مرة من نفسي ( لو باقى على عقلك اوعى تضغط هنا )

[Reham]

اما انا بقي مش مخنوقه بس :angry:

انا خلاص طقيت

وكل مره انزل مصر فيها باحلامي الورديه ......اتصدم بالواقع المؤلم اللي احنا عايشينه في مصر

مصر الحبيبه ...ارض المدائن ارض الجوامع.......

من اول لحظه في المطار

الناس زي مايكونوا مستنيينك عشان يغلسوا عليك

والزحمه......كله كوم والزحمه كوم تاني

مفيش حد بيراعي حد

لاكبير بيراعي صغير ولا صغير بيراعي كبير ولا راجل بيحترم ست

البلد حالها بيتغير بسرعه اوي

وكله ماشي بالفهلوه

هي الفهلوه دي اللي مضيعه البلد

عاملين نفسنا بنفهم في كل حاجه

حقيقي كل حاجه بقت تغيظ :angry:

بس بلدنا وبنحبها مهما كان

احنا اللي عملنا كده في نفسنا

واحنا اللي سؤنا سمعتنا في البلاد الاخري

اعذروني ياجماعه

انا فعلا محطمه من اللي شفته في مصر

وبحتاج فتره علشان انسى اللي شفته

بعتذر مره اخري

واتواصل معكم من الاراضي السعوديه

واتمنى من الله عز وجل ان يصلح احوالنا

ويقينا شر الكائدين

وينصرنا ويعزنا بالاسلام وحده

[أنـفـــال]

انا بقى مخنوقة من الكذب و النصب.. و الفهلوة..!!

أي والله!!

الشعب المصري.. توجد فئة فيه .. تعتمد على الكذب و النصب و الفهلوة حتى في علاقاتهم الشخصية..!!

و الحمدلله كأن هذه الفئة مستلماني بشكل شخصي.. زي ماتقولوا كدة بيسلموني لبعض..

من نصاب لأنصب منه و من كذاب لأكثر كذباً منه و هكذااااااا

و اللي بيحصل معايا بقى..

اني بابقىطيبة على الآخر :closedeyes: .. و كأن استلامهم لي بيكون استسهال مثلاً..

على فكرة الكذب ضيع من عمري وقت كبير اوي...!!

قول ان كل واحد أو واحدة بيكذب عليا أخدت مدة على ماكتشفت انه كذاب.. و بعدين حسبت المدد دي و جمعتها على بعض.. لقيت اني تقريباً في الثمان سنوات الاخيرة مر عليا.. 7 كذابين و 5 نصابين .. دة غير افلهلوة المتكررة .. اكيد كل يوم الواحد بيقابل حد فهلوي على الاقل مرة واحدة!!

فيها ايه لو صدقنا مع الآخرين؟؟

فيها ايه لو بطلنا استغلال و كذب؟؟

فيها ايه لو ماجرحناش الناس التانية؟؟

مش هيحصل حاجة!! و كل الناس هتعيش مرتاحة من بعضها!!

[emadiab]

مدموازيل انفال و مدموازيل ريهام

مخنوقين من موضوع مشترك هو فهلوة الشعب المصرى وان فى فئة تخصصت فى الفهلوة

متهيألى انه موضوع ميستحقش انه يبقى موضع شكوة لأن الفهلوة بقت ليها قاعدة عريضة و هى اللى ممشية امورنا و لولاها لكانت امور كتير حتتعطل و البلد حتبوظ و متنسيش ان المصرى برة معروف بجبروته و الحقيقة ان الجبروت بتاع المصرى ده عبارة عن ذكاء خارق و هو اللى بنسميه الفهلوة لأن الذكاء ده بيخليه يلجأ لطرق عجيبة لجعل حياته المستحيلة ممكنة عرفتم دلوقتى منقدرش نستغنى عن الفهلوة ليه

لأننا اول من اخترع دهان للدوكو على وجه البسيطة

[ثورة الوادي]

ده سببه كله هو غياب المؤسسات لما تغيب المؤسسات الامنية والسياسية والاجتماعية ولاقتصادية و التعليمية والاعلامية و الثقافية, فالمفروض ان احنا تجيلنا اوبئة وبالاوي ونهيم علي وجوهنا في الصحاري وننقرض لكن الي حصل ان احنا استمرينا عايشين ننتج ثروة وتتسرء مننا .

يعني هل فيه اي شعب في العالم يئدر يعيش من غير مؤسسات....... طبعا مافيش

احنا عايشين من غيرها عبرقية الانسان المصري من غير خفة ولا ظرف انه عايش وبيبدع ومستحمل

فيه زحمة سببها غياب المؤسسات وفيه شجارات وجرايم سببها برضه غياب المؤسسات والحاجات دي موجود اضعافها في اي بلد

احنا شعب ذكي نئدر نتواصل اجتماعيا ونئدر نتفاعل سياسيا و ننتج واحنا شعب مؤمن وعندنا تراثنا وهويتنا الي بنعتز بيها من اول لبس الصعايدة والفلاحين لغاية الكشري الي لو وجد في اي بلد تاناية كنا اعدنا نتغني بيه

طب عايزين اكتر من كده ايه انا عندي مبداء ان كل مشاكلنا سببها المؤسسات لاننا شعب قادر علي ان يكون مثاليا بوجود مؤسسة قمعية او حرة ابل كده بنينا القطاع العام وبنينا الحضارة الفرعونية وعملنا حاجات كتير لما وجدت مؤسسات حتي لو قمعية

لكن الي عندنا دلوئتي مش حكومة ومش مؤسسة دي عصــــــــــــــــــابة حسني مبارك وحزب الحرامية

بمعني انها مش حكومة بتحكم دي سيطرة بتسيطر ومالهاش دعوة بالحكم بينتج عن ده ايه ان المؤسسات الي بتنظم كل حاجة في حياتنا بتحتفي بيختفي القانون وحدود التصرافات وبيبئي كل حاجة ممكنة

هنا بئي يا اما ننقرض يا اما نتواصل بقوانين و بطرق اخري للتواصل وانا في راي ان احنا اتاقلمنا مع الوضع ده لا شرطي بيحميك ولا شركة بتوظفك ولا حزب بيعبر عنك وعايشين بناكل وبنشرب وبنعالج نفسنا باي حاجة و اكتر شعب واعي لحقوقه السياسية ولقضايا الامة رغم ان احنا حتي مش معترف بينا كشعب مصري عايزين اكتر من كده ايه

بكره حايجيلنا حكومة بطريئة حرة مش حرة حتشوفوا لما اللافاج كي ري تمشي حانعمل ايه

طبعا مع اعتبار ان ماتنتجه مؤسسة قمعية لا يمكن ان يدوم