لم تكتمل

واى عيل فى السن ده مدة تركيزه لا تزيد عن 5 - 10 دقائق

أومال الوزارة عاملة سن القبول فى المدارس 6 سنين ليه

الآباء هم اللى محتاجين مذاكرة عشان يبقوا جنب أولادهم يراعوهم بطريقة صحيحة

ويبقوا جنبهم لو قابلوا أى مشكلة

وإلا .. ما الفرق بينهم وبين الأيتام ؟