اعتبروها مطار .....

[Scorpion]

في يوم واحد عديت علي 4 مطارات .. و ما بين انتظار و التاني .. طال او قصر .. ابص حواليا الاقي معظم ناس من كل حتة في الدنيا ... كل واحد في حاله .. معظمهم مبتسمين .. مافيش اي حد بيسأل التاني عن ثقافته .. عن ديانته .. عن معتقداته .. عن توجهه السياسي ..

في صالات النتظار في اي مطار ممكن تلاقي البوذي .. او المسلم .. او الملحد .. او المسيحي .. او .. او .. من غير ما تعرف تفرق بينهم .. ممكن تشوف اللي لابسة الحجاب او النقاب .. ممكن تشوف اللي لابسة فوق الركبة او تحت الركبة .. اللي لابس طاقية و اللي لابس كرافتة .. اللي لابس عقال و اللي لابس برنيطة .. اللي بشال و اللي بديكولتيه ..... مش حتلاقي حد بينقد التاني او يأنبه او يتطفل عليه او يحشر نفسه في اموره ... بشوف ده دايمآ كل ما أسافر .. الغالب هو انك تشوف ناس بتساعد بعضها من غير ما تسأل حتي التاني هو جاي منين او رايح فين ...

الطبيعة الحلوة للبني آدمين تشوفها علي أصلها في المطارات .. و ده اللي يخليك تستغرب و تسأل نفسك ايه اللي بيحصل لنفس الناس دي لما توصل لوجهتها النهائية ؟؟!!

طبعآ من الملايين اللي بيسافروا كل يوم في انحاء العالم قليل منهم اللي بيحتفظ برقيه و إنسانيته ... أما الأغلبية فبقدرة قادر تلاقيها رجعت للتشدد و العنصرية والتطفل ... بل من الممكن أن يكون بينهم مجرم او إرهابي .. و بالرغم من انهم كده كلهم بيلتزموا باللي بتلتزم بيه الناس التانية ... وكأنهم جوه المطارات ناس و براها ناس تانية .. اسمه ايه ده ؟؟ انفصال في الشخصية؟!..

ايه المانع أننا نلتزم في بلدنا باللي بننلتزم بيه لما نسافر ؟.. إيه المانع أن الناس تساعد بعضيها و تبتسم في وش بعضيها؟..

إيه المانع أننا ننسي بل نلغي التكبر و العنصرية و التطفل والتسلط على بعضنا ونعتبر ان كل بلد مش اكتر من صالة انتظار في مطار .. وأننا كلنا محتاجين بعض ولازم نحترم بعض .. ونحافظ علي شعور التانيين مهما اختلفوا معانا سواء في الثقافة او الاعتقاد ..

ايه الطريقة اللي ممكن نفهم بيها الناس أن مجتمعنا في الأساس هو الفرد وتصرفاته .. وأننا كلنا في مركب واحد ودورنا كلنا اننا نحافظ علي المركب ده و نعمل كل اللي ممكن نعمله بانسانيتنا ... باخلاقنا .. بتضحيات حقيقية علشان ما يغرقش .. ايه الطريقة اللي ممكن نبتدي كلنا نحس بأي واحد تاني سواء بنتعامل معاه او حتي في محيطنا من غير ما نعرفه ونبقي دايمآ مستعدين نساعده من غير ما نسأل اي سؤال او نستني اي مقابل ..

يا ريت البلاد تبقي زي المطار ... يا ريت الناس تتعامل مع بعضها زي ما بتعمل في المطارات ..

[عطر الجنة]

ايقاع او ريتم الوقت داخل المطار يختلف عن خارجه ..

بمعنى ان كل انسان بجعبته ما يشغله عن الاخر و يستولى عليه .. حتى ان حالة الترقب تشعرك و ان الزمن له وحدة زمنية اخرى غير الثانية ..

غالبيتهم عندهم خوف داخلى او رهبة من محطتهم القادمة ..

و ذلك يضفى جو و حالة نفسية تجعلك تساعد الاخر لتجد من يساعددك ..

[Scorpion]

عزيزتي مدام عطر الجنة ..

في رأيي الإختلاف نسبي ..

لان محطتي القادمة قد تختلف عن مسافر بجواري في حياتنا علي الأرض .. و لكننا نعلم جميعآ محطتنا النهائية عندما نغادر تلك الحياة ...

كلنا في صالة انتظار نقضي وقتآ طال او قصر في انتظار وصولنا بين يديه ...

ما احلم بيه ان نتعامل بين أنفسنا علي هذا الأساس ...

[Grandma]

أنا شايفة ان العرب عموما في أي مكان غير بلدهم مش شرط ( المطار ) بيبقوا ماشيين زي الألف

ومافيش مشكله عندهم مع الميني جيب و الديكولتيه و البكيني ... كل واحد بيبقى ماشي في حاله و بيشتغل في حاله ومتقبل غيره بكل إختلافته المظهرية و الفكرية و العقائدية

أول ما يوصل المنطقة العربية تبدأ الازدواجية و انفصام الشخصية و الاعتراض و النقد و الكره و الكسل و الفوضى وكل المشاعر و السلوكيات السيئة

انا فاهمة بالطبع المغزى وراء اختيارحضرتك ( للمطار ) بالذات ... إانما الحقيقة اننا بنبقى حلوين و لطاف اوي في بلاد بره و أول ما ندخل جوه نتعوج

[Scorpion]

سيدتي الفاضلة ... تأكيدآ لما ذكرتيه .. و بناء علي تجارب شخصية متعددة في عملي الحالي هنا ... هو عند وصول زوار عرب من كل الجنسيات الخليجية ... يدخلون بملابسهم التقليدية ما بين جلباب و عقال او دشداشة .. و بين نقاب او طرحة و عبائة سوداء ...

الوقت اللازم للوصول الي غرفتهم ... و عندما يخرجون منها يتغير هذا الزي تمامآ و يتحول الي احدث الصيحات الأوربية .. نفس الزوجة التي دخلت بنقاب مع زوجها تخرج معه سافرة... و بدون ذكر اي تفاصيل عن ملابسهم تلك و التي تثير في النفس علامات تعجب كثيرة .. الموقف الذي يعقب ذلك عند مخاطبتي لهم بالعربية هو لحظة ارتباك يخرج منها معظمهم بالرد بالانجليزية ... و هنا لا أصر علي مخاطبتهم بالعربية مرة اخري و لكني اتحول الي الانجليزية بدوري ...

[أبو محمد]

وهكذا يثبت بالدليل أننا - نحن العرب - أصل الدكتور جيكل ومستر هايد