emadiab بتاريخ: 9 أغسطس 2005 تقديم بلاغ مشاركة بتاريخ: 9 أغسطس 2005 (معدل) السلام عليكم ورحمة الله وبركاته معاكم اخوكم عماد دياب مصطفى من اسكندرية وعندى 19 سنة و 6 شهور فى كلية تربية قسم تعليم اساسي اتعرفت على المنتدى عن طريق الأخت شهد بس بصراحة انا اتخضيت اول ما دلخت المنتدى هنا لأنه بيناقش قضايا مهمة وكله جد فى جد و محدش فاضي غير للجدل والمناقشات والغوص فى الأعماق والبحث عن الأغوار و مش عارف اذا كنت حقدر اثبت وجودى هنا والا احسنلى اركز فى المنتديات التانية اللى مشترك فيها على العموم اجرب و اشوف انا بكتب شعر عامى و هاوى نقد فنى و ادبى بس على الخفيف اتمنى ان موهبتى الضئيلة تكون مفيدة ليكم فى حاجة و اتمنى لو اقدر اكون صداقات هنا من المنتدى لأن منتدى ماليش فيه حد بيبقى ماليش وجود فيه ايميلاتى موجودة فى البروفيل تم تعديل 9 أغسطس 2005 بواسطة emadiab رابط هذا التعليق شارك المزيد من خيارات المشاركة
Scorpion بتاريخ: 9 أغسطس 2005 تقديم بلاغ مشاركة بتاريخ: 9 أغسطس 2005 مين ده.... حلق يا عصام عليه من الناحية التانية .... اوعي تخليه يفلفص... ده انت دخلت برجليك يا استاذ عماد... الاول شم نفسك ..و اتفضل استريح و اشرب كوباية كركديه ساقع خش بقي عالشغل ... بس و النبي بجانب الاشعار اكتب عن خواطرك و تصوراتك للي عايز تعمله لما تتخرج ... عارف معني انك في كلية التربية و قسم تعليم اساسي معناه ايه ... يعني كمان كام سنة و حيكون تحت ايديك فصول ماتقلش عن 40 مخ ... تشكلها زي ما انت عايز ... و بالمرة ترد علي سؤال مهم ... انت دخلت كلية التربية عن اختيار .. و الا اللي جه في مكتب التنسيق و السلام ..... بلاش ترد عليا هنا ... يا ريت تفتح موضوع حول النقطة ديه ... مستقبل الامخاخ المصرية :D ... و نتناقش شوية اهلا بيك وسطنا و ان شاءالله حتفيد و حتستفيد.... كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
emadiab بتاريخ: 9 أغسطس 2005 كاتب الموضوع تقديم بلاغ مشاركة بتاريخ: 9 أغسطس 2005 اشكرك عزيزى سكوربيون على ترحيبك و على الكركديه الساقع و ميرسي يا كابتن عصام هو مين مدير الموقع ده لو سمحتم صح عزيزى سكوربيون كلامك ده فكرنى بحاجات انا كنت نسيتها اعمال نشرتها فى منتديات تانية منها مشروع اسمه اسلمة العلوم بس هو محتاج متخصصين عشان يكملوه انا حنشره حالا هنا و فى موضوع تانى اسمه ضمير استاذ عماد بيتكلم عن تجربتى فى التربية العملى بس بطريقة فيها سخرية شوية بس مشكلتى حاجة واحدة نشرى للمواضيع وحماسي بيتوقف على الردود اللى بتلقاها و ده عيب فيا رابط هذا التعليق شارك المزيد من خيارات المشاركة
An Interview with The Vampire بتاريخ: 9 أغسطس 2005 تقديم بلاغ مشاركة بتاريخ: 9 أغسطس 2005 على فكرة أنتا استاذ قبل ماتتخرج أتوقع لك مستقبل باهر أهلا بيك رابط هذا التعليق شارك المزيد من خيارات المشاركة
الأفوكاتو بتاريخ: 9 أغسطس 2005 تقديم بلاغ مشاركة بتاريخ: 9 أغسطس 2005 مرحبا بالأخ عماد, و نحن هنا نرحب بجميع المواهب, فتوكل على الله, و أرنا بعض ما عندك. تحياتى. أعز الولد ولد الولد إهداء إلى حفيدى آدم: رابط هذا التعليق شارك المزيد من خيارات المشاركة
bentmasria بتاريخ: 10 أغسطس 2005 تقديم بلاغ مشاركة بتاريخ: 10 أغسطس 2005 :D :D :D اهلا بيكم ياعماد ويانا منور بين اهلك واصحابك ويارب يكون وجودك بيننا بالفايدة والخير على الطرفين وبما انى ولية امر تلموذ من اللى مسيرهم حيقعوا بين ايديك فبقولك اتجدعن من دلوقتى عشان لو علمت الواد حاجة غلط :P حنموتوك ربنا يوفقك ويسعدك ويللى بقى موش شربت الكركديه ع القسم بتاعنا بسرعه القهوة التركى مستنياك :D :D اهلا بيك مرة تانيه البنت المصريه عندما تشرق عيناك بإبتسامة سعادة يسكننى الفرح فمنك صباحاتى يا ارق اطلالة لفجرى الجديد MADAMAMA يكفينى من حبك انه......يملأ دنياى ....ويكفينى يا لحظا من عمرى الآنى.....والآت بعمرك يطوينى يكفينى .....انك........................تكفينى مدونتى رابط هذا التعليق شارك المزيد من خيارات المشاركة
إبن مصر بتاريخ: 10 أغسطس 2005 تقديم بلاغ مشاركة بتاريخ: 10 أغسطس 2005 من عبدون الوزير الى سكوربيون سن الفيل ... اعتقد ان الجدع الجديد ده خامه منتازه!!!!!!! جنده واخفيه احسن يستغلوه فى تعليم العيال من الصغر.... معنى الحريه والديمقـ...الديمقـــ......انت عارف بقه !!!! مرحبا بك اخى العزيز......انت فى مجال من اهم المجالات التى نصلى الى الله ان تتغير وتنصلح لانه باصلاحها اصلحت الامه باسرها وهو مجال التعليم والاساسى بالذات... فعلا ربنا معاك ولابد ان تحب ما تعمل كى تعمل ما تحب ما بك بيننا.. إن ربا كفاك بالأمس ما كان.... يكفيك فى الغد ما سوف يكون رابط هذا التعليق شارك المزيد من خيارات المشاركة
emadiab بتاريخ: 10 أغسطس 2005 كاتب الموضوع تقديم بلاغ مشاركة بتاريخ: 10 أغسطس 2005 اشكركم على كل الحفاوة اللى احتطونى بيها من ساعة ما خطيت برجلى ( مش فاكر كانت اليمين ولا الشمال ) عتبة المنتدى و افتكر ان ردودكم على مواضيعى دليل اكيد الغريبة ان معظم المواضيع اللى نشرتها هنا كنت ناشرها قبل كده فى منتديات تانية لكن بعض منها عانى من الإهمال لدرجة انى بدأت اشك فى قدراتى ترحيبكم بيا خلانى اتأثر و مش قادر اتكلم اكتر من كده عشان الدموع حتفر من عينى يا رب ابقى تحت ظنكم و يبقى المواضيع حنشرها وردودى مفيدة رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان