شيماء الصباغ ... و المشهد المتكرر

[التونسى]

اليوم السابع : تويتة منتشرة على الفيسبوك لصديقة أخت شيماء الصباغ

طب وليه متقبضش على زميلها ده وتم عرض هذا فى وسائل الاعلام احقاقا للحق ولتبرئة الشرطه من قتل شيماء ؟؟؟ انا عن نفسى زى ما قلت ان بالمنطق والعقل مش مصلحة الشرطه او النظام قتل شيماء خصوصا انها من مؤيدى 30 يوينو ومن المختلفين تماما مع فكر الاخوان .. لكن برده افراد الشرطه مش ملائكه .. والخطأ وارد .. هما بشر زينا برده مش منزهين يعنى عن الخطأ .. مش كده والا ايه ؟

[tarek hassan]

.. لكن برده افراد الشرطه مش ملائكه .. والخطأ وارد .. هما بشر زينا برده مش منزهين يعنى عن الخطأ .. مش كده والا ايه ؟

إيه ......مزاح يا حاج محمود ..... يعني قصدك إن الشرطة هي اللي قتلت بس قتل كان خطأ ..... كيف ذلك ؟ لم تقل ....

يعني شرطي منهم مثلا كان بينظف سلاحه بتاغ الغاز ففطت منه طلقتين تلاتة خرتوش وطلقة حية ولا إيه ؟

الغريب إن كل مرة تتهم الشرطة ... ولا توجد مرة واحد تم تصويرهم .... ولا مرة ثبت أنهم هم الفاعلون .... وكل مرة تم تبرأتهم

تم تعديل 27 يناير 2015 بواسطة tarek hassan

[التونسى]

إيه ......مزاح يا حاج محمود ..... يعني قصدك إن الشرطة هي اللي قتلت بس قتل كان خطأ ..... كيف ذلك ؟ لم تقل ....

يعني شرطي منهم مثلا كان بينظف سلاحه بتاغ الغاز ففطت منه طلقتين تلاتة خرتوش وطلقة حية ولا إيه ؟

الله اعلم ملابسات الواقعه دى ايه .. بس الخرطوش خرطوش ميرى.. والضرب كان من مسافه قريبه.. والصور موضحتش ان حد من زمايلها ضربها .. ولو كان فيه صوره وضحت طب متقبضش علي زميلها ده ة ليه خصوصا ان الشرطه كانت قريبه جدا من الحدث .. الا بقى لو اللى ضربها كان لابس طاقية الاخفا .. انا لا اتهم الشرطه على فكره .. انا بس برجح ((من منظور حيادى)) من خلال الدلائل والمؤشرات ان القتل ممكن يكون بطريق الخطأ من قبل احد افراد الشرطه .. يعنى اللى ضرب الخرطوش من الشرطه ضربه بغرض تفريق وفض المظاهره ((المخالفه للقانون)) .. لكنه بغشوميه وبغباء اصاب البنت فى مقتل .. بس يعنى يا مان دا تحليلى الخاص ..حتى تخرج علينا النيابه او اى جهه رسميه بنتائج التحقيقات فى هذا الحادث المؤلم جدا وتبيان من القاتل وكيف ولماذا قتل

[tarek hassan]

الله اعلم ملابسات الواقعه دى ايه .. بس الخرطوش خرطوش ميرى.. والضرب كان من مسافه قريبه.. والصور موضحتش ان حد من زمايلها ضربها .. ولو كان فيه صوره وضحت طب متقبضش علي زميلها ده ة ليه خصوصا ان الشرطه كانت قريبه جدا من الحدث .. الا بقى لو اللى ضربها كان لابس طاقية الاخفا .. انا لا اتهم الشرطه على فكره .. انا بس برجح ((من منظور حيادى)) من خلال الدلائل والمؤشرات ان القتل ممكن يكون بطريق الخطأ من قبل احد افراد الشرطه .. يعنى اللى ضرب الخرطوش من الشرطه ضربه بغرض تفريق وفض المظاهره ((المخالفه للقانون)) .. لكنه بغشوميه وبغباء اصاب البنت فى مقتل .. بس يعنى يا مان دا تحليلى الخاص ..حتى تخرج علينا النيابه او اى جهه رسميه بنتائج التحقيقات فى هذا الحادث المؤلم جدا وتبيان من القاتل وكيف ولماذا قتل

الخوتوش بتاع مش صعب الحصول عليه .... وزي ما بتقول الصورة موضحتش وهي برضه موضحتش إن الشرطة ...... ولا الشرطة كانت لابسة طاقية الإخفا على حد قولك من منظور جيادي برضه .....

برضه أنت مردتش عليه

إزاي بندقية غاز هتضرب خرتوش..

وما مصلحة الشرطة في اصطياد الغلبانة دي وتسيب القيادات دائما ؟

[Alshiekh]

التصوير أصبح هدفا أساسيا ثم يأتي بعده التفكير في حياة المصاب،

هذه هي شهادة أدلى بها بعض الشهود العاملين في موقع حادث قتل شيماء الصباغ

======================

تسلمت نيابة قصر النيل برئاسة المستشار سمير حسن، التقرير النهائي لمصلحة الطب الشرعي في شأن تشريح جثمان الناشطة شيماء الصباغ عضو حزب التحالف الشعبي الاشتراكي.

وأفاد أن طلقات خرطوشية هي التي تسببت في وفاتها، وأنها أطلقت من مسافة تراوحت ما بين 3 إلى 8 أمتار، وبحد أقصى 10 أمتار، وأنها أصيبت من الخلف إلى الأمام، وأن محتوى الخرطوش أصاب القلب مباشرة وتسبب في تهتك بالرئتين.

وانتقل فريق من محققي النيابة العامة بإشراف المستشار وائل شبل المحامي العام الأول لنيابات وسط القاهرة الكلية، إلى مكان الحادث وقاموا بالاستماع إلى أقوال شهود العيان من عمال أحد المقاهي، والذين قالوا إن زملاء الناشطة المجني عليها، أحضروها إلى المقهى وقاموا بتصويرها وهي غارقة في دمائها لمدة 30 دقيقة تقريبا، ثم قاموا بحملها ونقلها إلى أحد المستشفيات.

وجاء بأقوال الشهود من أصحاب المحال التجارية ورجال أمن شركتي الخطوط الجوية الفرنسية (اير فرانس) ومصر للتأمين، أنهم لم يروا قوات الشرطة تطلق أية أعيرة نارية على المجني عليها أو المتظاهرين، وأن ما شاهدوه تمثل في قيام القوات وهي تطلق نحو 3 قنابل غاز مسيل للدموع باتجاه المتظاهرين.

واستمعت النيابة إلى أقوال أحد أعضاء حزب التحالف الشعبي الاشتراكي، والذي أصر في أقواله على أن قوات الشرطة هي من قتلت المجني عليها شيماء الصباغ، بإطلاق الأعيرة النارية على المشاركين في المسيرة التي نظمها الحزب، بقصد منعهم من دخول ميدان التحرير لوضع أكاليل من الزهور على النصب التذكاري الخاص بالشهداء.

كما استمعت النيابة أيضا إلى أقوال ضابطي شرطة (برتبتة لواء) أحدهما بمصلحة الأمن العام والآخر بقطاع الأمن المركزي، حيث قدما إلى النيابة العامة كافة الأوراق الرسمية والدفاتر الخاصة بعدد القوات التي كانت متواجدة بمكان الحادث ودفاتر تسليحها.

وأمرت النيابة بندب خبير من إدارة المعلومات والتوثيق من أجل ضم كافة المقاطع المصورة المتعلقة بالواقعة وحادث مقتل المجني عليها، من شبكة الانترنت.. كما ناشدت النيابة العامة كافة وسائل الإعلام تقديم أية مقاطع مصورة تكون قد التقطتها للحادث، حتى تتمكن النيابة من الكشف عن هوية القاتل.

وقررت النيابة العامة ندب خبراء المعمل الجنائي، لفحص نوع الطلقات النارية التي تسببت في مقتل المجني عليها، وبيان ما إذا كانت من ذات النوع الذي تستخدمه الشرطة من عدمه.. كما استعجلت النيابة استدعاء ذوي المجني عليها لسؤالهم حول الواقعة.

[باهى الطائر الحزين]

سندس رضا ..

فتاة مصريه قتلت بدم بارد

في فاعليه بالأسكندر يه قبل

يوم من مقتل شيماء

محدش اتكلم عليها خاااالص !!

[أبو محمد]

نقطة البداية والف باء معرفة الفاعل

سؤال

من المستفيد من الجريمة ؟

أنا حاعرض عليكم شوية صور لزهدى الشامى نائب رئيس الحزب

مع تخمين ما كان لسان حاله (وليس لسان حالى) يقول

(هو اللى لابس هاى كول نبيتى ولابس جاكت وحاطط إيده فى جيبه)

1) "رافعا إصبعه" استنوا ماتشيلوهاش دلوقت .. عبده المصوراتى جاى ورايا وحيصور

2) دى صورة لقطها عبده المصوراتى اللى كان وراه فى الصورة الأولى

3) عبده لقط صورة وجرى .. طيب صورت انت يا سيد ؟
ما لكش دعوة باللى انا مخبيه فى جيبى يا غبى حتفضحنا

4) أعمل إيه بقى بعد كده ؟ .. تتصرف كيف ياعبرحيم .. تتصرف كيف يا عبرحيم ؟

5) أيوه .. أحسن حاجة أعمل نفسى مش من هنا

ناس ما يملاش عينها الا التراب باصين لكل حاجة حتى عصاية المايسترو اللى فى جيبى

[التونسى]

https://www.youtube.com/watch?v=PDLaABeWcjk

الفيديو ده حلقه كامله من قناة المحور مع نائب الحزب زهدى الشامى اللى الاخوه الافاضل بيتهموه بقتل شيماء

تم تعديل 27 يناير 2015 بواسطة التونسى

[التونسى]

https://www.youtube.com/watch?v=XuXl4sOOAsc&x-yt-ts=1422327029&x-yt-cl=84838260

تم تعديل 27 يناير 2015 بواسطة التونسى

[التونسى]

وارجع واقول .. وارجع واقوووووول ((مع الاعتذار لجاهين ولماجده الرومى))

رحمة الله عليها .. دمها راح هدر.. زيها زى كتير ماتوا قبلها سواء من الشعب او الشرطه او الجيش.. ومتعرفش او متحاكمش اللى قتلوهم

[Alshiekh]

https://www.youtube.com/watch?v=PDLaABeWcjk

الفيديو ده حلقه كامله من قناة المحور مع نائب الحزب زهدى الشامى اللى الاخوه الافاضل بيتهموه بقتل شيماء

يعني لما اكزن رجل كبير وعندي شوية من المفهومية واشوف حد من اللي عرفتهم فيالمظاهرة مش في الحزب اللي اعضاؤه كلهم موجودين واشوف بنت من بنات الحزب وقعت على الارض او اتكعبلت مش انضربت بالنار، أقوم إعمل نفسي أهبل واتفرج وبعدين أمشي من سكات.

الجدع ده مفروض ياخدوه ميدان التحرير اللي كان عايز يروح يحط الورد والا البصل فيه وكل واحد معدي يضربه شلوط وقفا وقلم على وشه وبعدين يتف عليه..

نائب حزب وواحدة من اللي رايحين معاه تتقل امام عينيه وياخد بعضه ويمشي؟ جاتها نيلة اللي عايزة خلف يشبه له.

[الدكتور ياسر]

النهاردة شوفت فيديو لاغتيال ظابط الشرطة وكان مصر اصبحت بلا شرطة وبلا جيش

رأيت هذا الفيديو المروع اليوم فقط , هؤلاء مجرمون وقتلة والاسلام الذي يتمسحون به منهم بريئ ,

قتلوا الظابط الاعزل بمنتهى الخسة والوحشية بعد أن أجبروه على قول ما أملوه عليه تحت تهديد السلاح ..

اللهم احفظ مصر واحقن دماء ابناءها , واكشف عنا ما نحن فيه ..

اللهم آمين..

[أبو محمد]

https://www.youtube.com/watch?v=PDLaABeWcjk

الفيديو ده حلقه كامله من قناة المحور مع نائب الحزب زهدى الشامى اللى الاخوه الافاضل بيتهموه بقتل شيماء

فين الاتهام بالقتل ؟

ده مجرد اتهام بالخسة والندالة والمتاجرة بالدماء

بس كده .. لا أكتر ولا أقل

الاتهام بالقتل مش شغلتى .. وانا منتظر زيك نشوف مين اللى حيُتهم بالقتل

دا إن لم يكن "الحبيب المجهول" اللى بقالنا اربع سنين بنقول عليه

مش احنا بس اللى زارنا الحبيب المجهول .. لأ دى خمس دول تانية تتشابه ظروفها مع ظروفنا

بس الحمد لله أربعة منها انهارت (العراق ، سوريا ، ليبيا ، اليمن)

ومازالت المحاولات شغالة معانا والله أعلم باللى حيحصل فى تونس

هناك فيديو منتشر على النت يتهم هذا النذل بالقتل

كان بإمكانى وضعه .. ولكنى - كماقلت - لست جهة تحقيق أو اتهام

[أبو محمد]

رأيت هذا الفيديو المروع اليوم فقط , هؤلاء مجرمون وقتلة والاسلام الذي يتمسحون به منهم بريئ ,

قتلوا الظابط الاعزل بمنتهى الخسة والوحشية بعد أن أجبروه على قول ما أملوه عليه تحت تهديد السلاح ..

اللهم احفظ مصر واحقن دماء ابناءها , واكشف عنا ما نحن فيه ..

اللهم آمين..

