قطر..الجزيرة..لسه المصالحة ممكنة

[فولان بن علان]

توقفت الجزيرة مباشر مصر

تحديد إقامة عبد الماجد والزمر

وغيرها من الإجراءات

شروط المصالحة تتحقق

في السياسة ليس هناك ثوابت

المصالح تتصالح..وما لم يكن ممكن..ممكن أن يكون

المشكلة فيمن شحنوا .. ولا يستوعبون المصالح

مثل هذا الأخ

http://www.youtube.com/watch?v=IjBLZTmw5HE

[التونسى]

الحقيقه وبحياديه وموضوعيه وتجرد .. أنا متفق مع اللى قاله يوسف الحسينى بغض النظر عن رأيى فيه كشخص وإختلافى معاه فكريا وسياسيا .. وأنا كان ليا رأى فى موضوع المصالحه مع قطر طرحته من قبل ها هنا .. وسأقتبسه لتأكيدى على تشبثى به .. أنا افهم ان بلد زى اسرائيل ((تستعدينا)) لاهداف كثيره معروفه .. لكن ايه اللى يخللى دوله زى قطر ((تستعدينا)) رغم بعد المسافات وغم انها تشترك معنا فى عاملى العروبة والاسلام .. .. وإليكم رأيى ثانية

تصالح مع قطر كده من غير حساب !!!!!!!!!!!!؟ كل الشواهد كانت ومازالت بتقول ان قطر بتلعب دور مريب وغير مبرر ضد مصر ومش منطقى فى غمضة عين كده يحصل مصالحه .. انا مش ضد المصالحه .. انا ضد انها تيجى من غير حساب

السؤال اللولبى اللى بيطرح نفسه هنا هو ما هى قيمة وأهمية دوله صغيره جدا كقطر اللى تخللى دول الخليج وعلى راسهم السعوديه يعملولها خاطر وفى نفس الوقت يتغاضوا عما تفعله من أفعال هى بمثابة عماله وخيانه عظمى ضد مصر بشكل خاص !!!!!!!!!!!!!!!!؟ بصراحه مفيش اى تفسير منطقى من اللى قريتهم أوسمعتهم أقنعونى ... واللى غايظنى انه كانت هناك ((هروله)) غير مفهومه او مقبوله من الجانب المصرى تجاه هذا التصالح رغم ان الاعلام الموالى كان بيقدملنا قطر على انها عدو لنا هو اكثر خطوره من اسرائيل .. ويبدو لى ان هذا صحيحا .. فكيف نتصالح هكذا معهم بدون تصفية الحسابات !!!!؟

[فولان بن علان]

الحقيقه وبحياديه وموضوعيه وتجرد .. أنا متفق مع اللى قاله يوسف الحسينى بغض النظر عن رأيى فيه كشخص وإختلافى معاه فكريا وسياسيا .. وأنا كان ليا رأى فى موضوع المصالحه مع قطر طرحته من قبل ها هنا .. وسأقتبسه لتأكيدى على تشبثى به .. أنا افهم ان بلد زى اسرائيل ((تستعدينا)) لاهداف كثيره معروفه .. لكن ايه اللى يخللى دوله زى قطر ((تستعدينا)) رغم بعد المسافات وغم انها تشترك معنا فى عاملى العروبة والاسلام .. .. وإليكم رأيى ثانية

وأنا معكم في موضوع الشفافية وليه نخاصم وليه نصالح

والنفخ والشحن الزائد في وصف قطر بالشيطان الأصغر التابع للأكبر هو ما أدى لمزيد من التشنج وعدم القبول بالمضي عكسها

ناس فجأه تهرول في اتجاه معين يقال لها قف للخلف در,,امسحوا كل المسافة الماضية كأن لم تكن

ولكن من حيث المبدأ في السياسة لاثبات على المواقف

أين مصلحة البلد فعندها يكون الاتجاه

[أبو محمد]

فى السياسة لا توجد صداقات دائمة ولا عداوات دائمة .. بل مصالح دائمة

مقولة سفهها البعض بشدة عندما كنا نتكلم عن خطورة خلط الدين بالسياسة

ما علينا

أنا لى رأى فى موضوع المصالحة مع قطر ولا زلت عند رأيى إلى أن يثبت العكس

وموجود فى الصفحة الأخيرة من موضوع مبادرة نافعة .. مش نافعة

ليس لقطر إرادة مستقلة

لها مجال ضيق من الإرادة تتحرك فيه .. وإمكانيات مادية هائلة .. تدفع منها لحساب صاحب الإرادة الحقيقية

[أبو محمد]

استقبال المصريين لقناة الجزيرة فى الشارع المصرى

مصر قبل تلاتين ستة غير مصر بعد تلاتين ستة

:hi:

https://www.youtube.com/watch?v=W_hAcBihsfM

[أبو محمد]

ده اللى كتبه أحمد حواجب / منصور على الفيس بوك

طبعا احمد منصور معروف .. نجم الشباك بتاع الجزيرة مباشر مصر

وأكبر من كان يلمَّع الإخوان وقيادات الإخوان

سبحان الله

أنا كمان لاحظت إن السيسى فى رحلة الصين "الفزع" كان باين على وشه

الفزع كان باين خالص .. حتى العيال الصغيرين اللى كانوا بيتنططوا قدامه كانوا بيغنوا

يا مفزوع يا مفزوع .. الأخوان ادُّولك كوع

بالصينى

وده تعليق سيد على .. فاكرين سيد على ؟ .. رقم 1 على القائمة السوداء اياها

لأنه كان عمل مقابلة مع الصحفية اللى اتكلمت عن اليهود الإسرائيليين اللى كانوا بيدربوهم

https://www.youtube.com/watch?v=3rtTG2s9eFg

[أبو محمد]

بصراحة بقى يا أستاذ سيد على .. إنت غلطان

أحمد منصور هو صاحب شعار إن "انقلاب 30 يونية سرق ثورة 25 يناير"

وده اللى بيردده البعض - خصوصا من الشباب - لغاية دلوقت

أهو البعض ده جزء منه من الأخوان اللى اقتنعوا بنظرية أحمد منصور

وجزء منه من الناس اللى بيحبوا ينضربوا 25 قفا على سهوة

أحمد منصور فى الفيديو ده - أثناء اعتصام رابعة - بيقول نظريته العبقرية

بيقول ما معناه إن اللى طلعوا فى 30 يونية طلعوا مستخبيين ورا علم مصر

يبقى احنا - الأخوان يعنى - ما ينفعش نفضل مستخبيين ورا عباية الدين

عندنا علم مصر نستخبى وراه وعندنا شعار "انقلاب يونية سرق ثورة يناير"

وبعدين تييجى - يا أستاذ سيد على - تقول إنه اتغير ؟

لا يا باشا .. العباية بس هى اللى اتغيرت .. من عباية الدين إلى علم مصر

ومن "الشريعة والشرعية" إلى "بتوع يونية سرقوا يناير"

إسمع كده جنابك

https://www.youtube.com/watch?v=TCxfjp8LRkY