سي السيد .. أين أنت؟

[Sherief AbdelWahab]

الأخ الأكبر العزيز سي السيد ، فترة طويلة ما بيظهرش في المحاورات .. أين أنت؟.. سمعت في الهايد بارك أن شقيقتك تزوجت.. وهذه تهانئي..

خلص الكلام

[se_ Elsyed]

..

الف شكر يا شريف على سؤالك ..

أنا في أجازة يا عم بقى لي شهر ولسه راجع النهاردة ولقد نوهت عن ذلك قبل

مغادرتي بس يمكن إنت كنت في الحمام ولا حاجة وما أخدتش بالك :)

الحمد لله أختي الصغير - أخر العنقود إتجوزت ... وبكده فاضل عندنا قطف صغير في العنقود لسه ما أتهلش وهو أخويا الصغير الي معايا هنا وبإذن الله هاندخله القفص قريباً وبكده أبقى أديت رسالتي في الدنيا وأقدر أقابل وجه كريم وأنا مستريح - وش عماد حمدي في فيلم أم العروسة - ...

[bentmasria]

ربنا يبارك ليكم وفيكم ويفرحكم ويهنيكم يا سى السيد

صحيح فوتت علينا العزومة والمباركة

وكمان زوغت من لقاء يوم 18 بس كان عندك عذرك

والواد محمد ابنى كان عشمان فى عزومة من بتوعك (3 جيلى كولا وصلحه) وبرضه بعت القضية

بس المهم انك بخير وبالف صحة وعافيه

ربنا يسعدكم ويهنيكم ويطرح البركة فيكم يارب ويطمنك على الصغير كمان باذنه سبحانه وتعالى

وبعدها ان شاء الله نفرح بيك (وش واحد موقعاتى) اقصد العروسة اياها اللى حكيت لنا عنها :)

شكلها بنت ناس وطيبة توكل على الله

:wub: ;) :)

مادا ومامى

[الأفوكاتو]

حمد الله بسلامة العودة يا عزيزى س س ,

فالمحاورات كانت مثل أكلة كشرى بدون البصل المحمر و الصلصة الحراقة.

أرنا بعض ما رجعت به من الأجازة.

تحياتى.

[احمد سعد]

الحمد لله على سلامتك يأخ سيد

وللحقيقة كنا نفتقد أحد الآراء المثمرة

تحياتي :wub :) :

[شاعرالرومانسية]

حمدالله على السلامة يا زعيم ،،، ويارب تكون قضيت اجازة سعيدة :wub:

والله ليك وحشة ... فينك يا رااااااااجل :)

( وجه محمد نجم فى مسرحية عش المجانيين :) )

[ENG. BEHAIRY]

الأخ الفاضل / سى الســيد

حمد لله على سلامة الوصول

افتقدناك طوال هذه المدة ...

فافتقدنا بصماتك :) وبسماتك :) :wub: ;) فى هذا المنتدى ...

ألف مبروك لعروستنا ... ربنا سبحانه وتعالى يبارك فيها وفى عريسها

ويكتب لهما حياة سعيدة موفقة ويرزقهما الذرية الطيبة .... ونهديهما

هذه الوردة ، فآخر العنقود ختامه مسك ..

ونهنئ الأخ العزيز قريبًا بإذن الله ، مع الإحتفاظ بحقنا فى المناسبتين .

مرحبًا بك وبعودتك وفى انتظار قطفة الصيف يابطل !

ولكن بعد ما تشم نفسك ، ولك الوردة التانية عشان تفتكرنا !

تم تعديل 16 أغسطس 2005 بواسطة ENG. BEHAIRY

[سقراط المصري]

سي السيد باشا

حمدالله على السلامه

شوف بقى ، اخوك سقراط عطشان على اي حاجه من ريحة مصر ، ولاسيما لو ابوحميد هو اللي هيحكي.

منتظر مداخلاتك على احر من الجمر وبخاصه اخبار الناس ومشاعرهم والحاله الاقتصاديه ونظرتهم للمصري المغترب.

ومتنساش تحكلنا عن اخبار الاكل والعزومات :)

سلامي لك ولعمر افندي.

تحياتي

اخوك سقراط

[shawshank]

ألف حمد الله على سلامتك يا سي السيد و ألف مليون مبروك للعروسة ، بارك الله لهما و بارك عليهما و جمع بينهما في خير.

انت فين يا س س؟ أحوالك مش عاجباني خالص. فين مداخالاتك؟ فيه مواضيع كتير في انتظارك. انت كده هتخوفني لما أنزل مصر إن شاء الله. و اللا هي بس العزوبية؟ (على فكرة أنا كمان ذيك دلوقت :blush: )

[drhusseinali]

ابو السييييييييد

حمد الله على السلامة

فينك يا عم و الله وحشتني موضوعاتك و ردودك

و لسه مستني الشربة اللي وعدتني بيها

حسين

[se_ Elsyed]

ألف شكر على ترحيبكم يا جماعة ...

أنا يُعتبر واصل أول إمبارح بعد الظهر وجيت من المطار على الشغل على طول .. وطبعاً كعادة القطاع الخاص إنه بيمتص دم موظفيه .. فلقد عوقبت أشد عقاب على قيامي بإجازتي السنوية .. ولقيت عندي شُغل يكفيني سنة قدام .. بجد والله أنا بأحمد ربنا إني رجعت لوحدي .. لإن الأولاد لو كانوا رجعوا معايا كانوا هايتظلموا لإني تقريباً بأقعد أكثر من 12 ساعة في الشركة منهم 10 قرأة إيميلات والرد عليها فقط ..

بس أنا ناوي أحكي لكم طبعاً على اللي شوفته مصر .. بس أحب أنصح مرضى القلب والضغط وهشاشة العظام إنهم ما يقرأوش موضوعاتي لإني مش مسئول عن اللي هايحصل .. هذا وقد أعذر من أنذر ...

[shahd]

الف حمدلله على السلامة وزي ما بنقول عندنا ياحيا الله من جا :blush:

[peacefulofmind]

حمدا لله علي سلامتك يا سي السيد

وحشتنا كتيير

:wub: :blush: :) :lol:

[مصرية الهوى]

حمد لله عالسلامة يا بيه .. ولو إنها جت متأخرة .. انا كده دايماً آخر الناس <_<

وأنا بأقول السعودية نورت يوم 15 أغسطس .. :angry:

أتاري ده كان نور حضرتك :blink:

[se_ Elsyed]

حمد لله عالسلامة يا بيه .. ولو إنها جت متأخرة .. انا كده دايماً آخر الناس <_< 

وأنا بأقول السعودية نورت يوم 15 أغسطس .. :angry:

أتاري ده كان نور حضرتك  :blink:

<{POST_SNAPBACK}>

الله يا سلم يا فندم ..

بس على فكرك السعودية كانت منورة يوم 15 أغسطس عشان الناس كانت بتحتفل بقرار الملك عبدالله بزيادة مرتبات موظفي الحكومة 15 % ..

إنما أنا جيت يوم 16 أغسطس ولقيتهم خلصوا الأحتفال وطفوا الأنوار وكل واحد روح بيته :D :D :D

ألف ألأف شكر للأخ بيسفول ميند .. والأخت شهد وكل اللي جه الفرح واللي حيانا .. واللي يحبنا ما يضربش نار ...