أوقات كتير ،،، بقلم / شاعر الرومانسية

[شاعرالرومانسية]

أوقات كتير ... بيحـــن قلبي اليــك

أوقات كتير ... يسألني قلبى عليك

فاكرنى والا ... نستنني والا ...

الحب ولى .. من بين ايديك

فـاكـر زمــان .. لما نسينا الزمان

وحكـم عليـــنا ببــــعد وهـــــوان ..

لية يا زمان

عدت سنين .. و احنا متفـــرقين

لا في يوم نسـينا وفيـنا الحـنين ..

لسة فينا الحنين

بعدنا عن بعض ..لكن

هوانا كان فيـنا ساكن

م الشوق تعبت قلوبنا

خــــلاص والله دوبـــنا

وحشاني كتير عنيك

و هــــوايا بينـــــاديك

أوقات كتير بيحن قلبى اليك

قلبك وقلبي.. مهما ندارى ونخبي

بيبـــان عليـــهم حــــبك و حبــى ...

حبك وحبي

والذكــريات .. صحت فينا الأهــات

فاكـرين هــــوانا جــــوانا مـــــات ...

والله ما مات

وازاي بعــدت عـــنى

وقلبك كان جوة مني

بــلاش البـعــــد لا لا

بعدك عني استحالة

رجعني تاني لعنيك

مشتـــاقة والله ليك

أوقات كتير بيحن قلبى اليك

[bentmasria]

انت شاعر جميل ومعانيك تحمل الكثير من الحنين والشجن

لكن سامحنى الكلمات دى كانها مترادفات مع غنوة غادة رجب

اوقات بحن

لنظرة من عنيك

للمسة من ايديك

لكلمة من شفايفك

وادوب من شوقى ليك

كمان مع التشابه فى بعض الالفاظ واللى انا واثقه انه موش مقصود من شخص مبدع زيك وعشان كده اتمنى تحفظ كتير من اللى حواليك وتوصل لنا معانيك الحلوة من غير شبهة تكرار

وبرضه مانكرش ان الموضوع سلس وراقى

ربنا يوفقك يارب

[شاعرالرومانسية]

انت شاعر جميل ومعانيك تحمل الكثير من الحنين والشجن

لكن سامحنى الكلمات دى كانها مترادفات مع غنوة غادة رجب

اوقات بحن

لنظرة من عنيك

للمسة من ايديك

لكلمة من شفايفك

وادوب من شوقى ليك

كمان مع التشابه فى بعض الالفاظ واللى انا واثقه انه موش مقصود من شخص مبدع زيك وعشان كده اتمنى تحفظ كتير من اللى حواليك وتوصل لنا معانيك الحلوة من غير شبهة تكرار

وبرضه مانكرش ان الموضوع سلس وراقى

ربنا يوفقك يارب

<{POST_SNAPBACK}>

اولا ...وكالعادة اختى الكريمة .. تنيرى صفحاتى بمرورك ،،، وردك ،،، ونقدك الذى انتظرة لاستفيد من خبراتك ،،، فلكى منى جزيل الشكر mfb:

ثانيا... تصدقى وتؤمنى باية ...؟

طبعا بالله ... mfb:

الاغنية دى انا كاتبها من أكتر من ثلاث سنوات ... وبنفس الكلمات لم أغير فيها شيئا .. وكمان بالحن خاص بها ودة تلاحظية فى بعض الفقرات وعند تكرار جمل معينة ... لتناسب النغمة B)

وعلى فكرة كمان .. انا كاتبها متفصلة وبلحن شرقى كلاسيك لمطربتى المفضلة ... ميادة الحناوى :)

الا صحيح ...

محدش هنا يعرف او له علاقة بالمطربة الكبيرة " ميادة الحناوى ... B) "

[ebnelganoup]

جميله زيك يا شاعر الرومانسيه والتشابه فى الكلمات

ممكن يصادفك أحيانا لكن السطو غير وارد بالمره

من مبدع زيك قوى ولديه الكثير والكثير

ربنا يوفقك وتصل لما تصبواليه نفسك

هانت يا عمنا .... بس انا معرفش مياده

دمت لنا فارسا ومبدعا

دمت بكل خير

ابن الجنـوب

[shahd]

سلمت اناملك اخي اسلوبك راقي واحساسك مرهف

[شاعرالرومانسية]

جميله زيك يا شاعر الرومانسيه والتشابه فى الكلمات

ممكن يصادفك أحيانا لكن السطو غير وارد بالمره

من مبدع زيك قوى ولديه الكثير والكثير

ربنا يوفقك وتصل لما تصبواليه نفسك

  هانت يا عمنا .... بس انا معرفش مياده

دمت لنا فارسا ومبدعا

    دمت بكل خير

    ابن الجنـوب

<{POST_SNAPBACK}>

والله اخى العزيز وزى ما قلت انى كاتبها من زمان من قبل الاغنية كمان ... والاهم انى من وقتها وانا مسجلها فى الشهر العقار ( لان كل حاجة بكتبها بسجلها منعا للمشاكل )

وشكرى العميق للجميع،،،

[شاعرالرومانسية]

سلمت اناملك اخي اسلوبك راقي واحساسك مرهف

<{POST_SNAPBACK}>

شكرا اختى العزيزة ..لمرورك ،،، وردك الرقيق

[الطيار المصرى]

رائعة......معبرة.....يا كبير شعراء الرومانسية............

استمر في ابداعاتك........و نحن بانظارها........

[شاعرالرومانسية]

رائعة......معبرة.....يا كبير شعراء الرومانسية............

استمر في ابداعاتك........و نحن بانظارها........

<{POST_SNAPBACK}>

تسلملى أخى العزيز ،،،

معلش ما شفتش ردك الا بالصدفة لما حبيت اتصفح اشعار قديمة من صفحات سابقة

ودى مشكلة كبيرة ... ياريت اخوانا مشرفى المنتدى يكبروا عدد الموضوعات المتضمنة فى الصفحة حتى لاتختفى موضوعات قيمة سريعا....