شاهدت الفيديو ولم أستطع التعليق عليه

يمهل ولا يهمل

[التونسى]

فين الاتهام بالقتل ؟

ده مجرد اتهام بالخسة والندالة والمتاجرة بالدماء

بس كده .. لا أكتر ولا أقل

الاتهام بالقتل مش شغلتى .. وانا منتظر زيك نشوف مين اللى حيُتهم بالقتل

دا إن لم يكن "الحبيب المجهول" اللى بقالنا اربع سنين بنقول عليه

مش احنا بس اللى زارنا الحبيب المجهول .. لأ دى خمس دول تانية تتشابه ظروفها مع ظروفنا

بس الحمد لله أربعة منها انهارت (العراق ، سوريا ، ليبيا ، اليمن)

ومازالت المحاولات شغالة معانا والله أعلم باللى حيحصل فى تونس

هناك فيديو منتشر على النت يتهم هذا النذل بالقتل

كان بإمكانى وضعه .. ولكنى - كماقلت - لست جهة تحقيق أو اتهام

يا مان ما نت حطيت الفيديو فعلا ..ماهو ده الراجل اللى حاطط ايده فى جيبه واللى حضرتك جبت فيديو بيقول انه كان حاطط فرد خرطوش فى جيبه وهو اللى قتلها ((منهم فيهم يعنى)) .. عامة الفيديو اتحذف عن طريق اللى عمله اصلا نظرا لسذاجته الشديده .. وكمان حضرتك جايب صور لنفس الراجل انه بيشاور لواحد انه يصور بينما الراجل كان حاطط ايده على مكان ما اتصاب سواء بشظيه او بلية خرطوش او ما شابه على حد قوله فى لقاءه مع بلدياتى بن شردى .. وبعدين محدش بصراحه كان يتوقع ان حتى لو الداخليه حتضرب خرطوش عشان تفرق المظاهره ان ضارب الخرطوش حيستهدف ست .. وفى مقتل .. انا حاسس ان لو الداخليه ذاتها اعترفت بتورط احد افرادها فى قتل شيماء بالخطأ .. وقدمت اعتذار ..حيطلع برده ناس تبرر وتكدب الداخليه وتقول انها ادعت ده على نفسها كده ظلما وعدوانا ارضائا للحزب الاشتراكى الذى تنتمى له شيماء!!!

عامة ارجع واقول .. ارجع واقوووووول .. مع الاعتذار لجاهين والرومى

رحمة الله عليها .. دمها راح هدر.. زيها زى كتير ماتوا قبلها سواء من الشعب او الشرطه او الجيش.. ومتعرفش او متحاكمش اللى قتلوهم

تم تعديل 28 يناير 2015 بواسطة التونسى

[أبو محمد]

يا مان ما نت حطيت الفيديو فعلا ..ماهو ده الراجل اللى حاطط ايده فى جيبه واللى حضرتك جبت فيديو بيقول انه كان حاطط فرد خرطوش فى جيبه وهو اللى قتلها ((منهم فيهم يعنى)) .. عامة الفيديو اتحذف عن طريق اللى عمله اصلا نظرا لسذاجته الشديده .. وكمان حضرتك جايب صور لنفس الراجل انه بيشاور لواحد انه يصور بينما الراجل كان حاطط ايده على مكان ما اتصاب سواء بشظيه او بلية خرطوش او ما شابه على حد قوله فى لقاءه مع بلدياتى بن شردى .. وبعدين محدش بصراحه كان يتوقع ان حتى لو الداخليه حتضرب خرطوش عشان تفرق المظاهره ان ضارب الخرطوش حيستهدف ست .. وفى مقتل .. انا حاسس ان لو الداخليه ذاتها اعترفت بتورط احد افرادها فى قتل شيماء بالخطأ .. وقدمت اعتذار ..حيطلع برده ناس تبرر وتكدب الداخليه وتقول انها ادعت ده على نفسها كده ظلما وعدوانا ارضائا للحزب الاشتراكى الذى تنتمى له شيماء!!!

عامة ارجع واقول .. ارجع واقوووووول .. مع الاعتذار لجاهين والرومى

انت قريت تعليقى على الفيديو المحذوف من اليوتيوب ؟

ده اتهام يا شاعر ؟ ركز معايا الله يخليك

الفيديو موجود ومش حانزله تانى .. لأنى لا أتهم أحدا بقتلها

وأنا مش مبرراتى .. أنا فقط أرفض إدانة الشرطة كما تسابق البعض تصريحا وتلميحا

وياريت يا أخى النيابة تطلع تقول إن الشرطة على الأقل نقرا حاجة تانية غير الهرى اللى شغال ده

وبعدين الصور قدامك .. فين الإصابة بتاعته ؟ .. فين أى حد تانى مصاب ؟

زى عماد عفت كده .. الدفعة كلها جت فيه ومفيش حد جنبه اتصاب

لوانت مش مصدق حكاية التصوير والمتاجرة شوف الصورة دى تانى