عبده ضعيف

[soooo]

عبده ضعيف ... غاوي زيطه

النهارده هـاحـكـيـلـكـو .. حكاية

اتعـمـلت قصه .. وكــام روايــة

وكـمــان ... افــلام في السـيــما

ومسلسل ... قيـمـتـه عـظـيــمــه

عن واد .. لعـــيب .. حرّيـــــف

كــان اسمه ... عبده ضعــــــيف

عبده .. ده كـان غاوي .. زيــطه

تشوفه تقول ... دي خلقة عبيطه

حكايته دي باديه .. من زمـــــان

كـــــان .... وكان .. ياما .. كان

في المدرسه .. ياخد شلاليــــت

تقولش هلفــوت ... مِالهلافــيت

من صحابه ... دايـما مــكـروف

وكل الناس ... بتقول دا خروف

يـعـنـي اتـربـى وعـنـده ... عقده

وحـــلف .... لـيـبـقى ... عـمـده

من سـاعـتـهـا .... طـلـعله لسان

واداهـا زيـطـه .... فـكـل مكـان

شــرّد , سيــّح .. قـالـو ومـالـو

واد صغيـر .. سـيـبـه في حالو

لـمـا كـبـر ..... اداها حركـات

ورشح نفسه ... فالانـتـخـابـات

وقـف وسـط النـاس .. ويـقـول

صدقـوه ...... خـلـوه مـسـؤول

نـضّف شارع ... نـضّف حاره

وبنـاله فيلا .. على كـام عماره

يـسـرق يـنـهـب .. يـاخد اتاوه

يـاكـل ويـنـصب .. كله بغباوه

ريـحـتـه فاحت .. كما الكلاب

في الـمجلـس عملو استجواب

عـيـط .. زيـط .. خلاها عتمه

وادى الكـبـيـر ... أكبر عكمه

لعـبـهـا صح .. ودخل الحزب

والحزب بيحمي , كلب الكلب

من ساعتها بقى رجل الساعه

قـلة اصل .... وكـلّه وضاعه

وجـابـوه .. فـي الـتـلـفـزيون

وهـو بـيـشـرب شـوب لمون

اتـكـلـم بـسـلامـته ..... وقال

انـه كـافـح .... كـمـا الرجال

وكمان ... حـارب يـامـا كتير

وكان شهيد .. حرب التحرير

عبده زيطه , مابقاش ضعيف

عبد زيطه .. بقى دمه خفيف

مين عالِم .... كمان كام يوم

نلاقي جاي .. في عز النوم

والمعنى ... في بطن الشاعر

والكـل .. هـايـفـضـل فــاكر

اصـلـك وفـصلك ايه يا عبده

وكل واحـد .. يقول من عنده

انا راح اقول .. ده بتاع بليله

وتبعك يقول: من عيله اصيله

واللي ...هايغلط فيك يا عبده

الضربه .. هتكـون على قده

بس وخلصت منني الحدوته

توته ملتوته .... لأ مظبوطه

ومش هاقـول تاني الحكـايه

لاتيجي الضربـه على قفايه

عجـبتكـم ... ماعجبتكمش ؟؟

مش مهم , انا اصلي طربش

لأ بجد ياريت تكون عجبتكم ..

ومستني اراؤكم

وربنا يستر

:D

[ebnelganoup]

ايه الجمال دا كله يا عم سو اسلوب سلس ومتمكن وواثق من تأثيره علينا

وتقول ربنا يستر دا ربنا يستر علينا لحسن تطلعنا من المنتدى يابن بيرم

فكرتنى ببيرم وكلامه الجميل واسلوبك نفس اسلوبه السهل الممتنع ما هو موش

اى حد يقدر يكون بيرم وموش اى حد يقدر يكون سو ابن بيرم

جميله وقويه وفى انتظار المذيد والمذيد منك فاكر لما قلتلك انى متاكد انك شاعر متميز

الحمدالله ادينى صدقت وانت اللى نصرتنى يا بن بيرم

دمت لنا فارسا ومبدعا شديد التميز

دمت بكل خــــــير

ابــن الجـنــــوب

[مى محمد]

كلما حاولت اقتباس جزء من القصيدة لاعلق عليه شدنى جزء آخر......القصيدة كلها اكثر من رائعة...

وربنا يستر عليك :D ....المنتدى ده شكله هايتشمع بالشمع الاحمر :D

ربنا يزيدك....و يبارك فيك

[shahd]

سوووووو انت عارف رأي طبعا بس ده ما يمنعش اني اقول رهييييييييييييييييبة ياباشا ومنكم نستفيد :P