الإعلام المرئي المصري وانتخابات الرئاسة

[Sherief AbdelWahab]

أخصص هذه الزاوية لمتابعة أداء الإعلام المصري المرئي العام منه والخاص لانتخابات الرئاسة المصرية ..

خلص الكلام

[Sherief AbdelWahab]

مشهد صغير في مباراة كرة القدم بين الإسماعيلي ودولفين النيجيري .. الكاميرا تسلط على طفل صغير يرتدي تي شيرت عليه صورة الرئيس مكتوب تحتها "نعم للاستمرار من أجل الاستقرار" ..

كويس إن سي المعلق ما اتكلمش ، وكويس أكتر إنه ما قالش إن فيه تعليمات جات له بعدم الكلام!

خلص الكلام

[أبو حميد]

أنا أعتبر كل الصحف القومية مشتركة في عملية النصب فعندما تتصدر المانشيتات تصريحات مبارك عن وعوده الإنتخابية التي هي نفسها جميع المانشيتات التي تكررت الآف المرات خلال الأربعة وعشرون عاما الماضية بدون أن يتحقق شئ منها مثل مراعاة محدوي الدخل ( طيب مين اللي خلاهم محدودي الدخل أصلا ) وإلغاء قانون الطوارئ ( طيب مين اللي بيحكم بالطوارئ من أول يوم ) وهكذا.

ثم ياتي السئولين عن الصحف القومية حاليا في وقت يطالبهم فيه القانون - مش هأتكلم عن الضمير - أنهم يكونوا محايدين وينشروا الوعود دي بطريقة تبدو وكأنها أتحققت فعلا فلا يمكن طبعا إلا ان نعتبر هذا نوع من الكذب علينا والنصب وطبعا على صفحة داخلية يجيبوا أي خبر كده ولا كده عن أي مرشح - ما عدا أيمن نور طبعا - علشان يخزوا العين ويقولوا أهو احنا محايدين.

فين الضمير والأمانة والإستقامة ومسئولية الكلمة والمسئولية الأدبية ومش هانقول خوفهم من حساب المولى عز وجل.

وحسبنا الله ونعم الوكيل

[أبو حميد]

أسف لأني لم الاحظ أن الموضوع مخصص للإعلام المرئي إلا بعد كتابة مشاركتي

[achnaton]

بسم الله الرحمن الرحيم

خلاص عينى الشمال جالها حول .. وارغمتنى قناة مصر الفضائية على الابتعاد .. وعدم متابعة أخبار البلاد .. صحيح برامجها ترفع ضغط الدم .. لكن الغربه واحاسيسها هم ..الهم .. وعشان كده الواحد بيطمئن لما نشوف ولو جزء من الاخبار .. او برنامج من برامج الناس الكبار .. او فيلم قديم يفكرنى بايام زمان ..

الخيبة التقيله بقى ان وزير الاعلام .. او حتى رئيس التلفزيون .. شبعان من القرف المزمن لانه بيشوفه فى الشوارع كل يوم .. وعلى الاقل بيتكلم مع الناس بالعربى وبيسمع من المكروفونات الادان .. اما فليس امامنا سوى ان نخصص بعض الوقت للقناة الفضائية .. وقديما قالوا إيه اللى رماك على المر .. قيل له .. الامر منه .. والامر من القناة الفضائية هو الاغتراب ..

ولكن لما الخيبة بتكبر وتزيد .. يبقى التحليل الصحيح .. أن الناس دى بتوع الاعلام عاوزين مشاهد أعصابه من حديد .. ولكنهم – واقصد هنا التلفزيون المصرى – تأكيدا للغلاسة وقلة الذوق .. حطوا ديل حمار فى ركن الشاشة على اليسار من تحت .. على شكل علم مصر بيرفف .. وتحته جملة بتقول " انتخابات الرياسة " .. يادى التعاسة .. ماهو لو علم ثابت مثلا مش حنقول حاجه ولكن رفرفة العمل بتزغلل العين الشمال .. ومش عارف من وضع هذا الشعار .. زى ديل الحمار المربوط جنب محطة مجارى ومزرعة دبان .. وعشان كده ديله شغال .. بيهش الدبان ..

ياريت حد يوصل لهم فى التلفزيون المصرى رسالة .. شيلوا ياساده علم مصر من الركن الشمال .. عشان ينصلح الحال .. وكفايه البرامج الهلس والنفاق لغاية ما نلاقى لاعلام الريا له .. خل .. هى كانت اصلا حل .. لكن حضراتهم خلوها خل .. وخاصة هذا العبقرى او العبقرية الجهبذ .. صاحب فكرة هذا العلم ووضعه على الشاشة الصغيرة عمال على بطال .. فى الركن الشمال .. ليل نهار .. لحكمة يعلمها صاحب جحا .. ناقص يحطوا فى الركن اليمين .. صور حضرات المرشحين ..

[Sherief AbdelWahab]

هذا الشعار الغريب موجود على جميع القنوات المصرية بلا استثناء تقريباً ، والغرض منه عمل "حالة" من الاهتمام بالانتخابات الرئاسية في مصر ..

أعرف ما آلت إليه "التجربة" قبل السابع من سبتمبر ، وإن كنت أقول : قضا أخف من قضا ، ولك أن تتخيل الحال لو كان صفوت الشريف نفسه هو وزير الإعلام ، لقال نحن مواطنون أحرار في زمن حر ومن حقنا تأييد الرئيس..

لتسمح لي بنقل الموضوع إلى الإعلام المصري وانتخابات الرئاسة..

دمت بخير يا عمنا العزيز..

خلص الكلام

[Sherief AbdelWahab]

أؤكد لكم أنني مذهول مما يحدث الآن على الساحة الإعلامية في مصر ..

الإعلام المرئي المصري لأول مرة يقطع أشواطاً على طريق الحياد لم يكن يتوقعها مخلوق ، في الوقت الذي نرى فيه انحيازاً فاضحاً وموتاً للحياد في القنوات التليفزيونية الخاصة والقنوات العربية العاملة في مصر..

مركز القاهرة لحقوق الإنسان انتقد دريم ووصفها بعدم الحياد ، وعماد أديب يسخر قنوات الأوربيت للدعاية للرئيس ، وخارج الحدود تأييد محموم من قناة العربية وأخواتها ، ولا أعرف من هي قناة العربية حتى تبدي تأييدها أو معارضتها لمرشح في بلد ليس ببلدها..

إلى الجميع : الحياد مش عيب ولا حرام..

خلص الكلام

[Alshiekh]

انت صدقت ان فيه قنوات اعلامية عربية حــــــرة

الموضوع بسيط قوى يا استاذ شريف

الصورة تجيب على سؤالك

كلها مصالح

[Sherief AbdelWahab]

لأعترف كتليفزيونجي أني قد خدعت ، وأن كلامك يا أستاذ محمد صحيح..

عادت أغاني الرئيس من جديد للتليفزيون المصري .. صحوا النوم يا جماعة .. وكل مقلب وإحنا طيبين زيادة عن اللزوم!

خلص الكلام